Abahinduranya nk'akenda k'imbere! Sharifa wahoze ari umugore wa Jay Polly yateye indobo umusore wari waramwambitse impeta ahita yikundanira n'undi musore mushya.
Uwimbabazi Sharifa wahoze ari umugore wa Jay Polly yabenze Aimé Nshogoza wari uherutse kumwambika impeta, yinjira mu rukundo rushya n'umusore witwa Mutangana Destiny.
Mu 2020 ni bwo Uwimbabazi Sharifa yeruye ko yatandukanye na Jay Polly icyo gihe ahishura ko afite umukunzi mushya Aimé Nshogoza ndetse nyuma aza no kumwambika impeta.
Nyuma yo kwambikwa impeta, amakuru avuga ko urukundo rw'aba bombi rwatangiye kugenda ruyenga gahoro gahoro kugeza ubwo mu minsi ishize byamenyekanye ko Uwimbabazi Sharifa asigaye afite umukunzi mushya wa Mutangana Destiny.
Ni amakuru Uwimbabazi Sharifa yahamirije ikinyamakuru IGIHE nyuma yo gusohora amafoto bari muri Pariki y'i Nyandungu.
Uwimbabazi yagize ati 'Turakundana kandi rwose ndabizi neza ko ari we ugiye kumpindurira ubuzima.'
Umushoferi wa Sosiyete itwara abagenzi ya KBS, yarwanye mu buryo bukomeye n'ushinzwe kugenzura ko abagenzi bishyuye bakoresheje ikarita y'ikoranabuhanga ya Tap&Go, bapfa ko hari umugenzi umwe wamwishyuye mu ntoki.
Iyi mirwano yabereye ku Mulindi mu Karere ka Gasabo mu mpera z'icyumweru gishize.
Abatangabuhamya babwiye IGIHE dukesha iyi nkuru ko ushinzwe kugenzura ko abagenzi bishyuye bakoresheje Tap&Go yinjiye muri bisi asanga hari umugenzi wishyuye umushoferi mu ntoki ahita amufata mu mashati amukubita mu buryo bukomeye.
Ngo ibi byatumye n'abagenzi bari muri iyo bisi bahita batangira gukubita uyu mugabo ku buryo inzego z'umutekano ari zo zahosheje iyo mirwano.
Mu buhamya bwe, Umugabo witwa Hagenimana Aimable avuga ko amakimbirane y'igihe kirekire yagiranaga n'umugore we yatumye ava mu rugo ajya mu gihugu cya Uganda, ubuzima buramukomerera agera n'aho atangira guhingira amafaranga bubyizi kandi yari umuganga mu Rwanda. Ubuzima bwaramubihiye agaruka iwe.Â
Hagenimana, ibi yabigarutseho mu kiganiro kirimo ubuhamya bw'ibyamubayeho yahaye abayoboke b'Itorero rya Pantekote mu Rwanda (ADEPR) bagize ururembo rwa Nyabisindu. Hari mu giterane cyo kwigisha Abakirisito uburyo bwo guhinduka byuzuye. Ni igiterane cyabanjirijwe n'urugendo rwo kwamagana amakimbirane mu muryango.
Hagenimana atanga ubuhamya bw'ibyo amakimbirane yamukoreye. Uwo bari kumwe ni umugore we.
Yavuze ko yamaze hafi imyaka 16 mu makimbirane n'umufasha we aho kuva bashakana mu mwaka wa 2003 kugera ahagana 2018 babanaga nabi kugera n'aho ava mu rugo akajya mu gihugu cy'abaturanyi cya Uganda kubera ibigare by'abamushoraga mu tubari kunywa inzoga n'ingeso mbi zirimo no kwishora mu busambanyi.
Yagize ati' Kuva mu mwaka wa 2003 maze gukora ubukwe ninjiye mu makimbirane n'umufasha wanjye biturutse ku bigare nabagamo byaje kunjyana no mu ngeso mbi zirimo ubusambanyi no kunywa inzoga. Ahagana muri 2015 naranafungwaga kubera ibyo bigare, natwaye imodoka nasinze ndetse nza kujya mu Bugande mpunze urugo kugirango ngire amahoro ariko bimbera bibi kuko ngezeyo ubuzima bwanze ngatangira guhingira amafaranga bubyizi kandi naravuye hano ndi umuganga wari witunze mfite n'ubuzima bwiza'.
Umufasha we witwa Muratwa Ignaciana, avuga ko amakimbirane y'abashakanye ateza igihombo ku muryango, ariko by'umwihariko abana bakaba aribo bahababarira kubera ko ababyeyi baba bari mu ntonganya za hato na hato ntibabonere abana umwanya.
Yagize Ati' Njyewe n'umugabo wanjye twabanye igihe kirekire ariko igihombo gikomeye ni uko n'ibyo nakoraga byose nabaga ntatuje, kwita ku bana bikagorana kuko twebwe tuba turi mu ntonganya ugasanga ntabwo babonewe umwanya ufatika kuko ababyeyi tutumvikana ku bibazo byacu'.
Umushumba Mukuru wungirije akaba n'umuvugizi wungirije w'Itorero rya ADEPR, Rev Rutagarama Eugene avuga ko akenshi ibibazo bigaragara mu miryango by'amakimbirane bikomoka ku buryo abubaka ingo bamenyana ubwabo ntibabashe guha umwanya umuryango kugirango ubashe kubaha inzira nziza yo kubana neza, kubahana no guhana umwanya bakaganira ku bibazo byabo.
Akomeza yibutsa ko urugo rupfira mu itangira kuko akenshi abashakana baba bataramenyana ngo bahuze imico yabo kugirango bazabashe kwihanganirana mu gihe bagiranye ibibazo.
Rev. RutagaramaÂ
Umuyobozi w'Akarere ka Muhanga wungirije ushinzwe iterambere ry'Ubukungu, Bizimana Eric avuga ko amakimbirane hagati y'abashakanye agomba guhagurukirwa bigaca mu madini n'amatorero. Ahamya ko aha ariho habonekera umusaruro kuko ukwemera kwayobora abakirisito bakagira imiryango ibanye neza, ibanye nabi ikaganirizwa ikerekwa inzira ikwiye gukoresha ikirinda ibiyitandukanya n'Imana.
Kugeza ubu benshi mu babaye muri ibi bibazo by'amakimbirane yo mu muryango n'abagiye bamenya byinshi mu bibazo biyazamura, bemeza ko amakimbirane atuma umuryango utabasha gutera imbere bitewe n'uko buri wese aba yirebaho, yirwanirira ndetse ugasanga hari umwe uhohotera mugenzi we bagahora mu ntonganya zitandukanye zitagize icyo zifasha mu iterambere zishobora no gutuma abana bava mu muryango bakajya gushaka amahoro ahandi cyangwa ababyeyi bakicana.
Mu kwezi gutaha kwa Nzeri, U Rwanda ruzahabwa igisubizo cya nyuma ku busabe bwarwo bwo gushyira inzibutso enye za Jenoside, ku rutonde rw'ibigize Umurage w'Isi wa UNESCO.Â
Imyaka irarenga icumi u Rwanda rusabye ko Inzibutso enye za Jenoside urwa Kigali , Murambi, Nyamata na Bisesero zandikwa mu murage w'Isi wa UNESCO .
Byatangajwe kuri uyu wa 14 Kanama 2023, Â mu nama mpuzamahanga yiga ku kwandikisha umurage ndangamuco muri UNESCO ibera I Kigali ihuje inzobere zituruka mubihugu bitandukanye bya Afurika.Â
Ibihugu bya Afurika bigaragazwa kutanyurwa n'uburyo ibikorwa by'umugabane byanditswe mu Umurage w'Isi wa UNESCO ari bicye cyane kandi hari byinshi biri muri Afurika byakabaye birimo. Impmvu nyamukuru ngo ni uko usanga ibisabwa na UNESCO bigoye bityo ngo ibihugu bya Afurika bikwiye guhuza ijwi rishyira igitutu kuri  UNESCO ikorashya ibisabwa kugirango ibikorwa bya Afurika bijya mu murage w'isi bibe byinshi.
 Madame MOHLAGO FLORA MOKGOHLOA umuyobozi wungirije w 'ikigo cya Leta ya Afurika y'epfo .
Ati  'UNESCO ibifite ibyo igenderaho mu kwemeza igikorwa kijya mu murage w'isi ,usanga rero inzira unyuramo kugirango ubyuzuze zisaba amikoro menshi ariko ndizera ko Afurika dushoboye kuba twashyira igitutu kumuryango mpuzamahanga hakoroshwa ibyo bigenderwaho kugirango ibikorwa by'umugabane wacu bigaragare ari byinshi mu murage w'isi wa UNESCO.'
Kugeza ubu ibihugu  12 bya Afurika birimo n'u Rwanda  ntibigira  igikorwa na kimwe cyanditse mu murage w'Isi wa Unesco. Muri 2012 u Rwanda nibwo rwatangiye urugendo rwo gusaba ko Imyaka irarenga icumi u Rwanda rusabye ko Inzibutso enye za Jenoside arizo urwa Kigali , Murambi, Nyamata na Bisesero zandikwa mu murage w'Isi wa Unesco .
Minisitiri w'ubumwe bw'Abanyawanda N'inshingano mbonera gihugu avuga ko igusubizo cya Nyuma bazagihabwa mu kwezi gutaha kwa cyenda mu nama iteganyijwe kubera muri Arabia Saoudite. DR BIZIMANA Jean Damascene ni Minisitiri w'ubumwe bw'Abanyarwanda n'inshingano mboneragihugu.
Ati ' iyo nama izabera muri Arabiya saoudite niyo izafatirwamo icyemezo kubireba inzibutso z'u Rwanda enye ,urwibutso rwa Kigali ruri ku Gisozi, u Rwa Bisesero , I Nyamata na Murambi , Unesco yohereje mu Rwanda impuguke inshuro zitandukanye zigasura izo nzibutso bakatwereka ibigomba kunozwa hari n'amasezerano asanzwe ariho ni amasezerano yo mu mwaka w'1972 niyo akubiyemo akurikizwa kugirango ahantu ana naha si urwibutso gusa habe hakwemererwa kwinjira mu murage w'isi ni ukuba hagaragzwa ko hafite indangagaciro idasanzwe kandi ifite icyo igaragza ku rwego mpuzamahanga inzibutso zacu rero twerekana ko zifite ibintu byinshi bidasanzwe kuko icyaha mpuzamahanga kandi ndengakamere murumva aho ngaho ku rwego mpuzamhanga birahari.'
Usibye Inzibutso enye za Jenoside u Rwanda rwasabye ko zijya mu murange w'isi wa Unesco ,rwanasabye ko n' Ishyamba rya Kimeza rya Nyungwe naryo rijyamo. Nubwo ibihugu bya Afurika bitandukanye bishaka ko ibikorwa byayo bishyirwa ari byinshi mu murage w'ISI WA Unesco kurundi ruhande hari ibihugu binengwa ko bitabasha gucunga neza bimwe mubikorwa biba byamaze gushyirwa mu murage w'Isi. Icyakora u Rwanda rwo ruvuga ko rutamera nkabyo kuko ngo rwiteguye kubahiriza ibisabwa byose mu kubungabunga ibikorwa byashyirwa mu murage w'isi. DR BIZIMANA Jean Damascene, Ministiri w'ubumwe bw'abanyarwanda  arakomeza.
Ati ' Twebwe u Rwanda twerekana ko dufi ubushobozi dufite ubushake dushingiye ku mategeko dufite dushingiye kuri politiki y'igihugu dushingiye no kuri gahunda ndende ya vision u Rwanda ruba rugenderamo.'
Kuri ubu I Kigali hateraniye inama mpuzamahanga y'iminsi itanu yiga ku kwandikisha Umurage Ndangamuco ihuje impuguke ziturutse mubihugu bitandukanye bya Afurika zigira hamwe icyakorwa ngo ibikorwa ndangamurage bya Afurika byandikwe muri UNESCO.
Zaria Court izubakwa i Remera, hafi ya Stade Amahoro hahoze hakorerwa n'Ikigo cy'Igihugu cy'Ubuzima (RBC), ahangana na hegitari 2,4. Ubwo butaka Masai Ujiri yabuhawe na Leta y'u Rwanda muri Nyakanga 2021.
Perezida Kagame yashimiye Masai Ujiri ku bikorwa bitandukanye akomeje gukora mu Rwanda, avuga ko ari 'umukozi' ndetse ibintu byose ashaka abigeraho, uretse kimwe cyamunaniye, guhindura Umukuru w'Igihugu umufana wa Toronto Raptors abereye umuyobozi.
Ati 'Masai ni umukozi kandi ikimenyetso ni ikiduteranyirije hano. Ibintu byose arabishoboye, ariko icyamunaniye ni ukumpindura nkafana ikipe ayobora ya Toronto Raptors. Gusa, naravuze nti niba ntacyo bitwaye gufana amakipe abiri, ndongeraho Toronto, ariko ikipe ya mbere yanjye mfana ni Golden State Warriors.'
Yavuze ko kandi kubona ibikorwaremezo nk'ibi mu Rwanda bizafasha kuzamura siporo n'ibindi bikorwa muri Afurika afatiye urugero ku buryo bamwe mu bayobozi b'ibihugu bya Afurika baza i Kigali bahakura intego yo kubaka inzu z'imyidagaduro zimeze nka BK Arena.
Ati 'Gusa, turishimira ko twashoboye gukorana, hari byinshi byagezweho harimo n'iyi Zaria Court n'ibindi biyikikije. Ntabwo bigarukira hano, bizagera hirya no hino mu Rwanda, mu Karere no ku Mugabane [wa Afurika]. Masai yavuze uburyo twahuriye muri Toronto ubwo yari yantumiye ku mukino wa [NBA] All-Star bikavamo igitekerezo cyo kubaka Arena [BK]. Benshi mu bayobozi bo muri Afurika badusuye hano, bahavanye igikerezo cyo kubaka Arena n'iziyirenze.'
Yakomeje ati 'Turizeza ko nk'igihugu tuzakora ibishoboka byose. Kukugira nk'umufatanyabikorwa bizadufasha kugera ku rwego dushaka kugeraho harimo no kubona impano kandi ntibizahagarara.'
Masai Ujiri yashimiye abantu n'inzego zitandukanye zifite uruhare mu ishyirwa mu bikorwa ry'uyu mushinga mugari, avuga ko siporo ikwiye kurenga uko ifatwa ku Mugabane wa Afurika, ikareberwa mu ndorerwamo y'amarushanwa n'ubukungu.
Ati 'Ni umwanya wuje ibyishimo kuba twiyizera nk'Abanyafurika. Dukwiye kurekeraho kureba siporo nk'umwanya wo kuruhuka kuri uyu Mugabane, ahubwo nk'umwanya wo kurushwana no kuzamura ubukungu bwacu. Usanga Afurika ifite impano gusa, kuki tutakwishakamo n'ibikorwaremezo bidufasha kugera ku byo twifuza? Turashaka guha amahirwe urwo rubyiruko rwacu.'
Iki gikorwaremezo kizatahwa mu ntangiriro za 2025, kigiye kubakwa i Remera mu gace kahariwe ibikorwaremezo bya siporo kazwi nka 'Kigali Sports Hub' karimo Stade Amahoro na Petit Stade ziri kwagurwa ndetse na BK Arena yubatswe mu 2019.
Uyu mushinga ni wo wa mbere wa 'Zaria Court' kuri uyu Mugabane wa Afurika, ukazaba ugizwe na hoteli ifite ibyumba 80, za restaurant, aho gufatira amafunguro n'ibinyobywa hejuru ku gisenge, gym, aho kwisanzurira, aho gukorera na studio y'ibiganiro.
Binyuze mu muryango Giants of Africa, Masai Ujiri ateganya kubaka ibibuga bitandukanye mu Rwanda birimo icy'i Rwamagana mu Agahozo-Shalom cyatashwe ku wa 13 Kanama n'icya Club Rafiki cyavuguruwe. Hari ikindi cyubatswe ku Kimisagara kiri kumwe n'icya Handball ndetse n'ibindi bizashyirwa i Rubavu, Rusizi n'i Huye.
Biteganyijwe ko kizatanga akazi ku bagera kuri 500 mu bijyanye no kwakira abantu n'ubukerarugendo ubwo kizaba gitangiye ibikorwa byacyo muri Gashyantare 2025 mu gihe imirimo yo kucyubaka iteganyijwe kurangira mu Ugushyingo 2024.
Nyuma y'umukino APR FC yatsinzwemo na Rayon Sports, Umunya-Sudani, Sharaf Eldin Shaiboub Ali Abdelrahman yaciye bugufi imbere y'abafana maze ategeka bagenzi be nabo kubasaba imbabazi bakabizeza ko ubutaha bazatsinda.
Wari umukino w'igikombe kiruta ibindi mu gihugu 'Super Cup' wabaye ku wa Gatandatu tariki ya 12 Kanama 2023 kuri Kigali Pelé Stadium.
Uyu mukino warangiye Rayon Sports itsinze APR FC ibitego 3-0, ibintu byatunguye benshi.
Nyuma y'uyu mukino abakinnyi ba APR FC bagiye gushimira abafana maze Shaiboub mu gihe abandi basaga n'abahagaze, we yaciye bugufi imbere y'abafana ari ko ababwira ati 'mwihangane'.
Uyu mukinnyi utaranyuzwe n'uko bagenzi be bari bahagaze gusa bareba, yahise abasaba gusaba imbabazi abafana bakabizeza ko umukino utaha bazawutsinda.
Ati 'murebe abafana, mubarebe, mubabwire ko ubutaha tugomba gutsinda ku bwabo, mubarebe, mutwihanganire.'
APR FC izagaruka mu kibuga ku wa Gatandatu w'icyumweru gitaha tariki ya 19 Kanama 2023 ikina umukino ubanza w'ijonjora rya mbere rya CAF Champions League na Gaadiika yo muri Somalia
Polisi ikorera mu karere ka Nyanza mu murenge wa Busasamana yataye muri yombi umusore w'imyaka 17 y'amavuko akurikiranyweho gusambanya umwana ufite imyaka ine y'amavuko.
Bivugwa ko uyu mwana yari uwo Murugo uyu musore ukomoka mu Kagari ka Nzaratsi, Umurenge wa Murundi mu Karere ka Karongi yakoragamo.
Amakuru yaje kumenyekana nyuma yuko Umwana yumvise aribwa mu gitsina nibwo kujya kubibwira Se, amutekerereza uko undi yabigenje.'
Umunyamabanga Nshingwabikorwa w'Umurenge wa Busasamana Egide Bizimana yemeje ko iyo ngimbi yatawe muri yombi nkuko Taarifa ibitangaza dukesha iyi nkuru.
Ati: 'Umwana yagejejwe kwa muganga ku bitaro Bikuru bya Nyanza, naho ukekwaho icyaha yajyanwe kuri sitasiyo ya Polisi ya Busasamana.'
Uriya musore ngo yaje i Nyanza ashaka akazi, abona ako kuragira inka.
Rutahizamu wa Rayon Sports ukomoka muri Uganda, Charles Baale yihaye intego zo guhesha iyi kipe igikombe cya shampiyona no kuyifasha kwitwara neza mu mikino Nyafurika.
Ku wa Gatandatu tariki ya 12 Kanama, Rayon Sports yari yakinnye na APR FC muri Super Cup umukino warangiye batsinze APR FC 3-0.
Ni umukino wakinwe na rutahizamu ukomoka muri Uganda Charles Baale, Rayon Sports iheruka kugura ndetse ni na we watsinze igitego cya mbere cy'iyi kipe yambara ubururu n'umweru.
Nyuma y'uyu mukino, Charles Baale yabwiye ISIMBI ko yishimiye gutsindira Rayon Sports igitego cye cya mbere. Ati 'ndumva nishimye, ndishimye cyane ku bw'igikombe twegukanye n'igitego cyanjye cya mbere.'
Yakomeje avuga ko ubu umukoro ukurikiyeho kuri we ari ugufasha ikipe ye kwitwara neza mu mikino Nyafurika no kwegukana igikombe cya shampiyona.
Ati 'Ubu urugamba rukurikiyeho ni ukugeza ikipe yanjye mu matsinda ya CAF Confederation Cup no kwegukana igikombe cya shampiyona.'
Yasabye abafana kwihanga kuko nabo ibyo barimo gukora ari bo babikorera. Ati 'bihangane kandi batuze, tugiye gukora cyane ku bwabo.'
Charles Baale ni rutahizamu ukomoka muri Uganda wasinyiye Rayon Sports amasezerano y'imyaka 2 muri Nyakanga 2023, yaje muri iyi kipe asangamo abandi bakinnyi bagenzi be bakomoka muri Uganda nka Esenu Moussa, Ojera Joackiam ndetse n'umunyezamu Simon Tamale.
Ikipe ya Rayon Sports yatumiye abafana b'iyi kipe kuza kureba umukino wa gishuti izakina n'ikipe ikomeye muri Afurika yose.
Kuri uyu wa kabiri ikipe ya Rayon Sports irakina umukino wa gishuti n'ikipe ya Al-Merriekh yo mu gihugu cya Sudan imaze iminsi irimo kwitegura imikino nyafurika hano mu Rwanda.
Ikipe ya Rayon Sports ibinyujije kumbuga nkoranyambaga zayo yatangaje ko ku munsi wejo izakina n'iyi kipe ndetse ko umukino uzabera ku kibuga iyi kipe ikoreraho imyitozo cya Nzove Complex Stadium. Kwinjira ni ibihumbi 3 ahasanzwe ndetse n'ibihumbi 10 ahatwikiriye.
Umunyamakuru hano mu Rwanda uzwi kw'izina rya Lucky Nizeyimana yasabye imbabazi aba-Rayons kubera ibintu yakoze ubwo yakinaga na APR FC.
Uyu mugabo yavuze ko yari yateze ko ikipe ya APR FC iratsinda Rayon Sport igitego kimwe ku busa ariko ntibyaba none akaba ari gusaba imbabazi aba-Rayons.
