Author: webrwanda

Banki Nkuru y'u Rwanda, yatangaje umuti urambye wo guhangana n'izamuka  ry'ibiciro by'ibiribwa ari uko  igihugu cyashaka uburyo hakorwa ubuhinzi budashingiye ku kirere, kuko imihindagurikire yacyo ariyo ikomeza gutuma hataboneka umusaruro uhagije w'ubuhinzi, bityo n'ibiciro by'ibiribwa ku masoko bikarushaho kuzamuka. 

Ibi Banki nkuru yabitangaje kuri uyu wa 17 Kanama 2023, ubwo yatangazaga ibyemezo bya  Komite ya Politiki y'Ifaranga y'igihembwe cya kabiri cy'uyu mwaka.

Banki nkuru yagaragaje ko umuvuduko w'izamuka ry'ibiciro by'ibiribwa wagabnutse mu gihembwa cya kabiri cy'uyu mwaka ugera kuri 40.4%  uvuye kuri 48.8% mu gihembwe cya mbere . Nubwo bimeze gutya ariko Gusa BNR igaragza ko ikurikije uko ibintu bimeze isanga n'ubundi umuvuduko w'izamuka ry'ibiciro by'ibiribwa ukiri hejuru. Guverineri  wa Banki nkuru John RWANGOMBWA agaragza ko imihingarukire y'ikirere ari imwe mu mpamvu nyamukuru ituma ibiribwa ku masoko bikomeza guhenda kubera ko ubuhinzi buba butagenze neza. Guverineri Rwangombwa akagaragaza ko umutira urambye w'iki kibazo ari uko igihugu cyahska uburyo hatezwa imbere  ubuhinzi butagendeye ku Kirere.

Ati ' Ubushize twari twabonye ivura twizeye y'uko igihembwe cya kabiri kirangira mu kwa 6 kizaba gimeze neza ariko irangije ihagararara mbere y'ibyumweru bibiri abantu bamwe imyaka irapfa kandi twabona ibintub byose  bimeze neza ni ikibazo cyugarije Isi ubwo igisubizo ni uko iyo urebye Leta ibyo irimo irakora ni ukugeregza gufasha abantu kubaha ubushobozi bwo kuba bahinga badashingiye ku kirere gusa niwo muti urambye.'

Muri rusange Ubu umuvuduko w'izamuka ry'ibiciro mu Rwanda ugeze kuri 11,9%.

Gusa BNR ivuga ko ishyize imbaraga mu gufata ingamba zigabanya umuvuduko w'izamuka ry'ibiciro ku masoko, aho yizeye ko mu mpera z'uyu mwaka uzaba wageze ku 8% ndetse umwaka utaha ukagera mu mbago fatizo ya 5%.

Icyakora iri teganya mibire rishobora guhura n'imbogamizi kuko hakiri ingorabne ku rwego mpuzamahanga  zituruka ku ihagarikwa ry'amasezerano yiswe Black sea Grain Deal areba n'ikomorerwa ry'ibinyampeke  bikomoka muri Ukraine binyuzwa ku cyambu cy'inyanja y'umukara, icyemezo cyo kubanya umusaruro w'ibikomoka kuri Peterole cyafashwe n'ibihugu biyicukura bikanayohereza ku rwego mpuzamahanga hakiyongeraho n'imihindagurikiye y'ikirere ishobora kugabanya umusaruro w'ubuhinzi.

 Gusa BNR ivuga ko ibi ibikurikirani hafi igafata ingamba zikwiye zirimo no kuba ubu yazamuye inyungu fatizo yayo  ku ikagera  kuri 7.5%

Ati 'Tubabwiye y'uko inflation (Umuvuduko w'izamuka ry'ibiciro) irimo kumanuka tuzagera mu kwezi kwa 12 iri munsi y'8% ariyo ntego yacu,muri 2024 bitewe n'uko ubuhinzi buzagenda imibare twatanze yo mu mwaka wa 2024 twizeye ko ubuhinzi buzagenda neza izaba ari muri 5%, so ni ibyo ibyemezo twafashe n'ibyafashwe n'izindi nzego n'ibyafashwe ku rwego mpuzamahanga n'uko byagabanyije kuriya kuzamuka bikagusubiza hasi icyemezo cyafashwe uyu munsi ni ukuvuga ngo ibi twagezeyo ni ukubishimangira.'

Muri rusange BNR ivuga ko ubukungu bw'u Rwanda bukomeje kwitwqara nez. Gusa ariko icyuho mubucuruzi hagati y'u Rwanda n'amahanga gikomeje kwiyongera bitewe n'uko ingano y'ibitumizwa mu mhanga ikomeje kuruta iyo ibyoherezwayo.

Daniel Hakizimana

The post BNR yagaragaje icyaba umuti urambye w'izamuka ry'ibiciro by'ibiribwa appeared first on FLASH RADIO&TV.

Source : https://flash.rw/2023/08/17/bnr-yagaragaje-icyaba-umuti-urambye-wizamuka-ryibiciro-byibiribwa/?utm_source=rss&utm_medium=rss&utm_campaign=bnr-yagaragaje-icyaba-umuti-urambye-wizamuka-ryibiciro-byibiribwa

Josh Ishimwe witegura igitaramo cye cya mbere mu mpera z'iki Cyumweru tariki 20 Kanama 2023 muri Camp Kigali, yavuze aho gusubiramo indirimbo zihimbaza Imana byaturutse.

Ati: ''Mbere na mbere ndashimira Imana yanshoboje gutangira uyu murimo, ni ibintu nari mfite nk'inzozi kuva niga Marie Merci i Kibeho, ari na ho nakuye igitekerezo cyo gukora zino ndirimbo zakunzwe zo mu Kiliziya.

Nagendaga nzumva nkazikunda za Reka ndate Imana, Urumuri rutazima, Sinogenda ntashimye n'izindi. Najyaga nzumva nkazikunda cyane ndetse n'izindi z'abarokore nakoze najyaga numva muri eglise mu rugo bisanzwe.''

Josh Ishimwe ari kwitegura guhuriza abakunzi b’indirimbo ze mu gitaramo kizaba kuri iki cyumweru muri Camp Kigali

Josh ukunzwe mu ndirimbo “Reka Ndate Imana Data”, aganira na Isimbi Tv yavuze ko kuva icyo gihe yatangiye gusaba Imana ubushobozi kugira ngo azakore neza izo ndirimbo zitandukanye yajyaga abona zikunzwe muri kiliziya no mu nsengero zitandukanye akiga mu yisumbuye.

Ati: ''Igitekerezo rero kiza mvuga ngo nzagerageza nkore ibishoboka byose Imana ninshira inzira nzazikore. Rero igihe cyari iki ngiki kugira ngo nzikore, kandi abantu barazikunda cyane kuko iyo watangiye kubona indirimbo irebwa n'abantu miliyoni, ukabona ‘feedback’ nyinshi cyane haba abanyarwanda, abarundi, abadiaspora, n'abandi benshi. Byarenze n'abanyarwanda noneho bijya no mu banyamahanga.''

Nyuma yo kubona ko ibyo akora bikunzwe n'abatari bake, ni bwo Josh Ishimwe yatekereje guhuriza hamwe abakunzi be mu gitaramo cyo gusingiza Imana kizabera muri Kigali Conference and Exhibition Village ahazwi nka Camp Kigali kuri iki Cyumweru tariki 20 Kanama, akakita ''Ibisingizo bya Nyiribiremwa.''

Abakunzi b’indirimbo zakunzwe cyane zirimo Reka Ndate Imana, Sinogenda ndashimye n’izindi, Josh yavuze ko bazaziririmba imbona nkubone bigatinda

Yagize ati: ''Ni bwo nahise nibaza ese igihe cyari iki ngiki ntangire noneho ndebe ko nahuza abo bantu bose dusingize Imana? By'umwihariko noneho ni igitaramo kidashingiye ku idini kuko muri kiriya gitaramo hazaba harimo korali yo muri Kiliziya Gatolika yitwa Christus Regnat na Alarm Ministries y'abarokore.''

Ati: “Ni ibisingizo bya Nyiribiremwa. Ni ugusingiza Imana twe twaremwe dusingiza Imana itugejeje magingo aya tukiri bazima. Urumva ni igitaramo kitazaba gishingiye ku idini runaka kuko rwose Padiri azaba yicaranye na Pasiteri, n'abandi benshi. Ni igitaramo kizaduhuza twese hamwe, abantu bose baremwe n'Imana tuje kuyisingiza”.

Josh yavuze ko iki gitaramo nta dini na rimwe gishingiyeho bityo ko abantu bose Imana yaremye bemerewe kuza kuyisingiza

Josh Ishimwe yabwiye abazitabira igitaramo cye kwitega ko hazaba hari ubwiza bw'Imana ndetse n'ibindi bintu byiza. Ati: ''Ikintu cya mbere ni uko hazaba hari presence y'Imana. Ni ukuvuga ngo igitaramo twakora cyose twakora tuvuga ngo turasingiza Imana yo ubwayo idahari ntacyo byaba bimaze”. 

“Kandi buri wese azaze yiteguye ko azabona Imana, ushobora kutayibonesha amaso yawe ariko ukayumva muri wowe. Ikindi turimo turategura ibintu byiza, harimo byinshi bizatungurana. Navuze abahari, ariko hari n'abandi basobora gutungurana.''

Josh yanakomoje ku muntu wigeze kumuhanurira ko azakora igitaramo nk'iki k'Ibisingizo bya Nyiribiremwa agiye gukora.

Yagize ati: ''Inzozi narotaga zigiye gusohora zigendanye n'iki gitaramo. Urebye si no kubirota neza ahubwo hari umuntu wigeze kubimpanurira kera.''

Josh kandi yavuze ko akunda Mama we cyane ndetse ko anamushimira kubwo kumurera neza no kumutoza gukunda Imana.

Ati: 'Mama ni byose! Namubwira ko musabira umugisha ku Mana, yarakoze kundera neza no kuntoza gukunda Imana. Ikindi namubwira, ni uko mu gitaramo azishima, azaterwa ishema n'umuhungu we. Ni we wanyigishije indirimbo nyinshi nka Sinogenda ntashimye kuko yarayikundaga kuva kera cyane.''

Josh Ishimwe yavuze ko mu myaka 22 amaze ku isi, ubuzima bwamwigishije guca bugufi no kwitonda muri byose.

Yagize ati: “Mperutse kuririmba ahantu hari haje umubyeyi wacu First Lady numva abivuzeho nawe ko umuntu wicisha bugufi ashyirwa hejuru, ariko uwishyira hejuru ashyirwa hasi. Ni na byo byabaye kuri satani yishyize hejuru birangira bimubayeho ava mu ijuru ajya hasi.''

Yakomeje avuga ko yishimiye cyane kuba yaragiriwe umugisha wo kuririmbira ahantu hari Nyakubahwa Madamu Jeanette Kagame, byongeye kandi akanahaguruka akizihirwa, ibintu avuga ko zari inzozi ze kuva kera.

Kwinjira muri iki gitaramo Josh Ishimwe yise “Ibisingizo bya Nyiribiremwa”, ni 5,000 Frw mu myanya isanzwe, 10,000 Frw mu myanya y’imbere, 15,000 Frw muri VIP ndetse na 20,000 Frw muri VVIP. Ameza y’abantu batanu ni 250,000 Frw, bivuze ko umuntu umwe ari 50,000 Frw.

Amatike ari kuboneka ku Isomero rya Regina Pacis, Zion Temple Gatenga, Bethesda Holy Church Gisozi, Sainte Famille, EAR Remera, Camelia (CHIC). Kuri Momo ni *182*8*1*604473#. Ushobora no kugura itike kuri interineti unyuze kuri www.eventixr.com. Kanda HANO ugure itike. Ukeneye ko bayikugezaho aho uri wahamagara nimero: 0782051627.

Josh Ishimwe aherutse kubwira InyaRwanda ko muri iki gitaramo ari gutegura hazabonekamo ibyishimo bidasanzwe no gutaramira Imana, ndetse akaririmbira abakunzi be imbona nkubone bagafatanya kuramya Nyagasani

Josh Ishimwe aherutse kuririmba inshuro ebyiri mu cyumweru kimwe mu masengesho yitabiriwe n’abarimo Madamu Jeannette Kagame

REBA “SINOGENDA NTASHIMYE” YASUBIWEMO NA JOSH ISHIMWE

Source : https://inyarwanda.com/inkuru/133250/ishimwe-josh-yagarutse-ku-rugendo-rwe-mu-muziki-nibyo-kwitegwa-mu-gitaramo-ibisingizo-bya–133250.html

Umuhanzi Davido utegerejwe gutaramira i Kigali ku wa Gatandatu tariki 19 Kanama 2023, yageze i Kigali kuri uyu wa 17 Kanama 2023.

Amakuru dukesha ikinyamakuru IGIHE avuga ko uyu muhanzi yageze i Kigali mu gitondo cyo kuri uyu wa Kane.

Abinyujije ku mbuga nkoranyambaga, Davido yateguje abakunzi be igitaramo agombaga gukorera i Kigali, ati 'Mu mpera z'icyumweru nizere ko tuzaba turi kumwe i Kigali.'

Iki gitaramo giteganyijwe gutangira saa Munani n'igice z'amanywa zo ku wa 19 Kanama 2023.

Ni igitaramo giteganyijwe kuririmbamo abahanzi nka Davido, Tiwa Savage, Tayla na Bruce Melodie mu birori bizaba ari ibyo gusoza Iserukiramuco rya 'Giants of Africa'.

Source : https://yegob.rw/rurangiranwa-muri-muzika-nyafurika-davido-yageze-i-kigali/

Kabaye: Umutoza wa APR FC ari mu mazi abiri kubera ibintu bitari byiza ari gushinjwa.

Umutoza mushya w'ikipe ya APR FC Thierry Froger nyuma yo kugaragaraza urwego ruri hasi byatangiye kuvugwa ko ashobora gusezererwa n'iyi kipe y'ubukombe mu Rwanda akaba yasimburwa n'umutoza w'ikipe ya Mukura Victory Sports.

Umufaransa Thierry Froger kuva yagera mu ikipe ya APR FC yagaragaje urwego ruri hasi cyane biba akarusho ubwo yandagazwaga n'ikipe ya Rayon Sports kuri Super Cup.

Uyu mugabo watangiye gushindikanyaho na bamwe mu bakunzi ba APR FC ndetse n'abantu bareba ruhago yo mu Rwanda hari amakuru avuga ko n'abakinnyi ubwabo bashidikanya kubushobozi bwe kubera imyitozo abaha iri hasi.

 

 

Source : https://yegob.rw/kabaye-umutoza-wa-apr-fc-ari-mu-mazi-abiri-kubera-ibintu-bitari-byiza-ari-gushinjwa/

Ku wa Kabiri tariki ya 15 Kanama 2023, Nibwo Ubwato bwari butwaye abagenzi bagera kuri 300 biganjemo abakozi ba Leta bwarohamiye mu mugezi wa Lukeni wo mu Ntara ya Mai-Ndombe mu burengerazuba bwa Demokarasi Iharanira Demokarasi ya Congo.

Amakuru aturuka muri Congo, avuga ko abayobozi bakirimo gushakisha abarokotse, aho kugeza ubu hamaze kumenyekana abantu barindwi bahise bahasiga ubuzima nubwo abaturiye ahabereye impanuka bemeza ko uwo mubare ushobora kwiyongera.

Ubwo bwato, bwari butwaye abantu n'ibicuruzwa, bwarohamye ubwo bwari burimo kubajyana mu byaro bitandukanye bunyuze mu mugezi wa Lukeni.

Ababibonye bavuze ko igihimba cyabwo kibaje mu giti cyacitsemo kabiri, bituma ubwo bwato burohama.

Benshi mu bari baburimo bari abakozi ba Leta bari barimo berekeza mu Mujyi wa Kutu uri hafi aho, ngo bakorerwe igenzura risanzwe rikorwa.

Abayobozi bavuze ko bamaze kubona imirambo nibura irindwi ndetse ko batabaye abandi benshi. Ariko ibiro Ntaramakuru AP byasubiyemo amagambo y'umukuru wa Polisi muri ako gace avuga ko abantu nibura 18 ari bo bamaze kumenyekana ko bapfuye.

Abahatuye bavuga ko umubare w'abapfuye ushobora kwiyongera, mu gihe amatsinda akora ubutabazi akomeje gushakisha abashobora kuba barokotse.

RDC ni kimwe mu bihugu byo muri Afurika birangwamo amazi magari menshi. Ariko iki gihugu nta bikorwa-remezo bikwiye gifite, ndetse ntigifite uburyo bwo gutuma habaho umutekano mu bakoresha inzira zo mu mazi.

Iyi mpanuka ikomeye, bivugwa ko yatewe nuko ubwato bwikoreye ibintu biburengeje ubushobozi.

Mu mwaka wa 2019, muri iki gihugu habaye indi ikomeye yaguyemo nibura 30 ni yo yabonetse nyuma yuko ubwato bwari butwaye abantu 400 na bwo bwabirindutse mu Ntara ya Mai-Ndombe

Source : https://yegob.rw/yari-impanuka-ki-ko-yari-akaga-habereye-impanuka-iteye-ubwoba-yubwato-bwari-buhetse-abantu-barenga-300/

Kera nange narimeze nkawe! Reagan Rugaju yageneye ibaruwa idasanzwe umwana wamukoze ku mutima kubera ibitangaza yakoze.

Umwana muto cyane w'umuhungu yabajijwe umusesenguzi wa ruhago  urenze mu Rwanda avuga ko ari Reagan Rugaju ndetse amwifuriza gutera imbere. Gusa icyatangaje abantu cyane ni ukuntu uyu mwana yapanze ikipe ya Apr Fc neza, akavuga amazina y'abakinnyi naho bakomoka ndetse numwanya bakina ho, n'umotoza ntiyamusimbutse.

 

Reagan Rugaju amaze kumva uyu mwana yakozwe ku mutima nawe, ubundi amugenera ibaruwa.

Yagize ati '  IBARUWA IFUNGUYE KURI MURUMUNA WANJYE UTUYE NKAKA MURI NYARUGURU

Nari nkawe muri 2000-2005 niga primaire Ndi umwana muto ukunda umupira uturuka mu muryango wifashije biraho! Nakoze igendo nyinshi n'amaguru njya kuri stade, narungurutse kenshi muri salle nabuze 100 Ryo kwinjira ngo ndebe umupira, Radio yari inshuti yanjye nkuko nawe bimeze! NIGEZE KUBA NDI NKAWE UKO UMEZE

Ntabwo Narinziko Hari umunsi Nzakorera Radio na Television by'igihugu ntabwo narinziko Hari umunsi nzagira iki Gikundiro, ntabwo narinziko nzatungwa n'itangazamakuru! NTA NZOZI ZIHAMBAYE NAGIZE ZUWO NDIWE UYU MUNSI

Ndibuka kera nicaraga ku muhanda nkirira ibisheke kuri kaburimbo, nanezezwaga no Kuba kumwe nabana tungana dukina karere twaba dufite ibiceri tukagura amandazi na barafu ! Bose bakundaga ko mbaganiriza umupira ndahamya ko nawe Ari uko bimeze KOMEREZA AHO BIZAGENDA BYAGUKA UGERE KURE CYANE

Navuye mu muryango woroheje agatambwe gato maze gutera kanyigishako Imana ishobora byose ikora ibyayo mu buryo butangaje ikazamura aboroheje cyane ahubwo ikabakomeza cyane ngo babere abandi igihamya ko nta kiyinanira! NDI UBUHAMYA BUGENDA

Wanyifurije Kugera ku byiza byinshi Imana iguhe umugisha nwinshi Kandi izabingezaho koko ndabyizeye Ariko reka Nkubwire Inkuru nziza Wowe uzagera kure cyane kundusha Kuko Uri umuhanga cyane , uratuje cyane, Uzi kuganira Kandi ugatanga ibitekerezo byawe mu buryo bunyura ukumva wese ! Nakunze ko ukurikira cyane kandi Uzi ufite amagambo y'ubwenge bwinshi ukiri muto cyane , ngaho aho mpera mpanyako wowe uzagera kure cyane mw'itangazamakuru kurenza aha ndi uyu munsi ! KUKO WATUYE AMAGAMBO MEZA KU BUZIMA BWANJYE IMANA NSENGA IGUKUBIRE 7 INCURO NDWI

Mu gihe gikwiye nzagusura si wowe Gusa Hari nabandi bana babiri nzabikorera Uwitwa Belly ndetse n'undi mwana w'i Muhanga. Nzabafasha uko nzashobozwa muzagera kure cyane kundusha kuko Imana yacu ikirisha abanyantege nke ! IMBERE NI HEZA!

Ndagukunda cyane Umunsi nugera tuzabonana Kandi si kera ibihe byiza Murumuna wanjye ! Ndagukunda cyane. TUZABONANA BIDATINZE, NDAGUKUNDA CYANE ❤️ '.

 

Source : https://yegob.rw/kera-nange-narimeze-nkawe-reagan-rugaju-yageneye-ibaruwa-idasanzwe-umwana-wamukoze-ku-mutima-kubera-ibitangaza-yakoze/

Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha (IRMCT), rwatangaje ko mu gihe Kabuga Félicien yaba arekuwe bigoranye ko u Bufaransa bwazongera kwemera kumwakira, rugaragaza ko igihugu cyonyine ashobora koherezwamo ari u Rwanda.

IRMCT itangaje iby'iki cyemezo nyuma y'iminsi mike abacamanza b'urukiko rw'ubujurire bategetse ko urubanza rwa Kabuga ukurikiranyweho ibyaha bifitanye isano na Jenoside yakorewe Abatutsi mu 1994 ruhagarikwa kugeza igihe kitazwi kubera ibibazo by'ubuzima afite.

Igihe cyanditse ko Urukiko rw'Ubujurire rwa IRMCT rwafashe uyu mwanzuro nyuma ya raporo y'inzobere z'abaganga, igaragaza ko ibibazo by'ubuzima uyu mugabo afite bitamwemerera gukomeza kuburanishwa.

Mu kiganiro Umushinjacyaha Mukuru wa IRMCT, Serge Brammertz yagiranye na Kigali Today yagaragaje ko bagaragaje ko batemeranya n'urukiko kuri uyu mwanzuro.

Ati 'Zimwe muri raporo zaje zishyigikiye ko urubanza rwakomeza ariko raporo iheruka y'inzobere yagaragaje ko Kabuga adafite ubushobozi bw'ubuzima bumwemerera gukomeza kuburana. Iyo niyo mpamvu hagendewe ku bwiganze abacamanza bafashe umwanzuro w'uko urubanza ruhagarara. Twaraburanye kuko twumva ko Kabuga afite ubushobozi mu by'ubwenge bumwemerera gukomeza kuburanishwa ariko ntabwo turi abaganga icyo dushobora gukora ni ukugaragaza ibitekerezo byacu gusa.'

Yakomeje avuga ko kuba urukiko rwarafashe umwanzuro wo guhagarika urubanza rwa Kabuga kugeza igihe kitazwi, bivuze ko 'bivuze ko hagiye gusuzumwa imyanzuro itandukanye irimo n'ushobora gutuma Kabuga arekurwa.'

Serge Brammertz yakomeje avuga ko kuba Kabuga yarekurwa bitamugira umwere kuko azakomeza kwitaba, gusa agaragaza ko hari amahirwe make yo kuba urubanza rwe rwakomeza.

Ati 'Imirimo y'iburanisha yarahagaritswe kugeza igihe kitazwi ariko aracyari umuntu ukekwaho icyaha, azarekurwa by'agateganyo kandi aho azajya hose icyo gihugu kigomba kwerekana ko Kabuga azajya yitaba mu buryo buhoraho uru Rwego. Navuga ko nta mahirwe ahari ko iburanisha rizongera gukomeza, Ushobora gukomeza kwizera ariko sintekereza ko ubuzima bwe bushobora kumera neza ku buryo azongera kuburana.'

Muri Nzeri mu 2022 ni bwo Kabuga wari umwe mu banyemari bakomeye mu Rwanda muri Jenoside yakorewe Abatutsi, yatangiye kuburanishwa mu mizi i La Haye mu Buholandi, aho afungiye kugeza n'ubu. Ni nyuma y'uko yari yafatiwe mu Bufaransa aho yari amaze igihe yihishe.

Kabuga ashinjwa ibyaha birimo icyaha cya jenoside, guhamagarira abantu mu buryo butaziguye kandi mu ruhame gukora jenoside, ubwumvikane bugamije gukora jenoside, itsembatsemba, itoteza n'ubwicanyi nk'ibyaha byibasiye inyokomuntu, byakozwe mu rwego rwa Jenoside yakorewe Abatutsi mu 1994.

Serge Brammertz yavuze ko kugeza ubu bigoranye kwemeza igihe Kabuga azarekurirwa kuko hari byinshi bigomba kubanza gusuzumwa.

Ati 'Ubu navuga ko bigoranye nabibonye mu itangazamakuru bamwe bavuga ngo ejo azarekurwa kandi afite uburenganzira bwo kujya aho ashaka hose ku Isi.'

Yavuze ko Kabuga azakurwa muri gereza gusa igihe azaba afite ikindi gihugu cyemera kumwakira, agaragaza ko bishobora kugora u Bufaransa yari yihishemo kuko yafashwe afite ibyangombwa by'ibihimbano.

Ibi nibyo Serge Brammertz yahereyeho yemeza ko Kabuga ashobora koherezwa mu Rwanda kuko aricyo gihugu cye cy'amavuko, cyangwa agashaka ikindi gishobora kumwakira.

Ati 'Ubu ibintu biragoye, murabizi hari abandi bantu bagiye bakurikiranwa ariko nyuma barekurwa ntibabe bafite ububasha bwo guhitamo aho bajya. Muri rusange ihame rigena ko umuntu wahamwe n'icyaha ari mu kindi gihugu, cyangwa akarekurwa mu buryo bumwe cyangwa ubundi, uyu muntu asubira mu gihugu afitiye ubwenegihugu. Igishoboka cyane kuko ari Umunyarwanda ni ukoherezwa mu Rwanda. Azarekurwa gusa igihe haba hari igihugu cyaba cyemera kumwakira ku butaka bwacyo. Igihugu cyonyine gitegetswe kumwakira ni igihugu cye cy'amavuko aricyo cy'u Rwanda.'

'Ikindi gishoboka ni uko ashobora kwaka kwakirwa n'ikindi gihugu. Twese turabizi ko yari yihishe mu Bufaransa aho yari afite pasiporo y'u Burundi y'impimbano ariko ni icyemezo kireba icyo gihugu niba gishaka kongera kumwakira ku butaka bwacyo ariko sinkeka ko bizoroha[…] bishobora gufata igihe ariko azaba agumye muri gereza i La Haye.'

Uyu mugabo yavuze ko kuba Kabuga yarekurwa nubwo bidashimishije atabifata nko gutsindwa kuko nibura yafashwe akagezwa imbere y'ubutabera.

Ati 'Yego birumvikana ko atari byo twari twiteze ariko ntabwo bizasibanganya ukuri ko kuba yaratawe muri yombi ari umuhigo ukomeye weshejwe ku butabera mpuzamahanga. Ndibuka umunsi yafatiwe inshuti nyinshi n'abarokotse bo mu Rwanda barampamagaye, buri wese yaravugaga ati 'ntabwo twigeze dutekereza ko uyu muntu azatabwa muri yombi. Ntabwo nishimiye umwanzuro wafashwe, nahuye n'abarokotse benshi nzi icyo itabwa muri yombi rye ryari rivuze kuri bo, nzi n'icyo umwanzuro wafashwe uvuze kuri bo.'

Mu kiganiro Umuvugizi wa Guverinoma y'u Rwanda, Yolande Makolo aheruka kugirana na IGIHE yavuze ko u Rwanda rwubaha uyu mwanzuro wafashwe n'urukiko nubwo ubababaje ku barokotse Jenoside yakorewe Abatutsi.

Ati 'U Rwanda rwubaha umwanzuro wafashwe n'Urukiko rw'Ubujurire wo kuba ruhagaritse by'igihe kitazwi kuburanisha urubanza rwa Kabuga Félicien, gusa ntibishimishije ku bazize n'abarokotse Jenoside yakorewe Abatutsi. Gusa na none, Kabuga aracyari umuntu ukekwaho ibyaha bikomeye.'

Kabuga yafatiwe mu Bufaransa ku wa 16 Gicurasi 2020. Raporo yakozwe muri Kamena mu 2022 igaragaza ko uyu mugabo afite indwara zinyuranye z'umutima n'ibihaha na Osteoporosis ituma amagufwa yoroha cyane ku buryo yangirika vuba.

The post Félicien Kabuga ashobora koherezwa mu Rwanda appeared first on FLASH RADIO&TV.

Source : https://flash.rw/2023/08/17/felicien-kabuga-ashobora-koherezwa-mu-rwanda/?utm_source=rss&utm_medium=rss&utm_campaign=felicien-kabuga-ashobora-koherezwa-mu-rwanda

Abatuye mu mirenge ya Mwogo na Juru, barasaba gukorerwa umuhanda Nyamata-Mwogo na Nyamata-Juru-Rwamagama, kugira ngo barusheho guhahirana n'abo mu bindi bice, kuko ngo batwarwa n'amafaranga menshi batega moto.

Niyodusaba Angelique na Nagasangwa Evariste, baraganirira umunyamakuru wa Flash inzitizi bakomeje guhura nazo kubera umuhanda udakoze, babona ko mugihe utakorwa byakomeza kubagiraho ingaruka ariko ko uramutse ukozwe byazamura imibereho yabo.

Umwe ati 'Kaburimbo yo irakenewe ibinogo bigasibama, kuko iyo igare rihageze rishobora kugwamo.'

Undi nawe ati 'Iyo imvura yaguye ntiwahaca wambaye inkweto kuko ugenda uca mu mazi atemba umuhanda wose, ikindi kigoranye cyane ni uko kubona uburyo nk'umurwayi yagera kwa muganga biragoye, kuko ibinogo biri mu muhanda nabyo byatuma agera kwa muganganga yanegekaye'.

Uretse ikibazo bakomeje guhura nacyo cyo kutabasha guhahirana, baranavuga ko bakomeje guhura na zimwe mu ndwara z'ubuhumekero zituruka mu mukungu wo mugihe cy'impeshyi.

Umwe ati 'Uyu muhanda ivumbi ribamo naryo ridutera indwaza z'ubuhumekero. Turasaba ko wakorwa vuba.'

Mu butumwa bugufi umuyobozi w'Akarere ka Bugesera, Richard Mutabazi, yageneye umunyamakuru w'Itangazamakuru rya Flash binyuze kuri WhatsApp, yavuze ko iki kibazo bakizi bari gushaka amikoro kugira ngo umuhanda ukorwe.

Akarere ka Bugesera ni kamwe mu turere turi kugaragaza umuvuduko mu iterambere haba mubikorwaremezo, dore ko gakomeje gushyira imbaraga mu itunganywa ry'imihanda itandukanye harimo uhuza Bugesera n'Intara y'Amajyepfo  na Bugesera-Ngoma, kandi akaba ari Akarere kunganira umujyi wa Kigali.

Ali Gilbert Dunia

The post Bugesera: Barasaba gukorerwa umuhanda ubahuza n'ibice bahahirana appeared first on FLASH RADIO&TV.

Source : https://flash.rw/2023/08/17/bugesera-barasaba-gukorerwa-umuhanda-ubahuza-nibice-bahahirana/?utm_source=rss&utm_medium=rss&utm_campaign=bugesera-barasaba-gukorerwa-umuhanda-ubahuza-nibice-bahahirana

Yari umuhanzi w'icyamamare cyane cyane mu njyana ya R&B, inshuti ya bose witabye Imana ku myaka 27 y'amavuko azize cancer y'impindura, aho yaguye mu bitaro byo mu gihugu cy'u Buhinde aho yari amaze igihe yivuriza.

Impano ye yatumye benshi bamumenya yayiyumvisemo ubwo yari afite imyaka 14 y'amavuko. Ni nyuma y'uko abaye uwa kabiri mu marushanwa y’umuziki ku rwego rw'Igihugu.

Ku itariki nk'iyi mu 2022 benshi ntibagohetse nyuma yo kubona itangazo ry'umuryango we, rigira riti 'Tubabajwe no gutangaza urupfu rwa Yvan Buravan rwabaye muri iri joro mu Buhinde aho yari ari kuvurizwa kanseri y'impindura.'

Muri iri tangazo bavuze ko Buravan yasakaje ibyishimo kuri buri wese wari hafi ye, kandi yashishikarije buri wese gukunda u Rwanda n'umuco.

Rev. Pastor Dr Antoinne Rutayisire yigeze kuvuga ko 'Agaciro ku buzima si umubare w'imyaka umara ku Isi ahubwo ni icyo uyikoramo.'

Buravan yasize icyuho mu muziki, ushingiye ku mwihariko yakoreshaga ibikorwa bye bigoye kuzabona umuhanzi utera ikirenge mu cye.

Imyaka irindwi yari imaze mu muziki yatanze icyo yari afite! Yasezeweho mu muhango wabereye muri Camp Kigali, ibihumbi by'abantu bakoraniye hamwe bagaruka ku buzima bwe, ku buryo hari n'ababuze uko binjira bitewe n'ubwinshi bwabo.

Yvan Buravan wavutse tariki 27 Gicurasi 1995, azwiho kuba ari we muhanzi nyarwanda wakoze amateka mu mpera z'umwaka wa 2018, ubwo yegukanaga igihembo cyitwa 'Prix Découvertes' gitangwa na Radio y'abafaransa RFI.

Ntibisanzwe mu buzima ko umusore w'imyaka 27 yagwiza ibigwi bingana kuriya agataha nk'intwari. Yarakunze na we arakundwa by'ikirenga.

Mu kumusezeraho, Pasiteri Rutayisire yavuze ko ibi ari ikimenyetso cy'uko Buravan yabayeho ubuzima bufite intego kandi ko yasohoje ubutumwa bwe ku Isi.

Ati 'Iyo aba yarabayeho ubuzima bw'abanywarumogi, akabaho ubuzima bw'umujura, akabaho ubuzima bw'umuntu ugenda utera abakobwa inda cyangwa se akora ibindi bibabaza abantu, ntabwo tuba twicaye hano twaje kumushengerera gutya.'

Mu bihe by'uburwayi bwe, ntiyigeze acika intege ndetse yari afite icyizere cy'uko azakira agataha mu Rwanda rwamubyaye, agakomeza imishinga ye irimo kumenyekanisha umuziki gakondo w'abanyarwanda.

Mukuru we, yavuze ko habura iminsi itatu ngo yitabe Imana, iby'imishinga y'imiziki yarabiretse ahubwo avuga ko ashaka kugaruka mu Rwanda ngo yamamaze ubwami bw'Imana.

Ati 'Imana imfashe njye mu Rwanda kuvuga Yesu, kubera ko nta bundi bwishingizi dusigaranye uretse Imana yonyine”.

Buravan yigishije urukundo anakangurira abantu gukomera ku muco

Uyu muhanzi yitabye Imana nyuma yo gushyira hanze album yise 'Twaje' yumvikanaho indirimbo zubakiye ku rukundo n'umuco wa Kinyarwanda.

Ibi biri mu byatumye hashingwa umuryango wamwitiriwe 'YB Foundation' ugamije gutoza abakiri bato gukura biyumvamo umuco.

Yasize indirimbo zakunzwe nka 'Just Dance', 'Si Belle', 'Ye Ayee', 'Garagaza' yakoranye na se Michael Burabyo n'izindi.

Umuryango we uherutse gutangaza ko washinze ishuri bise ‘Twaje Cultural Academy’ rifite intego yo kwigisha, gukundisha no gushishikariza abato bafite imyaka 4 kugeza kuri 18 kumenya umuco, ururimi rw’ikinyarwanda, kubyina, ndetse n’amateka y’igihugu.

Bavuze ko iri shuri rije nka kimwe mu bikorwa nyakwigendera Yvan Buravan yifuzaga gukora mu rwego rwo gukomeza gusigasira no gukundisha abakiri bato umuco Nyarwanda.

Uyu muryango wavuze ko ku bufatanye ‘bwanyu’ barizera ko intego z’iri shuri ‘tuzazigeraho bityo inzozi za Yvan Buravan zikazaba impamo.

Mu ndirimbo 'Big Time' Buravan yaririmbye yumvikanisha ko atemeranya n'abavuga ko urukundo rwakonje mu bantu! Aririmba abashishikariza gukundana.

Ni indirimbo yakoze y'inkuru nyinshi zigaruka ku mubano mu bantu udahagaze neza muri iki gihe, abatarambana mu rukundo, abashakanye batagihuza n'ibindi. 

Hari aho avuga ngo 'Iby’uko urukundo rutakibaho. Ni amahomvu ni amahomvu (Ayee Uhm). Ngo ni gake gake. Agasigaye ngo ni gake gake. Ok, ese, twemere barure akarura. Natwe akarura tukamire Reka no no.'

Iyi ndirimbo yarakunzwe cyane, kuko tariki 21 Nzeri 2022 abayirebye bageze kuri Miliyoni 1 iba indirimbo ya gatanu y'uyu muhanzi yabashije kugera kuri uyu mubare. Ni nyuma ya 'Malaika', 'Oya', 'Garagaza' ndetse na 'Si Belle'.

Rosemary Mbabazi wari Minisitiri w'Urubyiruko, yavuze ko Buravan yari umuhanzi 'w'indashyikirwa mu gihugu cyacu.' Yabitangaje ubwo yari mu muhango wo gusezera kuri uyu muhanzi wasize ibihangano by'ubutumwa bwubaka.

Ati 'Ndibuka mu nama imwe twakoze dukoresheje ikoranabuhanga, Yvan ni we watanze igitekerezo ati 'ntabwo twacika intege kuko ibihangano turabifite, inganzo turayifite reka dukoreshe ikoranabuhanga tugere ku Banyarwanda benshi.'

Akomeza agira ati 'Yari umwana w'igihugu, yari umwana w'Imana. Turashimira ababyeyi ko mwamutoje neza. Yacaga bugufi bidasanzwe, bitamenyerewe iyo umuntu amaze kugira izina rikomeye. Isomo twamwigiraho nk'urubyiruko ni ugukunda igihugu ariko no gukunda Imana yatumye akivukiramo. Yari ishema ku gihugu cyacu, yari ishema ku mugabane wa Afurika.'

Urukundo Buravan yigishije runashimangirwa n'amagambo Uncle Austin yavuze ko 'ubwo yasezeraga ku nshuti ye y'igihe kirekire'.

Ati 'Nta kintu kinshimisha nko kubabona, ukuntu kwinjira hano byabagoye ariko binyereka urukundo mwamukundaga. Mwarakoze kuba mwaramwumvise uko nanjye namwumvise. Buravan yigishaga urukundo.'

'Yvan yigishije inshuti ze gukundana, reka twigishe urukundo, dukunda kuvuga ngo urukundo rwabaye ruke ariko ibyo si byo.'

Dushime Burabyo Yvan [Yvan Buravan] ni bucura mu muryango w'abana 3. Yatangiye muzika akiri umwana muto. Ku myaka 2 gusa mukuru we yamuguriye piano y'abana yirirwaga akina nako kugeza aho akuriye akunda muzika cyane.

Ibi byatumye yinjira muri korali y'abana nyuma yo kwiyumvamo impano yo kumenya kuririmba n'ibyo atarigishwa.

Agasobanukirwa impuzarugwiro z'amanota bita 'ACOR' atarabyiga bikanamworohera vuba kumenya indirimbo, abana nabyo gahoro gahoro.

Ni amarushanwa ya sosiete imwe y'itumanaho hano mu Rwanda ku myaka 14 gusa yaje kuba uwa 2 mu gihugu muri ayo marushanwa atsindira million imwe n'igice ikintu cyamuhinduye imitekerereze umuziki awubona mu yindi nguni kandi ngari.

Mu ntangiriro za 2016 ni bwo ibihangano ibihangano bya Buravan byatangiye gusakara mu banyarwanda, nabo baramukundira barabikunda. Icyo gihe ni bwo yari akimara kubona umujyanama (Manager) mushya.

Buravan yasize umurage w’urukundo no gukunda umuco wa Kinyarwanda

Bacanye urumuri mu kuzirikana ubuzima bwa Buravan yabayeho 

Ibihumbi by’abantu bari bakoraniye Camp Kigali mu gusezera kuri Buravan witabye Imana ku itariki nk’iyi 

Kuri uyu wa Kane, Umuryango wa Buravan urakora umuhango wo kwizihiza ubuzima bwe 

KANDA HANO UREBE AMASHUSHO Y’INDIRIMBO ‘BIG TIME’ YA BURAVAN

“>

Source : https://inyarwanda.com/inkuru/133263/umurage-wasizwe-na-buravan-umaze-umwaka-umwe-yitabye-imana-133263.html

InyaRwanda yabonye amakuru avuga ko uyu muhanzi yageze i Kigali, mu gitondo cyo kuri uyu wa Kane tariki 17 Kanama 2023 ari kumwe n'abamufasha mu muziki.

Azahurira ku rubyiniro n'abarimo Tiwa Savage, Tlya wo muri Afurika y'Epfo ndetse na Bruce Melodie.

Ni ku nshuro ya gatatu agiye kuririmbira i Kigali, nyuma yo gutanga ibyishimo bisendereye mu mwaka wa 2018 ndetse no mu mwaka wa 2014 ari na bwo bwa mbere yari ageze mu Rwanda.

Mu mashusho y’amasegonda 13′ yashyizwe ku mbuga nkoranyambaga, Davido yemeza ko yiteguye gusoza ‘Giants of Africa Festival’ ku wa Gatandatu tariki 19 Kanama 2023, ari nabwo azataramira Abanyarwanda.

Yavuze ati “Ndabasuhuje bantu banjye! Ni umuhungu wanyu Davido, ndashaka kubabwira ko nzaba ndi mu Rwanda tariki 19 Kamena 2023 mu birori bizaherekeza ‘Giants of Africa Festival’.

Avuga ko yiteguye kongera guhura/kubonana n’abafana be n’abakunzi b’u muziki muri rusange.

Ku wa Gatanu tariki 18 Kanama 2023, guhera saa kumi n'ebyiri z'umugoroba kugeza saa tatu z'ijoro kuri BK Arena, hazabera imikino y'iri rushanwa, ndetse ihuzwe n'ibikorwa by'imyidagaduro birimo n'ibitaramo by'abahanzi barimo abazatungurana. 

Ku wa Gatandatu tariki 19 Kanama 2023, saa munani z'amanywa kugeza kumi n'ebyiri z'umugoroba, kuri BK Arena hazabera ibirori byo gusoza 'Giants of Africa Festival'.

Ibi birori bizasozwa n'ibitaramo by'abahanzi Mpuzamahanga barangajwe imbere na Davido uherutse gushyira hanze album ye ya Kane.

Azunganirwa na Tiwa Savage, umuhanzikazi w'umunya-Nigeria benshi bafata nk'umwamikazi w'injyana ya Afrobeats.

Muri iki gitaramo cyo gusoza iri serukiramuco kandi, hazaririmba Bruce Melodie ndetse na Tyla, umuhanzikazi utanga icyizere wo muri Afurika y'Epfo.

Iyi mikino izahuriza i Kigali urubyiruko rurenga 250 bo muri Afurika, kandi bazahabwa amasomo azafasha mu mukino wa Baskteball.

Abatoza bo muri NBA, abo muri GOA ndetse n'abo mu bindi bihugu bizitabira bazifashishwa mu gutanga amasomo ajyanye n'uyu mukino azafasha benshi mu rubyiruko. 

Umwe mu bakora muri RwandAir yafashe ifoto ari kumwe na Davido nyuma y’uko ageze i Kigali 

Davido yageze i Kigali mu gitondo cyo kuri uyu wa Kane 

Ni ku nshuro ya kabiri Davido agiye gutaramira i Kigali 

Nyuma yo gutaramira i Kigali, uyu muhanzi azajya kuririmba mu bihembo bya ruhago i London

Mu 2014 ubwo Davido yazaga mu Rwanda ku nshuro ya mbere yakiriwe na Perezda Kagame n’umuryango we (Photo: Eliel Sando)

Source : https://inyarwanda.com/inkuru/133264/davido-yazindukiye-i-kigali-133264.html