Author: webrwanda

Kapiteni w’ikipe y’igihugu Amavubi, Haruna Niyonzima yatangaje ko icyo yapfuye n’umutoza Carlos Alós Ferrer watozaga Amavubi ari uko yashatse kumugira inama.

Mu ntangiriro z’uku kwezi nibwo Umunya-Espagne watozaga ikipe y’igihugu Amavubi, Carlos Alós Ferrer yasezeye kuri izi nshingano.

Ku kiragano cye benshi bibajije impamvu atakunze guhamagara kapiteni w’ikipe y’igihugu, Haruna Niyonzima cyane ko yamuhamagaye rimwe mu gushaka itike ya CHAN yo u Rwanda rwasezerewemo na Ethiopia muri Nzeri 2022.

Ubwo yari abajijwe impamvu adahamagara uyu mukinnyi ukinira Al Ta’awon muri Libya, yavuze ko ari umukinnyi ugoranye kuko agena uko ikipe igomba gukina.

Icyo gihe yagize ati “Haruna biragoye kumukurikirana aho akina ubu muri Libya ariko ni icyemezo cyanjye, ni umukinnyi usaba ibintu byinshi, iyo akina ni we ugena uko ikipe igomba gukina reka abe ari ko mvuga, niba muzanye ngomba guhindura byinshi, nahisemo kutamuhamagara ariko sinarondora impano afite, ashobora kuba ari umwe mu beza mu gihugu.'

Mu kiganiro Ten Sports cy’uyu munsi, Haruna yeruye avuga ko icyo yapfuye n’uyu mutoza ari uko yashakaga kumugira inama.

Ati “Njye nahuye n’abatoza benshi bafite amateka kumurusha ariko umutwe umwe wigira inama yo gusara.'

Yakomeje avuga ko ibyo uyu mutoza yatangaje atabyemera kubera ko nka kapiteni w’ikipe kandi umaze imyaka myinshi mu ikipe kumuha igitekerezo atabibonagamo ikibazo.

Ati 'Ibintu yavuze imbere y’Imana simbyemera, nubwo namuha igitekerezo sinumva ko ari ikibazo nk’umukinnyi ufite uburambe mu kazi ndetse umaze imyaka myinshi mu Ikipe y’Igihugu.'

Yashimangiye ko umukino wa Ethiopia ari wo watumye bashwana kuko yabonye abakinnyi umutoza yari agiye kubanza mu kibuga, bataranakinira ikipe y’igihugu imikino 3 afite ba Jacques Tuyisenge hanze, amubaza niba atamubanzamo undi amubwira ko adakunda umuntu umubwiriza ibyo akora.

Ati “Icyo gihe nabonye abakinnyi dufite batarabanza mu Ikipe y’Igihugu n’imikino itatu kandi bagombaga gutangira uwo umukino, ndebye na ba rutahizamu dufite, mbaza umutoza nti nubwo atameze neza urabibona ute Jacques [Tuyisenge] abanje mu kibuga? Ako kanya aransubiza ngo sinkunda umuntu umbwira. Nta kindi kintu nzi twapfuye n’imbere y’Imana yo mu Ijuru.'

Haruna amaze kubwirwa atyo yahise asaba umutoza imbabazi, amubwira ko cyari igitekerezo cye kandi atari itegeko ko bagikurikiza.

Ati “Nahise musubiza nti umbabarire cyari igitekerezo cyanjye kandi si itegeko ko ugikurikiza, gusa ni byo byari ibyiyumviro byanjye.'

Haruna Niyonzima yavuze ko ibyo gusezera mu Ikipe y’Igihugu nabikora abantu bazabimenya kuko azakora ikintu kidasanzwe.

Kompanyi ya Million Ways Entatainment yashinzwe hagamijwe gutegura ibitaramo, gushyira ku murongo ibirori, gutegura amarushanwa hahembwa abatsinze bakazamurwa, n'ibindi.

Kuya 4 Kamena 2023 ni bwo hakozwe ijonjora mu irushanwa Dreamers Talent Compeetition. Abagera kuri 26 batsinze amajonjora, bategereje ijonjora rya nyuma, abaritsinze bagashyikirizwa ibihembo bateganirijwe.

Byari biteganijwe ko ijonjora rya nyuma rizakorwa kuya 19 Kanama 2023, ariko ryimuriwe kuya 20 Kamena 2023 muri Greenwich Hotel, hakazakorwa ijonjora rya nyuma mu bahanzi batoranijwe 26, abatsinze bagahabwa ibihembo bizashyigikira impano zabo mu kuririmba.

Biteganijweko uzagira amahirwe yo kuza ku mwanya wa mbere azahembwa gukorerwa indirimbo 3 na video 1, agahabwa n'amafaranga angana na 100,000 Frw, Scholarship yo kwiga muri IBTC FILMS School ibijyanye na videography film making.

Uwa kabiri azakorerwa indirimbo 2 z'amajwi, ahabwe n'amafaranga angana na 50,000frw, na scholarship yo kwiga muri IBTC FILMS School videography film making.

Ni mu gihe uwa gatatu azakorerwa indirimbo 1, ahabwee n'amafaranga angana na 50,000frw, kandi ahabwe na scholarship yo kwiga muri IBTC FILMS School ibijyanye na videography ndetse na film making.

Kugeza ubu uri ku mwanya wa mbere ni Iriho Chanelle Nikita ufite amajwi 971, ku mwanya wa kabiri hariUmurungi Cynthia ufite amajwi 891, ku mwanya wa gatatu hari Rumanzi Steven ufite amajwi 802;

Ku mwanya wa kane hari Manirakiza Innocent ufite amajwi 744, naho ku mwanya wa gatanu hari Kaliza Honorne Fruit ufite amajwi 500. Ku mwanya wa nyuma hariho abanyempano batanu badafite ijwi na rimwe.

KANDA HANO UTORE UMUNYEMPANO UHA AMAHIRWE

Umuyobozi wa Milliyon Ways Entatainment atangaza ko bamwe mu bafatanyabikorwa b'imena barimo InyaRwanda.com, Fine FM 93.1, Asafi Printers, IBTC Films School, Ebenezer Streaming House, Kana Brands, Kigali Solution Sounds na Mento Sounds.

Niyigena Hussein Uzwi nka MC Cadman, Umuyobozi wa Million Ways Entertainment yagize ati 'Bizaba bishimishije ku banyamuryango ba Million Ways Entertainment, abafatanyabikorwa, ndetse n’abandi bazitabira, hashyigikirwa abahanzi bashya mu muziki nyarwanda.

Hatangajwe ko ijonjora rya nyuma rizaba tarik 20 Kanama 2023

Iriho Chanelle Nikita niwe uri ku isonga mu kugira amajwi menshi kurusha abandi

Buri umwe yavuze iyi ndahiro igira iti 'Njyewe………..maze kumva icyo amategeko ategeka abashyingiranywe nemeye nta gahato ko wowe………umbera umugore/umugabo tukazabana uko twabyiyemeje kandi dukurikije uko amategeko ya Repubulika y’u Rwanda abiteganya.'

Bahanye isezerano ry'abo kuri uyu wa Kane tariki 17 Kanama 2023 mu muhango wabereye mu Murenge wa Kagarama mu Mujyi wa Kigali.

Imyaka itanu irashize aba bombi bari mu rukundo. Umutoniwase Linda yagarutsweho cyane mu itangazamakuru, nyuma y'uko ahatanye muri Miss Rwanda 2017 akabasha kwegukana ikamba ry'igisonga cya Kabiri.

Icyo gihe Iradukunda Elsa witegura gukora ubukwe na Ishimwe Dieudonné, uzwi nka ‘Prince Kid’ niwe wambitswe ikamba rya Miss Rwanda 2017 nyuma yo guhigika abandi bakobwa bari bahatanye muri iri rushanwa 'ryahagaritswe muri iki gihe'.

Ishimwe Guelda wabaye igisonga cya kabiri cya Iradukunda Elsa, akegukana n'ikamba rya Nyampinga w'Umuco [Miss Heritage], ku wa 22 Ukuboza 2019 yarushinze na Habimana Hussein mu birori bikomeye byabereye muri Kigali Convention Center.

Abandi begukanye amakamba muri Miss Rwanda 2017 ni Umutesi Nadia wabaye Miss Photegenic, Uwase Hirwa Honorine wabaye Miss Popularity [Ari kwitegura kurushinga], Umuhoza Simbi Fanique wabaye igisonga cya Kane [Aherutse gusoza amasomo ya Kaminuza] ndetse na Kalimpinya Queen [Arazwi cyane muri iki gihe binyuze mu gukina umukino wo gusiganwa kw'imodoka].

Dan Ruhinda wasezeranye imbere y’amategeko na Umutoniwase Linda, asanzwe ari Umuyobozi w’Itorero Church of Rwanda rikorera kuri Sport View Hotel ku Kicukiro. Ni umuvandimwe wa David Bayingana, uri mu bashinze B&B Fm-Umwezi.

Dan Ruhinda afite Impamyabumenyi y'Icyiciro cya Gatatu cya Kaminuza 'Masters' muri 'Art in theorogy'.

‘Invitation’ y’ubukwe bw’abo igaragaza ko ku wa 25 Kanama 2023, ari bwo Daniel Ruhinda azasaba anakwe umukunzi we, ni mu gihe ku wa 26 Kanama 2023 aribwo bombi bazakora ubukwe.

Bisunze ijambo ry’Imana riboneka mu itangiriro 2:24 hagira hati 'Ni cyo gituma umuntu azasiga se na nyina, akabana n'umugore we akaramata, bombi bakaba umubiri umwe.'

Umutoniwase Linda yahamije isezerano rye n'umukunzi we Apôtre Daniel Ruhinda imbere y'amategeko

Umutoniwase Linda na Apôtre Daniel Ruhinda basezeraniye mu Murenge wa Kagarama 

Apôtre Daniel Ruhinda [Dan Ruhinda] ni Umushumba w'Itorero Church of Life Rwanda 

Linda [Uri hagati] asanzwe afite ikamba rya Miss University Africa Rwanda 2017- Uri iburyo bwe ni umunyamideli Kate Bashabe

 

Imyaka itanu irashize Daniel Ruhinda ari mu rukundo na Umutoniwase Linda rugamishije ku kwiyemeza kurushinga nk'umugabo n'umugore

 

Umutoniwase Linda ubwo yari mu marushanwa ya Miss Rwanda 2017 ahataniye ikamba

 

Uhereye ibumoso: Umutoniwase Linda wabaye igisonga cya kabiri, Iradukunda Elsa wabaye Miss Rwanda 2017 ndetse na Ishimwe Guelda wabaye igisonga cya Mbere 

KANDA HANO UREBE IKIGANIRO KIRAMBUYE NA DAN RUHINDA

“>

Murekatete na Nzayisenga Sophie baganira na InyaRwanda bavuze ko bakora igisigo cyabo gishya bise 'Urweze,' bashakaga kuvuga ku bintu biri kuvugwaho cyane n'abanyarwanda muri iki gihe.

Umusizi Murekatete yagize ati''Nibyo mu Rwanda twejeje amahoro, twejeje amahore. Ariko mu bijyanye n'ubuzima busanzwe ubundi ni iki abanyarwanda bari kuvugaho cyane, ni iki abateraniye ahantu runaka bari kuganiraho hafi ya buri gihe? Niyo mpamvu rero natwe twazanye Urweze tuvuga kuri ibyo abantu baganiraho umunsi ku munsi.''

Nzayisenga Sophie na Murekatete baherutse gushyira hanze igisigo bakoranye bise “Urweze”

Nzayisenga Sophie yavuze ko yakiriye neza icyifuzo cy'umusizi Murekatete cy'uko bakorana igisigo Urweze, kuko yari asanzwe amuziho ubuhanga.

Nzayisenga yagize ati ''Ntabwo yanyegereye ku bw'igisigo gusa, Murekatete turasanganwe. Ni umwana wo mu rugo, ni inshuti yo mu rugo, byumwihariko akaba n'umuhanzi. Yaje rero afite ibisigo byinshi ntabwo ari Urweze gusa, nkabyumva nkabikunda kuko nsanzwe nkunda ibisigo bye n'uko yandika, nyuma rero nibwo yagize igitekerezo cy'uko twakora Urweze. Mbyakira neza cyane kuko nari muziho ubuhanga, ntavuga nti ni wa mwana twazahura igihe kimwe twatangira gukorana ugasanga arakanja amaanwa (nta gifatika afite). Afite ubutunzi  bwinshi mu Kinyarwanda, mu myandikire ye nicyo cyatumye nanjye mvuga nti twakorana kandi nkumva binteye ishema.''

Nzayisenga Sophie ni umucuranzi w’inanga wabitangiye ku myaka 6 gusa

Sophie yakomeje avuga ko kuririmba, gucuranga inanga n'ubusizi bijyana kuko n'indirirmbo ze nyinshi ziri mu njyana nk'iy'ibisigo.

Murekatete yavuze yinjiye mu busizi kubera ko abikunda ndetse avuga ko bitagoye nk'uko benshi babitekereza.

Ati''Ibi bintu by'ubusizi ni urukundo rwabizanyemo. Ntabwo bigora kuko urukundo rwabyo nirwo rutuma umuntu abigumamo, ukumva niyo byaba bigoye umutima kajana ariko wa mutima na rwa rukundo iyo biri hamwe byose bituma mbasha gukora ubusizi.''

Yakomeje agira ati:''Urwo rukundo rero rw'inganzo no gushaka gutanga ubutumwa ku banyarwanda, ku gihugu cyange muri rusange, nirwo rwatumye nza muri ibi bintu.''

Murekatete avuga ko yandika Urweze yashakaga guhanura ababyeyi b’ubu bataye umuco bakanirengagiza inshingano 

Murekatete yabwiye InyaRwarwanda ko yandika Urweze yabanje kwitegereza imico y'ababyeyi b'ubu n'aba kera, abona harimo itandukaniro rinini agomba gusangiza abanyarwanda, kandi agakebura ababyeyi bataye inshingano zabo zo kurera.

Yagize ati:''Naritegereje kuko buriya umusizi nawe ni umuhanzi nk'abandi bose ujya kugira icyo uvuga kubera ko haricyo wabonye. Nitegereje rero imibereho y'uyu munsi wa none turi kubaho, nganira n'abakuru ndeba imibereho y'ababyeyi bo ha mbere n'ab'uyu munsi wa none (hari umugani bajya bavuga ngo uriya mwana cyangwa se uriya muntu afite imico myiza aca cyangwa akura kuri nyina cyangwa se). Nanjye ndabirora rero ndeba ababyeyi, ndibaza nti ubuse noneho ni iki turi guca ku babyeyi ko ndora n'ibyo turimo aribyo rugero?''

''Hanyuma mvuga ku burere rero nibutsa abanyarwanda umubyeyi wo ha mbere; Imana yambazwaga na bose, irerero rya bose, yagusangaga ukosa ntiyite kuba uri uwa naka akagucyaha akakubwira ati ibi ntibikwiye kandi nawe koko nk'umwana ukabyumva.

Rero Urweze njya kurwandika ni ibyo byose nitegereje nshaka kwibutsa ababyeyi ko uburere duhabwa aribwo tuzasazana, nshaka kwibutsa ababyeyi ko nubwo duhuze muri iyi minsi.

Ababyeyi bari kwitana ba mwana, ukumva umwana aravuze ati 'njyewe mama cyangwa papa niwe utanyitayeho, niwe wagiye muri ibi umunsi wose simubona,' mbese hariho kwitana ba mwana hagati y'abana n'ababyeyi ariko mu gisigo Urweze nashakaga kwibutsa ababyeyi ko inshingano yabo ikiri ya yindi nibo imico tugiye kugira, imyitwarire, indagagaciro zizaturanga aribo nubundi tugomba kuzikomoraho.''

Murekatete yakomeje avuga ko mu byangiza uburere bw'abana bukaba budahwitse kugeza uyu munsi harimo n'uburinganire bwumviswe nabi, uko ababyeyi babanye mu miryango muri uko kwitana ba mwana byangiza byinshi.

Yagize ati ''Twibutse umubyeyi w'umugore ko hari inshingano uba ufite zidahobora guhinduka nubwo habaho uburinganire bumeze bute. Inshingano umugabo atagufasha, atagukorera ahubwo ziba ari inshingano zawe nk'umubyeyi. Ku mugabo nawe uburere bw'abana buratureba twese waba umugore cyangwa umugabo, nicyo rero nashakaga kwibutsa abanyarwanda mu 'Urweze.' Ibyo byose rero nabonaga bibangamiye uburere turi kugira nk'urubyiruko muri iyi minsi, nubwo dufite byinshi duhugiyemo, nkabibutsa ko ibyo duhugiyemo bitunga umubiri bidatunga umutima. Badufashe rero baduhe ibitunga imibiri yacu ariko badasize n'ibitunga imitima yacu.''

Sophie w'imyaka 44, yavuze ko bitangaje kuba Murekatete akora ubusizi akiri muto, anakomoza ku kuba ababyeyi basigaye bahanurwa n'abana babyaye, avuga ko biteye ipfunwe.

Ati: 'Biratangaje kandi binateye ipfunwe ko ababyeyi tugiye guhanwa n'abana kandi  aritwe twakabahannye. Mu gisigo cye haraho yanditse avuga ngo uhamagara umwana akaza nta kambaro, wahamagara nyina akaza ari mbwambare mberwe (yambaye ubusa). Kubuririza rero biragatsindwa ntabwo ari iby’i Rwanda! Ntabwo twaburirirje ku myambaro gusa, hari  aho usanga twaraburirije n'umutima, wa mutimanama waturangaga.

Kera baciye umugani baravuga ngo akabura ntikaboneke ni nyina w'umuntu. Uburere buruta ubuvuke, niko nasanze abanyarwanda bavuga. Kubyara ni kimwe ariko no gukurikirana uwo ubyaye ni ikindi. Yego hari byinshi biri kuza bitwituraho bikaturusha imbaraga ugasanga biradukurura ariko ka kagozi k'umuco ntitwibuke kugakurubana ngo tukagendane. Tukagasiga iyo tuvuye, tukagenda dukurikiye rya terambere tukibagirwa ko aho dusize ka kagozi, ariho tuziritse cya gisabo uwaza yazagitera ibuye bitewe nuko tutakigendanye.''

Sophie yakomeje avuga ko nubwo ababyeyi batereranye abana babo, harimo n'ababikoze batabizi cyangwa batabishaka ahubwo babitewe n'inshingano nyinshi ziriho ubu zirimo akazi, amashuri n'ibindi. Avuga ko kubera kuburira umwana umwanya, za ndagagaciro n'uburere yagombaga guhabwa n'umubyeyi azabihabwa n'isi kandi ibimuhe mu buryo bubi. Sophie yagiriye inama ababyeyi , kugerageza kuringaniza umuco n'iterambere.

Umukirigitananga Sophie kandi yakebuye abambara ubusa bakitwaza ingingo ivuga ngo na kera ntibambaraga, abasaba kubanza gusesengura bakamenya impamvu yabibateraga.

Yagize ati ''Mu muco twarambaraga niyo mpamvu wabonaga bageragezaga gukana inkamba n'inkindi bagira ngo bahishe bwa bwambure. None naho imyambaro iziye tuburirize koko dukureho kandi kera bararwanaga bashakisha utwo bakingaho kugira ngo umubyeyi atambara ubusa imbere y'abana?

Impamvu kera batambaraga ni uko nta myambaro yari ihari ntabwo ari umuco wo kwambara ubusa ntibabyitiranye n'uko nta buryo bwari buhari bwo kubona icyo kwambara.''

Umusizi Murekatete ukiri muto, yavuze ko anyuzwe n’imyambarire ye 

Murekatete nawe yunze murya Sophie avuga ko nubwo aba kera batambaraga ngo bikwize ariko babikoranaga indangagaciro. Ariko uyu munsi izo ndangagaciro zaracitse kandi ahanini biturutse ku babyeyi nabo babanje kuzita.

Sophie yavuze ko abakobwa b'iyi minsi bambara ubusa bakitwaza ko ari uburenganzira bwabo bibeshya kuko uburenganzira atari uburinzi kandi budakwiye kubarenza inzira ngo bubayobye, avuga ko uburenganzira bwiza ari ububagumisha mu nzira nziza arizo ndangagaciro zibereye umunyarwandakazi.

Murekatete yavuze ko kuba yambara akikwiza bitamuteye isoni kuko arizo ndangagaciro akomora ku bamutoje. Avuga ko kandi bimuteye ishema kuko n'abamuba hafi babishimye.

Sophie yavuze ko bisaba ubufatanye bw'abanyarwanda n'abanyarwandakazi bose kugira ngo hasigasirwe umuco nyarwanda kuko 'inkingi imwe ntigera inzu, nshobora kubungabunga abanjye ariko ntibazaba mu Isi ya bonyine bazahura n'abandi, twakagombye gufatanya tugasigasira indangagaciro na kirazira by'abanyarwanda.'

Nzayisenga Sophie umaze kugera ku migabane yose y'Isi, yavuze ko yasanze umuco nyarwanda ukungahaye cyane.

Yagize ati ''Mpereye kuri iyi nanga yanjye, iyo ntangiye gucuranga naba ndi mu mahanga cyangwa se mu Rwanda abantu barabyishimira ndetse bakabikunda cyane bamwe bakagira n'amatsiko bakaza kunsobanuza uko inanga ikoze.

Turakungahaye kuko ibi bikoresho by'umuziki ushobora kubikoresha hamwe n'ibikoresho bya kizungu bikajyana bikabyara umuziki mwiza ndetse mu njyana zigezweho. Nagiye nkorana n'abahanzi bo mu bihugu bitandukanye cyane ibyo muri Afurika bakazana ibikoresho byabo bya gakondo ariko ugasanga inanga irayoboye kuko ifite ubukungu bwihariye kandi buhagije. Dukomere ku muco wacu kandi abantu barabikunda.''

Sophie watangiye gucuranga inanga mu 1986 afite imyaka 6 gusa, avuga ko yatangiye kujya hanze afite imyaka 9 ubwo yajyaga mu gihugu cya Bulgaria kiri ku mugabane w'i Burayi, kubera gucuranga inanga. No mu kwezi kwa 11 ku itariki 10 azaba ari muri Netherlands, naho muri uku kwezi tariki 26 azaba ari muri Senegal.

Murekatete avuga ko ari umunyamugisha kuba akurira mu biganza by'umubyeyi w'umuhanga Nzayisenga Sophie kuko ari amahirwe ataragizwe na bose, kandi amwigiraho mu byinshi.

 Yavuze ko kuba barakoranye Urweze bisobanuye ikintu kinini kuri we, kuko nyuma y'uko ari umucuranzi ari n'umubyeyi mwiza utanga uburere ku bana bose. Yongeyeho ko Sophie yakabaye urugero rwiza ku bagore bose n'abakobwa bari mu mwuga w'ubuhanzi

Ati: ''Ni umubyeyi ufite byinshi byo gutanga haba muri ubu buhanzi ndimo, angira inama nziza zinyuranye zimfasha no gukomeza no kurushaho kunoza n'ibihangano byange mubona. Ndamukunda ku bw'urukundo n'umutima wa kimuntu anyereka, akamfasha no buryo bufatika singire icyo muburana cyangwa ngo musonzane. Ndi umunyamugisha kuba mufite!''

Sophie yagiriye inama Murekatete yo gukomeza kurangwa n'imyitwarire myiza kugira ngo azagere kure hashoboka kuko ubusanzwe ashoboye kandi ari umukozi.

Nzayisenga kandi yavuze ko impano atayihereranye wenyine, ahubwo n'umuhungu we w'imfura ari umucuranzi w'inanga. Avuga ko amaze kwigisha benshi gucuranga inanga nubwo benshi batabigira umwuga ariko na none ababikora hafi ya bose ngo baba baramuciye mu biganza.  Yavuze ko kandi kuva yatangira gucuranga inanga atarasaba kujya mu gucuranga mu gihugu runaka ahubwo aho avuye bamurangira abandi bakagenda bamutumira gutyo gutyo. Avuga ko umuntu uguhaye impano nziza muri ubu buzima ari uguhaye impanuro kuko zikugeza kuri byinshi.

Usibye Urweze, umusizi Murekatete wabyirutse ari umwanditsi w'inkuru zishingiye ku bitekerezo, ikinamico n'indirimbo, afite n'ibindi bisigo birimo icyo yatangiriyeho cyitwa Nguhoze, Bacuruza iki, Iwacu bazagukoshe, na Mpindutse.

“>Reba hano igisigo gishya ‘Urweze’ Murekatete yafatanije na Nzayisenga Sophie

“>

Avuga ko yatangiye ubusizi yiga mu wa 4 w'amashuri yisumbuye, ubwo umuntu umwe yamubwiraga ko yamubonyemo iyo mpano.

Kuva icyo gihe yatangiye kubishakaho amakuru ayongera kuri rwa rukundo yari abifitiye arabikora kugeza uyu munsi. Yavuze ko mu ndirimbo zose za Sophie akunda cyane iyitwa 'Nyambo.' Mu myaka yose amaze ku Isi, avuga ko yize ko kubana neza n'abandi ari inkingi ya mwamba ku muntu ushaka kugera kure.

“>Kanda hano urebe ikiganiro cyose Inyarwanda yagiranye n’umusizi Murekatete n’umukirigitananga Nzayisenga Sophie

“>

Munyaneza Fabrice ubarizwa mu Itorero rya Zion Temple, akaba umwe mu baririmbyi ba Asaph Music, yagarutse ku gukomera kw'Imana no ku rukundo rwayo ikunda abantu, ikabakingira byinshi byabahitana.

Umuhanzi Munyaneza yatangaje ko iyi ndirimbo ashyize ahagaragara, iri kuri Album ye iri gutegurwa yitwa 'Ni muzima', ndetse ikaba ibaye indirimbo ya 3 ashyize hanze kuva yagirirwa umugisha wo kuririmba ku giti cye.

Ubwo yagarukaga ku nkuru y'indirimbo ye, yavuze ko yibutse ubushobozi bw'Imana bwagaragaye ubwo yari arwaye, arembye, ariko Imana ikamukiza akagarurirwa ubuzima, yumva akwiye gushima no kuririmba izo mbaraga zamuzahuye.

Yagize ati 'Nari nicaye, nibuka ukuntu nigeze kurwara cyane nkaremba ariko nkaza kubona ukuboko kw’Imana, insubiza ubuzima, ndongera mba muzima'.

Yakomeje agira ati 'Cya gihe abaganga bananiwe, abakomeye babuze imbaraga, wabaye Imana yitamurura, undemera amashimwe ndaririmba'

Uyu musore w'umuhanzi yagize icyo atangariza abantu bose bari mu buzima bwo kwiheba n’icyo basabwa, kandi abarangira intsinzi yihuse mu kubaruhura, bagahindurirwa amateka.

Yagize ati 'Abantu bari mu buzima bugoye, barwaye, batawe, ndetse bumva bari bonyine, ndababwira ko hari Imana ibasha gukora ibikomeye kandi ibasha kubahindurira amateka, muyizere'.

Yakomeje avuga ko abameze batyo, bazitiwe n’ubuzima bugoye, batakoze icyaha kurusha abandi, cyangwa ngo babe bangwa n’Imana, ahubwo atangaza ko ibyo byose biba kugira ngo imirimo y’Imana yerekanirwe muri bo.

Umuhanzi Munyaneza Fabrice yakiriye agakiza muri 2009 ubwo yari mu mashuri yisumbuye, muri 2010 yijira muri korari yo kwishuri yitwa Umucyo,.

Nyuma yo gusoza amashuri ye, yinjiye muri Asaph Music ishami rya Rusizi, ariko nyuma aza kwimukira muri Kigali atangira kuririmba muri Asaph ya Zion Temple Kimironko akaba ari naho yarerewe mu buryo bw'Umwuka.

Mu kiganiro na InyaRwanda, Munyaneza Fabrice yatangaje ko yagiriwe umugisha wo kuririmba indirimbo ze, ndetse avuga ko gukorera Imana bitamutera isoni kuko yayibonye kenshi binyuze mu mirimo yayo n'ibitangaza ikora.

Ashimira byimazeyo abakunzi b'ibihangano bye, bakomeza kumutiza amaboko bakamuzamura, kugira ngo umurimo w'Imana waguke binyuze mu bihangano by'Umwuka.

Yibutse uko yakijijwe indwara yari ikomeye maze yatura ishimwe rye ku Mana

Umuhanzi Munyaneza Fabrice yavuze ko imirimo y’Imana isumba iy’abantu

REBA INDIRIMBO NSHYA “IMIRIMO Y’IMANA” YA MUNYANEZA FABRICE

Ni nyuma y’uko bagejeje saa sita z’ijoro ryo kuri uyu wa Kane tariki 17 Kanama 2023, ari bo bari imbere mu majwi y’itora ryo kuri internet riri kubera kuri Noneho.com

Ange Kabatesi Rosine (nimero 10) niwe uri ku mwanya wa mbere aho afite amajwi 10,901. Ku mwanya wa kabiri hari Muziranenge Alice (nimero 13) ufite amajwi 10,535. Bombi bahise babona itike yo gukomeza mu kindi cyiciro.

Irushanwa rya Rwanda Global Top Model 2023 rigeze mu mahina! Kuko aba bakobwa ba mbere babonye itike bahigitse Camila Uwineza wari ugiye kumara iminsi itanu ari we uri ku mwanya wa mbere muri aya matora.

Kuri ubu Camila Uwineza ari ku mwanya wa Gatatu n’amajwi 7,186 aho akurikiwe na Anet Mbabazi uri ku mwanya wa kane n’amajwi 4,009.

Imibare y'uburyo amajwi y'aba bakobwa ari kwiyongera kuri buri umwe irahinduka buri kanya, biri gutuma bigoye kumenya ngo ni inde uzayasoza ari ku mwanya wa mbere cyangwa se ni inde uzabasha kwisanga muri Top 20 binyuze mu itora ryo kuri internet.

Ndekwe Paulette uhagarariye Embrace Africa, yabwiye InyaRwanda ko bakimara gutangira urugendo rw’amatora yo kuri internet, bahise bashyiramo ibice byo guhatana, aho uzajya ahiga abandi mu majwi azajya ahita atambuka kuri Top 20.

Yavuze ko aba babiri batsinze ‘ni uko ari bo bagejeje saa sita z’ijoro ry’uyu wa kane aribo bayoboye mu matora’.

Avuga ko aba bakobwa banganyaga mu majwi, bityo hafashwe umwanzuro ‘wo kubazamura bose’ Ati “Ubundi twari kuzamura umwe.”

Paulette avuga ko saa sita z’ijoro rya tariki 24 Kanama 2023, nabwo bazatangazwa umukobwa umwe uzaba wahize abandi mu majwi, ahite ashyirwa muri 20 bazahatana mu cyiciro cya nyuma.

Tarki 1 Nzeri 2023, nabwo hazatangazwa abakobwa bane bazaba bakomeje. Bazahita baba barindwi batambutse kubera kwitwara neza mu matora ari kubera kuri Noneho.

Ndekwe Paulette avuga ko abandi bakobwa13 baziyongera kuri bariya barindwi bazaba batambutse kubera guhiga abandi mu majwi ‘bazatoranywa n’Akanama Nkemurampaka’.

Ati “Tariki 2 Nzeri 2023 nibwo tuzamenya urutonde rurambuye rw’abakobwa 20 bakomeje bose, ariko hazagenda hamenyekanye bacye bacye.”

KANDA HANO UBASHE GUTORA UMUKOBWA USHYIGIKIYE MURI IRI RUSHANWA

Kabatesi Rosine ufite Nimero10 yabashije gukomeza mu irushanwa nyuma yo kugira amajwi menshi kurusha abandi

Muzirange Alice [Nimero 13] yabonye itike imwemerera kuzahatana muri Top 20 nyuma yo kuza ku mwanya wa kabiri mu majwi

ANDI MAFOTO YA KABATESI ROSINE URI KU MWANYA WA MBER MU MATORA

Kabatesi yahigitse bagenzi be mu matora ya Rwanda Global Top Model 2023 ari kubera kuri Noneho.com

Kabatesi Angel niwe uri ku mwanya wa mbere mu motora ya Rwanda Global Top Model 2023

Angel Kabatesi Rosine kuri Instagram akoresha aya mazina: @vega_babie

ANDI MAFOTO YA MUZIRANENGE ALICE URI KU MWANYA WA KABIRI MU MATORA YA RWANDA GLOBAL TOP MODEL 2023

Muziranenge Alice ari ku mwanya wa kabiri mu matora ya Rwanda Global Top Model 2023 ari kubera kuri Noneho.com

Muziranenge Alice yabonye itike yo gukomeza muri Top 20 mu irushanwa Rwanda Global Top Model 2023

Muziranenge Alice kuri Instagram akoresha aya mazina: @alliance_26