Author: webrwanda

Imbere mu rukiko, urubanza rwa Ishimwe Dieudonne n'abamwunganira 2

Me Kayijuka Ngabo na Me Emelyne Nyembo rwasubukuwe haburanwa ku majwi. Ni urubanza rwarimo abashinjyacyaha baburanye urubanza kuva mu ntangiriro. Ni urubanza rw'ubujurire bwatanzwe n'ubushinjacyaha. Ruri kubera ku Rukiko Rukuru rwa  Nyarugenge. 

Rwaherukaga gusubikwa ku itariki 15 Nyakanga 2023. None tariki 15 Nzeri 2023 rwasubukuwe haburanwa ku kimenyetso cy'amajwi yafashwe hatanzwe uburenganzira n'umushinjacyaha mukuru.

Ubwo twari mu rukiko ku itariki 14 Nyakanga ubushinjacyaha bwagombaga gusobanura ikimenyetso bwashyize muri dosiye muri Kamena 2023 kandi bwatanze ikimenyetso cyasuzumwe n'umuhanga wo muri Rwanda Foresnic Institute.

 

9:13 Urukiko rwahaye umwanya Ubushinjacyaha

uhagarariye ubushinjacyaha yahawe umwanya noneho abanza kuvuga ko amajwi yashyizwe muri syyetm 23 Kemena 2023 atari ikimenyetso gishya bitewe nuko nubundi cyari cyashyizwe muri dosiye na mbere hose. Ati:'Amajwi mwavugaga ko yakorogoshowe ni umwimerere. Itegekeo ryerekeye ibimenyetso mu manza riteganya ko iyo ikimenyetso kirenze ubumenyi bw'umucamanza ubushinjacyaha bwitabaza impuguke kugirango zibashe gutanga ibisobanuro kuri icyo kimenyetso. Ni ya majwi yafashwe ashyirwa muri sysystem, twagaragaraje raporo yakozwe na Rwanda Forensic Institute. Umuhanga yagaragaje uko amajwi yafashwe. Ikiganiro cyabaye hagati ya Prince Kid n'uwo bari kumwe wahawe Code ya VBF'.

 

 

Umuhanga yagaragaje ko ayo majwi yafashwe n'igikoresho cy'ikoranabuhanga kandi ni umwimerere. Umushinjacyaha yasoje ahamya ko ariya majwi atigeze akorogoshorwa nkuko byagizweho impungenge n'uruhande rwa Prince Kid.

 

9:19: Ishimwe Dieudonne yahawe umwanya arisobanura

 

Yatangiye avuga ko ashaka gusaba urukiko kugaragaza ubwoko bw'amajwi. Niba ari ikiganiro cy'amajwi ya telefoni. Umushinjacyaha yavuze ko ari amajwi ye yafashwe na vbf bari kumwe baganira. Ni ikiganiro bagiranaga kirafatwa.

 

9:20 Me Emelyne Nyembo yavuze ko mu gihe urukiko ruzaba rwiherereye hazatangwe ubutabera. Ubushinjacyaha bwavuze ko butanyuzwe n'imikirize y'urubanza. Me yabajije impamvu ayo majwi yafashwe. Ni ingingo iteganywa mu mategeko ko ubushinjacyaha bukuru bwakabaye bwaratanze uburenganzira mu ifatwa ry'ayo majwi. Hateganywa Whatsap, sms, telefoni ihamagara ntabwo habaho kugenekereza. Ati:'Ubushinjacyaha bwavuze ko ari amajwi bafashe kandi bihabanye n'amategeko'.

 

Me Emelyne Nyembo yibukije ko gufata amajwi bihabanye n'amategeko kuko ubuzima bwite bwa muntu burindwa n'amategeko. Yakomeje avuga ko kuri ayo amajwi nta hantu hagaragara yitwaje ububasha. Amajwi afite 16:47:10 Ubushinjyacyaha bwemeye ko bayakozeho. Me Emelyne yavuze ko ubushinjacyaha bwananiwe kwerekana umuhanga wayakoreye ubugororangingo.

Uruhande rwa Prince Kid rwagaragaje ko ariya majwi nta shingiro afite. Uru ruhande rwasabye ubucamanza gutanga ubutabera.

 

9:31 Me Kayijuka Ngabo yunze mu ryo Nyembo yavuze

 

Yagaragaje ko ariya majwi bigoye kwemera ko ari umwimerere. Ati:'Hari amajwi yaburagamo. Urukiko rutegeka ko azanwa hakarebwa niba ari umwimerere. Aya majwi rero si umwimerere. Ubushinjacyaha bwitabaje impuguke, ese iyi mpuguke yahawe ayahe majwi? Ibyahawe RFI ntaho bihuriye n'ibivugwa n'ingingo zerekana amajwi agomba gusuzumwa. VBF yavuze ko atigeze ahohoterwa. Ese ibimenyetso birakoreshwa ngo bikemure iki?'

 

Me Ngabo yasoje avuga ko urukiko rukwiriye kumva ko ibimenyetso bitandukiriye ku buryo bitagomba guhabwa agaciro.

 

9:35 Ubushinjacyaha bwasubijwe ijambo

Iyi raporo yashyizwe muri system yagaragaje ko isubiza igikorwa umuhanga yari yasabye gukora bisabwe n'ubushinjacyaha. Hari ibyaha bituma urwego runaka ruhabwa uburenganzira bwo kugenzura itumanaho;Ruswa, guhoza undi ku nkeke bifitanye isano n'imibonano mpuzabitsina. Ibyaha bya ruswa Prince Kid yarakurikiranyweho niyo mpamvu umushinjacyaha mukuru yataze itegeko ngo hasuzumwe ibiganiro kubera ari ibyaha bigoye. Ngaha rero ahitabajwe ibi bimenyetso. Itegeko rivuga ko urwego rubifitiye ububasha rushobora gufata amajwi y'abaganira akaba yasuzumwa. Ya majwi rero ntabwo ari ikimenyetso cyamushinja iki cyaha ariko ni ikimenyetso cyamushinja guhoza undi ku nkeke bifitanye isano n'imibonano mpuzabitsina no gusambanya undi ku gahato. Umushinjacyaha yavuze ko ariya majwi atashingiye ku cyaha cya ruswa kandi yafatiwe mu ruhume kandi ashobora gufatwa nk'ikimenyetso cyemewe. Mu manza z'inshinjabyaha ibimenyetso byose biremewe mu gihe nta tegeko ryishwe.

 

Ubushinjacyaha bwakomeje kwitsa cyane ku majwi yashyizwe muri dosiye ko ari umwimerere kandi yashyizwemo mbere ndetse anaburanwaho bihagije. Ati:'Nta kintu twahinduyeho ni ikiganiro hagati ya Ishimwe Dieudonne na VBF'.

 

Ubushinjacyaha bwanagaragaje ko ariya majwi yashoboraga gukoreshwa ku bindi byaha birimo ruswa nubwo ubushinjacyaha bwasanze nta ruswa ariyo mpamvu yakoreshejwe ku bindi byaha.

 

Ubushinjacyaha bwavuze ko amajwi yafashwe mu buryo bwemewe n'amategeko kuko uburenganzira bwatanzwe n'umushinjacyaha mukuru.

 

Inteko iburanisha yasabye buri ruhande kudasubira mu byo baburanyeho ahubwo bakagaruka ku ngingo nshya. Amajwi yafashwe na VBF (umutangabuhamya) ivuga ko iyo raporo itakabaye ikorwa kuko uwafashe amajwi ntabwo yigeze akoreshwa kuko bakasemo ibyo bashaka. Umucamanza yibukije Me Nyembo ko ibimenyetso byose bikoreshwa. Nyembo ati:'Ese ayo majwi kuki atakorewe raporo mbere hose? ayo majwi yari iminota 16, iminota 30, ese ubwo ayo majwi kuki bayakase?'

 

Yanagarutse ku ijambo uruhame. Avuga ko uruhame ari ahantu hateraniye abantu barengeje babiri.

10:01

Prince Kid yavuze ko telefoni yafashe amajwi ari Iphone 14 kandi amajwi yafashwe 16 Mata 2022  mugihe  iyi Iphone 14 yagiye ku isoko   tariki 7 Nzeri 2022. Ayo majwi yafashwe telefoni itarasohoka kandi yari itaragera ku isoko. Ese yatunze telefoni itarasohoka? Prince Kid yakomeje yisobanura ko amajwi yafashwe n'uwarimo aganira na we . Yakomeje avuga ko ubutabera mu nyandiko mvaho yahakanye ko atahohotewe. Ese ubushinjacya uwo busabira ubutabera ni nde?

Ikindi kintu yikijeho ni ibijyanye n'amajwi. Ariya majwi yafashwe ari babiri si uruhame kandi Ubushinjacyaha barayakase kugirango bakuremo ibyo bashaka.

 Ati:'Umuntu yeditinga bitewe n'ibyo ashaka gusohora. Rero icyo nemera ninjye wavuze ariko sinemera ibyo amajwi avuga. Reka mbahe urugero. Umugore wanjye yitwa Nyembo niwe twajyanye gusura Nyembo. Rero nubikata ugafata ibyo ushaka, uri bubyumvise Elsa azumva ko namwihakanye'. Prince Kid yasabye ko amajwi adahabwa agaciro. Yasoje avuga  ati  'Nyakubahwa mumbarire ntimuzemere ko ndengana narageze mu maboko yanyu!'.

 

10:09: Ubushinjacyaha bwahawe umwanya buriregura ko butigeze buhindura amajwi

10:15: Ubushinjacyaha bwatonganye n'uruhande rwa Prince Kid hatangwa agahenge ku bufatanye n'umucamanza. Prince yavuze ko ibyiringiro bye biri mu biganza by'ubucamanza kuko Ubushinjyaha butamwifuriza ineza.

10:18 Perezida w'inteko iburanisha yapfundikiye urubanza. Umwanzuro uzasomwa ku itariki 13 Ukwakira Saa Tanu z'amanywa.

Prince Kid yahishuye ko yamaze kwiheba kubera uburyo ubushinjacyaha buhora buhimba ibimenyetso bimubambisha 

Iradukunda Elsa wabaye Miss Rwanda 2017 yaherekeje umugabo we mu rukiko 

Prince Kid yishyize mu biganza by’abacamanza

Kanda hano urebe amafoto menshi ubwo Prince Kid yitabaga urukiko aherekejwe n’umugore we

AMAFOTO: Serge Ngabo-InyaRwanda.com

Kuri uyu wa Kane tariki 14 Nzeri 2023, yabwiye InyaRwanda ko amaze iminsi mu Rwanda mu rugendo rwihariye rujyanye n'akazi no kureba umuryango we.

Mu kiganiro yahaye Kiss Fm, Umutare Gaby yavuze ko yuzuye amashimwe kuba yongeye kuvugira ku ndangururamajwi y'imwe muri Radio ikorera mu Rwanda. Ati 'Ntuzuye amashimwe muri njyewe…”

Yavuze ko guhurira kuri 'Micro' na Murumuna we Andy Bumuntu ari ibintu bitangaje, ariko kandi si bishya kuri we kuko kuva akiri muto yamubonagamo ubushobozi bwo kuzakora ibintu byinshi.

Gaby ati 'Birashimishije kubona umuntu wasize acyishakisha, ukabona arimo arakuganiriza ukunguku ni ibintu birenze…”

Uyu mugabo yaherukaga muri Kiss Fm mu 2017 ubwo yamurikaga indirimbo ye yise ‘True Love’, kandi icyo gihe yahuye na Uncle Austin ndetse na Arthur.

Gaby yavuze ko ubwo yajyaga muri Australia atigeze atangaza ko yaretse umuziki, ahubwo hari abantu babimuvigiye mu buryo butari bwo. 

Ati “Nta hantu ntigeze mvuga ku mugaragaro ko naretse umuziki.” Yavuze ko umuziki ari impano kuko ‘ni ibintu ukora nawe bikurimo’. Ati “Ni igihe gusa kibigena.”

Umutare yavuze ko akigera muri Australia yatunguwe n’inshingano yari afashe kandi akaba yari azifashe mu buzima atamenyereye.

Yavuze ko yagowe no kwisanga muri kiriya gihugu, ahanini bitewe n'ubukonje bw'aho, kwita ku muryango we mu nshingano nshya yari afashe n'ibindi.

Umutare avuga ko hari igihe umufasha we yigeze kumusigira ‘Facture’ yo kujya kwishyura ariko ananirwa no kuyishyura kubera ko yari ataramenya ururimi neza.

Yavuze ko ubuzima bwe bwari bwubakiye ku muziki gusa. Byatumye akimara kubana n'umugore we, yarirengagije buri kimwe cyose, hanyuma atangira gukora akazi umugore we atashoboraga kwiyumvisha ko yakora. Ati 'Izo mpinduka rero nakoze byatumye umugore avuga ngo wa muntu arahari.'

Umutare yavuze ko afite indirimbo nyinshi yagerageje gukora, binyuze muri studio yubatse iwe mu rugo. Avuga ko kugeza ubu amaze gukora album ebyiri.

Uyu mugabo yavuze ko 'nta gitutu cy'ubwamamare n'ubwiza ariho', kuko buri munsi wose awubaho ubuzima bwa nyabwo.

Umutare Gaby afitanye indirimbo ‘Injyana’ yakoranye na Yvna Buravan. Yabaye indirimbo ya mbere yaciriye inzira urugendo rw’uyu munyamuziki witabye Imana.

Umutare avuga ko akigera mu Rwanda yahise ajya gusura igituro cya Yvan Buravan mu irimbi rya Rusororo. Yavuze ko yamenye Buravan ‘nta wundi muntu uramumenya’.

Avuga ko bahuye ubwo bari kuri studio ya Bob Pro mu Mujyi rwa Kigali ahazwi nko kwa Ndamage, Bob amubwira ko ‘hari umwana afite uzi kuririmba cyane’.

Yavuze ko icyo gihe we na Buravan bicaye hasi baraganira. Buravan ngo yatunguwe n’uburyo Umutare Gaby yamuciriye bugufi bakaganira. Ati “Naramubwiye nti igishoboka cyose nagikora, mubwira ko ubuzima ari ugufashanya.”

Umutare yavuze ko Buravan yakundaga kuririmba cyane injyana ya RnB, kandi yari wa muntu witabazaga abandi  w’umuhanga cyane, akamenya guca bugufi akabaza buri wese. 

Ati 'Yvan yari umuntu w’imfura. Iyo abantu batangiraga kuvuga abandi ntiwamenyaga aho anyuze. Umutare Gaby yavuze ko ‘twabuze umuntu w’imfura ukiri muto.'

Uyu munyamuziki yavuze ko akimara kumenya inkuru y'urupfu rwa Buravan yamaze amezi abiri atabasha gukora akazi.

Avuga ko Buravan yari inshuti ye yihariye kuko yagiye aganira n'umuryango we mu bihe bitandukanye.

Umutare yavuze ko atizerera mu rupfu kuko arubona nk’indi nzira. Ati “Umubiri wa Yvan niwo tutabona, ariko Yvan arahari kuko n’ubu turi kumwizihiza.”

Umutare yavuze ko yakuze akunda kwandika indirimbo zihimbaza Imana biturutse ku buhanga bwa Richard Nick Ngendahayo ndetse na Alex Dusabe, nyuma aza kwisanga mu ndirimbo zizwi nka 'Secullar'. 

Uyu mugabo afite igihembo cya UN yegukanye bituma aba 'Brand Ambassador' w'ayo mu gihe cy'imyaka umunani.  Umutare yatangaje ko imyaka itandatu yari amaze muri Australia yabanje kumutonda ariko agenda amenyera ubuzima bitewe n'inshingano yari afashe

Umutare Gaby yavuze ko Buravan bahuye benshi bataramenya impano ye- Avuga ko Bob Pro ariwe wagize uruhare mu kubahuza, kandi amwibuka nk’umuhanzi w’impano itangaje

Umutare yavuze ko atatunguwe no kumva ko Murumuna we Andy Bumuntu yinjiye mu itangazamakuru kuko kuva bakiri bato yamubonagaho ubuhanga bwo kugerageza ibintu byinshi

Mu 2021, Umutare Gaby yabaye umwarimu wa Rusine Patrick amwigisha isomo rya 'Computer Science' aho yigaga mu mashuri yisumbuye mu mwaka wa mbere

Umutare yavuze ko indirimbo ye 'True Love' yayihimbiye umugore we Joyce 

Umutare Gaby yashimye Sandrine Isheja Butera ku bw’uruhare rwe mu guteza imbere abahanzi, avuga ko atari yaragize amahirwe yo guhura nawe 

KANDA HANO UREBE AMASHUSHO Y’INDIRIMBO ‘INJYANA’ YA BURAVAN NA UMUTARE

“>

“>UMUTARE GABY KANDA HANO UREBE AMASHUSHO Y’INDIRIMBO ‘JURU’ YA UMUTARE GABY
“>

Mu myitozo yo ku mugoroba wo kuri uyu wa Kane  tariki 14 Nzeri 2023 ,Rayon Sports yakoreye  imyitozo mu gihugu cya Libya, ku buryo butunguranye yagaragayemo umukinnyi w’ikipe y’igihugu Amavubi wanayibereye Kapiteni kuva mu 2013 ,Haruna Niyonzima usanzwe ari umukinnyi wa Al Ta’awon ikina icyiciro cya mbere muri Libya.

Ikipe ya Rayon Sports iri mu gihugu cya Libya aho yageze igiye gukina umukino w’ijonjora rya kabiri mu mikino ya CAF Confederation Cup ariko umukino ukaza gusubikwa.

Kuri uyu wa Gatanu  nibwo Rayon Sports yagombaga gukina n’ikipe ya Al-Hilal Benghazi, ariko kubera ibiza byibasiye igihugu cya Libya bigatana abantu, byabaye ngombwa ko uyu mukino usubikwa.

Haruna Niyonzima ahanganye na Mitima Isaac uhagaze neza muri Rayon Sports 

Nk’uko tubikesha itangazo Rayon Sports yashyize hanze mu ijoro ryo kuri uyu wa Kane, inama yahuje CAF abasifuzi b’uyu mukino ndetse n’amakipe yombi, uyu mukino wimuriwe tariki 23 cyangwa 24 Nzeri, mu gihe umukino wo kwishyura uzaba tariki 30 uko Kwezi, imikino yose ikazabera mu Rwanda.

Rayon Sports ntabwo yabashije guhita igaruka mu Rwanda kuko amatike yari yarakatishije adahinduka, ariyo mpamvu bagomba kugarukira igihe bari barateguye nubwo umukino utabaye. 

Haruna Niyonzima ubwo yavaga muri Etincelles FC aje i Kigali yahingukiye mu ikipe ya Rayon Sports, ayikinira umwaka w’imikino 2007-2008 ahava ajya muri APR FC. 

Haruna Niyonzima yifurije amahirwe Rayon Sports mu mikino irimo ndetse yifuza ko yagera kure 

Itangazo Rayon Sports yashyize hanze, ryemeza ko imikino yose izabera mu Rwanda

Ubuyobozi bwa APR FC buvuga ko Pyramids FC ari ikipe ikomeye ariko nabo biteguye gusa bakaba bafite impungenge ku mukino wo kwishyura uzabera mu Misiri.

APR FC izahura na Pyramids FC yo mu Misiri mu ijonjora rya kabiri ry’Imikino Nyafurika ya CAF Champions League aho umukino ubanza uzabera i Kigali ku Cyumweru tariki ya 17 Nzeri 2023 n’aho uwo kwishyura ubere mu Misiri ku wa 29 Nzeri 2023.

Umuyobozi wa APR FC, Lt Col Richard Karasira yavuze ko babizi ko bagiye guhura n’ikipe ikomeye ariko nabo bakaba biteguye neza, gusa ngo ikibazo bafite ni ku mukino wo kwishyura uzabera mu Misiri.

Ati 'Nta mpungenge dufite pe, turabizi ko tugiye guhura n’ikipe ikomeye, ikipe yashoye, ikipe yabaye iya kabiri mu Misiri iba ari ikipe ikomeye (…) Turabizi ko ari ikipe ikomeye ariko tukagira impungenge cyane iwabo kuruta aha, ku mpamvu zitandukanye urabizi iyo umuntu ari iwabo ni nk’uko natwe dufite icyizere aha iwacu.'

'Murabizi abakurikiye Abarabu iyo bari hanze baba bugarira kuruta uko basatira, turabizi ko tugiye gukina n’ikipe ikomeye ariko abakinnyi bacu ndabona biteguye cyane, nk’ubuyobozi bw’ikipe ntacyo tutazakora ngo tubafashe kuba twatsinda.'

Yakomeje kandi avuga ko kuba ikipe ari nshya ibyo bitazaba urwitwazo rwo gutsindwa kuko abakinnyi baguzwe bamenyereye imikino mpuzamahanga, bityo ngo nta gitutu bafite.

Ati 'Uko tubazi uhereye ku munyezamu (Pavelh Ndzila), Bindjeme, Lwanga, Shaiboub n’ab’imbere, ubona bamenyere amarushanwa, batsindwa byabaho ariko nta bwoba bagira. Bindjeme akubwira ko Mayele bamaze guhura gatatu mu kibuga. Yego yamutsinda ariko ntabwo yamukanga, rero ni abakinnyi bamenyereye bityo numva dushobora kuzitwara neza ku cyumweru, ndabyumva kandi ndabyizeye cyane.'

'Turiteguye, umutoza ariteguye kandi igitutu ntacyo dufite, ku giti cyanjye ntacyo mfite nta nubwo ari urwitwazo ngo ntabwo twari twamenyerana, nta nubwo nemera ko twazahora dutanga impamvu ngo turimo kwiyubaka, oya ntabwo aribyo. Nta rwitwazo dufite, nta gitutu dufite ariko icyadushimisha ni uko twatsinda, gusa uko mbireba Pyramids FC na yo izavunika nishaka kubigeraho (gutsinda).'

Pyramids FC izakina na APR FC yamaze kugera mu Rwanda aho yahageze ku munsi w’ejo hashize, umukino uteganyijwe kuri Kigali Pele Stadium saa 15h00′ ku Cyumweru tariki ya 17 Nzeri 2023.

Kuri Neza Garden hari amahema yakira ubukwe, hakaba parikingi y’imodoka zirenga 100, ibyuma byo kuraramo,biyari, ibyicundo by’abana, n’ibindi bikenerwa mu kabari keza.

Neza Garden Bar yakira abakora ubukwe dore ko ifite amahema meza agezweho. Ni akabari gafite umwihariko w’ibyumba bihendutse, parikingi yajyamo ibinyabiziga100. 

Ikindi kandi gafite serivisi nziza. Igikoni cyabo kihariye amafi meza, inkoko, inkwavu, igiti utasanga ahandi n’ibindi. Kuri uyu wa Gatanu hazaba hari uvanga imiziki, ababyinnyi mu kabyiniro, ababyeyi bazazana abana bazabarekera mu byicundo.

REABA UKO HAMEZE

NEZA GARDERN BAR ije ari igisubizo ku bafite ibirori

Kuri uyu wa Gatanu harafungurwa ku mugaragaro

Abazi gukina biyari bashyizwe igorora

Neza Garden Bar ije ica impaka

Hari parikingi yajyamo imodoka zirenga 100

Hari amahema aberamo ubukwe

Imbere mu ihema

Hari ibyumba byo kurarama

Bafite ubwiherero bugezweho

Igikoni cyabo gifite umwihariko ku buryo azagaruka.

Igikoni gifite inkoko, ifi, inkwavu n’ibindi

Abana bashyizwe igorora

Haragutse kandi ni heza habereye ijisho

Abakiriya barasabwa kuhagera bakareba ibidasanzwe bizahabera birimo akabyiniro, ikimansuro

Ukeneye gutumiza ibyo kurya wahamagara 0788229483

AMAFOTO: Freddy Rwigema- InyaRwanda 

Aba bombi batangiye gukundana muri 2003 bahuriye mu kiganiro n'itangazamakuru cyiga ku majonjora y'ibihembo bya Grammy 2003. Barakundanye biratinda, baza gutandukana nyuma y'imyaka icumi. None kuri ubu aba bahanzi b'ibyamamare bamaze kwemeza ko bongeye gusubira mu rukundo.

Iki cyibatsi cy'urukundo cyongeye kugurumana nyuma y'ijoro ry'ibirori byatangiwemo ibihembo bya VMAs, aho Ashanti yitabiriye ibi birori mu rwego rwo gushyigikira umukunzi akaba n'umugabo we w'ejo hazaza. 

Mu byatangaje benshi, harimo no kuba yari yitwaje agasakoshi ko mu ntoki abakobwa n'abadamu bakunze kwitwaza (Sacs à main) karimbishijwe ifoto y'aba bombi muri VMA 2003bagitangira gukundana.

Nyuma yo kugaragara muri VMAs 2023, Nelly na Achanti basubiye mu rukundo bitunguranye

Ashanti aganira na E! News yemeje ko bombi bongeye gusubirana. Abajijwe niba bakundana, yasetse ahita asubiza ati “Ndashaka kuvuga… yego.”

Achanti yaserukanye agasakoshi kariho ifoto ye na Nelly bitangaza benshi

Nelly nawe yaje yunga mu ry'umukunzi we ati: 'Twongeye kumerana neza. Ntekereza ko byadutangaje twembi. Ntabwo ari ikintu twateganyaga.'

Nelly w'imyaka 48 yongeyeho ko rimwe na rimwe kuba kure y'uwo ukunda mutavugana hari icyo bifasha, avuga ko we igihe yamaze atari kumwe na Ashanti cyamufashije ndetse ahamya ko ubu bameranye neza.

Aba bombi bahuje umwuga w'ubuhanzi batandukana muri 2013 bababaje imitima y'abafana benshi yari ibashyigikiye muri kiriya gihe.

Nelly na Achanti bongeye gusubirana nyuma y’imyaka isaga 10 batandukanye

Nelly na Ashanti w'imyaka 42, bagiye bagaragara basohokanye inshuro nyinshi mu mwaka ushize batitaye ku mibanire yabo.

Kurubu Nelly afite abana bane, babiri be yabyaranye n’uwo bahoze bakundana Channette Valentine n'abandi babiri yiyemeje kurera. 

Si Channetta gusa, kuko nyuma ya Achanti yaje gukundana n’undi witwa Shantel Jackson, mu gihe Achanti we nta n'umwe afite ariko akaba aherutse gutangaza ko akeneye kwicara hamwe agashyingirwa akabyara abana.

Mu gihe habura iminsi 3 gusa ngo abakunda guhimbaza Imana bose bahuriye muri BK Arena kuri iki Cyumweru tariki 17 Nzeri 2023 mu gitaramo cyiswe 'Shalom Gospel Festival,' kuri uyu wa Kane, habaye Ikiganiro n’Abanyamakuru ndetse haba umunsi wa kabiri w’ivugabutumwa rya Korali Shalom ku bufatanye na ADEPR, ururembo rwa Kigali.

Uyu munsi waranzwe n'igikorwa cyo gushyigikira ababyeyi b’abagore barera abana ku giti cyabo (Shalom Gospel Festival Supporting Single Mothers). Iki gikorwa cyabaye none tariki 14 Nzeri 2023, ni cyo gikorwa kibanziriza icya nyuma mu bikorwa byose biteganijwe gukorwa muri 'Shalom Gospel Festival.'

Ni igikorwa kibanziriza igitaramo 'Shalom Gospel Festival' cyateguwe na Shalom Choir ku bufatanye na Israel Mbonyi, kizaba ku cyumweru, itariki 17 Nzeri 2023 muri BK Arena aho kwinjira ari ubuntu. Imiryango izaba ikinguye kuva saa sita z’amanywa, naho igitaramo gitangire saa munani z’amanywa.

Aba babyeyi bahawe imashini zidoda ni abatoranijwe kandi banakomoka mu madini atandukanye. Aba babyeyi bamaze iminsi biga ndetse banononsora umwuga wo kudoda, ariko ntibari bafite ubushobozi bwo kuzigurira.

Umuyobozi w'Ururembo rwa Kigali, Rev. Valentin Rurangwa, yasobanuye ko iki gikorwa cyakozwe hashingiwe ku ko bijyanye n'intego y'itorero rya ADEPR ari yo 'Guhindura ubuzima bw'abantu mu buryo bwuzuye, mu buzima no mu mwuka, hifashishijwe ubutumwa bwa Kristu', ndetse asaba itsinda Urumuri kuzabyaza ibi bikoresho bahawe umusaruro, kugira ngo binababere intangiriro y'ubukire.

Iyi korali yatangiye umurimo w'Imana mu 1983, itangira ari korali y’abana bo ku ishuri ryo ku ishuri. Mu 1985 binyuze mu ntambwe Imana yabateresheje bafashe izina bitwa Korali Umunezero. Bigeze mu 1993 bakiriye abaririmbyi barimo abashinze ingo bituma bashaka izina bitwa Korali Shalom [Amahoro mu rurimi rw’Igiheburayo].

Ubu iyi korali ibarizwamo abaririmbyi barenga 140 barimo 78% bakuru ndetse n’urubyiruko 22%. Kuva batangira umuririmo bashyize hanze indirimbo zakunzwe ziri kuri Album esheshatu bamaze gushyira hanze zirimo nka ‘Jambo Nyamukuru’, ‘Ndashima Umwami’, ‘Mungu wangu’ n’izindi. Indirimbo bamamayemo cyane harimo “Uravuga Bikaba”, “Abami n’Abategetsi” na “Nyabihanga”.

REBA SHALOM CHOIR MU KIGANIRO N’ABANYAMAKURU CYABAYE KURI UYU WA KANE

 

Shalom Choir irakataje mu ivugabutumwa rigaragaza ibikorwa bifatika

Shalom choir yaremeye ababyeyi b’abagore barera abana ku giti cyabo

Amakorali anyuranye akomeje kwifatanya na Shalom choir

Kuwa Gatatu w’iki cyumweru Shalom choir na ADEPR bahurije hamwe urubyiruko baganira ku musanzu wabo mu kubaka iri torero

Umushumba Mukuru wa ADEPR ari mu bashyigikiye cyane Shalom choir

Shalom Choir yaganiriye n’abanyamakuru kuri uyu wa Kane muri BK Arena

Umushumba wa ADEPR Ururembo rwa Kigali, Rev. Valentin Rurangwa, yaherekeje Shalom choir muri Press Conference

Visi Perezida wa Mbere wa Shalom Choir akaba n’umuhuzabikorwa wa Shalom Gospel Festival, Jean Luc Rukundo

Shalom Gospel Festival 2023 irasozwa kuri iki cyumweru mu gitaramo gikomeye kizabera muri BK Arena

VIDEO: Jean Nshimiyimana – InyaRwanda Tv