Author: webrwanda

Gasogi United na Kiyovu Sports, nizo kipe zigiye kubimburira izindi gukina umunsi wa 4 wa shampiyona urimo ibirarane 2. Ni umukino ugiye kubera kuri Kigali Pele Stadium ukaba utangira ku isaha ya saa 19:00 PM.

Gasogi United igiye gukina uyu mukino iri ku mwanya wa kabiri n’amanota 6 ikaba irushanwa amanota 3 Musanze FC. Kiyovu Sports igiye ku manuka mu kibuga iri ku mwanya 8 n’amanota 4.

Abakozi batatu ba APR FC bafungiwe ibyaha birimo amarozi, basabiwe n’Ubushinjacyaha bwa Gisirikare gufungwa imyaka 3.

Muri Gicurasi 2023 nibwo haje amakuru y’uko abakozi batatu ba APR FC, Mupenzi Eto’o wari ushinzwe kugurira iyi kipe abakinnyi, Maj. Uwanyirimpuhwe Jean Paul wari ushinzwe ubuzima bwa buri munsi bw’ikipe (Team Manager) na Maj. Nahayo Ernest wari umuganga bafunzwe.

Mu kiganiro n’abanyamakuru cyabaye ku wa 13 Nzeri 2023, Umuyobozi w’iyi kipe, Lt Col Richard Karasira, yavuze ko ibyo aba bakozi batatu bakurikiranyweho bifitanye isano n’ibyo Perezida Kagame aheruka kugarukaho by’ikoreshwa ry’amarozi.

Ati 'Ibijyanye n’abafunzwe, itangazo ry’ikipe muvuga ngo tutakoze, no kubafunga ni ikigaragaza ko hari icyo twabikozeho. Muravuga ngo ubuyobozi bwa APR FC ntibwabafunze, ni gute se butabafunze? Ibindi twareka ubutabera bugakora akazi kabwo. Barafunze kandi ibyo bazira biri mu byo Perezida wa Repubulika yavuze birimo amarozi. Iby’ibyo kurya, ibyo ntabyo nzi.”

Uyu munsi nibwo uko ari batatu bitabye Urukiko rwa Gisirikare maze bemera ibyaha baregwa ariko bahakana inyito y’icyaha baregwa.

Basabiwe gufungwa imyaka 3 n’Ubushinjacyaha maze Urukiko rwanzura ko ruzasomwa tariki ya 13 Ukwakira 2023.

Jean Paul wari Team Manager arafunzwe

Eto’o wari ushinzwe kugura abakinnyi na we arafunzwe

Umuyobozi wa Yanga yo muri Tanzania, Eng. Hersi Saidi yifurije intsinzi APR FC na Rayon Sports mu mikino Nyafurika zifite.

Ibi yabitangaje ubwo iyi kipe yari mu gikorwa cyo gutanga ubufasha bwo gufasha abaturage bagizweho ingaruka n’Ibiza mu Rwanda.

Yanga iri mu Rwanda aho ije gukina na Al Merrikh yo muri Sudani mu mukino ubanza w’ijonjora rya kabiri rya CAF Confederation Cup, Al Merrikh ikaba yakirira mu Rwanda.

Eng Hersi Saidi yifurije intsinzi APR FC na Rayon Sports zifite iyi mikino.

Yagize ati “Reka mfate uyu mwanya nshimire perezida wa APR FC kuba yafashe umwanya we akaza kwifatanya natwe, ndabifuriza amahirwe masa ku mukino wo ku Cyumweru, turabizi mufite umukino ukomeye na Pyramids FC, turabifuriza amahirwe masa, Young Africans turifuriza APR FC na Rayon Sports kwizitwara neza mu mikino Nyafurika.”

Ku Cyumweru APR FC izakira Pyramids FC yo mu Misiri muri Champions League ni mu gihe Rayon Sports izakina na Al Hilal Benghazi tariki ya 24 Nzeri muri Confederation Cup.

Yanga yifurije instinzi APR FC na Rayon Sports

Ikipe ya Yanga yo muri Tanzania iri mu Rwanda gukina na Al Merrikh mu mikino Nyafurika, yafashije abagizweho ingaruka n’ibiza.

Ku bufatanye bwa Ambasade ya Tanzania mu Rwanda, kuri uyu wa Gatanu tariki ya 15 Nzeri 2023, nibwo ubuyobozi bwa Yanga bwashyikirije Minisiteri Ishinzwe Ibikorwa by’Ubutabazi (MINEMA) sima 200 ndetse n’amabati 70 byo gufasha abagizweho ingaruka n’ibiza biheruka kwibasira u Rwanda, bari baherekejwe n’umuyobozi wa APR FC, Lt Col Richard Karasira.

Umuyobozi wa Yanga, Eng. Hersi Saidi yavuze ko ubwo bari baje gukina mu Rwanda bahisemo gufasha abagizweho ingaruka n’ibiza mu Rwanda kuko biri mu muco wabo.

Ati “ubwo twari tugiye kuza mu Rwanda twahisemo no gufasha abagizweho ingaruka n’Ibiza twizera ko bizafasha bamwe mu bagizweho ingaruka bagakurwa mu byabo.”

“Abanyarwanda bahuye n’ibibazo natwe nka Yanga twaravuze ngo reka tugire icyo dukora kugira ngo dufashe Abanyarwanda.”

Umuyobozi ushinzwe Imari n’Ubutegetsi muri MINEMA, Munyazikwiye Gerome yashimiye Yanga kuri iki gikorwa yakoze.

Ati “Inkunga twakiriye turayishimiye kuko izadufasha gukomeza gufasha abagizweho ingaruka n’Ibiza kandi iyi kipe turayishimira yakoze igikorwa cy’indashyikirwa.”

Ibi bikoresho Yanga yatanze bizafasha abagizweho ingaruka n’Ibiza bifite agaciro k’ibihumbi 4 by’Amadorali y’Amerika.

Yanga izakina na Al Merrikh yo muri Sudani ejo ku wa Gatandatu kuri Kigali Pelé Stadium mu mukino ubanza w’ijonjora rya kabiri rya CAF Confederation Cup.

Muri Gicurasi 2023 byibuze abantu 130 barapfuye, ingo zirenga ibihumbi 5, imihanda 17 n’ibiraro 26 byarangiritse.

Ibikoresho byashyikirijwe MINEMA

Umuyobozi wa Yanga Eng. Hersi Saidi yabishyikirije Gerome wo muri MINEMA

Bamwe mu bakinnyi ba Yanga bari bahari

Umuyobozi wa Yanga ari kumwe n’umuyobozi wa APR FC, Lt Col Richard Karasira wari waje kubashyigikira

Eng Hersi Saidi yavuze ko batari kuza imbokoboko kandi abaturanyi baragize ibyago

Ubusanzwe gutandukana kw'ingo z'ibyamamare ni ibintu bikunze kubaho kandi ntibitungurane dore ko bavuga ko ntabasitari babiri babana ngo barambane. Muri uyu mwaka wa 2023 wagize umwihariko wo kurangwa n'itandukana ry'ibyamamare bikomeye ku isi aho ingo zafatwaga nk'izikomeye zamaze gutandukana, abandi bakundanaga bitegura kurushinga bahise babisubika.

Mu gihe amakuru ya gatanya y'ingo z'ibyamamare akomeje guca ibintu mu myidagaduro, dore ibyamamare 10 bimaze gutandukana mu 2023:

1.Ariana Grande na Dalton Gomez

Umuhanzikazi Ariana Grande umaze iminsi atagaragara mu muziki, aherutse gutandukana n'umugabo we Dalton Gomez bari bamaranye imyaka 2 barushinze. Batangiye gukundana mu 2020 ubwo Covid-19 yari yarazambije imibereho y'abantu ku isi. Ariana Grande akaba yaratangaje ko uyu Dalton ariwe wamubaye hafi mu bihe by'iki cyorezo ari naho bahise batangira gukundana.

Ibyabo ntibyatinze kuko muri Mata ya 2021 barushinze basezerana kubana akaramata. Urugo rwabo ntirwakunze kugarukwaho cyane kuko akenshi bari babayeho mu buzima bw'ibanga aho bagaragaraga gacye gusa mu kwezi gushize bongeye kugarukwaho cyane ubwo batangazaga ko batandukanye ndetse ko impapuro za gatanya zamaze kugezwa mu nkiko.

2. Britney Spears na Sam Asghari

Icyamamarekazi mu njyana ya Pop, Britney Spears yongeye gutandukana n'umugabo we wa gatatu Sam Asghari nyuma y'igihe cyari gishize bivugwa ko bombi batabanye neza ndetse uyu muhanzikazi yaramaze iminsi agaragara atambaye impeta yambitswe na Sam Asghari ubwo barushingaga mu 2022.

Britney Spears w'imyaka 41 y'amavuko yatandukanye na Sam Asghari w'imyaka 29 nyuma y'umwaka umwe gusa barushinze. Uyu Sam akaba ariwe wafashe iya mbere asaba gatanya aho yavuze ko uyu muhanzikazi yamuciye inyuma akaryamana n'umukozi wabo wo mu rugo. 

Nubwo urugo rwabo rutarambye ariko bari bamaze igihe bakundana dore ko bagiye mu munyenga w'urukundo kuva mu 2018 gusa 2023 ikaba ibasize barebana nabi.

3. Natalie Portman na Benjamin Millepied

Icyamamare muri sinema, Natalie Portman ukomoka muri Israel, wagiye akundwa muri filime zitandukanye yakinnye zirimo nka 'Black Swan', 'Thor', 'Closer' n'izindi, yamaze gutandukana n'umugabo we Benjamin Millepied bari bamaranye imyaka 11 barushinze.

Natalie Portman w'imyaka 42 yatse gatanya Benjamin Millepied  mu mpera za Kamena nyuma yahoo bimenyekaniye ko Benjamin yamuciye inyuma agatera inda undi mugore. Aba bombi batandukanye bamaze kubyarana abana babiri.

4. Sophia Vergara na Joe Manganiello

Ibyamamare bibiri muri sinema, Sophia Vergara na Joe Manganiello basohoye itangazo ku mbuga nkoranyambaga zabo ko bafashe umwanzuro wo gutandukana kandi ko ntakindi bapfuye ahubwo ko bombi batari bagishoboye kubana ku mpamvu z'akazi kabo.

Sophia Vergara w'imyaka 51 wamamaye cyane muri filime y'uruhererekane ya 'Modern Family', yatangiye gukundana na Joe Manganiello kuva mu 2012, baje kurushinga mu 2015 bakaba batandukanye bamaranye imyaka 8 barushinze.

5. Sophie Turner na Joe Jonas

Umwongerezakazi kabuhariwe mu gukina filime wamamaye ku izina rya 'Sansa Stark' kubera filime y'uruhererekane yitwa 'Game of Thrones' yakinnye imyaka icyenda. Kuri ubu Sophia yatandukanye n'umuhanzi Joe Jonas wo mu itsinda rya Jonas Brothers nyuma y'imyaka 5 barushinze.

Sophie Turner na Joe Jonas batangiye gukundana mu 2016 baza kurunshinga mu 2019. Mu byumweru 2 bishize nibwo byamenyekanye ko Joe Jonas ariwe waste gatanya Sophia aho yanamushinjije kutita ku bana babo babiri ahubwo agahora mu iraha.

6.Sophia Bush na Grant Hughes

Umukinnyi wa filime akaba anaziyobora, Sophia Bush uzwi cyane muri filime y'uruhererekane ya 'One Tree Hill', aherutse kwaka gatanya umugabo we Grant Hughes bari bamaze amezi 13 barushinze. 

Mu nyandiko Sophia yagejeje mu nkiko yavuze ko amakosa Grant Hughes yamukoreye adashobora kuyamubabarira. Aba bombi bakaba baritanye bamwana mu itangazamakuru aho umwe yatungaga urutoki undi ko ariwe nyirabayazana wisenyuka ry'urugo rwabo.

7. Ricky Martin na Jwan Yosef

Umuhanzi w'icyamamare Ricky Martin ukomoka muri Puerto Rican wanahishuye kera ko akunda abo bahuje igitsina (Gay) ubwo yatangiraga kwamamara, aherutse gutandukana n'umugabo mugenzi we Jwan Yosef bari bamaranye imyaka 6 barushinze. Aba bombi batangiye gukundana mu 2015, barushinga mu 2018 aho banaje kurera abana babiri biyanditseho mu buryo bw'amategeko (Adoption). 

8. Billy Porter na Adam Smith

Urundi rugo rw'abagabo babana rwasenyutse ni urwa Billy Porter, umukinnyi wa filime akaba n'umuhanzi uherutse gutandukana n'umugabo mugenzi we Adam Smith bari bamaranye imyaka 7 barushinze. Bombi batangiye gukundana mu 2016 barushinga mu 2017. 

Billy Porter mu 2021 yasohoye igitabo cy'amateka ye yise 'Unprotected: A Memoir' aho yahishuyemo ko Adam Smith yemeye kumukunda no kubana nawe kandi abizi neza ko arwaye Sida. Amakuru ya gatanya yabo yatunguye benshi kuko bafatwaga nk'abamwe mubabana bahuje igitsina bafite ingo zikomeye muri Hollywood.

9. Taylor Swift na Joe Alwyn

Umuhanzikazi w'icyamamareTaylor Swift aherutse gutandukana n'umukinnyi wa filime Joe Alwyn bendaga kurushinga. Aba bombi batandukanye ubwo Taylor Swift yarari gukora ibitaramo bizenguruka isi bya 'Eras Tour' aho yanabivugiye ku rubyiniro ko yatandukanye na Joe amuziza ko yamucaga inyuma.

Taylor Swift na Joe Alwyn batandukanye bamaranya imyaka 6 bakundana bari no muri couples z'ibyamamare bimaranye igihe gusa ntibabashije kurushinga.

10. Kylie Jenner na Travis Scott

Umwaka wa 2023 watangiye umunyamidelikazi Kylie Jenner avuga ko uyu mwaka utazamusiga atarushinze n'umuraperi Travis Scott bamaze kubyarana abana babiri. Nyamara ibi siko byagenze dore ko muri Werurwe aribwo batangaje ko batandukanye bamaranye imyaka 5 mu rukundo.

Ibya Kylie Jenner ntibyatinze kuko ubu ari mu rukundo n'umukinnyi wa filime Timothee Chalamet bamaze iminsi baca ibintu ku mbuga nkoranyambaga.

Ni umugabo uvuga ko yari mu buzima bwo kunywa inzoga n'ibindi biyobyabwenge ariko Imana yamuhinduriye amateka mu gitaramo cya Hoziana cyabereye i Nyarugenge mu Mujyi wa Kigali muri uriya mwaka.

Abara inkuru mu buryo butomoye, kandi akumvikanisha ko ibitaramo biha ikaze buri wese, bituma hari abo Kristu akoraho bakemera kumukurikira.

Ati 'Igiterane cyakozwe na korali Hoziana mu 1995 ni bwo nakiriye Yesu nk’umwami n’umukiza wanjye nkava mu bintu byari bingose, ibitabi n’urwagwa byari byaranyishe, nari mpfuye. Aho rero niho nakuye aka gasura (isura) mureba.”

Mu kiganiro n'itangazamakuru cyo kuri uyu wa Kane tariki1 14 Nzeri 2023, cyabereye muri BK Arena, Bwana Ndahimana yumvikanishije ko mu ivugabutumwa Shalom Choir ikora inyungu zitava ku mafaranga. Avuga ko inyungu yabo ya mbere ‘niyo twamamaje ubutumwa bwiza’.

Uyu muyobozi yavuze ko kuba igitaramo cyabo kwinjira ari ubuntu atari bishya mu bitaramo, kuko hari abababanjirije bakoze uyu murimo batishyuje, kandi n’ubu ntibacitse intege mu rugendo rwo kwamamaza Kristu.

Visi Perezida wa mbere wa Shalom choir, Rukundo Jean Luc, yagize ati “Twebwe rero iyo dutegura igitaramo nk’iki ntidushyireho kwishyuza hari abantu nk’uko twabivuze dutekereza dushaka [..]'

Yavuze ko inyubako ya BK Arena ikunze kuberamo ibikorwa binyuranye bihuza urubyiruko, bityo ko kuri iyi nshuro bifuje guhura n’urubyiruko mu gikorwa kizafasha kwegerana n’Imana.

Ni igitaramo avuga ko bateguye bisunze icyanditse kiboneka muri Yohana 14:1 hagira hati “ Yesu ni inzira n'ukuri n'ubugingo 'Ntimuhagarike imitima yanyu, mwizere Imana nanjye munyizere.'

Rukundo avuga ko abantu bari kunyura mu bihe bikomeye birushya umutima ari nayo mpamvu biyemeje gukoresha ijambo ry’Imana mu komora ibikomere.

Kandi avuga ko iyo baza guhitamo kwishyuza ‘hari abo tutari kubona’. Yanavuze ko ibitaramo bakoreye mu bice bitandukanye birimo Karongi mu 2022, babonye gukizwa kw’abantu, bituma biyemeza kugeza iki gitaramo mu Mujyi wa Kigali.

Ati “Inyungu yacu dushaka hano muri BK Arena ni uko abantu bakira bakabona Kristo uruhura umutima.”

Shalom Choir ibarizwa mu Itorero rya ADEPR ururembo rwa Kigali rukorera mu turere: Gasabo, Kicukiro na Nyarugenge. Ururembo kandi rufite Paroisse 12 n’imidugudu 101.

Ururembo rwa Kigali runafite korali zisaga 600 zirimo na Shalom Choir ikorera umurimo muri Paroisse ya Nyarugenge.

Mu cyerekezo cya ADEPR harimo guhindura ubuzima bw’abantu mu buryo bwuzuye bifashishije ijambo ry’Imana.

Itorero ADEPR ryubakiye ku ndangagaciro eshanu: Ubukristo, Urukundo, Ubusonga, Kubazwa inshingano, Gukorera mu mucyo, Ubunyangamugayo ndetse no kwitanga.

Umushumba w’Itorero ADEPR ururembo rwa Kigali, Pasiteri Rurangwa Valentin, avuga ko bamaze iminsi mu rugendo rw’impinduka rugamije gutuma ADEPR iba itorero ‘Imana’ ireba ikaribona nk’itorero rikwiye ariko n’abanyetorero bayireba bakavuga bati iyi n’iyo ADEPR ikwiriye’.

Yavuze ko ADEPR ikwiye kugera ku rwego rw’aho ryisanga mu mirongo y’Igihugu.

Iyi korali yatangiye umurimo w'Imana mu 1983 itangira ari korali y’abana bo ku ishuri. Mu 1985 binyuze mu ntambwe Imana yabatereshe bafashe izina bitwa Korali Umunezero.

Bigeze mu 1993 bakiriye abaririmbyi barimo abashinze ingo bituma bashaka izina bitwa Choir Shalom [Amahoro mu rurimi rw’Igiheburayo].

Ubu iyi korali ibarizwamo abaririmbyi barenga 140 barimo 78% bakuru ndetse n’urubyiruko 22%.

Kuva batangira umuririmo bashyize hanze indirimbo zakunzwe zirimo izo bitabiriye Album esheshatu bamaze gushyira hanze zirimo nka ‘Jambo Nyamukuru’, ‘Ndashima Umwami’, ‘Mungu wangu’ n’izindi.  

Imyaka 40 ishize Shalom Choir iri muri ‘Gospel’ iyisobanura nk’idasanzwe kuko bahuriyemo n’ibicantege  

Perezida wa Korali Shalom Choir, Ndahimana Gaspard yatangaje ko yumva impamvu yatumye kwinjira muri iki gitaramo bigirwa ubuntu, ni nyuma y’uko yakiriye agakiza mu gitaramo cya Hoziana cyabaye mu 1999

Shalom Choir igiye gukorera igitaramo muri BK Arena nyuma yo gutaramira muri Convention Center na Kigali Serena Hotel 

Shalom Choir ivuga ko yateguye iki gitaramo mu rwego rwo kwegera benshi batakunze kubona amahirwe yo kujya muri BK Arena

KANDA HANO UREBE AMASHUSHO Y’INDIRIMBO ‘MFITE IBYIRINGIRO’ YA SHALOM CHOIR

KANDA HANO UREBE AMASHUSHO Y’INDIRIMBO ‘INEZA YAWE’ YA SHALOM CHOIR

“>