Aka gace k’i Bujumbura kitwa Bwiza bwa ni ahantu hadateye imbere mu bikorwa remezo ku buryo hari utuzu duciriritse nka tumwe turi mu Gitega ya Nyarugenge cyangwa se Biryogo itaravugururwa.
Mu Bwiza haracyari hasi cyane ku nyubako
Mu Bwiza usanga abacuruzi badandaje ibiribwa
Abaturage baba bari gushaka ubuzima
Mu Bwiza bari gusana inyubako
Mu Bwiza hameze nka Biryogo yo hambere itaravugururwa
Mu Bwiza haracyari ahari umwanda
Rayon Sports yanganyije na Marines FC 2-2 mu mukino w’ikirarane cy’umunsi wa 4.
Marines FC yari yakiriye Rayon Sports kuri Stade Umuganda mu mukino w’ikirarane cy’umunsi wa kane utarakiniwe igihe kubera ko Rayon Sports yari mu mikino Nyafurika ya CAF Confederation Cup.
Hakiri kare ku munota wa 4, Youssef Rharb yatsindiye Rayon Sports igitego cya mbere ku mupira yari ahawe na Heritier Nzinga Luvumbu.
Iki gitego cyaje kwishyurwa na Marines FC ku munota wa 19 gitsinzwe na Benjamin Tuyishime.
Ojera Joackiam yaje gutsindira Rayon Sports igitego cya kabiri ku munota wa 26 ku mupira yari ahawe na Luvumbu. Bagiye kuruhuka ari 2-1.
Mu gihe iyi kipe yari yizeye intsinzi, yaje gukorwa mu ijisho na Marines FC ku munota wa 86 ubwo Arthur Gitego yayitsindiraga igitego cya kabiri. Umukino warangiye ari 2-2.
Kirehe! Abayede bacukuraga umuyoboro w'amazi baguye kuri Gerenade yo mu bwoko bwa Totasi.
Mu Karere ka Kirehe mu murenge wa Mushikiri, aho muri iki gitondo tariki ya 7.10.2023 Abaturage bariho bacukura umuyoboro w'amazi ubwo bacukuraga baguye kuri Gerenade yo mu bwoko bwa Totasi.
Abaturage babwiye ikinyamakuru Rubanda dukesha iyi nkuru ko Imana yakinze akaboko kuko umuntu wayibonye yari mu nsina niho bayicukuye.
Abakoresha X batutse uwanditse ko Meddy yaraye mu bitaro nyuma yo gukibitwa n'umugore we kubera ko yatinze kumukingurira.
Abo kuri X yahoze yitwa Twitter bakiriye nabi amakuru yatangajwe na Kasuku, aho yavuze ko Meddy yaraye mu bitaro nyuma yo gukubitwa n'umugore we.
Kasuku yavuze ibyo maze yakirizwa ibitutse kuko ayo makuru yatangaje atari ayafitiye gihamya.
UKO BYATANGIYE
IBYO BAVUZE
Hari ubwo abana baseka iyo basinziriye ndetse bagaseka cyane bigatangaza ababyeyi. Ese biterwa ni iki ?
Hari abana benshi bakunda kugaragara baseka iyo baryamye. Nk'umugore, umukobwa cyangwa umugabo uri gusoma iyi nkuru ushobora kuba warabonye ibi aho umwana wawe aryamye asinziriye ariko arimo guseka.
Benshi bibaza ibyaribyo ndetse bamwe bakaba bashobora no guhita bakangura uwo mwana baziko arimo kureba nyamara we atari hafi aho. Ikinyamakuru turnto23 dukesha iyi nkuru , kivuga ko my by'ukuri nta muntu numwe kugeza ubu wari wabasha kumenya ibiba bitumye baseka cyakora bigaragara ko hari impamvu ziba zibyihishe inyuma.
Bivugwa ko umwana usa n'urimo guseka aba arimo gusohora 'Gas' isanzwe.Ubushakashatsi bwakozwe bwagaragaje ko ibi bikunda no kuba kubantu bakuru , aho baseka basinziriye iyo barimo kurota ibintu byiza. Iki kinyamakuru dukesha iyi nkuru kivuga ko iyo umuntu mukuru asetse asinziriye biba bishushanya ko ari mu nzozi nziza.
Ibi kandi ninako biba bimeze kubana bato aho ngo umwana useka iyo asinziriye biba bisobanuye ko aryamye neza cyangwa se ko ashobora kuba arimo kurota inzozi nziza.
Ubushakashatsi kandi bwemeza ko iyo umwana yihindagura bya hato na hato mu buriri, cyangwa zimwe mu ngingo ze zirimo; Amaso, amazuru, iminwa ,⦠zikakora , ngo bimufasha gukomera amagufa.Iki kinyamakuru nanone cyemeza ko iyo umubyeyi akunda umwana we bigaragarira munzozi nabwo akaba ashobora kwisetsa.
Â
Umutoza wongera imbaraga abakinnyi muri Musanze FC, Mugireza Jean Baptiste 'Migi', yavuze ko yababajwe cyane no gutsindwa na APR FC yabereye Kapiteni ndetse akanayigiriramo ibihe byiza, Ni nyuma yo gutsindwa na yo ibitego 2-1 mu mukino w'ikirarane cy'Umunsi wa Kane wa Shampiyona.
Ni umukino wari ufite kinini uvuze cyane cyane ku makipe yombi dore ko Musanze FC yari yicaye ku ntebe y'icyubahiro n'amanota 10 mu mikino ine ndetse ikaba itari yagatsinzwe muri Shampiyona.
Kuri APR FC iheruka kunyagirwa na Pyramids FC ibitego 6-1 muri CAF Champions League, yagombaga kongera kwiyunga n'abafana bari bamaze guta icyizere cy'amatsinda ikabereka ko intego yo kwegukana Shampiyona iyirimo neza.
Muri uyu mukino, APR FC n iyo yafunguye amazamu ku munota wa cyenda ku gitego cya Ruboneka Jean Bosco, nyuma y'iminota 10 gusa Umunya-Nigeria Victor Mbaoma Chukwuemeka yatsinze igitego cya kabiri kuri coup-franc mu gihe Musanze FC yabonye impozamarira ku munota 88, igitego cyatsinzwe na Tuyisenge Pacifique.
APR FC yahise inganya na Musanze FC amanota 10, zitandukanywa n'ibitego kuko iyi kipe yo mu Majyaruguru izigamye bine mu gihe Ikipe y'Ingabo izigamye bitatu.
Wari umukino wa mbere Mugiraneza Jean Baptiste 'Migi' ahuyemo na APR FC yabereye Kapiteni. Yavuze ko atakwibagirwa ibihe byiza yagiriye muri iyi kipe yambara umukara n'umweru, afata nk'umubyeyi ndetse yemeza ko 70% y'ibyo atunze ubu abikesha Ikipe y'Ingabo z'Igihugu.
Ati 'APR FC ni ikipe nagiriyemo ibihe byiza ndetse nakiniye igihe kinini, ku giti cyanjye nyifata nk'umubyeyi nkurikije uburyo nayigezemo n'uburyo nayivuyemo ndetse navuga ko 70% y'ibyo ntunze mbikesha APR FC. Iyo rero ni ikipe uba utagomba kwibagirwa.'
Kuri benshi bakekaga ko ashobora gutanga uyu mukino ndetse no kwishimira iyi ntsinzi y'Ikipe y'Ingabo z'Igihugu, Migi yavuze ko bibeshya kuko atajya agira iyo mico yanduye ndetse ko yashenguwe no gutsindwa uyu mukino kuko APR FC ibasatiriye ku mwanya wa mbere bikaba bigiye kubashyira ku gitutu cyo guhangana na yo kandi isigaje umukino w'ikirarane.
Ati 'Abantu benshi mu minsi ishize bari bafite ikibazo banampamagara bambaza bati 'Migi ko tuzi ko ukunda APR FC wanayibereye Kapiteni ubwo umukino ntuzawutanga, twizere amanota atatu koko?' Ariko ku giti cyanjye nari nasabye abakinnyi ndababwira nti uyu mukino muwumpe basi nk'umutoza mushya, ntangiriye urugendo rwanjye muri Musanze FC, ibi bintu abantu bari kumvugaho ni mwe mugomba kubikuraho. Mumfashe murwane kubera njyewe.'
'Sinjya ntanga imikino mu buzima bwanjye, singira iyo mico yanduye n'aho naciye hose barabizi. Iyo ndi ku kazi umutima wanjye wose uba uri ku kazi, nubwo APR FC nyifata nk'umubyeyi ariko mu kazi biba byahindutse.'
Yakomeje agira ati 'Wagiye unabibona aho nagiye nyura amakipe nagiye nkinamo, navuga nko muri Police FC umukino twahuyemo na APR FC ni wo wa nyuma nakinnye umwaka ushize.'
'Icyo gihe nari maze iminsi ntakina abantu bavuga bati Migi araje aberereke, ariko niba mwibuka neza ni njye witwaye neza muri uwo mukino ndetse turanawutsinda.'
'Ndababaye cyane kuba APR FC intsinze ikansatira ku mwanya wa mbere. Twaje gukina na yo twarashyizemo ikinyuranyo cy'amanota atatu, ubu avuyemo, turanganya amanota 10 kandi bo baracyafite ikirarane, umwanya wa mbere turacyawuriho ntabngirawo ufite.'
'Mu by'ukuri ndababaye, nifuzaga ko twatsinda tukaba dushyizemo ayo atandatu wenda ikirarane bazagitsinda bagakomeza kutuba inyuma. Kuko twifuzaga ko nibura Musanze FC twayikura kuri ya myanya aba-sportifs basanzwe bayiziho tukayigeza mu makipe ane ya mbere uyu mwaka, ubu tugiye ku gitutu cyo guhangana na APR FC ku mwanya wa mbere, ni yo mpamvu nakubwira ko mbabaye.'
Mugiraneza Jean Baptiste 'Migi' yahagaritse gukina umupira w'amaguru tariki 31 Kamena 2023 nyuma y'iminsi ine gusa ahita atangirira umwuga w'ubutoza muri Musanze FC aho akora nk'uwongerera imbaraga abakinnyi.
Migi' yakinnye ruhago imyaka 17 nk'uwabigize umwuga mu makipe ya La Jeuneusse, Kiyovu Sports, APR FC, Gor Mahia, Azam FC, KMC na Police FC.
Nk'umukinnyi, Migi yahamagawe mu Ikipe y'Igihugu 'Amavubi' ndetse mu bihe bitandukanye yayibereye Kapiteni wungirije.
Mu 2020 ni bwo Migi uri mu bakinnyi beza bakina mu kibuga hagati u Rwanda rwagize, yatangaje ko yasezeye gukina mu Ikipe y'Igihugu Amavubi.
Ndimbati yatangaje ikintu gikomeye bamukorera kugirango areke gufana Rayon Sports benshi baraseka cyane
Umukinnyi wa filime wamamaye cyane muri Cinema nyarwanda, Uwihoreye Jean Bosco uzwi nka Ndimbati yatangaje ko kugirango areke gufana Rayon Sports kereka bamwishe akava ku isi.
Ibi yabitangaje kuri uyu wa gatandatu ubwo yari yatumiwe mu kiganiro na Radio Rwanda avuga ko akunda Rayon Sports by'indani atari uko iyi kipe ifite abafana benshi ahubwo yayikunze gutyo gusa Kandi kuyivaho ngo byagorana.
Ndimbati yatangaje ko araza no kureba umukino iyi kipe irakina na Marine FC kuri uyu munsi ndetse ngo agiye kurira imodoka amanuke kugirango uyu mukino utaza kumucika.
Â
Mu kiganiro 'Imvo n'Imvano' cya BBC cyo kuri uyu wa 07/10/2023, uwitwa Jules Mulumba wa CMC yateranye amagambo na Museveni Sendugu wa PARECO, buri wese arega undi kwiyoberanya no gukorera umwanzi.
Mu rurimi rusa n'ikinyarwanda, ariko bo bita' IGIHUTU', Sendugu Museveni yareze mugenzi we guha icyanzu abarwanyi ba M23 ngo batere Pareco, mu gihe Jules Mulumba yashinje Sendugu kuba ahubwo ari we ugikorera M23, yahozemo atarajya muri Pareco.
Abaturage bo muri Teritwari za Rutshuru na Masisi nabo bahawe ijambo, bagaragaza ko abo biyita' Abatabazi' ahubwo ari udutsiko duhohotera rubanda, tubica, dusambanya abagore ku ngufu, tukanabasahurira imitungo.
Magingo aya haravugwa imirwano yubuye hagati ya M23 n 'igisirikari cya Leta, FARDC, kibifashijwemo n'iyo mitwe ya 'Wazalendo'.
Abaturage bumvikanye kuri BBC barashimangira ibivugwa n'abasesenguzi, bose bemeza ko amacakubiri, inda nini n'ubunyamwuga buke, biri mu bituma uruhande rwa Leta ya Kongo rukomeza kunanirwa urugamba.
The post Abayobora ya mitwe yitwara gisirikari muri Kongo, iyi yibumbiye mu cyiswe ' Wazalendo', baramaranye, bashinjanya ubugambanyi mu ntambara barwana na M23 appeared first on RUSHYASHYA.
Byari ugukira no gupfa! The Ben yamaze ukwezi kurenga atarashyira umukono ku masezerano n'abamutumiye muri 'Rwanda Rebirth Celebration', yabunzaga imitima azirikana neza ko amakimbirane afitanye na Coach Gael ashobora kuzakururuka.
Reka muri iyi nkuru ntitugaruke cyane ku gikombo abateguye iki gitaramo bahuye na cyo, uko urubuga rwacururijweho amatike rwinjiriwe kugeza havuyemo ibihumbi 120Frw, ukuntu abaterankunga bakuyemo akabo karenge ku munota wa nyuma, uko abahanzi bagiriwe inama yo kutaririmba muri iki gitaramo, ahubwo twite cyane kuri The Ben na Coach Gael.
The Ben ntaravuga mu izina ikibazo afitanye na Coach Gael usanzwe ari 'Executive Producer' wa 1: 55 Am ariko nawe amaso n'amatwi biraguha.
Ku mbuga nkoranyambaga huzuye ibiganiro byinshi bivuga kuri aba bombi, urwango ruri mu muziki w'u Rwanda n'ibindi bigaragaza ko biteye impungenge.
Mu bitaramo bibiri yakoreye mu Burundi, The Ben yarumye ahuha avuga ko hari abantu bashatse kwica ibitaramo bye. Ijambo yavuze yarihuje n'isengesho, asaba abantu gukundana bakarenga iby'isi buri wese azasiga akitahira kwa Jambo.
Yagize ati “Twese duhora dusaba gutsinda umwanzi, akatuzunguza ariko tukamutsinda. Umwanzi azahora atsindwa ibihe byose. Umwanzi uguhiga, ukurwanya, aho uri hose azahora atsindwa ibihe byose mu izina rya Yesu.”
Uyu mugabo witegura kurushinga yaranzwe n’amarira, rimwe na rimwe agafatwa n’ikiniga ku buryo ageze aho avuga ko hari abantu bashatse kwica igitaramo cye bitumvikana neza. Yaravuze ati “Hari abantu bashatse kwica igitaramo cyanjye.”
The Ben yabaye nk’ugaragaza ikibazo noneho. Yumvikanisha ko intambwe yose atera Coach Gael aba ayireba. Yavuze ati “Hari abantu bakurwanya ahantu hose ugenda, abakugirira ishyari, abakuvuga amagambo, iki gitaramo turi gutegura aha ngaha abantu barakirwanyije ariko Imana irabikora.”
Uyu munyamuziki ukorera muri Leta Zunze Ubumwe za Amerika, yavuze ko ibyo avuga atari inkuru nshya mu matwi ya benshi, kuko byamenyekanye, ariko ntiyavuze mu izina utuma buri gihe ahorana umutima udiha. Ati “Abenshi mwarabyumvise.”
Yisunze indirimbo ye yise ‘Ndaje’ ihimbaza Imana, The Ben yarayivuguruye abwiriza abarundi, aririmba abwira buri wese kwitandukanya n’ikibi, kandi ko gutsinda umwanzi bisaba kugira umutima ucyeye. Ati “Niwifuriza mugenzi wawe ineza, Imana izaguha umugisha, ndabigusezeranyije.”
Ukoze isesengura muri iri jambo, The Ben yanasabye abantu kutifatanya n’abatamwifuriza ineza. Yavuze ibi nyuma y’ibyari bimaze iminsi bivugwa ko Coach Gael hari abantu yakoresheje mu rwego rwo gusenya igitaramo cye.
Yavuze ati “Uzitandukanya n’abategura imigambi mibi. Ntabwo naje kubwiriza ariko nziko iri jambo riturutse ku Mana.”
Mbere y'uko The Ben ataramira mu Burundi, Coach Gael yanditse kuri konti ya X yahoze yitwa Twitter, ku wa 26 Nzeri 2023, ubutumwa yaherekesheje amashusho, asaba buri wese kumubaza ikibazo ashaka kuko yiteguye kubisubiza.
Mu magambo ye yagaragaje ko yiteguye kuvuga birambuye kuri buri kimwe yavuzweho ataboneyeho umwanya wo gusubizaho. Ati 'Nyuma yo kumva amagambo amaze iminsi amvugwaho muri iyi mihanda, bwa mbere ngiye gusubiza ibibazo byose mwaba mufite.'
Ukoresha Laurette Mwiza yamubwiye ko yiteguye kwumva icyo azavuga ku byavuzwe cyane mu itangazamakuru ko yashatse kwica igitaramo cya The Ben.
Yamubajije ati 'Ese ko twumvise ibihuha ngo washatse guhagarika igitaramo cya The Ben. Byaba aribyo? Ukeka ko abantu babivuga baba babiterwa ni iki?'
Juru Stori nawe yabajije Coach Gael niba koko hari ibibazo afitanye na The Ben, ariko kandi arenzaho kumubaza niba ibi bibazo bafitanye hari icyo byungura mu muziki bakora. Ukoresha izina rya Kigali Eagle we yagize ati 'Haba hari ikibazo kiri hagati yawe na The ben? Niba ntacyo se, hari ikigeze kibaho?'
Ukoresha izina rya Missed Call we yavuze ko yiteguye kumva icyo Coach Gael azasubiza ku byavuzwe ko yakubise urushyi Muyoboke Alex ubwo bari kuri Onomo Hotel. Yanabajije Coach Gael niba hari ubufasha yaha The Ben igihe yaba amwitabaje.
Undi yaranditse aramubaza ati 'Coach ese ibintu bavuga byo kugambanira igitaramo cya Ben koko ni byo? Cyangwa barakubeshyera kuko bamwe baravuga ko watanze amafaranga i Bujumbura ngo 'concert' ya Ben ipfe.'
Akomeza ati 'Ese Ben mupfa iki niba atari ibanga kuki uta 'postinze' show afite i Burundi nk'umunyarwanda w'iwanyu.'
Twahirwa Didier we yasabye Coach Gael kugira icyo avuga ku kuba hari abanyamakuru yishyura kugirango basebye Meddy na The Ben, amubaza icyo apfa na The Ben mu gihe hari ikiganiro yigeze kubona bari kumwe bahuje urugwiro baganira ku rubuga rwa Youtube.
The Ben na Coach, inshuti zahujwe n'umuziki nyuma bikazamba
InyaRwanda yakoze icukumbura ku rugendo rwahuje The Ben na Coach Gael, uhereye ku bikorwa bagombaga gukorana n'ibindi byagejeje ku nzigo. Uti byagenze gute?
Inkuru itangirira kuri Coach Gael, umucuruzi wize mu gihugu cy'u Buhinde nyuma akagira amahirwe yo kujya muri Leta Zunze Ubumwe za Amerika.
Ageze muri kiriya gihugu cy'inzozi za benshi, yatangiye ubushabitsi (Business) bwo kwita ku bafite ikibazo cyo mu mutwe (niba ari ko nabivuga)- Aka kazi kamwinjiriza ari hagati y'amadorali ibihumbi 50 n'ibihumbi 100 by'amadorali [Yishyurwa na Leta].
Kuva icyo gihe, Coach Gael yinjiye mu banyamafaranga. Igihe cyarageze The Ben aza kumenya Coach Gael ariko ntiyabasha guhita amugeraho akomeza gushakisha inzira.
Innox usanzwe utegura ibitaramo byinshi agatumiramo abanyarwanda niwe wagize uruhare mu guhuza The Ben na Coach Gael, ubushuti bwabo butangira ubwo.
The Ben ni umuntu ufite igikundiro cyihariye, kandi akagira impano yo kumvwa. Uyu munyamuziki yakoresheje neza umwanya yari abonye, maze abwira Coach Gael ko ku mafaranga ari hagati y'amadorali ibihumbi 100 n'amadorali ibihumbi 150 bashobora gukora Album bakayihurizaho abahanzi barimo Tiwa Savage, Sauti Sol ndetse na Diamond.
The Ben yakoze uko ashoboye yumvisha Gael ko ashoye mu muziki yakunguka. Kandi amubwira ko nawe ashaka gukora umuziki akagera ku rwego rwa Diamond, umunyamuziki wahiriwe muri iki gihe wo muri Tanzania.
Mu Ukwakira 2021, InyaRwanda yasohoye inkuru igaruka kuri Album The Ben yavugaga ko ari gutunganya yahurijeho abarimo Joeboy, Sauti Sol, Gyptian n'abandi.
Reka dukomeze! Nyuma y'uko The Ben yumvishe Gael uko yashora mu muziki, yamubwiye ko afite ibibazo bye ku ruhande kandi akeneye amadorali ibihumbi 50.
The Ben yasabye Gael ko yamuha ariya mafaranga, kandi ko azagenda ayamusubiza bitewe n'uko bari bagiye gukorana.
Gael yarabyemeye, maze The Ben asaba ko iyi album bari bagiye gukora bayikora babifashijwemo na Producer Made Beats baje guhurira mu Mujyi wa Dar es Sallam.
Bageze muri Tanzania, Diamond yemeye gukorana indirimbo na The Ben ariko abaca amadorali ibihumbi 30. Ben ntiyashyize cyane imbaraga mu ikorwa ry'iyi ndirimbo, bituma Gael atinda Dar es Sallam mu gihe kirenga ukwezi.
Uretse gukora kuri album, The Ben na Gael bari banafitanye umushinga wo kubaka ibikorwa by'umuziki nk'uko Diamond afite label ya Wasafi.
Igihe cyarageze, The Ben abwira Gael ko mu rwego rwo kwamamaza indirimbo ye Diamond, byaba byiza asabye umugore we Pamella Uwicyeza bagahurira mu birwa bya Maldives akamwambika impeta y'urukundo mu rwego rwo 'gutwikira' isohoka ry'iyi ndirimbo. Ku wa 18 Ukwakira 2021, barahuye, batangiza umushinga w'ubukwe.
Gael muri we yari azi ko ibiri kuba byose biri gutegura indirimbo. Made Beats yabonye ko bazatinda muri Tanzania bitewe n'uko The Ben atashyiraga imbaraga mu kazi, abwira Gael ko azi umuhanzi wakihutisha imirimo, ibintu bikava mu nzira.
Yamubwiye umuhanzikazi Ariel Wayz! Made Beats yahise avugisha uyu muhanzikazi amubwira ko hari umukire ushaka ko bakorana mu mishinga y'umuziki, ariko uyu mukobwa aza kugira ikibazo iwe mu rugo ntiyabasha kuboneka.
Byari mu bihe bya Guma mu Rugo, ku buryo yamaze igihe ataboneka kuri telefoni, bituma Coach Gael ahindura umupango.
Made Beats yongeye kuraranganya amaso mu bahanzi azi agera kuri Bruce Melodie. Yabwiye Gael ko ari umuhanzi w'umukozi [Munyakazi], ku buryo amuhaye amahirwe bagakorana, yabona ko afite itandukaniro n'abandi yamenye.
Bruce Melodie yafashe indege yihuta ageze muri Tanzania, mu ijoro rya mbere yafashe amajwi y'indirimbo enye-Gael atungurwa n'umuhanzi w'igifaru!
Harmonize usanzwe ari inshuti y'uyu muhanzi, yahise akusanya imodoka nyinshi ajya kumureba aho yari acumbitse, ibintu byatumye Gael Coach atangira gutekereza kuri uyu muhanzi wari umweretse ko yanubatse umubano uhamye.
Ibi byakurikiye isinywa ry'amasezerano hagati y'aba bombi. Ariko Bruce Melodie yari asanzwe akorana na Mike usanzwe ari Umukozi mu Ikigo cy'Igihugu cy'Ubuzima (RBC) [Ubu ni we Managing Director 1: 55AM].
Mu icukumbura ryakozwe na InyaRwanda, rigaragaza ko Coach Gael yahise yiyomora kuri The Ben, atangira urugendo rw'umuziki na Bruce Melodie. Ben baramutereranye, kugeza ubwo ashakishije amafaranga abasha kurangiza indirimbo ye na Diamond no kuva muri Tanzania.
Isohoka ry'iyi ndirimbo 'Why' ryabanjirijwe no gucibwa intege, kugeza ubwo Diamond yashatse kuyisiba, ariko The Ben atabarwa na RJ THE Dj.
Aha niho hagejeje kumvikana kw'amajwi ya Bruce Melodie yasohotse yikomanga ku gatuza avuga ko 'Bakuru be' ari abanebwe.
Yumvikanishaga uburyo The Ben yagiye muri Tanzania agatinza ikorwa ry'indirimbo ye na Diamond, kandi umushoramari Gael yari yamugiriye icyizere.
Muri ayo majwi, Bruce agira ati 'Sha Emmy buriya rero igihe kirageze ko ibintu bisobanuka njye ibyo bintu byawe nta kintu na kimwe cyatuma mbyumva kimwe nawe. Abo basore banyu b'abahanzi nta kintu cyatuma ungereranya nabo, erega iki ni igihe cyanjye! Ntabwo ari ibintu byo kwikina kuko kwikina ni ukwivuga ibintu bitari byo.'
Nubwo atavuze mu izina aba bahanzi, ariko buri wese yacyetse ko ari The Ben na Meddy yavugaga. Akomeza ati 'Aba basore icya mbere cyo ni abanebwe babi. Abantu basohora akaririmbo kamwe mu mwaka, icyamamare ndakora, ngaho shaka ikintu na kimwe mpuriyeho na bariya basore.'
Tom Close yigeze kubwira Yago TV Show ko kuba Bruce Melodie akora ibihangano byinshi, bitakamuhaye uburenganzira bwo kwishongora kuri bagenzi be.
Yavuze ati 'Umuntu ashobora gukora ibihangano 200 undi agakora bibiri ariko uwa bibiri akaba ari we ugira agaciro, agaciro ntabwo kabarirwa mu bintu byinshi wakoze cyangwa kubyuka kare. Uyu munsi Meddy afite indirimbo imaze kurebwa inshuro zirenga miliyoni 30, Bruce Melodie ufashe indirimbo ze zose ukaziteranya ntabwo zakuzuza izo miliyoni.'
'Ushobora gusanga The Ben hari ahantu henshi azwi ariko Melodie atazwi. Aho kugira ngo atakaze imbaraga mu kureba aho arutira abo bahanzi avuga yagatakaje imbaraga areba uko yabageza aho bataragera nawe bakamugeza aho ataragera.'
Inzigo yatangiye kwigaragaza The Ben atumirwa mu gitaramo 'Rwanda Rebirth'
Hari amakuru agaragaza ko The Ben afite indirimbo nyinshi zigize zimwe muri Album ze, ariko ko yagiye atinya kuzisohora atinya ko Gael 'yazizimya' (mu mvugo z'ubu).
The Ben atumirwa muri kiriya gitaramo yabajije abari bamutumiye niba bafite imbaraga zahangana n'umuntu ufite amafaranga.
Uyu munyamuziki ntiyashakaga ko mu itangazamakuru humvikana ko afitanye ikibazo na Coach Gael, kugeza ubwo agarutse mu Rwanda, agatangira urugamba rwo ku kurwanira igitaramo cye.
Hari abasesenguzi muri 'showbiz' bajya kure bakavuga ko 'amarira The Ben yagaragaje mu bitaramo bye atari ay'ubusa'.
InyaRwanda yabonye amakuru avuga ko mbere y'uko The Ben aririmbira muri BK Arena, ku wa 8 Kanama 2022, hari abantu bahuriye mu nama kuri Onomo Hotel yo mu Kiyovu biyemeza kwica igitaramo cye.
Ubwo yabazwaga n'inshuti ze, The Ben yavuze ko yiyemeje gukora iki gitaramo azi neza ko Coach Gael azakivangamo.
Muri rusange, Gael afitanye ikibazo na Ben gishingiye ku madorali arenga ibihumbi 150 uyu muhanzi atarabasha kumwishyura.
Isesengura rigaragaza ko Gael yishyuza ariya mafaranga, akoze imibare y'amafaranga ya mbere yamuhaye, amafaranga yagiye kuri Diamond, amajoro baraye mu gihugu cya Tanzania n'ibindi abihuza n'igihombo cy'arenga Miliyoni 200 Frw.
Muyoboke Alex yaratunguwe!
Muyoboke Alex umaze imyaka irenga 17 mu muziki aherutse kubwira Chita Magic, ko kuva yamenya The Ben ari bwo bwa mbere yamubonye asuka amarira kubera ‘umuntu ushaka kumugirira nabi’. Ati “Kubera ko Ben imyaka amaze nta muntu baragirana nawe ikibazo.”
Muyoboke yavuze ko ari umuhamya w’uko Bruce Melodie nta kibazo afitanye na The Ben. Amwibutsa ko mu gihe cya Covid-19, yajyaga amusanga kuri Onomo Hotel bagakina amakarita, bakumva umuziki.
Muyoboke yavuze ko yiyumviye igihe kinini The Ben avuga ko akunda Bruce Melodie. Yasabye Bruce Melodie kureba kure akitandukaanya n’ikibi [Ntavuga mu izina uwo yashakaga kuvuga]. Anavuga ko hari indirimbo The Ben na Bruce Melodie bari biyemeje gukora ariko itarigeze isohoka.
Uyu mujyanama w’abahanzi yavuze ko abona igihe kigeze The Ben na Bruce Melodie bagahangana mu buryo bw’umuziki, kuko ari byo bicuruza kurusha inzangano.
Bruce Melodie aherutse kubwira Kiss Fm ko nta hangana arimo na The Ben, ko ibivugwa n'ibyandikwa bikorwa n'abafana. Yavuze ati 'Njyewe ntabwo mbibamo, bikorwa n'abandi. Ariko si na bibi iyo abantu babirimo ari abandi, byaba ari ikibazo ari njye ubyuka nkamwataka, ariko ni mukuru wanjye.'
'Reka mbisobanurire abantu. The Ben akora indirimbo z'urukundo ariko njye nkora iz'isi. Mubifate nk'amakipe buriya abakinnyi nta kibazo cyabo ariko hari igihe usanga abafana babahanganishije.''
Telefoni ya The Ben, ikindi gihamya ko inzigo ikomeje
Ubwo yari mu birori by'umusangiro 'Meet&Greet' The Ben yagiye ku rubyiniro mu rwego rwo gusuhuza abakunzi be no kubatumira mu gitaramo yari afite ku wa 01 Ukwakira 2023. Yari yicaranye n'umukunzi we, mu ruhande rwarimo n'ibindi byamamare.
Amakuru avuga ko ukoresha izina rya 'X-Dealer' yagiye kwicara mu ntebe yari yicayemo agirango abashe gusuhuza Uwicyeza Pamella, yabigezeho!
Mu gihe cy'umwanya muto, uyu musore yahise aburirwa irengero, ahita yambuka umupaka agaruka mu Rwanda.
Mbere y'aho ariko, uyu musore yari yakubiswe inshyi 'urushyi' na Muyoboke Alex nyuma y'uko yari amaze kumubona inshuro nyinshi yinjiza abantu mu gitaramo ku matike yabaga yasabye abandi bantu barimo n'abari bamaze kwinjira.
Muyoboke yatungiye agatoki inzego z'umutekano abasaba gufunga X-Dealer ariko babanza kumwibeshyaho, bituma bambika amapingu umuhanzi Bahati 'Makaca'.
Ubwo uyu mujyanama yari agarutse ku muryango wo kwinjiriraho yasanze inzego z'umutekano zafunze Bahati, arabasobanurira ababwira ko bafashe utari we.
Dukomeze! The Ben yakoze uko ashoboye agura indi telephone, yayiguriye mu Burundi. X-Dealer ageze mu Rwanda yacanye telefoni ya The Ben, byorohera Urwego rw'Igihugu rw'Ubugenzacyaha (RIB) kumenya aho iri.
Kalisa John [K John] usanzwe ari inshuti ya X-Dealer yanditse kuri status ya WhatsApp ye agira ati '1:55 am [Ya Coach Gael] ngo bashutse inshuti yanjye beyemerera 3M (Miliyoni 3 Frw)? Cyangwa ni ibihuha?'
Yanditse ibi nyuma y'uko bamwe mu bakoresha imbuga nkoranyambaga, banditse bavuga ko X-Dealer yari yamerewe Miliyoni 3 Frw mu gihe yaba abashije kwiba iriya Telefoni yo mu bwoko bwa iPhone 14.
Umunyamuziki Sat-B yanditse kuri mbuga nkoranyambaga ze, agaragaza ko yababajwe no kuba abarundi barashyizwe mu majwi ko ari bo bibye telefoni mu gihe ari umunyarwanda. Kuri we, yasabye ko yabasha kubona imbona nkubone Eric Ndagijimana [X-Dealer].
Mustapha yanditse kuri konti ye ya X [Twitter] agira ati 'Uwamutumye ngo [Uwatumye X-Dealer] yamwemereye Miliyoni 3 Frw. Icyari kigambiriwe ni ugukuramo amasezerano ari muri iriya telefoni n’amwe mu mashusho ari muri iriya telefoni. Inzangano ziri muri showbiz ziri 'Serieux' niba ugendera mu kigare ugapfa gushyira ibi hano uzazira ibyo utazi.'
Umuhanzi Uncle Austin aherutse gutangaza ko yaburiye telefoni mu gitaramo cya The Ben, yabiteyemo urwenya avuga ko uwamwibye telefoni ari no kumusaba 'charger'.
Kuri uyu wa Gatanu tariki ya 6 Ukwakira 2023 nibwo ikipe y'ingabo z'igihugu ya APR FC yabonye amanota atatu itsinze Musanze FC.
Uyu mukino w'umunsi wa gatanu wa shampiyona y'u Rwanda utari warabeye igihe wabere kuri Kigali Pele Stadium guhera ku isaha ya Saa Kumi n'ebyiri z'umugoroba.
Ikipe y'ingabo z'igihugu niyo yatangiye neza ibona igitego cyatsinzwe na Ruboneka Bosco ubwo hari ku munota wa 8 w'umukino.
gitego cyakurikiwe n'icyatsinzwe na Victor Mbaoma ubwo hari ku munota wa 18, ibi bitego byombi akaba aribyo byatandukanyije impande zombi mu gice cya mbere cy'umukino.
Ku ruhande rw'ikipe ya Musanze FC yo yatsindiwe na Tuyisenge Pacifique ku munota wa 88 w'umukino.
Aya makipe yombi azasubira mu kibuga hagati mu cyumweru gitaha, aho APR FC izakira Bugesera FC ku wa Kabiri, tariki 10 Ukwakira 2023 saa 15:00.
Ni mu gihe Musanze FC izasura Etincelles ku wa Gatatu, tariki 11 Ukwakira 2023 saa 15:00 kuri stade Umuganda.
Ejo ku wa Gatandatu tariki 7 Ukwakira 2023 Rayon Sports izasura Marines FC mu mukino w'ikirarane cy'umunsi wa kane wa shampiyona.
The post Mu mukino utarabereye igihe, APR FC yatsinze Musanze FC 2-1 appeared first on RUSHYASHYA.