Author: webrwanda

Ubwo yari mu kiganiro n'itangazamakuru ku wa Gatanu tariki 20 Ukwakira 2023, D'Banj yavuze ko mu bihugu nka Liberia na Kenya ahafite amazina bamwita.

Yavuze ko afite icyizere cy'uko azava i Kigali, abafana be n'abakunzi b'umuziki muri rusange bo mu Rwanda bamuhaye izina ry'Ikinyarwanda azajya akoresha.

Mu minota ya mbere agitangira kuyobora umuhango ukomeye watangiwemo ibihembo bya Trace Awards mu ijoro ryo kuri uyu wa Gatandatu tariki 21 Ukwakira 2023, D'Banj yavuze ko yamaze guhabwa izina ry'akabyiniriro ka “Intare Batinya.”

Abari bakurikiye uyu muhango cyane cyane abo mu Rwanda bavugije akaruru k'ibyishimo, bagaragaza uburyo batewe ishema no kuba D'Banj yafashe izina ry'ikinyarwanda.

Kubera kujya mu bihugu bitandukanye byo ku Isi, D’Banj yagiye afata izina muri buri gihugu yanyuzemo. Muri Ghana bamwita ‘Mensaha’, muri Jamaica bamwita ‘Skipanch’, muri Afurika y’Epfo bamwita ‘Khapela’, muri Liberia bamwita ‘Fidel’, ni mu gihe muri Zimbabwe bamwita ‘Ed Junior.

D'Banj aherutse gutangaza ko yifuza gukorana indirimbo na The Ben na Bruce Melodie, kuko ari abahanzi b'abahanga, yumvikanisha ko nta muhanzi ajya asaba amafaranga igihe bagiye gukorana.

Yavuze ko muri we yahoze asenga asaba Imana ko igihe kimwe umuziki uzahuza abantu bo mu bihugu bitandukanye. Avuga ko nta gushidikanya ko ubuhanzi ari cyo kintu cya mbere kinjiriza amafaranga ibihugu byinshi ‘muri iki gihe’.

Avuga ko amaze igihe kinini yumva indirimbo z’abahanzi nyarwanda, kandi ko hari bamwe mu bo yavuganye nabo n’ubwo atari benshi. Yavuze ko yavuganye na The Ben ndetse na Bruce Melodie.

Uyu munyamuziki yavuze ko aba bahanzi ari abahanga, kandi ko bafite amajwi meza. Ati “Igihe cyose nakumva ibihangano byawe niteguye gukorana nawe.”

Yavuze ko umuziki ari urubuga ruhuza abantu benshi, ari nayo mpamvu atajya yishyuza umuhanzi ushaka ko bakorana indirimbo.

Ati “Ibyo nibyo bita guhuza. Kubera ko gukorana indirimbo ni kimwe, ikindi gice gikomeye ni ugutuma iyo ndirimbo imenyekana ku isi, aho niho amafaranga azira.”

D'banj ni Umunya-Nigera w'umuraperi usanzwe ukora ibiganiro bya Televiziyo. Ni we washinze inzu ifasha abahanzi mu bya muzika ya Mo'Hits afatanyije na Producer Don Jazzy, umunyemari wazamuye benshi mu muziki.

Mu rugendo rwe rw'umuziki yegukanye ibikombe birimo MTV Europe Music Awards mu 2007, mu 2009 yegukanye igikombe cy'umuhanzi w'umwaka muri MTV Africa Music Awards n'ibindi.

D'banj mu 2012 yasohoye indirimbo yise 'Oliver Twist' yabaye idarapo ry'umuziki we kugeza n'ubu. Mu 2021 yatangaje isohoka rya album ye yise 'Ikebe'.

D'Banj yatangaje ko yahawe izina ry'ikinyarwanda 'Intare Batinya'

D'Banj afatanyije na Maria Borges bayoboye ibirori byo gutanga ibihembo bya Trace Awards

D'Banj yakunze kumvikanisha ko muri buri gihugu yagezemo bamuhaye izina

Tugiye kukugezaho urutonde rw’ibyamamare bitunze ubwato buhenze cyane ku Isi byiganjemo abasanzwe bafite amazina akomeye mu myidagaduro barimo Brad Pitt, Jay Z n’umugore we Beyonce, Diddy tutibagiwe n’icyamamare muri ruhago Cristiano Ronaldo:

1. Brad Pitt

Umukinnyi wa filime watwaye imitima y’abagore benshi, Brad Pitt, wahoze ari umugabo wa Angelina Jolie, ayoboye abasitari batunze ubwato buhenze ku isi. Brad Pitt akiri kumwe na Angelina Jolie muri 2014, yaguze ubwato bwa miliyoni 180 z'Amadolari. Ubu bwato bukaba buzwi ku izina rya ‘Ghost Yacht’.

2. Jay Z na Beyonce

Ureste kuba Jay Z na Beyonce ari couple ikomeye muri Amerika ndetse ikaba inakize cyane, bari mu byamamare bitunze ibintu bihenze aho bafite ubwato baguze miliyoni 80 z'amadolari. Ubu bwato bwo mu bwoko bwa Yacht bwitwa ‘Galacyica Star’. 

Ikinyamakuru Celebsluxury gitangaza ko Jay Z yaguze ubu bwato ari impano yahaye Beyonce ubwo yaramaze kwibaruka imfura yabo ‘Blue Ivy Carter’.

3. Diddy

Umuraperi w’umuherwe Sean Combs, wamamaye ku mazina menshi arimo Puff Daddy, P.Diddy, ubu akaba asigaye yitita ‘Brother Love’, nawe atunze ubwato buhagaze miliyoni 65 z'amadolari. Ubu bwato bwitwa ‘The Maraya’ yaguze mu 2009.

4. Domenico Dolce na Stefano Gabbana

Couple y’abatinganyi bakomoka mu Butaliyani izwi cyane mu mideli aho bafite inzu y’imideli ikomeye ku Isi yitwa ‘Dolce&Gabbana’ rukora imyenda, inkweto, amashakoshi n’ibindi bikoresho by’ubwiza ku bagore, aba bagabo bombi bakoze ubukwe bahuje igitsina batunze ubwato bwitwa ‘The Regina D’Italia’ baguze miliyoni 30 z'amadolari.

5. Gweyneth Paltrow

Umukinnyi wa filime akaba n’umushoramari ukunzwe cyane muri Hollywood Gweyneth Paltrow wamenyekanye muri filime nka  ‘Iron Man’, ‘Shallow Hal’, ‘Dealy Relations’ hamwe na ‘Glee’, atunze ubwato bwa ‘Silolona Yacht’ bwamutwaye akayabo ka miliyoni 28 z'amadolari.

6. Leonardo DiCaprio

Umwe mu bakinnyi ba filime bakunzwe cyane, Leonardo DiCaprio, uzwi ku izina rya ‘Jacques’ yakinishije muri filime yanditse amateka ya ‘Titanic’ abenshi bita Jacques na Rosa, nawe ntiyacitswe mu gutunga ubwato buhenze yaguze miliyoni 24 z'amadolari.

7. Cristiano Ronaldo

Kabuhariwe muri ruhago, Cristiano Ronaldo, uzwiho kubaho neza mu buzima buhenze, atunze ubwato bwitwa  ‘Aya London’ yaguze akayabo ka miliyoni 20 z'amadolari.

8. Michael Jordan

Umukinnyi wa Basketball Michael Jordan, ufite ibigwi bikomeye nawe ari mu byamamare bitunze ubwato buhenze ku Isi. Ubwato bwe yahaye izina rya ‘Mr. Terrible’, yabutanzeho miliyoni 18 z'amadolari.

9. Nicole Kidman

Umukinnyikazi wa filime, Nicole Kidman, umugore w’icyamamare wa Keith Urban, kuri ubu ufite filime y'uruhererekane igezweho yitwa 'Nine Perfect Strangers' iri kunyura kuri Netflix; Nicole Kidman yibitseho ubwato yaguze miliyoni 16 z’amadolari. Ubu bwato bwitwa ‘Sunseeker Manhattan’.

10. Kylie Jenner

Umunyamidelikazi ugezweho, Kylie Jenner, ukomoka mu muryango w’ibyamamare w'aba Kardashians, ku myaka 26 y’amavuko atunze ubwato yaguze miliyoni 8 z'amadolari.

Abahanzi nyarwanda Bwiza Emerance, Kivumbi King ndetse na Ish Kevin bagaragaje ibyishimo nyuma yo guhura Perezida wa Repebulika y’u Rwanda, Paul Kagame aho bavuze ko ari inzozi zabaye impamo.

Ni nyuma y’uko Perezida Kagame ku mugoroba w’ejo hashize ku Cyumweru tariki ya 22 Ukwakira 2020 muri Village Urugwiro, yakiriye abashyitsi biganjemo abahanzi bamaze iminsi i Kigali, aho bari bitabiriye ibirori bya 'Trace Awards & Festival 2023′ byatanzwe mu ijoro ryo ku wa Gatandatu.

Muri aba bahanzi harimo n’abahanzi Nyarwanda, aho babinyujije ku mbuga nkoranyamba bagaragaje amarangamutima yabo, nyuma yo guhura na Perezida Kagame bagafatana n’agafoto.

Bwiza Emerance mu butumwa yanyujije ku mbuga nkoranyambaga ze, yavuze ko yishimiye guhura na Perezida Kagame kuko ari intangarugero kuri Afurika yose.

Ati 'Guhura na Perezida Paul Kagame byari inzozi, kandi ndabyishimiye cyane! Si intangarugero kuri njye gusa, ahubwo ni intangarugero ku rubyiruko rwose rw’Abanyarwanda n’Abanyafurika.'

Umuraperi Ish Keven we yagize ati “Inshuti y’urubyiruko, turagukanda cyane Nyakubahwa Paul Kagame.”

Umuhanzi Kivumbi King we yavuze ko ari inzozi zibaye impamo kuba ahuye n’umukuru w’igihugu.

Ati “Ni iby’agaciro. Inzozi zibaye impamo. Njye na Perezida wanjye.”

Ibi bihembo bya Trace Awards mu banyarwanda bari bahatanye Bruce Melodie ni we wabashije kwegukana igihembo, aho yegukanye igihembo cy’umuhanzi mwiza w’umunyarwanda.

Impera z’icyumweru zahiriye bamwe mu bakinnyi b’abanyarwanda bakina hanze yarwo, aho ikipe y’umunyezamu Kwizera Olivier yatsinze iya Rubanguka Steve ni mu gihe Lague na Yannick Mukunzi bitagenze neza.

Muri iyi nkuru tugiye kurebera hamwe uko abakinnyi b’abanyarwanda bakina hanze bitwaye mu mpera z’icyumweru gishize.

Meddie Kaere- Singida Fountain Gate

Impera z’icyumweru zagenze neza kuri rutahizamu w’ikipe y’igihugu Amavubi, Meddie Kagere. Nubwo yari yabanje ku ntebe y’abasimbura ikipe ku wa Gatandatu w’icyumweru gishize yitwaye neza itsinda Namungo FC 3-2 mu mukino w’umunsi wa 6 wa shampiyona y’icyiciro cya mbere muri Tanzania.
Ubu iyi kipe iri ku mwanya wa 7 n’amanota 8 mu gihe Simba SC ya mbere ifite 15.

Emery Bayisenge, Sibonama Patrck Papy — Gor Mahia

Sibomana Patrick Papy na Emery Bayisenge bakinira Gor Mahia muri Kenya, bombi babanje mu kibuga mu kibuga ejo hashize ku Cyumweru tariki ya 22 Ukwakira mu mukino wa shampiyona ikipe yabo yatsinzemo Tusker FC 1-0. Iyi kipe iri ku mwanya wa 2 n’amanota 15, Posta Rangers ya mbere ifite 16.

Imanishimwe Emmanuel — FAR Rabat

Imanishimwe Emmanuel Mangwende yari mu kibuga ku wa Gatanu w’icyumweru gishize tariki ya 20 Ukwakira 2023 ubwo ikipe ye ya FAR Rabat yanganyaga 0-0 na Berbakane ubusa ku busa.

Biramahire Christophe Abedi — UD Songo

Ejo hashize ku Cyumweru, Biramahire Christophe Abeddy yari ku ntebe y’abasimbura mu mukino ikipe ye ya UD Songo yanganyijemo na Clube Ferroviário da Beira 2-2 muri shampiyona y’icyiciro cya mbere muri Mozambique. Nyuma y’umunsi wa 20, iyi kipe iri ku mwanya wa 3 n’amanota 32 irushwa 4 n’iya mbere ari yo Clube Ferroviário da Beira.

Nsanzimfura Keedy — El Qanah

El Qanah ya Nsanzimfura Keddy mu cyiciro cya kabiri mu Misiri izakina ejo na Gomhoriat Shebin SC umukino w’umunsi wa gatanu w’iyi shampiyona.

Usengimana Faustin – Al — Hudod

Usengimana Faustin wa Al Hudod muri Iraq atagereje ko shampiyona y’iki gihugu umwaka w’imikino 2023-24 utangira aho uzatangira mu Gushyingo 2023.

Manzi Thierry— Al Ahli Tripoli

Manzi Thierry wa Al Ahli Tripoli ategereje ko umwaka w’imikino utangira muri Libya aho nta gihindutse uzatangira mu Gushyingo 2023.

Niyonzima Haruna — Al Ta’awon

Niyonzima Haruna, yatangiye imyitozo n’ikipe ye ya Al Ta’awon muri Libya bitegura umwaka w’imikino wa 2023-24 uzatangira mu Gushyingo 2023. Ubu barimo kwitegurira mu Misiri.

Rubanguka Steve – Al-Najoom

Al Najoom ikinamo Rubanguka Steve mu cyiciro cya gatatu muri Saudi Arabia, ku wa Gatandatu yatsinzwe na Al-Kawkab y’umunyenzamu Kwizera Olovier 1-0 mu mukino w’umunsi wa 6 w’iyi shampiyona. Ni umukino abakinnyi b’abanyarwanda bose babanje mu kibuga. Ubu iyi kipe iri ku mwanya wa 6 n’amanota 11, Al Kawkab ya Kwizera Olivier ifite 9, Mudhar ya mbere ifite 15.

Nirisarike Salomon – K.V.K. Tienen-Hageland

Ejo hashize mu cyiciro cya gatatu mu Bubiligi mu ikipe ya KVK Tienen ikinamo myugariro Nirisarike Salomon batsinzwe na Jong KAA Gent 4-0 Ubu iyi kipe iri ku mwanya wa 15 mu makipe 18 n’amanota 9, RAAL La Louvière ikinamo Samuel Gueulette niyo iyoboye n’amanota 25, ni nyuma y’umunsi wa 9 wa shampiyona.

Samuel Gueulette – RAAL La Louvière

RAAL La Louvière ya Samuel Gueulette mu cyiciro cya gatatu mu Bubiligi, ku wa Gatandatu w’icyumweru gishize yanyagiye Olympic Charleroi 4-0 mu mukino w’umunsi wa 9 shampiyona, Gueulette akaba yarakinnye uyu mukino. Iyi kipe niyo iyoboye urutonde n’amanota 25.

Yannick Mukunzi, Byiringiro Lague — Sandvikens IF

Ku wa Gatandatu tariki ya 21 Ukwakira, Yannick Mukunzi yabanje mu kibuga asimburwa ku munota wa 75, Lague Byiringiro we yinjiye mu kibuga ku munota wa 21mu mukino Sandvikens IF bakinira mu cyiciro cya 3 muri Sweden yatsinzwemo na Örebro Syrianska 1-0. Nyuma y’umunsi wa 27, Sandvikens IF niyo iyoboye urutonde rwa shampiyona n’amanota 58.

Rafael York — Gefle IF

Kubera imvune ntabwo Rafael York yagaragaye mu bakinnyi Gefle IF mu cyiciro cya kabiri muri Sweden yakoresheje ku wa 21 Ukwakira 2023 ubwo banganyaga na Helsingborg 0-0 mu mukino w’umunsi wa 27. Ubu iyi kipe ni iya 9 n’amanota 34 Västerås SK ya mbere ifite 60.

Hakim Sahabo – Standard de Liège II

Hakim Sahabo yinjiye mu kibuga ku munota wa 46 ku wa Gatandatu mu mukino Standard de Liège y’abato akinira yatsinzwemo na RSC Anderlecht II 3-0. Iyi kipe iri ku mwanya wa nyuma n’amanota 3, Zulte Waregem ya mbere ifite 19.

Emeran Noam — Groningen FC

Emeran Noam ku wa Gatanu w’icyumweru gishize yinjiye mu kibuga ku munota wa 74 mu mukino ikipe ye ya Groningen FC yo mu cyiciro cya 2 mu Buholandi yatsinzwemo na De Graafschap 2-1. Iyi kipe iri ku mwanya wa 14 n’amanota 13.

Bizimana Djihad – Kryvbas Kryvyi Rih

Bizimana Djihad yari yabanje mu kibuga anakina iminota 45 mu mukino wa shampiyona ya Ukraine ikipe ye yatsinzemo Metalist 1925 3-1 ku wa Gatanu. Iyi kipe niyo iyoboye urutonde n’amanota 23.

Mutsinzi Ange Jimmy – FK Jerv

Mutsinzi Ange Jimmy na FK Jerv muri Norway ntabwo bagize impera z’icyumweru nziza kuko ku wa Gatandatu batsinzwe na Kongsvinger 2-0. Iyi kipe iri ku mwanya wa 14 mu makipe 16 n’amanota 27, Fredrikstad iyoboye urutonde ifite 60.

Rema wamamaye mu ndirimbo zirimo 'Calm Down' yabitangaje nyuma y'uko ari mu begukanye ibihembo bakiriwe na Perezida Kagame muri Village Urugwiro kuri iki Cyumweru tariki 22 Ukwakira 2023.

Village Urugwiro yatangaje ko Perezida Kagame yakiriye abatsinze muri Trace Awards ndetse n'Umuyobozi wa Trace Africa akaba n’umwe mu bashinze Trace Group, Olivier Laouchez.

Rema wegukanye ibikombe bibiri muri Trace Awards, ahawe ijambo, yavuze ko Kagame 'niwe Perezida wa mbere mpuye nawe mu buzima bwanjye'. Ati 'Ni ubwa mbere rwose. Ntabwo ndahura 'yewe' na Perezida wanjye (wa Nigeria).'

Yavuze ko kwakirwa n'Umukuru w'Igihugu ari igisobanuro cy'uburyo (nk'umubyeyi) Perezida Kagame ateza imbere kandi agashyigikira urubyiruko n'ubuhanzi. Ati 'Ntabwo ari Perezida gusa, ni umubyeyi.'

Uyu munyamuziki yavuze ko nubwo akunze gukorera ingendo mu Bwongereza muri Leta Zunze Ubumwe z'Amerika nta handi, hari itandukaniro yabonye agereranyije n'u Rwanda.

Rema yumvikanishije ko iyo ageze mu Rwanda aba yiyumva nk'umwana mu rugo, ahantu agera umutima we ukajya mu gitereko.

Atangaje ibi nyuma y'uko yanditse amateka mu bihembo bya Trace Awards akegukanamo ibikombe bibiri. Yanavuze ko azi neza ko mu Rwanda ahafite abakunzi benshi (abafana), kandi azirikana uburyo bamushyigikira mu rugendo rwe rw'umuziki.

Rema agezweho muri iki gihe, ku buryo ubwo yegukanaga igikombe cye cya kabiri, Davido yagiye kumureba aho yari yicaye aramwongorera, ubundi aramuhobera.

Ni umunyamuziki uri guca ibintu mu bihugu bitandukanye, ahanini biturutse ku kuba indirimbo ze zaracengeye mu mitima y'ibihumbi by'abantu ku Isi.

Ni umunyamuziki akaba n'umuraperi.

Yamenyekanye cyane binyuze mu ndirimbo 'Iron Man', iyi ndirimbo Barack Obama wabaye Perezida wa Leta Zunze Ubumwe za Amerika yayishyize ku rutonde rw'izo yakunze mu 2019.

Ubu ni umwe mu bahanzi babarizwa muri Jonzing World, ishami ry'inzu ifasha abahanzi mu bya muzika yitwa Mavin Records iri mu zikomeye muri Nigeria.

Rema yavukiye mu Mujyi wa Benin. Mu 2018 yasubiyemo indirimbo 'Gucci Gang' y'umuraperi D'Prince bimuhesha amahirwe yo gufashwa n'uyu muraperi yinjira muri Label ya 'Jonzing World'.

Mu 2019 yasohoye Extended Play (EP) yaciye agahigo ko kuyobora indirimbo zumviswe cyane ku rubuga rwa Apple muri Nigeria. Icyo gihe kandi Label ye yahise imufasha gukora amashusho y'indirimbo 'Dumebi' yitiriye iyi EP ye.

Uyu muhanzi yegukanye ibihembo birimo 'Next Rated', umuhanzi mushya mwiza w'umwaka mu bihabwa abahanzi b'Abanyafurika bizwi nka 'Sound City MVP Awards'.

Rema yahataniye na none ibihembo bya BET Awards mu cyiciro kizwi nka 'Viewers Choice' kimwe n'abahanzi barimo Burna Boy na Wizkid babashije guhanga muri 2020 bakomoka muri Nigeria.

Uyu muhanzi azwi mu ndirimbo 'Soundgasm', 'Spiderman', 'American Love', 'Ginger Me', 'Peace of mind' n'izindi.

Bamwe mu begukanye ibikombe muri Trace Awards:

1.Davido yegukanye igihembo cya 'Best Male Artist' ndetse n'icya “Best Global Africa Artist'' abicyesha indirimbo 'Unavailable' yahuriyemo na Musa Keys.

2.Rema yegukanye igihembo cya “Best Global Africa Artist'' n'icya ” Song of the year” abikesheje 'Calm Down'.

3. Bruce Melodie yahembwe nk'Umuhanzi Mwiza w'Umwaka mu Rwanda (Best Artist-Rwanda).

4. Mr Eazi, yahawe igihembo cyiswe “Change Maker Award”.

5. 2 Face Idibia '2Baba' yashimiwe nk'umuhanzi w'ibihe byose.

6. Fally Ipupa (DRC) yahawe igihembo cya “Best Live”.

7. Ludmilla yahawe igihembo cya “Best Artist -Brazil''.

8. Robot Boii (South Africa) yahembwe nk'Umubyinnyi Mwiza.

9. Lisandro Cuxi (Cape Verde) yegukanye igikombe cya 'Best Artist Africa — Lusophone'.

10. Roselyne Layo (Ivory Coast) yegukanye Igihembo cy'Umuhanzi Mushya w'Umwaka (Best New Artist).

11. Unavailable' ya Davido na Musa Keys yahembwe nk'Indirimbo Nziza yahuje abahanzi “Best Collaboration.”

12. Nomcebo Zikode uzwi mu ndirimbo “Jerusalema” yahawe igikombe cya “Best Global Africa Artist''.

13. Asake (Nigeria) yahembwe nk'Umuhanzi Mwiza mu bihugu bivuga Icyongereza muri Afurika “Best Artist Africa – Anglophone”.

14. Rutshelle Guillaume (Haiti) yahawe igikombe cya Caraïbes “Best Artist – The Caribbean”.

15. Goulam wo mu Birwa bya Comores yegukanye igikombe cya “Best Artist -Indian Ocean”

Rema yabwiye Kagame ko ariwe Mukuru w'Igihugu wa mbere bahuye

Rema yashimye Perezida Kagame ku bwo gushyigikira ubuhanzi n'urubyiruko

Rema yavuze ko azirikana uruhare rw'abafana afite mu Rwanda mu kuzamuka kwe mu muziki

Nomcebo wo muri Afurika y'Epfo yaririmbye indirimbo ye yamamaye yise 'Jerusalema' imbere ya Perezida Kagame

REBA HANO ABAHANZI BEGUKANYE IBIKOMBE MURI TRACE AWARDS

“>

Ni ibihembo byaranzwe n'ibyishimo ku bihumbi by'abantu bitabiriye, ibitaramo by'abahanzi nka Diamond, The Ben, Zuchu, Davido, Rema, Yemi Alade, Jux, Mr Eazi n'abandi bakomeje bumvikanishije ko gutaramira mu Rwanda byari inzozi kuri bo.

Ibi birori kandi byaranzwe no gutambuka ku itapi itukura (Red Carpet) kw'ibyamamare mu ngeri zinyuranye, barimo nka Levixone wo muri Uganda, Bwiza, The Ben n'umukunzi we Uwicyeza Pamella, Davido, n'abandi bakomeye.

Ibihembo byari bihataniwe mu byiciro birenga 10,  ku buryo byari bigoye kumenya uza kwegukana igikombe muri buri byiciro kugeza ubwo byatangajwe.

Byatanzwe hitawe ku bahanzi bakora umuziki uri mu njyana zitandukanye zirimo Afrobeat, Dancehall, Afro-pop, Mbalax, Amapiano, Zouk, Kizomba, Genge, Coupé Décalé, Bongo Flava, Soukous, Gospel, Rap, Kompa, R&B na Rumba n'abandi.

Umuhango wo gutanga ibi bihembo watambutse imbona nkubona kuri Televiziyo zikomeye nka Trace Africa, Trace Muziki, Trace Urban n'izindi, kandi byarebwe n'abantu bo mu bihugu bitandukanye birenga 190 byo ku Isi.

Mu bahawe ibihembo muri Trace Awards, harimo umunya-Nigeria, Oluwatosin Oluwole Ajibade [Mr Eazi] wamamaye mu ndirimbo zirimo nka 'Leg Over' wahwe igihembo cy'uwaharaniye impanduka (Change Maker Award).

Uretse guhabwa igihembo, uyu munyamuziki yanataramiye abakunzi be bamuherukaga mu gitaramo gikomeye cya Chop Life cyabaye mu 2022.

Nyuma yo guhabwa iki gihembo, Mr Eazi yashimye ahereye ku Ikipe ya Rayon Sports, avuga ko adafite gushidikanya muri we ko ariyo kipe ya mbere ku Isi.

Yanashimye Guverinoma y'u Rwanda n'abahanzi bagenzi be barimo Bruce Melodie. Ati 'Mbere na mbere ndashaka kubabwira ko Rayon Sports ari ikipe nziza ku Isi. Ndashimira Trace na Guverinoma y'u Rwanda, 2Baba, D'Banj, Bruce Melodie n'abantu bose baharanira impinduka muri hano.'

Muri Kamena 2023, nibwo Sosiyete y'Imikino y'Amahirwe, Choplife, yashinzwe na Mr Eazi yasinyanye amasezerano y'imikoranire na Rayon Sports arimo ko iyi kipe izajya ikina yambaye uyu muterankunga ku kuboko.

Ibi byatumye Mr Eazi aho agiye hose agaragaza Rayon Sports nk'ikipe ya mbere ku Isi. Ku wa Gatanu tariki 20 Gicurasi 2023, mu kiganiro n'itangazamakuru, yaratunguranye aserukana umwambaro wa Rayon Sports, ubundi aganiriza abari bamuteze amatwi ibijyanye n'urugendo rwe rw'umuziki.

Uyu muhanzi asanzwe anafite ukuboko muri sosiyete y'amahirwe izwi nka BetPawa ikorera mu Rwanda. Iyi sosiyete iri mu zateye inkunga Trace Awards.

Mr Eazi afitanye indirimbo n'abarimo umunya-Colombi J Balvin bakoranye indirimbo 'Lento', Major Lazer, umuhanzika wubakiye umuziki kuri Dancehall, Nicki Minaj na K4MO bakoranye indirimbo 'Oh My Gawd'.

Mr Eazi yavuze ko adafite gushidikanya muri we ko Rayon Sports ariyo kipe ikunzwe ku Isi hose

 

Mr Eazi yagaragaje ko amasezerano yagiranye na Rayon Sports yayishimiye, kandi ayitezeho kuzamura urwego rwa Chop Life

 

Mr Eazi yahawe igihembo cy'uwaharaniye impanduka (Change Maker Award), ashima byihariye Trace Awards yazirikanye umuhate we

 

Mu bihe bitandukanye Mr Eazi agenderera u Rwanda, kandi agaragaza ko yanyuzwe n'imbaraga Guverinoma yashyize mu guteza imbere ubuhanzi

 

KANDA HANO UREBE UBWO MREAZI YAKIRAGA IGIKOMBE

“>

Kanda hano urebe amafoto menshi yaranze itangwa ry'ibihembo bya Trace Awards 

AMAFOTO: Freddy Rwigema-InyaRwanda.com

Ibiro by'Umukuru w'Igihugu, Village Urugwiro, byatangaje ku gicamunsi cyo kuri iki Cyumweru tariki 22 Ukwakira 2023, ko Perezida Kagame yakiriye abatwaye ibikombe muri Trace Awards bari kumwe n'Umuyobozi wa Trace Africa akaba n’umwe mu bashinze Trace Group, Olivier Laouchez.

Ibihembo bya Trace Awards byatanzwe mu ijoro ryo kuri uyu wa Gatandatu tariki 21 Ukwakira 2023 mu muhango wabereye muri BK Arena.

Ni ubwa mbere byari bitangiwe mu Rwanda. Byatanzwe hizihizwa imyaka 20 ishize Trace Africa igira uruhare mu guteza imbere abahanzi.

Ni amateka avuguruye mu muziki w'u Rwanda, kuko ari ubwa mbere ibikomerezwa mu muziki w'Afurika bari bateraniye i Kigali. Kuva kuri Diamond kugera ku muhanzi wo mu birwa bya Mayotte byo mu Bufaransa.

Amashusho yagiye hanze agaragaza umuhanzikazi Nomcebo wo muri Afurika y'Epfo aririmba indirimbo ye yamamaye yise 'Jerusalema' ari nako Perezida Kagame acinya akadiho. Uyu muhanzikazi yaririmbaga asaba bagenzi be gufatanya nawe.

Ajya gusoza iyi ndirimbo, yavuze ko azi neza ko kuri uyu wa Mbere tariki 23 Ukwakira 2023, ari bwo Perezida Kagame azizihiza isabukuru y'amavuko. Nk'abimutsamuye, baririmbiye hamwe bifuriza Perezida Kagame isabukuru y'amavuko, azaba yizihiza isabukuru y'imyaka 66.

Ubwo yizihizaga isabukuru y'imyaka 65 y'amavuko, Madamu Jeannette Kagame yanditse avuga ko 'Buri gihe bimbera umugisha kwizihiza isabukuru yawe y'amavuko Paul Kagame, Isabukuru muyobozi mwiza, Umubyeyi, sekuru w'abuzukuru bacu, ukaba n'umugabo wanjye. Imyaka 65 ni intera ikomeye ugezeho. Sinzahwema kukuvuga ibigwi ku muryango twahawe, uri impano idasanzwe kuri twe twese!'

Mu mashusho Village Urugwiro yashyize hanze, kandi hagaragaramo umunyamideli witwa Maria Borges wo muri Angola wafatanyije n'umuziki D'Banj kuyobora itangwa ry'ibihembo bya Trace Awards. Hanasohotse ifoto y'umuhanzikazi Bwiza ari kumwe na Perezida Kagame.

Ku mugoroba wo ku wa Gatanu tariki 11 Ugushyingo 2022, Inama y'Abaminisitiri yateraniriye muri Village Urugwiro iyobowe na Perezida Paul Kagame, yemeje amasezerano yo kwakira ibi bihembo hamwe n'iserukiramuco rijyanye nabyo.

Umwanzuro wa Gatandatu ujyanye n'amasezerano Inama y'Abaminisitiri yemeje ugira uti 'Amasezerano hagati ya Repubulika y'u Rwanda na Trace Global yerekeranye no kwakira mu Rwanda itangwa ry'ibihembo bizwi nka Trace Awards hamwe n'iserukiramuco ry'ibikorwa bitandukanye.'

Ibi bihembo bitegurwa na Televiziyo Mpuzamahanga yitwa Trace Africa, izwiho guteza imbere umuziki w'abahanzi ku Isi, by'umwihariko abo muri Afurika.

Trace Global ifite insakazamashusho za Trace [Trace Africa, Trace Urban…] ifite itsinda ry’abahanga mu muziki ryicara rigahitamo indirimbo ikwiye gutambuka n’itabirikwiye.

Umuyobozi wa Trace Africa akaba n’umwe mu bashinze Trace Group, Olivier Laouchez aherutse gutangaza ko inzitizi zituma umuhanzi atagera ku rwego rwiza zikwiye gukurwaho.

Ati 'Turifuza gukuraho inzitizi dutekereza ko iri isoko tugomba guhatanira ku Isi yose ndetse tukagaragaza ikinyuranyo. Niyo mpamvu tugomba kuzana udushya twinshi dukora nk’ikipe imwe mu bihugu bitandukanye tugashyira abantu hamwe kuko imikoranire myiza itanga umusaruro urimo ubwenge bityo tugakora ibidasanzwe.”

Bamwe mu begukanye ibikombe muri Trace Awards:

Abanya-Nigeria Davido na Rema ni bo begukanye ibihembo byinshi muri Trace Awards 2023. Buri wese yegukanye ibihembo bibiri.

1.Davido yegukanye igihembo cya 'Best Male Artist' ndetse n'icya “Best Global Africa Artist'' abicyesha indirimbo 'Unavailable' yahuriyemo na Musa Keys wo muri Afurika

2.Rema yegukanye igihembo cya “Best Global Africa Artist'' n'icya ” Song of the year” abikesheje 'Calm Down'.

3. Bruce Melodie yahembwe nk'Umuhanzi Mwiza w'Umwaka mu Rwanda (Best Artist-Rwanda).

4. Mr Eazi, yahawe igihembo cyiswe “Change Maker Award”.

5. 2 Face Idibia '2Baba' yashimiwe nk'umuhanzi w'ibihe byose.

6. Fally Ipupa (DRC) yahawe igihembo cya “Best Live”.

7. Ludmilla yahawe igihembo cya “Best Artist -Brazil''.

8. Robot Boii (South Africa) yahembwe nk'Umubyinnyi Mwiza.

9. Lisandro Cuxi (Cape Verde) yegukanye igikombe cya 'Best Artist Africa — Lusophone'.

10. Roselyne Layo (Ivory Coast) yegukanye Igihembo cy'Umuhanzi Mushya w'Umwaka (Best New Artist).

11. Unavailable' ya Davido na Musa Keys yahembwe nk'Indirimbo Nziza yahuje abahanzi “Best Collaboration.”

12. Nomcebo Zikode uzwi mu ndirimbo “Jerusalema” yahawe igikombe cya “Best Global Africa Artist''.

13. Asake (Nigeria) yahembwe nk'Umuhanzi Mwiza mu bihugu bivuga Icyongereza muri Afurika “Best Artist Africa – Anglophone”.

14. Rutshelle Guillaume (Haiti) yahawe igikombe cya Caraïbes “Best Artist – The Caribbean”.

15. Goulam wo mu Birwa bya Comores yegukanye igikombe cya “Best Artist -Indian Ocean”

Abantu basaga Miliyoni 500 ku isi bari berekeje amaso  mu Rwanda rw’imisozi igihumbi, babikesheje Imbuga nkoranyambaga zitandukanye ndetse n’amashene ya Trace Africa, bashaka kwihera ijisho uburyo abo abahanzi bakunda bahacana umucyo muri ibi bihembo. Ni ibihembo byateguwe na Televiziyo mpuzamahanga ‘Trace’ mu kwizihiza imyaka 20 bamaze bashyigikira imyidagaduro ku isi muri rusange.

Ugerageje kunyuza amaso  ku bitangazamakuru bikomeye muri Afurika ndetse n’abanyamakuru bakomeye bigenga bazwi ku mbuga nkoranyambaga, ubona bose bari kuvuga no kwandika ku Rwanda na Trace Awards muri rusange. Bivuze ngo iyi Trace Awards isize iki cyumweru nta kindi kivugwa muri Afurika uretse u Rwanda.

Ni ibirori byari byitabiriwe n’abahanzi mpuzamahanga bakomeye muri Afurika ndetse no ku isi yose muri rusange, abantu bafite amazina akomeye mu bintu bitandukanye, abayobozi bakomeye bavuga rikijyana n’abandi bari baturutse mu bindi bihugu baje gushyigikira abahanzi babo bakunda.

Muri ibi birori, abahanzi bose bari babukereye rwose bikozeho riraka, imyambaro igezweho y’abahanzi nyine bafite amazina aremereye bagiye guhatana. Abahanzi nyarwanda nabo sinakubwira kuko nabo bari bikozeho.

Mu birori nk’ibi ntabwo hajya haburamo udushya  tuba twasigaye mu mitwe y’abatari bake ndetse tukanahinduka inkuru. Iyo utwo dushya tuba tudasekeje, ni ibidasanzwe biba byabaye ku muntu runaka bigatuma abantu bakomeza kumuvugaho ny’uma y’ibirori.

Abantu bari buzuye muri Bk Arena

1. Diamond Platnumz yazanye abana be 3 na nyina  muri Bk Arena

Uyu muhanzi Diamond utajya ubundi wiburira mu dukoryo, yagaragaye muri Bk Arena ari kumwe n’umuryango we w’abana 2 yabyaranye na Zari ndetse n’undi umwe yabyaranye na Tanasha Donna ndetse bari kumwe na Mama we (Mama wa Diamond). Mu busanzwe ntabwo bikunze kugaragara ku byamamare bijyana n’imiryango yabo mu bitaramo cyane noneho iyo icyo cyamamare nacyo kiri butarame. 

Diamond yinjiranye muri Bk Arena n’umuryango we

2. Chris Eazy mu gutarama ntiyitaye ku bafana

Umuhanzi Nsengiyumva Christian wamamaye cyane muri muzika nka Chris Eazy ndetse umaze no kwigarurira igikundiro cya benshi mu Rwanda binyuze mu ndirimbo ze zifata imitima, ubwo yaririmbaga ntiyarebye na gato mu bafana. 

Uyu muhanzi umunota umwe gusa yari ahawe ngo asusurutse abari bitabiriye ibi birori, yabaririmbiye indirimbo ‘Inana’ gusa ariko yakoraga ikintu kimeze nk’ifoto (yishakiraga ifoto). Ni ukuvuga ngo yarebaga muri ba gafotozi gusa abafana abatera umugongo kugeza indirimbo yose irangiye dore ko yose banayimurushaga. Nk’umuhanzi wari uhawe ariya mahirwe yo kujya ku rubyiniriro, yagombaga kuhakura ifoto y’urwibutso ku kibi n’ikiza.

Chris Eazy yaririmbiye abafotozi

3. Injyana ya Bongo Fleva ya Diamond  yagaraguye iya Afrobeats ya Davido

 Muri ibi bihembo, byagaragaye ko Diamond Platnumz yahaye ikuzo injyana ye ya Afrobeats kugeza n’aho irushije gukundwa Afrobeats ya ba Davido kandi nyamara bitari byitezwe. 

Diamond Platnumz ku rubyiniriro yakoresheje imbaraga zidasanzwe yishimirwa n’abanya Kigali cyane ko hari hanashize igihe gito abataramiye mu iserukiramuco rya ‘Giants of Africa’. 

Mu busanzwe ubundi abantu bari biteze ko injyana ya Afrobeats iza kuba iri imbere cyane ko inahagarariwe n’ibyamamare bikomeye cyane birimo Davido, Rema, Yemi Alade n’abandi, ariko ugereranije kureba uburyo bakiriwe ku rubyiniriro, Diamond yabakubise inshuro Baba abafaba.

Diamond Platnumz yakosoye

4. The Ben yatunguranye ku rubyiniriro na Diamond baririmba ‘Why’ bakoranye, bamweretse urukundo ahita ava ku rubyiniriro yiruka

Diamond nk’umwe mu bahanzi bari bari ku rutonde rw’abagomba gususurutsa abitabiriye ibi bihembo, yaririmbye indirimbo ze ‘Shu’ ndetse na ‘Yatapita’, hanyuma bashyizemo ‘Why’, The Ben ahita aza ku rubyiniriro bafatanya kuyiririmba. 

Iyi ni indirimbo yakunzwe bidasanzwe ndetse Ben avuga ko yanamushyize ku rundi rwego. Nk’umuhanzi wari muri Bk Arena ntabwo byari kubura ko agenda ngo bafatanye kuririmba iyo ndirimbo bakoranye.

 Aba bahanzi nibo bahanzi beretswe urukundo kurusha abandi bose baririmbye kuko birumvikana bari i Kigali iwabo w’iyi ndirimbo. Diamond yahise  agira ati ”Ndababwiza ukuri ko nta y’indi ndirimbo nshobora kongera gukurikizaho reka nigendere”.Ahita yiruka ava ku rubyiniriro.

The Ben yatunguranye ku rubyiniriro na Diamond

5. Ubwo Davido yari aje gufata igihembo, yahise abanza kujya kunyura aho Rema yicaye aramusuhuza

Mu busanzwe ubundi abahanzi bafite amazina akomeye byongeye noneho banahanganiye mu bihembo, hari ukuntu bapingana cyangwa ntibagaragarizanye ko hari ukeneye undi. Gusa ariko kuri Davido biratandukanye cyane kuko yerekanye ko ari umuhanzi mukuru kandi utagendera mu bintu by’ubwana ngo turahanganye. 

Davido ubwo yari amanutse aho yari yicaye, yakubise amaso hirya gato abonayo umuhanzi Rema nawe uhagaze neza mu muziki, maze ahita ajya ku musuhuza atitaye ko bari bamuhamagaye ngo ajye gufata igihembo.

Ntibyarangiriye aho kandi kuko Davido yongeye kugaragara arikumwe na Diamond Platnumz bishimye cyane baganira baseka cyane ubona ko bahuje urugwiro cyane.

Davido yari afite urugwiro rwinshi

6. Bruce Melodie yaririmbye indirimbo atarashyira hanze y’ise ‘When She’s Around’, yakoranye na Shaggy

Melodie abantu bakomeje kwibaza impamvu yaririmbye iyi ndirimbo kandi nyamara atari yakayishyira hanze bikaba byanatumye ku rubyiniriro atakirwa nk’uko ubundi bari kumwakira iyo aza kuririmba zimwe mu ndirimbo yashyize hanze mu minsi yashize zirimo nka Azana, Ikinya n’izindi nk’uko yabigenzaga mu bitaramo bya MTN Iwacu Muzika Festival.

Ku rubyiniriro, uyu muhanzi rwose wabonaga ko abafana bari kumureba gusa batari kunyeganyega kubera ko yaririmbaga indirimbo batazi.

Melodie yaririmbye indirimbo atarashyira hanze y’ise ‘When she’s Around’ atafatanyije na Shaggy

7. Davido yari yambaye ibya make

 Umuhanzi Davido yaje ku rubyiniriro rwose wagira ngo yibereye iwabo mu rugo.

Uteye imboni inkweto uyu muhanzi yari yambaye, rwose zigura make cyane iyo ugiye mu Mujyi banazigihera ku bihumbi bitarenze na mirongo itatu (30,000 Frw). 

Gusa ariko kuko ari umuhanzi w’icyamamare ntitwabitindaho ko adashobora no kuba yarabiguze arenze ibihumbi magana atanu ‘500,000Frw). Si inkweto gusa kuko n’imyenda yari yashyizemo wabonaga ko ari yayindi inaha mu Rwanda itarenza ibihumbi 50 rwose.

Davido yari yambaye ibya make

8. Kigali Boss Babies basize inkuru i Kigali

Abakobwa bagize itsinda rya Kigali Boss Babies uko bari babiri; Queen Douce ndetse na Alliah Cool, ubwo bari bahamagawe ngo batange igihembo cy’umuhanzi mwiza w’umugabo cyatwawe na Davido, basa nk’aho babanje gucangwa n’imbaga y’abantu bari bahagaze imbere.

Ubwo bari bamaze gucishaho abahanzi bari bahataniye ibi bihembo,  uwitwa Alliah Cool ntiyamenye ibyabaye ahubwo we yabanje kwivuga ibigwi ati: “Kigali, turi Kigali Boss Babies, Abafana bacu murihe?” Naho ntiyamenya ko abahatanye barangije kwerekanwa kare. Nyuma yo kwivuga byinshi niko guhita agira ati” Mureke noneho turebe abahatanye”, abantu bamuhaye urwamenyo bamubwira ko bavuyeho kare, niko guhita batangaza uwatsinze ariko nyine ubona ko umutima utari hamwe.

Uwitwa Ednut Tunde, umuhanzi akaba n’umwe mu bakomeye muri Nigeria uzwi cyane ku mbuga nkoranyambaga ndetse akaba n’inshuti y’akadasohoka ya Davido, yashyizeho amashusho y’aba bakobwa batangaza ko uwatsinze ari Davido arangije ati”Wirengagize amakosa yakozwe, ahubwo wite ku bigwi Davido ari gukora”.

Kgali Boss Babies basize inkuru i Kigali

9. Bruce Melodie akimara gutangazwa ko ariwe muhanzi utwaye igihembo cy’umuhanzi mwiza wo mu Rwanda, ubwo yahagurukaga ajya kuyifata bahise bashyiramo indirimbo yise “Azana” bashyiramo umurongo utangira uvuga ngo ” Na babandi bikuza ndabamanura Sana”, abenshi hano bahise batangira kubihuza n’uko hari abo yaba yashakaga kwereka ko abarenze nubwo bikuza bakigira abantu barenze, ariko agakomeza abasubiza hasi kubera ibikorwa bye birimo no gutwara ibihembo mpuzamahanga.

Melodie yaje gufata igihembo mu ndirimbo ye y’ise ‘Azana’

10. Element yaje ku rubyiniriro ntiyagira icyo akora

 Mugisha Robinson, uzwi nka Element mu gutunganya indirimbo z’abahanzi nyarwanda ndetse nabo hanze, ubwo bahamagaraga Bruce Melodie ngo aze gufata igihembo, haje azanye na Element babana muri sosiyete ifasha abahanzi ya 1:55AM, mu kuhagera, abafana bifuje ko babaririmbira gato ku ndirimbo bafitanye yitwa  ‘Fou De Toi’. Gusa ariko Bruce Melodie niwe waririmbyeho gato cyane, Element agiye kungamo biranga bahita basubira mu byicaro.

Element yavuye ku rubyiniriro nta kintu akoze

11. The Ben ntabwo yigeze ataga igihembo na kimwe

Mu gihe mu minsi yashize hakwirakwiriye amakuru avuga ko uyu muhanzi hari ibiganiro yagiranye n’ubuyobozi bwa Trace Group ndetse bikagera no ku rwego rwo kumushyira mu bazatanga ibihembo bya Trace Awards, byaje gutungurana ubwo uyu muhanzi nta gihembo na kimwe atanze kugeza ibirori birangiye, ahubwo akaba yaje gufasha Diamond Platnumz kuririmba gusa.

Ben nta gihembo yigeze atanga

The Ben wari witezweho gutanga igihembo byarangiye aririmbanye na Diamond gusa

12. Rema ntibashakaga ko agenda

 Ikigaragara cyo umusore Rema amaze gufata imitima y’abakobwa b’i Kigali. Buri uko yazaga gutwara igihembo cye, dore ko yabatwaye bibiri byose, ntabwo abakobwa bashakaga ko ava ku rubyiniriro ahubwo bahitaga basakuza ngo abaririmbire.

Rema witurije w’amagambo make, gusa uvuga cyane mu bikorwa, yaririmbye rimwe gato indirimbo ‘Calm Down’ yamugize ikirangirire, ubwo yari aje gufata igihembo, agitangira kuyiririmba gato abantu bahise bamurusha kuyiririmba abonye bitagikunze ahita atanga indangururamajwi (Micro) aragenda ariko abantu basakuje ngo agaruke biba iby’ubusa.

Rema ntibashakaga ko agenda

13. Zuchu yitwaje Ibendera ry’igihugu cya Tanzania

 Umuhanzi Zuchu nawe wari mu bahanzi bahataniye ibihembo ariko bikarangira atashye amara masa, yaje ku rubyiniriro ibirori bisa nkaho birangiye gusa  aza azanye n’ababyinnyi be bose buri wese yitwaje Ibenderarya Tanzania, igihugu bakomokamo.

Ibirori byarangiye ahagana Saa Sita n’igice z’ijoro.

Ubu ibitangazamakuru byose ndetse no ku mbuga nkoranyambaga zose byo muri Afurika nicyo kiri kuvugwaho cyane. 

Ni ibirori byari biteguranye ubuhanga bukomeye, yaba amajwi, urumuri n’ibindi.

 Nta mwanya bari bafite wo gutakaza kuko umuhanzi yavaga mu rubyiniriro hagahita haza n’undi ntagutinda.

Inzu y’imikino ya Bk Arena  yari yakubise yuzuye abaje kureba icyamamare byari byitabiriye ibi bihembo

Guhera ku isaha ya Saa 10:30 z’igitondo kugera saa 14:00 z’igicamunsi  abasore n’inkumi bahatanye mu irushanwa rya Music Up Competition bahatanye mu gice cya Semi Final gifite amanota 60/100. Aya majonjora yabaye ku itariki 21 Ukwakira 2023.

 

Ababashije kwitabira iki gice bakaba ari 13 muri 15 bari bateganijwe abatabashije kuhagera bakaba batanze impamvu zirimo n’uburwayi. Abahatanye muri iki cyiciro bagize amanota abarirwa mu kigereranyo rusange cy’amanota 45/60 yatanzwe n'abagize akanama nkemurampaka kari karangajwe imbere na Package wo muri Country Records imwe muri studio zihagazeho mu Rwanda.

 

Mu butumwa Package yabageneye yabibukije ko guhanga udushya ari ingenzi aho kwigana iby’abandi bakoze ibintu yahurije na bagenzi be bafatanyije gutanga amanota. Mu kiganiro cyihariye InyaRwanda yagiranye na we, yashimiye Genius ati:”Yarantunguye cyane turakorana umunsi ku wundi gushyigikira impano ni byiza ndamushimira ko yabitekereje.” 

Umwe mu babyeyi wari uherekeje umwana we yagize ati:”Igihe kirageze ngo twumve ko umuziki ari akazi nk'akandi dushyigikire abana bacu niba tubona ko bafite ubushake aho kubikora batwihishe”.

 

Genius On This One nyiri  irushanwa yagize ati”Nibwo tugitangira kandi hari icyizere ko tuzagera kure hari imbogamizi ariko tugenda dushaka uko tuzikemura ibyiza biri imbere.”

 

Yibukije abantu ko binyuze kuri noneho.com amatora azarangira ku wa 06 Ugushyingo 2023 abasaba gushyiramo imbaraga batora abo bakunze bahatanye  kuko amatora afite 40/100 mu bizatuma babasha kugera kuri Final.

 

KugeZa ubu Music Up Competition icyiciro cyasize 3 bageze Final binyuze mu matora aho 7 aribo bazabiyungaho bakaba 10 kuri Final  iteganyijwe ku wa 11 Ugushyingo 2023.

 

Abahatanye icyizere ni cyose banasabye abantu gukomeza kubashyigikira babatora banashima Genius Records yabatekerejeho.

 

Semi Final ya Music Up Competition yabereye ahazwi nko kwa Gisimba i Nyamirambo binateganyijwe ko ariho Final  izabera.

REBA HANO AMAFOTO Y’UKO BYAGENZE

AMAFOTO: DOX VISUAL

Etincelles FC basigaye ari abakinnyi 10, bizakubagora kubona amanota umusaruro muri uyu mukino

35″ Ikarita y’umutuku ihawe kapiteni wa Etincelles FC. Nshimiyimana Abdou ahawe ikarita y’umutuku nyuma yo gushaka kurwana n’abakinnyi ba APR FC. 

30″ Etincelles FC ibashije kugera imbere y’izamu ku mupira wari ufitwe na Kakule Mukata, ariko atera agashoti gato, umupira ujya mu biganza by’umunyezamu

25″ Alain Kwind Bacca, ahushije igitego ku ruhande rwa APR FC aho ateye umupira umunyezamu akozaho imitwe y’intoki, ujya muri koroneri

20″ Etincelles FC ikomeje kugorwa n’ubuzima, kuko APR FC yacuritse ikibuga 

Abakinnyi 11 Etincelles yabanje mu kibuga 

Martin Elungat

Nshimiyimana Abdou

Ndonga Sivula

Niyonsenga Ibrahim

Rutayisire Aman

Rwigema Pascal

Jordan Nzan Dimbumba

Kakule Justin

Niyonkuru Sadjat

Samson Irokan

15″ igitego cya mbere cya APR FC. APR FC ibonye igitego cya mbere gitsinzwe na Victor Mbaoma, ku mupira yambuye Rwigema Pascal ahita asigarana n’umunyezamu, ntakindi yari gukora usibye kwandikisha igitego.

Abakinnyi 11 APR FC yabanje mu kibuga

Pavelh

Niyibizi Ramadhan

Omborenga Fitina

Ishimwe Christian

Victor Mboama

Yunussu Nshimiyimana

Niyigena Clement

Ishimwe Gilbert

Ruboneka Bosco

Alain Kwitonda Bacca

Taddeo Lwanga

02″ Etincelles FC niyo itangiye isatira izamu rya APR FC Niyonkuru

15:01″ umukino uratangiye. Ikaze nanone nshuti bakunzi ba InyaRwanda, aho turi mu karere ka Rubavu, ahagiye kubera umukino uhuza Etincelles FC yakiriye APR FC

15:00″ Amasaha y’umukino yageze ariko ntabwo umusifuzi aratanga

14:55″ Amakipe yombi arimo kwifotoza amafoto y’urwibutso

14:50″ Amakipe yombo avuye mu rwambariro, umukino ukaba ugiye gutangira

14:40″ abakinnyi ku mpande zombi basubiye mu rwambariro

14:38″ Imvura yarimo kugwa irahise, ikirere kikaba cyera de!

14:30″ Imvura nyinshi iguye bitunguranye kuri sitade 

Etincelles FC na APR FC, ni umwe mu mikino Itatu isoza umunsi wa 8 wa Shampiyona. APR FC igiye kujya muri uyu mukino, ibizi ko Musanze FC yamaze gutakaza amanota abiri mu mukino yaraye inganyijemo na Muhazi United igitego kimwe kuri kimwe.

Mu gihe APR FC yatsinda uyu mukino, yahita inganya amanota na Musanze FC ariko APR FC ikaba igifite ikirarane. Etincelles FC igiye kwakira APR FC nyuma yo kuvana amanota Atatu i Nyagatare.

Umukino Etincelles FC iheruka kwakirira i Gisenyi yatewe mpaga kubera kubura ingobyi y’abarwayi. Mu mikino 5 Etincelles FC iheruka gukina, yatsinzemo 2 itsindwa 3. APR FC mu mikino 5 iheruka gukina, yatsinzemo ibiri, inganya 2 itsindwa 1. Mu mikino 25 iheruka guhuza aya makipe muri Shampiyona, Etincelles FC yatsinzemo umukino 1 itsindwa 18 banganya 7.

Imikino 3 ya Shampiyona Etincelles FC iheruka kwakira, ntabwo idatsindwa na APR FC. APR FC iheruka gutsindira Etincelles FC i Gisenyi tariki 6 Nzeri 2018 ibitego 2-0. Etincelles FC iheruka gutsinda APR FC mu mukino wa Shampiyona tariki 15 Mata 2016 igitego 1-0 umukino ukaba wari wabereye i Kigali.