Author: webrwanda

Ku nshuro yaryo ya mbere ryegukanwe na Kenny Kennedy wegukanye umwanya wa mbere. Umwanya wa Kabiri watwawe na Egide Nkubito naho uwa Gatatu wegukanwa na Sicha. Mu gihe umukobwa waje mu begukanye ibihembo ari Umutoni Carine. Mu bihe bya vuba nk’uko Genius On This One yabitangaje bakaba batangira kubatunganyiriza indirimbo umwe ku wundi.

 

Ati:”Twishimiye uko igikorwa cyagenze birumvikana bwa mbere biravuna ariko muri rusange byagenze neza. Mu bihe bitari ibya kure turatangira gutunganya indirimbo z’abatsinze.”

 

Musi Up Competition ikaba kandi byitezwe ko izongera kuba kuko kuzamura impano nshya aribyo Genius Records ishyize imbere.

Umutoni Carine uri mu batsinze yagize ati:”Ni amahirwe akomeye kubona aho ugaragariza impano yawe twizeye kuzagera kure kubera iri rushanwa twegukanye.”

Yashimiye kandi ko abari n’abategarugori bakomeje gushyigikirwa mu byo bashoboye. Abahanzi bitabiriye Music Up Competition bakaba basanzwe bafite indirimbo bakoze nubwo usanga bavuga ko biba bitoroshye ariko bikaba byiza iyo ubonye ugusunika.

REBA UKO BYARI BIMEZE

“>

REBA AMAFOTO YA FINALI YA MUSIC UP COMPETITION

Duhereye muri Kenya ikipe ya Gormahia FC ku wa Gatandatu yanganyaga na Murang’a SEAL FC 0-0 muri shampiyona. Abakinnyi 2 b’Abanyarwanda bakina muri iyi kipe, Sibomana Patrick yabanje mu kibuga naho Emery Bayisenge we ntabwo yari mu bakinnyi bakoreshejwe kuri uyu mukino.

Kugeza ubu Gormahia FC iri kumwanya wa 2 muri Shampiyona ikaba irushwa inota rimwe n’ikipe ya mbere.

Muri Libya mu  Cyumweru  gishize ikipe ya Al Ahli Tripoli ikinamo Manzi Thierry yo yabonaga intsinzi ya kabiri muri shampiyona itsinze Asswehly Misrata SC igitego 1-0 . Uyu myugariro w’Amavubi yabanje mu kibuga ndetse arangiza n’umukino.

Dukomereje muri Sweden mu ikipe ya Sandkven IF yakinaga mu cyiciro cya 3 ikaba inakinamo Abanyarwanda 2 ku munsi w’ejo ku Cyumweru yari mu byishimo bikomeye nyuma y’uko itsinze Umea ibitego 3-2. 

Iyi kipe yahise izamuka mu cyiciro cya 2 nyuma y’uko irangije shampiyona ariyo iyoboye n’amanota 65 irusha iyayikurikiraga amanota 3,muri uyu mukino Byiringiro Lague yari yabanje mu kibuga aza kuvamo ku munota wa 56 naho Yannick Mukunzi we yinjiyemo asimbuye ku munota wa 73.

Muri Norway ku munsi w’ejo ku Cyumweru ho muri FK Jerv ikinamo Mutsinzi Ange ntabwo ibintu byari bimeze neza kuko  yatsinzwe na Fredrikstad FK igitego 1-0 ihita imanuka mu Cyiciro cya 2. Uyu myugariro w’Amavubi yari yabanje mu kibuga ndetse ntiyasimbuzwa.

Ku munsi w’ejo ku cyumweru kandi ikipe ya FC Kryvbas Kryvyi Rih yo mu cyiciro cya Mbere muri Ukraine ikaba inakinamo Bizimana Djihad yatsindwaga na Dynamo Kyiv ibitego 2-0. Kapiteni w’ikipe y’igihugu y’u Rwanda, Amavubi yabanje mu kibuga ndetse arangiza n’umukino.

Ku wa Gatanu SL16 Football Campus yo my cyiciro cya kabiri mu Bubiligi ikinamo Hakim Sahabo yatsindaga Jong KRC Genk ibitego 3-1. Uyu mukinnyi ukiri muto ukinira Amavubi yabanje mu kibuga ndetse ntiyasimbuzwa.

Ku bakinnyi batakandigiye mu kibuga ubwo amakipe yabo yakinaga ni Imanishimwe Emmanuel Manguende ukina muri AS Far Rabat yo muri Morroco aho ikipe ye ku wa Gatandatu yatsindwaga na Olympic Saf, Noam Emeran ubwo ikipe ye ya FC Groningen yo mu cyiciro cya kabiri mu Buholandi ubwo ku munsi w’ejo ku Cyumweru yanganyaga na Roday 0-0 muri shampiyona ndetse na Rafael York ukina muri Gefle IF yo mu Cyiciro cya Kabiri muri Sweden wavunitse.

Kuri ubu biteganyijwe ko muri aba bakinnyi bakina hanze,abahamagawe n’Amavubi nyuma yo gukina iyi mikino bagomba gufata indege baza mu Rwanda ndetse bamwe bamaze kuhagera nka Ntwari Fiacre, Manzi Thierry ndetse na Hakim Sahabo.

Byiringiro Lague uri mu bakinnyi 11 bari babanje mu kibuga ubwo ikipe ye ya Sandkven IF yakoraga amateka izamuka mu cyiciro cya kabiri

Nyuma yo gukora amateka ibyishimo byari byose ku bakinnyi ba Sandkven IF 

Bizimana Djihad n’abagenzi be bakomera amashyi abafana nyuma yo gutsindwa

Hakim Sahabo ku mupira mu mukino Ikipe ye ya SL16 Football Campus yatsindagamo ibitego 3-1

Iyi mikino yatangiye ku wa Gatandatu, yitabirwa n’amakipe 9, Abagabo hakaba haritabiriye amakipe 4, ariyo POLICE, APR, EAUR ndetse na KEPLER.

Mu bagore iri rushanwa ryitabiriwe n'amakipe ya RUHANGO, IPRC KIGALI, APR, POLICE ndetse na RRA.

Mu cyiciro cy'abagabo ikipe ya APR VC niyo yegukanye iki gikombe itsinze ikipe ya KEPLER amaseti 3-2. Iseti ya mbere yarangiye ari amanota 36 kuri 34, 16-25, 21-25, 25-23 na 15-13. 

Mu cyiciro cy'abagore, ikipe ya POLICE WVC niyo yegukanye igikombe itsinze ikipe ya RRA amaseti 3-1. Iseti ya mbere yarangiye ari amanota 25-19, 21-25, 25-19, 27-25

Ikipe ya APR VC niyo yegukanye igikombe ya 2023 

Muri iri rushanwa ryabaga ku nshuro ya 3, ikipe yabaye iya mbere muri buri cyiciro, yahawe Miliyoni 2 z'amafaranga y'u Rwanda, ikipe ya kabiri ihabwa miliyoni imwe n’igice, ikipe ya gatatu ihabwa miliyoni imwe.

Mu bagabo ikipe ya APR VC yabaye iya mbere, ikurikirwa na Kepler VC, Police VC iya gatatu, naho EAUR iza kumwanya wa kane.

Mu bagore, ikipe ya Police WVC niyo yabaye iya mbere, ikurikirwa na RRA WVC yabaye iya kabiri APR WVC iza ku mwanya wa gatatu naho Ruhango iza ku mwanya wa kane.

Ikipe ya APR VC yambuye igikombe ikipe ya Gisagara VC yari igifite umwaka ushize, ariko ikaba itarabashije kwitabira irushanwa ry’uyu mwaka, mu gihe mu bagore ikipe ya Police WVC yambuye igikombe APR WVC yari ibitse icy’umwaka ushize.

Irushanwa ngarukamwaka ryo gushimira abasora TaxPayers Appreciation volleyball tournament, ni irushanwa ritegurwa n'ikigo cy'igihugu cy'imiso n'amahoro Rwanda Revenue Authority kubufatanye na Federasiyo y'umukino wa volleyball mu Rwanda (FRVB). 

Ikipe ya APR VC yageze ku mukino wa nyuma itsinze Police VC 

Ikipe ya Kepler yageze ku mukino wa nyuma itsinze ikipe ya EAUR

Ikipe z’abashinzwe umutekano mu mukino wa Volleyball, APR VC na Police WVC ni zo zahize andi makipe zegukana irushanwa ry’umusoreshwa “Taxpayers Appreciation Volleyball Tournament” ryabaye mu mpera z’icyumweru gishize.

Ku wa Gatandatu no ku Cyumweru ni bwo iri rushanwa ryabaye aho ryitabiriwe n’amakipe 5 mu bagore; RRA WVC, APR WVC, Police WVC, IPRC Kigali na Ruhango ni mu gihe mu bagabo ari 4 kuko Gisagara yavuyemo ku munota wa nyuma; APR VC, Police VC Kepler VC na East Africa University.

Mu bagabo APR yisanze mu itsinda rya yo na East Africa University yaje no gutsinda amaseti 3-0, mu gihe irindi tsinda ryari ririmo Kepler VC yaje gutsinda Police VC amaseti 3-2.

Byari bivuze ko muri 1/2 APR ya mbere mu itsinda A ihura na Police VC ya kabiri mu itsinda B n’aho Kepler VC ya mbere mu itsinda B igahura na East Africa University ya kabiri mu itsinda A.

APR VC yaje kugera ku mukino wa nyuma nyuma yo gutsinda Police VC amaseti 3-1 n’aho Kepler VC isezerera East Africa University ku maseti 3-0.

Umukino wa nyuma wahuje APR VC na Kepler ntabwo wari woroshye, wagaragayemo guhatana ku rwego rwo hejuru cyane ariko birangira APR VC yegukanye igikombe ku maseti 3-2.

Iseti ya mbere APR yayegukanye ku manota 36-34, Kepler yahise itsinda amaseti 2 akurikiyeho kuri 25-16 na 25-21. Abasore ba APR bahise bakanguka batsinda iseti ya 4 kuri 25-23 biba ngombwa ko hitabazwa iseti ya kamarampaka, APR yaje kuyitsinda 15-13 ihita yegukana irushanwa ry’umusoreshwa 2023.

Mu bagore ikipe ya Police WVC yageze ku mukino wa nyuma itsinze APR WVC muri 1/2 amaseti 3-2, nyamara APR ni yo yari yabanje gutsinda amaseti 2 ya mbere, barayigarukana barayisezerera.

Mu buryo bworoshye cyane, RRA yasanze Police WVC ku mukino wa nyuma, nyuma yo gutsinda Ruhango amaseti 3-0.

RRA yaherukaga kwegukana igikombe cya shampiyona, byari byitezwe ko ishobora no guterura icy’umusoreshwa ariko si ko byagenze kuko Police yabatsinze amaseti 3-1.

Iseti ya mbere Police yayitsinze ku manota 25-19, RRA yahise itsinda iya kabiri ku manota 25-21, Police ihita itsinda 2 zari zisigaye kuri 25-19 na 27-25.

Mu bagore kandi APR yegukanye umwanya wa 3 mu gihe mu bagabo watwawe na Police. Ikipe ya mbere muri buri cyiciro yahembwe miliyoni 2, iya kabiri miliyoni n’igice mu gihe iya 3 ari miliyoni imwe.

Irushanwa riheruka kuba rya 2022 mu bagore ryari ryegukanywe na APR WVC yatsinze RRA ku mukino wa nyuma ni mu gihe mu bagabo ryegukanywe na REG VC yatsinze Gisagara VC ku mukino wa nyuma zombi zitigeze zitabira uyu mwaka.