Author: webrwanda

Mu Kagari ka Sahara, Umurenge wa Busogo, Akarere ka Musanze, haravugwa inkuru y'umugabo witwa Nganizi, ushakishwa nyuma yo gutoroka amaze gusambura inzu yabagamo akagurisha amabati, inzugi n'amadirishya.

Yabikoze kuri iki Cyumweru tariki ya 12 Ugushyingo 2023, ubwo yacunze imvura iguye aca mu rihumye abaturage n'ubuyobozi, asambura inzu yubakiwe na Leta nk'umuturage utishoboye, nyuma yo gusambura amabati akuramo n'inzugi ndetse n'amadirishya ajya kubigurisha.

Nganizi ni umwe mubasigajwe inyuma n'amateka, utuye muri ako gace, abaturage bavuga ko imyitwarire ye idasanzwe, kuko yari yasambuye iyo nzu mbere, akaba yari amaze ibyumweru bibiri ayibamo irangaye uruhande rumwe.

Icyo gihe ngo bamutesheje amaze kuyisamburaho amabati icumi,amaze kugurishamo atatu.

Umunyamabanga Nshingwabikorwa w'Umurenge wa Busogo Ndayambaje Karima Augustin, na we arunga mu ry'abo baturage, aho yabwiye Kigali Today dukesha iyi nkuru ko uwo muturage yakunze kurangwa n'inda nini, kugeza ubwo atinyuka kwisenyeraho inzu akagurisha amabati.

Yagize ati 'Ibya Nganizi natwe byatuyoboye, ntabwo tuzi impamvu imutera gukora ariya makosa, ariko bituruka ku mpamvu yo kudashaka gukora. Nk'ubu muri uku kwezi gushize twamutesheje amaze gusambura amabati 10 kuri iyo nzu, tumutesha amaze kugurisha atatu, arindwi tuyabika ku kagari'.

Arongera ati 'Ubwo twatekerezaga kongera kuyasakara, twumva abaturage baradutabaza ngo noneho inzu yose yamaze kuyisambura, akuramo n'amadirisha n'inzugi. Yacunze imvura iguye azana abo basangira bayakuraho byihuse, turacyashakisha uwayaguze ngo ayagarure'.

Uwo muyobozi avuga ko Nganizi n'ubwo afite umugore n'abana batabana, ngo bajya gutandukana nanone yari yasenye inzu Leta yari yabubakiye, agurisha amabati.

Ngo nibwo umugore yahise yanga kongera kubana n'umugabo nk'uwo, ari nabwo mu gukemura icyo kibazo, ubuyobozi bwafashe imitungo bari batunze burayibagabanya, umugore ajya kuba ukwe n'abana be, mu mafaranga Nganizi yari abonye bamuguriramo iyo nzu yasambuye.

Gitifu Ndayambaje, yagarutse ku mibereho ya Nganizi muri rusange, ati 'Ni umuntu ukunze kugenda, rimwe aba ari ahangaha ubundi ari ahitwa Nyonirima mu bavandimwe be. Icyo tugiye gukora ni ukumushakisha tukamuganiriza tukumva ibitekerezo bye tukamenya n'ikibazo afite, abatwaye ayo mabati nabo turi kubashakisha kugira ngo ayo mabati asubizwe ku nzu.

Source : https://yegob.rw/leta-yubakiye-nganizi-wi-musanze-inzara-imwishe-akuraho-amabati-namadirishya-ajya-kubigurisha/

Kuri uyu wa Mbere tariki 13 Ugushyingo ni bwo Byiringiro Lague yageze mu Rwanda avuye muri Suwede, aho aje kwitabira imikino ibiri u Rwanda rugiye gukina, mu gushaka itike y’igikombe cy’Isi cya 2026.

Ubwo yageraga ku kibuga cy’indege cya Kigali, Byiringiro Lague yaganiriye na InyaRwanda avuga ko nk’abakinnyi bumva ko kuri uyu wa Gatatu bakina na Zimbabwe bagomba gutsinda bakikuraho igisebo.

Byiringiro Lague abajijwe ingamba n’uko abona umukino w’ikipe y’igihugu, yavuzeko igihe kigeze bagatsinda, yagize ati 'Kuri iyi nshuro tugomba gutsinda. Tugomba gutsinda kuko sinzi niba nabyita igisebo, tumaze igihe dufite igisebo kubera kudatsinda ngo duhe abanyarwanda ibyishimo. 

Intego nzanye rero ni uguha abanyarwanda ibyishimo nkafatanya na bagenzi banjye tukitwara neza abanyarwanda bakongera bakagaruka ku kibuga bishimye, bakaza gufana ikipe yabo bayishyigikiye.”

Byiringiro Lague yatangiye gukinira ikipe y’igihugu “Amavubi” mu 2021, naramuka agiye mu kibuga kuri uyu wa Gatatu azaba ari umukino 10 akiniye u Rwanda. 

Byiringiro Lague w’imyaka 23, azwiho kugira umuvuduko ndetse no kudatinya ba myugariro 

Umukino wa mbere u Rwanda rurawukina kuri uyu wa Gatatu kuri sitade Mpuzamahanga ya Huye ku i saa 15:00 pm

KANDA HANO UREBE IKIGANIRO CYOSE 

Source : https://inyarwanda.com/inkuru/136478/tugomba-gutsinda-kuko-tumaranye-iminsi-igisebo-byiringiro-lague-avuga-ku-amavubi-video-136478.html

Rimwe narimwe hari ubwo umuntu arakara ugasanga umugabo n'umugore mwarakaranije ariko ni ngombwa gucunga umujinya ndetse mugacunga amagambo mubwirana mutitaye kuwakosheje. Ku mugore rero Kenshi harigihe ahubutse akabwira umugabo amagambo mabi ashobora gutuma umugabo abaho yanga umugore we kubera amagambo akomeretsa yamubwiye.

 

DORE AMAGAMBO UDAKWIYE KUBWIRA UMUGABO WAWE UKO YABA YAKURAKAJE KOSE;

 

 

1.Ibyo nibyo ushoboye gusa

 

Ayo magambo Asheboro gutuma urugo rwanyu rusenyuka mu buryo utazi, kubwira umugabo wawe gutyo ninko kumubwira ko ntakintu ashoboye Kandi abagabo baremwe ku buryo bumva ko babasha bashoboye ndetse bashobora ibintu byose. Rero kumubwira ayo magambo bishobora gutuma akora ikintu kibi gishobora kukubaza.

 

 

2.Nta narimwe unyumva

 

Kubwira umugabo wawe ko nta narimwe akumva nabyo ni bibi kuko umugabo wawe ashobora kubifata ukundi bityo bigatuma akurakarira cyane.

 

 

3.Ninjye ukora byose

 

Ibi nabyo umugabo wawe iyo ubimubwiye yumva ko ntacyo amaze, ntacyo agufasha mbese ko ntacyo ashoboye, rero ni ngombwa ko ucunga neza amagambo ugiye kubwira umugabo wawe.

 

 

4.Ufite ikihe kibazo

 

5.Aho naho iyo ubwiye umugabo wawe gutyo yumva nkaho uri kumubwira ko yasaze mbese ko ibyo akora atabizi, ni ngombwa ko ucunga neza amagambo ugiye kubwira umugabo wawe.

 

 

6.Nacyo nabo ntari kumwe nawe

 

 

Kubwira umugabo wawe ko ushobora ndetse ko wamera neza mutari kumwe ni nko kumubwira ko utamushaka mu buzima bwawe rero cunga neza amagambo ugiye kubwira umugabo wawe.

 

 

7.Byose ni amakosa yawe

 

Gushyira amakosa yose ku mugabo wawe Kandi nacyo ni kintu kibi cyangwa ni amagambo mabi udakwiye kubwira umugabo wawe.

 

 

8.Shaka ibindi ukora aho kumbwira nabi

 

Umugabo wawe Hari ubwo akubwira nabi kuko akwitaho mu byiza no mu bibi rero si ngombwa ko wumva Ari kukubwira nabi ngo umubwira amagambo nkayo bishobora gutuma arakara ugasanga bibyaye ibibazo hagati yanyu mu mubano wanyu.

 

 

 

 

 

 

Source: fleeklooded.com

The post Dore amagambo utagomba kubwira umugabo wawe uko yaba yakurakaje kose appeared first on The Custom Reports.

Source : https://thecustomreports.com/dore-amagambo-utagomba-kubwira-umugabo-wawe-uko-yaba-yakurakaje-kose/

Uyu mwana w'umukobwa yitwa Paisley Marrison Johnson yavukanye ururimi runini ndetse bitangaza abaganga bamwakiriye ku Isi, usibye abaganga gusa ndetse n'ababyeyi b'uyu mwana batangajwe n'uburyo umwana wabo yaje ameze ndetse bagaragaza ko bafite impungenge cyane ku mwana wabo.

 

 

Ubwo abaganga bari bari kwita ku mugore ngo abyare, byari byagorana ariko nyuma aza kubyara gusa abaganga bihutiye kureba uko umwana ameze niko gusanga umwana afite ikibazo kuko umwana yavutse afite ururimi runini. Abagabo bihutiye kureba uburyo ururimi rwamera neza kugira ngo unwana abashe guhumeka.

 

 

Uyu mugore witwa Madison akaba nyina ubyara uyu mwana, yavuze ko ubwo yamaraga kubyara umwana we atigeze amuterura, yavuze ko yagize ubwoba ndetse agafatwa nikiniga kubera umwana we, icyakora abaganga bahise banwegereza nyina bamuryamisha iruhande rwe kugira ngo umubyeyi abe arikumwe n'umwana we.

 

 

Abaganga bavuze ko uyu mwana ariwe mwana babonye ufite ururimi runini kurusha abandi, ndetse ngo Arusha ururimi n'umuntu mukuru. Icyakora ngo inzobere zikomeje kwiga ku rurimi rwuyu mwana mu buryo bwo kureba no kumenya ibyateye uyu mwana kugira ururimi runini cyane.

 

 

Uyu mugore yavuze ko yahoraga yibaza icyatumye umwana we avukana ururimi runini yibaza icyo yakoze mu gutwita kwe, ariko ngo burya ntakibi yakoze ahubwo ko burya Imana ariyo yashatse kumuha umwana utandukanye mbese umwana udasanzwe nk'abandi.

 

 

Icyakora inzobere zaje kuvumbura ko habahi icyitwa Wiedemann syndrome ituma umwana avukana igice kimwe mu mubiri cyakuze cyane, inzobere zivuga ko Kandi mu bana 13700 bavutse, umwe muri agomba kuvukana icyo kibazo.

 

 

Uyu mubyeyi akimara kumenya ikibazo umwana we afite, yatangiye gushakisha uko umwana we yavurwa, nibwo yotabaje inzobere zitangira kubaga ururimi rw'umwana we mu buryo bwo kugabanya ingano yururimo rwe. Uyu mugore avuga ko Kandi umwana we ntajambo yavuga kuber ingano yururimi rwe.

 

Madison yasoje avuga ko azakomeza gukora uko ashoboye kugira ngo umwana we azabeho ubuzima busanzwe nk'abandi bana.

 

 

 

 

 

 

Source: news.amomama.com

The post Yavukanye ururimi runini ! Umugabo n'umugore batewe impungenge n'umwana wabo wavutse adasanzwe appeared first on The Custom Reports.

Source : https://thecustomreports.com/yavukanye-ururimi-runini-umugabo-numugore-batewe-impungenge-numwana-wabo-wavutse-adasanzwe/

Umukinnyi ukiri muto ukina mu Bubiligi mu ikipe ya Royal Standard de Liège w'imyaka 18 y'amavuko yahawe nimero 8 mu ikipe y'igihugu Amavubi iri mu myiteguro y'umukino izakinamo na Zimbabwe kuri uyu wa Gatandatu tariki 18 Ugushyingo 2023.

Uyu musore, Hakim SAHABO yagiye Royal Standard de Liège avuye muri Lille yo mu Bufaransa ubu yahawe nimero 8 ya Kapiteni Haruna Niyonzima.

Source : https://yegob.rw/umusimbura-wa-haruna-niyonzima-yaba-ari-uyu-umusore-ukiri-muto-ukina-mu-bubiligi-wahamagawe-mu-ikipe-yigihugu-amavubi-yahise-ahabwa-nimero-8-ya-kapiteni-haruna-niyonzima/

Ku gicamunsi cyo kuri uyu wa Mbere tariki 13 Ugushyingo 2023, Byiringiro Lague, Emmanuel Imanishimwe 'Mangwende' na Mugisha Bonheur bageze i Kigali.

Aba basore bitabiriye ubutumire bw'ikipe y'igihugu Amavubi.

Aba bakinnyi bahise bafata imodoka berekeza mu Karere ka Huye aho basanze bagenzi babo bagezeyo muri iki gitondo.

Amavubi afite umukino na Zimbabwe kuri uyu wa gatatu tariki 15 Ugushyingo 2023, mu majonjora yo gushaka itike y'igikombe cy'Isi.

AMAFOTO

 

Source : https://yegob.rw/we-yaje-kwacyirwa-numugore-we-numwana-byiringiro-lague-na-bagenzi-be-bagenzi-i-kigali-we-yakirwa-numuryango-we-amafoto/

Kiyovu Sports yifuje gutandukana n’umutoza wa yo Petros Koukouras na we arabyemera ariko ibura amafaranga yo kumwishyura.

Muri Kamena 2023 ni bwo Kiyovu Sports yari iyoborewe muri Kiyovu Sports Company LTD yayoborwaga na Mvukiyehe Juvenal, yatangaje Umugereki, Petros Koukouras nk’umutoza mushya w’iyi kipe.

Mu mpera za Nzeri 2023, Ubuyobozi bw’Umuryango wa Kiyovu Sports bwafashe umwanzuro wo kongera gusubirana inshingano zo gucunga ikipe yamburwa Mvukiyehe Juvenal na Kiyovu Sports Company LTD kuko bari bagaragaje ko nta bushobozi bagifite.

Aha ni ho ibintu byatangiye kuba bibi cyane muri Kiyovu Sports kugeza tariki ya 14 Ukwakira ubwo Kiyovu Sports yatsindaga Marines FC 2-1, Koukouras yatangaje ko muri Kiyovu Sports ibintu bitoroshye ndetse ari nabwo bwa mbere yabibona.

Ati “Ntabwo nishimye kubera ibihe biri mu ikipe, hari ikigomba guhinduka kubera ko turimo turanyura muri byinshi, abakinnyi ni intwari zanjye uyu munsi kubera ko ibintu turimo guhura nabyo ntabwo nigeze mpura nabyo mu buzima bwanjye, kuri bo kuza bagakina gutya uyu mukino uyu munsi ni ibi igitangaza ndashaka kubashimira mbikuye ku ndiba y’umutima wanjye kubera ko ibyo tunyuramo buri munsi biragoye.'

Bivugwa ko ubuyobozi bwa Kiyovu Sports butishimiye aya magambo yatangajwe n’uyu mutoza, ndetse banatekereza kuba batandukana na we.

Amakuru ISIMBI yamenye ni uko Koukouras na we yabwiye ubuyobozi bwa Kiyovu Sports ko atari umuntu ugorana ndetse ko atari we wishimiye gukorera mu bihe arimo, ababwira ko yiteguye kugenda ariko amaze kwishyurwa ibirarane by’amezi abiri afitiwe ndetse akanahabwa imperekeza y’andi mezi abiri ubundi akabasinyira ko baseshe amasezerano.

Uyu mutoza bivugwa ko ahembwa ibihumbi 3 by’amadorali, Kiyovu Sports yarabaze isanga agombwa kwishyurwa byibuze ibihumbi 12 (arenga miliyoni 12 z’amafaranga y’u Rwanda) basanga ibihe ikipe irimo batayabona.

Kiyovu Sports ntabwo iri mu bihe byoroshye kubera ko hari abakinnyi bamaze kumenyesha ubuyobozi ko batazakora imyitozo mu gihe batarishyurwa ibirarane bya bo.

Kiyovu Sports yabuze ayo kwishyura Petros Koukouras ngo batandukane

Source : http://isimbi.rw/siporo/article/kiyovu-sports-yifuje-gutandukana-n-umutoza-abyemeye-imibare-iyibana-myinshi

Konde Music Worldwide iyoborwa na Rajab Abdul Kahali wamamaye cyane muri muzika ya Tanzania nka Harmonize yasabye abafana be gushyigikira umuhanzikazi Anjella wahoze muri  kondegang yirengagije ibyo uyu muhanzikazi amaze iminsi avuga kuri Konde Music Worldwide.

 

 

Uyu muhanzikazi Anjella n'umwe mu bahanzi bahoze babarizwa muri Konde Music Worldwide, icyakora akaba yaravuyemo mu minsi micye ishize, yavuzeko amazemo igihe kitari gito cyane dore ko mu gihe yamazemo yari amaze kumenyekana muri muzika ya Tanzania.

 

 

Harmonize abinyujije ku rukuta rwe rwa Instagram, yasabye abafana be gukomeza gushyigikira umuhanzikazi Anjella nubwo atakibarizwa muri Konde Music Worldwide .

 

 

Mu magambo ye yagize ati ' Mwese nizereko muri gukumushyigikira, nta muntu w'intungane ubaho, komeza utere imbere mushiki wanjye, ntawe ishema nawe.'

 

Ibi bibaye nyuma Yuko hashize iminsi yagiye hanze amajwi yuyu muhanzikazi Anjella Ari kuvuga nabi aho yahoze muri Konde Music Worldwide, muri ayo majwi uyu mukobwa Anjella yumvikana avuga ko n'umuhanzi Ibraah usanzwe ubarizwa nawe muri Konde Music Worldwide nawe ashaka kuyivamo.

 

 

 

 

 

Source: News Hub Creator

The post Umuhanzi Hormonize yabwiye abafana be gushyigikira Anjella wahoze muri konde Gang akagenda amuvuga nabi appeared first on The Custom Reports.

Source : https://thecustomreports.com/umuhanzi-hormonize-yabwiye-abafana-be-gushyigikira-anjella-wahoze-muri-konde-gang-akagenda-amuvuga-nabi/

Nubwo ikiremwamuntu cyahawe ubushobozi bwo gutegeka ibiri mu isi byose, ariko burya mu isi habamo inyamashwa nyinshi ziteye ubwoba ndetse zishobora gutsemba ikiremwamuntu mu buryo bubi. Muri iyi nyandiko twifashishije inyandiko zizewe mukubategurira amakuru yizewe ku nyamashwa mbi ku kiremwamuntu ukwiye gutinya.

 

DORE ZIMWEU NYAMASHWA UKWIYE GUTINYA:

 

 

1.Imibu

 

Imibu ni mibi cyane ku kiremwamuntu ndetse cyane umubu w'ingore, utera agakoko ka malaria, birazwi neza ko ku isi abantu amagana bapfa bazize kurwara malaria. Rero ni ngombwa ko utinya ndetse ukagendera kure ikitwa umubu.

 

 

2.Jellyfish

 

Ubwoko bw'amafi bwita jellyfish buboneka cyane mu gihugu cya Australia, ayo mafi ni mabi ku buzima bwa muntu kuko zigira ubumara bukabije murizo bushobora kwica umuntu mu gihe gito mu gihe zikurumye.

 

 

3.Inzoka

 

Ikindi ni inzoka, ni mbi cyane ku kiremwamuntu kuko nayo igira ubumara bubi iyo bwinjiye mu muntu bushobora kumwica mu gihe gito mu gihe adahawe ubutabazi bwihuse. Icyakora Hari ahantu ishobora kukuruma ugahita upfa cyane nko ku mutwe hegereye ubwonko, ahegereye Umutima n'ahandi.

 

 

4.Ingona

 

Ni imwe mu nyamashwa izwiho kwica abantu benshi, ikaba ibarizwa mu nyamashwa ziteye ubwoba zibarizwa mu nyanja.

 

 

5.Buffalo

 

Izi nazo ni inyamashwa zishe abantu benshi cyane cyane muri afurika, rero nayo ishyirwa mu nyamashwa zitinyitse ndetse mbi ku kiremwamuntu.

 

 

6.Cona snail( ikinyamunjonjorerwa)

 

Ubwoko bwiki kinyamunjonjo kizwiho kugira ubumara bukabije bushobora kwica umuntu mu gihe gito cyane.

 

 

7.Intare

 

Ikindi ukwiye gutinya intare kuko nayo ni impigi ndetse ikaba mbi ku kiremwamuntu rero ni ngombwa ko ukwiye gutinya intare aho waba uri hose.

 

 

8.Imvubu

 

Nayo Iba mu mazi, ni imwe mu nyamashwa ziteye ubwoba ibarizwa mu mazi, Rero nayo ni imwe mu nyamashwa ziteye ubwoba ndetse zishobora gutuma kwica umuntu mu buryo bwihuse.

 

 

 

 

 

 

Source: News Hub Creator

The post Dore inyamaswa mbi ku kiremwa muntu ukwiye gutinya kurusha izindi appeared first on The Custom Reports.

Source : https://thecustomreports.com/dore-inyamaswa-mbi-ku-kiremwa-muntu-ukwiye-gutinya-kurusha-izindi/

Ku gicamunsi cyo kuri uyu wa Mbere, nibwo abakinnyi 3 b’ikipe y’igihugu “Amavubi” Byiringiro Lague, Imanishimwe Emmanuel bakunze kwita Mangwende na Mugisha Bonheur, bururutse ku kibuga cy’indege cya Kigali, baje gutanga umutahe wabo mu ikipe y’igihugu “Amavubi”. 

Ikipe y’igihugu “Amavubi” ifite imikino ibiri ikomeye, yo gushaka itike y’igikombe cy’Isi cya 2026, kizabera muri Leta Zunze Ubumwe za Amerika Mexico na Canada.

Kuri gahunda yo kugera hano mu Rwanda, Imanishimwe Emmanuel yagombaga kugera ku kibuga cy’indege cya Kigali ku isaha ya 13:40 PM, ari nazo saha yahagereye. Uyu mukinnyi yahagereye rimwe na Mugisha Bonheur wahamagawe nyuma ndetse ahita ashaka indege yihuta.

Nyuma y’isaha imwe gusa, Byiringiro Lague nawe yahise asesekara ku kibuga cyiza aho yasanganiwe n’umuryango we.

Byiringiro Lague wari waraye akinnye umukino wa shampiyona ndetse azamura ikipe mu cyiciro cya kabiri yatangarije InyaRwanda ko ibihe byiza yari afite muri Suwede, yiteguye kubiha n’ikipe y’igihugu, Amavubi, ibyo yatangaje bikaba biri busohoke mu nkuru ikurikira.

Aba bakinnyi bahise bafata imodoka ibakomezanya mu Karere ka Huye aho bagomba gusanga abandi bakinnyi b’ikipe y’igihugu bageze i Huye mu gitondo cyo kuri uyu wa mbere. 

Umuryango wa Byiringiro Lague waje kumutegerereza ku kibuga cy’indege

Byiringiro Lague yageze ku kibuga cy’indege, asanga Mugisha Bonheur bakinanye muri APR FC amutegereje 

Mugisha Bonheur abwira Byiringo Lague ati: “Uziko umwana wawe yabaye inkumi”

Imanishimwe Emmanuel ukinira ikipe ya As FAR yo muri Morocco, ni umwe mu bakinnyi bitezweho byinshi mu mukino wo kuri uyu wa gatatu 

Mugisha Bonheur ukinira ikipe ya AS Marsa yo muri Tunisia, yongewe mu ikipe y’igihugu, igitaraganya, aho yahise ashaka indege imugeza mu Rwanda byihuse 

Byiringiro Lague na Imanishimwe Emmanuel bemeza ko igihe kigeze bagashimisha abanyarwanda

Source : https://inyarwanda.com/inkuru/136472/byiringiro-lague-mangwende-na-mugisha-bonheur-bageze-i-kigali-bitabiriye-ubutumire-bwamavu-136472.html