Webrwanda Backend

Author: webrwanda

  • Ni igisimba ndakurahiye! Rayon Sports yamaze kumvikana na rutahizamu umaze igihe gito avuye muri Toulouse FC yo mu gihugu cy’ubufaransa [IFOTO] – YEGOB #rwanda #RwOT

    Rayon Sports yamaze kumvikana na rutahizamu umaze igihe gito avuye muri Toulouse FC yo mu gihugu cy'ubufaransa

    Ikipe ya Rayon Sports nyuma yo kubona abataka ifite barimo Moussa Essenu, Charles Bbaale ntakintu gihambaye bazayifasha yamaze kumvikana na Rutahizamu w'umukongomani witwa Firimin Ndombe Mubele.

    Uyu rutahizamu bivugwa ko yamaze kumvikana na Rayon Sports yakiniye ikipe zirimo Toulouse FC yo mu bufaransa ikina icyiciro cya mbere, Vita Club , Al Ahli ndetse n'izindi arimo akaba Yari amaze igihe gito ntakipe afite.

    Ndombe Mubele afite imyaka 29 kuko yavuze 1994, ashobora gukina nka Rutahizamu nimero 9 cyangwa akina aciye ku ruhande dore ko akinisha amaguru yombi.

    Source : https://yegob.rw/ni-igisimba-ndakurahiye-rayon-sports-yamaze-kumvikana-na-rutahizamu-umaze-igihe-gito-avuye-muri-toulouse-fc-yo-mu-gihugu-cyubufaransa-ifoto/

  • Kamonyi: Umuturage yapfushije inka bayita mu bwiherero bwa Dumburi, abatari bamenyekana basenya ubwo bwiherero bayikuramo bajya kuyirya – YEGOB #rwanda #RwOT

    Umuturage yapfushije inka bayita mu bwiherero abatari bamenyekana basenya ubwo bwiherero bayikuramo bajya kuyirya.

    Abakunzi b'akaboga bamenye aho bakajugunye maze bajya kugakuramo batitaye aho kari kari.

    Mu murenge wa Nyamiyaga w'akarere ka Kamonyi, hari umuturage wapfushije inka itabwa mu musarani.

    Nyuma y'uko itawe mu musarane, abatari bamenyekana barayikurikira basenya umusarani bakuramo za nyama bajya kuzirya.

    Source : https://yegob.rw/kamonyi-umuturage-yapfushije-inka-bayita-mu-bwiherero-bwa-dumburi-abatari-bamenyekana-basenya-ubwo-bwiherero-bayikuramo-bajya-kuyirya/

  • Bategerejwe muri TIME100! Sherrie Silver yi… – #rwanda #RwOT

    Uyu mukobwa w'i Huye wamamaye ku Isi kubera kubyina, avuga ko ku wa Gatanu tariki 17 Ugushyingo 2023, aba bana bo mu miryango itandukanye asanzwe yitaho ari bwo bazashyira hanze indirimbo yabo ya mbere.

    Yabwiye InyaRwanda ko hejuru yo kubafasha mu mibereho aba bana, batangiye ibikorwa bigamije kubigisha kubyina, kuririmba n'ibindi bizatuma babasha gukuza impano zabo.

    Sherrie Silver ati 'Tumaze igihe dutoza aba bana kuririmba, kubyina, gucuranga ibicurangisho bitandukanye by'umuziki mu rwego rwo kubafasha mu buzima bwabo bwa buri munsi.'

    Uyu mukobwa uherutse kubakirwa ikibumbano mu Bwongereza, avuga ko aba bana amaze igihe abatoza, kandi ko indirimbo ya mbere bazashyira hanze ku wa Gatanu, bazanayiririmba mu birori byo gutanga ibihembo bya 'TIME 100' mu muhango uzabera muri Kigali Convention Center.

    Sherrie Silver atangiye gufasha abana arera kuririmba no kwiga ibicurangisho by'umuziki, nyuma y'uko mu 2017 atangije itsinda ryo kubyina yise 'Silver Beat World' ry'ababyinnyi babigize umwuga.

    Iri tsinda ryanyuzemo Ishimwe Thierry wamamaye nka Titi Brown uherutse gufungurwa nyuma y'uko urukiko rumugize umwere ku byaha byose yari akurikiranyweho.

    Sherrie Silver ari ku rutonde rw'abantu batandatu bazahabwa ibi bihembo, ahuriyeho na Danai Gurira, Ashley Judd, Kennedy Odede, Ellen Johnson Sirleaf ndetse na Fred Swaniker.

    Ibi bihembo bizahabwa abakoze ibikorwa by'indashyikirrwa ku rwego rw'Umugabane wa Afurika, bizaherekeezwa n'inama izahuza abantu 100 bavuga rikijyana mu ngeri ziyuranye z'ubuzima.

    Bazahabwa ibi bihembo bashimirwa uruhare mu kurenga inzitizi bagashakira ibisubizo ibibazo runaka, kandi bagaragaza impinduka mu buzima bw'abatuye Isi bw'abo n'ubw'abandi.

    Abazatanga ibiganiro bazitsa cyane ku guhangana n'ibibazo byugarije Isi muri iki gihe, hategurwa ejo hazaza heza habereye buri wese.

    Inkuru bifitanye isano: Ibyo wamenya kuri 6 barimo umunyarwanda bazahabwa ibihembo bya 'TIME100'

    Sherrie Silver yatangaje ko binyuze mu muryango 'Sherrie Silver Foundation' yatangiye gufasha abana gukora indirimbo-iya mbere izasohoka ku wa Gatanu

    Aba bamaze igihe biga ibikoresho by'umuziki bitandukanye ndetse no kubyina

    Sherrie Silver avuga ko mu bana yinjije mu muziki harimo n'impanga arera

    Aba bana bazaririmba mu birori byo gutanga ibihembo bya 'TIME 100' bigiye gutangirwa i Kigali ku nshuro ya mbere

    Source : https://inyarwanda.com/inkuru/136514/bategerejwe-muri-time100-sherrie-silver-yinjije-mu-muziki-abana-arera-amafoto-136514.html

  • Umuramyikazi yagaragaye mu muhanda afite icyapa avuga ko ashaka umugabo w'umuherwe umukunda #rwanda #RwOT

    Umuririmbyi uririmba indirimbo zo kuramya Imana muri Kenya wamamaye nka Justina Syokau yagaragaye mu muhanda avuga ko ashaka umugabo, yagaragaye afite icyapa kinini mu muhanda avuga ko nawe ashaka umugabo umukunda.

    Mu mashusho yanyujije ku rukuta rwe rwa Facebook, uyu mukobwa niyo yagaragaye mu muhanda afite icyapa kinini avuga ko ashaka umugabo ndetse ko Ari ku isoko, icyakora yari yashyizeho ibyo umugabo umushaka agomba kuba yujuje.

     

    Ibyo nibyo byatunguye abantu benshi kurusha kumubona mu muhanda.Ku cyapa yari afite Hari handitseho ko Ari ku isoko, ndetse ko agomba kubona umugabo mbere Yuko 2024 igera.

     

    Gusa umugabo ashaka ntasanzwe si umugabo ubonetse wese kuko yari yanditseho ko umugabo ashaka agomba kuba atunze Billion, afite imyaka 25, arenzaho uko uwumva abyujuje yamwandikira bakabijyamo.

    Ubwo yashyiraga ayo mashusho ku rukuta rwe rwa Facebook yanditseho amagambo agira ati 'muraho bantu banjye, mbafitiye diru ya Noheli, Niba uri umugabo ukaba ushaka umugore ndi ku isoko.

     

    Mbere Yuko 2024 igera ngombwa kuba nakoze ubukwe, nshaka umugabo wumunya billionaire, kandi ufite imyaka 25. Uwumva abyujuje yanyandikira.' 'Umubano wacu uzamara iminsi 3, umunsi w'ambere nshaka impeta ikozwe muri diamond zo muri Congo, umunsi wa kabiri uzatanga billion 2 uziha ababyeyii banjye nkinkwano, umunsi wa gatatu nshaka kujya kurya isi muri Dubai.'

     

    Ayo mashusho ndetse nayo magambo uyu mukora yarengejeho bikomeje kuvugisha benshi kuko uyu mukobwa ubusanzwe asanzwe Ari umuririmbyi uririmba indirimbo zo kuramya no guhimbaza Imana.

    Umwanditsi: Byukuri Dominique

    Source: jaykim news

    The post Umuramyikazi yagaragaye mu muhanda afite icyapa avuga ko ashaka umugabo w'umuherwe umukunda appeared first on The Custom Reports.

    Source : https://thecustomreports.com/umuramyikazi-yagaragaye-mu-muhanda-afite-icyapa-avuga-ko-ashaka-umugabo-wumuherwe-umukunda/

  • Dore amagambo utagomba kubwira umugabo wawe uko yaba yakurakaje kose #rwanda #RwOT

    Rimwe narimwe hari ubwo umuntu arakara ugasanga umugabo n'umugore mwarakaranije ariko ni ngombwa gucunga umujinya ndetse mugacunga amagambo mubwirana mutitaye kuwakosheje.

     

    Ku mugore rero Kenshi harigihe ahubutse akabwira umugabo amagambo mabi ashobora gutuma umugabo abaho yanga umugore we kubera amagambo akomeretsa yamubwiye.

    Dore amagambo udakwiye kubwira umugabo wawe uko yaba yakurakaje kose;

     

    1.Ibyo nibyo ushoboye gusa: Ayo magambo Asheboro gutuma urugo rwanyu rusenyuka mu buryo utazi, kubwira umugabo wawe gutyo ninko kumubwira ko ntakintu ashoboye Kandi abagabo baremwe ku buryo bumva ko babasha bashoboye ndetse bashobora ibintu byose. Rero kumubwira ayo magambo bishobora gutuma akora ikintu kibi gishobora kukubaza.

     

    2.Nta narimwe unyumva: Kubwira umugabo wawe ko nta narimwe akumva nabyo ni bibi kuko umugabo wawe ashobora kubifata ukundi bityo bigatuma akurakarira cyane.

     

    3.Ninjye ukora byose: Ibi nabyo umugabo wawe iyo ubimubwiye yumva ko ntacyo amaze, ntacyo agufasha mbese ko ntacyo ashoboye, rero ni ngombwa ko ucunga neza amagambo ugiye kubwira umugabo wawe.

    4.Ufite ikihe kibazo: Aho naho iyo ubwiye umugabo wawe gutyo yumva nkaho uri kumubwira ko yasaze mbese ko ibyo akora atabizi, ni ngombwa ko ucunga neza amagambo ugiye kubwira umugabo wawe.

    5.Ntacyo nabo ntari kumwe nawe: Kubwira umugabo wawe ko ushobora ndetse ko wamera neza mutari kumwe ni nko kumubwira ko utamushaka mu buzima bwawe rero cunga neza amagambo ugiye kubwira umugabo wawe.

     

    6.Byose ni amakosa yawe: Gushyira amakosa yose ku mugabo wawe Kandi nacyo ni kintu kibi cyangwa ni amagambo mabi udakwiye kubwira umugabo wawe.

    7.Shaka ibindi ukora aho kumbwira nabiUmugabo wawe Hari ubwo akubwira nabi kuko akwitaho mu byiza no mu bibi rero si ngombwa ko wumva Ari kukubwira nabi ngo umubwira amagambo nkayo bishobora gutuma arakara ugasanga bibyaye ibibazo hagati yanyu mu mubano wanyu

     

    Source: fleeklooded.com

    The post Dore amagambo utagomba kubwira umugabo wawe uko yaba yakurakaje kose appeared first on The Custom Reports.

    Source : https://thecustomreports.com/dore-amagambo-utagomba-kubwira-umugabo-wawe-uko-yaba-yakurakaje-kose-2/

  • Icyemezo cy’urukiko rw'Ibanze rwa Kicukiro kuri wa mugabo waguwe gitumo ari kwakira ruswa ya miliyoni 25 z’amanyarwanda – YEGOB #rwanda #RwOT

    Urukiko rw'Ibanze rwa Kicukiro rwategetse ko umukozi wa RSB, Uwitonze Valens, ukurikiranyweho kwaka, kwakira no gutanga indonke afungwa 30 y'agateganyo.

    Rwategetse kandi ko Manzi John bareganwa ukurikiranyweho inyandiko mpimbano no kuba icyitso mu cyaha cyo kwaka no kwakira indoke na we afungwa iminsi 30.

    Ubushinjacyaha bwabaregeye Urukiko busaba ko bafungwa iminsi 30 y'agateganyo kubera ibyaha bakurikiranyweho.

    Ubushinjacyaha bushimangira ko impamvu zituma bakekwaho icyaha ari uko Manzi yatumwe n'umukoresha we muri RSB gushaka icyemezo cy'ubuziranenge bw'uruganda rwe ari naho yaje kumenyanira na Uwitonze Valens.

    Bugaragaza kandi ko nyuma Manzi yahisemo kujya kureba Uwitonze Valens ngo bacurane umugambi wabo wo kwaka amafaranga Dushimimana bitwaje ko akoresha inyandiko mpimbano, akanamubwira ko bashobora kumukuraho miliyoni 15 Frw.

    Bushingira kandi ku inyandiko y'ifatira igaragaza indonke ya miliyoni 5 Frw n'amajwi ya Uwitonze Valens asaba amafaranga Dushimimana Jacqueline bemeranya miliyoni 25 Frw ariko ko yagombaga kumuha miliyoni 15 Frw y'ibanze.

    Ubushinjacyaha kandi bushingira ku kuba Uwitonze yarasuye urwo ruganda nk'umukozi wa RSB n'inyandikomvugo ye yemeza ko yafashwe yakira miliyoni eshanu, bugasaba ko bakurikiranwa bafunzwe.

    Bwagaragaje ko impamvu bakwiye gukurikiranwa bafunzwe ari uko bashobora kotsa igitutu uwakorewe icyaha no kuba babangamira iperereza kuko hari abandi bagize uruhare muri ibyo byaha bagishakishwa.

    Uwitonze yaburanye ahakana ibyo kwaka ruswa kuko ntaho yari ahuriye n'inshingano zo gutanga icyemezo cy'ubuziranenge gitangwa na RSB kizwi nka 'S Mark'.

    Yemeye ko yafashwe agiye kwakira miliyoni 5 Frw ariko ko atari yayakiriye, kandi atafatwa nka ruswa kuko gutanga icyo cyemezo bitari mu nshingano ze.

    Urukiko rusanga nubwo Manzi John avuga ko arengana ariko adashobora kuvuguruza imvugo za Dushimimana Jacqueline wemeza ko yamusabye kujya gushaka icyemezo cy'ubuziranenge muri RSB.

    Rusanga kandi nubwo ahakana ko atari we wakoze inyandiko mpimbano y'icyemezo cy'ubuziranenge cyakoreshwaga n'uruganda rwa Dushimimana ariko adahakana uruhare yagize mu ikorwa ryayo, bityo bikaba bigize impamvu zikomeye zituma akekwaho icyaha.

    Ku birebana no kuba bakurikiranwa bafunzwe by'agateganyo, urukiko rusanga Manzi John na Uwitonze Valens barasabye gukurikiranwa bari hanze kuko batatoroka ubutabera ariko Ubushinjacyaha nabwo bukagaragaza impungenge z'uko bashobora kubangamira iperereza.

    Rusanga kuba hari impamvu zikomeye zituma bakekwaho ibyaha bakurikiranyweho, bagomba gukurikiranwa bafunzwe mu gihe cy'iminsi 30 y'agateganyo muri Gereza ya Nyarugenge.

    Rwagaragaje ko ibi ari ibyaha by'ubugome bifite ingaruka ku gihugu rukaba rusanga kubafunga ari bwo buryo bwafasha ubutabera kubabonera igihe gikwiye no gukora iperereza ryimbitse ku byaha bakurikiranyweho cyane ko batabyemera neza.

     

     

    Source : https://yegob.rw/icyemezo-cyurukiko-rwibanze-rwa-kicukiro-kuri-wa-mugabo-waguwe-gitumo-ari-kwakira-ruswa-ya-miliyoni-25-zamanyarwanda/

  • RIP Byiringiro Emmanuel! Urupfu rw’umusore w’imyaka 25 rukomeje kuba urujijo mu karere ka Rusizi yapfiriyemo – YEGOB #rwanda #RwOT

    Umusore uri mu kigero cy'imyaka 25 witwa Byiringiro Emmanuel yasanzwe mu mugozi yapfuye aho bicyekwako ko yiyahuye.

    Ibi byabaye kuri uyu kabiri tariki 14 Ugushyingo 2023 mu mudugudu wa Gacamahembe, Akagali ka Burunga mu murenge wa Guhundwe mu Karere ka Rusizi.

    Umunyamabanga Nshingwabikorwa w'Umurenge wa Gihundwe, Ingabire Joyeux yavuze ko ayo makuru ariyo cyakora bikwekwako ashobora kuba yiyahuye.

    Yagize ati'Mu masaha agana saa tanu abaturage baduhuruje batubwira ko hari umuntu uri kunanaba mu mugozi dusanga yapfuye.Ubu iperereza rirakomeje kugira ngo hamenyekane icyamwishe'.

    Uyu Nyakwigendera Byiringiro Emmanuel yavukaga mu Karere ka Nyamasheke mu murenge wa Kirimbi.

    Source : https://yegob.rw/rip-byiringiro-emmanuel-urupfu-rwumusore-wimyaka-25-rukomeje-kuba-urujijo-mu-karere-ka-rusizi-yapfiriyemo/

  • Ndimbati Aloys washakishwaga ku byaha bya Jenoside, yarapfuye #rwanda #RwOT

    Ibiro by'Umushinjacyaha w'Urwego Mpuzamahanga Rwashyiriweho gukora imirimo y'insigarira y'Inkiko Mpanabyaha, IRMCT, byemeje ko Aloys Ndimbati yapfuye, Yari umwe mu bahunze ubutabera ba nyuma bafatwaga nka ruharwa muri Jenoside yakorewe Abatutsi mu 1994, byemejwe ko yaguye i Kirehe mu mwaka w' 1997.

    Ubushinjacyaha bwa IRMCT bwakoze iperereza, buza kumenya ko Ndimbati yapfiriye mu Rwanda mu mpera za Kamena 1997 mu Murenge wa Gatore, mu Karere ka Kirehe mu Ntara y'Iburasirazuba.

    Itangazo rya IRCMT rivuga ko 'nubwo uburyo urupfu rwe rwabaye bitashoboye kumenyekana kubera urujijo n'imitererere y'ubuzima muri icyo gihe, ibimenyetso byakusanyijwe n'ubushinjacyaha byerekana ko Ndimbati atigeze ava muri ako gace ka Gatore, ko atongeye kuboneka, kandi ko nta muntu wongeye kumuca iryera.'

    Rivuga kandi ko nta bimenyetso byizewe, byemeza ko Ndimbati yaba ari muzima nyuma y'iki gihe bimaze kuboneka. Urupfu rwa Ndimbati muri icyo gihe ndetse n'ahantu rwabereye na rwo rwemejwe n'Ubushinjacyaha bw'u Rwanda nyuma y'iperereza bwikoreye.

    Ndimbati, wari Umuyobozi w'iyahoze ari Komini ya Gisovu muri Perefegitura ya Kibuye, yabaga mu ishyaka rya MRND, yashiriweho na ICTR impapuro zimusabira itabwa muri yombi mu Ugushyingo 1995.

    Yashinjwaga ibyaha birindwi bya jenoside, ubufatanyacyaha muri jenoside, gushishikariza mu buryo butaziguye kandi rusange gukora jenoside n'ibyaha byibasiye inyokomuntu byo gutsemba, ubwicanyi, gufata ku ngufu, no gutoteza.Inyandiko y'ibirego ivuga ko Jenoside itangiye, Ndimbati yagiye muri komini ya Gisovu maze ashishikariza ku mugaragaro ko Abatutsi barimburwa.

    Hamwe n'abandi bayobozi b'inzego z'ibanze barimo Charles Sikubwabo na we wahunze ubutabera, Ndimbati yahise ategura ibitero ku mpunzi z'abatutsi muri komini ya Gisovu no mu Bisesero hagati ya Mata na Kamena muri 1994.

    Ikirego kandi kivuga ko Ndimbati ku giti cye yateguye akanayobora ubwicanyi bw'ibihumbi by'Abatutsi ahantu henshi nko mu misozi ya Bisesero, Kidashya, Muyira, Gitwe, Rwirambo, Byiniro, Kazirandimwe no mu buvumo bwa Nyakavumu.

    Muri Nyakanga 1994, Ndimbati n'umuryango we bahunze u Rwanda berekeza muri Zaire (ubu ni Repubulika Iharanira Demokarasi ya Congo), aho babaga mu nkambi ya Kashusha.

    Nyuma yaje kujya i Kisangani aherekejwe na bamwe mu bagize umuryango we. Ahagana muri Kamena 1997, yavuye i Kisangani asubira mu Rwanda mu ndege ya HCR yatahanye impunzi ikagwa i Kanombe.

    IRMCT yavuze ko nubwo atazakurikiranwa, kuba hamenyekanye ko yapfuye bishobora kuba 'igisubizo wenda kizahumuriza abarokotse n'abahohotewe n'ibyaha bye' kuko bazumva ko Ndimbati atidegembya kandi ko atazongera kugirira nabi abaturage b'u Rwanda.

    Magingo aya, abantu babiri nibo bashakishwa hashingiwe ku mpampuro zashyizweho na ICTRR. Abo ni Charles Sikubwabo na Ryandikayo.

    Kuva muri Gicurasi 2020, itsinda rishinzwe gukurikirana abahunze ubutabera rya IRMCT ryataye muri yombi abantu babiri mu bari barahunze. Abo barimo Félicien Kabuga na Fulgence Kayishema.

    Ni mu gihe abandi bane bahunze ubutabera byemejwe ko batakiriho. Abo ni Augustin Bizimana, Protais Mpiranya, Phéneas Munyarugarama na Aloys Ndimbati.

    The post Ndimbati Aloys washakishwaga ku byaha bya Jenoside, yarapfuye appeared first on RUSHYASHYA.

    Source : https://rushyashya.net/ndimbati-aloys-washakishwaga-ku-byaha-bya-jenoside-yarapfuye/?utm_source=rss&utm_medium=rss&utm_campaign=ndimbati-aloys-washakishwaga-ku-byaha-bya-jenoside-yarapfuye

  • Hari aboza abagore mu myanya y’ibanga! Abapas… – #rwanda #RwOT

    Uko iminsi yicuma ni ko benshi biyitirira Imana bakomeza kwiyongera nyamara bakagera aho bamwe muri bo bakavumburwa ko babeshya. Uko inyigisho zabo zicengera abakirisitu babo ni na ko batajya babavaho uko byagenda kose.

    Iyo umuntu yagize ikibazo yihutira gusenga no gusaba abamurusha imbaraga zo gusenga bakamusabira ku Mana nk’uko no mu myaka ya cyera byahoze. Muri abo hari abakoresha imbaraga zitari iz’Imana bagakora ibitangaza. 

    Dore abapasiteri 5 bakora ibitangaza bivugwa ko bafite indi myuka ibakoresha nk’uko tubikesha ikinyamakuru Austine Media.

    1. Paul Sanyangwe 

    Ni umupasiteri wo mu gihugu cya Zimbabwe akaba afite itorero yashinze ryitwa Victory World Mission International Ministries. Uyu mupasiteri ahamya ku mugaragaro ndetse akemeza itorero rye ko afite nimero ya Telephone Imana ikoresha.

    Iyo haje umuntu ufite ikibazo mu iteraniro, Paul Sanyangwe ahamagara Imana kuri telephone hanyuma bakavugana imbere y’iteraniro ikamubwira uburyo ikibazo cy’uwo muyoboke we gikemuka. Nyuma yo guhamagarirwa mu ijuru, uwo bahamagariye atanga ituro hanyuma akiyicarira.

    Paul Sanyangwe niwe muntu ku isi yose haba abazima nabapfuye ufite nimero ya Telephone Imana ikoresha ndetse bakaba babasha kuvugana bakoresheje ikoranabuhanga ryakozwe n’abantu. 

    Mu mwaka wa 2017, Paul Sanyangwe yashyize hanze amashusho agaragaza arimo kugendera hejuru y’amazi ariko akaba yarabikoze nta muntu ureba n’uko nyuma aza kuvumburwa ko ari amashusho mahimbano yakoze kugira ngo yemeze abantu.

    Nyamara n’ubwo akora ibyo bintu byose ababibonye bagatungurwa, uyu mupasiteri yigeze gutangaza ko atahoze akijijwe ahubwo yapfuye hanyuma Imana ikamusaba kugaruka ku isi kwigisha abantu ijambo ryayo hanyuma arazuka agaruka ku isi.

    Paul Sanyangwe akunze gufata abakirisitu be akabajyana mu bishanga bifite amazi mabi hanyuma akayabaha akabategeka kuyanywa kuko ari ay’umugisha hanyuma kubera ubwinshi bwabo akenshi bakunze kuva aho icyuzi bagikamije kubera kurwanira ayo mazi.

    2. Victory Kanyari 

    Ni umupasiteri ukomoka mu gihugu cya Kenya ufite itorero ryitwa Salvation and Healing Ministries. Ikintu cyatumye abantu batamushirira amacyenga ni uko yashyizeho ibiciro bihwanye na 300 Ksh ku muntu wese ushaka ko agira icyo amubariza Imana.

    Uyu mupasiteri iyo arimo akora ibitangaza azana amazi akayavanga n’ibindi bintu bitari byamenyekana hanyuma abakeneye ubufasha bwe bakayakandagiramo nawe akayakandagiramo hanyuma abakirisitu bakayoga mu maso ayandi bakayanywa. 

    Bamwe mu batizera mu byo akora, bigeze kumurega mu minsi yashize ariko ahita afungurwa kubera ko basanze nta cyaha akora kuko ntawe ategeka kandi abayajyamo baba bakuze.

    3. Pastor Penuel Mnguni uzwi nka Preacher Snake 

    Ni umupasiteri ukomoka mu gihugu cya South Africa ufite itorero ryitwa Weapons of Enemy. Yatangiye kwibazwaho ubwo yazanaga inyama z’inzoka akazigaburira abantu kugira ngo bakire.

    Si ukuzana inyama z’inzoka gusa, Muguni akunze kuzana imbwa ku rusengero hanyuma bakayibaga abakirisitu bakarya izo nyama z’imbwa babaze. Abenshi mu bazirya bazirya ari mbisi abandi bakazotsa mu gihe baba badashaka kuzirya ari mbisi.

    Uretse kubagaburira inzoka n’imbwa, uyu mupasiteri asengera imbeba hanyuma akazigaburira abakirisitu be akababwira ko imbeba zisengeye zirukana imyuka mibi ndetse n’amarozi.

    Ikirenze kuri ibyo, iyo arimo asengera abantu agenda abakandagira hejuru baryamye hasi akavuga ko arimo kubakuramo amadayimoni ndetse abantu bakaba barahagurutse basaba ko yakorwaho iperereza ubwo yabwiraga abagore n’abakobwa kwikuramo imyenda yose imbere y’itorero akaboza mu myanya y’ibanga yabo.

    Uyu mupasiteri yigeze gufungirana umugore muri firigo imbere y’itorero amaramo igihe kirekire avuga ko arimo kumukuramo amadayimoni yari yaramusabitse. Ikindi azwiho ni ugusimbuka akajya agwa ku bantu nta kintu yitayeho ku buzima bwabo.

    4. Pastor Paseka 

    Ni umuvugabutumwa ukomoka mu gihugu cya South Africa. Iyo arimo asengera abantu haba abagore ndetse n’abagabo ababwira gukuramo imyenda y’imbere (amakariso) yabo hanyuma bakayimuzanira. Iyo bamaze kuyamuha arayasengera hanyuma akayabasubiza bakongera bakayambara. 

    Uyu mupasiteri niwe wavuze ko akunze kujya mu ijuru akongera akagaruka ku isi ndetse ngo ubwo aherukayo yasanze Yesu afite umugore w’ikizungerezi w’umwirabura.

    Uyu mugabo yaje kuvumburwa ko abeshya ubwo yashyiraga ifoto ku rubuga rwa X (Twitter) avuga ko yari mu ijuru ariko abahanga bakaza kugaragaza ko abeshya ari ifoto yicuriye akoresheje Computer. 

    5. Daniel Obinim

    Ni umupasiteri ukomoka mu gihugu cya Ghana akaba ari umwe mu bavuga rikijyana muri iki gihugu cya Ghana. 

    Mu mwaka wa 2014, uyu mukozi w'Imana yashyize hanze amashusho ahagaze ku mugore utwite arimo amubyinagira ku nda mu gihe umugore yari aryamye avuga ko arimo akura dayimoni muri uwo mwana uri mu nda.

    Uretse ibyo byatumye abantu basaba ko uburenganzira bwabo bwakubahirizwa, uyu mugabo yavuze ko iyo ari mu rugo ajya abasha kwihindura ameza cyangwa intebe ku buryo umuntu ashobora kuza akamwicaraho akagira ngo nta muntu uhari.

    Iyo umukirisitu we agiye kwihana, amukubita ibiboko uyu mupasiteri ashaka yamara kumugira inoge akamushyira aho akamubwira ko ibyaha bye abibabarirwe.

    Nyamara n’ubwo abo bapasiteri bose bakora ibyo, insengero yaboboye muri Afurika ziri mu za mbere zifite abayoboke benshi ku buryo bamwe batajya bemera ko umushumba wabo yaba akorana n’imyuka mibi ariko bashyizwe kuri uru rutonde kuko ibyo bakora bihabanye n’ibyanditse muri Bibiliya. 

    Source : https://inyarwanda.com/inkuru/136507/hari-aboza-abagore-mu-myanya-yibanga-abapasiteri-5-bakomeye-babatekamutwe-muri-afurika-136507.html

  • Ntibizibagirana! Ibihe 5 byingenzi bikubiyem… – #rwanda #RwOT

    Kimwe n'abandi matsinda yose yagiye akundwa, Sauti Sol nayo imaze iminsi mike isezeye ku bakunzi bayo. Iri tsinda, ryakunzwe mu ndirimbo zinyuranye, kubera ukuntu bakoraga uruhurirane rw'amajwi yabo meza, maze ubumva ntabarambirwe.

    Aba, bataramiye mu Rwanda inshuro zinyuranye, bahigira byinshi kandi barema umubano n'abahanzi banyuranye b'abanyarwanda. Mu bihe by'ingenzi bagize mu myaka 17 bamaze bakora umuziki, Inyarwanda yagutoranirijemo bitanu gusa.

    1.    Ibitaramo bikomeye bikomeye Sauti Sol yitabiriye mu Rwanda

    Itsinda rya Sauti Sol ryanditse amateka akomeye, binyuze mu bitaramo bagiye bakorera mu bihugu bitandukanye harimo n'u Rwanda. Igitaramo cya mbere Sauti Sol yakoze yagikoreye i Nairobi muri Alliance Française mu 2012. 

    Mu 2018, Sauti Sol yahuriye mu gitaramo na Bruce Melodie ndetse na Charly na Nina mu gitaramo cyasozaga inama yari imaze iminsi ibera mu Rwanda igamije kuvuga ku iterambere ryo gukomeza gusigasira ibidukikije ndetse no kwirinda guhumanya ikirere. Iki gitaramo, cyabereye i Rusororo mu Intare Conference Arena.

    Mu ijoro ryo ku wa Gatandatu tariki 25 Nzeri 2022, habaye igitaramo muri BK Arena  (RBL All Star Game Concert). Iki gitaramo, cyitabiriwe na Sauti Sol, Ish Kevin, Christopher n'abandi. 

    Iki gitaramo cyateguwe n'Ishyirahamwe ry'Umukino wa Basketball mu Rwanda (FERWABA), cyaherekezaga umukino w'intoranywa usoza umwaka w'imikino muri Basketball, wahuzaga ikipe ya Mpoyo yatsinzemo ikipe ya Steve amanota 126 ku 116 muri 'Rwanda Basketball League All Star Game 2022'. Uyu mukino wanitabiriwe na na Madamu Jeanette Kagame.

    Iri tsinda kandi, ryataramiye mu Rwanda muri Nzeri 2016, aho ryakoreye igitaramo cy'amateka i Gikondo kuri Expo Ground. Iki gitaramo cyanitabiriwe n'abahanzi nyarwanda, cyari kigamije kumurikirwamo album y'iri tsinda bise 'Live and Die in Afrika.' Ni igitaramo cyitabiriwe na Nyakwigendera Yvan Buravan, Neptunez band, DJ Miller, na DJ Toxxyk, itsinda 3 Hills, n'abandi.

    Mu myaka 17 bari bamaze mu muziki bagiye bakora ibitaramo bikomeye iwabo i Nairobi, Kampala muri Uganda, Tanzania, mu Bubiligi n'ahandi henshi ku Isi.

    2. Umuhango wo Kwita Izina abana b'ingagi bitabiriye mu Rwanda

    Umuhango wo kwita izina abana b'ingagi wabaye tariki 2 Nzeri 2022, ukabera muri Pariki y'Igihugu y'Ibirunga mu Murenge wa Kinigi mu Karere ka Musanze, witabiriwe n'ibyamamare biturutse hirya no hino ku Isi. 

    Icyo gihe, Sauti Sol, Itsinda ry'abanyamuziki ryo muri Kenya, bise umuryango mushya w'ingagi izina rya Kwisanga (Feel at home) wavukiye mu muryango wa Kwitonda.

    3.     Album bakoze

    Itsinda ry'abanya-Kenya bashyize hanze album yabo ya mbere muri 2008 bise 'Mwanzo,' muri 2011 bamuritse album yabo ya Kabiri yitwa Sol Filosofia bayimurikira i Nairobi muri Alliance Française. 

    Muri 2012, iri tsinda ryakoranye EP (Extended Play) n'umuraperi akaba na Producer wo muri Afurika y'Epfo, Spoek Mathambo, bayita 'Sauti Sol.' Album yabo ya gatatu, 'Live and Die in Afrika,' yasohotse ku ya 21 Ugushyingo 2015 iboneka amasaha 48 ku buntu, nk'impano yabanzirizaga umunsi mukuru wa Noheli.

    Kuri 31 Mutarama 2019, Sauti Sol yamuritse album yayo ya kane yise 'Afrikan Sauce.' Iyi album iriho indirimbo zigera kuri 13, yagaragayeho abahanzi bakomeye nka  Patoranking, Tiwa Savage, Burna Boy, Vanessa Mdee, Yemi Alade, Khaligraph Jones, Nyashinski, Bebe Cool, Mi Casa, Toofan, Jah Prayzah na C4 Pedro. 

    Muri 2020, bashyize ahagaragara album yabo ya gatanu bise  'Midnight Train,' album ya mbere bakoze kuva bajya muri Label nshya ya Universal Music Africa.

    4.     Ibihe byihariye mu mibanire yabo nk'itsinda

    Iri tsinda ryari rigizwe n'abasore bane b'abanya-Kenya aribo Bien-Aimé Baraza, Delvin Mudigi, Polycarp Otieno na Willis Austin Chimano ryagiye rishimisha abantu benshi, haba mu miririmbire yabo yuje ubuhanga, indirimbo zinogeye amatwi  n'ibindi byinshi.

    Iri tsinda ryatangiye mu buryo bwihariye muri 2005 ritangizwa na Baraza, Chimano na Savara bahuriye mu ishuri ryisumbuye rya Upper Hill, nyuma baza guhura  na Otieno, wabacurangiraga gitari. 

    Nyuma y'uko bahuye bakiyemeza kwitwa Sauti Sol, ako kanya bahise banandika indirimbo yabo ya mbere bise “Mafunzo ya Dunia” cyanwa se Amasomo y'Isi.

    Sauti Sol yagiye yegukana ibihembo bitandukanye byaba ibyo muri Kenya no mu mahanga, bagiye batoranwa kandi mu guhatanira ibihembo birimo Kisima icya Music Awards, Channel O Music Video Awards, MTV Europe Music Awards, BET Awards n'ibindi.

    Mu bahanzi bafatiragaho icyitegererezo harimo Fadhili William, Daudi Kabakan Fally Ipupa, Jason Mraz, Lokua Kanza n'abandi.

    5.     Indirimbo za Sauti Sol zakunzwe kurusha izindi

    Kuva mu 2005 ubwo Sauti Sol yatangiraga kusohora indirimbo, yakoze indirimbo nyinshi zageze ku mitima y'abazumvaga. Gusa, izakunzwe zikanamenyekana cyane kurusha izindi, harimo Sura Yako, Suzanna, Kuliko Jana, Melanin bakoranye na Patoranking, Isabella, Nerea baririmbyemo Perezida Paul Kagame, n'izindi.

    Muri iyo myaka yose bamaze bakorana nk’itsinda, bakoranye n’inzu z’umuziki zikomeye zirimo Sauti Sol Entertainment, Penya Africa, The Music Industry CC, n’izindi. Batangaje ko bagiye gutandukana bwa mbere tariki 4 Ugushyingo 2023. 

    Reba hano amashusho y’indirimbo “Nelea” ya Sauti Sol


    Source : https://inyarwanda.com/inkuru/136500/ntibizibagirana-ibihe-5-byingenzi-bikubiyemo-urugendo-rwimyaka-17-rwa-sauti-sol-mu-muziki-136500.html