Umusore witwa Claude MUSENGIMANA yatsindiye miliyoni irengaho kuri Radiyo y'i Kigali.
Uyu munsi tariki 24 Ugushyingo 2023, Claude MUSENGIMANA watsindiye 1,033,000 RWF kuri Kiss Fm yashyikirijwe Cheque.
Yahawe ayo mafaranga nyuma yo kuvumbura ijwi iyi Radiyo yari yaragize ibanga.
Bisi zikoresha amashanyarazi mu buryo bw'ijana ku ijana zari zitegerejwe mu rwego rwo gutwara abagenzi mu Rwanda, zamaze kuhagera, aho biteganyijwe ko zitangira kunganira izisanzwe muri uru rwego.q
Izi bisi z'ikigo gikora ibijyanye no gutwara abantu cya BasiGo, zari ziherutse gutangazwa ko ziri bugufi kugera mu Rwanda. Mu butumwa bwari buherutse gutangazwa n'iki kigo mu ntangiro z'uku kwezi, cyari cyagize kiti 'Twishimiye gutangaza ko twahawe inkunga ya miliyoni 1,5$ aturutse muri USAID mu kwagura ibikorwa mu bwikorezi budahumanya ikirere mu Rwanda! Twakiriye iyi nkunga kandi mu gihe na bisi za mbere zizazanwa mu Rwanda zamaze kugera muri Afurika y'Iburasirazuba.'
Amakuru ahari ubu aremeza ko izi modoka zamaze kugera mu Rwanda ndetse zikaba zamaze kwambikwa ibirango by'ibinyabiziga byo mu Rwanda kugira ngo zitangire gutwara abagenzi.
Umwe mu bakora mu rwego rwo gutwara abagenzi w'umushoferi, yabwiye RADIOTV10 ko we na bagenzi be bari bamaze iminsi bategereje ko izi modoka zigera mu Rwanda, ngo bazihabwe batangire kuzikoresha.
Ikigega cy'u Rwanda gishinzwe gutera inkunga imishinga ibungabunga ibidukikije kizwi nka FONERWA, ubwo kizihizaga isabukuru y'imyaka 10 kimaze gikora, cyanatangaje ko cyishimiye kwizihiza iyi sabukuru hanatangizwa ikoreshwa ry'izi modoka zikoresha amashanyarazi, zitangiza ikirere.Izi bisi kandi ni na zo zifashishijwe mu gutwara abakozi b'iki Kigega n'abashyitsi, zibageza ahizihirijwe iyi sabukuru, byanakozwe mu rwego rwo gutangiza ikoreshwa ry'izi modoka.
Ikigo BasiGo cyazanye izi modoka, gitangaza ko ku bufatanye bwa Guverinoma y'u Rwanda ndetse na USAID, umwaka wa 2025 uzasiga mu Rwanda hari bisi 200 zikoresha amashanyarazi kizaba cyarazanye.
AMAFOTO
Umusore w'imyaka 17 witwa Niyonkuru Theophile yafashwe yigize umukobwa agenda mu baturage abasaba akazi ko kurera abana.
Uyu musore ni mwene Nyarwaya Isidore na Mukankumbi Virginia, aho avuka mu Kagari ka Butare, umudugudu wa Bukure, mu Karere ka Gicumbi.
Uyu musore, yagendaga mu nzira agenda asaba akazi ko kurera umwana ageze ku kagali ka kamashashi afatwa ni nzego z'umutekano bamubaza uwo ariwe ababwira ko ari umukobwa. Bamujyana mu cyumba bamukozeho basanga n'igitsina Gabo.
Nyuma yo gufatwa yahise ajyanwa kuri station ya police ya Nyarugunga.
Kuri ubu yakorewe KTC Form kugira ngo azajyanwe Gikondo Transit center.
Ubu afungiye kuri police station Nyarugunga.
Kiyovu Sports ntabwo yemera amakuru avuga ko yamaze gutanga ikirego ishakisha imodoka ya yo itwara abakinnyi imaze iminsi idakoresha bivugwa ko Mvukiyehe Juvenal wayizanye yayisubije.
Muri 2020 ubwo Mvukiyehe Juvenal yatorerwaga kuyobora Kiyovu Sports yanazanye imodoka ya bus izajya itwara abakinnyi.
Ariko icyo gihe ntabwo yigeze ayegurira iyi kipe mu buryo bweruye kugeza ubwo yabaga umuyobozi wa Kiyovu Sports Company LTD agahita ayishyiramo nk’umugabane we atanze.
Muri Nzeri 2023 ni bwo Umuryango wa Kiyovu Sports wafashe umwanzuro wo gukura ikipe muri Company yayoborwaga na Mvukiyehe Juvenal isubira gucungirwa mu Muryango wa Kiyovu Sports.
Kuva icyo gihe Mvukiyehe Juvenal na we bisi yahise ayambura ikipe ntabwo irongera gutwara abakinnyi ba Kiyovu Sports.
Hamaze iminsi havugwa inkuru ko iyi kipe yamaze gutanga ikirego mu Rwego rw’Igihugu rw’Ubugenzacyaha (RIB) ngo ibafashe gushaka imodoka ya bo yabuze.
Umuvugizi wa Kiyovu Sports, Gakunzi Blaise yavuze ko aya makauru atari yo nta kirego bigeze batanga kuko babizi neza imodoka ari iya bo.
Ati 'Oya nta kirego twigeze dutanga, ikindi ntiharaba ihererekanya bubasha ngo tumenye ngo ibyacu ni ibihe, ibitari ibyacu ni ibi ariko bisi (bus) yo birasobanutse ni iyacu yanditse kuri Kiyovu Sports Company LTD kandi Kompanyi ni iya Kiyovu.'
Gusa nubwo avuga ibi, amakuru ahamya ko iyi kipe yamaze gutanga ibiranga iyi modoka muri RIB, birimo plaque za yo, ubwoko bwa yo bayisaba ko yabafasha kuyishaka kuko bayibuze.
Andi makuru ariko avuga ko nubwo bashaka iyi modoka batazi carte jaune ya yo aho iri kandi amakuru ahamya ko itananditse kuri Kiyovu Sports kuko icyanditse kuri nyirayo ari we Mvukiyehe Juvenal.
Source : http://isimbi.rw/siporo/article/ukuri-ku-kirego-cya-kiyovu-sports-ishakisha-imodoka-ya-yo
Nyuma yo kwiga mu ishuri ry'umuziki ry'u Rwanda, abakobwa babiri b'impanga Bukuru na Butoya bitemeje gutangira umuziki.
Iri tsinda ryiywa J-Sha , ryahise rishyira hanze indirimbo yabo ya mbere bise 'Mabukwe'.
Ni itsinda rigizwe na Bukuru Jennifer na Butoya Shakira, barangije mu ishuri ry'umuziki ry'u Rwanda rya 2021.
Bukuru Jennifer na Butoya Shakira bafite ubuhanga budasanzwe bwo gucuranga ibikoresho bitandukanye by'umuziki.
Izi mpanga zinjiye muri muzika Nyarwanda, zaririmbye mu bitandukanye birimo ; CHOGM, Kigali Up, Commonwealth na AU Summit byose byabereye i Kigali mu bihe bitandukanye nkuko tubikesha ikinyamakuru IGIHE mu nkuru yanditswe na Nsengiyumva Emmy.
The post Umuziki w'u Rwanda wungutse itsinda ry'abahanzikazi b'impanga Bukuru na Butoya appeared first on The Custom Reports.
Mu ijoro ryo kuri uyu wa Kane taliki 23/11/2023 nibwo Kukibuga kindege I kanombe mu mujyi wa Kigali ahagana i saa munani zijoro, Rutahizamu Mpuzamahanga wumunya Guinea Conakry Alsény Camara Agogo yari asesekaye I kigali aho aje gukora igeragezwa mu ikipe ya Rayonsports football club Yamubengutse yakitwara neza akaba yarangizanya nayo akaba umukinnyi wayo.
Uyu Rutahizamu bivugwa ko Yaje mu Igeragezwa muri Rayonsports dore ko bafite ikibazo gikomeye cyo kubura ibitego mugihe yaba yitwaye neza RAYONSPORTS ikamushima akaba yatereka umukono kumusazerano muri iyi kipe akemezwa nk'umukinnyi mushya wiyi kipe benshi batazira akazina ka Gikundiro nkuko nayo ibivuga.
Amakuru azana uyu Rutahizamu mu Rwanda yatangiye gucaracara ubwo byavugwaga ko rayon iri munzira yo gutandukana na RUTAHIZAMU wayo Mpuzamahanga wumugande Mussa Essenu Simba kubera umusaruro muke uyu musore amaze igihe agaragaza ubu Rayon ikaba iri mubiganiro nawe ngo bareba uko batandukana ntamananiza Kumpande zombi cyane ko uyu musore amasezerano ye muri iyi kipe azarangira mukwa 12 mu mpera zuyu mwaka.
RUTAHIZAMU mushya wa Rayonsports CAMARA yaciye mumakipe atandukanye yo muri Africa harimo iyo yakinagamo yitwa As Kaloum ikaza kumutiza HUS Agadir gusa ubu akaba yaramaze igihe nta kipe agira abarizwamo naho ubwo aheruka mu ikipe y'igihugu ya Guinea hari muri 2016 aho ikipe y'igihugu ya Guinea Conakry yari mu itsinda rimwe na Dr Congo nikipe y'igihugu icyo gihe yakinagamo undi mukinnyi wa Rayonsports kurubu nawe uri mubihe bye byiza ariwe Hertier Luvumbu nzinga, Aba bombi bakaba barahuriye mukibuga bombi bacakirana muri icyo gihe.
Nta makuru menshi kuri uyu Rutahizamu kuko kurubu Imibare igaragaza ko Mu mikino 24 iheruka Aheruka gukina cyangwa se yagaragayemo nta Gitego na kimwe yatsinzemo icyo yakoze cyonyine cyari ugutanga umupira umwe wavuyemo igitego gusa.
Uyu Rutahizamu akaba ari umusore w'imyaka 28 kurubu Akaba Aje mwigerageza muri Rayonsports akaba ntakipe yari afite kurubu cyangwa c ibyo bakunze kwita free agent.
Nyiricyubahiro Musenyeri Ntivuguruzwa Balthazar, Umushumba wa Diyoseze Gatolika ya Kabgayi kuri uyu wa 23 Ugushyingo 2023 yasuye ishuri ryisumbuye ryitiriwe Mutagatifu Berenadeta-ESB Kamonyi. Yatangije umwaka w'amashuri 2023-2024, haba igitambo cya Misa, aha umukoro abanyeshuri wo; Guharanira kuba Abanyabwenge, kuba Abanyesuku, kugira Ubutungane n'izindi ndangagaciro zikwiye uwarezwe neza. Yasabye Abarimu kurushaho kwita ku ireme ry'uburezi kuko mu mashuri ya Kiliziya Gatolika ari 'Umuhamagaro' kuruta kubibona nk'akazi gasanzwe.
Agabira na intyoza.com, Musenyeri Ntivuguruzwa Balthazar yavuze ko ubutumwa yazaniye abana ari ubutumwa bubasaba kuba Abana bumva, bakumva ijwi ry'Imana rivugira mu mutima nama wabo, bakumva Imana mu ijambo ryayo, bakumvira mu burere Nyoboka Mana bahabwa, bakumva ababarera kandi bikajyana no kumvira.
Akomeza avuga ko kumva bitagomba kuba ko ibyinjiye mu gutwi bisohokera mu kundi. Ati' Kumvira ni ukwakira ibyo Imana Ikubwiye, icyo abarezi bakubwiye, icyo uvana mu byo bakwigisha, mu buhanga n'ubumenyi uhabwa. Si ukwasama gusa ngo wakire umire kuko no kurya bisaba guhekenya ukanjakanja. Umwana wumvira ni ugira uruhare mu burere bwe, ibyo ahawe akabyakira, akabyuza, akabikanjakanja, akabihekenya kugira ngo bimutunge kandi bimufashe gukura. Ni wa mwana basiga nawe akinogereza. Ni bakire uburere babaha, bumve bumvire'.
Nyiricyubahiro Musenyeri, avuga kandi ko icyo aba bana b'abanyeshuri bifurizwa ari uko uburere n'ubumenyi bahabwa babwumva bakabugira ubwabo, bakabuvanamo ikintu kibafasha gukura mu bwenge, mu bwitonzi, mu bumenyi, mu kubana n'Imana, kubana na bagenzi babo kandi bitegura n'ejo hazaza.
Agira kandi ati' Buriya ntabwo umwana yiga ahagaze muri iki gihe turimo gusa, ibyo yiga biba birimo kumutegurira ejo hazaza he, h'umuryango, h'Igihugu, ejo hazaza ha Kiliziya ariko ahera kuri we ubwe. Umwana utubaka ubuzima bwe ngo buhame, buhagarare neza bushinge imizi ntabwo yashobora no kubaka abandi'.
Yasabye kandi aba banyeshuri kugira; Ubwenge n'Ubuhanga kuko aricyo cyabazanye kandi kizabafasha. Abasaba guhagarara neza batajarajara, bakaba abana bafite icyerekezo. Yabasabye kuba abana bagira Isuku imbere n'inyuma, mu myumvire n'imitekerereze, mu myambarire, aho agenda n'aho aba, abasaba kugira muri bo Ubutungane, bagatunganira Imana n'abantu mu byo bavuga n'ibyo bakora.
Urugendo nk'uru mu kigo cy'ishuri, Nyiricyubahiro Musenyeri avuga ko ari ibisanzwe muri Diyoseze ya Kabgayi byaba mu mashuri ya Kiliziya Gatolika yigenga ho 100%, yaba se ayo ifatanya na Leta ndetse n'ayo ifatanya n'Ababyeyi.
Avuga kandi ko nubwo ari umurongo wa Diyoseze, ariko kandi ngo ni n'umurongo we bwite wihariye afite nk'Umwepisikopi kuko ari imwe mu ngingo 7 yatangaje agomba kubakiraho mu iyogezabutumwa muri Diyoseze ya Kabgayi yashinzwe.
Ahamya ko ashyize imbere guha imbaraga Uburere n'Uburezi mu bana ndetse no mu rubyiruko muri rusange, aho kuri we ari gushyira mu bikorwa icyo yifuje. Ahamya ko agomba gushyira imbaraga mu kuba hafi abarezi n'abana barererwa muri aya mashuri.
Nyiricyubahiro Musenyeri Ntivuguruzwa Balthazar, avuga ko Uburere n'Uburezi ari inshingano z'ubutumwa bwa Kiliziya Gatolika. Iyamamaza butumwa, kwamamaza Ijambo ry'Imana, Ivanjiri, kwamamaza Yezu Kilisito bikaba biri mu mutima w'ubwo butumwa butanga Uburere n'Uburezi. Ahamya ko ibyo Kiliziya Gatolika ikora nta shimwe ridasanzwe iharanira, ahubwo ni ukurangiza ubutumwa bwayo.
Rimwe mu mabanga yihariye abashisha ibigo by'amashuri ya Kiliziya Gatolika kwitwara neza mu burere n'Uburezi ni; Ukwitanga, gutanga umutima, urukundo ndetse n'ubushobozi ariko ikirenze ibyo bikaba 'Umuhamagaro' kurusha kumva ko ari akazi gusa. Akomeza avuga ko iteka iyo hari ikigezweho aribwo urugendo ruba rugiye gukomeza kuko imbere haba hahari kandi hari ibyo hagusaba ngo ukomeze.
Â
intyoza
Dipsophobia ni indwara yo gutinya ka manyinya (Ibisindisha). Dipsa ni ijambo rikomoka mu rurimi rw’ikigereki bisobanuye icyaka naho Phobos byo bigasobanura ubwoba bwinshi.
Bamwe mu bantu b’intiti mu kumenya no kuvura ibibzo byo mu mutwe biraborohera cyane kumenya niba umuntu afite ikibazo cy’indwara ya Dipsophobia ndetse akaba yamumenyera ibyo akeneye kugira ngo akire iyi ndwara.
Ahantu henshi, inzoga ntabwo zivugwaho kimwe ndetse benshi biganjemo abarokore barazibuzwa banze bakunze, ndetse na bamwe bazinywa iyo basinze bashobora gutuma bagenzi babo batinya inzoga ku rwego ruri hejuru bikarangira barwaye.
Nyamara n’ubwo inzoga hari ibibi zikururira umuntu uzinywa, hari ibindi byiza umuntu unywa inzoga agira ariko na none ntabwo wabisobanurira umuntu ufite indwara ya Dipsophobia ahubwo ashobora kugufata nk’umwanzi we cyangwa se undi umuntu udashobotse.
Bamwe mu bantu bafite iyi ndwara, barangwa no gucira urubanza buri muntu wese unywa inzoga ndetse bagahita batangira kumufata mu ishusho mbi ku buryo nta mahirwe n’amwe baha umuntu uwo ariwe wese unywa inzoga kubera ko baba bumva agira imico mibi cyane.
Undi muntu uba ufite ibyago byinshi byo kurwara iyi ndwara, ni uba yari asanzwe anywa kuri ka manyinya hanyuma akaza kuyireka kubera impamvu ze zitandukanye. Iyo amaze kuzireka, ashobora guhita arwara iyi ndwara kuko azi ibibi inzoga ziba zaramukoresheje.
Dipsophobia ntabwo ari amahitamo ahubwo ni uburwayi bushobora guterwa n’ibyo umuntu aba yarabwiwe yaba umuryango, idini, inshuti ze ndetse hari n’ingero nyinshi yagiye abona zikamuhahamura bigatuma arwra iyi ndwara.
Akesnhi umuntu uvukira mu muryango utanywa inzoga ugasanga hari undi muntu wa hafi y’uwo muryango ubayeho nabi kubera inzoga, abana baba bafite amahirwe menshi yo kuvuka batinya umuntu unywa inzoga babikomoye ku babyeyi babo hagakubitiraho n’urugero rwa hafi babona ku bibi by’inzoga.
Bimwe mu bindi bimenyetso biranga umuntu urwaye iyi ndwara, harimo guhinda umushyitsi iyo abonye umusinzi, kugira ubwoba bwinshi iyo agiye kunywa inzoga, kuzana ibyunzwe, kunukirwa n’umuhumuro w’inzoga n’ibindi.
Bimwe mu bifashwa umuntu ufite iki kibazo, harimo kuganirizwa, kwigishwa ibyiza byo kunywa inzoga, akamaro ko kunywa inzoga, gufata imiti nka Paxil, Zoloft, Lexapro ndetse n’indi miti itandukanye abaganga bazobereye mu bibazo by’umutwe bazi. Â
Ni irushanwa ryatangiye kuri uyu wa Kane tariki 23 Ugushyingo, rikazasozwa ku wa Gatandatu tariki ya 25 Ugushyingo 2023, abakinnyi bagera kuri 261 bavuye mu bihugu 10 nibo bitabiriye iri rushanwa riri kubera kuri pisine ya Gahanga, aho u Rwanda rufitemo abakinnyi 60.
Mu ijambo rye rifungura iri rushanwa, Minisitiri wa Siporo, Munyangaju Aurore Mimosa yavuze ko iri rushanwa ari wo mwanya mwiza wo kugaragaza impano abakinnyi bafite muri uyu mukino usaba imbaraga z'umubiri ndetse no kuba witeguye mu mutwe.
Ati “Ibihugu byose n'abakinnyi bitabiriye 'Aquatics Zone 3 Swimming Championship', mu izina rya Guverinoma y'u Rwanda mbahaye ikaze mu Rwanda. Umukino wo koga ntabwo usaba imbaraga z'umubiri bisaba no kuba umeze neza kandi witeguye mu mutwe. Iri rushanwa rizatuma abakinnyi bacu bagaragaza impano bafite muri uyu mukino wo koga.”
Yashimiye ibihugu byabashije kwitabira abifuriza intsinzi ndetse anabizeza ko mu gihe bari mu Rwanda nta kibazo bazagira, bazakomeza gufatwa neza nk'uko ari umuco w'u Rwanda kwakira neza abarugana.
Minisitiri wa siporo yasabye abakinnyi b’abanyarwanda kwerekana icyo bashoboye ndetse n’impano zibarimoÂ
Dr Donald Rukare umuyobozi wa AQUATICS ZONE 3 yashimiye u Rwanda uburyo rwateguye iri rushanwa kandi yizeye neza ko nta kabuza rizagenda neza. Yanavuze ko ntako bisa kubona ibihugu 10 byose bikoraniye mu Rwanda byaje kwitabira iri rushanwa, akaba ari ikigaragaza urwego iri rushanwa rimaze kugeraho.
Muri rusange ibihugu 10 byitabiriye ni; U Rwanda, Kenya, Burundi, Tanzania, Uganda, Afurika y'Epfo, Eswatini, Eritrea, Djibouti na Ethiopia.
Umunsi wa mbere hakinwe ibyiciro 56 aho Imidali myinshi yegukanywe na Tanzania, Afurika y'Epfo, Uganda na Kenya. U Rwanda ku munsi wa mbere rwakusanyije imidali 7 hari umwe wa Gold (Zahabu), imidali 3 ya Silver (Ifeza) n'imidali 3 ya Bronze (Umuringa).
U Rwanda rwatwaye umudali wa 'Silver' wahawe Ishimwe Claudette na Iradukunda Yvette wabonye 'Bronze' mu cyiciro cy'abakobwa bafite imyaka 17 kuzamura mu koga 'Backstroke' metero 200. Ishimwe Claudette kandi yegukanye umudali wa 'Silver' mu koga metero 200 'Breaststroke'.
Mu bahungu Iradukunda Isihaka [Bebeto] yegukanye imidali 2 mu cyiciro cy'abafite imyaka 17 kuzamura mu koga 'Butterfly' metero 100 yabaye uwa 3 ahabwa umudali wa 'Bronze' ni mu gihe muri iki cyiciro ariko koga 'Breaststroke' yabaye uwa mbereyegukana uwa Zahabu (Gold).
Undi wegukanye umudali ni Oscar Peyrer mu cyiciro cy'imyaka 17 kuzamura koga 'Backstroke' metero 50, yabaye uwa 3 ahabwa umudali wa 'Bronze'. Mu gukina nk'ikipe bizwi nka 'Relay', u Rwanda rwabonye umwanya wa 3 ruhabwa umudali wa 'Bronze' mu cyiciro cy'abagabo guhera ku myaka 16 kuzamura.
Girimbabazi Rugabira Pamela, Perezida wa Federasiyo yo Koga mu Rwanda, yavuze ko iri rushanwa rigomba gusiga rigaragaje ko u Rwanda ari igicumbi cya Siporo.
Kenya yatangiye yigaragaza cyane muri uyu mikinoÂ
Umuhanzi Amalon uri mu bahanzi umuziki nyarwanda ufite babahanga Kandi bakunzwe n'abatari bacye yari , amaze igihe kinini adashyira hanze indirimbo nshya ndetse abantu benshi bakomeje kwibaza aho yari yaragiye.
Bijyanye no gutangira uyu muhanzi yahoze arebererwa inyungu ze na Dj Pius, muri Label yitwa 1k Entertainment, ubwo uyu muhanzi Amalon yaseseraga muri iyi label nibwo yatangiye kugenda asubira inyuma mu muziki ndetse benshi bemeza ko kuba atakimeze nkuko yaho ameze muri muzika aruko yavuye muri 1k entertainment.
Â
Uyu muhanzi ubwo yari mu bihe bye, yakoze indirimbo nyinshi zakunzwe nka 'Byakubaho' yakoze ku mitima ya benshi ndetse n'indi yitwa Yambi.
Â
Indirimbo nyinshi yakoze mu bihe bye zakunzwe n'abatari bacye mu rwanda.
Â
Kuri uyu wa Gatanu uyu muhanzi yashize hanze indirimbo nshya yitwa DTMN, Don't Tell Me No, ikaba yarakozwe na Producer witwa Muriro nawe uri kuzamuka neza mu muziki nyarwanda.
Â
The post Umuhanzi Amalon uheruka gusohora indirimbo cyera, yashize hanze iyo yise DTMN (Don't Tell Me No) appeared first on The Custom Reports.