Author: webrwanda

Mu ijoro ryo kuri uyu wa Gatandatu tariki 25 Ugushyingo 2023, nibwo uruganda rwenga ibinyobwa bisindisha n’ibidasindisha, rwijihije isabukuru y’imyaka 150 Heineken imaze yengewa.

Ni umuhango wabereye Atelier du Vin hafi ya Rwanda x, utangira ku isaha ya 08:00 PM nubwo byari biteganyijwe ko itangira saa 05:00 PM ariko imvura ikaza gutinza abantu kuhagera.

Heineken ni imwe mu nzoga zikunzwe ku Isi, ndetse ikaba imwe mu nzoga zengwa n’uruganda rwa Bralirwa. Heineken yatangiye kwengwa mu 1873, aho yatangiye ikorerwa mu Buholandi, yengwa na Gerard Adrianna.

Urugendo rwayo rwatangiye mu buryo bworoshye, biza kurangira ibaye imwe mu nzoga nziza zikunzwe ku Isi.

Uruganda rwa Bralirwa rugeza iyi nzoga ku banyarwanda, rwatangiye gukora mu 1957. Mu 1971, uru ruganda rwatangiye gucuruza Heineken ruyivanye yanze, gusa nyuma ejobundi mu 2018, Heineken itangira kwengerwa mu Rwanda.

Kubera urukundo abantu bagaragaje iki kinyobwa, byatumye Bralirwa mu 2022 ishyira hanze Heineken idasindisha mu buryo bwo korohereza abantu, harimo kuba batwara ibinyabiziga nta kibazo.

Muri uyu muhango wo kwizihiza isabukuru y’imyaka 150 ya Heineken wari witabiriwe n’abayobozi batandikanye barimo umuyobozi wa Bralirwa, Etienne Saada ndetse n’abandi banyacyubahiro. 

Etienne Saada umuyobozi wa Bralirwa, yashimiye abakunzi ba Heineken ndetse avuga ko bazakomeza gukira buri kimwe mu gushimisha abakiriya babo

Abashyitsi batangiye kwinjira ahagana Saa 18:00 PM 

Itsinda rya Kigali Protocol niryo ryakiraga abatumirwa ndetse rikanabayobora 

Abakunzi ba Heineken bari bishimiye imyaka 150 imaze yengwa 

Itsinda rya Symphony Band ryasusurukije abari bitabiriye ibi birori 

Ku isaha ya 22:10 PM, hakaswe umugati w’isabukuru 

Umuhanzi Michael Makembe yasusurikije abatumirwa bari bitabiriye isabukuru 

DJ Alisha umenyerewe mu gihugu cya Uganda, nawe ari mu basusurukije abatumirwa 

DJ Marnaud uri mu bakunzwe mu Rwanda ni umwe mu basusurukije abatumirwa, ndetse akaba ari mu bashoje ibirori

Kanda hano urebe amafoto menshi

Source : https://inyarwanda.com/inkuru/136932/heineken-yizihije-isabukuru-yimyaka-150-imaze-itanga-ibyishimo-muri-rubanda-amafoto-136932.html

Mu Muhanda Musanze Kigali habereye impanuka y'imodoka ya GR703C (ni iya UR ishami Rya Busogo) yavaga Musanze yerekeza i Kigali itwawe n'uwitwa Bimenyimana (yahise apfa) arikumwe nabandi bantu bane.

 

Abo bari kumwe ni Habumuremyi Jean Baptiste w'imyaka 28 y'amavuko, Bibarimana chrisologue w'imyaka 39 ,
Nsabimana Félicien w'imyaka 30 undi ntiyari yamenyekana.

Yageze aho twavuze haruguru ntiyaringaniza umuvuduko agonga umunyamaguru wagendaga iruhande rw'umuhanda utaramenyekana arakomeza aragenda agonga igare babisikanaga ryari ritwawe na Muhire Jean Marie w'imyaka 20 y'amavuko ahetse umugenzi witwaga Nshimiyimana Pascal wahise apfa , imodoka irakomeza igwa mu mugezi wa Base nko muri 30m.

Abapfuye n'abakomeretse bajyanywe kubitaro bya NEMBA.

The post Gakenke : Umushoferi yaguye mumpanuka ikomeye bivugwa ko yari afite umuvuduko mwinshi appeared first on The Custom Reports.

Source : https://thecustomreports.com/gakenke-umushoferi-yaguye-mumpanuka-ikomeye-bivugwa-ko-yari-afite-umuvuduko-mwinshi/

Nuru Okanga education, age, tribe & wife. Nuru Okanga is […]

The post Nuru Okanga education age tribe & wife appeared first on UGWIRE.

Source : https://ugwire.com/nuru-okanga-education-age-tribe-wife/

Mu karere ka Gakenke habereye impanuka y'imodoka yari itwaye abantu batandatu yaguye mu mugezi, umwe ahita aburirwa irengero.

Nk'uko amakuru aturukaho abivuga, iyi mpanuka yahitanye babiri, undi ntaraboneka, batatu barimo kuvurirwa mu bitaro bya Nemba.

Source : https://yegob.rw/rip-imodoka-yari-itwaye-abantu-batandatu-yageze-mu-gakenke-maze-ikora-impanuka-iteye-ubwoba-yisanga-mu-mugezi-unatembana-umwe-muri-bo/

Hari ubwo uzabona abagore benshi bafite ubwoba cyangwa umusatsi aho bitagakwiye , bigasa naho ameze nk'umugabo nyamara ugasanga nta ruhare na ruto yigeze abigiramo.Ese biterwa ni iki ? Muri iyi nkuru turarebera hamwe byinshi ku ndwara yitwa Hirsutism ikunda kwibasira abagore bakagira ubwoya aho abagabo basanzwe babugira , nugira ikibazo usige igitekerezo.

 

Bagore barwaye indwara bagira ubwoya, Kukananwa, ku gituza, hejuru y'umunwa wo hejuru n'ahandi.Ikinyamakuru cyitwa Cedars-sinai, kigaragaza ko ibi biterwa cyane cyane no kuba uwo mugore afite imisemburo myinshi ya Kigabo yitwa 'Androgen'.Abagabo bose, bakora imisemburo mike cyane y'uwo musemburo ku buryo biba bibi iyo uwo musemburo wigenje bigatuma arwara Hirsutism.

 

NI IKI GITERA HIRSUTISM ?

 

Ubusanzwe iyi ndwara ifata abagore gusa, iterwa ;

1.Indwara yitwa Polycystic Ovary Syndrome [ POCOS]. Iyi ni imwe mu mpamvu zituma umugore arwara Hirsutism.Iterwa n'ubwivumbagatane bukurura kujagarara kw'imisemburo.

2.Kujagarara kwa ; Puitary Gland, Adrenal Gland, adrenal gland or thyroids gland.

3.Ku rwara ibibyimba kuri Ovary  ikora umusemburo wa Androgene.

4.Kurwara umusemburo wa Insulin uhindura uhindura amafunguromo imbaraga ukaringaniza n'isukari.

5.Gucura k'umugore

6.Kurwara indwara endometrisis itera umugore uburibwe bukomeye.

7.Indi miti ushobora ufata.

 

NIHE HIRSUTISM IFATA CYANE

1.Kumunwa wo hejuru.

2.Akananwa.

3.Ku itama.

4.Kugituz.

5.Kumugongo.

6.Ku kibuno.

 

IYI NDWARA ISUZUMWA GUTE ?

Mu ugihe kwamuganga cyangwa ukaba ufite umuntu urimo ku kwiteho, azatabgira akubaza ibimenyetso by'ibanze.Ibi bizatuma abona ukuntu agusuzuma bigaragara inyuma.Mu kuguzuma nanone bafata amaraso bituma umusemburo wa Androgen wiyongera.

 

UKO WAKWIYITAHO.

1.Kwiyogosha.

2.Gukoresha imiti ya bugenewe , igamije gukuraho ubwo bwoya.

3.Waxing

4.Bleaching ; Gukoresha imiti ituma uruhu rwawe rwererana.

 

 

The post Menya byinshi ku ndwara yitwa Hirsutism ituma umugore agira ubwanwa akazana n'impwempwe ku gatuza n'ahandi appeared first on The Custom Reports.

Source : https://thecustomreports.com/menya-byinshi-ku-ndwara-yitwa-hirsutism-ituma-umugore-agira-ubwanwa-akazana-nimpwempwe-ku-gatuza-nahandi/

Kuri iki cyumweru saa Cyenda nibwo imikino yo ku munsi wa 11 wa shampiyona y’Icyiciro cya mbere mu Rwanda yakomezaga.

Duhereye kuri Kigali Pelé Stadium ikipe ya Gasogi United itari imerewe neza yari yakiriye Musanze FC iyoboye urutonde rwa shampiyona. Uyu mukino warangiye Gasogi United ibyitwayemo neza ibona itsinzi y’ibitego 2-0 byatsinzwe na Yao Henock ku munota wa 61 ndetse na Max Well Ravel Djoumekou kuwa 71. 

Nubwo ikipe ya Musanze FC yatsinzwe ariko ntibyayikuye ku mwanya wa mbere kuko n’ubu niyo ikiyoboye urutonde aho irusha APR FC inota 1.

Kuri sitade mpuzamahanga y’Akarere ka Huye ho ikipe ya Mukura VS yari yakiriye Muhazi United ariko amakipe yombi habuze itsinda umukino urangira ari 0-0.

Undi mukino wakinwaga ni uwo Sunrise FC yari yakiriyemo Kiyovu Sports kuri sitade ya Nyagatare ahazwi nka Gorogota nawo ukaba warangiye ari 0-0. 

Ubundi uyu mukino wagombaga kuba warabaye ku munsi w’ejo ariko kubera imvura nyinshi yari yaguye kuri sitade bituma usubikwa ugeze ku munota wa 7 wimurirwa uyu munsi.

Amakipe 6 ya mbere ku rutonde rwa shampiyona kugeza ubu 

Abakinnyi 11 ba Gasogi United babanje mu kibuga 

Abakinnyi 11 ba Musanze FC babanje mu kibuga 

Umutoza w’ungirije wa Musanze FC,Mugiraneza Jean Baptiste’Migi’ atumva uburyo batsinzwemo na Gasogi United 

Source : https://inyarwanda.com/inkuru/136931/gasogi-united-yahagaritse-musanze-fc-naho-kiyovu-sports-ikura-inota-i-nyagatare-136931.html

Akarere ka Rubavu katangije gahunda ya Rubavu Nziza , igamije kwereka Abanyarwanda n'abandi bashoramari amahirwe ari muri aka Karere binyuze mu Bukerarugendo bwako n'iterambere kamaze kugeraho.Mu gikorwa cyo kumurika ku mugaragaro Rubavu Nziza ni nabwo hasobanuwe icyo buri muturage azakura mu kuyishyigikira.

 

Ni umuhango wabaye ku munsi wo ku wa Gatanu tariki 24 Ugushyingo 2023, ubera kuri SAG BAY.Ni umuhango wari witabiriwe n'Ubuyobozi bw'Intara y'Iburengerazuba , ubw'Akarere ka Rubavu mu nzego zitandukanye , abanyamakuru ndetse n'abanyeshuri 2 bo ku Ishuri rya Ecole d'Arts ku Nyundo n'umuyobozi wabo.

 

Mu ijambo rye, umuyobozi w'Akarere ka Rubavu w'Agateganyo Nzabonimpa Deogratias , yatangiye asobanura uko umushinga wa Rubavu Nziza uteye anarekana amahirwe buri muturage uturiye Akarere ka Rubavu azakuramo.Yavuze ko Akarere ka Rubavu , ari akarere keza kandi kuje byinshi bigaragaza ubukerarugendo yitsa ku Kiyaga cya Kivu , Amashyuza avura indwara zitandukanye, Imisozi n'ibindi.

Yagaragaje ko mu rugendo rwo gushyira mu bikorwa Rubavu Nziza hari abafatanyabikorwa bazakorana nabo kugira ngo babyaze umusaruro byinshi byadindijwe n'ibidakoreshwa uko byagakoreshejwe aho yagarutse ku Nkengero z'Ikiyaga cya Kivu imbere ya Serena Hotel  hamaze kubona uzahakorera gusa ngo hasigaye gusinyana nawe amasezerano.

 

Guverineri w'Intara y'Iburengerazuba , Dushimimana Lambert, yavuze ko Intara yose ari nziza kandi ko intego ari ugutuma abantu bose bageze mu Rwanda bayigeramo bakishimira ibyiza birimo.

 

ESE ABAHANZI N'ABANYEMPANO BARI MURI AKA KARERE BARIRENGAGIJWE ?

Igisubizo cyatanzwe ni 'OYA'. Umuyobozi w'Akarere ka Rubavu w'Agateganyo , yavuze ko buri wese ufite icyo ashoboye , azahabwa umwanya wo kugikora kubufatanye n'abazaba bafite inshingano zo kugira ibyo bashyira mu bikorwa.

 

Ibi byaje nyuma y'ikibazo cyabajijwe n'umunyamakuru wa Radio Isano ikorera mu karere ka Rubavu wagize ati:'Twagiye tubona abantu bafite impano , ariko hajya gutangwa amasoko ntibitabweho.Ese mu gihe hazaba hashyirwa mu bikorwa #RubavuNziza, abo mwahaye isoko , ntibazizanira ababo , aho gukoresha ababishoboye bahaturiye ?'.

 

Umuyobozi w'Akarere ka Rubavu, yabihuje n'icyo kuba abakora ubuhanzi bakwiriye guhabwa amahirwe,avuga ko 'Iki kibazo kibajijwe mbere yo gusinya amasezerano, tuzabyitaho , tumenye neza ko Abanyarwana bagomba kubona amahirwe mu bikorwa byose bikorwa mbere y'uko Abanyamahanga bakora n'ibyo dushoboye.Cyakora ibisaba ubumenyi budasanzwe nibyo bizatuma hiyambazwa n'abanyamahanga'.

 

Yakomeje avuga ko , abahanzi bazahabwa umwanya kugira ngo babashe kugira uruhare mu kwamamaza ibikorwa byiza biri muri aka Karere.

 

Muri uyu muhango kandi, hashimiwe Abanyeshuri 2 batsinze amarushanwa yo gukora 'Ikirango cya Rubavu Nziza', aribo kwizera Jean de La Croix na mugenzi we Umugwaneza Dauce wiga muri Level V muri 'Graphic Arts ku Ishuri rya Ecole D'Arts. bagaragaje akanyamuneza bishimira intsinzi bagezeho no kuba igihangano cyabo ari cyo kigiye gukoresha muri uru rugendo rw'ubukerarugendo.

The post Visit Rubavu ! Ese ni iki intero ya #RubavuNziza izabafasha abanyempano ? — VIDEO appeared first on The Custom Reports.

Source : https://thecustomreports.com/visit-rubavu-ese-ni-iki-intero-ya-rubavunziza-izabafasha-abanyempano-video/

Itangazo rya FERWAFA kuri Kiyovu Sports na APR FC yizogomba kwicyiranura n'abi-Gorogota.

Ferwafa imenyesheje Kiyovu Sports ko irakina na Sunrise uyu munsi nyuma y'uko umukino wabo usubitswe ku munsi w'ejo hashize.

Ibyo byatumye ikirarane Sunrise yari ifitanye na Apr Fc gihita cyimurwa.

Source : https://yegob.rw/itangazo-rya-ferwafa-kuri-kiyovu-sports-na-apr-fc-zigomba-kwicyiranura-nabi-gorogota/

Polisi y'u Rwanda mu Ntara y'Amajyaruguru igaragaza ko mu Ukwakira n'Ugushyingo mu 2023 hatawe muri yombi abantu 197 bakurikiranyweho ibyaha by'ubujura.

 

Aba bantu barimo 72 bafatiwe mu karere ka Musanze, 22 bafatiwe mu Karere ka Rulindo, 48 bafatiwe mu Karere ka Gicumbi, 26 bafatiwe mu Karere ka Gakenke na 29 bafatiwe mu Karere ka Burera.

Umuturage wo mu Karere ka Musanze witwa Bahufite Zéphanie yabwiye RBA ko ikibazo cy'ubujura kimaze kubarembya mu gace batuyemo.

 

Yagize ati' Umuntu ararana inka mu kiraro bwajya gucya ugasanga ni ikiraro gusa. Abantu bifitiye za televiziyo bwacya ugasanga inzu bayicukuye baseseramo bagatunguka aho za televiziyo ziri bagaterura bagasohoka.'

 

Abaturage b'i Musanze bavuga ko aba bajura n'iyo bafashwe usanga bamara icyumweru kimwe muri gereza bakagaruka bavuga ko nta wuzabakoraho.

guhagurukirwa ku buryo mu gihe gito ubujura buzaba bwahagaze muri iyi ntara.

Minisitiri w'Umutekano mu gihugu, Alfred Gasana yatangaje ko ubujura bukorwa muri ubwo buryo ahanini buturuka ku kuba amarondo adakorwa uko bikwiye ariko ko inzego zose zishamikiye kuri Minisiteri y'Umutekano zigiye guhagurukira gushaka igisubizo cy'iki kibazo.

Ati 'Kugira ngo ubujura bukorwe nk'uko haba habaye kwirara mu rwego rw'imikorere y'amarondo yakagombye kuba afata abajura nk'abo ngabo. Ariko icya kabiri, izi nzego mubona zishamikiye kuri Minisiteri y'Umutekano cyane cyane Polisi y'u Rwanda, inshingano zacu ni uguhangana n'ibikorwa nk'ibyo bihungabanya umutekano w'Abanyarwanda dufatanyije n'abaturage.'

Ubushakashatsi buheruka ku miyoborere bwakozwe n'Urwego rw'Imiyoborere, RGB, buzwi nka Rwanda Governance Scorecard (RGS), bwagaragaje ko umutekano n'ituze ry'abaturage byaje imbere mu kwishimirwa n'Abanyarwanda, aho biri ku kigero cya 93.63%, gusa amanota yabyo yaragabanyutse kuko mu mwaka wa 2022 byari ku manota 95.53%, ahanini bitewe n'ubujura burangwa mu bice bitandukanye by'igihugu.

Ni ikibazo cyahagurukiwe n'inzego zitandukanye, ndetse hari n'abahuriramo n'impamvu zituma bahasiga ubuzima.

Ubushinjacyaha bw'u Rwanda bugaragaza ko mu mezi atandatu ya mbere y'umwaka wa 2023 ibyaha byiyongereye cyane, aho ibyaha byiganje mu nkiko zo mu Rwanda birangajwe imbere n'ubujura bugize 33% y'ibyaha byose byakiriwe mu Bushinjacyaha bw'u Rwanda.

Amadosiye 31.593 arebana n'icyaha cy'ubujura niyo yashyikirijwe Ubushinjacyaha akurikiranywemo abantu barenga ibihumbi 40.

Imibare igaragaza ko abakurikiranyweho icyaha cy'ubujura bangana 40.586 mu gihe urubyiruko rufite hagati y'imyaka 18 na 30 rugize 59% by'abagikurikiranyweho bose.

Source : https://yegob.rw/mu-majyaruguru-abantu-200-bafatiwe-mu-bujura/

Ni mu muhango wabaye ku mugoroba wo kuri uyu wa Gatandatu tariki 25 Ugushyingo 2023 muri Kigal Conference and Exhibition Village ahazwi nka Camp Kigali.

Witabiriwe n'abo mu bihugu bitandukanye byo ku Isi bakora ibijyanye na sinema, abahagarariye imiryango itegamiye kuri Leta, ibigo by'ubucuruzi bikorera mu Rwanda, abakinnyi ba filime, abazitunganya, abazicuruza, abakora mu ngeri zitandukanye z'ibyerekeye sinema ndetse n'abanyeshuri bari kwimenyereza umwuga wa sinema.

Umuyobozi wa Mashariki African Film Festival, Bwana Tresor Nsenga, yashimiye abitabiriye itangizwa ry'icyiciro cya cyenda cy'iri serukiramuco, avuga ko iyi ari intambwe ikomeye sinema Nyarwanda yamaze gutera, n'ubwo atari ho urugendo rurangiriye.

Tresor yashimiye abitabiriye, n'abagize uruhare mu migendekere y'iki gikorwa cyitabiriwe n'abakora filime mpuzamahangamu bice bitandukanye by'umugabane wa Afurika.

Agira ati 'Mu irushanwa ry'iri serukiramucu twakiriye film zigera ku 2300 ariko izigera kuri 72 ni zo twashoboye guhitamo, na zo zikaba ziri mu byiciro bitandukanye. Hari icyiciro cya film ndende, film ngufi na film mbarankuru zizwi nka documentaire.'

Mu ijambo rye, umunyamabanga wa Leta muri Minisiteri y'Urubyiruko, Sandrine Umutoni wari Umushyitsi Mukuru yashimangiye uruhare rw'umuco mu guhuza abitabiriye baturutse hirya no hino ku isi yose.

Yavuze ati 'Gushimangira umubano hagati y'abo abakora filime, diaspora nyafurika n'abakorera ibitangazamakuru mpuzamahanga. Iki kiraro ni nk’urubuga rwo kwerekana amateka yacu akomeye, inkuru  n’ubunararibonye, mu gihe kandi binarwanya imyumvire mibi yagize ingaruka kuri politiki y’Isi yose.'

Sandrine Umutoni yashimiye kandi gahunda za sinema za Mashadiki, zifite uruhare runini mu kurera ab’igihe kizaza babara inkuru, ibaha icyizere mu majwi y'abo n’akamaro ko kongera inkuru zabo.

Yahamagariye abafite uruhare mu guteza imbere ingeri zinyuranye z'ubuhanzi n’abashinzwe umuco gushakishiriza urubyiruko, abagore  n’abakobwa amahirwe ari mu ruganda rwa Cinema batamenyereye.

Mu gihe cy'ibikorwa by'iri serukiramuco hazaba herekanwa filime, hatangwa amahugurwa n'ibiganiro nyunguranabitekerezo  n'ibindi byinshi bizahuriza hamwe abahanzi ndetse n'ibihangano mu ngeri n’amasoko atandukanye.

Yavuze ati 'Ku bashoramari n'abahagarariye ibigo muri hano, reka dukingurire amarembo urubyiruko, abagore n'abakobwa, igihe kirageze cyo kurwanya amahame abuza ibyifuzo byabo akanabera imbogamizi ubuhanga bafite. Tugomba gukoresha imbaraga zabo mu kuzana ibitekerezo bishya ku bibazo by'inganda.'

Akomeza ati 'Rubyiruko namwe, mbahamagariye gushakisha amahirwe mashya, kugira ikinyabupfura, ufite bizabafasha gutera imbere mu mwuga no guteza imbere igihugu muri rusange. Wibuke, uko uzamuka, uzamura abandi. Twese hamwe, tuzagera kure.'

Umuhuzabikorwa w'iri serukiramuco ngarukamwaka ryiswe 'Mashariki African Film Festival' Lionnel Kayitare, avuga ko icyiciro cya cyenda kizahurizwa hamwe n'imurikagurisha ry'ibikorwa byerekeranye na Sinema bise 'Marshaket' rizitabirwa n'acuruza sinema, abazikora ndetse n'abazigura.

Umunyamabanga wa Leta kuri Minisitiri y’Urubyiruko, Sandrine Umutoni yatangaje ku mugaragaro iserukiramuco rya Mashariki rigiye kuba ku nshuro ya cyenda

Umuyobozi wa Mashariki African Film Festival, Nsenga Tressor yavuze ko kuri iyi nshuro bahisemo 72 bazerekana mu zirenga ibihumbi bibiri zari zandikishijwe

Sandrine Umutoni yabwiye urubyiruko kubyaza umusaruro amahirwe ari mu ruganda rwa cinema

Umukinnyi wa filime waboneye benshi izuba, Mazimpaka Jones Kennedy ari mu bitabiriye iki gikorwa

Abafite aho bahuriye n'uruganda rwa Sinema bitabiriye iki gikorwa cyo gutangiza iserukiramuco rya Mashariki

Sandrine Umutoni ari kumwe Tressor Nsenga mu gutangiza ku mugaragaro iri serukiramuco mu muhango wabereye muri Camp Kigali

Kuri iyi nshuro ya cyenda, iri serukiramuco rizarangwa n'ibikorwa binyuranye birimo kwerekana filime n'imurikagurisha

Source : https://inyarwanda.com/inkuru/136930/hatangijwe-iserukiramuco-rya-mashariki-urubyiruko-rusabwa-kutagira-amahirwe-rwitesha-136930.html