Mbabazi Shadia wamamaye ku mbuga nkoranyambaga nka Shaddy Boo, ntacyo yijeje abakunzi Arsenal bishimiye ko yongeye kuyobora urutonde rwa Shampiyona y'umupira w'amaguru mu Bwongereza.
Abinyujije ku rukuta rwe rwa X yahoze ari Twitter, Shaddy Boo yagize ati 'Bizarangira kongeye kugwa byose namavamuhira.'
Avuze ibi nyuma y'uko Arsenal iyoboye urutonde rwa Shampiyona y'umupira w'amaguru mu Bwongereza igeze ku munsi wayo wa 13.
Ku munsi w'ejo hashize tariki ya 26 Ugushyingo 2023 shampiyona y'icyiciro cya mbere mu gihugu cy'u Bwongereza yari yakomeje ku munsi wa 13.
Mu mukino wahuje ikipe ya Manchester united n'ikipe ya Everton haje kubonekamo igitego bitangiye kuvuga ko ari igitego cy'umwaka.
Ni igitego cyatsinzwe na Gernacho wa Manchester united ku munota wa 3 w'umukino aho byaje kurangira Manchester united utsinze ibitego bitatu ku busa bwa Everton.
Ni nyuma y'imyaka ibiri yari ishize iri serukiramuco ritaba imbona nkubone ahanini bitewe n'impamvu zirimo icyorezo cya Covid-19 cyibasiye Isi kigahitana ibihumbi by'abantu.
Iri serukiramuco ryahise ritangirana n'ibitaramo bine byageze mu Ntara y'Amajyepfo mu Karere ka Huye, mu Karere ka Musanze mu Majyaruguru y'u Rwanda, mu Burengerazuba mu Karere ka Rubavu no mu Burasirazuba mu Karere ka Ngoma.
Ibi bitaramo byaririmbyemo abahanzi umunani barangajwe imbere na Bruce Melodie, Riderman, Chris Eazy, Alyn Sano, Bwiza, Afrique, Bushali na Niyo Bosco, ariko igitaramo cyasoje iri serukiramuco cyaririmbyemo aba gakondo gusa!
Ni ku nshuro ya Gatatu iri serukiramuco ryari ribaye, kandi ni ubwa mbere ryitiriwe Sosiyete y'Itumanaho ya MTN, ni nyuma yo kwemeranya na East African Promoters (EAP) gukorana mu gihe cy'imyaka itanu iri imbere.
Ryapfundikiwe n'igitaramo gikomeye cyabereye muri BK Arena mu ijoro ryo kuri iki Cyumweru tariki 26 Ugushyingo 2023.
Cyamamajwe cyane kuva mu byumweru bibiri bishize, abahanzi ba gakondo bahabwa umwanya wo kwigaragaza, kuko cyaririmbyemo abahanzi bubakiye kuri gakondo y'Abanyarwanda, Cecile Kayirebwa, Muyango Jean Marie, Ruti Joel, Sophia Nzayisenga ndetse na Cyusa Ibrahim.
Umuyobozi Ushinzwe Imenyekanishabikorwa muri MTN, Kwizera Moses aherutse kubwira InyaRwanda ko gutera inkunga ibi bitaramo byabaye umwanya mwiza wo kurushaho kwegera abakiriya babo, kandi ni urugendo bazakomeza kugendana mu gihe cy'imyaka itanu iri imbere.
Yanavuze ko ibi bitaramo byatanze ibyishimo ku bihumbi by'Abanyarwanda, kandi nabo bibafasha kwizihiza byihariye isabukuru y'imyaka 25 ishize bakorera mu Rwanda.
Yavuze ati 'Umuziki ni imwe mu nkingi dufite muri gahunda z'imyaka itanu iri imbere, rero ni ibintu dukora dupangira igihe kirekire. Dushingiye ku byo twabonye navuga ko dufatanya na East African Promoters (EAP) twagize amahirwe kuko byahuriranye n'uko twarimo twizihiza imyaka 25 tumaze mu Rwanda.'
Akomeza ati 'Icyo nabonye ni uko abantu bari bafite inyota y'ibitaramo, ubwitabire, â¦abantu bari bizihiwe pe! Kandi natwe bidushishikariza gukomeza gutera inkunga ibikorwa nk'ibi bituma abantu bishima kuko biri muri gahunda zacu ziri imbereâ¦'
Cecile Kayirebwa w'imyaka 77 niwe wari umuhanzi Mukuru muri iki gitaramo
Nawe yabyumvikanishije aririmba ibihangano bye byamamaye. Aherekejwe ku rubyiniro na Ange na Pamella, uyu mubyeyi yeretswe urukundo rudasanzwe muri iki gitaramo, akanyuzamo akabara inkuru ya zimwe mu ndirimbo ze.
Mu gihe cy'iminota irenga 30' yamaze ku rubyiniro yaririmbye yicaye ku ntebe cyo kimwe n'abaririmbyi bamufashije muri iki gitaramo. Yaririmbye bigera aho umwe mu bana bato abyina Kinyarwanda bituma amuterura, bararirimbana.
Uyu mubyeyi yaririmbye indirimbo ye 'Umunezero' yamuhaye izina rikomeye mu muziki, arakundwa karahava kugeza n'ubu. Iri mu ndirimbo zafunguraga Radio Rwanda mu myaka yo hambere.
Yahagurukije ibihumbi by'abantu ubwo yaririmbaga indirimbo 'Inyange Muhorakeye' yahimbye mu rwego rwo kuzirikana Umwamikazi Rosalie Gicanda', icyeza imico n'imyifatire ye idasanzwe y'urwibutso yamuranze akiriho.
Kayirebwa kandi yitaye cyane ku ndirimbo ye yise 'Ndare'. Muri Gicurasi 2020, yavuze ko buri ndirimbo yasohoye afitanye n’ayo amateka yihariye. Icyo gihe yavuze indirimbo ze eshanu akunda zirimo nka ‘Inyange Muhorakeye’, “Marebe’ n’izindi.
Muri iki gitaramo kandi, Kayirebwa yanaririmbye indirimbo ye yise 'Ngarara'. Mbere y'uko ayiririmba, yavuze uko yayimenye binyuze ku mukecuru wayimwigishije. Yavuze ko byamusabye kujya mu rugo rw'uyu mubyeyi, baraganira kugeza ayimwigishije.
Muri iki gitaramo, Kayirebwa yacurangiwe n'itsinda ry'abasore rya Symphony Band bize umuziki ku ishuri rya muzika rya Nyundo. Niwe bacurangiye gusa!
Kayirebwa, ni umuhanzi waririmbye urukundo rw’umwana n’Igihugu, ashimirwa ubuhanga bwe mu nganzo yizihije benshi cyane cyane ku rugamba rwo kubohora Igihugu kugeza n’ubu. Indirimbo ze zaracengeye kuva mu myaka irenga 40 ari mu muziki. Yavuye ku rubyiniro ahagana saa sita z'ijoro, ashima uko yakiriwe.
Yamenyekanishije ubwiza bw'umuziki gakondo w'u Rwanda mu mahanga kandi kugeza n'ubu ntawe uramuhiga, ariganwa ariko ntarashyikirwa.
Uyu mubyeyi azwi mu ndirimbo nka Rwanamiza, Tarihinda, Kana, Inkindi, Mundeke Mbaririmbire, Urusamaza, Rubyiruko, Umulisa, Cyusa, Ndare, Umunezero n'izindi.
Yitabiriye ibitaramo birimo nk'iserukiramuco rya 'Fespad' ya mbere i Kigali, 'Robben Island Event' I Cap yo muri Afurika y'Epfo n'ibindi bitandukanye.
Muyango yaririmbye yitegura kumurika album ye yise 'Imbanzamumyambi'
Umuhanzi usanzwe ari umutoza w'Itorero ry'Igihugu 'Urukerereza' yagaragaje ko agishikamye ku nganzo yemeye. Uyu mubyeyi yageze ku rubyiruko yakiranwa n'amashyi n'akaruru k'ibyishimo, nyuma y'igihe abantu banyotewe no kubataramira.
Yaririmbye anyuzamo akaganiriza abitabiriye igitaramo, ndetse hari abagiye basaba zimwe mu ndirimbo yabaririmbira, ariko akababwira ko hari izo yateguye kandi nziza.
Muyango yinjiriye mu ndirimbo ye yise 'Musaniwabo' iri mu zakunzwe, abantu bacinya akadiho biratinda, kugeza ubwo atanze rugari abantu bafatanya nawe.
Yageze ku ndirimbo 'Sabizeze' ibintu birahinduka, n'iyonka barahaguruka. Uyu muhanzi wagwije ibigwi avuga ko 'Sabizeze' atari indirimbo ahubwo ni umugani yaciriwe na Nyina akiri muto, aho akuriye atangiriye ubuhanzi abiganiriza Itorero Muyango n’Imitari yabarizwagamo, bahimbamo indirimbo kuva ubwo.
Yigeze kuvuga ko yagowe no kwandika amagambo agize iyi ndirimbo, ariko ko kuva yasohoka yatewe ishema n'uburyo abantu bayikunze.
Muri iki gitaramo, yumvikanishaga ko bidatinze azakora igitaramo cye bwite azamurikiramo Album ye yitiriye ikivugo cye 'Imbazamumyambi'.
Abantu bamukuriye ingofero ubwo yaririmbaga indirimbo “Karame nanone”‘ yahimbiye Perezida Kagame.
Muyango yigeze kubwira InyaRwanda, ko yagize igitekerezo cyo gukora iyi ndirimbo nyuma yo kureba urugendo rw’u Rwanda, uko Perezida n’ingabo zari iza RPA zahagaritse Jenoside, Abanyarwanda bakava mu buhunzi bakongera gutaha mu Rwanda.
Yavuze ko ‘iyi ndirimbo ntisanzwe mu buzima bwanjye”. Muri iyi ndirimbo hari aho agira ati “…Iyo tubona amahoro aganje mu Rwanda, ibyo byatuma twese tumwirahira.”
Muyango ni umwe mu bahanzi b'abahanga cyane bubakiye umuziki wabo kuri gakondo. Afite ibihangano binyura benshi byamamaye kumurusha kuko kenshi iyo muganira akubwira ko hari igihe ajya mu birori bakaririmba indirimbo ze batarabutswe ko ahari.
Mu mabyiruka ye akubwira byinshi. Ariko yitsa cyane ku kuba atarabashije kuba mu Rwanda igihe kinini cy'ubuto bwe.
Muyango yahungiye mu Burundi mu 1961; yahageze akiri umwana, aranahakurira. Aha ni ho inganzo ye yatangiye kuyigaragariza mu matorero atandukanye.
Muyango ni Intore yatojwe na se umubyara Rwigenza na sekuru Butera bazwi cyane mu ngamba Inyanza mu Rukari.
Mu 1989 babonye igihembo cyitwa 'Lauréat du Prix Découvertes de la Radio France Internationale' kubera indirimbo 'Nzavuga yaje”.
Mu nshuti z'u Rwanda Muyango yatoje itorero yise 'Ibirezi' ryari rigizwe n'abakobwa b'Ababiligi ndetse mu mwaka wa 2002 yabazanye gukorera ibitaramo bitandukanye mu Rwanda muri FESPAD (Festival Panafricain de la Danse).
Amatorero yatunguranye!
Byari ibyishimo bihambaye ku bitabiriye iki gitaramo ubwo bataramirwaga mu buryo butunguranye n'Itorero Inganzo Ngari ndetse n'Itorero Inyamibwa.
Ntibari ku rupapuro rwamamaza iki gitaramo, ariko abantu banogewe n'imbyino z'abakobwa n'umudiho w'intore.
Inganzo Ngari binjiriye mu ikondera, intore n'ikondera ry'icyizere ryabyinwe n'abakobwa, abantu barizihirwa mu buryo bukomeye.
Bakomereje mu ndirimbo 'Ngwino Mama' yaririmbye n'Ingeri, bakomereza kuri 'Kenyera ukerereze abagenzi', 'Twifitiye igitego', 'Imparata' yamenyekanye cyane kuri Orchestre Impala, bava ku rubyiniro abantu bakinyotewe.
Itorero Inyamibwa ryaserutse muri iki gitaramo ryizihiza imyaka 25 ishize y’urugendo rurerure rimaze rikora ibikorwa byubatse ibigwi kugeza ubu. Rifite abanyamuryango benshi, kandi rimaze gutarama ku Isi hose.
Batanze ibyishimo nyuma y'iminsi ibiri yari ishize bataramiye abakunzi b'abo mu gitaramo 'Kigali Kulture Connect' cyabereye muri Kigali Conference and Exhibition Village ahazwi nka Camp Kigali, cyabaye ku wa Gatanu tariki 24 Ugushyingo 2023.
Aya matorero yatanze ibyishimo, nyuma y'Itorero Ibihame by'Imana
Ibihame by'Imana bataramye muri iki gitaramo banatumira abakitabiriye igitaramo bafite muri Mutarama 2024 bise 'Mutarama Turatarama?'
Binjiriye mu mutagara w'ingoma, hakurikira kuranga ikonde nyuma yo kuriranga bararyikiriza rihamagara intore mu ngamba. Intore zirasakara gitore nyuma y'ibyo hakurikira imihamirizo
Imihamirizo habanje indangamyambi yazamuwe n'Impakanizi wahise anaririmba inkuru y'Abahungu, maze hakurikira umuhamirizo witwa ingorabazi wazamuwe na Gatore umukondo.
Bakurikije umuhamirizo bita urukatsa wazamuwe na Murayire hasoza ikirushya. Intore zagiye mu myiyereko kandi zerekana uko zatsinze umwanzi mu misohoko, ibitego n'imigara myinshi.
Ibihame by'Imana ni itorero ryatangiye mu mwaka wa 2013 ritangijwe na Bahizi Aimable, hamwe na Igihangange Emery Mukuru wa Massamba Intore hamwe na Burigo Olivier.
Rigamije kwigisha umuco nyarwanda kuko abaritangije ni abantu bakuriye muri uwo muco, bakoze amateka menshi cyane cyane mu kubyina ikinyarwanda.
Cyusa Ibrahim yacyeje Perezida Kagame
Cyusa yinjiriye mu ndirimbo ye yise 'Migabo' yahimbiye Perezida Paul Kagame mu rwego rwo kumushimira intera agejejeho u Rwanda.
Cyusa yasobanuye ko yahimbiye iyi ndirimbo nyuma yo gukorwa ku mutima n'ubuyobozi bwa Perezida Kagame.
Asoje kuririmba iyi ndirimbo, Cyusa yumvikanishije ko Perezida Kagame amaze kugeza byinshi ku banyarwanda, bitangarirwa n'amahanga.
Ati 'Muraho! Mbega byiza; iyi ndirimbo ndirimbye ni indirimbo nahimbiye Nyakubahwa Perezida Paul Kagame, ni indirimbo namuhimbiye mutura ibyiza byose yadukoreye, amaze kutuyobora imyaka itandatu, murebe inzu twicayemo (BK Arena) twayirebaga mu mafilime ariko ubu nibura tuyicayemo nk’abagabo. Namuhimbye ‘migambi y’abagabo’. Mumukomere amashyi menshi.”
Nyuma y'iyi ndirimbo, uyu muhanzi yanzitse mu ndirimbo yise 'Imena gitero' n'ayo yatuye Perezida Kagame, akomereza mu ndirimbo zirimo 'Marebe', 'Imparamba' n'izindi zatumye ava ku rubyiniro abantu bakinyotewe.
Cyusa si izina rishya mu muziki nyarwanda; hari abageni yarijije mu bukwe biturutse ku bihozo yabaririmbiye. Ni umutaramyi wa cyane wisanzuye mu Kinyarwanda akaba umuhanzi watwawe n'injyana Gakondo.
Yabonye izuba ku wa 13 Nyakanga 1989. Ni mwene Rutare Pierre, se w'umuhanzi w'umubiligi 'Stromae' usigaye ubifatanya no kumurika imideli.
Avuka mu muryango w'abanyamuziki barimo Mighty Popo, Umuyobozi w'ishuri rya muzika rya Nyundo; Tante Fanny [Umufasha wa Rudatsimburwa Albert Umuyobozi wa Contact FM/TV] waririmbye indirimbo 'Ibyiza by'u Rwanda' yakunze gucurangwa kuri Televiziyo Rwanda.
Cyusa yatangiye kubyina mu matorero afite imyaka itanu y'amavuko. Mu gihe amaze mu rugendo rw'umuziki yaririmbye mu bitaramo bikomeye agera no mu mahanga.Â
Cyusa yanaririmbye indirimbo ze zakunzwe zirimo ‘Marebe’, ‘Imparamba’ n’izindi
Cyusa Ibrahim yaririmbye indirimbo ‘Migabo’ yahimbiye Perezida Kagame
Itorero Ibihame by’Imana ryagaragaje ko ryiteguye gutanga ibyishimo muri Mutarama 2024
Basile Uwimana wari umushyushyarugamba muri iki gitaramo cya MTN Iwacu Muzika Festival
Ruti Joel yaririmbye ateguza igitaramo cyo kumurika album ye 'Musomandera'
Ni umwe mu bahanzi bakiri bato biziritse kuri gakondo y'Abanyarwanda, kandi muri iki gihe ari mu bakora umuziki wa gakondo bagezweho.
Yaririmbye muri iki gitaramo anyuzamo akavuna umugara, abantu bagafatanya nawe kuririmba nyinshi mu ndirimbo yari yahisemo kuririmba.
Uyu muhanzi yitaye cyane ku ndirimbo ziri kuri album ye yise 'Musomandera' zirimo nka 'Cunda', 'Amaliza' n'izindi.
Yavuze ko ku itariki nk'iyi [Tariki 26 Ukuboza 2023] azakorera igitaramo mu Intare Conference Arena cyo kumurika iyi album ye yihariye.
Ruti yanaririmbye indirimbo ye yakomeje izina rye yise 'Igikobwa', ubundi asaba inkumi zari muri iki gitaramo gufatanya nawe kuririmba. Yacurangiwe na Producer Element, bava ku rubyiniro bashimira uko bakiriwe.
Ruti Joel ni umusore w'urubavu ruto wakuriye iruhande rwa Masamba Intore na Jules Sentore bamuharuriye urugendo rw'umuziki we. Byasembuwe no kuba umwe mu bagize Gakondo Group na Ibihame Cultural Troupe anywana n'umuco kuva ubwo.
Ijwi ry'uyu musore ryumvikanye mu ndirimbo 'Diarabi' yakoranye na Jules Sentore ndetse na King Bayo. Ni indirimbo nawe avuga ko yamwaguriye amarembo y'umuziki, abatari bamuzi batangira kubazanya ngo uwo musore ni nde w'ijwi ryiza!
Urugendo rw'umuziki we yarushyigikiwemo na Masamba Intore wamuhaye album z'indirimbo ze azigiraho kuririmba ndetse ngo rimwe na rimwe bakoranaga imyitozo yo kuririmba.
Sophia Nzayisenga yahaye umwama umusizi Murekatete
Umukirigitananga Sophia Nzayisenga niwe wafunguye ku mugaragaro iki gitaramo ahagana saa moya z'ijoro. Yinjiriye mu mujya w'inanga acuranga indirimbo ye yakunzwe yise 'Nyangenzi', ayisoza abantu batangiye kwisanga mu gitaramo.
Uyu mubyeyi asanzwe afatanya n'itsinda rya Shauku Band mu bitaramo bitandukanye, ariko kuri iyi nshuro yifashishije.
Sophia ni umukobwa Kirusu Thomas, umucuranzi w'inanga wamamaye mu myaka 40 ishize. Ubwo yacurangaga muri iki gitaramo yaragaje ko 'inganzo ifite isoko'.
Mbere yo kuva ku rubyiniro, Sophia yahaye umwanya umusizi Murekatete bakoranye igisigo 'Urweze' maze uyu mukobwa agaragaza ko afite byinshi ahishiye abakunzi be.
Iki ni kimwe mu bitaramo binini, Murekatete agaragayemo nyuma y'igihe gito yinjiye mu ruhando rw'abasizi.
Murekatete vuga ko yatangiye ubusizi akiri umwana inganzo yabwo igakomeza gukura, kugeza aho yakuze agafata umwanzuro wo kubukora by'umwuga.
Yigeze kubwira InyaRwanda ati 'Natangiye ubusizi kuva mu buto. Mu mashuri abanza nari nk’umwana muto wiga gutera intambwe, ubwo nibwo nandikaga inkuru zishingiye ku bitekerezo zirimo inkuru ngufi ndetse n’ikinamico. Ngeze mu yisumbuye nari indirirarugamba y’ibitekerezo bishimwa, nibwo natangiye gukora imivugo yo kwizihiza ibirori bitandukanye.''
Avuga ko intego afite ari ugukora ubusizi, atanga ubutumwa bugamije kwigisha. Ati 'Intego yanjye mu gukora ubusizi ni ugutanga ubutumwa bugamije kwigisha, guhanura abaturarwanda ndetse no gushishikariza abari n’abategarugori kwitinyuka binyuze mu mpano zabo ariko bishinze umuzi ku muco n’indangagaciro by’abanyarwanda.''Â
Ruti Joel yaririmbye yitaye cyane ku ndirimbo ziri kuri album ye ‘Musomandera’
Ruti Joel yaririmbye muri iki gitaramo yizihiwe, asaba abantu kuzitabira igitaramo cye kizaba tariki 26 Ukuboza 2023Â
Umwe mu bana yasanganiye ku rubyiniro Cecile Kayirebwa
Kayirebwa yaririmbye yitaye cyane ku ndirimbo ze zakunzwe mu bihe bitandukanye
Muyango yavuze ko tariki 23 Ukuboza 2023 azakora igitaramo cyo kumurika album yeÂ
Itorero Inganzi Ngari ryunamiye Nzeyimana Alain witabye Imana wahoze ari Umuyobozi waboÂ
Itorero Inyamibwa ryatunguranye muri iki gitaramo ryigaragaza mu mbyino zinyuranye
KANDA HANO UREBE UBWO KAYIREBWA YARIRIMBAGA INDIRIMBO ZE NYINSHI ZAKUNZWE
Kanda hano urebe amafoto menshi yaranze igitaramo cy’iserukiramuco ‘MTN Iwacu Muzika Festival’
AMAFOTO: Freddy Rwigema-InyaRwanda.com
Butoyi Jean yongeye gutorerwa kuyobora Ishyirahamwe ry'Abanyamakuru ba Siporo mu Rwanda (AJSPOR) mu Nteko Rusange yabaye kuri iki Cyumweru.
Visi Perezida yabaye Hitimana Jean Claude, Umunyamabanga Mukuru aba Bigirimana Augustin 'Guss' mu gihe Umubitsi ari Imanishimwe Samuel.
Abagenzuzi ni Bugingo Fidèle na Mukeshimana Assoumpta mu gihe Abakemurampaka ari Rwanyange René Anthère na Nsengumuremyi Ephrem.
Source : https://yegob.rw/umunyamakuru-jean-butoyi-wamenyekanye-muri-siporo-yagizwe-perezida-ku-yindi-nshuro/
Hakim SAHABO uherutse gufasha ikipe y'igihugu Amavubi ubwo yatsindaga Africa Y'Epfo ibitego 2-0, yageze no mu Bubiligi maze abereka ko guhamagwazwa mu ikipe y'igihugu Amavubi batamwibeshyeho.
Mu mukino ikipe ye ya Standard Liège asanzwe akinira yo mu Bubiligi, yaje gutsinda Lierse K yari iwayo ibitego 4-1, Hakim SAHABO yatanzemo imipira 2 yavuyemo ibitego.
Ni umukino wabaye kuri uyu wa Gatandatu tariki 25 Ugushyingo 2023, aho Sahab w'imyaka 18 yakinnye iminota 90 yose.
Imodoka ya Kaminuza y'u Rwanda (UR-Busogo) Koleji ya Busogo, yakoze impanuka ikomeye kuri iki Cyumweru tariki ya 26 Ugushyingo 2023 ubwo yavaga i Musanze yerekeza mu Mujyi wa Kigali, abantu batatu bahita bahasiga ubuzima abandi batanu barakomereka.
Iyo mpanuka yabaye ahagana saa cyenda n'iminota 20, ubwo iyo modoka yageraga kuri Base ikarenga umuhanda ikagonga umunyamaguru wagendaga iruhande, irakomeza igonga igare ndetse na yo irakomeza igwa mu mugezi wa Base aho umushoferi wayo yahise ahasiga ubuzima.
Iyi modoka yakoreye impanuka mu Mudugudu wa Karorero, mu Kagari ka Buheta, Umurenge wa Gakenke mu Karere ka Gakenke, yari itwaye abandi bantu bane ariko bo bivugwa ko batabawe bagihumeka.
Umunyamaguru wagendaga iruhande rw'umuhanda ni we utaramenyekana ariko Muhire Jean Marie w'imyaka 20 wari utwaye igare yahise apfa uwo yari ahetse arakomereka.
SP Mwiseneza Jean Bosco, Umuvugizi wa Polise mu Ntara y'Amajyaruguru, yemeje iby'iyo mpanuka ashimangira ko hakomeje iperereza ngo harebwe icyaba cyateye iyo mpanuka.
Yagize ati : 'Ni byo koko ku muhanda Musanze-Kigali habereye impanuka y'imodoka ifite GR703C (ni iya UR ishami rya Busogo) itwawe na Bimenyimana (yahise apfa) ari kumwe n'abandi bantu bane barimo Habumuremyi Jean Baptiste w'imyuaka 28, Bibarimana Chrysologue w'imyaka 39 na Nsabimana Félicien w'imyaka 30, kugeza ubu rero turacyakora iperereza ryimbitse kugira ngo turebe icyateye impanuka muri rusange.'
Impanuka ikimara kuba Polisi yahise ihagoboka, imodoka y'Ishami rya Polisi y'u Rwanda rishinzwe ubutabazi no kuzimya inkongi ikaba ari yo yaje kubarohora.
Abapfuye n'abakomeretse bahise bajyanwa ku Bitaro bya Nemba.
Gasogi United ya KNC yihereranye Musanze FC yari iyoboye shampiyona y'u Rwanda iyikubitana umujinya APR FC ibyungukiramo
Ikipe ya Musanze FC imaze iminsi itsinda ubutitsa yatsinzwe n'ikipe ya Gasogi United ibitego bibiri kubusa n'umukino wari utegerejwe na benshi nyuma yaho ikipe ya APR FC inaniwe gutsinda ikipe ya AS Kigali bigatuma hagati yaya makipe hajyamo ikinyuranyo cy'inota rimwe ibi byari bisobanuye ko Musanze niramuka itsinze Gasogi United irahita irusha APR FC amanota 4 none birangiye igaritswe.
Musanze FC niyo ikomeje kuyobora urutonde rw'agateganyo rwa shampiyona y'u Rwanda mu gihe APR FC ikomeje kurushwa inota rimwe niyi kipe yo mu majyaruguru y'u Rwanda.
Source : https://yegob.rw/musanze-fc-yari-iyoboye-shampiyona-yakubiswe-itababariwe-na-gasogi-ya-knc/
Mu minsi ibiri ishije nibwo umubyeyi wa Ishimwe Innocent yatangaje ko yamaze kugeza ikibazo cy'umuhungu we kwa Perezida wa Repubulika nyuma y'uko abujijwe amahirwe yo kujya mu irerero rya Bayern Munich mu Rwanda.
Nk'uko byatangajwe na Sam Karenzi, uyu mubyeyi wa Ishimwe Innocent witwa Izabitegeka Innocent yagize ati 'Tuvuye Kacyiru kwa Perezida wa Repubulika kandi batwakiriye neza cyane twishimye, bambwiye ko bazaduhamagara mu minsi itatu! Nzaruhuka umwana wanjye abonye umwanya yatsindiye'
Nyuma y'aya makuru, RIB yahise ita muri yombi umubyeyi wa Ishimwe Innocent akurikwiranweho guhinduza ibyangombwa by'umuhungu we.
Ishimwe Innocent yajyanwe muri aba bana maze FERWAFA imwangira ivuga ko adafite ibyangombwa bigaragaza imyaka ye, yoherezwa mu Kigo gishinzwe Indangamuntu (NIDA) ngo amenye imyaka ye y'ukuri.
Nyuma yo kumenyeshwa ko Ishimwe atabaruwe, nyina umubyara yihutiye kujya kumubaruza ku Murenge wa Kinazi avuga ko yavutse ku wa 1 Mutarama 2010.
Nyuma byaje kugaragara ko ibyangombwa bya Ishimwe Innocent bidahura n'ibyanditse ku ifishi y'amavuko yatanzwe n'Ikigo Nderabuzima cya Rusatira aho yamubyariye kuko yo igaragaza ko yavutse ku wa 13 Ukwakira 2010.
Umuvugizi wa RIB, Dr. Murangira B Thierry yabwiye IGIHE dukesha iyi ko nyina amaze kwerekana icyemezo cy'amavuko muri FERWAFA yasabwe no kwerekana ifishi y'amavuko.
Ati 'Nyuma yo gusabwa ifishi y'amavuko, nyina wa Ishimwe Innocent, yegereye Umujyanama w'Ubuzima mu Mudugudu wa Rwambariro, Akagari ka Rubona mu Murenge wa Kinazi, aza kumuha ifishi y'amavuko y'impimbano yemeza ko Ishimwe yavutse tariki ya 1 Mutarama 2010 ngo bihure n'amatariki ari ku cyemezo cy'igihimbano Umukozi ushinzwe Irangamimerere mu Murenge wa Kinazi na we yari yamubaruyeho.'
Â
Umuturage witwa Bizimana Elie, arimo kurira ayo kwarika nyuma yaho umukomisiyoneri witwa Baganineza Theoneste amuhuje na Habiyambere Leonard avuga ko ari umukozi w'umujyi wa Kigali ukora mu kigo cy'ubutaka hamwe na Mutesa Patrick avuga ko ari umukozi wa RURA ndetse na Murindahabi Eric avuga ko ari umukozi w'uruganda rwa Sulfo ushinzwe Imari.
Aba bose bari bahuriye ku mugambi umwe , babeshya ko Sulfo ikeneye aho yagura ikibanza cya parking y'imodoka zabo RURA ngo imaze igihe ibihanangira ko zandagaye mu mihanda itandukanye ya Kigali.
Bizimana Elie yabwiye HANGA NEWS dukesha iyi nkuru ko, komisiyoneri Theoneste yabazanye bose bambaye ibirango by'ibigo bakoramo ntiyashidikanya yemera ko bagura ikibanza cye Miliyoni 320 Rwf, giherere mu murenge wa Gahanga, akarere ka Kicukiro, mu kagali Kagahanga, gifite UPI 1/03/01/10/4287.
Ikibazo nyamukuru ari nacyo ntandaro y'uburiganya bwakorewe Bizimana Elie, uyu mu komisiyoneri Theoneste yamubwiye ko amafaranga Sulfo izishyura ayuzuye we agomba kuba yabanje kubaha igihembo cyabo mbere bumvikanye gihwanye na Miliyoni 25.
Bizimana yagize ati: 'Nakomeje kureba kuri banki ko Sulfo yanyishyuye ngo mbahe igihembo cyabo nayabonye ndaheba, nabo bakomeza kuntitiriza ngo ntabahaye ayabo mbere Dosiye yarangije gukorwa na noteri ntabwo yayishyikiriza Umusaza nyiri ruganda ngo asinyeho bakore transfer ntacyo ahawe, nibwo babwiye ngo duhirere kuri M. Hotel banyereke aho bigeze bikorwa'.
Bahuye, bazanye undi mugabo bavuga ko ari we noteri wa Sulfo, ati: 'Banyeretse Dosiye mbona yujuje neza iriho imyirondoro yanjye na madamu wanjye byuzuye, Niko kubwira ngo Miliyoni 25 zabo zitabonetse bidakunda kubera bacyeneye guha umukozi waje mu mujyi wa Kigali, uwa RURA n'abandi, Niko kwemera jya kuri banki ndabikuza amafaranga yose ndayabaha'.
Bizimana Elie, yakomeje avuga ko Ayo mafaranga amaze kuyabaha batangiye guhindura imvugo no kumukwepa , ndetse no kumutera ubwoba kugeza ubwo umwe mubakozi baje yiyise ko akora mu kigo cy'ubutaka mu mujyi wa Kigali yagarutse amwaka Andi mafaranga amuha Miliyoni imwe.
Ati: 'Habiyambere Leonard we yaciye inyuma aza kubwira ko akeneye Miliyoni akarangiza ibibazo afite, mubwiye ko ntayo mfite antera ubwoba ko Miliyoni 320 agiye kumpesha zihagarara, nibwo nayatse madamu ndayamuha twumvikana ko azayanyishyura igihe kigeze ndayabura aza kunyemerera cheques igihe kigeze nabwo ndayabura, cheques nyitezaho Kashi ndamurega ari naho namenye ko Bose ari abatubuzi n'imirimo bavuga ko bakora muri leta batazwi, mpita niyambaza RIB babiri barafatwa ubu barafunze hasigaye abandi bidedeshya.'
Hafunzwe umukomisiyoneri uwitwa Baganineza Theoneste na Habiyambere Leonard wiyitaga umukozi mu mujyi wa Kigali ukora mu kigo cy'ubutaka, harimo kwidedebya Mutesa Patrick wiyitaga umukozi wa RURA wanavuye Malawi atuburiyeyo abaturage, na Murindahabi Eric wiyitaga DAF wa Sulfo.
Ikigero yatanze muri RIB station ya Gahanga avuga ko umugenzacyaha witwa Chantal nawe yakoze ibintu bidasobanutse, ati: 'Naregeye RIB ibyaha 2, birimo Kwihesha ikintu cy'undi hakozwe uburiganya, na cheques itazigamiwe ndega Leonard Habiyambere, ariko Dosiye yageze mu bushinjacyaha ibirego yabitandukanyije nibyo naregeye bimwe bitarimo, kuko kimwe nareze cya cheques yaragitindije, ibaze ko nareze Tariki ya 9/10/2023 we ayiregera ubushijyacyaha Tariki ya 26/10/2023 nabwo bigeze ku mu shinjacyaha witwa Mukamwiza Daforoza kuva icyo gihe kugeza ubu ntabwo iyi Dosiye arayiregera urukiko ayimaranye Ukwezi kuko muri system ndayireba nkayibura'.
Uyu muturage Bizimana arimo gutabaza afite impungenge kuko abo yareze ibyaha bimwe barimo gukurikiranwa kuri kimwe ibindi byakuwemo kumpamvu atazi, ati: 'Theoneste na Leonard barafunze , banakatiwe iminsi 30 y'agateganyo, ariko uyu Leonard yarajuriye mfite impungenge ko yarekurwa ejo Tariki ya 27/11/2023 mu rukiko rwisumbuye rwa Nyarugenge kuri Dosiye umwe, Kandi naramurege ebyiri icyarimwe'.
Ikindi, nuko ngo uyu Leonard uvugwa bagiye kureba umushinjacha basanga Dosiye yaregewe igaragaza ko adafunze, ati: 'Ibi bintu ntibisobanutse, bakora Dosiye ko arimo gukurikiranwa ari hanze Kandi bazi neza ko afunze ari nabo bafite Dosiye ya mbere, niyo mpamvu nitabaje itangazamakuru ngo bimenyekane nanishinganishe umutekano wanjye uri mukaga, ejo Leonard arekuwe ashobora kungirira nabi hagamijwe kurigisa ibimenyetso.'
Dr. Murangira B.Thiery, umuvugizi wa RIB yabajijwe iby'iki kibazo cy'umuturage uvuga ko umugenzacyaha yaciyemo kabiri ibirego bye, aho yakiriye ibirego bibiri ariko we akaregera umushinjacyaha icyaha kimwe, atubwira ko hari ubwo bikorwa bitewe na Dosiye, gusa iyi case yatubwiye ko arimo kudushakira amakuru igihe yaza kuboneka twayashyira mu nkuru itaha.Umuvugizi w'ubushinjyacyaha, we ntacyo aradusubiza ku bibazo twamubajije bijyanye n'umwe mu bashinjacyaha uyu muturage avuga ko yakiriye ikirego Tariki 26/10/2023, akaba amaze Ukwezi atararegera urukiko iyi Dosiye, ntifuzaga kumenya niba byemewe n'amategeko, nagira icyo atubwira tuzabishyira mu nkuru itaha.
BIMENYIMANA Alex wo muri Kaminuza y'u Rwanda ni umwe mu bapfiriye mu mpanuka y'imodoka yaguye mu mugezi i Gakenke.
Umushoferi BIMENYIMANA Alex muri Kaminuza y'u Rwanda ishami ry'ubuhinzu, ubuvuzi bw'amatungo, CAVM yitabye Imana.
Uyu yaguye mu mpanuka yo mu karere ka Gakenke y'imodoka yari itwaye abantu batandatu yaguye mu mugezi, umwe ahita aburirwa irengero
Amakuru y'ibanze avuga ko iyi mpanuka yahitanye babiri, undi ntaraboneka, batatu barimo kuvurirwa mu bitaro bya Nemba.