Author: webrwanda

Umumotari yagonze umugore wari uhetse umwana, polisi imufashe imubaza ibyangombwa basanga ntabyo afite ahubwo afite agakingirizo gusa

Mu murenge wa Gatsata ahazwi nko ku Kiliziya habereye impanuka, aho umumotari yagonze umugore wari uhetse umwana.

Uyu Mudamu ubwo yari ari kwambuka umuhanda nibwo motari yaturutse hirya ari kwiruka cyane aba aramugonze, umwana yari ahetse agwa hirya n'umubyeyi agwa ukwe.

Iyi mpanuka yabaye kuwa 2 Ukuboza 2023, gusa icyatangaje abantu cyane ni uko uyu musore aho gutunga ibyangombwa  yari yifite agakingirizo gusa.

Polisi ubwo yafataga uyu musore, yamwatse ibyangombwa, gusa azanye ikofi ye basangamo agakingirizo n'indangamuntu gusa.

Uyu mu motari yari atwaye moto ifite purake ya RF 935 N. Ndetse yari atwaye atambaye kasike.

Source : https://yegob.rw/umumotari-yagonze-umugore-wari-uhetse-umwana-polisi-imufashe-imubaza-ibyangombwa-basanga-ntabyo-afite-ahubwo-afite-agakingirizo-gusa/

Mu muhanda uva Sonatibe werekeza i Remera, imodoka yari itwaye abageni yakoze impanuka aho yagonze abamotari bagera kuri 4 ndetse ikagonga n'inzu y'umutage.

Ubwo iyi modoka yagongaga abo bamotari, yahamije umwe , ndetse motari arakomereka naho uwo yari atwaye arangirika bikomeye. Kimwe na moto yangirintse kurushaho.

Amakuru ahari avuga ko muri iyo mpanuka, uwo mugenzi wari utwawe kuri moto ko ariwe wahasize ubuzima kuko yari ameze nabi cyane.

Amakuru akomeza avuga ko iyi mpanuka yatewe n'umuvuduko mwinshi imodoka yagenderagaho. Gusa ngo abari bari muri iyo modoka ntacyo babaye.

Source : https://yegob.rw/i-remera-imodoka-yari-itwaye-abageni-yakoze-impanuka-umwe-ahasiga-ubuzima/

Abakozi bakora isuku n'isukura mu kigo nderabuzima cya Mugina, Umurenge wa Mugina, Akarere ka Kamonyi bari bamaze amezi ane badahembwa, ibyishimo ni byose. Umuyobozi w'Ikigo Nderabuzima, Mutuyimana Vestine avuga ko amezi ane badahembwa abasigiye isomo. Ahamya ko yahagaritse amasezerano na Rwiyemezamirimo, ikigo kikaba aricyo gifite aba bakozi muri byose, ko kandi n'umushahara wabo uziyongera bakanahabwa ibyo amategeko agenera buri mukozi kugera igihe hafatiwe ibindi byemezo.

Umwe muri aba bakozi aganira na intyoza.com yavuze ko inkuru nziza yo kwishyurwa umushahara w'amezi ane bari bamaze igihe bategereje yabagezeho ndetse bakaba baramaze gushyikira aya mafaranga ku ma Konti yabo, bamwe baranakemuye tumwe mu tubazo twari tubakomereye.

Yagize ati' Ni ibyishimo kuri njyewe na bagenzi banjye kuko twari duhangayitse kubera kumara amezi ane dukora tutazi umushahara wacu. Bamwe muri bagenzi banjye bari barahisemo guhunga bajya gushakishiriza ubuzima ahandi kuko ubwo amezi yamaraga kuba abiri, abananiwe kwihangana bitewe n'ibibazo bari bafite kandi nta handi bakura bahisemo kujya gushakishiriza ahandi'.

Akomeza avuga ko aya mafaranga aje amusanga mu bibazo byinshi birimo amadeni, ko ndetse we na bagenzi be hari aho batari bagihinguka bitewe n'imyenda. Ahamya ko bagiye kubanza kugabanya amadeni, ugira utwo asigarana akatwifashisha asunika iminsi kugeza bashyizwe kuri gahunda nziza kuko ubu bari mu biganza by'ikigo.

Undi mukozi mugenzi we, ashima Ubuyobozi bw'Ikigp Nderabuzima kuko ngo nubwo ayo mezi yashize ari ane badahembwa, ngo bagiye bagaragarizwa ubushake bwo kubafasha mu buryo butandukanye kugeza ubwo ikibazo gikemutse. Ashima kandi itangazamakuru ryakoze ubuvugizi hakaboneka igisubizo mu gihe bari bihebye batazi iherezo.

Umuyobozi w'Ikigo Nderabuzima cya Mugina, Madame Vestine Mutuyimana avuga ko byari ngombwa guhemba abakozi, akizeza ko bitazasubira. Ati' Nibyo koko abakozi bakora isuku bahembwe. Byari ngombwa, ni ikintu cyari gikwiriye ko gikorwa, bari bababaye. N'undi wese wabyumvaga, yumvaga ko ari ibintu bimukora ku mutima ariko ubu ng'ubu ikibazo cyabo cyakemutse, twizera ko bitazapfa kongera kubaho, ku bwanjye nta n'ubwo byagombye kubaho'.

Avuga ko kimwe mu byari byabaye inzitizi yo kudahembwa kw'aba bakozi ari uko bari aba Kampani yatsindiye isoko ryo gukora isuku n'isukura muri iki kigo, ikaba ariyo ihembwa n'ikigo nayo igahemba abakozi, ariko kuko hari bimwe mu byo Kampani yari yasabwe kuzuza nti bikorwe, byabaye impamvu yo kumara amezi ane abakozi badahembwa kuko nk'ikigo kitari guhemba abakozi Rwiyemezamirimo atabyemeye.

Vestine, akomeza avuga ko mu buryo bugoranye bakomeje kuganira na Rwiyemezamirimo aza kugera aho yemera, atanga uburenganzira ko abakozi bahembwa, aribwo ikigo cyakoze ku mafaranga kimugomba kirabahemba. Bisobanuye ko namara kuzuza ibyo asabwa, azahembwa hakuwemo ayahembwe abo bakozi.

Avuga ko igihe cy'amezi ane bamaranye n'aba bakozi badahembwa ari isomo rikomeye nk'ubuyobozi bw'ikigo Nderabuzima bize kuko ngo gukoresha umukozi utishimye ari kimwe mubivuna umukoresha kuko haba ubwo ubwiye umukozi ikintu akora ntacyumve bitewe n'ibibazo aba afite.

Ati' Gukoresha umukozi utishimye nibyo bintu bya mbere bivuna umukoresha kuko icyo umubwiye cyose ntacyumva, aba abona umubangamiye kandi niko kuri nta nubwo njye namurenganya kuko ntabwo umuntu yaba atariye wowe uzi neza ko umwana wawe yariye cyangwa wowe wariye ngo umubwire ngo nakore ibyo umuntu udafite ikibazo asanzwe akora ngo agikore neza'.

Nyuma y'uko icyasaga n'igihu kivuyeho, abakozi bagahembwa, uyu muyobozi avuga ko yizeye impinduka zifatika n'imikorere inoze kuko amafaranga bayabonye kandi bakaba bazakomeza guhembwa neza kuko isoko bamaze kurikura mu maboko ya Rwiyemezamirimo, aho ikigo Nderabuzima aricyo ubu gifite mu biganza aba bakozi kuzageza igihe hafatiwe ibyemezo bishya, niba bashaka undi Rwiyemezamirimo cyangwa se ikigo kigakomeza izi nshingano, abakozi bagafatwa nk'abikigo muri byose.

Mutuyimana Vestine, nk'umuyobozi w'ikigo Nderabuzima cya Mugina ashimangira ko guhera mu kwezi kwa cumi aribwo amasezerano na Rwiyemezamirimo yaseshwe. Ahamya ko mu gihe hataratangwa irindi soko abakozi ari ab'ikigo Nderabuzima kandi ko biteguye kugira icyo babongerera ku mushahara kuko ibihumbi 25(25,000Frws) bahembwaga yari make cyane. Ahamya kandi ko n'ibindi byose biri mu byo umukozi yemererwa n'amategeko bazabigenerwa.

Munyaneza Theogene

Source : https://www.intyoza.com/2023/12/03/kamonyi-mugina-akanyamuneza-kagarutse-ku-bakozi-bari-bamaze-amezi-ane-badahembwa/

Mu ijoro ryakeye , nibwo Kiyovu Sports yanganyije na APR FC igitego kimwe kuri kimwe, mu mukino wa shampiyona w’umunsi wa 12. 

Uyu mukino Kiyovu Sports yari yakiriye, urangiye Perezida wayo yabwiye itangazamakuru ko harimo bamwe bahabwa amafaranga bakavuga ikipe nabi.

Yagize Ati “Ikipe se ikina gutya ifite ikihe kibazo, ni amagambo ko n'ababyihishe inyuma tubazi ariko nta byacitse nta gikuba kiri muri Kiyovu Sports.”

“Ababikora ni benshi, abo duhanganiye igikombe ni benshi, abaduteza itangazamakuru namwe murabazi ntihari ababaha amafaranga ngo mutuvuge se? Abayabaha bakomeze bayabahe, nk'iyo muvuga ngo Kiyovu imaze amezi 3 idahembwa, muzanyumvishe ijwi ry'umukinnyi wa Kiyovu Sports avuga icyo kintu.”

Yavuze ko kandi impamvu Niyonzima Olivier Seif na Mugunga Yves batajyanye n'abandi mu mwiherero bari basabye uruhushya kubera impamvu z'umuryango bavuga ko bajyayo mu gitondo cyo ku wa Gatandatu kandi babikoze.

Yavuze ko kandi ibi byose bituruka mu batishimiye ko habayeho impinduka mu buyobozi bwa Kiyovu Sports.

Ati “Urabona guhinduka k'ubuyobozi muri Kiyovu Sports byaratunguranye, ndetse benshi ntibatekerezaga ko byashoboka ariko hahindutse byinshi muri Kiyovu, ntekereza ko ari bamwe mu babyihishe inyuma.”

Yongeye kuvuga ko nta mukinnyi n'umwe uri hejuru ya Kiyovu Sports.Ati “Kiyovu Sports ni ikipe nini nta mukinnyi wakwifata ngo yigire uko ashaka, uretse n'umukinnyi nanjye ntacyo ndicyo ku buryo nakwikomanga ku gatuza, Kiyovu Sports ni ikipe yo kubahwa n'abayikinamo bagomba kuyubaha.”

Mbere y’uyu mukino, hari havuzwe byinshi birimo no kuba abakinnyi bari babwiye umutoza ko batazakina mu gihe badahawe amafaranga nibura y’ukwezi kumwe, mu mezi 3 babareyemo.

Yemeje ko hari abanyamakuru bahabwa amafaranga ngo basebye Ikipe 

Muri Kiyovu Sports  hamaze iminsi havugwa  ikibazo cy’amadeni Ikipe ibereyemo abakinnyi 

Source : https://inyarwanda.com/inkuru/137181/perezida-wa-kiyovu-sports-yemeje-ko-hari-abanyamakuru-bahabwa-amafaranga-ngo-basebye-ikipe-137181.html

Abafana ba APR FC batakambye basaba ko umutoza Thierry Froger yakwirukanwa kuko nta hazaza h'iyi kipe babona.

ibi babivuze nyuma yo kunganya na Kiyovu Sports igitego 1-1.

Umva amagambo yavuzwe n'abafana ba APR FC.

Source : https://yegob.rw/mfite-ishyamba-i-huye-ndarigurisha-ariko-uyu-mutoza-atuvire-mu-ikipe-abafana-ba-apr-fc-bariye-karungu-reba-amashusho/

Kuva yagera kuri ku rubuga rwa YouTube mu 2015 , Harmonize yujuje Miliyari z'abarebye ibihangano bye byose amaze gushyira kuri Youtube Channel ye [Harmonize].

 

Rajab Abdul Kali [Harmonize] akaba nyiri Konde Gang,  yiyunze ku bandi bahanzi bo muri Afurika y'i Burasirazuba bujuje Miliyari za Views kui  YouTube Channl zabo.Aka ni agahigo aciye akurikiye abarimo ; Diamond Platnumz, Rayvanny , Burna Boy n'abandi.

 

Ibihangano bye bigera kuri 914 byarebwe n'abantu 1,007,628,607 [ Gukomeza].Uyu muhanzi kandi yujuje abamukurikira bangana na Miliyoni 4.29 [Subscribers] bituma aba umwe mu byamamare bikurikirwaa cyane kuri iyi website ya YouTube muri Afurika y'Iburasirazuba.

Mu kwezi kwa Ukwakira 2023 nibwo Rayvanny yaciye aka gahigo katari kacibwa n'Umunyarwanda n'umwe nawe yuzuza Miliyari za Views kuri YouTube.Uyu muhanzi yashyize hanze ubutumwa ashimira abafana be batumye abigeraho.

 

Burna Boy yabaye icyamamare cya mbere cyaciye aka gahigo muri Afurika yo munsi y'Ubutayu bwa Sahari nyuma ya Diamond Platnumz,Kugeza ubu Burna Boy yarebwe n'abantu  2,497,646,088 [Views]  mu gihe amashusho ya Diamond amaze kurebwa n'abantu 2,371,999,820 [views].

 

Burna Boy yageze kuri YouTube tariki 13 Mutarama 2018 , Diamond ageraho tariki 12 Kamena 2011.

 

The post Umuhanzi Harmonize yaciye agahigo gakomeye muri Afurika appeared first on The Custom Reports.

Source : https://thecustomreports.com/umuhanzi-harmonize-yaciye-agahigo-gakomeye-muri-afurika/

Si umwe cyangwa babiri, ahubwo Isi ifite abaraperi benshi baturuka mu bihugu bitandukanye bagiye banyura mu gisirikare bakitangira ibihugu byabo. Muri abo, hari ababaye abasirikare mbere yo kwinjira mu muziki, ndetse n'abinjiye igisirikare ari n'abaraperi icyarimwe.

Rimwe na rimwe, usanga abantu bibeshya ko abahanzi bose babeshejweho n'umwuga umwe wo kuririmba. Nubwo hari abavuga ko babeshejweho nawo gusa, ariko na none hari n'abandi usanga bafite indi mirimo bakora ku ruhande, ibabyarira inyungu cyangwa bakora kuko bayikunze.

Uyu munsi, Inyarwanda yagutoranirij abaraperi barindwi bakomeye bigeze kubaho abasirikare ku bw'impamvu zitandukanye mbere y'uko baba ibimenyabose mu ruganda rwa muzika ndetse na nyuma yaho.

Nubwo bigoye kwiyumvisha uburyo abakora umuziki by’umwihariko mu njyana ya Hip Hop bashobora kwisanisha n’amategeko ari ku murongo aba mu gisirikare, hari abashoboye kubihuza byombi cyangwa se bakabanza kimwe bagakurikizaho ikindi kandi byose bakabikora neza kinyamwuga.

1.     Shaggy

Mbere yo kuzuza imyaka 20 mu 1988, Shaggy yinjiye mu gisirikare cya Leta zunze ubumwe za Amerika. Uyu muraperi w'umunya-Jamaica-Amerika yari amaze umwaka umwe ageze muri Amerika, aho yahise atangira kugerageza gusunika umwuga we w'ibijyanye na muzika. Abuze akazi, Shaggy yahisemo gukora ikintu cyatanga umusaruro wisumbuyeho maze yinjira mu ngabo za Marine. Yabaye mu gisirikare mu gihe cya 'Gulf War' maze azamuka mu ntera aba kaporali wo mu rwego rwo hejuru. Amaze kuva muri 'Marines,' yasohoye imwe mu ndirimbo yakunzwe cyane yise 'Oh Carolina,' mu 1993.

2.     Canibus

Uburyo Canibus yinjiye mu gisirikare ntibusanzwe kuko yabaye umusirikare nyuma y'uko abaye umuraperi.

Nyuma yo kumurika album ye ya mbere ku giti cye, yatangiye gukora ibidasanzwe mu mpera za 90, akomeza kubikora kugeza muri 2002, ubwo yinjiraga mu buryo butunguranye mu gisirikare cy'Amerika. Mu kiganiro yagiranye na Bootleg Kev Podcast muri 2021, Canibus yasobanuye uko yinjiye mu gisirikare.

Yatangaje ko yirebye akabona aracyari muto ku buryo akwiye gukora itandukaniro, maze ajya mu gisirikare, akora imyaka ibiri mbere yo gusezererwa kubera kunywa itabi rya marijuwana.

3.     Freddie Gibbs

Mu myaka ye y’ubuto, umuraperi w’umuhanga Freddie Gibbs yagiye yumvikana ..mu bibazo kenshi. Nubwo yinjiye muri kaminuza ku  nguzanyo y'ibijyanye na siporo, uyu muraperi yirukanwe mbere y'uko arangiza. Nyuma yaho, afite imyaka 19 gusa, yajyanwe mu rukiko kubera ubujura no gukoresha imbunda.

Nubwo icyo gihe yari inyeshyamba, Gibbs yagombaga gukurikiza amategeko mu gihe yabaga ahanganye no kwikura mu bibazo nk'ibyo. Kubera iyo mpamvu, kugira ngo yirinde gufungwa, yinjijwe muri porogaramu ibanziriza urubanza yari iyobowe n'ingabo z'Amerika. Icyakora, hashize amezi umunani, Gibbs yaje kwirukanwa azira ko yafashwe anywa urumogi.

4.     No Malice

Nyuma yo kurangiza amashuri yisumbuye, uyu muraperi ntiyari azi neza ejo hazaza he, n'uburyo akwiye kuhacunga. Nk'umuntu witeguraga kwibaruka, No Malice yagombaga kugira icyo akora kugira ngo abone amafaranga, kandi cyagombaga kuba ikintu gifatika cyamufasha kwita ku muryango we wari utangiye kwaguka.

Mu kiganiro yagiranye na MTV News muri 2015, uyu muraperi yagize ati: “Nashakaga ikintu gifatika cyo gukora. Nari nkikeneye, ikintu cyagombaga kumpa amafaranga, nakwishingikirizaho.

Byamfashije kandi kujya ku ishuri niga umwuga.' Nyuma yaho, yabaye umwe mu ngabo za Amerika ndetse akora manda y'imyaka ibiri n'igice. Nyuma yo kuva mu gisirikare, yahise ajya gutangiza 'Clipse' mu 1992, itsinda rya Hip hop yari ahuriyemo na Pusha T.

5.     Nate Dogg

Nyakwigendera 'King of Hook,' Nate Dogg ari ku rutonde rugufi rw’abaraperi bakoze igisirikare. Yabaye umusirikare afite imyaka 17 y'amavuko, ubwo yahagarikaga amashuri yisumbuye. Icyo gihe, yavuye mu mujyi yavukiyemo maze yinjira mu gisirikare cya Marine. Nyuma yaho, yaje kujyanwa muri Okinawa mu Buyapani, aho yakoreye imyaka ine. Nubwo impamvu itabashije kumenyekana, Nate Dogg yasezerewe mu gisirikare ari mu mwaka wa kane w’akazi.

6.     MC Hammer

MC Hammer ni umwe mu baraperi bazwi cyane wigeze kuba umusirikare.Yinjiye muri Navy muri Amerika maze aba inararibonye. Nubwo nyuma yaje kwamamara ku Isi yose abifashijwemo n'umuziki we, MC Hammer yabaye umusirikare mwiza w'ingabo zirwanira mu mazi.

Yakoranye umwete ubwo yabarizwaga mu ngabo zirwanira mu mazi mu gihe cy'imyaka itatu, agera ku ntera ya Ofisiye muto wo mu cyiciro cya gatatu. Nyuma, yasezerewe mu cyubahiro kandi kuva icyo gihe yibanda ku muziki.

7.     Ice-T

Umukambwe muri Hip Hop, Ice-T yabaye mu gisirikare cya Amerika imyaka ine mbere yo guhinduka icyamamare kubera muzika ye. Nyuma yo kwibaruka umukobwa, uyu muraperi yinjiye mu gisirikare mu 1977 ku bw'inyungu z'amafaranga. Nyuma yaho, yashinzwe mu mutwe wa 25 w'abasirikare mu myaka ine yakurikiyeho. Igihe yari ari mu Gisirikare, Ice-T yazamuwe mu ntera ashyirwa mu cyiciro cya mbere cyigenga.

 

Source : https://inyarwanda.com/inkuru/137177/bayobowe-na-shaggy-abaraperi-7-bigeze-kubaho-abasirikare-137177.html

Kalisa Ernest wamenyekanye nka Samusure muri filime nyarwanda yatangaje ko yatekereje kwiyahura agashyira iherezo ku buzima bwe, nyuma yo kubura igisubizo cy'ikibazo cy'amadeni yari afite nyamara Imana igakinga ukuboko.

Yatangaje ko yatekereje kwiyahura agapfa aho kwibona yandavura,nyuma Imana ikamutumaho umuvugabutumwa, akamubwira ko ibitekerezo afite akwiye kubirenga, kuko Imana imufiteho umugambi mwiza.

Ati ' Nigeze kubitekerezaho Imana intumaho umuvugabutumwa ntazi aho aturutse, araza ambwira ko ibitekerezo mfite atari ibyo, Imana imfiteho umugambi mwiza',

“Mvuze ko ntashatse kwiyahura naba mbeshye kuko narabiteguye, muri iyo minsi haza umuhanuzi amapanurira ko Imana inkunda kandi ko umwuka mubi wo kwiyahura ndi kuwuterwa na Sekibi”.

Samusure yakiriye agakiza nyuma  yo kureka kwiyahura binyuze mu muvugabutumwa Imana yamutumyeho

Yatangaje ko guhunga kwe byatanze umusaruro urimo kwitekerezaho no gushaka umuti w'ibibazo afite kuruta kwiyambura ubuzima.

Samusure yatangaje ko ibibazo yahuye nabyo byamusigiye isomo rikomeye mu buzima bwe nko kumenya abantu no kubasobanukirwa, bityo akamenya n’uko akwiye kubana nabo, kuko benshi bitambitse ubufasha bwe, aho kumufasha nk'inshuti.

Ibi abitangaje nyuma yo gutangariza InyaRwanda.com ko  hari  abantu bashatse kwivanga muri gahunda ye yo gufashwa bavuga inkuru zo kumusebya, bigatuma bamwe bashidikanya ku bunyangamugayo bwe.

Samusure yagize ati ' Hari abantu bagiye bitambika iyi gahunda yo kwaka abantu ubufasha barimo ibinyamakuru cyane cyane abakora kuri YouTube zigitangira kuko bifuza gukurura abantu, ariko bagasanga kuvuga nk'ibyo abandi bavuga bigoye, bagahitamo guhimba izindi nkuru kugirango bakurure abantu.

Uyu mukinnyi wa filime atangaza ko asigaje amafaranga make  ukurikije ayari akenewe kugirango hishyurwe ideni ndetse ko abishimira Imana.

Samusure wakiriye agakiza ageze mu Gihugu cya Mozambique, atangaza ko yahindutse mushya, Imana ikamwiyereka mu bihe bitari bimworoheye.

 

Source : https://inyarwanda.com/inkuru/137180/uko-samusure-yari-agiye-kwiyahura-imana-igakinga-akaboko-137180.html

Diamond Platnumz yagiye avugwa mu binyoma byinshi by'urukundo n'umubano udahari kugeza ubwo benshi bemeje ko ari mu rukundo atarimo. Muri iyi nkuru urasobanukirwa.

Tariki 29 Werurwe 2022 nibwo hasohotse ifoto ya Diamond Platnumz ari gusomana na Zuchu maze ibinyamakuru birandika karahava bamwe bati :' Diamond Platnumz na Zuchu baciye amarenga y'urukundo rwabo'.

Mbere y'aho gato, mu 2021 ku munsi wa Noheli Diamond Platnumz yasohokanye Zuchu biba inshuro ya mbere aba bombi bari baketsweho gukundana nyamara ari ibinyoma bo bari mukazi ariko hanze bakabifata nk'urukundo na cyane ko ntawe uzi amasezerano Zuchu yagiranye na Diamond Platnumz mbere yo kumwinjiza muri WCB.

Kuva uwo munsi kugeza ubu, akazi kabo gakorwa neza iyo hagize ikivugwa hagati yabo ariko kikazanwa na Zuchu kuko Diamond Platnumz atari yatobora n'umunsi n'umwe ngo avuge ko akunda Zuchu cyangwa ase ko bakundana.

Buri nkuru y'urukundo rwa Diamond na Zuchu , ibera mu gitaramo , hanze yacyo , mu myiteteguro yacyo cyangwa nyuma yacyo ariko nanone igatangizwa na Zuchu ubwe. Mu mwaka wa 2021 na 2022 ku itariki twagarutseho haraguru , havuzwe izo nkuru ariko nta n'umwe wigeze yemera ko bakundana na cyane ko bo bari baziko ari akazi.

Muri uyu mwaka wa 2022, Khadija Kopa , yaganirijwe na Wasafi Media , bamubaza niba yaba azi amakuru ya Diamond Platnumz na Zuchu ahakanira kure avuga ko ntayo azi , icyakora arenzaho ho hagize ayo amenya atabura kubashyigikira na cyane ko ari we wagejeje Zuchu kwa Simba.

Tariki 14 Gashyantare 2022 ku munsi w'abakundana nabwo Diamond Platnumz yagaragaye afatanye agatoki na Zuchu. Ubwo bari mu gitaramo Zuchu arimo kuririmba, yegereye Diamond Platnumz amusanze mu bafana, baririmbana indirimbo bafitanye nanone byongera kugaragara ko bombi bahuzwa n'akazi ariko bakabikora mu buryo butuma abantu bavuga.

INKURU Z'URUKUNDO Z'IMPIMBANO KURI DIAMOND

1. Diamond Platnumz yasomanye na Fantana umunyamakuru mu kiganiro Young Famous African Reality Show , bica igikuba.Aha Zuchu wari uhanzwe amaso yitwaye nk'ubabaye ariko nyuma yemeza ko adakundana na Diamond ndetse avuga ko yemerewe gukora ibyo ashaka.

Aha Diamond Platnumz yari mukazi kuko yari mu kiganiro asanzwe akora, muri Afurika y'Epfo.Uyu muhanzi ubusanzwe asanzwe akorana nacyo kandi yagombaga gushaka ibyo kugicishaho.

2.Diamond Platnumz na Tanasha Donna bongeye kuvugwa mu rukundo : Ibi byaje nyuma y'isabukuru y'amavuko ya Diamond na Nasib Junior umuhungu yabyaranye na Tanasha Donna.

Muri iyi nkuru Mama Dangote ubyara Diamond Platnumz yavuzweho gushaka kongera gushyingira umwana we Donna ngo ashaka kwihimura kuru Zuchu bivugwa ko amwanga.

3. Ku isabukuru y'amavuko ya Zuchu, Diamond Platnumz, yateguye filime , igice cya 3 cy'ikiganiro Young Famous African Reality Show, asohokana Zuch benshi bati ni urukundo kandi nyamara ari akazi.

Diamond Platnumz, Zari Hassan , Zuchu na Shakib , bahujwe na Young Famous African Reality Show, baraganira.

Diamond Platnumz ari gushyirwa ku gitutu cyo kurongora Zuchu ku gahato ubanza baramumushyingiye atabizi

Nta mpeta yambikanye ! Diamond Platnumz ari gukorera amafaranga muri Young Famous African Reality Show abandi bakabyita urukundo

The post Ibinyoma 5 byavuzwe kuri Diamond Platnumz mu minsi mike ishize appeared first on The Custom Reports.

Source : https://thecustomreports.com/ibinyoma-5-byavuzwe-kuri-diamond-platnumz-mu-minsi-mike-ishize/

Rayon Sports WFC yanyagiye ikipe ibitego 8 yikura mu kibuga amaguru iyabangira ingata.

Umukino wa Shampiyona y'umupira w'amaguru y'icyiciro cya mbere mu bagore, wahuje Rayon Sports na Freedom yo mu Gakenke warangiye ku munota wa 35′

Freedom yari imaze gutsindwa 8-0 yikuye mu kibuga ivuga ko Abanyezamu bayo bose bari bamaze kuvunika.

Muri rusange Freedom ifite abakinnyi 12 bafite ibyangombwa byo gukina shampiyona, harimo Abanyezamu 2 baje kuvunika.

Source : https://yegob.rw/rayon-sports-wfc-yanyagiye-ikipe-ibitego-8-yikura-mu-kibuga-amaguru-iyabangira-ingata/