Author: webrwanda

U Rwanda, ni igihugu gikataje mu iterambere kandi kigenda kibigaragaza mu nzego zitandukanye uko bwije n'uko bukeye. Muri uyu mwaka, igisata cy'imyidagaduro muri rusange cyaranzwe n'ibihe byinshi bidasanzwe mu mateka y'u Rwanda.

Muri uyu mwaka kandi, ababarizwa mu ruganda rw'imideli bakoze ijoro n'amanywa bitewe n'ibikorwa byinshi byawubayemo bigatuma akazi kiyongera.

Dore ibihe bidasanzwe 10 byaranze imideli mpuzamahanga mu 2023 InyaRwanda yaguhitiyemo uyu munsi:

1.     Imyambarire ya Miss Universe 2023

Kuva Mitchel Ihueze yagera muri EL Salvador mu marushanwa ya Miss Universe 2023, yagaragaje itandukaniro mu myambaro ye yihariye yo muri Nigeria. Amarushanwa ageze ku musozo, uyu mukobwa yashyize imyambarire ye ku rundi rwego maze ahuza ibintu by’ibanze byarangaga abamikazi 3 bazwi cyane bagize uruhare rukomeye mu ruganda rw'imideli muri Nigeria.

Yahuje kandi imyambaro y'abakozi b’umwamikazi Moremi na mask y'umwamikazi Idia, mask yateje impaka mu gitaramo cya Rema yakoreye kuri 02 Arena, hamwe n’igitambaro cya Amina, Umwamikazi wa Zazzau.

2.     Imyambarire ya Rihanna muri Super Bowl 2023

Atwite, umuhanzikazi Rihanna yatambutse ku rubyiniro mu myambaro myiza itukura, mu birori bya Super Bowl 2023. 

Kubera ukuntu iyi mbambarire yakunzwe n'anatari bake, nayo ntishobora kwibagirana mu byaranze imideli muri uyu mwaka.

3.     Doja Cat muri Schiaparelli’s Paris Fashion Week show

Umuraperikazi yihariye ibirori byo gusoza icyumweru cyahariwe imideli i Paris, ubwo yahasesekaraga yisize irange ry'umutuku umubiri we wose kuva ku mutwe kugera ku birenge.

4. Imyambarire idasanzwe ya Gigi Hadid muri Jacquemus

Kimwe mu bihe bitazibagirana mu Isi y'imyambarire muri uyu mwaka ni uku kwamamaza kwa Jacquemus kwamamaye aho Gigi Hadid yakorewe imyambaro kugira ngo agaragare neza cyane mu rwego rwo kwitegura kwerekana imideli yabo ‘ChouChou’ muri Kamena.

5.     Imyambarire ya Beyoncé muri Renaissance Tour

Uretse imyambarire ihanitse ya Taylor Swift muri 'Eras Tour,' umuhanzikazi Beyoncé nawe yaciye impaka yambara imyambaro yihariye mu bitaramo yise 'Renaissance Tour.'

6.     Rawdah Mohamed mu iserukiramuco rya sinema rya Cannes

Umunyamideli wavukiye muri Somalia,Rawdah Mohamed yatambutse ku itapi itukura mu mwambaro umeze nk'uwabageni ariko na none wihariye, mu iserukiramuco rya sinema rya Cannes ryabaye muri uyu mwaka.

7. Imigaragarire ya Margot Robbie muri filime ya 'Barbie'

Imyambire n'imigaragarire ya Margot Robbie mu itangizwa rya filime yakunzwe cyane muri uyu mwaka yiswe 'Barbie,'nayo iri mu bidasanzwe byaranze imideli mu 2023.

8. Imyambarire idasanzwe y'abitabiriye Met Gala 2023

Mu byamamare byatambutse mu myambarire idasanzwe ku itapi itukura harimo, Rihanna n'umugabo we A$AP Rocky, Camilla Morrone, Anne Hathaway, Anok Yai, Michaela Coel n'abandi.

9. Imyambarire y'ibyamamare byitabiriye itangwa ry'ibihembo bya VMAS 2023

Bimwe mu bihembo bya muzika bikomeye ku Isi, byitabirwa n'ibyamamare bitandukanye. Mu birori by'uyu mwaka, ibyamamare byari byambaye mu buryo  butangaje harimo umuraperikazi Nicki Minaj, Selena Gomez, Shakira, Doja Cat, Megan Thee Stallion, Cardi B, Demi Lovato, Selena Gomez, Ashanti, Nicky Hilton n'abandi benshi.

10. Imyambaro ya 'Made in Rwanda' muri Trace Awards 2023

Ibori bidasanzwe biherutse kubera i Kigali mu Rwanda byatangiwemo ibihembo bya Trace, byasize byerekanye ko urwego rw'imideli mu Rwanda rumaze kugera ku yindi ntera. Muri ibi birori byamaze iminsi ibiri, ndetse n'ibindi birori mpuzamahanga byabereye mu Rwanda muri uyu mwaka, haba anayarwanda n'abanyamahanga bose bagiye bagaragara bambaye imyambaro yakorewe mu Rwanda kandi myiza mu buryo bwihariye.

Bimwe bagize uruhare runini mu kwiheba bituruka ku kwitabira ibirori kenshi ni umunaniro rusange. Guhora uhura n'ibitera imibereho nta gihe gihagije cyo gutekereza kugiti cyawe bishobora gutera umunaniro. Gusabana cyane muri ibi birori bisaba imbaraga n'ishoramari ry'amarangamutima. Iyo ibi bihindutse mu buzima bw'umuntu, bishobora kuvamo kunanirwa mumarangamutima, no kumva urenze bityo munaniro nk'uwo ugira uruhare mu iterambere ry'ibimenyetso byo kwiheba.

Mu birori akenshi abantu muhura ntago ariko bose muba mwari muziranye cyangwa mugabwe mwisanzuranaho rero kwitabira ibirori byinshi bishobora kwerekana umuntu kugiti cye, ariko ntibishobora guteza imbere amasano yimbitse. Hatariho umubano nyawo, abantu bashobora kumva ko bari bonyine nubwo bari muri benshi. Uku kubura guhuza kwukuri n'abantu muri kumwe gushobora kugira uruhare mubyiyumvo byo kwigunga no kwiheba.

Kwitabira kenshi ibirori bishobora guhungabanya ibitotsi na gahunda za buri munsi. Gahunda yo gusinzira idasanzwe hamwe n'ingeso zidahuye buri munsi bizwi ko bigira uruhare mukwiheba. Kubura ikiruhuko gikwiye bigira ingaruka kumyumvire, imikorere y'ubwenge, no kumererwa neza mumutwe bitewe n'uko akenshi ibirori bikunze kuba mu masaha y'ijoro. Iyo ibirori bihungabanya ibitotsi bisanzwe na gahunda z'umunsi ugabwe ugira, bitera kumva wihebye.

Kwitabira ibirori akenshi bitwara amafaranga, uhereye ku mafaranga y'ingendo kugeza ku kugura imyenda n'impano. Ibibazo by'amafaranga bijyana no gukomeza imibereho ikora neza bishobora kugira uruhare mu guhangayika aho utangira kwibaza cyane uburyo ugomba kujya muri ibyo birori ntacyo witwaje imyambarire iri bukurange n'ibindi, bikarushaho kugora imikorere y'ubwonko. Umuvuduko wo kugendana n'ibyifuzo byimibereho ishobora gutuma abantu bakoresha ibirenze ubushobozi bwabo, bakongeraho urundi rwego rwimpungenge mubuzima bwabo aho ibi byose yongera kubitekerezaho cyane bucyeye bwaho.

Bityo rero kwitabira ibirori byinshi bitari ngombwa bishobora gutera ibi bibazo twavuze nk'ihungabana binyuze mu guhuza n'abo bari kumwe, guhungabanya ibitotsi na gahunda, hamwe n'ubukungu. Si byiza kwiyumvamo ko buri kirori cyose kije ukabona kirimo n'abantu ukunda cyane udakwiye gutwarwa n'ayo marangamutima ahubwo ugabanye ndetse no guhitamo bicye by'ingenzi,kwiyitaho no gushyira imbere ubuzima bwiza mumutwe nintambwe zingenzi muguhashya ingaruka mbi ziterwa no kwitabira ibirori bikabije kubuzima bwo mumutwe.

Source,Lotus Medical center

Suite 4, 200 Sydney Road Brunswick VIC 3056

Ku wa 23 Ukuboza 2023, umuhanzi Mugisha  Benjamin wamamaye nka The Ben yakoze ubukwe n’umukunzi we Uwicyeza Pamella wamenyekanye cyane mu marushanwa y’ubwiza (Miss Rwanda) mu mwaka wa 2019.

Mu muhango wo gusezerana imbere y’Imana, The Ben yaserutse yambaye umusatsi w’umukorano bitadukanye n’umusatsi yari asanzwe afite. Ni umusatsi wambarwa iyo umuntu agiye mu birori cyangwa se agiye gufata ifoto kugira ngo izabe imeze neza cyane.

Ni umusatsi wateje impaka ku mbuga nkoranyambaga buri wese avuga uko abishaka cyane ko nta makuru arambuye abantu benshi bari bafite kuri uwo musatsi yewe bamwe bakawusebya kuko batazi agciro kawo ndetse n’icyubahiro uyu musatsi ufite.

Uyu musatsi ubusanzwe wambarwa n’abagabo, urimo ibyiciro byinshi bitandukanira ku ibara ry’umusatsi, imiterere y’umusatsi, ingano y’umusatsi ndetse n’agaciro k’umusatsi. Nubwo byaterwa n’aho wawushyirishijeho, twagerageje kumenya agaciro k’uwo musatsi.

Umusore umaze kuba ubukombe mu gutunganya imisasti haba ku bagabo ndetse n’abagore, Wa Muniga ukorera mu mujyi wa Kigali, twamubajije agaciro uyu musatsi waba uhagaze mu gihe umuntu yaba agiye kuwishyirishaho muri Salon ye atubwira ko bigendera mu byiciro.

Wa Muniga yabwiye InyaRwanda.com  ko muri Salon ye uwa make uba uhagaze amafaranga 50,000 Frw hanyuma waba ushaka umusatsi mwiza kurusha ukishyura agera ku 300,000 Frw.

Iyi misatsi yombi aho itandukanira, ni uko uwa make biba bigaragara cyane ko ari umuterano gusa ku musatsi wa menshi ntabwo abantu bakunze kumenya niba koko ari umuterano cyangwa ari karemano.

Nagize ngo ni uko yanditse izina akaba yahenda, nkubita ijisho ku rubuga rwa Amazon rucururizwaho ibintu bitandukanye nsanga umusatsiw’abagabo b’abirabura uhagaze $250 ni ukuvuga akabakaba 300,000 Frw.

Ikindi cyo kumenya kuri uyu musatsi bigaragara ko wambarwa n’ufite ikofi ijegajega, ni uko wambarwa rimwe gusa ubundi ukaba urangije akazi kawo. Akenshi wambarwa n’abantu bagiye mu birori cyangwa bagiye gufata ifoto. 

Mu gushyira uyu musatsi ku mutwe, ntabwo biba ngombwa ko buri gihe aba awambaye nk’ingofero ahubwo uko amafaranga yiyongera niko barushaho gushyira ku mutwe ibimatira ku buryo umusatsi ufata cyane nta kibasha kuwukuraho kereka ari ubushake bw’uwawushyizeho.

Bamwe mu bantu bafite uruhara,umusatsi utereye kure kandi bifuza kugaragara neza nibwo buryo bwiza kandi bwihuse bakunze gukoresha kugira ngo base neza mu gihe runaka hari iyo bagiye gukora.

The Ben siwe cyamamare gusa waserutse yambaye umusatsi w’umukorano kuko abarimo Charlie Sheen, Jon Cryer, Robert Pattinson. Daniel Craig, Jude Law, John Travolt ni bamwe mu byamamare by’abagabo bagiye baseruka bambaye umusatsi w’umukorano.

Mu bukwe bwe, The Ben yakoresheje umusatsi w’umukorano

Ni umusatsi wambarwa rimwe gusa kandi ukaba uhenze cyane

Ku wa Gatandatu nibwo The Ben yakoze ubukwe na Pamella

Ku wa mbere tariki ya 25 Ukuboza 2023 ajya muri BK Arena mu gitaramo cya Israel Mbonyi,  The Ben yari yakuyeho umusatsi we

Robert Pattinson yambaye umusatsi w’umukorano

Icyamamare mu gukina Film, Al Pacino ni umwe mu baryoheje ifoto yishyiraho umusatsi w’umukorano

 
Pat Sajack ukunzwe cyane kuri Televiziyo muri Amerika nawe yigeze kwishyiraho imisatsi y’imikorano. Si rimwe si kabiri akunze kwambara umusatsi w’umukorano

Izi nsina zatemwe n’iz’umuturage witwa Niyibizi Charles uyuye mu Kagari ka Basa mu Murenge wa Rugeroro, aho byabaye mu gitondo cyo kuri uyu wa Gatatu tariki 27 Ukuboza 2023.

Aya makuru kandi yanemejwe n ;Umuyobozi w’Akarere ka Rubavu, Mulindwa Prosper wavuze ko nyuma y’uko uyu muturage yononnye insina za mugenzi we, ubuyobozi bw’ibanze bwahise bumushyikiriza RIB.

Mulindwa Prosper avuga ko RIB yahise itangira gukora iperereza kugira ngo hamenyekane icyateye uyu mushumba gukora iki gikorwa, mu gihe ubuyobozi bw’ibanze bwo bwaganirije abaturage.

Yagize ati 'Tuzakomeza mu nteko z’abaturage zisanzwe ariko ubuyobozi buhegereye bwo buba bwahise bubikora.'

Mulindwa akomeza avuga ko kugeza ubu hataramenyekana icyateye uyu mushumba gukora iki gikorwa. Ati 'Ntabwo tuzi niba hari ikindi cyaba cyabimuteye, ariko hari abaturage bakora amakosa bashatse kunyura mu nzira za bugufi, kwiha ibitari ibyabo, guhimana, yatekereza umuntu wamukoreye ikosa agashaka kumwumvisha, ibyo bibaho ariko byose turabyamagana kandi tukigisha abaturaga.'

Uyu mushumba ukekwaho gutema insina z’umuturage, wagise atabwa muri yombi, ubu acumbikiwe kuri sitasiyo ya RIB ya Rugerero mu gihe hagikomeje iperereza.

UKWEZI.RW

Izi nshingano zahawe Clare Akamazi zatangajwe ku gicamunsi cyo kuri uyu wa Gatatu tariki 27 Ukuboza 2023, akazatangira kuzishyira mu bikorwa tariki 23 Mutarama umwaka utaha wa 2024.

Mu itangazo ryashyizwe hanze na NBA, rivuga ko Ishyirahamwe ry’uyu mukino, ryahaye Clare Akamanzi izi nshingano kubera ubunararibonye afite mu bijyanye n’imicungiro n’imiyoborere mu by’ubushabitsi n’ubucuruzi.

Iri tangazo rigira riti 'Muri izi nshingano, Clare Akamanzi azarushaho kugira uruhare mu guteza imbere ibikorwa bya NBA n’umukino wa Basketball ndetse no kwagura igikundiro cya Basketball muri Afurika.'

Clare Akamanzi wakuwe ku mwanya w’Umuyobozi Mukuru wa RDB mu mpera za Nzeri agasimburwa na Francis Gatare n’ubundi wahoze kuri uyu mwanya, asanzwe afite ubumenyi mu bijyanye n’ubucuruzi dore ko afite impamyabumenyi z’icyiciro cya gatatu yabyizemo muri Afurika y’Epfo no mu Buholandi.

Abaye undi Munyarwanda uhawe inshingano ku rwego Mpuzamahanga, yarahoze muri Guverinoma y’u Rwanda [Umuyobozi wa RDB aba ari umwe mu bagize Guverinoma y’u Rwanda], nyuma y’abandi banyuranye barimo Rwanyindo Kayirangwa Fanfan wagizwe Umuyobozi Mukuru Wungirije w’Umuryango Mpuzamahanga wita ku murimo (International Labor Organisation) n’Umuyobozi ushinzwe akarere ka Afurika.

Hari kandi Dr Mukeshimana Geraldine wahoze ari Minisitiri w’Ubuhinzi n’Ubworozi mu Rwanda, na we uherutse kugirwa Visi Perezida w’Ikigega Mpuzamahanga gishinzwe iterambere ry’ubuhinzi n’ubworozi, IFAD.

UKWEZI.RW

Ikipe ya As Kigali kuri uyu wa Gatatu, nibwo yakinnye umukino wo kwishyura mu ijonjora rya mbere ry’imikino y’igikombe cy’Amahoro 2023-24. Ni umukino As Kigali yakiriyemo Etincelles FC ndetse inayitsinda ibitego 2-0, ihita izamuka mu kindi cyiciro kugiteranyo cy’ibitego 3-0 mu mikino 2.

Nyuma y’uyu mukino abakinnyi ba As Kigali bashimiwe na Seka Fred usanzwe uyobora iyi kipe ndetse na Shema Fabrice ufatwa nk’umuyobozi w’icyubahiro w’iyi kipe.

Ubwo bari ku ruziga, Seka yemereye abakinnyi uduhimbazamusyi tw’imikino 2, bigendanye n’uko bitwaye. Seka Yagize ati” Nishimiye uko mwitwaye, ndetse amanota tubonye yari akenewe. Ndabizeza ko umwaka utaha tuzaba dufite ikipe irenze kuruta uko ubu tumeze nubwo ubu nabwo tutoroshye. Nituva hano, Bayingana araza kubareba abahe umwaka mushya, kandi barabaha uduhimbazamusyi tubiri.”

Nyuma y’iri jambo Shema Fabrice nawe yafashe umwanya agira Ati” Ntabwo ndibujye kure y’ibyo Perezida avuze nanjye nemeye uduhimbazamusyi tubiri.”

As Kigali uko itsinze umukino, ihabwa agahimbazamusyi k’ibihumbi 30 FRW. Ibi bivuzeko uduhimbazamusyi 4 tungana n’ibihumbi 120 FRW. 

Shema yari yishimiwe cyane n’abakinnyi ndetse n’abatoza b’ikipe ya As Kigali 

As Kigali yabonye itike y’icyiciro gikurikira mu mikino y’igikombe cy’Amahoro

“>