Author: webrwanda

Uyu Munyapolitiki wari warakatiwe igifungo cy’imyaka 15 ariko akarekurwa muri 2018 ku mbabazi za Perezida wa Repubulika, mu minsi ishize yavuze ko nubwo yakatiwe ariko agifite amahirwe yo kuba yazahatana mu matora ateganyijwe muri Nyakanga uyu mwaka.

Yagize ati 'Kuba narakatiwe n’inkiko mu 2011, ntabwo mfite uburenganzira bwo kwiyamamaza mu matora ayo ari yo yose, ariko kandi dufite n’itegeko rikuriraho umuntu ubusembwa. Ubu nkaba narasabye gukurirwaho ubusembwa, mu rukiko rubifite mu nshingano zarwo. Urwo rubanza rukaba ruzaba ku itariki ya 14 Gashyantare 2024, mfite icyizere ko igihe nikigera nzashobora kwiyamamaza mu matora tuzagira uyu mwaka.'

Yavugaga ko azagana inzego zibifitiye ububasha kugira ngo ahanagurweho ubusembwa, ubundi bimuhe ayo mahirwe, none koko yamaze kwiyambaza Ubucamanza.

Uku kwiyambaza Ubucamanza bw’u Rwanda, byanemejwe n’Umuvugizi w’Inkiko mu Rwanda, Mutabazi Harrison, wavuze ko ikirego cya Ingabire Victoire gisaba guhanagurwaho ubusembwa, cyakiriwe n’Urukiko Rukuru.

Mutabazi Harrison yagize ati 'Ni byo ikirego cye kirahari, yagitanze asaba ihanagurabusembwa, urubanza ruri 14 Gashyantare 2024.'

Uyu mugore wageze mu Rwanda muri 2010 avuye mu Buholandi, ubwo yavugaga ko aje kwandikisha ishyaka rye rya FDU-Inkingo [ntiryemewe mu Rwanda] ngo nab wo azabashe guhatana mu matora y’Umukuru w’Igihugu yari ateganyijwe muri uwo mwaka.

Icyo gihe yahise atabwa muri yombi kubera ibyaha yahamijwe bishingiye ku magambo akarishye arimo ayo yavugiye ku Rwibutso rwa Jenoside rwa Kigali, aho muri 2013 Urukiko rw’Ikirenga rwamukatiye igifungo cy’imyaka 15 nyuma y’ubujurire yari yatanze ku cyemezo cy’Urukiko Rukuru rwari rwamukatiye gufungwa imyaka umunani.

Nyuma y’uko afunguwe muri 2018 ku mbabazi za Perezida, uyu munyapolitiki yabaye nk’uwishongora avuga ko yarekuwe kubera igitutu amahanga yashyize kuri Leta y’u Rwanda.

Gusa nubwo yatanze ikirego asaba guhanagurwaho ubusembwa, bamwe mu basesenguzi bavuga ko, bigoye ; kuko inkiko zigendera ku myitwarire yaranze uwari warakatiwe nyuma y’uko ageze hanze, mu gihe kuri we yakomeje kwitwara nabi, ndetse ko adakwiye no kuba hari amatora yahatanamo.

Umusesenguzi akaba n’umushakashatsi Tom Ndahiro, aganira n’ikinyamakuru Igihe, yagize ati 'Uretse no kwiyamamariza kuba umudepite, ntakwiye no kuyobora umudugudu. Ni umugome udakwiye ubuyobozi ubwo ari bwo bwose mu Rwanda.'

Ikipe ya USM Khenchela yo muri Algeria yamaze gutangaza ko yatandukanye n’abakinnyi 3 barimo n’umunyarwanda Manishimwe Djabel.

Ni nyuma y’amezi 4 gusa uyu mukinnyi ukina inyuma ya ba rutahizamu asinyiye iyi kipe yo mu cyiciro cya mbere muri Algeria.

Manishimwe Djabel yinjiye muri USM Khenchela mu mpera za Nzeri 2023 avuye muri Mukura Victory Sports et Loisir yo mu karere ka Huye mu Magepfo y’u Rwanda.

Kuva yagera muri iyi kipe akaba yarabuze amahirwe yo gukina aho urwego bamwifuzagaho atari rwo bamusanzeho, yahoraga ku ntebe y’abasimbura rimwe na rimwe ntanabonekeho.

Mu itangazo yanyujije ku mbuga nkoranyambaga za yo, USM Khenchela yatangaje ko yamaze kwirukana abakinnyi batatu barimo na Manishimwe Djabel bamwifuriza amahirwe masa aho bazajya, banabashimira uko bitwaye mu gihe bamaranye.

Ati “Ubuyobozi bwa USM Khenchela burifuriza amahirwe masa abakinnyi batatu; Bakou, Touil na Djabel (Manishimwe) mu rugendo rwa bo. Burabashimira ubunyamwuga bagaragaje igihe bari bambaye umwambaro w’ikipe.”

Aba bakinnyi bakaba batandukanye n’iyi kipe nyuma y’igice kibanza cya shampiyona y’icyiciro cya mbere muri Algeria aho bayisize ku mwanya wa 7 n’amanota 23 ku rutonde ruyobowe na MC Alger n’amanota 36.

Manishimwe Djabel yanyuze muri ASEC mbere yo kwerekeza mu Isonga baje gutandukana muri 2014 ubwo yerekezaga muri Rayon Sports, batandukanye 2019 yerekeza muri APR FC yakiniye kugeza mu 2023 ari nabwo batandukanaga agahita ajya muri Mukura VS yakiniye igihe gito ahita yerekeza muri USM Khenchela yakiniraga kugeza uyu munsi.

Mu kiganiro Perezida wa Gasogi United, KNC yagiranye na InyaRwanda, yavuze ko ibyo ari gukora atari ikibazo cye bwite ahubwo n’andi makipe ahura nabyo. 

Yagize ati” Ibi ndimo ntabwo ari ikibazo cya KNC (Gasogi United), ni ikibazo cyacu twese wajya kwa Rayon Sports, yakikubwira, wabaza APR FC yakikubwira, wabaza umufana yakikubwira, ibi turi gukora ni ku bw’inyungu z’umupira w’amaguru muri rusange ntabwo ari ikibazo cya KNC.”

Tariki 27 Mutarama, nibwo KNC yafashe umwanzuro wo guhagarika ibikorwa ibikorwa byose bya Gasogi United mu mupira w’amaguru mu Rwanda ndetse avuga ko aseshe iyi kipe kubera icyo yise umwanda uri mu mupira w’amaguru mu Rwanda.

Kanda hano urebe ikiganiro cyose KNCyagiranye na InyaRwanda

VIDEO: Munyantore Eric – InyaRwanda

Iki gitaramo cyabaye mu ijoro ryo kuri uyu wa Gatatu tariki 31 Mutarama 2024, muri Kigali Conference and Exhibition Village ahazwi nka Camp Kigali. Cyahuje abayobozi mu Nzego Nkuru z'Igihugu, urubyiruko rwaturutse mu bice bitandukanye by'Umujyi wa Kigali n'ahandi.

Cyaririmbyemo RDF Military Band, Senderi Hit, Alyn Sano, umukirigitananga Esther Niyifasha, Itorero ry'Igihugu Urukerereza ndetse n'Itorero ry'Umujyi wa Kigali, Indatirwabahizi.

Mu ijambo rye, Umuyobozi w'Umujyi wa Kigali, Samuel Dusengiyumva yavuze ko iki gitaramo ari umwanya wo kuzirikana Intwari z’u Rwanda n’umurage zasize buri wese akabyubakiraho mu kubaka u Rwanda twifuza.

Iki gitaramo cyabaye gisoza ukwezi k’ubutwari kuva tariki ya 05 Mutarama kwaranzwe n’ibikorwa bitandukanye.

Meya Dusengiyumva yavuze ko mu kwezi k’Ubutwari, Umujyi wa Kigali n’abandi bafatanyabikorwa hateguwe Isangano ry’Urubyiruko ryiswe 'Kigali Youth Festival' ryaranzwe n’ibikorwa birimo ibiganiro byahawe urubyiruko ku butwari, ibikorwa by’imyidagaduro, imurikabikorwa ry’urubyiruko n’ibindi.

Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, wari umushyitsi Mukuru muri iki gitaramo gisingiza Intwari, yabwiye urubyiruko ko ubutwari bukwiye kugaragarira mu bikorwa byabo bya buri munsi. Yabasabye kurinda no kubungabunga ibyagezweho kugira ngo intambwe u Rwanda rwateye idasubira inyuma.

Yabasabye kandi: Gukunda igihugu; Gushingira ku muco no kuvomamo ibidufasha gutera imbere, Kwirinda no kurwanya ikoreshwa ry’ibiyobyabwenge, ndetse no Kurwanya ingengabitekerezo ya Jenoside n’abayipfobyan’ibindi.

 Senderi Hit yagaragaje ko imyaka amaze mu muziki atari ubusa!

Uyu munyamuziki umaze imyaka irenga 18 mu muziki, yeretswe urukundo rudasanzwe muri iki gitaramo ubwo yageraga ku rubyiniro ari kumwe n'ababyinnyi b'intore ndetse n'abakobwa bamufashije kujyanisha n'ubutumwa buri mu ndirimbo ze.

Senderi akigera ku rubyiniro yasabye abari muri iki gitaramo kubanza kwitegura gufatanya nawe kuririmba indirimbo ze zose maze aranzika. Yabanje kandi gusaba urubyiruko gushimira intwari zirimo mu byiciro bitatu 'Imanzi, Imenda ndetse n'Ingenzi'.

Uyu muhanzi yinjiriye mu ndirimbo ye yise 'Ibidakwiriye nzabivuga' yakoranye na Tuyisenge Intore, ubundi ivumbi riratumuka, urubyiruko rujya mu bicu.

Ni imwe mu ndirimbo, Senderi avuga ko yamwubakiye izina mu buryo bukomeye, kandi yatumye abasha kuririmba mu bikorwa bitandukanye bya Leta.

Yakomereje ku ndirimbo ye yise 'Nzabivuga' maze asaba abarimo Ingabo na Polisi, ndetse n'Umuyobozi w'Umujyi wa Kigali, Samuel na Minisitiri Bizimana kumusanga ku rubyiniro bakabyinana iyi ndirimbo, imbere y'urubyiruko.

Uyu muhanzi yanaririmbye indirimbo ye yise 'Turate Intwari z'u Rwanda' igaruka ku misozi 105 RPF Inkotanyi yifashishije mu rugamba rwo kubohora Igihugu.

Akiva ku rubyiniro, yabwiye InyaRwanda ko yishimiye uko urubyiruko rwamwakiriye. Ati 'Ndanyuzwe sinkubeshye! Urubyiruko rwanyeretse ko umuco w'ubutwari wabacengeye, kandi ibihangano byanjye babizi, cyane ko bigaruka ku gukunda Igihugu no kurinda ibimaze kugerwaho.'

RDF Military Band, mu mwabaro wa Gisirikare, urubyiruko rwizihiwe

Iri tsinda ryanyuzemo abanyamuziki bakomeye mu Gisirikare cy'u Rwanda (RDF), byatumye rikomeza kwamamara, kandi ibihangano by'abo biracengera ibihe n'ibihe.

Rigizwe n'abasore n'inkumi b'abaririmbyi ndetse n'abacuranzi b'ibicurangisho binyuranye, batanze umuziki buri wese akazihirwa.

Binjiriye mu ndirimbo zigaruka ku rugamba ndetse n'indirimbo zirata ubutwari bw'inkotanyi, ubundi urubyiruko ruva mu ntebe rufatanya n'abo.

Iri tsinda ryaririmbye nyinshi mu ndirimbo, ari nako bamwe mu basirikare bari mu itsinda babyina mu buryo bwihariye, ibintu byanejeje benshi bitabiriye iki gitaramo.

Baririmbye indirimbo yamamaye nka 'Iya mbere Ukwakira' bakomereza ku ndirimbo zirimo 'Ibigwi by'inkotanyi' n'izindi.

RDF Military Band igizwe n’abasore n’inkumi b’abasirikare barimo abaririmbyi, abacuranzi, ababyina, abafasha mu miririmbire n’abandi bahuza imbaraga bagatanga umuziki unogeye amatwi.

RDF Military Band ifite indirimbo zakunzwe zirimo ‘Majeshi makali’, ‘RDF Izihirwe’, ‘Ibigwi by’inkotanyi’, ‘Umugabo nyawe’, ‘Amahoro’, ‘Mag Mag’, ‘Gihugu Cyatubyaye’ n’izindi.

Ku wa 23 Mutarama 2023, RDF yatangaje ko Abasirikare 127 basoje amasomo y'ibanze ya muzika mu bya gisirikare, Isomo ryo kuvuza Ingoma, irijyanye n'imyiyereko yo mu birori ndetse n'iijyanye no kwiga guhugura abandi.

Iki gikorwa cyateguwe na 'Military Band' cyamaze umwaka wose. Gutanga impamyabushobozi ku basoje amasomo byabereye ku Cyicaro cya Gisikare i Kanombe.

Umuyobozi Mukuru w’Ikigo cya Gisirikare cya Kanombe, Major General Augustin Turagara, ni we wayoboye iki gikorwa mu izina ry'ubuyobozi bukuru bwa RDF.

Yashimiye abasoje amasomo yabo abasaba gukoresha neza ubumenyi babonye mu gihe bafataga aya masomo, mu rwego rwo gukomeza gufasha Igisirikare cy'u Rwanda ndetse n'igihugu muri rusange.

Yashimiye kandi ubuyobozi bwa RDF ku nkunga bukomeza gutera 'Military Band' mu kubaha ibikoresho no kububakira ubushobozi.

Alyn Sano yagiranye ibihe byiza n'urubyiruko rwitabiriye iki gitaramo

Mu bihe bitandukanye, uyu muhanzikazi yaririmbye mu gitaramo nk'iki gisingiza Intwari, kandi akagaragarizwa urukundo rukomeye.

Kuri iyi nshuro yaserutse yambaye imyambaro y'ibara ry'umweru, akanyuzamo akabyina, ubundi akaganiriza urubyiruko, ndetse byageze n'aho abasanga mu byicaro.

Yitaye ku kuririmba cyane indirimbo ze zakunzwe kugeza ku ndirimbo 'Biryoha Bisangiwe' aherutse gushyira hanze. Yabanje kuririmba indirimbo nka 'Radiyo' yabaye idarapo ry'umuziki we asoreza ku ndirimbo yise 'None'.

Mbere y'uko ava ku rubyiniro, uyu muhanzikazi yasabye urubyiruko kurangwa n’ibikorwa by’ubutwari bagera ikirenge mu cy’Intwari zabohoye u Rwanda.

Yavuze ko akoresha intwaro mu kubaka u Rwanda yisunze umuziki akora, asaba buri wese kurasanira ku ruhembe rwe. Uyu mukobwa yavuze ko imyaka 30 ishize 'benshi muri twe ntabwo twari turi hano, ndabasaba kugirango buri wese afate intwaro ye, reka tubikore Igihugu tukigeze aho abagipfiriye bifuzaga ko kigera.'

Iki gitaramo kandi cyaririmbyemo umukirigitananga Esther Niyifasha waririmbye indirimbo yubakiye ku kurata intwari. Ati 'Izamamarere zikwiye ishimwe. Muze turate intwari z'u Rwanda. Duharanire ubutwari niko gaciro gacu, isoko n'amahoro biganze. Izamarere tuzirate.'

Ni mu gihe, Itorero ry'Umujyi wa Kigali, Indatirwabizi ryisunze imivugo n’ibisingizo bivuga imyato ababohoye u Rwanda muri iki gitaramo cyo gusingiza Intwari n'aho Itorero ry'Igihugu, Urukerereza rwisunze indirimbo zinyuranye.

Senderi International Hit yisunze indirimbo ze zivuga ku muco wo gukunda igihugu na gahunda za Leta zitandukanye





 

Abitabiriye igitaramo gisingiza Intwari z’u Rwanda biganjemo urubyiruko

  

RDF Army Jazz Band baririmbye indirimbo zagarutse ku butwari bwaranze Ingabo zari iza RPA zabohoye u Rwanda

Minisitiri Bizimana yavuze ko ubutwari bukwiye kugaragarira mu bikorwa byabo bya buri munsi

 

Umuhanzi Aly Sano ku rubyiniro yishimiwe n’urubyiruko mu ndirimbo ze zigezweho

Umuyobozi w'Umujyi wa Kigali, Samuel Dusengiyumva yasabye urubyiruko kurangwa n'umuco

 

Itorero Indatirwabahizi ry’Umujyi wa Kigali ryataramiye abitabiriye igitaramo gisingiza Intwari z’u Rwanda

 

Umukirigitananga Esther Niyifasha yisunze indirimbo zigaruka ku Inkotanyi zabohoye u Rwanda

Abanyamakuru b'Ikigo cy'Igihugu cy'Itangazamakuru RBA, Gloria Mukamabano ndetse na Ntazinda Marcel bayoboye iki gitaramo

Mufti w’u Rwanda, Sheikh Salim Hitimana [Uri hagati]

Ngarambe François wabaye Umunyamabanga Mukuru w’Umuryango FPR Inkotanyi 

Senderi yahamagaye ku rubyiniro abayobozi mu nzego Nkuru z’Igihugu

Itorero ry'Igihugu Urukerereza ryisunze imbyino zinyuranye zigaruka ku kurata ubutwari

KANDA HANO UREBE IJAMBO RYA MINISITIRI BIZIMANA MU KWIZIHIZA UMUNSI W’UBUTWARI

“>

SENDERI YEMEJE IBIHUMBI BY’URUBYIRUKO BYITABIRIYE IGITARAMO CYO GUSINGIZA INTWARI

“>

Kanda hano urebe amafoto menshi yaranze igitaramo cyo gusingiza Intwari cyabereye muri Camp Kigali

AMAFOTO: Ngabo Serge&Freddy Rwigema-InyaRwanda.com

VIDEO: Murenzi Dieudonne-InyaRwanda.com

Kuwa Kane taliki 1 Gashyantare 2024 Saa mbili z’ijoro kuri Kingdom Arena ni bwo ikipe ya Al Nassr izacakirana na Inter Miami mu mukino wa gishuti.

Wari utegerejwe na benshi cyane dore ko bamwe bavugaga ko ari amahirwe ya nyuma babonye yo kubona abakinnyi 2 babayeho bahanganye, Lionel Messi na Cristiano Ronaldo bari mu kibuga kimwe ariko kuri ubu ntabwo bigukunze.

Nk’uko umutoza wa Al Nassr, Luis Castro yabitangaje kuri uyu wa Gatatu, Cristiano Ronaldo ntabwo azaba ahari bitewe nuko amaze igihe atameze neza none no kugeza ubu akaba atarakira neza 100% ku buryo yakinishwa.

Yagize ati “Ntabwo tuzabona Cristiano Ronaldo na Lionel Messi mu kibuga, Ronaldo ari mu bihe bya nyuma byo gukira kugira ngo atangire gukorana n’abakinnyi bagenzi be. Turizera ko mu minsi iri imbere ashobora gutangira gukorana n’ikipe. Ntabwo azaboneka ku mukino dufitanye na Inter Miami”.

Uyu mukinnyi yagize ikibazo cy’imitsi ndetse biza no gutuma ikipe ye ya Al Nassr isubika gahunda y’imikino ya gishuti yari ifite mu Bushinwa aza gusaba imbabazi abafana avuga ko yagize ikibazo cy’imvune.

Cristiano Ronaldo ntazagaragara ku mukino wa gishuti bafitanye na Inter Miami ya Lionel Messi 

Kuri uyu wa Gatatu tariki 31 Mutarama ni bwo ikipe ya Gasogi United yakomezaga imyitozo yakabaye ari iyitegura umukino wa Kiyovu Sports. Yari imyitozo ya kabiri muri iki cyumweru, ndetse ikaba imyitozo ya nyuma muri Mutarama. 

Abakinnyi hafi ya bose, ku isaha ya Saa 07:00 PM bakaba bari bageze ku kibuga cya IPRC Kicukiro ari naho iyi kipe ikorera.

Ugikubita amaso aba bakinnyi ubona ko akamwenyu ari kose ndetse wagira ngo nta cyabaye kuko umutoza yabakoreshaga nk’aho hari umukino bari kwitegura vuba aha.

Imyitozo yashyizweho umutemeri saa 09:10 am abakinnyi bahita bajya mu nama n’umuyobozi w’iyi kipe, Kakooza Nkuliza Charles (KNC). KNC yasabye abakinnyi gukorana imyitozo imbaraga ndetse bakiyitaho nk’ibisanzwe, ubundi nawe bakamurekera ibyo arimo. 

Ubwo Tshisekedi yiyamamariza indi manda aherutse gutsindira, ndetse akaba yaramaze kurahira, yavuze kenshi ko yifuza gutera u Rwanda, ndetse avuga ko igihe azaba yaratowe azasaba Inteko Ishinga Amategeko uburenganzira bwo gutera u Rwanda.

Kuri uyu wa Kabiri tariki 30 Mutarama, ubwo yaganiraga n’abahagarariye Ibihugu byabo n’Imiryango Mpuzamahanga muri Congo, Tshisekedi yongeye gushinja u Rwanda gufasha umutwe wa M23.

Yavuze ko yiteguye guhangana n’aba banzi b’Igihugu bafite ibice bagenzura muri Repubulika Iharanira Demokarasi ya Congo.

Ikindi kandi ngo mu gihe cyose uyu mutwe wa M23 ukigenzura ibyo bice, ngo Repubulika Iharanira Demokarasi ya Congo, ntiteze kugirana ibiganiro n’u Rwanda.

Yagize ati 'Ibiganiro ntibishoboka hagati yacu n’u Rwanda igihe cyose rugenzura igice cy’ubutaka bwacu. Ntabwo tuzemera inzira z’ibiganiro izo ari zo zose.

Tshisekedi kandi yaboneye kongeye gusaba Umuryango w’Abibumbye, ndetse n’Umuryango wa Afurika Yunze Ubumwe ndetse n’indi miryango mpuzamahanga, gufatira u Rwanda ibihano.

Ni mu gihe Guverinoma y’u Rwanda itahwemye guhakana ibi birego rushinjwa, aho yavuze ko ibibazo by’umutekano biri mu burasirazuba bwa Repubulika Iharanira Demokarasi ya Congo, bishingiye ku burenganzira bw’igice kimwe cy’Abanyekongo bakomeje kurenganywa n’umutwe wa FDLR ishyigikiwe n’ubutegetsi bwa kiriya Gihugu.

Perezida Paul Kagame ubwo yatangizaga Inama y’Igihugu y’Umushyikirano yabaye mu cyumweru gishize, yongeye gushimangira ko nta na rimwe u Rwanda rwigeze ruba intandaro y’ibibazo byo mu Burasirazuba bwa Congo.

Icyo gihe yagize ati 'Muzagende mukore ubushakashatsi, mukore iperereza […] njye ndabaha ibimenyetso, muzagende mukore iperereza muze mumbeshyuze, u Rwanda ntirwigeze rugira uruhare mu gutangiza imirwano iri kubera mu burasirazuba bwa Congo.'

Perezida Kagame yabonyeho kongera kuvuga ko gusenya umutwe wa M23 atari wo muti ukwiye, ahubwo ko hakwiye kurandurwa icyatumye uvuka.

UKWEZI.RW