Author: webrwanda

Mbere y’uko Tour du Rwanda ishyirwa ku rwego rwa 2.2 ku buryo buzwi na UCI, abanyarwanda bihariraga ibihembo by’imyanya itatu ya mbere kuko babaga bahanganye n’abo mu bihugu by’u Burundi, Kenya na Uganda badasanzwe bakomeye muri uyu mukino. 

Uretse Peter Kamau wo muri Kenya wegukanye Tour du Rwanda muri 2006, izindi zegukanywe n’abanyarwanda kuva mu 1982, ubwo iri rushanwa ryatwarwaga na Ndengeyingoma Celestin kugeza muri 2008, ubwo Niyonshuti Adrien yakuragamo irye.

Kuva muri 2009 kugeza muri 2013, Tour du Rwanda yarasirimutse ndetse iremerera abakinnyi b’abanyarwanda, bituma abanyamahanga bayegukana ku nshuro enye zikurikirana.

 Adil Jelloul – 2009

Bwa mbere Tour du Rwanda ikinwa ari mpuzamahanga, Adil Jelloul yari afite imyaka 27 y’amavuko, ari umwe mu bagezweho ndetse bari bitezweho byinshi n’igihugu cya Marooc cyamubyaye, akaba ari na cyo yakiniraga.

Kuba Adil yaraje muri Tour du Rwanda abitse Tour du Senegal 2007, Tour du Faso 2007 ndetse n’umudari wa Zahabu wa Shampiyona ya Marooc 2008 byiyongera ku kuba yari kumwe n’ikipe ikomeye ya Marooc, byamworohereje gutwara Tour du Rwanda.

Yegukanye agace ka mbere ka Kigali – Rubavu ndetse bimuhesha kuyobora urutonde rusange kugera ku munsi wa nyuma, atwara Tour du Rwanda ya mbere mpuzamahanga. Ku rutonde rusange imyanya itatu ya mbere yafashwe n’abanya-Marooc. 

Daniel Teklehaimanot – 2010

Muri 2010, Erithrea yaje ikomeye, Daniel Teklehaimanot na Nathanael Berhane batizanya umwenda w’umuhondo mu bwenge bwinshi, kugeza begukanye Tour du Rwanda bari bitabiriye bwa mbere. 

Teklehaimanot yegukanye agace ka kabiri (Kigali – Gicumbi), ahita anayobora urutonde rusange kugeza mu gace ka karindwi ubwo Natnael Berhane yegukanaga agace ka Karongi – Huye, akanafata umwenda w’umuhondo.

Mu duce tubiri twa nyuma, Berhane yasaga n’udafite imbaraga ariko nta gihombo na gito yigeze atera ikipe ye ya Erithrea, kuko Frekalsi Debesai na Daniel Tekle ‘King Of Mountains’ bakomeje kugenzura isiganwa kugeza baricyuye mu murwa mukuru Asmara.

Kiel Reijnen – 2011

Muri 2011, ikipe yo ku mugabane w’Amerika yitabiriye Tour du Rwanda bwa mbere, Kiel Reijnen aza ari rurangiza. Ubwe yegukanye uduce 4 mu buryo bwasaga n’ubworoshye ndetse abo mu ikipe ye ya Team Type 1 – Sanofi bamuba hafi kugeza yegukanye Tour du Rwanda nta nkomyi.

Aha abanyarwanda bari batangiye kumenyera Tour du Rwanda mpuzamahanga ndetse batangira kurwanira imyanya ya mbere. Biziyaremye Joseph yegukanye agace ka Karongi – Kigali atsinze muri ‘Sprint’ mu gihe kandi Niyonshuti Adrien, Ruvogera Obed na Habiyambere Nicodem bakunze kuza mu myanya ya hafi. 

Lill Darren – 2012

Tour du Rwanda ya 2012 yari iy’imibare ikomeye cyane hagati y’abo muri Erithrea n’abo muri Africa y’Epfo, mu gihe Umunya-Canada Langalois Bruno na we yabacunze ku jisho inshuro ebyiri akabatwara uduce (Stages).

Lill Darren na Girdlestone bo muri Africa y’Epfo bacunganye no gukomeza guhagarara neza ku rutonde rusange, ubundi baha umwanya abanya-Erithrea nka Amanuel Meron na Eyob Metkel begukana uduce 4 ariko batisunika ku rutonde rusange.

Darren yegukanye agace ka Muhanga – Huye, ubundi agenzura urutonde rusange kugeza ku munsi wa nyuma, atwara Tour du Rwanda akurikiranye na Dylan Girdlestone bakinanaga mu ikipe y’igihugu ya Africa y’Epfo. 

 Dylan Girdlestone – 2013

Dylan wo muri Africa y’Epfo ni we wa mbere wegukanye Tour du Rwanda adatwaye agace (Stage) na kamwe, abifashijwemo no guhora aza hafi y’aba mbere muri buri gace, mu gihe aba mbere bo bahindukaga buri munsi.

Uwo mwaka uduce twarasaranganijwe, Thomson, Meintnjes na Vanyz bo muri Africa y’Epfo batwara uduce, Ndayisenga Valens atwara agace ke ka mbere ndetse na Lagab Azzedine wo muri Algeria atwara uduce tubiri twamugize rutinywa muri iri rushanwa.

Ndayisenga Valens – 2014 & 2016

Nyuma y’imyaka ine abanyarwanda badatwara Tour du Rwanda, igihe cyo gushyira mu bikorwa ibyo bize cyageze muri 2014. Aha abakinnyi b’u Rwanda 15 bari bagabanyije mu makipe y’Akagera, Kalisimbi na Muhabura bafatanyirije hamwe guhesha Ndayisenga Umwenda w’umuhondo.

Mu gace ka kabiri ka Rwamagana – Musanze, Ndayisenga Valens yiyemeje gusiga Peloton mu misozi ya Rulindo, azamukana imbaraga zidasanzwe, agenda yongera amasegonda y’ikinyuranyo hagati ye na ‘Peloton’ mu gihe bagenzi be nabo babaga bari kurangaza abo mu makipe ya Erithrea na Marooc.

Utundi duce twagabanywe na Araya, Debesay Mekseb, Biziyaremye Joseph, Hadi Janvier wegukanye ‘Prologue’ n’umunya-Marooc, Salah Eddine wegukanye uduce tubiri, bituma Ndayisenga agumana umwenda w’umuhondo awusozanya isiganwa.

Muri 2016 nabwo, Ndayisenga Valens yabashije kwegukana agace kamwe gusa ka Musanze – Kigali, utundi duharirwa aba – Sprinter barimo na Areruya Joseph wegukanye agace ka Kane ka Rusizi – Huye, byanafashije ikipe y’ u Rwanda kugenzura urutonde rusange kugeza Valens atwaye isiganwa.

Ndayisenga Valens ubarizwa muri Amerika kuri ubu, ni we mukinnyi wegukanye Tour du Rwanda inshuro ebyiri mbere y’abandi, hakurikiraho Nathaniel Tesfatsion wo muri Erithrea wayegukanye muri 2020 na 2022.

 Nsengimana Bosco – 2015

Muri Tour du Rwanda ya 2015, Abanya-Erithrea begukanye uduce 4 twa Teshom Meron, Eyob Metkel na Debesay Mekseb wegukanye tubiri, abanyarwanda bacungira gusa ku duce tuzamuka twa Kigali – Musanze na Rubavu – Kigali twombi twegukanywe na Nsegimana Bosco ndetse n’akandi katwawe na Bintunimana Emile.

Ku musozi wa Kigali (Mur de Kigali) ahazwi nko kwa Mutwe, niho Nsengimana Jean Bosco yerekaniye ko ari umwiza mu guterera imisozi miremire, ubwo yazamukaga yihuta ndetse ashagawe n’abanyarwanda bari buzuye ku mihanda, bamutera imbaraga kugeza asozanyije umwenda w’umuhondo.

2015 ni wo mwaka rukumbi Abanyarwanda batatu bakurikiranye ku rutonde rusange (Podium), habanza Nsengimana Bosco, Ndayisenga Valens afata umwanya wa kabiri naho Hakuzimana Camera afata umwanya wa gatatu.

 Areruya Joseph – 2017

Muri uyu mwaka, abakinnyi b’abanyarwanda bari bamaze kuryoherwa n’igare ku buryo bukomeye kuko bari bamaze kumenyera irushanwa ryo ku rwego rwa 2.2 ndetse kuri bo kwegukana amasiganwa nk’ayo byari bimaze kuba urucabana.

Bongeye kugabana uduce ‘Stages’ harimo utwa Nsengimana Bosco, Uwizeyimana Bonaventure, Ndayisenga Valens ndetse na Areruya Joseph watwaye uduce tubiri twa ‘Sprint’ bikamuhesha kwegukana Tour du Rwanda ndetse no gusinyira ikipe ya Delko Marseille Province yo mu Bufaransa.

Mugisha Samuel – 2018

Ubwa mbere agace ka Tour du Rwanda gatangirira mu Mujyi utari Kigali kakanasoreza muri uwo Mujyi, Lagab Azzedine wo muri Algeria yatambitse imihanda y’i Rwamagana nta nkomyi, atsindira mu Kilometero cya nyuma asize Liba David wo muri Espagne.

Mu gace ka kabiri, Mugisha Samuel na Uwizeye Jean Claude bananije bikomeye umunya-Ethiopia, Hailichael Mulu, bamuhanahana mu mihanda ya Nyanza na Huye, bagera i Butare Mugisha ari imbere ho amasegonda 20″ yanamugejeje ku ntsinzi y’irushanwa.

Helman Julian wo mu Budage, Liba David wo muri Espagne, Rugg Timothy na Temelew Bereket wo muri Erithrea babonye uduce mu irushanwa, ariko Mugisha Samuel afatanya na bagenzi be kugenzura urutonde rusange kugeza begukanye Tour du Rwanda ya 2018, ari nayo ya nyuma yakiniwe ku rwego rwa 2,2.

Merhawi Kudus – 2019

Mu mpera z’ikinyacumi giheruka, impuzamashyirahamwe y’umukino w’amagare ku isi ‘UCI’ yemeje ko Tour du Rwanda ikinwa ku rwego rwa 2.1, itangira kwitabirwa n’amakipe yo mu cyiciro cya UCI Pro-Continental ndetse n’ayo mu cyiciro cya World Tour Team ari nacyo cya mbere muri uyu mukino.

Aha irushanwa ryongeye kugira ibiro byinshi ku banyarwanda, cyane ko iryo muri iki Cyiciro baritwayeho inshuro imwe gusa ubwo Areruya Joseph yegukanaga La Tropicale Amissa Bongo yo muri Gabon mu mwaka wa 2017.

Tour du Rwanda ya 2.1 yegukanywe bwa mbere n’umunya-Erithrea Merhawi Kudus watwayemo uduce tubiri twa Kigali – Huye na Huye – Rubavu, agasigara afatanya n’ikipe ye ya Astana kugenzura isiganwa, akomeza kugenda imbere ya Teramae Rein kugeza irushanwa risoje.

Natnael Tesfatsion – 2020 & 2022

Nyuma ya Teklehaimanot muri 2010 na Merhawi Kudus wo muri 2019, Tesfatsion yabaye umunya-Erithrea wa Gatatu wegukanye Tour du Rwanda ndetse we ashyiraho umwihariko wo kuba yaratwaye Ebyiri kandi zakiniwe ku kigero cya 2,1. 

Muri 2020, Fedorovov Yevgeniy wo mu Burusiya yegukanye agace ka mbere, nyuma y’aho Uhiriwe Renus yari yamaze umwanya munini ayoboye mu muhanda wa Kigali – Rwamagana – Kigali, ariko akaza gucika intege mu bilometero bya nyuma.

Tesfatsion yatwaye agace ka Rusizi – Rubavu ku ntera ya Kilometero 206,3 akurikirwa na Main Kent wo muri Africa y’Epfo ndetse na Mugisha Moise wakiniraga ikipe ya SKOL Adrien Cycling.

Umunya-Colombia, Restrepo Valencia yegukanye uduce 4 twose ariko ntayabasha kugera mu ba mbere ku rutonde rusange, bituma Natnael na bagenzi be bo mu ikipe y’Igihugu ya Erithrea basozanya umwenda w’umuhondo mu irushanwa ryasorejwe ku musozi wa Rebero.

Muri Tour du Rwanda ya 2022, Natnael Tesfatsion yaje mu ikipe ya Androni Giocatolli yo mu Butaliyani, abasha gutwara Tour du Rwanda nk’uwahize abandi ku rutonde rusange ariko adatwaye agace na kamwe.

Umufaransa, Alexandre Geniez yegukanye uduce tubiri, utundi dusaranganywa Sandin Dujardin, Restrepo Valencia, Main Kent na Mugisha Moise watwaye agace ka nyuma kasoreje ku musozi wa Rebero, aho Perezida Paul Kagame yari yaje gushyigikira abasiganwa.

 Christian Rodriguez – 2021

Nyuma y’imyaka 10 Kiel Reijnen wo muri America yegukanye Tour du Rwanda, Cristian Rodriguez wo muri Espagne yabaye umukinnyi wa kabiri ukomoka hanze ya Africa wabashije kwegukana Tour du Rwanda, ndetse aba umunyaburayi rukumbi ubitse iri siganwa.

Ni wo mwaka rukumbi wa Tour du Rwanda, aho uduce 8 twose twegukanywe n’abakinnyi bo hanze ya Africa. Umufaransa, Alain Boileau yatwaye uduce 3 mugenzi we Rolland Pierre atwara kamwe, Sanchez Bryan na Restrepo Valencia bo muri Colombia nabo batwara uduce ‘Stages’ naho Cristian Rodriguez atwara agace ka nyuma anegukana isiganwa muri rusange.

Henok Mulueberhan – 2023
Mu mwaka uheruka, Henok Mulueberhan yerekanye ko abanya-Erithrea ari ntashidikanywaho ku igare, ubwo yegukanaga Tour du Rwanda yirwaniriye bikomeye kuva mu gace ka Kabiri kugeza ku gace ka nyuma.

Uduce tubiri twa mbere twegukanwe n’Umwongereza Ethan Vernon werekanye ko ari Umu-Sprinter ukomeye mu mihanda ya Kigali – Rwamagana na Kigali – Gisagara. 

Mu gace ka Kabiri, Henok yafashe umwanya wa Kabiri muri Sprint, anafata umwanya wa Kabiri ku rutonde rusange kugeza nyuma y’agace ka Kane. Mu gace ka Gatanu kegukanwe na Ormistron Callum wo muri Africa y’Epfo, Henok Mulueberhan yari yasigaye kure ku buryo yari ku mwanya wa 10 ku rutonde rusange rwari ruyobowe n’Umudage Lacerf Junior. 

Mu gace ka Karindwi katangiriye i Nyamata kajya kuri Mont Kigali, Henok yacunganye n’abo bari bahaganye ku rutonde rusange, aza ku mwanya wa 11 abasiga bose, ahita afata umwanya wa mbere ndetse yambara umwenda w’umuhondo mu buryo bwakanze abakinnyi bagenzi be.

Mu gace ka nyuma ka Tour du Rwanda 2023, Abasiganwa bavuye i Rebero bazenguruka umujyi wa Kigali, basoreza i Rebero. Aha, Henok yerekanye ubudahangarwa bwe, ubwo atari yegeranye na bagenzi be bo ikipe ya Badiani CSF ariko ntakangwe n’abafaransa ndetse n’abataliyani bamwotsaga igitutu. 

Mulueberhan yazamutse Umusozi wa Rebero anganya ibihe na Lecerf Junior wo mu Budage na Calzoni Walter wo mu Butaliyani, azi neza ko kumusiga isegonda rimwe byamwambura Tour du Rwanda, ariko yageze ku gasongero k’umusozi Ntawumuhagaze imbere, aba atwaye isiganwa atyo. 

Kuri ubu, imyaka ishize ari itanu Abanyarwanda batarabasha gutwara Tour du Rwanda yazamuwe ku rwego rwa 2,1. Amakipe 20 arimo ikipe y’u Rwanda agiye guhatana mu duce umunani twa Tour du Rwanda 2023 izatangira ku ya 18 Gashyantare isozwe ku ya 25 Gashyantare 2024.

Nsengimana Jean Bosco niwe mukinnyi umaze gukina Tour du Rwanda nyinshi aho nakina n’uyu mwaka, izaba ibaye iya 14

Ibi birori bya 'Rwanda Day After Party' bizaba mu ijoro ryo ku wa Gatandatu tariki 3 Gashyantare 2024,  nyuma y'amasaha macye azaba ashize igikorwa cya Rwanda Day kirangiye, aho kizatabirwa n'abanyarwanda n'inshuti barenga ibihumbi 13.

Umuyobozi wa Salax Entertainment, Ally Soudy yabwiye InyaRwanda ko bageze kure imyiteguro y'iki gikorwa kizahuriza hamwe ibyamamare mu ngeri zinyuranye ndetse n'abandi bazaba bitabiriye ibi birori bya Rwanda Day igiye kuba ku nshuro ya 11.

Ally Soudy yavuze ko bateguye iki gikorwa mu rwego rwo 'guhuriza hamwe Abanyarwanda twese ndetse n'ibyamamare byose bizaba byitabiriye Rwanda Day'. Ati 'Ariko hari n'abandi tuzatangaza mu minsi iri imbere.'

Ibi birori bizwi nka 'Rwanda Day After Party' bizabera ahitwa Signature Lounge mu Mujyi wa Washington guhera saa tatu z'ijoro, ku muhanda wa Connecticut.

The Ben, TMC na Massamba Intore batangajwe biyongera ku bandi barimo The Keza uzwi cyane ku mbuga nkoranyambaga, Cece Le Norvegien, Big J The Photographer, Dj Manzi, umuraperi Jay Pac, Mignonne Munyaburanga bakorana mu kiganiro 'Ally Soudy On Air';

Joyeuse Umutoni wabaye Miss Rwanda Arizona 2019 n'igisonga cya mbere cya Miss Africa Arizona 2019, Bad Rama, Kamichi, umunyarwenya Ramjaane Joshua, umunyamideli Jolie Bwiza wanabaye igisonga cya kabiri cya Miss Washington na Miss Tacoma 2020;

Umunyamakuru Mutesi Scovia washinze ikinyamakuru 'Mama Urwagasabo', umuhanzi Time B, umukinnyi wa filime Mutoni Assia, umunyamuziki MYP wo mu itsinda ryamenyekanye cyane Kigali Boys, umuraperi Shizzo Afropapi n'abandi.

Ally Soudy avuga ko yahisemo gutangira urugendo rwo gutegura ibitaramo kubera ko ari kimwe mu bice by'ubuzima yisangamo. Ati 'Salax Entertainments ni ikigo natangije mu gutegura ibi bitaramo, kandi ni gahunda nshaka gushyira imbaraga.'

Akomeza ati “Ntabwo navuga ko ninjiye mu byo gutegura ibitaramo. Kuko ni ibintu nsanzwemo. Ahubwo kuko kenshi nkunze kubitegura mu buryo bw’inyuma y’amarido, abantu ntabwo babimenya cyangwa se kugira uruhare mu gutegura ibitaramo runaka, birimo byinshi byagiye binakomera ku rwego rwo hejuru cyangwa se ibirori byihariye akenshi.”

Ally Soudy avuga ko kwinjira mu bategura ibitaramo, ari urugendo amazemo igihe kinini, ku buryo harimo n’ibyo yagiye agiramo uruhare ariko abantu ntibabimenya.

Uyu mugabo yagize uruhare mu gutegura ibihembo bya Salax Awards kuva mu 2008, kugeza ubwo yaniteguriye igitaramo cye bwite yise “Ally Soudy Friends and Fans” yakoze afatanyije na sosiyete ya RG Consult cyabereye muri Camp Kigali.

Kuri we, avuga ko gutegura ibitaramo atari ibintu bishya mu rugendo rwe rw’ubuzima, ahubwo yagiye agira uruhare muri byinshi bitigeze bimenyekana.

Yavuze ko mu rwego rwo gutegura ibi birori bizaherekeza Rwanda Day, yahisemo gufatanya na kompanyi ya Ukweli Times, aho bazakora kuva ku itegurwa ry'ibi birori kugeza birangiye.

Impapuro zamamaza ibi birori bizaherekeza Rwanda Day, zigaragaza ko kwinjira bizasaba ko buri muntu yishyura amadolari 40. Ni mu gihe abashaka kuzicara ku meza 'Table' bisaba ko ahamagara kuri Nimero +1 917-293-7242 kuko imyanya yo kwicara kuri 'Table' ibaze cyane.

Guverinoma ivuga ko Rwanda Day izaba tariki 2-3 Gashyantare 2024 mu Mujyi wa Washington ho muri Leta Zunze Ubumwe za Amerika.

Rwanda Day isobanurwa nk’igikorwa gihuza abanyarwanda batuye mu mahanga n’ababa mu Rwanda. Abitabira iri huriro, babona amahirwe yo kuganira na Perezida wa Repubulika ku ngingo zitandukanye z’iterambere ry’Igihugu n’ibindi.

Ni umunsi kandi urangwa n’ibikorwa byo kwidagadura, abanyarwanda n’abandi bagasabana bijyanye n’umuco Nyarwanda.

Imibare igaragaza ko kuva Rwanda Day yatangira mu 2011, yagiye yitabirwa n’abari hagati ya 2000 na 3000. Intego ya Rwanda Day ni uguteza imbere ubumwe, ibiganiro n’ubufatanye bw’Abanyarwanda aho batuye hose ku Isi.

Insanganyamatsiko ya Rwanda Day 2024 ni 'U Rwanda: Umurage Wacu Twese Aho Turi Hose'. Rwanda Day yagiye ibera mu mijyi itandukanye ku isi irimo Buruseri, Chicago, Paris, Boston, London, Toronto, Atlanta, Dallas, Amsterdam, San Francisco, Ghet na Germany.

 

Ally Soudy yatangaje ko The Ben azaba ari umwe mu bazitabira ibirori bizaherekeza Rwanda Day i Washington DC 

Massamba Intore azaririmbira abazitabira Rwanda Day, nyuma anaririmbe mu birori bizaherekeza Rwanda Day 

The Ben yagaragaje ko yiteguye gutanga ibyishimo muri Rwanda Day, nyuma anaririmbe mu birori bya ‘After Party’ ya Rwanda Day 

Massamba yaherukaga gutaramira Abanyarwanda mu Mujyi wa Ottawa muri Canada

The Ben yaherukaga kuririmbira muri Canada mu Mujyi wa Ottawa

TMC ari ku rutonde rw’ibyamamare bazitabira ibirori bizaherekeza Rwanda Day 

KANDA HANO UREBE AMASHUSHO Y’INDIRIMBO ‘NI FOREVER’ YA THE BEN

“>

Harabura amasaha make rukambikana hagati ya APR FC na Police FC mu mukino wa nyuma w’igikombe cy’Intwari, ni mu gihe mu bagore ugomba guhuza abakeba AS Kigali na Rayon Sports.

Buri tariki ya 1 Gashyantare, u Rwanda rwizihiza Umunsi w’Intwari z’u Rwanda, kuri iyi nshuro ni umunsi wizihizwa ku nshuro ya 30.

Ku bufatanye n’Urwego rw’Igihugu rushinzwe Intwari, Imidali n’Impeta by’Ishimwe (CHENO), hateguwe irushanwa ry’umupia w’amaguru ryahuje amakipe 4 ya mbere muri shampiyona aho APR FC na Police FC ari zo zahuriye ku mukino wa nyuma, mu bagore ni Rayon na AS Kigali.

Imikino ya nyuma ikaba iri bukinwe uyu munsi aho habanza umukino wa nyuma mu bagore ugomba guhuza amakipe y’abakeba Rayon Sports na AS Kigali saa 15h.

Ni umukino utegerejwe na benshi kuko uheruka kubahuza muri shampiyona Rayon Sports yabatsinze 2-1 ariko AS Kigali itaha ikubita agatoki ku kandi.

Uyu munsi Abanyamujyi bafite gahunda yo kwihorera bakayitwara igikombe, ni mu gihe Rayon Sports na yo yiteguye kuba yabatsinda ikegukana igikombe.

Nyuma y’uyu mukino saa 18h00′ harahita hakuikiraho umukino karundura ugomba guhuza APR FC na Police FC.

Ni umukino benshi bategereje kureba niba Police FC ishoboa guhindura amateka mabi ifite kuri APR FC cyane ko kuva muri 2015 aya makipe amaze guhura inshuro 19 ariko Police FC ikaba yatsinzemo imikino 2 gusa banganyamo imikino 7 ni mu gihe APR FC yatsinzemo imikino 10.

Police FC iheruka gutsinda APR FC tariki ya 22 Mata 2023 mu mukino wa shampiyona ya 2022-23 aho yayitsinze 2-1, indi nshuro yahurukaga kuyitsinda ni muri 2019 ubwo yayitsindaga 1-0 mu mukino w’umwanya wa 3 mu gikombe cy’Agaciro.

Muri izo nshuro zose 19, imikino 3 yonyine ni yo itarabonetsemo igitego, mu gikombe cy’Amahoro cya 2015 na 2018 ndetse n’umukino ubanza wa shampiyona ya 2017-18.

Imikino yose ikaba imaze kubonekamo ibitego 31, APR FC yinjije ibitego 23 mu izamu ya Police FC ni mu gihe yo yatsinze ibitego 8 gusa.

Ikipe iza kwegukana iri rushanwa irahabwa miliyoni 6 Frw, iya kabiri ihabwe 3 Frw mu cyiciro cy’abagabo, mu bagore ari miliyoni 4 Frw na miliyoni 2Frw ku yabaye iya kabiri.

Ku wa 02 no 03 Mutarama 2024 AbanyaRwanda n'inshuti z'u Rwanda bazagira amahirwe yo kuganira n'Umukuru w'igihugu binyuze muri gahunda igiye kuba ku nshuro ya 11 ya Rwanda Day.

Kuri iyi nshuro ikaba izabera i Washington DC aho Perezida Kagame na Madamu bamaze kugera gusa mbere y'umunsi nyirizina bakaba bari bwifatanya n'Abanyamerika mu masengesho gusabira iki gihugu.

Mbere kandi y'aya masengesho nk’uko tubikesha ibiro by'umukuru w'igihugu,Village Urugwiro,Perezida Kagame yagiranye ibiganiro David Beasley wabaye Guverineri wa South Carolina n'Umuyobozi w’ishami ry’Umuryango w’Abibumbye rishinzwe ibiribwa [PAM].

Anahura n'abayobozi bihuriro rya Black Caucaus riyobowe na Steven Hosford bagirana ibiganiro  byibanze ku bufatanye Black Caucaus n'u Rwanda.

Rwanda Day 2024 izabera muri Gaylord National Resort&Convention Center iteganijwe kuzatangirwamo ibiganiro ku Ishoramari ku banyarwanda baba hanze mu Rwanda.

Hatangwe kandi ikirebana  n’imyaka 30 ishinze u Rwanda rwibohoye n'uburyo bwo gukomeza kuruteza imbere mu ruhando mpuzamahanga.

Hari ikijyanye n'ubuzima kimwe n'ikirebana n'iterambere ry'ubuhanzi, imyidagaduro na siporo. Ikaba izaherekezwa kandi n'ibikorwa bitandukanye byateguwe birebana n'imyidagaduro, imyidagaduro n'ibikorwa bijyana n'ishoramari.Perezida Kagame mbere y’amasengesho yo gusabira igihugu cya Amerika yahuye n’abarimo David Beasley Perezida Paul Kagame na David Beasley umwe mu banyapolitike bakomeye muri Amerika wanabayeho Guverineri wa South CarolinaPerezida Kagame byitezwe ko azakugeza ijambo kubitabira amasengesho yo gusabira AmerikaPerezida Kagame yaganiriye n’abagize Black Caucaus  ibiganiro byibanze ku bufatanye n’igihugu cy’u Rwanda AMAFOTO: VILLAGE URUGWIRO

Hirya no hino ku isi muri uku kwezi twatangiye kwa Gashyantare, haba muri Sinema ndetse no muri muzika hateganyijwe ibitaramo bikomeye byitezweho gutanga ibyishimo ku bakunzi b'ibirori. Ibitaramo bisanzwe, ibyo gutanga ibihembo, ibyo kumurika album n'amafilime mashya ni byo byitezwe muri uku kwezi kwa Gashyantare twinjiyemo.

1. Grammy Awards

Ku ikubitiro tariki 05 Gashyantare 2024, hazaba ibirori mbonekarimwe mu buryohe bwa muzika bizatangirwamo ibihembo bya Grammy bizaba bitangwa ku nshuro ya 64 kuri MGM Grand Garden Arena i Las Vegas. Ni ibihembo bifatwa nk’ibya mbere ku Isi mu muziki.

2. People’s Choice Awards & BAFTAs

Ibindi bihembo bikomeye bizatangwa muri uku kwezi, ni ibya People’s Choice Awards, byo bizatangwa tariki 18 Gashyantare 2024, ibya BAFTAs bizatangwa kuri iyo tariki kuri Royal Festival Hall i Londres mu Bwongereza. Ibi bihembo bya British Film Academy Awards bizaba bitangwa ku nshuro ya 77.

3. Ibitaramo bizaherekeza Rwanda Day

Kuri rundi ruhande, ku wa 02 na 03 Mutarama 2024 abarenga ibihumbi bitanu bitezwe ko bazahurira muri Gaylord National Resort & Convention Center i Washington DC mu gikorwa giha umwanya Abanyarwanda bo mu mahanga, bahiga cyangwa bahakorera, bakagirana ibiganiro na Perezida Kagame. Byose bikorwa mu buryo bugamije gukomeza guteza imbere igihugu cy'u Rwanda.

Ibikorwa bitandukanye by'imyidagaduro birimo Ikaze Night, Tempah'D Night, Rwanda Day Official, The Wrap Up na Rwanda Day After Party bikaba bizakomeza gufasha abitabiriye kwidagadura. Uyu mwaka, Rwanda Day izaba iba ku nshuro yayo ya 11.

4. Igitaramo Okkama azamurikiramo EP

Umuhanzi Ossama Masut Khalid [Okkama] agiye kumurika Extended Play [EP] yise Ahwii! mu gitaramo giteye amatsiko abarimo ibyamamare banamaze kutangaza ko batazahatangwa.

Ni EP azashyira hanze kuwa Gatanu tariki 02 Gashyantare 2024. Izaba ariyo ye ya mbere. Azayimurikira mu gitaramo cya 'acoustic,' aho azaba acurangira abakunzi be.

Mu kiganiro yagiranye na InyaRwanda mu minsi ishize, Okkama yatangaje ko iyi EP izaba iriho indirimbo 8 anakomoza ku kuba inganzo yayo yarayikuye ku bihe bitoroshye yanyuzemo muri 2023. Igikorwa cyo kumurika iyi EP ya Okkama kizabera kuri Kaso Kicukiro.

5. Igitaramo Senga B azamurikiramo album

Muri uku kwezi kandi, mu muziki wo kuramya no guhimbaza Imana naho uburyohe burakomeje, aho umuramyi Senga B. Christina [Senga B], agiye gukorera mu Rwanda igitaramo gikomeye yatumiyemo abaramyi bakunzwe cyane muri iyi minsi.

Nyuma y’igihe kinini atuye muri Canada, kuri ubu agiye gutaramira mu Rwanda ku nshuro ye ya mbere aho azaba afata amashusho y’indirimbo ze. Ni igitaramo yise “Hymn Stories Live Recording”, kizaba kuwa Gatanu tariki 16 Gashyantare 2024 kuva saa kumi n’igice z’umugoroba kuri Eglise Vivante Rebero. Kwinjira ni ubuntu.

Uyu muhanzikazi azaba ari kumwe n’abandi baramyi basizwe amavuta barimo Prosper Nkomezi, Ben & Chance, Emmy Vox na True Promises Ministries. Yavuze ko impanvu nyamukuru y’igitaramo cye ni “ukugira ngo tuzagire ibihe byiza byo kuramya ndetse no guhimbaza Imana yacu. Kuko nta kindi twaremewe uretse kuyihimbaza.”

6. The Ben Live in Kampala

Abarimo umuhanzikazi Sheebah Karungi, abanyarwenya Madrat & Chiko n’abandi bamaze gutangazwa nk’abazafatanya n’umuhanzi w’umunyarwanda The Ben uzatanga ibyishimo muri Uganda Kampala ku munsi w'abakundana uzaba kuwa 14 Gashyantare 2024, mu gitaramo cyiswe “The Ben live in Kampala”.

Binyuze muri Sosiyete ya Comedy Store y’umunyarwenya Alex Muhangi, The Ben azataramira muri Uganda afata nk’iwabo ha kabiri cyane ko yahavukiye, nyuma y’uko azabanza gutanga ibyishimo muri Leta Zunze Ubumwe za Amerika ku bazitabira Rwanda Day ku wa 02 no ku wa 03 Gashyantare 2024.

Sheebah Karungi na The Ben ni ubwa mbere bagiye guhurira ku rubyiniro kuva bakorana indirimbo muri 2017.

7. Triannale de Kigali

Ni mu gihe kandi Minisiteri y’Urubyiruko ndetse n’Iterambere ry’Ubuhanzi, yamenyesheje iherutse kumenyesha Inama y’Abaminisitiri yateraniye muri Village Urugwiro iyobowe na Perezida Kagame, ko kuva tariki tariki 16-25 Gashyantare 2024 hazaba iserukiramuco ryiswe “Triannale de Kigali.”

Iri serukamuco riri gutegurwa na Rwanda Arts Initiative (RAI), Umujyi wa Kigali kubufatanye na Minisiteri y'Urubyiruko n'Iterambere ry'Ubuhanzi, rizarangwa no kugaragaza ibikorwa by'ubuhanzi 60 mu byiciro 10 by'ubuhanzi. 

Ryitezwemo abahanzi barenga 300, rikaba rizabera muri Camp Kigali, Car free Zone, Canal Olympia, kwa Mayaka i Nyamirambo, Hôtel Des Milles Colline, Mariott Hotel, BK Arena, Ikinyugunyugu-Musanze-Twin Lakes, Paradise Island-Lake Kivu muri Rubavu n'ahandi.

Umuyobozi wa Rwanda Initiative (RAI), Dorcy Rugamba avuga ko iri serukiramuco rizaba urubuga rwiza rwo gukomeza kugeza ubuhanzi bw'u Rwanda ku isoko mpuzamahanga, nk'imwe mu ntego bihaye kuva mu 2012.

8. Ibihembo bya SAG

Ibirori byo gutanga ibihembo bya Screen Actors’ Guild (SAG) bizaba tariki 24 Gashyantare 2024 kuri Shrine Auditorium and Expo i Los Angeles. Ibi birori by’uburyohe muri Sinema bizaba uyu mwaka ku nshuro yabyo ya 30.

Ni amakuru atangazwa n’Ikinyamakuru Chimp Reports cyandikira muri Uganda, cyavuze ko cyamenye amakuru y’uyu mugambi mushya w’urugamba, aho abasirikare bakuru muri FARDC ndetse n’abayobozi abasirikare ba SADC, bamaze kunoza uyu mugambi.

Ni umugambi uje mu buryo bushya bugamije kurandura uyu mutwe wa M23 umaze igihe uhanganye na FARDC mu burasirazuba bwa Repubulika Iharanira Demokarasi ya Congo.

Ni nyuma y’uko ingabo zo muri bimwe mu Bihugu bigize Umuryango wa SADC, zinjiye muri Congo zigiye guhashya uyu mutwe wa M23.

Chimp Reports ivuga ko uretse abasirikare ibihumbi 100 bazifashishwa muri uyu mugambi mushya, hanateganyijwemo ko hazakoreshwa imbunda za rutura nyinshi, kunoza uburyo bwo gutata ahari abarwanyi ba M23.

Biteganyijwe kandi ko hazakoreshwa indege z’intambara zirimo n’izitagira abapilote zizwi nka Drones zimaze iminsi zinatangiye gukoreshwa.

Uyu mugambi wamaze kunozwa, ndetse Perezida Felix Tshisekedi, yohereje Maj Gen Shora Mabondani mu burasirazuba bwa Congo burimo iyi mirwano, kugira ngo ajye gukurikirana ishyirwa mu bikorwa ry’uyu mugambi, aho azaba akora nk’Umuyobozi mushya w’Akarere ka 34 ka Gisirikare.

Uyu Mujenerali wa FARDC, yageze i Goma kuri uyu wa Gatatu tariki 31 Mutarama 2024 yakiranwa icyubahiro gihebuje n’abayobozi mu nzego za politiki muri Congo, ndetse na we aboneraho gusaba abaturage kuzagira uruhare muri uru rugamba ngo bahanganyemo n’umwanzi.

Ni mu gihe umutwe wa M23 uvuga ko na wo wambariye urugamba ndetse ko witeguye kwirwanaho no kurinda abaturage bari mu bice ugenzura, gusa ukavuga ko bamaze iminsi bibasiwe n’ibitero bya FARDC n’abambari bayo badahwema kubica babarashe umusubirizo.

UKWEZI.RW

Ni umwuga amazemo imyaka 19 dore ko yawutangiye muri 2005, gusa yavuze ko atazarenza imyaka 20 muri uyu mwuga.

Mu butumwa yitangarije ku rubuga nkoranyambaga rwa Facebook, Romalio yagize ati 'Imyaka 19 irashize. Ndibuka umukino wa mbere nogeje, wari Champions League hagati ya Darling Club Motema Mapembe na Rayon Sports i Kinshasa. Umukino nawogereje chez Robert.'

Yakoemeje agira ati 'Nsigaje umwaka umwe, micro nkayisigira abandi. 20 izaba ihagije da.'

Muri iyi myaka 19 amaze muri uyu mwuga, Gakuba Romalio, yakoreye ibitangazamakuru nka Contact FM, Radio Ijwi rya afurika, City Radio, na Azam TV.

Azwi kandi mu biganiro by’ubusesenguzi mu bya siporo by’umwihariko kuri ruhago yaba iyo mu Rwanda no mu karere ka Afurika y’Iburasirazuba.

Umwuga w’itangazamakuru wagiye ubura bamwe mu banyamakuru bawuvamo bakajya gukora ibindi, aho bamwe bakunze kuvuga ko biterwa n’imibereho y’uyu mwuga itajyanye n’imbaraga usaba, kuko benshi mu bawukora bakunze gutaka umushahara w’intica-ntikize.

Uyu musaza witwa Mutabazi Gratien wo mu Mudugudu wa Musagara mu Kagari ka Gako, umurambo we umanitse mu giti hirya y’ejo hashize tariki 30 Mutarama 2024 ku mugoroba ahagana saa kumi n’ebyiri.

Aya makuru yanemejwe n’Umuyobozi w’Akarere ka Nyamasheke, Mupenzi Narcisse wagize ati 'Ntabwo turamenya niba ariwe wimanitse kuko ibyo bizava mu iperereza rirakorwa n’Ubugenzacyaha.'

Yakomeje agira ati 'Abaturage bo baravuga ko basanze yiyahuye nyine ariko twe ntabwo twabyemeza tutari twamenya ibirava mu isuzuma rikozwe na muganga kuko bigomba gushingira ku bumenyi ntabwo bishingira ku byo abantu bari kuvuga.'

Umurambo we wahise ujyanwa mu Bitaro bya Kibogora kugira ngo ukorerwe isuzuma hazamenyekane icyamuhitanye.

Gusa harakekwa kwiyahura, kuko mu minsi micye ishize ku Cyumweru yari yagiranye intonganya n’umuryango we, akanagaragaza umujinya udasanzwe ubwo yadukirara itungo ry’ingurube akaritema.

Amakuru ava mu baturanyi, avuga ko ubwo nyakwigendera yagaragazaga uyu mujinya agatema iryo tungo, bagerageje gukomakoma, ndetse bakamusaba gusaba imbabazi umuryango we, bakanabunga ariko agakomeza uburakari.

Tariki ya 31 Mutarama buri mwaka Uwicyeza Pamella ari mu ba bishimira ko ari wo munsi Imana yahisemo ko bavukaho.

Kuri iyi nshuro bikaba bitandukanye kuko aribwo bwa mbere ayizihije ari umugore kuko ku wa 23 Ukuboza 2023 yasezeranye kubana na The Ben.

Bivuze ko amaze ukwezi kwa buki kurengaho iminsi mbarwa abaye umugore.

Mu kwizihiza iyi sabukuru akaba yasangije abamukurikira ubutumwa buherekejwe n'amafoto agira ati'Nyagasani Mana umwana wawe yuzuye ishimwe.'

Wavuga ko ari amagambo y'ubutsinzi kumwe uba wumva hari icyo waha Imana kubera ibyo ikora.

Ibyishimo by'isabakuru ye akaba yabisangiye n'abavandimwe be barimo Hilton Sonia n'inshuti bari mahumbezi y'umusozi wa Rwenzori ho mu Burengerazuba bw'igihugu cya Uganda ahazwi nka Aramaga Lodge.

Iy'isabukuru ayizihije nyuma y'iminsi mike Ari mu  kwa buki n'umugabo we The Ben i Mombasa ubu uri kubarizwa i Washington DC aho yitabiye  Rwanda Day 2024.

Nyuma y’ukwezi kwa buki Pamella yakomereje ibyishimo mu kwizihiza isabukuru y’amavukoAbantu ba hafi ba Pamella bemeza ko acishije make, agwa neza kandi agira kwihanganaYizihirije isabukuru muri Uganda igihugu umugabo we The Ben yavukiyemo anitegura gutaramiramoAbavandimwe n’inshuti bifatanije na Uwicyeza Pamella wabonye izuba ku wa 31 Mutarama 2000