Author: webrwanda

Iyo utekereje isura y’umunyamakuru akaba n’umujyanama w’abahanzi Irene Mulindahabi, mu mutwe wawe hazamo umuntu ufite indangururamajwi (Microphone) mu kuboko kw’iburyo ariko ukw’ibumoso kutagaragara, kwanagaragara, ntubone ikiganza.

Iyo wihaye intego yo kugenzura neza ngo urebe uko kuboko kundi, ujya mu mafoto n’amashusho bye nabwo ugasanga ntabwo ukuboko kw’ibumoso kugaragara neza.

Ibi byabereye urujijo abamukurikira bibaza niba uku kuboko gufite ubumuga ndetse bamwe batangira gutekereza ko yaba ari ko yahisemo kugaragara kuri Camera kugira ngo atandukane n’abandi mu misusire. Icyakora si ko byagenze.

Ukuboko kwa Irene Mulindahabi gufite ubumuga!

Nkivuga ibi uhise utekereza ko Mulindahabi yaba yaravukanye ubu bumuga cyangwa akabugira bitewe n’uburwayi runaka. Gusa byose sibyo kuko ubu burwayi bwatewe n’ubumenyi buke bw’abaganga.

Mu kiganiro Irene Mulindahabi yatangiye ku muyoboro wa YouTube ye ‘MIE Empire’, ubwo uyu munyamakuru yamurikaga ikiganiro gishya yise “Mie Chopper’, yasabye abantu kumubaza ibibazo bitandukanye.

Abenshi bahurije ku mpamvu ukuboko kwe kw’ibumoso adakunze kukwerekana kuri Camera cyangwa se mu ruhame. M. Irene yavuze ko yari yaririnze kukivugaho kuko yatekerezaga ko ari ikintu cyakora ku mitima ya benshi ndetse kigahindura ibintu byinshi.

Mulindahabi yagize ati “Mvuka navutse nk’umwana meze neza nta kibazo na kimwe kandi n’uko meze nshima Imana kuko niyo ingize uwo ndiwe, niyo nkesha ubuzima.

Muzabona abantu bavuga ngo ‘Imana’ abandi bajye kuyibeshyera, abandi bitwikire amazina bafite, bayibeshyera ariko njye Imana mbabwira narabibonye”.

Yakomeje agira ati”Navukiye hariya hepfo ku bitaro bya Muhima. Hari ahantu bafite service mbi cyane, sinzi niba byarahindutse ariko njyewe mfite ibimenyetso ko bari bafite serizisi mbi mu gihe twavukaga. 

Abahavukiye bikagenda neza sinzi gusa njyewe ntabwo byagenze neza. Icyakora nshimira Imana ko nabayeho kandi umugambi wari uwayo.

Irene Mulindahabi yavuze ko yavutse adafite ikibazo na kimwe ariko kubera amikoro macye bigatuma hari abaganga bamwigiraho gukingira bikamugiraho ingaruka.

Ati “Navutse neza nta kibazo, hanyuma umubyeyi aza kujya kunkingiza bisanzwe nk’abandi bana bato b’impinja. Aho ni naho habaye ikibazo.

Bazanaga abaganga barimo kwimenyereza umwuga baje kwiga gukingira abantu, bagashaka abana bamwe na bamwe bo kwigiraho niko nabyita.

Birumvikana ko umwana bafataga wo kwigiraho ari wa mwana wo muri ya miryango itishoboye, atazajya kubarega kandi nanjye nari ndi muri iyo miryango”.

Irene Mulindahabi yavuze ko umubyeyi we atari asobanukiwe ibyo gukingira ku buryo atari kumenya niba uwo muntu ari umwiga birangira mu bana bigiweho harimo na Irene, ibintu byamugizeho ikibazo.

Ati “Njyewe yanyigiyeho, atera aho badatera, imitsi yanjye yo mu kuboko irangirika”.

Irene Mulindahabi avuga ko kubera nta kivugira yari afite, nta kundi byari kugenda, yabanye n’ubwo bumuga ndetse ko imikorere ye byasabaga ko akoresha ukuboko kumwe.

Avuga ko akiri umwana yasengaga Imana ayisaba kuzamuha umurimo yakora neza utarimo gukoresha amaboko kuko yari amaze kubona ko atabishobora.

Irene ashima Imana yamuhaye impano yo kuba umunyamakuru kuko imirimo y’amaboko atari ayishoboye.

Irene Mulindahabi yatewe nabi urushinge bimuviramo kugira ubumuga bw’ukuboko bw’ibumoso

Irene Mulindahabi yahoze asaba Imana kuzamuha umurimo yakora neza adakoresheje amaboko

Irene Mulindahabi avuga ko atakongera kwivuriza cyangwa ngo avurize uwe ku bitaro bya Muhima

Umunya-Eritrea Henok Mulubrhan wari witezwe muri Tour du Rwanda 2024, nta kiyitabiriye nyuma yo kubagwa urutugu.

Henok wegukanye Tour du Rwanda 2023 agomba kumara ibyumweru bitatu adakina nyuma kubagwa igufwa ry’urutugu rw’ibumoso.

Ku wa Gatanu, tariki ya 2 Gashyantare ni bwo uyu mukinnyi ukinira ikipe ya Astana Qazaqstan aheruka kwerekezamo ku masezerano y’imyaka ibiri, yakoze impanuka ubwo yagwaga hamwe n’abandi benshi mu isiganwa rya AlUla Tour.

Igufwa ry’urutugu rwe rw’ibumoso ryahise ryangirika akaba yarabazwe ku wa Mbere w’iki cyumweru.

Ikipe ye yagize iti “Uyu munsi, Henok Mulubrhan yabazwe ku igufa ryo mu rutugu rw’ibumoso kandi byagenze neza. Ubu, umukinnyi agiye kugira ibyumweru bitatu byo gukira mbere yo gusubira mu myitozo.”

Henok watwaye Tour du Rwanda 2023 akinira Green Project-Bardiani CSF-Faizanè, yari kuzakina Tour du Rwanda 2024 ari kumwe na Astana Qazaqstan Dev Team.

Ni umwe mu mazina akomeye yari ategerejwe mu rw’imisozi 1000 mu byumweru bibiri biri imbere ubwo Tour du Rwanda izaba iba ku nshuro ya 16 tariki ya 18-25 Gashyantare 2024.

Henok Mulubrhan ntabwo azitabira Tour du Rwanda 2024 nyuma yo kubagwa

Ni we wegukanye Tour du Rwanda 2023

Abarenga ibihumbi 6 baturutse mu nguni zose z'isi kuwa 02 na 03 Gashyantare 2024 bahuriye muri Leta Zunze Ubumw z'Amerika muri Rwanda Day 2024.

Muri iki gikorwa cyari kibaye ku nshuro ya 11, higiwemo byinshi bigamije gukomeza guteza imbere u Rwanda n'abarutuye.

Abantu bakozwe ku mutima n'impanuro za Perezida Kagame wavuze ko u Rwanda rutajya rwibagirwa abo rwibarutse kandi n’abo rwibarutse nabo batagakwiye kurwibagirwa.

Uretse ibiganiro bitandukanye byatanzwe hari n'ibikorwa byateguwe byayiherekeje birimo iby'imyidagaduro, imikino n'ibijyana n'ishoramari.

Ku ruhande rw'imyidagaduro The Ben akaba ari umwe mu baserutse neza mu gitaramo cyaherekeje Rwanda Day.

Kuri uyu wa 06 Gashyantare The Ben yakomoje ku ishimwe rimwuzuye ati'N'ubu ndacyiyumvisha neza urukundo neretswe muri DC.'

Agaragaza ko u Rwanda ari ahantu hadasanzwe ati'Abanyarwanda turi uburabyo bwiza cyane muri garden (Rwanda) nziza cyane nakwita Eden.'

Asoza asaba ko abantu bakwiriye guhuriza hamwe ati'Mureke dukomeze kwimakaza urukundo, umwete, ubumwe n'iterambere. Urukundo rwanjye kuri mwese ntirugira iherezo'The Ben yasabye abanyarwanda guhuriza hamwe bagafatanya kubaka u Rwanda yagereranije na Edeni ivugwa mu bitabo byeraThe Ben yataramiye abarenga ibihumbi 6 bitabiriye Rwanda Day 2024

Nyuma y’iminsi mike atandukanye na USM Khenchela yo muri Algeria, Manishimwe Djabel yamaze kwerekanwa mu ikipe ya Al-Quwa Al-Jawiya yo muri Iraq.

Mu ijoro ryakeye ni bwo iyi kipe yashinzwe mu 1931 ibinyujije ku mbuga nkoranyambaga za yo yahaye ikaze uyu mukinnyi w’umunyarwanda.

Tariki ya 1 Gashyantare 2023 ni bwo USM Khenchela yatangaje ko yatandukanye n’abakinnyi 3 barimo na Manishimwe Djabel ukina inyuma ya ba rutahizamu abafasha gushaka ibitego.

Ku wa Gatandatu w’icyumweru gishize tariki ya 3 Gashyantare 2024 ni bwo iyi kipe ya Al-Quwa Al-Jawiya yemeje ko yamaze kumvimana na we.

Al-Quwa Al-Jawiya ni imwe mu makipe afite amateka akomeye muri Iraq aho ifite ibikombe 7 bya shampiyona.

Manishimwe Djabel abaye umunyarwanda wa kabiri ugiye gukina muri Iraq nyuma ya Usengimana Faustin usanzwe ukinayo.

Manishimwe Djabel yanyuze muri SEC mbere yo kwerekeza mu Isonga baje gutandukana muri 2014 ubwo yerekezaga muri Rayon Sports, batandukanye 2019 yerekeza muri APR FC yakiniye kugeza mu 2023 ari nabwo batandukanaga agahita ajya muri Mukura VS yakiniye igihe gito ahita yerekeza muri USM Khenchela yakiniraga kugeza uyu munsi.

Djabel yerekanywe mu ikipe nshya

Kuwa Gatandatu ni bwo Ikinyamakuru gikomeye mu Bufaransa, Le Parisien cyatangaje ko uyu mukinnyi w’imyaka 25 yamaze kumenyesha Paris Saint Germain ko atazongera amasezerano ahubwo azerekeza muri Real Madrid mu mpeshyi.

Nubwo bimeze gutyo ariko kuri ubu Umunyamakuru Fabrizio Romano aratangaza ko Kylian Mbappé atari yamenyesha Paris Saint-Germain ibijyanye n’umwanzuro w’ahazaza he ndetse ko nta bijyanye n’amasezano yari yasinyira Real Madrid. Gusa iyi kipe yo muri Espagne yo ifite icyizere 100% ko igomba kumusinyisha ndetse n’abakinnyi bamaze kubimenyeshwa.

Kylian Mbappé yahaye isezerano Perezida wa Paris Saint-Germain, Nasser Al Al-Khelaifi ko ari we azabwira mbere ibijyanye no kutongera amasezerano azarangira mu mpeshyi y’uyu mwaka.

Uyu mukinnyi naramuka yemeye kwerekeza muri Real Madrid,  azahabwa umushahara uri hasi y’uwo yahabwaga muri 2022 ubwo iyi kipe nabwo yamushakaga ariko bikarangira yongereye amasezerano muri Paris Saint-Germain.

Nk’uko Fabrizio Romano n’ubundi akomeza abitangaza, ku ruhande rwa Paris Saint-Germain biteguye kuzahita basinyisha abakinnyi 3 bakiri bato kandi bafite impano idasanzwe bo gusimbura Kylian Mbappé mu gihe batazakomezanya nawe.

Kylian Mbappé birashoboka cyane ko azerekeza muri Real Madrid ariko nta bijyanye n’amasezerano yari yasinya

Isiganwa ry'amagare rya Tour du Rwanda rimaze kuba ikimenyabose, rigiye kuba ku nshuro ya 16. Mu bihe bitandukanye iri siganwa ryagiye riba riherekejwe n'ibitaramo by'abahanzi mu rwego rwo gususurutsa abaturage baba baryitabiriye, ndetse no gutanga ibyishimo ku baturage baba bari aho abasiganwa basoreza.

Sosiyete ya KIKAC iri gutegura ibi bitaramo bizaherekeza iri siganwa, yatangaje ko yamaze kwemeranya n'abahanzi batanu barimo Bushali, Bwiza, Juno Kizigenza, Senderi Hit ndetse na Mico The Best.

Aba bahanzi batangajwe mu gihe hategerejwe abandi batanu bazahurira ku rubyiniro n'aba mu bitaramo binyuranye bazakorera mu Ntara zitandukanye.

Umuyobozi wa Kikac, Uhujimfura Claude aherutse kubwira InyaRwanda ko Kikac isanzwe ifitanye amasezerano y'ubufatanye n'Ishyirahamwe ry'Umukino w'amagare mu Rwanda (FERWACY) ajyanye no gutegura ibitaramo biherekeje uyu mukino ukundwa na benshi mu rwego rwo gufasha abakunzi b'umuziki n'umukino w'amagare.

Yavuze ati 'Dusanzwe dufitanye amasezerano na Ferwacy ajyanye no gutegura igitaramo muri buri gace abasiganwa basorezamo. Ni mu rwego rwo gufasha abakunzi b'uyu mukino gususuruka no gufasha abakunzi b'umuziki bari mu Ntara kureba abahanzi batandukanye bakunda.'

Mu bihe bitandukanye abahanzi bo mu Rwanda bagiye bahabwa akazi ko kuririmba baherekeza Tour du Rwanda. Umwaka ushize ibitaramo nk'ibi byaririmbyemo abahanzi barimo Senderi Hit, Chris Eazy, Bwiza, Marina, Platini, Mico The Best, Niyo Bosco ndetse na Kenny Sol.

Iri rushanwa rya Tour du Rwanda rikunze kuba mu ntangiriro z’umwaka, aho kuri iyi nshuro rizaba mu cyumweru cyo kuva tariki 18, kugera tariki 25 Gashyantare 2024.

Iri siganwa ryitabirwa n’abakinnyi bavuye mu bihugu bitandukanye byo ku Isi, aho rimara icyumweru rizenguruka ibice byose by’u Rwanda.

Mu 2023, Umunya-Eritrea ukinira Green Project, Henok Mulubrhan ni we wegukanye Tour du Rwanda 2023 mu birori byasojwe na Perezida Paul Kagame, ku musozi wa Rebero mu mujyi wa Kigali.

Uyu musore yatwaye Tour du Rwanda nyuma yo guhiga abandi mu gace ka nyuma ka munani kari kagizwe n'intera ya kilometero 75.3, aho abasiganwa bazengurutse muri imwe mu mihanda y'Umujyi wa Kigali.

Mu duce 8 twari tugize Tour du Rwanda, Henok Mulubrhan yegukanyemo kandi agace ka gatatu (Agace kari gafite ibirometero byinshi 199.5 kuva Huye kugera i Musanze).

Mu bakinnyi 93 baritangiye hari hasigayemo 65. Iri siganwa ryabaga ku nshuro ya 5 kuva rigiye ku rwego rwa 2.1 no ku nshuro ya 15 kuva ribaye mpuzamahanga.

Nyuma y'uko yegukanye Tour du Rwanda, Henok yashimye abakinnyi bagenzi be, mu magambo ye yagize ati 'Gutsinda Tour du Rwanda ni iby'agaciro kuri njye, ikipe yanjye n'igihugu cyanjye, kuko ni irushanwa rikomeye kandi rigoye cyane''-

Yongeraho ati: “Ni intsinzi imfunguriye inzira yo guhatana mu marushanwa yandi ari imbere''

Umuraperi Bushali uherutse gushyira hanze amashusho y'indirimbo 'Ijyeno' ategerejwe muri Tour du Rwanda

Umuhanzikazi Bwiza uherutse gusohora indirimbo yise 'To You' agiye kongera kuririmba mu bitaramo bya Tour du Rwanda

Umuhanzi akaba n'umwanditsi w'indirimbo, Mico The Best uherutse gushyira hanze indirimbo yise 'Inanasi'

Umunyamuziki Juno Kizigenza uherutse gushyira hanze Album ye ya mbere yise 'Yaraje'

Senderi Hit uherutse kuririmba mu gitaramo gisingiza Intwari ategerejwe mu bitaramo bya Tour du Rwanda

 

Hamaze gutangazwa abahanzi batanu ba mbere bazaririmba mu bitaramo bizaherekeza Tour du Rwanda

Umutoza wa Rayon Sports, Umufaransa Julien Mette yavuze ko kubera ko kuva yaza Mohamed Wade atigeze amuvugisha, adashobora gukorana na we uko byagenda kose.

Mu mpera z’ukwezi gushize ni bwo Rayon Sports yemeje umufaransa Julien Mette nk’umutoza mukuru wa yo, akaba yarasimburaga umunya-Tunisia Yamen Zelfani wari watandukanye n’iyi kipe mu Kwakira 2023.

Yaje asanga Umunya-Mauritania, Mohamed Wade wari umutoza wungirije wari warasigaranye iyi kipe nk’umutoza mukuru w’agateganyo yarahagaritswe mu gihe hagishakwa umutoza mukuru.

Mette kuva yaza ntabwo aragaragara na rimwe akorana na Wade nk’umutoza wungirije yahasanze nubwo bivugwa ko Wade yaje kurwara akajya mu bitaro.

Ubwo yari abajijwe niba azakomeza gukorana na Mohamed Wade, Julien Mette yavuze ko atakorana n’umuntu utarigeze amuvugisha kuva yaza cyangwa se ngo anasabe nimero ze.

Ati 'Sinakorana n’umuntu utarigeze umvugisha n’umunsi n’umwe, utarigeze anabaza nimero yanjye ya telefoni. Nanjye nararwaye, ndwara malaria njya mu bitaro nandikiye mama kubera ko iyo ntamwandikira byari kunshyira mu bibazo. Ni yo yaba arwaye si nkeka ko yapfuye.'

Yavuze ko kandi ku giti cye umutoza we wungirije akiri mu Bufaransa kandi ko ubwo yazaga yasanze Wade afitanye ibibazo n’ubuyobozi barimo kubikemura. Gusa ngo arimo kuganira n’ubuyobozi ngo abe yazana umwungiriza.

Julien Mette yavuze ko atakorana na Mohamed Wade

Wade ntabwo yifuzwa n’umutoza mukuru