Author: webrwanda

Umukinnyi w’umunyarwanda ukinira ikipe ya Standard de Liège mu Bubiligi, yavuze ko abakinnyi afatiraho icyitegererezo ari Umufaransa Paul Pogba ndetse n’umunya-Brazil, Neymar Jr.

Uyu mukinnyi wavukiye mu Bubiligi muri 2005 akaba afite imyaka 18, yahisemo kuba yakinira u Rwanda atitaye ku kuba u Bubiligi yavukiyemo bwazamuhamagara.

Mu kiganiro 'Le Standard Talk’ giheruka gusohoka aho baba baganiriza abakinnyi ba Standard de Liège ikina mu cyiciro cya mbere mu Bubiligi, Hakim Sahabo yabajijwe byinshi bijyanye n’urugendo rwe rwa ruhago.

Abajijwe impamvu yahisemo gukinira u Rwanda, yavuze ko yabikoze ku bushake kuko yashakaga kwitura mama we (kuko ni umunyarwandakazi) wamukoreye buri kimwe, yashimangiye ko atabyicuza kuba yarahisemo u Rwanda mbere y’u Bubiligi bwari kumuhamagara cyangwa ntibumuhamagare.

Abajijwe abakinnyi afatiraho icyitegererezo, Sahabo yavuze ko ari abakinnyi babiri, Umufaransa ukina mu kibuga hagati mu ikipe ya Juventus mu Butaliyani uheruka guhagarikwa imyaka 4 kubera gukoresha imiti yongera imbaraga, Paul Pogba ndetse n’umunya-Brazil ukinira ikipe ya Al Hilal muri Saudi Arabia.

Ati 'Paul Pogba na Neymar, ni abo babiri, ni abo babiri.' Yahise yungamo ati 'ariko kuri njye nemera ko Messi [Lionel] ari we mukinnyi mwiza.'

Yakomeje avuga ko aba bakinnyi ikintu abakundira ari uko nka Paul Pogba uburyo akinamo, uburyo ahagarara mu kibuga nta gihunga abyemera cyane ni mu gihe ni Neymar Jr ngo iyo afashe umupira aba ari mubi cyane, awukoresha icyo ashaka cyose.

Sahabo Hakim yatangiye gukinira ikipe y’igihugu y’u Rwanda muri 2022 ku mukino wa gicuti wa Equatorial Guinea. Akaba amaze gukinira u Rwanda imikino 5, ubu ni umukinnyi ngenderwaho.

Sahabo yavuze abakinnyi afatiraho icyitegererezo

Neymar ngo iyo afashe umupira arindwa mubi

Paul Pogba ngo akunda imikinire ye

Nyuma yo kugirira ikibazo mu mukino wa Musanze FC, rutahizamu wa Rayon Sports, Rudasingwa Prince yasabye abakunzi b’iyi kipe gukomeza bakamusengera akazakira vuba.

Hari mu mukino w’umunsi wa 22 wa shampiyona y’icyiciro cya mbere mu Rwanda umwaka w’imikino wa 2023-24 wakinwe ku wa Gatanu tariki 23 Gashyantare 2024 aho Rayon Sports yari yakiriye Musanze FC saa 18h00′ kuri Kigali Pelé Stadium, umukino warangiye ari 1 cya Musanze FC ku busa bwa Rayon Sports.

Umukino ubwo wari ugeze ku munota wa 88, Rayon Sports irimo irwana no kwishyura ni bwo habayeho iyi mpanuka, bateye umupira mu kirere maze Muhire Anicet wa Musanze FC azamuka mu kirere ahura na Rudasingwa Prince na we wari wazamutse bashaka gukina uyu mupira n’umutwe, maze bakubitana imitwe. Bombi bahise bikubita hasi bamera nk’abataye ubwenge maze abakinnyi bagenzi ba bo baba ari bo batabaza.

Wahise ubona ko ibintu kuri Stade bihinduye isura, mu gihe bari bategereje abagaganga, abakinnyi batangiye gutanga ubutabazi bw’ibanze, bahungiza. Gusa rutahizamu wa Rayon Sports, Rudasingwa Prince wabonaga ari we wagize ikibazo gikomeye aho barimo barwana no kugarura ururimi kuko rwari rwagiye.

Yagize imvune yitwa “Concussion”, iterwa no kunyeganyega k’ubwonko (Brain injury), umuntu agahita amera nk’utaye ubwenge aho n’ururimi ruhita rumanuka rukajya gufunga mu buhumekero ari na yo mpamvu iyo umuntu agize iki kibazo bahita barwana na gutuma rutagenda kuko iminota 5 gusa iba ihagije ngo ahite yitaba Imana.

Nyuma yo kugezwa kwa muganga mu Bitaro cya CHUK, yaciye mu cyumwa basanga nta kibazo afite ndetse muri iryo joro baraye bamusezereye.

Mu kiganiro yagiranye n’ikinyamakuru ISIMBI, Rudasingwa yavuze ko ubu arimo kumera neza, umutwe utakimurya uretse utuntu duke two kuzengerezwa aba yumva.

Ati 'Nyuma yo kugira ikibazo ku mukino wa Musanze nkajya kwa muganga bakancisha mu cyuma bakareba uko umeze, ndimo ndorohererwa, birimo biraza imiti nayirangije ejo ndumba umutwe ntakibabara urutse utuntu duke tw’utuzunga turimo ariko ubu meze neza.'

Yakomeje avuga ko abaganga bamusabye kwirinda telefoni iminsi 3 ya mbere ubundi nyuma y’icyumweru akazagenda bakongera kumusuzuma.

Ati 'Bari bambwiye ngo nduhuke, iminsi 3 ya mbere bari bambwiye ngo nirimnde telefoni, ariko bari mpaye icyumweru nyuma yacyo ngo nzagende nyure mu cyuma bansuzume barebe uko ubu bimeze. Ku wa Mbere Nzajyayo.'

Ku kuba byazamugiraho ingaruka akazajya akina yingenesereye cyane, yavuze ko atari byo kuko ari ibintu bisanzwe cyane ko atari n’ubwa mbere bimubayeho.

Ati 'Oya biriya bibaho mu kibuga ni impanuka, ntabwo byatuma utongera kwitanga kuko ni ko kazi dukora kandi kadutunze, nkeka ko ubu bitampungabanyije.'

'Twari turimo dukina na Etinclles (umwaka ushize) maze gutsinda igitego mpura n’umunyezamu nabwo ngira ikibazo ku ijisho ariko bwo ntibyari cyane, rero ntiwavuga ngo ntuzongera kwitanga cyane kuko niko kazi, biriya ni impanuka.'

Rudasingwa Prince kandi yavuze ko Muhire Anicet bagonganye na we bikarangira agiye kwa muganga bavuganye kandi ko n’ibyabaye byari impanuka nta mutima mubi.

Ati 'Twaravuganye, yarampamagaye arambaza umeze ute ndamubwira nanjye ndamubaza umeze ute arambwira, na we mperuka agomba kongera kujya kunyura mu cyuma, ibyabaye ni impanuka nta mutima mubi.'

Yasabye abakunzi b’iyi kipe gukomeza kumusengera akazakira vuba kandi bakanagumya bakaba hafi y’ikipe ya bo.

Yagize ati 'Bakomeze bansengere ngaruke, kandi ndabashimira bamabaye hafi, amatsinda y’abafana (fan Clubs) yansuye banyereka urukundo, kandi bakomeze babe hafi ikipe ya bo. '

Nyuma yo kugira iki kibazo, yatangiye gutora akabaraga aho yanagaragaye ari mu Nzove aho bagenzi be bakorera imyitozo, yari hanze y’ikibuga arimo ayikurikirana ariko we adakora.

Rudasingwa Prince ni uko yakuwe mu kibuga

Muhire Anicet na we wakuwe ku kibuga muri ubu buryo, na we ameze neza

Rudasingwa ubu ameze neza birimo biraza

Guhera taliki 28 Gashyantare kuzageza taliki 05 Werurwe 2024 i Paris muri mise ya Palais de Tokyo hari kubera ibirori byo kumurika imideri bizwi nka Fashion Week.

Ibi birori bikunze kwitabirwa n’ibyamamare bitandukanye. Mu ijoro ryakeye byitabiriwe n’Umunya-Espage Georgina Rodriguez ndetse akaba n’umugore w’umwe mu bakinnyi badasanzwe ku Isi, Cristiano Ronaldo.

Uyu mugore w’imyaka 30 yakoze ibintu byavugishije benshi aseruka yambaye ikanzu y’umutuku ikoze mu mwambaro, umugabo we yakinanye muri Manchester United mbere yo kwerekeza muri Real Madrid muri 2009.

Uyu mwambaro wari ukozemo ikanzu ndende igera ku birenge mu gihe imbere hari handitse nimero 7 n’izina Cristiano.  Warunariho umukono w’uyu mukinnyi kuri izo nimero yambaraga n’ubundi akiri mu ikipe y’amashitani atukura.

Ntabwo ari ibi gusa kubera ko n’inyuma mu mugongo naho hari harimo umukono we ndetse hariho n’amagambo y’urukundo agira ati “Ku bw’urukundo rw’ubuzima bwanjye”.

Iyi kanzu yari yambawe na Georgina Rodriguez usanzwe amurika imideri,  yakozwe n’inzu izwi cyane mu gukora ibijyanye n’imyambaro n’imideri muri rusange ya Vetements.

Georgina Rodriguez wamuritse imideri mu buryo budasanzwe yambaye ikanzu ikoze mu mwambaro w’umugabo we 

Mu mugongo hari handitse amagambo y’urukundo ndetse n’umukono wa Cristiano Ronaldo 

Ubwo Georgina Rodriguez yaserukaga ku itapi itukura

Imbere hari hariho izina Ronaldo ndetse kuri nimero 7 hariho n’umukono we

Georgina Rodriguez yavugishije benshi 

Georgina Rodriguez yerekanye ko urukundo rwe na Cristiano Ronaldo ari nta makemwa

Iri tsinda ryamamaye mu ndirimbo zinyuranye, ritegerejwe mu gitaramo gikomeye kuri uyu wa Gatandatu tariki 2 Werurwe 2024 ahitwa Kololo Independence Grounds mu Mujyi wa Kampala muri Uganda.

Mu butumwa bwo kuri X [Yahoze ari Twitter], Gen. Muhoozi yavuze ko yishimiye kwakira iri tsinda ryamamaye mu muziki. Abifuriza ishya n'ihirwe mu gitaramo bakorera i Kampala, kandi abasaba kuzasura ibyiza nyaburanga birimo na Pariki z'igihugu. Ati 'Ndashimira abagize uruhare mu gutegura iki gitaramo.'

Ibinyamakuru byo muri kiriya gihugu, bisobanura iki gitaramo cya UB40 muri Uganda nk'umurongo mwiza wo guhuza umuco n'umuziki w'injyana zinyuranye.

Iki gitaramo cyiswe 'Nobody can stop Reggae' cyateguwe bigizwemo uruhare na Next Media Services Company.

Ubwo iri tsinda ryageraga ku kibuga cy'indege Mpuzamahanga cya Entebbe International Airport, ryakiriwe n'abantu benshi biganjemo abakunzi babo.

Iki gitaramo bagiye gukora cyubakiye ku mudiho wa Reggae, baragihuriramo n'abandi bahanzi bo muri Uganda barimo: Rema Namakula, Bebe Cool, Vampino, Weasel, Navio, Abeeka Band, Vinka, Party Pipo, and Don Naselow n'abandi.

Iri tsinda riyobowe na Alistair Ian Campbell wavutse ku wa 15 Gashyantare 1959. Ni umunyamuziki w'Umwongereza wamamaye mu ndirimbo zinyuranye, kandi yagiye yigaragaza cyane mu bitaramo binyuranye iri tsinda ryagiye rikora.

UB40 ifite amateka akomeye mu muziki, kuko bafite agahigo ko kuba baragurishije ibihangano byabo byinshi hirya no hino ku Isi, kandi bakoze ibitaramo bitabarika kuva mu myaka 30 ishize bihuje nk'itsinda.

Mu 2008, Campbell wari umuyobozi w'iri tsinda yarivuyemo kubera kutumvikana na bagenzi be, icyo gihe yavuyemo ari kumwe n'umucuranzi Mickey Virtue.

Mu 2014, Campbell yatangaje ko agarutse mu itsinda, ari kumwe na Terence Wilson [Astro] waje kwitaba Imana mu 2021.

Iri tsinda ryamamaye mu ndirimbo nka 'That Look in Your Eye”; “Let Your Yeah Be Yeah”, “Somethin’ Stupid”, “Hold Me Tight”, “Would I Lie to You”, “Running Free”, “Out from Under”, “Carrie Anne”;

Red Wine, I Got You Babe, Please Don't Make Me Cry, Always There, Many Rivers to Cross, Can't Help Falling in Love, Kingston Town n'izindi.

Gen Muhoozi Kainerugaba yakiriye UB40 mbere yo gutaramira i Kampala

Gen Muhoozi Kainerugaba yifurije itsinda rya UB40 riyobowe na Ali Campbell kugirira ibihe byiza muri Uganda

UB40 yamamaye cyane mu ndirimbo zirimo nka 'Red Wine' n'izindi zinyuranye

KANDA HANO WUMVE INDIRIMBO 'RED WINE' YA UB40

“>

KANDA HANO WUMVE INDIRIMBO 'I CAN'T HELP' YA UB40

“>

Myugariro wa Etoile del’Est, Ndayishimiye Celestin yavuze ko kuba yarahisemo kwerekeza muri Sunrise FC kandi na Rayon Sports yaramwifuzaga, impamvu ari uko iyi kipe yamuhaga ibyo yifuza byose.

Muri Kamena 2020 ni bwo Ndayishimiye Celestin ukina ku ruhande rw’ibumoso yugarira, umwe mu bakinnyi bari bahagaze neza yatandukanye na Police FC yerekeza muri Sunrise FC y’Iburasirazuba bw’u Rwanda.

Icyo gihe yerekeje muri iyi kipe na Rayon Sports imwifuza ngo aze abisikane na Rutanga Eric wari umaze kujya muri Police FC kumusimbura, gusa amahitamo ye yamwerekeje muri Sunrise FC.

Abantu benshi batunguwe n’amahitamo ye cyane ko Sunrise na Rayon Sports ari amakipe abiri atandukanye cyane yaba ku bushobozi ndetse n’amateka.

Mu kiganiro yahaye ikinyamakuru ISIMBI, Celestin yavuze ko impamvu yahisemo Sunrise ari uko yamwegereye mbere bakaganira kandi ikamuha ibyo yifuzaga byose asanga atayihemukira ngo ayitere umugongo ajye muri Rayon Sports.

Ati 'buriya umuntu ukuvugishije bwa mbere ni umuntu uba waragukurikiranye kuva shampiyona itangiye kugeza irangiye, rero iyo umuntu aguhaye umwanya we, akakwereka ko muri kumwe ni cyo kintu gishobora kuba cyakwemeza na we kuba wamuha umwanya wawe. Sunrise yaranyegereye iranganiriza impa ibyo nifuzaga ni ko guhitamo kuyijyamo niregangije Rayon Sports.'

Abajijwe niba nyuma yo kugera muri iyi kipe, atarigeze yicuza kuba atarasinyiye Murera, yavuze ko iyo yamaze gufata icyemezo aba yagifashe byagenda nabi cyangwa se neza atajya yicuza.

Ati 'njyewe ukuntu mu bizima bwanjye nteye, n’uko mbayeho, ikintu nkoze ngishaka nirinda kwicuza. Nta kintu nigeze nicuza.'

Ndayishimiye Celestin yakiniye Sunrise FC umwaka umwe, ubwo yari imanutse mu cyiciro cya kabiri yahise yerekeza muri Etoile del’Est agikinira kugeza uyu munsi.

Ndayishimiye Celestin yavuze ko atari gukwepa Sunrise FC kuko yari yamuhaye ibyo yifuza byose