Author: webrwanda

Wari umukino w’umunsi wa 23 wa Shampiyona, ikipe ya Rayon Sports yari yasuyemo Sunrise kuri sitade y’akarere ka Nyagatare. Ni umukino Rayon Sports yagiye gukina yatakaje umwanya wa 2 kuko Musanze FC yari yawicayeho nyuma yo gutsinda Muhazi United igitego 1-0.

Rayon Sports ntabwo yagowe n’umukino, kuko ku munota wa 8 gusa Tuyisenge Arsene yahise atsinda igitego ku mupira yari ahawe na Youssef Rharb.

Igice cya mbere cyenda kurangira ku munota 43, Rayon Sports yatsinze igitego cya kabiri nacyo cyatsinzwe na Tuyisenge Arsene ku mupira yari ahawe na Kalisa Rashid.

Igice cya mbere cyarangiye nta mpinduka zibaye, ndetse no mu gice cya kabiri biba uko, umukino urangira ari ibitego 2-0 bwa Sunrise FC.

Abakinnyi amakipe yabanje mu kibuga

Sunrise FC

Mfashingabo Didier
Mucyo Emmanuel
Uwambajimana Leon
Murenzi Patrick
Ndou Mico
Franklin Onyeabor
Vedaste Niyibizi
Ssali Brian
Elysa Duhimbaze
Babuwa Samson
Frank Shema
Rayon Sports

Khadime
Mugisha Master
Mitima Isaac
Hakim Bugingo
Serumogo Ali
Roger Kanamugire
Ndekwe Felix Bavakure
Kalisa Rashid
Bbaale
Ryarb Youssef
Tuyisenge Arsene

Rayon Sports ikomeje kugenda kuri APR FC nubwo bigoye cyane, kuko ubu APR FC iri ku mwanya wa 1 n’amanota 52, ikaba irusha amanota 7 ikipe ya Rayon Sports iri ku mwanya wa 2 n’ubwo APR FC ifite umukino w’ikirarane.

Sunrise FC yo yagumye ku mwanya wa 12 n’amanota 23. Undi mukino wabaye, ikipe ya Gasogi United yatsinze Marine FC ibitego 2-0.

John Ikechukwu Okafor [Mr. Ibu] muri sinema ya Nigeria yitabye Imana azize uburwayi.

Mr Ibu w’imyaka 62, yari amaze amezi atanu ahanganye n’uburwayi bwateraga kuva kw’amaraso mu bice by’amaguru, bwatumye acibwa ukuguru mu mpera z’umwaka ushize nyuma yo kubagwa inshuro zirenga zirindwi.

Uyu mugabo wari uzwi cyane muri Nollywood (Sinema ya Nigeria) yaguye mu bitaro bya Evercare Hospital biri i Lagos.

Iby’urupfu rwe byemejwe n’umujyanama we Mr Don Single Nwuzo wabitangarije Emeka Rollas, umuyobozi w’ihuriro ry’abakinnyi ba filime muri Nigeria.

Ni nyuma y’uko muri 2022 yatangaje ko abantu barimo n’abo mu muryango we bagerageje kumuroga inshuro nyinshi kubera kutishimira iterambere rye.

Muri Gashyantare 2024, Polisi ya Nigeria yatangaje ko yataye muri yombi abana ba Mr Ibu, bazira umugambi wo kuriganya Miliyoni 55 z’ama-Naira (arenga Miliyoni 76Frw) yatanzwe n’abagiraneza yo kuvuza umubyeyi wabo.

Uyu mukinnyi wa filime wanyuze benshi bitewe n’urwenya rwe, yamamariye muri filime zitandukanye zirimo 'Mr Ibu', 'Mr Ibu in London', 'Police Recruit', 'A Fool At 40' n’izindi.

Ni umukino wa nyuma wabaye kuri uyu wa Gatandatu, ndetse ukaba witabiriwe na Perezida Kagame na Madamu Jeannette Kagame.

Iyi mikino yatangiye ku wa mbere, ku mukino wa nyuma hahuriye abakinnyi babiri bose b’abanyamahanga,aho Pologne Kamil Majchrzak yaje gutsinda Marco Trungelliti ukomoka muri Argentina amaseti 2-0 (6-4, 6-4).

Umuholandi Max Houkes na Clément Tabur ukomoka mu Bufaransa nibo begukanye icyumweru cya mbere mu bakina ari babiri, bakaba batsinze Pruchya Isaro wo muri Thaïlande na Christopher Rungkat wo muri Indonesie amaseti 2-0 (6-3, 7-6(4)).

ATP Challenger 50 Tour, rimwe mu marushanwa atanu ategurwa n'Ishyirahamwe rya Tennis y'Ababigize umwuga (ATP), aho hitabira abakinnyi bari mu myanya 150 ku Isi kuzamura bagahatana aho baba bashaka kuza mu myaka 100 ya mbere ku Isi.

Icyumweru cya kabiri cy'iri rushanwa giteganyijwe tariki ya 4-10 Werurwe 2024 na bwo muri IPRC Kigali.

Aba bakinnyi bari bamaze hafi icyumweru bahanganye, bakaza gusubukura kuri uyu wa mbere

Mu gihe habura icyumweru kimwe gusa ngo hamenyekane uwegukanye ikamba rya Nyampinga w’Isi, abakobwa 112 bahatanye mu cyiciro cya ‘Top Model’ maze cyegukanwa n’abakobwa 20 nk’uko byari biteganijwe, barimo na batanu bakomoka ku mugabane wa Afurika.

Muri abo bakobwa harimo Miss Lesego Chombo wa Botswana, Miss Miriam Xorlasi wa Ghana, Miss Ada Eme wa Nigeria, Miss Chimene Moladja wa Togo ndetse na Miss Claude Mashego w’Afurika y’epfo.

Ibindi bihugu byabashije kuza muri Top 20 harimo Brazil, Canada, Peru, Martinique, Dominican Republic, u Bubiligi, Repubulika ya Szech, u Bufaransa, Scotland, Slovakia, u Buhinde, Indonesia, Lebanon, Philippines na Turukiya.

Iki cyiciro cyegukanwa n’umukobwa uhagarariye igihugu cya Martinique mu irushanwa rya Miss World naho igisonga cya mbere kuba Miss Nursena Say wa Turukiya. 

Ni mu gihe kandi Miss Lesego Chombo ariwe wahagariye umugabane wa Afurika muri iki cyiciro, Miss Nursena Say wa Turukiya agahagararira umugabane wa Aziya na Oseyaniya, Miss Sophia Hrivnakova wa Slovakia agahagararira u Burayi, naho Miss Axelle Réne wa Martinique akaba ariwe uhagarariye umugabane wa Amerika.

Muri iki cyiciro, abakobwa Bose uko ari 112 biyerekanye ku rubyiniro mu myambaro myiza yihariye, imitako n’imideli bihenze kandi byiza bibereye ijisho

Aba bakobwa bose uko ari 20, barangije gukatisha itike iberekeza muri Top 40 y’abakobwa bahataniye ikamba rya Miss World 2024 igiye kuba ku nshuro ya 71.

Ibi birori byo gushaka abakobwa 20 bagombaga gutsinda muri iki cyiciro cya ‘Top Model,’ byabereye kuri imwe muri hoteli nini zikomeye mu Buhinde, ariyo Aurika Mumbai Skycity.

Ibi bibaye nyuma y’uko umunya-Nigeria Ada Eme, umunya-Botswana Lesego Chombo n'umunya-Zimbambwe Nokutenda Shekinah Marumbwa, nabo baherutse guhesha ishema umugabane wa Afurika, bakaza muri batanu ba mbere batsinze mu cyiciro cya 'Head-To-Head challenge.'

Ibikorwa bya Miss World iri kuba ku nshuro ya 71 byatangiye ku ya 18 Gashyantare bikaba bizarangira ku ya 9 Werurwe. Bikubiyemo ibikorwa bigomba kubera ahantu hatandukanye mu Buhinde, harimo na Bharat Mandapam i New Delhi. 

Miss World 2024 azambikwa ikamba ku ya 9 Werurwe muri Jio Convention World Centre i Mumbai.

Miss Axelle Réne niwe wegukanye icyiciro cya ‘Top Model’

Ahagarariye Martinique mu irushanwa rya Miss World 2024

Abahagarariye imugabane muri Top Model

Top 20 y’abakobwa batsinze mu cyiciro cya Top Model bamaze gukatisha itike iberekeza muri Top 40 y’abahataniye ikamba 

Kuri uyu wa Gatandatu tariki 02 Werurwe 2024 ni bwo Killaman na Shemsa bamaze imyaka 8 babana bakoze umuhango wo gusaba no gukwa wabereye kuri Romantic Garden mu mujyi wa Kigali.

Uyu mugabo ufite izina rikomeye muri sinema nyarwanda, yahisemo Fuadi usanzwe ari umunyamakuru wa B&B Umwezi nka 'Parrain' we.

Yaherekejwe kandi n'inkumi zirimo Nyambo Jesca na Nelly Umulisa, bosa bakaba bamaze gushinga imizi mu myidagaduro.

Ku ruhande rw'abahungu bamwambariye harimo Bamenya, Rocky Kimomo, Fally Merci, Shaffy, Dr Nsabi na Mitsutsu.

Ibirori byo gusaba no gukwa byaranzwe n'ibiganiro byiza by'abasaza baserukiye imiryango yombi, biyoborwa na Julius Chita na Joshua.

Umuziki wagiye uvangwa mu buryo bwiza hananyuramo abahanzi ba gakondo.

Nyuma y'umuhango wo gusaba no gukwa, Shemsa na Killaman bakiriye imiryango, inshuti n'abavandimwe.

KANDA HANO UREBE UKO ABASORE BASERUTSE

KANDA HANO UREBE UKO INGANZO NGARI YASERUTSE

Ibyamamare byari byinshi mu baherekeje Killaman guhera kuri Rocky Kimomo

Nyambo Jesca na Nelly Umulisa bari mu bakobwa baherekeje Killaman Byari akanyamuneza mu bitabiriye bose yaba Killaman n’umugeni we Shemsa basanzwe bafitanye abana n’abandi baje babaherekeje

Kuri uyu wa Gatandatu tariki 02 Werurwe 2024 ni bwo hakomeje imikino yo ku munsi wa 23 wa shampiyona y’icyiciro cya mbere mu Rwanda.

Saa kumi n’ebyiri n’iminota 20 ikipe ya APR FC yakiriye Etincelles FC kuri Kigali Pelé Stadium. Byaje kurangira iyi kipe y’Ingabo z’igihugu itsinze igitego 1 cyatsinzwe na Shaiboub ku munota wa 55.

Abafana b’iyi kipe yo mu karere ka Rubavu ntabwo bigeze bishimira iyi ntsinzwi dore ko bamwe umukino ugiye kurangira bahise bazamura ibyapa byanditseho amagambo atabariza ikipe bihebeye ya Etincelles aho umwe yatabazaga Umuyobozi w’Intara y’Iburengerazuba amusaba kureba impamvu akarere ka Rubavu katereranye ikipe.

Undi mufana we yari afite icyapa kiriho amagambo atabaza Perezida Kagame aho yari yanditse ati: “Nyakubahwa Perezida wa Repubilika y’u Rwanda, Etincelles FC igiye kumanuka akarere ka Rubavu karayitereranye”.

Ibi bibaye mu gihe n’ubundi ikipe ya Etincelles FC imaze iminsi iri kuvugwamo ubukene bukabije dore ko byari byanatangiye kuvugwa ko uyu mukino wa APR FC abakinnyi bashobora kutaza kuwukina bitewe n’amezi bamaze badabembwa.

Kuri ubu ikipe ya Etincelles FC iri ku mwanya wa 15 n’amanota 22 inganya na Bugesera FC ya 14.

Abafana ba Etincelles FC batabaje Perezida Kagame bavuga ko akarere ka Rubavu katereranye ikipe yabo

Abafana ba Etincelles FC bazamuye ibyapa bitabariza ikipe yabo

Umufana wasabye umuyobozi w’Intara y’Iburengerazuba kureba impamvu akarere ka Rubavu katereranye Etincelles FC 

Bamwe mu bafana ba Etincelles FC bari bavuye mu karere ka Rubavu mu gushyigikira ikipe yabo

Bavuye i Rubavu baje gufana ikipe yabo batahana agahinda

Kuri uyu wa Gatandatu tarik 02 Werurwe 2024 imikino ya shampiyona y’icyiciro cya mbere mu Bwongereza yo ku munsi wa 27 yatangiye gukinwa.

Saa kumi n’imwe zuzuye ni bwo Nottingham Forest yakiriye Liverpool kuri City Ground. Ni umukino watangiye ubona ikipe ya Liverpool ihererekanya neza ari nako abakinnyi bayo nka Cody Gakpo na Boby Clark bagerageza uburyo imbere y’izamu bakarekura amashoti ariko ntabakundire ngo agane mu izamu neza.

Ku munota wa 23 ikipe ya Nottingham Forest nayo yabonye uburyo bwa mbere bwari buremereye ku mupira Antony Elanga yabonye ari wenyine ahawe umupira na Divock Origi ariruka, ageze imbere y’izamu agiye kurekura ishoti, Kelleher aratabara awumukuraho.

Liverpool yakomeje gukina ubona irusha Nottingham Forest ariko ibijyanye n’igitego biranga burundu bituma igice cya mbere kirangira ari 0-0.

Mu minota ya mbere y’igice cya kabiri ikipe ya Nottingham Forest yaje yahinduye ibintu ariyo ikina neza kurusha Liverpool.

Ku munota wa 57 Jurgen Klopp yakoze impinduka mu kibuga havamo Bob Clark na Andre Robertson hajyamo Darwin Nunez na Endo Wataru.

Nottingham Forest yakomeje gukina inyuzamo ikagera imbere y’izamu binashoboka ko yabona igitego nk’aho Taiwo Awoniyi yabonye umupira ari mu rubuga rw’amahina, gusa aratinda ba myugariro ba Liverpool bamukuraho umupira.

Mu minota ya nyuma y’umukino ikipe ya Liverpool yasatiriye cyane binyuze ku bakinnyi barimo Darwin Nunez na Luis Díaz ariko kubona igitego biranga burundu dore ko n’umunyezamu wa Nottingham Forest yari yabaye ibamba.

Akagozi kaje gucika umukino ugiye kurangira, Liverpool ibona igitego cyatsinzwe na Darwin Nunez ku mupira yahawe na Alex Mac Allister.

Umukino warangiye Nottingham Forest itsinzwe igitego 1-0 bituma Liverpool ikomeza kuyobora urutonde rwa shampiyona n’amanota 62 mu gihe Manchester City na Arsenal zizikurikiye zo zikaba zitarakina.

Indi mikino ikomeye yabaye, ikipe ya Chelsea yanganyije na Brentford ibitego 2-2 naho Tottenham Hotspur itsinda Crystal Palace ibitego 3-1.

Darwin Nunez watabaye Liverpool ku munota wa nyuma yishimira igitego