Author: webrwanda

Mu gihe Isi n’u Rwanda byizihiza umunsi w’abari n’abategarugori (Abagore) wabaye kuwa Gatanu tariki 08 Werurwe 2024, umuhanzi akaba n’umusizi Aloys Ntezimana kuri uyu munsi yashyize hanze igisigo yise ‘A letter to all men’.

Iki gisigo yise ‘Ibaruwa ku bagabo bose’ yagishyize hanze nyuma yo kureba ubutwari n’ubwitange buranga abagore ariko abagabo bagasa n’abatabyitaho cyane afata umwanzuro wo kubahugura, abibutsa ko aribo bagire uruhare runini ku kubaho kwa muntu.

Mu kiganiro yagiranye na InyaRwanda, yavuze ko umugore adasanzwe ariko atangazwa no kubona abagabo batabiha agaciro rimwe na rimwe dore ko hari n’ababakubita.

Yagize ati “Ni ibaruwa nageneye abagabo ariko nashakaga kugira ngo tumenye agaciro k’abagore, nta muntu wagirira nabi umugore cyangwa se ngo amugirire neza atari umugabo”.

Yakomeje agira ati “Kugira ngo wumve ko abagore ari abantu badasanzwe, ibaze bafashe umwanzuro wo kwanga kubyara! Isi yarimbuka. Rero birantungura kumva hari nk’abagabo bagikubita abagore babo cyangwa se babatoteza”.

Aloys kandi yabwiye InyaRwanda ko usibye kuba ari umusizi ari n’umukinnyi wa filime. Asanzwe afite ibisigo ‘Black Sabbath, I Confess, Win pr loose’ n’ibindi.

Aloys yashyize hanze igisigo gikebura abagabo batita ku bagore

Aloys ubwo yari yahuye n’uwahoze ari umunyamabanga wa UN, Ban Ki Moon

Reba igisigo ‘A Letter to all men’

Kimwe no mu yandi mezi yatambutse, abahanzi nyarwanda bakomeje gushimangira ko 2024 nta kujenjeka biyemeje guha abanyarwanda umuziki mwiza kandi ku gihe.

Mu gihe hashize iminsi micye abantu binjiye mu kwezi kwa gatatu k'umwaka, InyaRwanda yaguteguriye indirimbo 10 z'intoranwa zagufasha gukomeza kuryoherwa n'intangiriro z'ukwezi, ari nako winjirana akanyamuneza mu mpera z'icyumweru.

1. Ifi – Humble Jizzo

2. Icyuki Gikaze – Diplomat ft Li John

“>

3. Nzagutegereza – France Mpundu

“>

4. Woman Of My Dreams – Andy Bumuntu

“>

5. Muhaguruke Yaje – Yvan Muziki

“>

6. Mon Bebe – Fifi Raya

“>

7. Stick On You – Amalon

“>

8. Magic – Nillan ft Kivumbi King

“>

9. Like Me – Jaja ft Logan Joe

“>

10. Faranswa – Juni Quickly ft Hollix

“>

12:28' Ibiciro byo kwinjiye kuri uyu mukino

Uyu mukino ni umwe mu mikino iba ihenze hano mu Rwanda, kuko uba usanga buri umwe ashaka kuwureba, Rayon Sports ubwo yashyiraya hanze ibiciro, itike ya make yari ibihumbi 5000, ariko ikazaba 7000 ku munsi w’umukino. Tike yindi yari ibihumbi 7000 ariko ikaba ibihumbi 10000 ku munsi w’umukino. Itike y’ibihumbi 20000 yagombaga kuba 30000 ku munsi w’umukino, ndetse n’itike y’ibihumbi 50000, aya mafaranga yose akaba ari mu manyarwanda.

Kuri uyu wa Gatanu 70% by’amatike byari byamaze kugurwa 

12:10' Abakinnyi 11 babanje mu kibuga mu mukino ubanza:

APR FC: Pavelh Ndzila Ombolenga Fitina, Niyigena Clement, Nshimiyimana Yunussu, Nshimirimana Ismael Pitchou Taddeo Lwanga Mugisha Gilbert Kwitonda Alain Bacca Victor Mboama Ishimwe Christian na Ruboneka Jean Bosco

Rayon Sports: Simon Tamale, Mitima Isaac Karisa Rachid, Luvumbu Nzinga, Aruna Moussa, Musa Esenu, Rwatubyaye Abdul, Bugingo Hakim, Muhire Kevin, Ojera Joachim, na Serumogo Ali.

Ni umukino uri bubere kuri sitade ya Kigali Pele Stadium, ugatangira ku isaha ya saa 15:00 PM. Uyu mukino byari biteganyijwe ko utangira Saa 18:00 PM ariko FERWAFA iza kubihindura kubera impamvu y’amatara atanga urumuri rudahagije.

Aya makipe agiye guhura akurikiranye ku rutonde rwa shampiyona aho ikipe ya APR FC iri ku mwanya wa mbere n’amanota 55, Rayon Sports ikaza ku mwanya wa kabiri n’amanota 45. Ni amanota 10 atandukanya aya makipe, bisa n’aho APR FC ireba igikombe mu biganza, cyereka Rayon Sports ikiyambuye.

Rayon Sports igiye gukina ishaka kugabanya nibura amanota irushwa na APR FC akaba yaba 7, ubundi ikareba niba hari indi mikino nk’itatu APR FC yatakaza.

Ikipe y’ingabo z’igihugu nayo, yinjiye muri uyu mukino ishaka guhagarika amateka mabi y’imikino 3 imaze idatsinda Rayon Sports, ndetse ikaba ishaka no kuyereka ko igomba gutwara igikombe ikubise umuhisi n’umugenzi.

VIDEO ZIGARUKA KURI UYU MUKINO

Kigali Pele Stadium, Ikibuga kigiye guca impaka kuri aya makipe yombi ndetse kikaba kimwe mu bibuga bimaze kwakira uyu mukino inshuro nyinshi cyo na Sitade Amahoro

Kigali Pele Stadium igiye kwakira uyu mukino, yahoze yitwa Nyamirambo Regional Stadium ariko kuva tariki 15 Werurwe 2023 biza guhinduka ihabwa irindi zina mu buryo bwo guha icyubahiro umukinnyi w’ikirangirire Pele wakomokaga muri Brazil witanye Imana mu Ukuboza tariki 29 2022.

Iki kibuga cyakira ibihumbi 22 by’abafana. Ntabwo iyi sitade yakira imikino y’umupira w’amaguru gusa, kuko ikunze no kuberamo ibindi bikorwa, birimo inama zitandukanye.

Umukinnyi wa Filime Nyarwanda umaze kubaka izina, Nyambo Jesca yahakanye amakuru y’uko akundana n’umubyinnyi Titi Brown, ahamya ko ari inshuti magara kandi badateze kuzareka ubucuti bwa bo kubera amagambo y’abantu birirwa bavuga.

Muri Gashyantare 2024, ni bwo inkuru zatangiye gusakara ko Nyambo na Titi Brown bari mu munyenga w’urukundo, ni nyuma y’amashusho n’amafoto yagiye hanze bagiranye ibihe byiza kandi asohoka ku munsi w’abakundanye.
Nyuma Titi Brown yahakanye aya makuru avuga ko ari inshuti gusa kandi nta kindi kibyihishe inyuma, yashyizemo akantu ko gusetsa avuga ko Nyambo atamwemera.

Mu kiganiro yagiranye n’ikinyamakuru ISIMBI, Nyambo Jesca yavuze ko ukuri guhari ari uko we na Titi Brown batari mu rukundo.

Ati 'Abantu barimo kuvuga ngo njye ndi mu rukundo na Titi Brown, nabonye byaravuzwe, byaravuzwe birongera biravugwa, murashaka kumenya ngo ndi umukunzi wa Titi Brown? Ni icyo mushaka kumenya? None se ko atari byo.'

Agaruka ku hantu akeka ko ibyo byose byaba byaraturutse, yavuze ko akeka amashusho yagiye hanze ku munsi w’abakundanye ari kumwe na Titi Brown, amashusho avuga ko ashobora kuba atarafashwe kuri uwo munsi.

Ati 'Ubanza njye mbereye gushyingirwa abahungu, ntabwo mbizi nanjye. Ariko ubanza impamvu babivuze hari amashusho twafashe ku munsi w’abakundana ndi kumwe na Titi, ariko hari ukuntu amashusho ashobora gufatwa nk’uyu munsi akazajya hanze ejo mutitabye ku bya St Valentin, hari nk’amashusho mfite ya kera ndi kumwe n’abandi bantu dukorana, akazajya hanze undi munsi abantu bagakeka ko ari ay’ako kanya.'

Abajijwe niba Titi Brown ari inshuti ye cyangwa ari umukunzi we, yagize ati 'ni inshuti yanjye Titi, ni inshuti yanjye cyane, ni n’umwana mwiza. Ni inshuti yanjye kandi ntabwo tuzareka ubucuti bwacu kubera ayo magambo mwirirwa muvuga, mu munshyingira, tuzaba inshuti ahubwo ubwo bucuti bwacu tububyaze umusaruro.'

Tariki ya 14 Gashyantare 2024 ni bwo bwa mbere baciye amarenga y’urukundo rwa bo aho hagiye amashusho hanze basohokanye ku munsi w’abakundana, bagiriye ibihe byiza mu bwato.

Titi Brown akaba yarafunguwe mu Kwakira 2023, ni nyuma y’imyaka 2 afunzwe aho yari akurkiranyweho gusambanya umwana utarageza imyaka y’ubukure akanamutera inda, gusa yaje kugirwa umwere kuri ibi byaha.

Nyambo Jesca ni umwe mu bakobwa bamaze kwandika izina muri Sinema Nyarwanda aho azwi cyane muri filime y’uruhererekane ya ‘Umuturanyi’ inyura kuri Zacu TV ndetse no kuri YouTube.

Harabura amasaha make Rayon Sports igacakirana na APR FC mu mukino w’umunsi wa 24 wa shampiyona y’icyiciro cya mbere mu Rwanda umwaka w’imikino wa 2023-24.

Ni umukino uteganyijwe kuri uyu wa Gatandatu tariki ya 9 Werurwe 2024 kuri Kigali Pele Stadium saa 15h00.

Ni umukino Rayon Sports iri bukine ibura bamwe mu bakinnyi ba yo nka Rudasingwa Prince utaratangira imyitozo kubera uburwayi, Aruna Moussa Madjaliwa ntabwo ameze neza ku buryo yahita atangira gukina nyuma y’imvune yagize, ni mu gihe Youssef Rharb afite amakarita 3.

Rayon Sports ni yo yakira uyu mukino aho iri ku mwanya wa 2 n’amanota 45 irushwa amanota 10 na APR FC ya mbere iri bube ibura abakinnyi babiri gusa.
Umutoza wa Rayon Sports ashobora kuza guhindura sisiteme yakinaga aho ashobora kuza gukina 3-5-2 ni mu gihe yari amenyereye gukina 4-4-2.

Aha bivuze ko abakinnyi babiri bakina ku ruhande bugarira (Bugingo Hakim na Serumogo Ali) bafatwa nk’abakinnyi bo hagati.

Abakinnyi 11 ashobora kubanza mu kibuga

Umunyezamu: Khadime Ndiaye

Ba Myugariro: Mitima Isaac, Nsabimana Aimable na Mugisha Francois Master

Abakina Hagati: Serumogo Ali, Bigingo Hakim, Kalisa Rashid, Kanamugire Roger na Muhire Kevin

Ba Rutahizamu: Tuyisenge Arsene na Charles Baale

Shampiyona ya Basketball icyiciro cya mbere mu bagabo yari yakomeje hakinwa imikino ibanza umunsi wa 12, APR BBC ikaba yaje gutsinda itababariye Orion imibare 3 (trois chiffres) ni mu gihe na Patriots yitwaraga neza imbere ya Espoir BBC.

Ni imikino yombi yaraye ibereye muri LDK, habanje uwa APR BBC na Orion BBC. Agace ka mbere APR ibifashijwemo n’abasore nka Ntore Habimana na Nshobozwa bagatwaye ku manota 23-10.

Mu gace ka kabiri abasore ba Orion nka Atkinson David bagoye APR byatumye basoza aka gace banganya 19-19. APR FC ikinyuranyo gikomeye yagishyizemo mu gace ka 3 aho yatsinze amanota 34-19 ni mu gihe aka nyuma kabaye 19-19. Umukino APR yawegukanye ku manota 105-67.

Atkinson David Tanner wa Orion ni we watsinze amanota menshi muri uyu mukino (29) ni mu gihe Nshobozwa wa APR yatsinze 21.

Hakurikiyeho umukino wo Patriots yatsinzemo Espoirs BBC amanota 69-47. Agace ka mbere yagatsinze 14-06, aka kabiri 24-11. aka gatatu 17-16 ni mu gihe aka nyuma banganyije 14-14. Fortunate Mwanawabene ukinira Espoir BBC ni we watsinze amanota menshi, 13.

Ku mugoroba wo ku wa 08 Werurwe 2024 n’ibwo mu kigo cy’amashuri y’incuke ndetse n’ayisumbuye cya Green Hills Academy kiri mu birangaje ibindi mu gutanga uburezi bufite ireme mu Rwanda habereye igitaramo kiswe “Rwanda Festival Nyirarumaga”.

Ni igitaramo cyitabiriwe n’abantu mu ngeri zitandukanye kuva ku babyeyi barerera muri iki kigo kugeza ku bana babo basanzwe biga muri iki kigo.

Usibye aba babyeyi bafite abana biga muri iki kigo kandi, cyitabiriwe n’abandi bantu bo mu ngeri zitandukanye zirimo abayobozi n’abandi baje bakuruwe n’Itorero Inganzo Ngari cyangwa se umuhanzi Mike Kayihura.

Usibye abo kandi, iki gitaramo kitabiriwe n’abahanzi Gakondo barimo Muyango, Cyusa Ibrahim n’abandi.

Umuhanzi Muyango yitabiriye iki gitaramo

Guverineri w’Intara y’Iburasirazuba, Prudence Rubingisa yitabiriye iki gitaramo 

Dr. Murangirwa Thierry, umuvugizi wa RIB nawe yitabiriye iki gitaramo ndetse ni umwe mu babyeyi bafite abana biga kuri Green Hills Academy

Ni igitaramo ngaruka mwaka cyahujwe no kwizihiza Umunsi Mpuzamahanga w’Umugore hafatiwe urugero kuri Nyirarumaga, umubyeyi w’Ubusizi.

Cyatangiye  ku isaha saa moya z’umugoroba kubera habaye imbogamizi y’imvura yaguye igakerereza abacyitabiriye. Cyatangijwe no kuririmba indirimbo yubahiriza igihugu ‘Rwanda Nziza’.

Nyuma yo kuririmba iyi ndirimbo, igitaramo nyirizina cyahise gitangira, abana b’incuke biga muri Green Hills Academy bururia urubyiniro babyina imbyino Gakondo biratinda.

Aba bana b’incuke, bavuye ku rubyiniro basimburwa na bakuru babo biga mu yisumbuye ariko nabo bo kuri iki kigo.

Bakomeje guhererekana urubyiniro mu mbyino ziryohewe amaso ari nako bafashwa na bamwe bo mu Inganzo Ngari babakubitiraga ingomba ndetse bakanabikiriza cyane ko ababyinnyi bo muri iri torero ari nabo batoza muri iki kigo.

Aba banyeshuri barimo abo mu cyiciro cy’incuke, abanza n’ayisumbuye, baherekanye urubyiniro n’abarimu bo muri iki kigo b’abagore cyane ko uyu munsi wari umunsi mpuzamahanga w’abagore.

Ku isaha ya sas mbi n’iminota 35 n’ibwo itorero Inganzo Ngari nyirizina ryuriye urubyiniro ubundi ricinya akadiho biratinda.

Inganzo Ngari zurira urubyiniro, habanje abari n’abategarugori bambaye imyenda y’imyeru, bagenda bahindura imyenda ari nako abari ku rubyiniro bamwe bavagaho, hakaza abandi cyane ko iri tsinda ribarizwamo abanyamuryango benshi.

Ku isaha ya saa tatu z’ijoro n’ibwo basaza babo nabo bageze ku rubyiniro barivuga, baca imigara ari nako ikirenge kidakora hasi.

Nyuma gato abagiz Inganzo Ngari bahuriye ku rubyiniro, bashimira Serge Nahimana, umutoza Inganzo Ngari.

Uyu mutoza wa Inganzo Ngari ndetse akaba n’umutoza w’abanyeshuri bo muri Green Hills Academy yashimiwe n’iki kigo, ahabwa ishimwe ryanditseho riti “Intore y’indashyikirwa, umutoza w’abakuru n’abato’.

Serge yahawe iki gihembo, Inganzo Ngari riva ku rubyiniro, risiga umuhanzi Cyuza Ibrahim watunguranye kuri uru rubyiniro.

Serge Nahimana yahawe igihembo cy’ishimwe

Uyu muhanzi yaririmbye indirimbo ze zitandukanye ‘Muhoza’ n’izindi.

Iki gitaramo cyashyizweho akadomo na Mike Kayihura wakiranwe urukundo rudasanzwe. Uyu musore wasanze abantu bakuru bose bamaze gutaha, yaririmbishije urubyiniro rwamukundiye rukajyana nawe ijambo ku ijambo rya buri ndirimbo.

Indirimbo zagaragarijwe urukundo cyane zirimo Jatibu, Anytime, Sabrina yakoranye na Kivumbi King n’izindi. Mike Kayihura ubwo yageraga ku indirimbo “Tuuza” byabaye ibindi bindi, urubyiniro rujya ibicu.

Iyi ndirimbo yagaragarijwe umwihariko kuko Mike Kayihura atigeze ayiririmba ahubwo ari abafana bayiririmbiye.

Mike Kayihura yatanze ibyishimo bisendereye

Mike Kayihura afite indirimbo zikunzwe cyane by’umwihariko ‘Tuuza”

Cyusa Ibrahim yatunguranye agaragara ku rubyiniro

Abanyeshuri bo muri Green Hills mu byiciro bitandukanye bataramiye imbere y’ababyeyi babo

Inganzo Ngari bataramye biratinda

Ababyeyi bari baje kureba abana babo

Reba amafoto yose, uko igitaramo cyagenze

AMAFOTO: Ngabo Serge-  InyaRwanda