Abakinnyi b'ikipe y'igihugu ya Repubulika Iharanira Demokarasi ya Congo, baraye hasi kuri sima mu kibuga cy'indege cya Accra muri Ghana.
Aba bakinnyi bitabiriye imikino ya 'All African Games' iri kubera muri Ghana, baraye ku kibuga cy'indege cya Accra nyuma yo kubara aho bacumbika.
Â
Â
Ikipe ya Kryvbas Kryvyi Rih yo muri Ukraine, ikinamo Kapiteni w'ikipe y'igihugu Amavubi, Bizimana Djihad ku wa Gatandatu yatsinze Obolon-Broval igitego 1-0.
Djihad yari yabanje mu kibuga ndetse arangiza n'umukino. Kryvbas Kryvyi Rih iri ku mwanya wa 2 ku rutonde rwa shampiyona.
Iyi kipe ikazasubira mu kibuga ikina na Kolos kuwa Gatandatu muri shampiyona.
Umunyeshuri witwa Uwiringiyimana Ibrahim, wiga mu mwaka wa kabari w'amashuri abanza kuri GS Rambo Nyamyumba yatunguranye ajya ku ishuri ahetse umwana.
Yanze gusiba ishuri k'uko umubyeyi we yamusigiye murumuna we, maze isaha yo kwiga igeze Ibrahim, yuhagiye umwana, amutegurira igikoma, aramuheka, nuko amujyana kwishuri ngo yige amuhetse aho kugirango arisibe.
Umuco wo kubika ibintu by’ingenzi ndetse hakarindwa umutekano wabyo uri mu biranga umuntu muzima ndetse utekereza kure. Gusa kubika ibidafite akamaro byo biterwa n’uburwayi.
Ibi bikunze kugaragara ku bantu bashaje, aho usanga akusanya ibintu byose byakoreshejwe kera akabibika mu nzu kandi ntacyo bizamara, bigatwara umwanya w’ubusa.
Abakuze biganjemo abakecuru usanga begeranya utuntu dushaje nk’amasafuriya, ibikoresho byamenetse cyangwa byashaje mu bundi buryo, impapuro n’ibitabo abana bigiyemo kera,n’ibindi bigaragara ko byangiritse bitagikeneye gukoreshwa.
Ibi byo birasanzwe ku bantu bageze mu zabukuru, kuko byanatangajwe ko abantu bakura bongera n'umuhangayiko mu buzima bwabo.
 'Hoarding Disorder' ni indwara yo kwangirika intekerezo itera umuntu kwifuza kubika ibintu bidafite icyo bizakoreshwa, bikarundwa mu nzu, ndetse ugeregeje kubikoraho cyangwa kubijugunya hakavuka intonganya.
Cleverland itangaza ko, uwarwaye iyi ndwara yumva yifuza kubika ibintu, kandi ntihabeho kugenzura umumaro w'ibyo bibikwa n'ibyo bizamara, bigafata umwanya w'ubusa.
Iyi ndwara iteza akajagari mu muntu ndetse naho atuye. Bitewe n'ubuzima arimo ashobora kwangirika no mu bundi buryo cyangwa akangiza ibindi bintu bifite akamaro.Â
Nk'urugero kubika ibintu byinshi mu nzu biteza umwuka mubi cyane cyane nk'ibyo biba bishaje byarataye agaciro.
Ubusanzwe umuntu utuye ahantu hateguye neza bituma yishima akanatekereza neza, ariko bigahabana n'umuntu utuye mu kajagari k'ibintu, noneho bitanafite akamaro.
Ibyishimo by'aba bantu biragenda bikabashiramo bagasigara batekereza kubyo bagomba kubika kandi ntacyo bizabamarira.
Uwarwaye iyi ndwara ahorana intonganya n'abandi, kuko biragoye ko umuntu muzima yabika ibintu bipfuye atazakenera bitazanabyazwa umusaruro.
Iyi ndwara ikunze gufata abarengeje imyaka 60 ndetse n'abakiri bato bahuye n'ibibazo by'indwara zifata imitekerereze zirimo agahinda gakabije 'Depression' n'izindi.
Ibimenyetso bigaragaza ko umuntu yarwaye iyi ndwara birimo kuba umuntu yumva ashaka kubika ibintu byose, gutekereza ko nta kintu cyo guta gihari, n'ibidafite akamaro ko bizakoreshwa, guhangayikira ibikoresho azakenera mu bihe bizaza, kuba munzu irunze mo ibintu bidafututse, guhangana n'abajugunya ibyo yabitse bitagikenewe n'ibindi.
Bitangazwa ko kandi abana bari hagati y'imyaka 15 na 19 nabo bashobora kurwara iyi ndwara bitewe n'impamvu zitaramenyekana. Gusa bikunze kugaragara ko bishingira ku buzima bubi banyuzemo nko kubaho mu bukene bukabije, bagira ibintu bakajya babyigwizaho bumva n'ibidakenewe byabikwa kuko batinya kubaho nka mbere ntavyo bafite.
Umuganga niwe ushobora kuganiriza aba bantu bafite iki kibazo. Gusa ku bakuze bo, ibi bijyana n'imyaka ntabwo bashobora kuvurwa ngo bakire, kuko ugerageje kubaha inama bavuga ko basuzugurwa kuko bashatse cyangwa bakavuga ko abakiri bato basesagura.
Aba bantu bashaka kubika ibintu n’ibitagira umumaro
Imyaka yari ibaye ibiri hanugwanugwa ko umukobwa wa Museveni yamaze gutandukana n'umugabo, gusa hakabura gihamya kugeza ubwo uyu mukobwa wa Perezida Museveni yabyemeje.
Tugiye kugaruka uko ibi byatangiye na bimwe mu byo wamenya kuri uyu mukobwa w'urufatiro mu bushabitsi bw'umuryango wa Perezida Museveni.
Diana Museveni Kyarema, umukobwa wa Perezida Yoweri Museveni na Janet Mueseveni, yiyeguriye cyane ibijyanye n'ubucuruzi ariko anagira uruhare mu birebana na politike.
Yabonye izuba kuwa 08 Mata 1976. Ni we uyobora ibikorwa by'ishoramari by'umuryango wa Museveni. Hirya y’ibyo agira uruhare mu bikorwa by'ubuzima bwo mutwe, uburenganiza bw'abari n'abategarugori kimwe n'ibirebana no kurengera ibidukikije.
Abona ibijyanye n'uburezi nk'inkingi mwubatsi y'iterambere rirambye ndetse yagiye agira uruhare mu mishinga ikomeye yo guteza imbere uburezi bw'urubyiruko n'abana.
Mu bihe bitandukanye yagiye yerekana ko bidakwiye ko abafite ubumuga bahezwa, bikaba byaratumye imbaraga zirushaho gushyirwamo ari nyinshi muri Uganda mu gufasha abafite iki kibazo.
Abona kandi inkingi ikomeye y'iterambere ry'isi harimo ihame ry'uburinganire n'ubwuzuzanye ndetse yagiye akora ubungurambaga bukomeye kuri iyi ngingo. Umutima wa Diana uba ku bijyanye no kurengera ibidukikije nk'izingiro ryo gukomeza kubaho ku isi.
Muri 2022 hazamutse inkuru z'uko yaba yaratandukanye n'umugabo we, Geoffrey Kamuntu umunyemari na we ukomeye. Bidatinze yatangaje ko abantu batagakwiye kubyinjiramo ko ari ibintu birebana n'umuryango we, gusa yahise asaba ko izina rya Kamuntu ryakurwa mu yo yari afite.
Mu mpera z'icyumweru gishize kuwa 09 Werurwe 2024 nibwo yeruye avuga ko yamaze gutandukana n'umugabo we bari bamaranye imyaka 18.
Kyarema yavuze ko yari yaririnze guhita avuga kuri ibi bintu ku bw'umutekano w'abana be at: i'Nagerageje gukomeza kugira ibanga amakuru y'uko natandukanye n'umugabo kubera abana banjye, ariko numvise ko mfite kubishyiraho umucyo.'
Avuga ko atari ibihe byoroshye gutandukana n'umuntu mwari mwariyemeje kubana akaramata cyane iyo hari abana mufitanye. Yasabye abantu gukomeza gusengera umuryango we mu bihe bikomeye uri kunyuranamo no kubaha ubuzima bwabo bwite.
Kyarema ni bucura bwa Perezida Museveni. Yari yarashaze muri kuwa 24 Nyakanga 2004 bakaba bafitanye abana batatu barimo abahungu babiri n'umukobwa umwe.
Diana na Kamuntu bahuriye kwa Natasha Karugire – undi mukobwa wa Perezida Museveni. Diana yavuze ko yahise akururwa n'igihagararo n'ubukaka bw'uyu mugabo.
Abana ba Diana na Kamuntu bafite imyaka 16, 14 na 12. Diana avuga ko kurera atari ibintu byoroshye ariko bikaba binatera umunezero.
Kyarema yiyeguriye ibijyanye n’ubucuruzi ndetse ni we zingiro ry’ubucuruzi bw’umuryango wa Perezida Museveni
Yatangaje ko yari yarahisemo kutagira icyo avuga ku bibazo amaze iminsi anyuramo bya gatanya kubera abana
Abana bo mu irerero rya PSG mu Rwanda, mu mpera z’icyumweru gishize bakinnye imikino ya giuti na bagenzi ba bo bo muri Bayern maze mu batarengeje imyaka 13 babanyagira 6-2.
Ni imikino yabaye ku wa Gatandatu w’icyumweru gishize tariki ya 9 Werurwe 2024 ibera kuri Stade Mpuzamahanga ya Huye, bakinnye mu byiciro by’abatarengeje imyaka 13 na 15.
Bivuze ko aba bana biga umupira mu irerero ryashinzwe ku bufatanye na Bayern Munich yo mu Budage, bari bakoze urugendo bajya i Huye gusura irya PSG kuko ari ho ribarizwa, ni mu gihe irindi riba i Kigali kuri FERWAFA.
Habanje umukino w’abatarengeje imyaka 13, aba PSG bari biganjemo abegukanye igikombe cy’Isi cya 2023 mu batarengeje imyaka 11, gihuza amarerero ya PSG aturutse hirya no hino ku Isi.
Ni mu gihe irya Bayern ari intoranywa zatoranyijwe mu turere twose tw’igihugu. Uyu mukino ukaba wararangiye irerero rya PSG ritsinze irya Bayern ibitego 6-2.
Hakurikiyeho umukino w’abatarengeje imyaka 15, uyu ukaba wararangiye nta kipe ibashije gutsinda indi kuko banganyije kimwe kuri kimwe.
Source : http://isimbi.rw/siporo/article/rwanda-irerero-rya-psg-ryanyagiye-irya-bayern-munich
Ni igitaramo gifite byinshi gisobanuye mu rugendo rwe rw'umuziki nk'umuhanzi wigenga, nyuma y'imyaka ine ishize atandukanye na mugenzi we Mujyanama Claude [TMC] babanaga mu itsinda rya Dream Boys ryubatse amateka n'ibigwi mu muziki.
Kuva Platini yatandukanye na TMC yakomeje ibikorwa bye by'umuziki, ndetse yashyize hanze indirimbo ze zakunzwe nka 'Attention', 'Veronika' n'izindi.
Ni mu gihe TMC yakomereje amasomo muri Leta Zunze Ubumwe za Amerika mu bijyanye na 'Data Science' ndetse inshuro imwe yahuriye na mugenzi we mu gitaramo cyabereye muri Amerika.
Humble Jizzo uri mu bagize itsinda rya Urban Boys aherutse gutangira urugendo rwo gushyira hanze ibihangano ari wenyine. Ni icyemezo avuga ko yaganiriyeho na mugenzi we Nizzo ahanini bitewe n'uko batakiri hamwe, kuko umwe abarizwa mu Rwanda undi ari muri Kenya.
Humble yabwiye InyaRwanda, ko iyi mikorere ya buri umwe itazakoma mu nkokora iterambere ry'itsinda, kuko rimwe na rimwe bazajya bahura bakorane indirimbo.
Yavuze ati 'Ni icyemezo naganiriye na Nizzo. Buri umwe igihe abonye ubushobozi azajya akora indirimbo, ariko kandi dufite imishinga tuzajya duhuriramo nk'itsinda rya Urban Boys. Ni urugendo twifuza ko buri wese agiramo uruhare.'
Ibi biri mu mpamvu zatumye, uyu muhanzi mu minsi ishize ashyira hanze amashusho y'indirimbo yise 'Fifi' igaruka ku rukundo rw'umusore n'umukobwa.
Uyu muhanzi avuga ko kuba batumiwe mu gitaramo cya Platini kizaba tariki 30 Werurwe 2024 muri Camp Kigali, biri mu rwego rwo kongera kwiyibutsa ibihe banyuzemo nk'itsinda.
Humble yibutsa ko mu gihe cy'abo na Dream Boys, bahanganye mu buryo bukomeye, ku buryo buri umwe yahoraga akora icyatuma arenga kuri mugenzi we.
Asobanura ko kongera guhurira ku rubyiniro bisasiye ku kugaragaza ko amateka bubatse mu muziki adateze gusibangana.
Avuga ati 'Urumva Dream Boys twabayeho duhanganye twese tuyoboye. Rero byari bigoye ko twahurira ku rubyiniro. N'ubwo uyu munsi amatsinda atakiri kumwe ariko n'ubundi amateka abayubatse bagiye guhurira ku rubyiniro.'
Platini [Baba] asobanura ko gutumira Urban Boyz muri iki gitaramo bimeze nko kongera guhurira ku rugamba. Yavuze ati 'Bavandimwe twarwananye nyinshi, nishimiye kubana namwe mu gitaramo 'Baba Experience'. Gusa mwibuka ko tariki 30 ari urundi rugamba.'
Â
Platini yavuze ko kongera guhurira ku rubyiniro na Urban Boys ari 'urugamba mu rundi'
Humble Jizzo yavuze ko abubatse amateka y'ihangana hagati y'amatsinda yombi bakomeje ibikorwa by'umuziki
Platini aritegura gukora igitaramo cye bwite kizaba ku wa 30 Werurwe 2024 muri Camp Kigali
Umuhanzi Nizzo aherutse gutangiza urugendo rwo gukora ibiganiro yisunze urubuga rwa Podcast
KANDA HANO UREBE AMASHUSHO Y'INDIRIMBO 'FIFI' YAHUMBLE JIZZO
Umunyamakuru wo ku kigo cy’igihugu cy’itangazamakuru, RBA, Ismael Mwanafunzi n’umugore we Mahoro Claudine bibarutse imfura ya bo y’umuhungu.
Ni amakuru yamenyekanye kuri uyu wa Mbere tariki ya 11 Werurwe 2024 Ismael Mwanafunzi uzwi cyane mu gukora Ibyegeranyo, we na Mahoro Claudine bibarutse imfura.
Bibarutse nyuma y’uko barushinze ku wa 1 Nyakanga 2023 aho ubukwe bwabereye mu Ntara y’Amajyepfo mu karere ka Huye mu busitani bw’Inzu Ndangamurage.
Ismael Mwanafunzi yakoreye ibitangazamakuru birimo Isango Star, Radio Rwanda ni mu gihe Mahoro Claudine nubwo yavuye mu itangazamakuru ariko yakoreye Isango Star na Radio TV10.
Source : http://isimbi.rw/imyidagaduro/article/umunyamakuru-mwanafunzi-yibarutse-imfura
Kuri uyu wa mbere tariki 11 Werurwe 2024, Perezida wa Repubulika Paul Kagame yageze muri Angola, aho yakiriwe na mugenzi we w'icyo gihugu, João Lourenço.
Nta byinshi byatangajwe kuri urwo ruzinduko rw'umunsi umwe, gusa abasesenguzi barahamya ko ikibazo cy'umutekano mu Burasirazuba bwa Kongo-Kinshasa, ndetse n'umwuka mubi hagati y'icyo gihugu n'u Rwanda biri mu byo Perezida Kagame na Perezida Lourenço bagomba kuganiraho.
Perezida wa Angola ni Umuhuza mu kurangiza ubushyamirane hagati ya Kongo n'u Rwanda.
URwanda rwo rushyigikiye ko cyaba ikibazo cy'intambara ya Kongo, waba n'umwuka mubi hagati yarwo na Kongo, bikwiye kurangizwa n'inzira y'ibiganiro.
The post Perezida wa Repubulika Paul Kagame yageze muri Angola, aho yakiriwe na mugenzi we w'icyo gihugu, João Lourenço. appeared first on RUSHYASHYA.
FERWAFA yemeje ko yakiriye ubujurire bwa myugariro wa Police FC, Ndizeye Samuel wahagaritswe amezi 6.
Tariki ya 9 Gashyantare ni bwo Ishyirahamwe ry’Umupira w’Amaguru mu Rwanda ryasohoye itangazo rivuga ko ryahagaritse uyu mukinnyi kubera gusagarira umusifuzi.
Iryo tangazo ryagiraga riti “Nyuma y’umukino wahuje ikipe ya Sunrise FC na Police FC, aho bwana Ndizeye Samuel yasagariye umusifuzi nk’uko na we yabyiyemereye;”
“Komisiyo yigenga ishinzwe imyitwarire, yamaze guhanisha Bwana Ndizeye Samuel guhagarikwa amezi 6 atagaragara mu bikorwa by’umupira w’amaguru mu Rwanda, mu rwego rwo gukomeza kwimakaza ituze mu bikorwa by’umupira w’amaguru.”
Nk’uko yari yamenyeshejwe mu ibaruwa ko yemerewe kujurira, Samuel yahise ajurira akaba agitegereje umwanzuro ku bujurire bwe.
Umuvugizi wa FERWAFA wungirije, Jules Karangwa yavuze ko ubujurire bw’uyu mukinnyi bwakiriwe ariko Komisiyo ibishinzwe ari yo y’Ubujurire itarafata icyemezo.
Ati “Umukinnyi yararajuriye, yajuririye muri Komisiyo y’Ubujurire, ni ho biri, ntabwo irafata umwanzuro igihe Komisiyo y’Ubujurire izafatira umwanzuro tuzabibamenyesha nk’uko dusanzwe tubibamenyesha.”
Ubundi byagenze bite?
Byabaye tariki ya 14 Mutarama mu mukino w’umunsi wa 16 wa Shampiyona aho Sunrise FC yatsinze Police FC ibitego 2-1 kuri Golgotha Stadium.
Umutoni Aline ni we wari umusifuzi wo hagati, Ishimwe Didier wari umusifuzi wa mbere w’igitambaro na Nsabimana Patrick (ari na we wakubiswe) wari uwa kabiri w’igitambaro. Umusifuzi wa kane yari Murindangabo Moïse, mu gihe Komiseri yari Kagabo Issa.
Police FC ntabwo yishimiye imisifurire aho ivuga ko yanangiwe igitego. Nyuma y’umukino Ndizeye Samuel yaragiye aho abasifuzi bari bahagaze mu kibuga hagati bategereje gusuhuza abakinnyi, Samuel yacunze aba basifuzi maze akubita umutwe Nsabimana Patrick.
Umusifuzi yahise amuhunga ariko aramukurikira ariko hitambika abashinzwe umutekano ku kibuga, na we yakubiswe umutwe na Samuel ava amaraso mu mazuru.
Nyuma y’iyi mirwano, umusifuzi Umutoni Aline yahamagaye uyu myugariro amwereka ikarita y’umutuku.
Mu gihe Police FC yavaga kuri Stade ya Nyagatare itaha i Kigali, Ndizeye Samuel yagaragaye akurwa mu modoka y’Ikipe ashyirwa mu ya Polisi y’Igihugu Ishami rya Nyagatare ariko ntiyamaramo akanya kuko habayeho ibiganiro hagati y’Ubuyobozi bw’iri Shami rya Nyagatare, Umunyamabanga w’Ikipe CIP Umutoni Claudette ndetse na Perezida wayo, Bruce Munyambo, asubizwa mu modoka ya bagenzi be.
Bivugwa ko Ndizeye Samuel yatanze ibihumbi 70 abiha ushinzwe umutekano yakubise ngo ajye kwivuza ni mu gihe umusifuzi we bivugwa yamuhaye ibihumbi 200.
