Author: webrwanda

Umuyobozi wa Etincelles FC, Ndagijimana Enock yeguye ku mwanya wo kuyobora iyi kipe kubera kubura umwanya uhagije wo gukora inshingano yatorewe.

Ni mu ibaruwa isezera yandikiye Komite Nyobozi ya Etincelles FC bafatanyaga kuyobora iyi kipe.

Ati “Mbandikiye ngira ngo mbagezeho ubwegure bwanjye ku nshingano natorewe zo kuba perezida wa Etincelles FC. Mu by’ukuri nyuma yo kubona ko nta mwanya uhagije wo gukurikirana imirimo natorewe gukora mu ikipe ya Etincelles FC kubera akazi kanjye ka buri munsi kabaye kenshi, mbandikiye ngira ngo mbasabe mwakire ubwegure bwanjye.”

Yeguye nyuma y’uko iyi kipe ifite ikibazo cy’amikoro aho na tariki ya 3 Werurwe mu mukino wahuje Etincelles na APR FC i Kigali ikabatsinda 1-0, abafana b’iyi kipe bazanye ibyapa batabaza Perezida Kagame ko iyi kipe igiye kumanuka kandi ubuyobozi bw’Akarere ka Rubavu kayifite mu biganza barebera.

Gusa ubuyobozi bwa Etincelles FC nyuma bwaje kwandika buvuga ko bwitandukanyije n’aba bafana ibyo bakoze butabyemera.

Enock Ndagijimana yeguye nyuma y’uko yari yatorewe kuyobora iyi kipe muri Mutarama 2022, asize Etincelles ku mwanya wa 13 n’amanota 25, irarusha Etoile del’Est ya nyuma amanota 6.

Uko ari batatu Sengabo Jean Bosco [Fatakumavuta], Niyigaba Clement [DC Clement] ndetse na Mbarubukeye Etienne [Pundit Peace Maker] batangajwe mu banyamakuru batangiranye na Radio Isibo FM ivugira ku murongo wa 98.7 FM.

Bazajya bahurira mu kiganiro bise 'Isibo Radar' kizajya gitambuka kuri iriya Radio, ku wa Mbere kugeza ku wa Gatanu, ndetse no ku Cyumweru kugeza mu masaha akuze.

Bombi bakoreye ibitangazamakuru bitandukanye, yaba ibyifashisha amajwi n'amashusho. Ariko abakoresha umuyoboro wa Youtube babazi cyane, ahanini bitewe n'ubusesenguzi bagiye bakora ku ngingo zinyuranye  n'uburyo batangije uruhererekane rw'ibiganiro bise 'Operations'.

Hari igihe ku mbuga nkoranyambaga byavuzwe ko Fatakumavuta yitabye Urwego rw'Igihugu rw'Ubugenzacyaha (RIB) kubera inkuru yari yatangaje ku mukinnyi wa filime akaba n'umunyamideli, Isimbi Alliah wamenyekanye nka Alliah Cool.

DC Clement nawe hari ikiganiro aherutse gukora yavuzemo ko hari inkuru yakoze, hanyuma umwe mu bantu yavuzeho ntiyabyishimira ajya kumurega, ariko byarangiye amutsinze ashingiye ku kuba ibyo yavuze yari abifitiye ibimenyetso.'

Isibo Radar, ikiganiro kizaca impaka muri 'Showbiz'?

Peacemaker 'Pundit' wandikira ikinyamakuru IGIHE, yavuze ko iki kiganiro bagitekerejeho mu rwego rwo kwiyegereza urubyiruko nk'umubare munini w'abatuye u Rwanda, ariko kandi ntibaheje n'abakuze mu myaka kuko bashaka kujyana n'abo mu rugendo rwo kumenya amakuru.

Yavuze ko ari ikiganiro bahaye amasaha atatu, kandi bazajya bagikora ku wa Mbere kugeza ku wa Gatanu, guhera saa kumi n'imwe z'umugoroba kugeza saa Mbili z'Ijoro, ndetse bazajya bongera guhurira kuri 'Micro' ku Cyumweru guhera saa tatu z'ijoro kugeza saa Sita z'ijoro.

'Pundit' avuga ko iki kiganiro kizajya kirangwa n'umuziki (gucuranga indirimbo z'abahanzi), ibigezweho mu myigadaduro (Total Report Live) ndetse bazajya baba bafite n'ingingo basesengura ya buri munsi (Topic of the Days-Analysis).

Ati 'Muri rusange 'Isibo Radar' ni ikiganiro gihurije hamwe ingeri zinyuranye z'amakuru, yaba agaruka ku byamamare, ubuzima bw'abo, amakuru agira icyo amarira abantu, imibereho y'ibyamamare n'ibindi binyuranye.'

99% by'ibizaba bigize iki kiganiro ni ubusesenguzi. Bazajya bitsa ku muziki, Filime, bongereho no gukora inkuru bakubiye mu cyiswe 'Operation'.

Kizajya gitambuka kuri Radio Isibo FM ivugira kuri 98.7 Fm, abantu bashobora no kuzajya bakireba imbona nkubone ku rubuga rwa Youtube 'Isibo Tv' ndetse no kuri Application ya Itv.

Peacemaker ati 'Abantu bitege kumva ubusesenguzi butabogama bukoresheje imibare n'ibimenyetso. Bitege kwerekana uko ubuhanzi bukwiriye gukorwa mu ngeri zose zirimo: Ubuhanzi, kumurika imideli, ubusizi, sinema n'ubwanditsi. Usanga benshi bita cyane ku bahanzi kandi sibo gusa bakwiriye umwanya.'

Ntibagamije guhuza- Bazikiranura mu kiganiro?

Peacemaker yavuze ko abantu badakwiye gufata iki kiganiro n'icy'ubwiyunge hagati y'abo, ahubwo ibyo bazajya baganiraho n'ibyo bizatanga umusaruro.

Ati 'Ntabwo tugamije guhuza. Ibyo dusesengura nibyo bizatanga umusaruro. Mu kiganiro nibiba ngombwa tuzatongana ariko ntibisobanura ko tuzaba tugamije urwango.'

Akomeza ati 'Ikigamijwe ni ugukora ubusesenguzi butanga umurongo ku ngingo runaka. Amakuru y'ibihuha nta mwanya azahabwa. Ubusanzwe ntiduhamagariwe kumvikana, dusabwa gukora ibikenewe ku isoko ry'imyidagaduro.'

Yunganiwe na mugenzi we DC Clement, wabwiye InyaRwanda ko nubwo bazwi nk'abanyamakuru b'abataripfana ku muyoboro wa Youtube, ariko mu kiganiro 'Isibo Radar' bazakomeza gukora bubahirije amahame y'itangazamakuru.

Ati 'Cyane! Kuko hari amahame y'itangazamakuru anagenga ibitangazamakuru bitandukanye na Youtube, ukuri gufite ibimenyetso ko ntagutinya ku kuvuga, ariko nanone nta kurengera kurimo.'

Clement yavuze ko ibi biri mu mpamvu zatumye ikiganiro cyabo bacyita 'Isibo Radar' mu rwego rwo gusobanura ko ibyo bazakora bizagera bigera mu byo abantu bahishwe.

Ati 'Isibo Radar ni izina abantu batamenyereye, uhereye ku ikipe tuzakorana twese dukora inkuru zidasanzwe abantu bakunze kwibaza uko tuba twazibonye, byumwihariko njye hakiyongeraho ko mba ngomba kubwira abantu ibyo amatwi yabo atigeze yumva.'

Akomeza ati 'Radar rero ni indebakure, ikifashishwa mu kumenya amakuru ari aho amaso cyangwa amatwi y'umuntu atageze! Ibyo rero nibyo tuzajya duha abantu. Ni ukubarebera cyangwa kubumvira aho bazajya badukurikira batagera.'

Bazahuze bate ko Clement yakunze kugaragaza ko atemera ibyo Fatakumavuta atangaza?

DC Clement yabwiye InyaRwanda, ko muri Kamena 2023, ari bwo yashyize umukono ku masezerano yo gukorera Isibo FM. Yavuze ko kuva kiriya gihe, yagiranye ibiganiro na bagenzi be Peacemaker 'Pundit' ndetse na 'Fatakumavuta'.

Yavuze ko kuba abantu bakunze kubona ahanganye na Fatakumavuta mu biganiro byo kuri Youtube, abigereranya n'abafana ba APR FC na Rayon Sports.

Ati 'Nubwo hari ababona ko hanze kuri za Youtube dukoreraho tuba duhanganye ariko navuga ko ari nka kwakundi umukinnyi wo muri APR FC aba ahanganye n'uwo muri Rayon Sports ariko bose bagera mu ikipe y'Igihugu Amavubi bose bagashyira hamwe. Bizanyorohera kandi abadukurikiza bazaryoherwa cyane!'

Fatakumavuta yakoreye ibitangazamakuru birimo Fash Fm, ndetse yagiye yifashishwa cyane mu biganiro bitandukanye byatambukaga ku muyoboro wa 3D TV.

Uyu mugabo usigaye ari Umuvugizi w'ikipe ya Gorilla, yabwiye InyaRwanda ko yagarutse mu itangazamakuru rya Radio afite intego yo kugaragaza ko ariwe musesenguzi wa mbere mu bijyanye n'imyidagaduro.

Fatakumavuta yari amaze igihe kinini atumvikana mu itangazamakuru ryo kuri Radio. Yavuze ko kugaruka kwe kuzumvikana cyane mu biganiro by'ubusesenguzi azajya akora. Ati 'Abantu bitege indi ntera mu busesenguzi bw'amakuru ajyanye n'imyidagaduro.'

Kuri we, imyaka 2 ishize atumvikana mu itangazamakuru ryo kuri Radio, yishimira ko yagize uruhare mu guhindura itangazamakuru rikorerwa ku muyoboro wa Youtube.

Ati 'Imyaka ibiri ntari kuri Radio nakoze impinduramatwara ku rubuga rwa Youtube binyuze mu biganiro nahaye inyito ya 'Operations' byatambukaga ku muyoboro wa 3D TV.'

Nusubiza amaso inyuma urasanga mu myaka umaze uzi Theo Bosebabireba nta gitaramo cye bwite na kimwe urumva. Ni ko bimeze ntabwo wibeshye. Icyakora niwe nimero ya mbere mu bahanzi bo mu Rwanda bamaze kuririmba mu bitaramo byinshi, bikamugira uwa mbere mu baramyi bafite abafana benshi mu turere twose tw’igihugu.

Mu gihe kandi abahanzi banyuranye bashyira hanze Album nshya ubutitsa aho kuri ubu muri Gospel ufite nyinshi ari Tonzi witegura kumurika album ya 9 [kuwa 31 Werurwe 2024 muri Crown Conference Hall i Nyarutarama], Bosebabireba we yibitse kuri Album imwe y’indirimbo 100. Ni indirimbo z’indobanure kuko hari izindi nyinshi cyane zitari kuri album.

Theo Bosebabireba ni umuhanzi wihariye ukora umuziki mu buryo bwe, ari na byo wavuga ko bimutandukanya n’abandi baramyi bagenzi be. Ubudasa bwe bumwongerera igikundiro dore ko bumuha umwanya uhagije wo guha ibyishimo abakunzi b’indirimbo ze binyuze mu bitaramo n’ibiterane atumirwamo hirya n hino mu gihugu ndetse no hanze yacyo.

Nyuma ya Gaby Kamanzi, Theo Bosebabireba aza ku mwanya wa kabiri mu baramyi nyarwanda bamaze gutaramira mu bihugu byinshi byo muri Afrika. Ibihugu amaze kwamamazamo izina rya Yesu mu ndirimbo harimo u Rwanda, Uganda, u Burundi, Tanzania, Kenya, Mozambique n’ahandi. Yigeze gutumirwa mu Bwongereza, ariko birasubikwa.

Umwaka wa 2024 ashobora kuwandikamo amateka avuguruye kuko yihamiriza ko “nzakoramo ibintu bidasanzwe byinshi ariko ntashaka kuvuga nonaha”. Ntiyasobanuye neza ako gaseke gapfundikye ahishiye abakunzi be, ariko yavuze ko mu mishinga ahugiyeho harimo n’indirimbo zidasanzwe bizaba atari izo kuramya Imana, ariko nanone atari Secular.

Aganira na inyaRwanda, yagize ati “Mfite indirimbo eshatu nshaka gusohora kandi ari indirimbo z’ubuzima busanzwe ku buryo kuzivugaho nabivuga nasisohoye zihari kandi nzazisohorera icyarimwe, ariko zizaba zisa nk’aho atari Gospel ariko nanone atari Secular, indirimbo uririmbye nk’Amahoro, ukaririmba nk’Umutekano,..”.

Theo Bosebabireba ufite album imwe gusa igizwe n’indirimbo ijana, hari amakuru ko ashobora gukora n’igitaramo muri uyu mwaka wa 2024. Bibaye, cyaba ari cyo cya mbere mu mateka akoze ku giti cye kuko ibyo yagiye aririmbamo byose ari ibyo yatumiwemo. 

Ati “Ntabwo ndabibonera umurongo wo kuba hari icyo nabivugaho ariko biri mu byifuzo byanjye by’imbere ndetse ni ibintu nsengera nawe uzamfashe, n’abandi bantu bankunda”.

A Light to the Nations Ministry yamubyaye muri Batisimu!!

Hashize imyaka irenga 3 Theo Bosebabireba aririmba mu biterane by’umuryango wa Gikristo witwa A Light to the Nations (aLn) washinzwe na Ev. Dan Morey. Bamufashije kwisanga mu bakristo no kongera kubanezeza nyuma y’imyaka nk’ibiri yamaze yaratenzwe na ADEPR, ariko nyuma y’uko ahawe imbabazi, aLn imufasha kubwiriza abantu ibihumbi n’ibihumbi mu gihe gito. 

Mu 2023, yataramiye i Nyagatare ahitabiriye abarenga ibihumbi 120 mu gihe cy’iminsi itatu. Si aho gusa ahubwo no muri Bugesera, yahacanye umucyo mu giterane cy’amateka dore ko ari cyo cya mbere kinini cyabereye muri aka Karere. Hose aba ari kumwe n’impanga ye muri Kristo Yesu ari we Rose Muhando mu biterane bigaburwamo ijambo ry’Imana na Dana Morey.

Kuri ategerejwe i Ngoma kuwa 13-17 Werurwe 2024. Avuga ko anyuzwe cyane no kogeza izina rya Yesu mu Karere kegeranye n’isambu ye. Ati “Ngoma isobanuye byinshi kuko ni Intara mvukamo i Burasirazuba, ni akarere kegeranye n’ako mvukamo ka Kayonza, noneho aho bigabanira, bigabana ku buryo bikora no ku isambu y’iwacu cyangwa isambu mfite mu cyaro”. 

Yungamo ati “Urugabano rwa Ngoma na Kayonza rugabanira mu butaka bwacu, icyo nacyo ni ikintu cyumvikana urumva ko ari ahantu nagiye kenshi gashoboka. Kera tugikora imirimo y’ingufu, najyaga mva muri Kayonza nkajya muri Ngoma guhinga imisiri;

Gukora ibiraka byo guhoma amazu, nagiyeyo kenshi, nagiye gucungayo ingorobani, naremye isoko ry’aho bita i Kibungo, nacurujeyo inkweto, najyaga njyayo no kurebayo filime kera za ba Rambo na Shwazinega nkatega nkajyayo ari ho tuzibona honyine”.

Uwiringiyimana Theogene [Theo Bosebabireba] akunzwe mu ndirimbo zitandukanye nka “Icyifuzo”, “Ingoma”, “Ibigeragezo si karande”, “Uwo ni nde”, “Kubita utababarira”, “Inkuru ibaye impamo”, “Baramaze”, “Bazaruhira ubusa”, “Umunyabwenge”, “Baraye amajoro y’ubusa”, “Ntawe bitabera”, “Umuriro urotsa”, “Hagati y’umutwaro n’umutwe” n’izindi.

Biva ku karago byinshi tubona nk’umusaruro wa Bosebabireba mu muziki

Theo Bosebabireba ashobora gukora igitaramo muri uyu mwaka

Theo Bosebabireba akora udukoryo mu biterane atumirwamo

REBA INDIRIMBO “BARAMAZE” YA THEO BOSEBABIREBA

UKO BIBA BIMEZE IYO THEO BOSEBABIREBA ARI IMBERE Y’ABAKUNZI BE

Umuyobozi wa Etincelles FC, Ndagijimana Enock yeguye ku mwanya wo kuyobora iyi kipe kubera kubura umwanya uhagije wo gukora inshingano yatorewe.

Ni mu ibaruwa isezera yandikiye Komite Nyobozi ya Etincelles FC bafatanyaga kuyobora iyi kipe.

Ati “Mbandikiye ngira ngo mbagezeho ubwegure bwanjye ku nshingano natorewe zo kuba perezida wa Etincelles FC. Mu by’ukuri nyuma yo kubona ko nta mwanya uhagije wo gukurikirana imirimo natorewe gukora mu ikipe ya Etincelles FC kubera akazi kanjye ka buri munsi kabaye kenshi, mbandikiye ngira ngo mbasabe mwakire ubwegure bwanjye.”

Yeguye nyuma y’uko iyi kipe ifite ikibazo cy’amikoro aho na tariki ya 3 Werurwe mu mukino wahuje Etincelles na APR FC i Kigali ikabatsinda 1-0, abafana b’iyi kipe bazanye ibyapa batabaza Perezida Kagame ko iyi kipe igiye kumanuka kandi ubuyobozi bw’Akarere ka Rubavu kayifite mu biganza barebera.

Gusa ubuyobozi bwa Etincelles FC nyuma bwaje kwandika buvuga ko bwitandukanyije n’aba bafana ibyo bakoze butabyemera.

Enock Ndagijimana yeguye nyuma y’uko yari yatorewe kuyobora iyi kipe muri Mutarama 2022, asize Etincelles ku mwanya wa 13 n’amanota 25, irarusha Etoile del’Est ya nyuma amanota 6.

Nubwo Rayon Sports isigaye ihanze amaso ku gikombe cy’Amahoro, shampiyona ikaba yarakuyeyo amaso, ni ikipe yahuye n’ibibazo byayigizeho ingaruka no kuba ikiri mu gikombe cy’Amahoro, uwavuga ko byatewe n’inzira yanyuzemo ntiyaba abeshye.

Rayon Sports mbere y’umwaka w’imikino wa wa 2023-24, yiyubatse nk’andi makipe yose, nubwo harimo abakinnyi yaguze bayihombeye ariko harimo n’abakinnyi bakomeye bagaragaje itandukaniro.

Kugura Abarundi Aruna Moussa Madjaliwa na Mvuyekure Emmanuel bahamagarwa mu ikipe y’igihugu y’u Burundi, kongerera amasezerano Luvumbu, kuzana Umugande Simon Tamale wagaragaje ko ari umunyezamu mwiza nubwo yari yatangiye byanga, kongeraho Abanyarwanda nka Serumogo Ali, Kalisa Rashid, Muhire Kevin na Nsabimana Aimable, byatumye bamwe bibagirwa abakinnyi baje bagahombera ikipe nka Mugadam, Charles Baale watangiye gukina ari uko Esenu, Youssef agiye n’abandi.

Mu by’ukuri ntabwo Rayon Sports yari ifite ikipe mbi, ari na yo mpavu yatumye isoza igice kibanza cya shampiyona iri ku mwanya wa 3 n’amanota 27 irushanwa amanota 6 na APR FC yari iya mbere n’amanota 33.

Muri iyi mikino ibanza ya shampiyona Rayon Sports kandi yahuye n’ikibazo cyo gutakaza umutoza hakiri kare, Yamen Zelfani wari umaze imikino 4 ya shampiyona ariko kubera umusaruro bahitamo gutandukana ikipe isigarana na Wade wayitoje kugeza imikino ibanza ya shampiyona irangiye.

Mu mikino yo kwishyura ni bwo byatangiye kwanga biba bibi, imiseke itangira kurwana

Ikipe ya Rayon Sports kuva muri Mutarama 2024 yatangira imikino yo kwishyura ni bwo yatangiye gutsindwa aho kugeza ku munsi wa 24 amanota 6 yari arimo ubu hamaze kugeramo 13.

Rayon Sports yari yashimye umusaruro w’umutoza Mohamed Wade yahisemo kumuha amasezerano y’umutoza mukuru aho yatsinzwe umukino umukino wa Gasogi United ahita ahagarikwa hazanwa Umufaransa Julien Mette.

Uyu mutoza wagaragaje ko ari umuhanga, we na Rayon Sports bahuye n’ikibazo gikomeye cyanatumye bagenda batakaza imikino imwe n’imwe aho mu mikino 9 yo kwishyura bafitemo amanota 15/27.

Muri iyi mikino ni bwo yahuye n’abakinnyi bivumbuye kandi ngenderwaho duhereye nko k’Umugande Joackiam Ojera wakinaga imbere asatira anyuze ku mpande.

Mbere y’uko imikino yo kwishyura itangira yabwiye Rayon Sports ko igomba kumurekura akishyura miliyoni 5 rw, Rayon imubwira ko bidashoboka.

Aha ni ho yababwiye ko azaza ariko ntacyo azabafasha kuko banze kumurekura. Yagarutse muri Rayon Sports ariko ntiyahatinze kuko Rayon Sports yaje kubitekerezaho isanga ashobora kubahombera birangira bamugurushije mu Misiri, aho bivugwa ko yatanzweho ibihumbi 20 by’Amadorali ku mezi 6 yari asigaje.

Rayon Sports kandi yaje gutakaza kapiteni wa yo Rwatubyaye Abdul werekeje muri FC Shkupi muri Macedonia, ntiwakwibagirwa Umukongomani, Luvumbu Heritier wirukanywe kubera kuvanga politiki na Siporo.

Aba bakiyongera kuri Aruna Moussa Madjaliwa wari umaze igihe kinini adakina kubera imvune n’ubu akaba ataratangira gukina aho akora imyitozo ku ruhande.

Ntabwo ibyo byarangiye aho kuko na Musa Esenu wari usoje amasezerano ye, wanabatsindiye ibitego byinshi Rayon Sports mu gice kibanza ntabwo byakunze ko imwongerera amasezerano kuko batumvikanye.

Yageragaje gusimbuza aba bakinnyi cyane cyane mu gice cy’ubusatirizi bazanye umunya-Senegal Paul Gomis ndetse n’umunya-Guinea, Alseny Camara ariko na bo bikaba bitarakunda Camara we yarirukanywe ndetse na Charles Baale bikaba bitaraza neza.

Uku gutakaza aba bakinnyi b’inkingi za mwamba, ni kimwe mu byatumye Rayon Sports igenda isitara bya hato na hato ndetse ubu ikaba yaravuye ku gikombe cya shampiyona, ndetse hari n’abatumva uburyo yageze muri ½ cy’igikombe cy’Amahoro.

Muhire Kevin yayibereye imfura

Muhire Kevin wari warsinye amasezerano agomba kurangizanya n’imikino ibanza, ubwo abakinnyi bari mu nkundura yo gutandukana na Rayon Sports, na we yabonye ikipe imwifuza.

Kevin Muhire ubwo igenda rya Ojera na Rwatubyaye ryari rishyushye, ni bwo na we yabonye ikipe yo muri Ethiopia imuha amafaranga menshi ndetse inamuha umushahara uruta uwa Rayon Sports.

Uyu mukinnyi usa n’ufite umubano wihariye na Rayon Sports, cyane ko aheruka gutangaza ko amasezerano asinya muri iyi kipe nta yindi yayamuha, yatekereje kabiri asanga ntaho ikipe baba bayisize.

Yavuganye n’ubuyobozi bwa Rayon Spiorts we ababwira ko ntaho azajya nubwo bamuha amafaranga menshi, kuko yizeye ko azagumya gukina ndetse akanazamura urwego n’ubundi shampiyona nirangira iyi kipe izagaruka kumushaka cyangwa abe yanabona indi.

Bosco Nshuti wamamaye mu ndirimbo zirimo Yanyuzeho, Umutima, Uwambitswe, Umusaraba, Nzamuzura, Ni muri Yesu Kristo, Ntacyadutandukanya n'izindi, yakoze mu nganzo atambutsa ubutumwa mu ndirimbo yashyizwe mu rurimi rw'igiswahili.

Ahagana ku gicamunsi cyo kuwa 13 Werurwe 2024, Bosco Nshuti yashyize hanze amashusho y'indirimbo 'Amenipitia' ishimira Yesu Kristo wakijije umwana w'umuntu akamwishyurira umwenda wose yarafite.

Iyi ndirimbo benshi bazi mu rurimi rw'ikinyarwanda ku izina rya 'Yanyuzeho' niyo yahinduwe mu rurimi rw'igiswahili. 

Ubutumwa bukubiyemo bugaruka ku murimo ukomeye Yesu yakoze acungura umwana w'umuntu akabambwa ku musaraba w'inyokomuntu ikurweho icyaha.

Mu kiganiro na InyaRwanda, uyu muramyi yatangaje ko yatangiye gukoresha izindi ndimi mu rwego rwo kwagura ivugabutumwa benshi barimo n’abanyamahanga bagasobanukirwa ibitangaza by'Imana no kugira neza kwayo.

Nshuti Bosco umuramyi ubarizwa mu Itorero rya ADEPR yagize ati 'Natangiye gukora ibihangano mu zindi ndimi mu rwego rwo kwagura ivugabutumwa n'abatumva ikinyarwanda babwirizwe'.

Ni nyuma y’uko akubutse i Burayi mu bitaramo yari yaratumiwemo byari bigamije kwamamaza ijambo ry'Imana ndetse bishingiye ku ivugabutumwa no kugarura benshi ku Mana.

Uyu muramyi uri mu bakunzwe mu bahanzi baririmba indirimbo zisingiza Imana yavuze ko azajya akora indirimbo ziri mu ndimi zitandukanye nk'igiswahili yaba indirimbo nshya cyangwa izisanzwe zigasubirwamo zishyirwa mu zindi ndimi.

Asabira umugisha abantu bose bakurikira ibihangano bye kandi akabasabira gufashwa nabyo bagabakora ibishimwa n'Imana. 

BANA NA NSHUTI BOSCO MU NDIRIMBO YISE “AMENIPITIA” ISHIMIRA YESU WACUNGUYE ABANYABYAHA

Hari abatangiye kugira ubwoba ko ibitaramo bya Israel Mbonyi byo hanze y’u Rwanda bizaba byinshi ku buryo bishoboka ko muri iyi myaka cyane cyane 2024 ikazarangira adataramiye abakunzi be mu Rwanda.

Urebye amakuru yashyize hanze kugeza ubu, usanga yibanda ku bitaramo byo hanze nk’icyo azakorera muri Bubiligi ahitwa Birmingham Palace hamwe na bibiri azakorera muri Uganda harimo icyo kuwa 23 Kanama 2024 ahitwa Millenial Grounds Lugogo n’icyo azakora kuwa 25 Kanama 2024 kuri Mbororo University Inn Grounds.

Ibi bitaramo byatumye bamwe batangira kunuganuga ko ashobora kuba nta gitaramo azakorera mu Rwanda muri uyu mwaka nyamara ibi bisa nk’ibidahura neza n’ukuri ugendeye nko ku myaka 2 ishize.

Gusa uko yari mu myaka 2 bitandukanye cyane n’uko ari none kuko yamaze kubona isoko rindi atari asanganwe ririmo iry'abatuye muri Kenya na Tanzania binyuze mu gukora ibihangano byo mu rurimi rw'igiswahili.

Bamwe babona ko ubwo yamaze gutangaza gutaramira mu Burayi na Uganda ashobora no kongeraho ibihugu bikoresha igiswahili, ibintu bishoboka mu gukura k’umuhanzi.

Mu gihe tugitegereje igisubizo cye kuri iyi ngingo, tugiye kubereka bimwe mu bitaramo mpuzamahanga aheruka gukora mu myaka ibiri ishize cyane kuva ingamba z'icyorezo cya COVID 19 zakoroshywa, bikaba bitarigeze bibangamira na gato ko ataramira abamukunda mu Rwanda.

Uyu musore wiyeguriye umuziki wo kuramya Imana, yashatse gukorera uruhererekane rw'ibitaramo mu Burundi muri 2021 aho yagombaga gutaramira mu byiciro bitatu bitandukanye ariko birangira bidakunze.

Gusa ntiyacitse intege kuko yakomeje gukora ibihangano bimeze neza ari na ko ategura gahunda y'igitaramo yakoreye muri Israel hari muri Mata 2022.

Muri Kamena 2022 yataramiye muri Zimbabwe, muri Nzeri 2022 ahita atangira uruhererekane rw'ibitaramo yakoreye mu mijyi itandukanye ya Canada.

Uyu mwaka yawusozanije ibitaramo bikomeye yakoreye mu Burundi, yinjirana muri 2023 uruhererekane rw'ibitaramo yakoreye muri Australia mu bice bitandukanye by'iki gihugu hari muri Gashyantare.

Israel Mbonyi yakomeje gushyira imbaraga mu gukora ibihangano byihariye anateguza gahunda yo gutaramira abanyarwanda mu bihe bitandukanye ariko by'umwihariko mu gitaramo cye ngarukamwaka cya “Icyambu Live Concert”.

Israel Mbonyi ari mu bahanzi bamaze kwigwizaho abakunzi batagira ingano kugera aho BK Arena isigaye iba ntoya ku baba bifuza kwitabira ibitaramo bye. Byitezwe ko ashobora no kuzaba uwa mbere uciye agahigo ko kuzuza Stade Amahoro izaba yakira abasaga ibihumbi 45.

Amaze kwegukana ibihembo bitandukanye birimo Kiss Summer Awards, The Choice Awards, Isango na Muzika Awards, Groove Award, Rwanda Gospel Stars Live, byose akaba yarabyegukanye mu myaka itandukanye ndetse hari n’ibyo yakuye hanze y’u Rwanda.

Ni we muhanzi wa kabiri nyuma ya Ngabo Medard Jobert [Meddy] mu bafite umusaruro mwiza n'ababakurikira benshi kuri YouTube, akaza kandi no mu b'imbere bafite umusaruro mwiza ku mbuga zose zicurizwaho umuziki.

Mbonyi amaze kuba umuhanzi mugari mu Karere ku buryo aho ataramira hose aba afite abafana bo mu bihugu binyuranye yewe hari n’abatega bakaza mu Rwanda Muri 2021 yifuje gutaramira mu Burundi gusa ntibyakunda nk’uko yabyifuzaga ariko ibi bitaramo byaje gusubukurwa Mu bihugu amaze gutaramiramo harimo Israel igihugu cy’urufatiro mu buzima bwa gikritsoNtagisiba kwegukana ibihembo bitewe n’ibihangano binyuranye akora ndetse byitezwe ko n’ibihembo mpuzamahanga bizarushaho kwiyongera Israel Mbonyi ari mu bahanzi bacye bashobora kuzuza BK Arena ijya inagora abanyamahanga bafite izina rikomeye