Author: webrwanda

Mu bakinnyi ba Filime bakize kurusha abandi, hari umutungo ubazwe mu buryo bw'amafaranga baba bafite ni kimwe mu byibandwaho harebwa urusha undi umutungo. Kuri uru rutonde higanjemo abakinnyi ba filime bubatse izina banahuriye ku kuba bamaze igihe kinini muri sinema byumvikana ko uburambe bwabo muri uyu mwuga ari naho babashije gukura agatubutse.

Dore abakinnyi 10 ba filime bakize cyane kurusha abandi mu 2024:

1. Tyler Perry

Umukinnyi wa filime akaba azandika ndetse anazitunganya Tyler Perry niwe uza kumwanya wa mbere w’abakinnyi ba filime bakize ku Isi mu 2014 n’umutungo wa Miliyari 1 y’Amadolari. Uyu mugabo wanubatse sitidiyo nini mu mujyi wa Atlanta ikinirwamo filime, ari no ku rutonde rw’abirabura bakize cyane muri Amerika.

2. Jerry Seinfeld

Jerry Seinfeld ni uwashyizeho icyicaro cya sitcom, ni we mukinnyi uheruka kuba umukinnyi ukize ku Isi muri iki gihe. Ni umukinnyi usetsa cyane ukina filime, icyakora ari mu bataramamaye cyane. Afite umutungo ufite Miliyoni 950 z’amadolari y’Amerika. Mu 2023 Jerry niwe waruri ku mwanya wa mbere.

3.The Rock

Umukinnyi wa filime akaba n’umuhanga mu mukino wa ‘Catch’, Dwayne Johnson benshi bita The Rock, ari ku mwanya wa gatatu n’umutungo wa Miliyoni 800 z’Amadolari.

4. Shan Rukh Khan

Yiswe “Umwami wa Bollywood”. Shan Rukh Khan ni umukinnyi w'Umuhinde ukunzwe cyane ku Isi, akaba n'umwe mu bakinnyi bahenze kubinjiza muri filime.

Yagiye ahigika ibyamamare bikomeye byo muri Amerika. Yagaragaye muri filime nyinshi z’indashyikirwa z'Abahinde nka Koyla. Afite umutungo ufite agaciro ka Miliyoni 750 z’amadolari.

5. Tom Cruise

Tom Cruise ni umukinnyi wa Filime w'Umunyamerika ukomoka muri New York. Ni umwe mu bakinnyi beza b'ibihe byose. Filime ze zagurishijwe Miliyoni ku Isi yose. Muri 2020, umutungo wa Tom Cruise wari  ufite agaciro ka miliyoni 600 z’amadolari, bituma aba umukinnyi wa 3 ukize kurusha abandi ku Isi.

6. George Clooney

George Clooney ni umukinnyi w'Umunyamerika ukomoka muri Kentucky. Yatsindiye ibihembo byinshi bitandukanye kubera ubuhanga mu gukina mu yiswe 'Ocean's Eleven' na 'Three Kings'. Yakiriye intsinzi mu bice byinshi, kandi ntabwo yagiye ahagaragara. George Clooney afite umutungo ufite agaciro ka miliyoni 500 z’amadolari.

7. Kevin Hart

Umunyarwenya akaba n’umukinnyi wa filime afatanya n’ishoramari, Kevin Hart uherutse gusura u Rwanda mu 2023, kugeza ubu afite umutungo wa miliyoni 455 akesha gukina filime inyinshi zivanzemo iz’urwenya.

8. Anorld Schwarzenegger (Commando)

Azwi cyane kubera uruhare yagize muri “Terminator”. Yabaye Guverineri w'Intara ya Californiya kuva mu 2003- 2011. Afite umutungo w'agaciro ka miliyoni 450 z'Amadorali y'Amerika.

Forbes yatangaje ko umutungo we ushobora kuziyongera cyane mu mpera z’uyu mwaka bitewe na filime z’uruhererekane ze ziriguca ibintu kuri Netflix harimo ‘FUBAR’ hamwe na filime mbarankuru ku buzima bwe yitwa ‘Arnold’.

9. Adam Sandler

Icyamamare muri Sinema, mu gukina filime, kuzandika no kuzishoramo ifaranga, Adam Sandler uherutse gusohora igice cya kabiri cya filime ‘Murder Mystery’ yakunzwe, ahagaze umutungo wa miliyoni 440 z’amadolari.

10. Sylvester Stallone (Rambo)

Uyu mukinnyi abenshi bamwibuka muri Filime zitandukanye z’imirwano ariko ahanini yamamariye muri Rambo, uyu afite umutungo ufite agaciro ka miliyoni 400 z’amadolari.

Uyu mukino watangiye ku isaha ya 15:00 PM ya Kigali, Amavubi akaba ariyo yari yakiriye n’ubwo Madagascar yari murugo. Umukino watangiye u Rwanda rufite igihunga, aho umukinnyi Manzi Thierry na Mutsinze Ange bakoze amakosa aganisha ku gitego nyuma yaho bose bashakaga gucenga abakinnyi ba Madagascar bikarangira bawubatse.

Umutoza w’ikipe y’igihugu Amavubi Frank yari yakoze impinduka aho mu izamu Maxime yari yasimbuye Ntwari Fiacre, ndetse Hakim Sahabo yinjira mu kibuga.

Abakinnyi 11 Amavubi yabanje mu Kibuga

Wenssens Maxime

Imanishimwe Emmanuel

Manzi Thierry

Mutsinzi Ange

Omborenga Fitina

Bizimana Djihad

Rubanguka Steve

Muhire Kevin

Mugisha Gilbert

Nshuti Innocent

Sahabo Hakim

Ku munota wa 30 nibwo u Rwanda rwafunguye amazamu ku mupira Muhire Kevin yatereye ahagana ku murongo ugabanyamo ikibuga kabiri, usanga Mugisha Gilbert yawukurikiye neza, ahita awufunga areba uko umunyezamu ahagaze, atereka umupira mu rucundura.

Igice cya mbere cyarangiye ntazindi mpinduka zibaye amakipe yombi ajya kuruhuka u Rwanda ruyoboye n’igitego kimwe ku busa.

Mu gice cya mbere, u Rwanda na Madagascar bateye koroneri imwe, u Rwanda rwaraririye inshuro 5 mu gihe Madagascar yabikoze inshuro 3 Madagascar yakoze amakosa 8 mu gihe u Rwanda rwakoze amakosa 4.

Mu gice cya kabiri amakipe yagarukanye abakinnyi yari afite, ndetse ubona ko umutoza w’amavubi atari yiteye gukora impinduka cyane kuko yari yatangiye kubara amanota 3 ndetse no kuyarwanirira. Nyuma y’iminota mike Frank utoza Amavubi yaje gukora impinduka, biramahire Abby yinjira mu kibuga.

Imanishimwe Emmanuel umukino ugitangira yagize ikibazo cy’imvune ariko arakomeza umukino arawusoza 

Umutoza yakomeje gukora impinduka buhoro buhoro nkaho yashyizemo Gitego Arthur kugera kuri Hakizimana Muhadjri nawe wasimbuye bwa nyuma havuyemo Sahabo Hakim.

Nyuma y’iminota mike gusa Hakizimana Muhadjri yinjiye mu kibuga, Bizimana Djihad yaje gufata umwanzuro ari inyuma y’urubuga rw’amahina areba uko umunyezamu wa Madagascar ahagaze, arekura ishoti rikomeye ririhukira mu shundura, u Rwanda ruba rubonye igitego cya kabiri.

Umusifuzi yongejeho iminota 4 ntiyagira impinduka itanga, umukino urangira ari ibitego 2 by’amavubi ku busa bwa Madagascar. U Rwanda rwahise rusoza imikino rwari rufite aho rwatahanye amanota 4 kuri 6 kuko bari banganyije na Botswana ubusa ku busa.

Maxime umukino we wa mbere akiniye ikipe y’igihugu Amavubi, awushoje afite amanota 3 ndetse atinjijwe igitego 

Bizimana Djihad watsinze igitego cya kabiri, yongeye kwerekana ko ari umukinnyi mwiza u Rwanda rufite

Manzi Thierry yatangiye umukino ahuzagurika, gusa yaje kwinjira mu mukino bigenda neza 

Mugisha Gilbert mu mikino 5 aheruka gukinira amavubi, afitemo ibitego 3 

Mu mwaka wa 2023 ni bwo hatatangiye guhwihwitswa inkuru z’uko Eddy Kenzo ari mu rukundo na Phiona Nyamutooro binavugwa ko uyu mukobwa yahaye impano y'imodoka uyu muhanzi utegerejwe i Kigali mu gitaramo cya Platini P kizaba kuwa 30 Werurwe 2024.

Bombi bakomeje kubitera utwatsi bavuga ko ari inshuti zisanzwe, nyamara umubano wabo ugakomeza gucyemangwa.

Ubwo Phiona yagirwaga Minisitiri, Eddy Kenzo ari mu ba mbere bahise bagaragaza ko bishimiye intambwe ateye. Benshi bakomeje gutanga ibitekerezo aho bamwe bamwita umugore wa Kenzo, abandi bakamwita umukunzi.

Phiona Nyamutooro ni muntu ki?

Ni umunyapolitike wo muri Uganda, akaba umwe mu bahagarariye urubyiruko mu Nteko Ishingamategeko ndete ni umwe mu barwanashyaka b'imbere b'ishyaka riri ku butegetsi rya NRM.

Yagizwe Umunyamabanga wa Leta muri Minisiteri y'Iterambere ry'Ingufu n'Amabuye y'Agaciro kuwa 22 Werurwe 2024, umwanya wamwinjije mu b'imbere bagize Guverinoma ya Uganda.

Nyamutoro afite impamyabumenyi mu Buhanzi akanagira impamyabumenyi y'icyiciro cya Gatatu cya Kaminuza muri Public Relation.

Amashuri abanza yayize muri Najjera, ayisumubye ayigira muri Kibinge Bukomansimbi. Nyamutoro yabaye Visi Perezida w'Abanyeshuri ba Kaminuza ya Makerere hagati ya 2015 na 2016 ubwo yigaga muri Makerere.

Yabaye umwe mu bagize Komisiyo y'Urubyiruko mu Karere ka Nebbi. Yegukanye ibihembo kubera ibikorwa bye muri gahunda zirimo kurwanya inda ziterwa abanyavu no mu buringanire n'ubwuzuzanye.

Nyamutooro ari mu banyapolitike bakiri bato muri Uganda kandi bamaze kwigwizaho igikundiro mu bantu b’ingeri zitandukanye 

Ibyishimo byatashye umutima wa Eddy Kenzo, amarangamutima ayashyira hanze arata amashimwe Nyamutooro bavugwa mu rukundoPhiona Nyamutooro ari mu bantu b’imbere mu ishyaka rya NRM aha yari kumwe na Perezida MuseveniBiravugwa ko Eddy Kenzo yahawe impano y’imodoka na Nyamutooro PhionaAmaze igihe kitari gito yinjiye muri politike aho yatangiriye muri Komisiyo y’UrubyirukoAmaze igihe akora mu Nteko Ishingamategeko ya Uganda yinjiyemo nk’urubyiruko

Mu mpera z’icyumweru gishize, nibwo Anicia Gaothusi yegukanye ikamba rya Miss Botswana 2024, aryambikwa na Miss Lesego chombo yasimbuye kuri uyu mwanya.

Ibirori by’akataraboneka byabereye i Tlonkweng byasize Anicia Gaothusi w’imyaka 22 y’amavuko, ukomoka mu gace ka Tutume ariwe wegukanye ikamba rya Miss Botswana. Uyu niwe wabashije gukura ikamba mu maboko ya Lesego Chombo uherutse kugera muri Top 4 muri Miss World kandi akegukana ikamba rya Miss World Africa.

Miss Botswana 2024 yegukanye ikamba riherekejwe n’imodoka nshya ya Volkswagen Polo, ndetse n’akayabo k’amafranga agomba kumufasha mu myiteguro ya Miss World 2025 ayo kwiyitaho n’ayo kwita ku bijyanye n’imyambaro ye mu gihe cy’umwaka.

Kwegukana ikamba rya Miss Botswana byonyine, byahise bihesha Miss Anicia amahirwe yo kuzahagararira iki gihugu mu irushanwa ya Nyampinga w’Isi ry’umwaka utaha, rizaba riba ku nshuro ya 72. Muri iri rushanwa riteganijwe umwaka utaha, nibwo Krystyna Pyszkova wambaye ikamba rya Miss World azaryambika uzamusimbura mu birori biba bihanzwe amaso n’abatuye isi bose.

Nk’uko bisanzwe Miss Botswana, Anicia Gaothusi afite ibisonga bibiri bigiye kumufasha mu rugendo rw’umwaka wose, harimo Miss Halle Hirschfeld wabaye igisonga cya mbere, ndetse na Sebaga Manyapetsa wabaye igisonga cya kabiri cya Nyampinga wa Botswana.

Iri siryo rushanwa rya mbere ry’ubwiza Anicia yegukanye  kuko no mu 2019 yatsindiye ikamba rya Miss Teen International Botswana. 

Mu buzima busanzwe, Miss Anicia ni umunyeshuri uri kuminuza mu bijyanye n’amategeko, muri kaminuza ya Gaborone University College of Law and Professional Studies. 

Nyuma y’uko yicaye kuri iyi ntaba iba yifuzwa na benshi, Miss Anicia yafashe umwanya ashimira abamushyigikiye bakamwereka urukundo, barimo n’abo bataziranye bamuteye inkunga bakamunambaho kugeza ku ikamba nyirizina. 

Miss Lesego Chombo watanze ikamba, nawe yafashe umwanya anyarukira ku rubuga rwa Instagram, maze ashimira abamubaye hafi mu rugendo rwose rwo kuba Miss Botswana 2022, ndetse atangaza ko icyo yifuzaga cyane mu irushanwa rya Nyampinga w’Isi ari ugushakira isi icyizere, akerekana ko kwizera Imana n’imbaraga zayo bikora koko.

Reba hano amafoto agaragaza neza ubwiza bwa Anicia Gaothusi wegukanye ikamba rya Miss Botswana 2024:

Yambitswe ikamba na Miss Lesego Chombo yasimbuye kuri iyi ntebe

Miss Botswana 2024 n’ibisonga bye

Mu 2019 yegukanye ikamba rya Miss Teen International Botswana

Miss Anicia Gaothusi niwe uzahagararira Botswana muri Miss World 2025

Anicia asimbuye Miss Lesego Chombo wabaye Miss Botswana 2022

Ubu Miss Lesego ni Miss World Africa 2024

Amavubi yasoje imikino ya gicuti atsinda Madagascar ibitego 2-0, ni ibitego bya Mugisha Gilbert na Bizimana Djihad.

Wari umukino wa kabiri wa gicuti ku Rwanda, ni nyuma y’uko ku wa Gatanu w’icyumweru gishize rwari rwanganyije ubusa ku busa na Botswana, umukino na wo wabereye muri Madagascar.

Uyu munsi Amavubi y’u Rwanda yakinaga na Madagascar mbere y’uko agaruka mu Rwanda.

Ni umukino umutoza Frank Spittler yari yahisemo kubanza mu izamu Maxime Wenssens wa Union Saint-Gilloise mu Bubiligi wakinaga umukino wa mbere mu Mavubi.

Hakiri kare ku munota wa, Ange Mutsinzi yatakaje umupira ufatwa na rutahizamu wa Madagascar ariko ateye mu izamu, umunyezamu Wenssens awukuramo.

Ku munota wa 25 Nshuti Innocent yahushije igitego cyabazwe ku mupira wari uvuye kuri kufura yari itewe na Sahabo, Rubanguka agahindura imbere y’izamu ariko Nshuti akananirwa kuwushyira mu rushundura.

Mugisha Gilbert yaje gutsindira u Rwanda igitego cya mbere ku munota wa 27 ku mupira mwiza yari ahawe na Muhire Kevin. Amakipe yagiye kuruhuka ari 1-0.

Iminota 10 y’igice cya kabiri wabonaga amakipe yombi agifite inyota y’igitego ariko umukino wakinirwaga mu kibuga hagati nta mahirwe yaremwe.

Amavubi yakoze impinduka za mbere ku munota wa 58 aho Nshuti Innocent yahaga umwanya Biramahire Abeddy ni nako ku munota wa 62 Mugisha Gilbert yahaye umwanya Gitego Arthur.

Madagascar yashyize igitutu ku basore b’u Rwanda ariko umunyezamu Maxime Wenssens n’ubwugarizi bw’u Rwanda babyitwaramo neza.

Ku munota wa 86, Muhadjiri Hakizimana yinjiye mu kibuga asimbura Sahabo Hakim.

Izi mpinduka zafashije u Rwanda kuko byaje gutuma Amavubi yongera imbaraga mu busatirizi maze ku munota wa 90 Djihad Bizimana atsinda igitego cya kabiri ku ishoti rikomeye rya Djihad ku mupira yari ahawe Biramahire Abeddy. Umukino warangiye ari 2-0.

Bizimana Djihad wagize umukino mwiza yatsinze igitego cy’agashinguracumu

Manzi Thierry yari ahagaze neza mu bwugarizi

Mangwende yagize igice cya kabiri cyiza

Umukino we wa mbere Maxime Wenssens yahesheje Amavubi intsinzi kandi ntiyinjizwa igitego

Bizimana Djihad wagize umukino mwiza yatsinze igitego cy’agashinguracumu

Myugariro wo ku ruhade rw’ibumoso wakanyujijeho mu makipe nka Rayon Sports, Irambona Eric yasezeye kumugaragaro gukina umupira w’amaguru.

Uyu mukinnyi wari umaze hafi imyaka ibiri nta kipe agaragaramo, kuri iyi nshuro nibwo yeruye ko yasezeye ruhago nk’uwabigize umwuga atazongera gukina.

Ibi yabihamirije ISIMBI ku wa Gatandatu w’icyumweru gishize ubwo yizihizaga imyaka 5 we n’umugore we Olivia bamaze barushinze.

Irambona aheruka mu kibuga mu mwaka w’imikino wa 2021-22 ubwo yakiniraga Kiyovu Sports. Nyuma y’uyu mwaka akaba yarahise amera nkuretse umupira nubwo atahise abitangaza aho yagiye gukora muri Banki.

Uyu myugariro akaba yarakiniye amakipe nka Rayon Sports yagezemo muri 2012 ayivamo nyuma y’imyaka 8, hari muri 2020 ubwo yerekezaga muri Kiyovu Sports yakiniye imyaka 2.

Muri Rayon Sports yatwaranye na yo ibikombe bitandukanye birimo Super Cup, ibikombe bya shampiyona 3 (2012-13, 2016-17 na 2018-19) ndetse n’igikombe kimwe cy’Amahoro.

Irambona Eric yasezeye kumugaragaro

Cyabaye ku wa Gatandatu tariki 23 Werurwe 2024, aho Ruti Joël yifashishije indirimbo zinyuranye cyane cyane iziri kuri Album ye yise 'Musomandera' yashyize hanze muri Mutarama 2024, igakundwa mu buryo bukomeye ahanini biturutse ku ndirimbo ziyigize.

Iki gitaramo cyabereye mu nzu y'imyidagaduro ya Atrium, ahasanzwe habera ibitaramo by'abahanzi bakomeye muri Amerika n'abandi. Iyi nyubako yabereyemo ibitaramo by'abahanzi bakomeye ku Isi barimo Koffi Olomide wo muri Repubulika Iharanira Demokarasi ya Congo (RDC) wahataramiye ku wa 11 Ugushyingo 2022, umuraperi Shawn Corey Carter [Jay-Z] wahataramiye mu 1998 n'abandi.

Iki gitaramo cyabaye mu buryo bwa 'Live' kandi cyatambukaga ku rubuga rwa Youtube mu rwego rwo gufasha abatabashije kuhagera. Ibi byakozwe bitewe n'uko iyi nyubako isanzwe irimo ibikoresho by'ikoranabuhanga byifashishwa igihe ushaka gutambutsa ibirori n'ibitaramo mu buryo bw'ikoranabuhanga.

Iri nyubako imaze imyaka 30 itangiye kwakira ibirori n'ibitaramo byiganjemo ibyo kumurika imideli n'ibitaramo by'abahanzi, kwerekana filime, gufatiramo amashusho y'indirimbo z'abahanzi, ubukwe, gutunganyirizamo filime n'ibindi.

Yubatswe mu buryo bushobora gufasha ababyifuza gutunganyirizamo ibiganiro bya Televiziyo, gukoreramo inama, imikino y'iteramakofe, kandi itegurwa mu buryo buri wese yifuzagamo. Yashyizwemo n'ibindi birimo nka 'Restaurant', 'Parking' yagutse n'ibindi.  

Ruti Joel niwe muhanzi wenyine waririmbye muri iki gitaramo mu gihe cy'amasaha ibiri. Yabwiye InyaRwanda, ko yishimiye uburyo Abanyarwanda n'abandi babarizwa muri Atlanta bamwakiriye 'ku nshuro yanjye ya mbere mbataramiye'.

Umwe mu bateguye iki gitaramo, yavuze ko bagiteguye 'mu rwego rwo gutaramana n'abafana ba Ruti batuye mu Majyepfo y'Uburasirazuba bw'Amerika'.

Yavuze ko ashingiye ku migendekere y'iki gitaramo birashoboka ko 'Abanyarwanda bakunda gakondo'. Ati 'Byaratunejeje kubona abantu bafata indege bakava mu y'indi Mijyi, abandi bagatwara imodoka amasaha atandatu kugirango baze mu gitaramo cya Ruti Joel.'

Ni cyo gitaramo cya mbere Ruti Joël akoreye muri Amerika nyuma y'imyaka ine isaga ari mu muziki. Yaherukaga gutaramira abakunzi be mu birori bya Rwanda Day byabereye mu Mujyi wa Washington muri Leta Zunze Ubumwe za Amerika, ku wa 2-3 Gashyantare 2024.

Anategerejwe mu kindi gitaramo kizabera mu Mujyi wa Portland muri Leta ya Maine, ku wa 30 Werurwe 2024 mu rwego rwo 'kwegera abakunzi ba gakondo batuye mu Majyaruguru y'Uburasirazuba bwa Amerika'.

Uyu muhanzi yari yihaye gahunda yo gukorera ibitaramo bibiri muri Amerika mbere y'uko agaruka mu Rwanda.

Ruti ni umusore w'urubavu ruto wakuriye iruhande rwa Massamba Intore na Jules Sentore bamuharuriye urugendo rw'umuziki we. Byasembuwe no kuba umwe mu bagize Gakondo Group n’itoreri Ibihame anywana n'umuco kuva ubwo. 

Ijwi ry'uyu musore ryumvikanye mu ndirimbo 'Diarabi' yakoranye na Jules Sentore ndetse na King Bayo witabye Imana.

Ni indirimbo nawe avuga ko yamwaguriye amarembo y'umuziki, abatari bamuzi batangira kubazanya ngo uwo musore ni nde w'ijwi ryiza! 

Muri Gashyantare 2019 yashyize hanze amashusho y'indirimbo 'La vie est belle' yasubiyemo y'umuhanzi w'umunyabigwi mu muziki Papa Wemba. Iyi ndirimbo yumvikana mu rurimi rw'Igifaransa n'Igishwahili.

Uyu musore avuga ko gukurira muri Gakondo Group byamufashije kumenya kubyina no guhamiriza mu Ibihame Cultural Troupe yigiramo imibyinire gakondo n'ibindi.

Urugendo rw'umuziki we yarushyigikiwemo na Masamba Intore wamuhaye album z'indirimbo ze azigiraho kuririmba ndetse ngo rimwe na rimwe bakoranaga imyitozo yo kuririmba.

Ruti Joel yakoreye igitaramo gikomeye muri Atlanta muri Leta Zunze Ubumwe za Amerika
Iki nicyo gitaramo cya mbere, Ruti Joel akoreye muri Amerika nyuma ya Rwanda Day

Ibyishimo byari byose ku Banyarwanda n’abandi basanzwe bakunda Ruti Joel bataramiwe nawe

 

Iyi nyubako Ruti Joel yakoreyemo igitaramo yabereyemo ibitaramo by’abahanzi bakomeye ku isi barimo Koffi Olomide na Jay-Z

Nyuma yo gutaramira muri Atlanta, Ruti Joel atagerejwe muri Leta ya Maine

 

Koffi Olomide yakoreye igitaramo gikomeye muri iyi nyubako mu 2022

Ruti Joel ategerejwe mu gitaramo kizabera muri Portland, ku wa Gatandatu tariki 30 Werurwe 2024

Kugeza ubu, abakurikiranira hafi umuziki nyarwanda babasha kubona impano zitangaje zivuka mu njyana ya Hip hop umunsi ku wundi. Indebakure ndetse n'abasesengura neza iyi ngingo, bemeza ko nta gushidikanya umuziki wa Hip hop nyarwanda ukomeje kujya mu maboko meza ndetse mu minsi ya mbere iraba yamaze gutambuka ku zindi zisanzwe zimenyerewe cyane.

Bamwe muri aba baraperi bakomeje kuzahura injyana ya Hip Hop bamaze igihe bakora ariko bari kwigaragaza cyane muri iyi minsi, abandi batangiye vuba ariko mu by’ukuri impano zabo ziri kwivugira.

Dore bamwe mu baraperi b’amaraso mashya bakwiye guhangwa amaso mu muziki nyarwanda mu 2024:

1. Zeo Trap 

“>

Umuraperi Zeo Trap uri mu bahanzwe amaso mu njyana y'umujinya [HipHop] mu Rwanda, ni umuraperi ukunzwe,ni  umwe mu batanga icyizere mu muziki Nyarwanda kuva yatangira urugendo rwa muzika wenyine atandukanye na Byina Trap, itsinda yamenyekaniyemo.

Ubusanzwe amazina ye ni Byiringiro Francois ariko amaze kwamamara mu njya ya HipHop yo mu bwoko bwa Trap nka Zeo Trap. Mu 2021 nibwo itsinda Byina Trap yabarizwagamo ryatandukanye nyuma yo gukora indirimbo zitandukanye zakunzwe zirimo 'Amazi y'Abasoda, Byina Dril ' n'izindi.

Nyuma  Zeo Trap yafashe umwanzuro wo gutangira urugendo rwa wenyine, akora indirimbo zirimo 'Akaradiyo [Dior freestyle], Si sawa ndetse na Elee' yamubereye ikiraro akamenyekana ndetse kuri ubu akaba ari umwe mu baraperi bahagaze neza muri muzika nyarwanda.

2. Fifi Raya

“>

Fiona Ishimwe uzwi mu muziki nka Fifi Raya, ni umwe mu baraperikazi b'amaraso mashya w'umuhanga kandi ugezweho mu njyana ya Hip Hop, aho akunzwe cyane mu ndirimbo zirimo 'Wasara,' 'Kule,' 'Cyane' n'iyitwa 'Mon Bebe' aherutse gushyira hanze.

3. Bruce The 1st

“>

Mukiza Bruce [Bruce The 1 st] ni umuraperi wihagazeho muri iki gihe, yabonye izuba ku wa 12 Kanama 2002. Mu minsi ishize, uyu muraperi yashyize hanze 'Bwe Bwe Bwe' yahurijemo abandi baraperi bakomeye mu Rwanda, barimo Ish Kevin, Bull Dogg na Kenny K Shot, bagaruka ku buryo hari ibinyamakuru bidaha agaciro abaraperi.

Ku myaka 15 y'amavuko ni bwo yatangiye kwandika indirimbo bikarangirira ku mpapuro nta cyizere afite cy'uko bizashoboka. Mu 2018 yasohoye indirimbo ye ya mbere yitwa 'Born&Raise' biturutse ku cyizere yahawe n'inshuti ze cy'uko azi kuririmba.

4. Hollix

“>

Mu mwaka ushize, nibwo Ish Kevin, uri mu baraperi bamaze gukomeza izina rye mu muziki w'u Rwanda, yatangiye gufata ukuboko umuraperi ukomeje kwigaragaza neza witwa Hollix, amusinyisha muri 'Label' yise “Trappish Music” inafite studio itunganya imiziki mu buryo bw'amajwi n'amashusho.

5. Nessa

“>

Nessa umwe mu bahanzikazi b'abahanga mu gukora ijyana ya Hip Hop umaze kumenyekana ku bw'amagambo akakaye akoresha mu ndirimbo ze, ariko zigakundirwa ubuhanga bwazo yashyize hanze iyitwa Ikenge. Usibye iyitwa 'Ishori,' uyu muraperikazi afite n'izindi zirimo 'Muhe Nyina' yahuriyemo na Beat Killer umutunganyiriza indirimbo..

6. Angell Mutoni

“>

Umuhanzikazi Angell Mutoni ukunze kuririmba indirimbo ziganjemo iziri mu rurimi rw'Icyongereza avanga n'Ikinyarwanda, mu mwaka ushize  yashyize hanze Extended Play [EP] yise 'For Now' yakoranye na Dr Nganji wo muri Green Ferry Music, iri mu nzu zitunganya imiziki zafashije benshi barimo Bushali, B-Threy n'abandi batandukanye bamaze kubaka amazina.

Angell Mutoni uri mu batanga icyizere asanzwe ari umuraperi akaba n'umuririmbyi wandika indirimbo. Aririmba Afro-Hiphop, RnB na Pop.

Uyu mukobwa afite mixtape eshatu ndetse na EP ebyiri. Ari mu bahanzi 10 bitabiriye RFI Prix Découvertes, mu 2016. Yagiye kandi agaragara mu maserukiramuco atandukanye muri Afurika y'Iburasirazuba birimo Blankets & Wine, Kigali Up, Amani Festival, Bayimba n'ayandi.

7. Nadiya

“>

Nadiya Nana ni umukobwa ukomatanya kubyina, kuririmba no kugaragara mu mashusho y'indirimbo. Uyu muraperikazi ari mu bakwiye guhangwa amaso muri uyu mwaka, kuko yagaragaje ubuhanga bwe mu ndirimbo zirimo 'Mu Mizi' na 'Way to the Top.'

8. Jaja Rwanda

“>

Umwe mu baraperi bari kuzamuka neza mu Rwanda ariko ukorera muzika ye muri Amerika, maze gukorana n’abaraperi benshi mu Rwanda barimo nka Ish Kevin, Bruce The 1st, Fireman, Bull Dogg ndetse na Khalifan Govinda. Mu minsi ishize, uyu muraperi aherutse kwisunga umuraperi mugenzi we uzwi ku izina rya Logan Joe bakorana indirimbo bise ‘Like Me’.

9. Pro Zed

“>

Ngabonziza Shema Darcin Pro Zed uri mu basore batunganya indirimbo bakundwa cyane cyane n'abakunzi ba Hip Hop yo mu bwoko bwa Trap na Drill Music, ubu noneho yamaze no kwinjira mu muziki kandi ari no mu baraperi bakomeje gutanga icyizere muri iyi njyana.

10. Dice Kid

“>

Umuraperi Dice Kid uri mu bahanzi bahuye n’umuraperi w’umunyabigwi Kendrick Lamar ubwo aheruka mu Rwanda, ni umwe mu bakwiye guhangwa amaso muri iki gihe bitewe n’ubudasa akomeje kugaragaza muri iyi njyana ya Hip hop. 

11. Chaka Fella

“>

Umuraperi Chaka Fella ari mu bakunzwe muri iki gihe bitewe n'ibihangano bye bishimangira ubuhanga mu njyana ya Hip Hip byumwihariko muri Drill igezweho muri iki gihe. Mu ndirimbo ze harimo iyo aherutse gushyira ahagaragara yitwa '6:30 AM,' 'Game' yamuhuje na Zeo Trap na Mr Kiswahili n'izindi.

12. Maestro Boomin

“>

Maestro Boomin ni umwe mu baraperi bakomeje kuzamura igikundiro mu banyarwanda uririmba cyane mu rurimi rw'Icyongereza. Uyu, afite indirimbo zikunzwe zirimo 'Racks' yafatanije na Ish Kevin, 'Hustlin' yahuriyemo na Kenny K Shot, 'Lost My Mind' yakoranye na Riderman ndetse n'izindi.

13. Soldier Uno

“>

Soldier Uno wavutse mu 2003 akavukira ku Muhima mu Mujyi wa Kigali, ubusanzwe yitwa Mugisha Landry ari mu bahanzi bari kuzamuka neza muri Drill Music kandi atanga icyizere cyo kuzageza kure cya mu muziki mu bihe bye biri imbere.

14. Bobby Bangs

“>

Bobby Bangs nawe ni umuraperi ukwiye guhangwa amaso muri uyu mwaka. Yakoranye indirimbo n'abaraperi nka Ish Kevin mu ndirimbo bise 'Trust is Gone,' iyo yahuriyemo na Kenny K Shot bise 'Amaribori,' iyo aherutse gusohora yise 'Fashion Killa' n'izindi.

15. Dylan Flex

“>

Ingabire Sandra uzwi nka Dylan Flex, ni umwe mu baraperikazi b'impano itangaje bakwiye guhangwa amaso muri uyu mwaka. Uyu mukobwa w'imyaka 20 y'amavuko, afite indirimbo  yitwa 'Fasho' yahuriyemo na Dj Fortune na Alma Ras.

Mu zindi ndirimbo yagiye yumvikanamo harimo iyitwa 'Flex' yahuriyemo na Dr. Nganji, Slum Drip, RoMeo Rapstar ndetse na Icenova, 'Turahashumika' yakoranye na Papa Cyangwe n'izindi.