Author: webrwanda

Komisiyo ishinzwe gutegura amarushanwa yo Kwibuka Jenoside yakorewe Abatutsi muri Komite Olempike y’u Rwanda, yatangaje ko uyu mwaka ishaka ko federasiyo 30 zategura iyi mikino mu rwego rwo kuyihuza n’imyaka 30 ishize iyi Jenoside ihagaze.

Kuva tariki ya 7 Mata 2024, u Rwanda rwinjiye mu minsi 100 yo kwibuka ku nshuro ya 30 Jenoside yakorewe Abatutsi mu 1994 aho yahitanye abasaga miliyoni imwe.

Muri siporo, hari amarushanwa yo kwibuka Abatutsi bishwe muri Jenoside ategurwa n’amashyirahamwe y’imikino itandukanye buri mwaka, kandi yose akaba mu gihe cyagenwe hagati ya Mata na Nyakanga.

Kuri ubu, hashize imyaka 11 Komite Olempike y’u Rwanda, ku bufatanye na Minisiteri ifite Siporo mu nshingano, itegura Amarushanwa yo Kwibuka buri mwaka, 'aba agamije kwibuka aba-sportifs, abakinnyi, abatoza n’imiryango y’abo bose bishwe muri Jenoside yakorewe Abatutsi mu 1994 no gutanga ubutumwa ko ayo mahano adakwiye kuzongera kuba ukundi.'

Mu kiganiro yagiranye na IGIHE, Umuyobozi wa Komisiyo ishinzwe gutegura aya marushanwa muri Komite Olempike y’u Rwanda, Sharangabo Alexis OLY, yavuze ko ari igikorwa kigenda gikura buri mwaka.

Ati 'Ni ibikorwa za federasiyo zitegura ku matariki dushyiraho, akenshi biba ari ukuva tariki ya 14 Mata kugeza mbere yo Kwibohora (mbere ya Nyakanga). Mbere barabikoraga, ariko mu 2013 ni bwo cyatangiye gutegurwa n’amashyirahamwe ashamikiye kuri Komite Olempike y’u Rwanda. Mu mwaka ushize cyateguwe na federasiyo 18, hari hiyongereyeho eshatu ugereranyije n’umwaka wa 2022.'

Mu 2023, amashyirahamwe 18 muri 35 agize Komite Olempike y’u Rwanda ni yo yateguye aya marushanwa, Komite y’Igihugu y’Imikino y’Abafite ubumuga (NPC Rwanda) iteguramo abiri.

Sharangabo yavuze ko kuri iyi nshuro, mu 2024, bifuza ko amashyirahamwe azategura aya marushanwa yagera kuri 30 bikajyana no kuba u Rwanda rwibuka ku nshuro ya 30.

Ati 'Ni igikorwa giteguye neza, twizera ko uyu mwaka bizasumba uko byagenze mu mwaka ushize. Turateganya gushaka federasiyo zigera kuri 30 zitabira iki gikorwa. Ubushize zabaye 18, ntibyoroshye kugira ngo ubone izindi 12, ariko turakora ibishoboka turebe ko zagera 30 kuko bihurirana n’imyaka 30 twibuka Jenoside yakorewe Abatutsi.'

Yakomeje avuga ko aya marushanwa ajyana n’ubutumwa buhabwa abakinnyi bayitabira ndetse n’Abanyarwanda bayakurikira haba ku bibuga ndetse no mu bundi buryo.

Ati 'Iki gikorwa gitegurwa na Komite Olempike, kigaterwa inkunga na Minisiteri ya Siporo mu buryo bw’amafaranga, ibitekerezo n’ibindi bikorwa, ariko tukanakorana na Minisiteri y’Ubumwe bw’Abanyarwanda n’Inshingano Mboneragihugu kuko usibye imikino ibaho n’ibindi biganiro, habaho n’ubutumwa tuba dufite, dutanga muri urwo rwego rwo kwibuka.'

Abajijwe ku kuba hari federasiyo zidategura aya marushanwa kandi zifite ubushobozi, Sharangabo yavuze ko hari igihe biterwa no kugira ibindi bikorwa byegeranye, ariko ayo mashyirahamwe yasabwe kujya agira ibindi bikorwa atangiramo ubutumwa bwo kwibuka.

Ati 'Hari ibintu bibiri, hari ubushobozi, sinavuga ngo nta bushake, ariko hari abo usanga muri ayo mezi abiri cyangwa atatu bafite gahunda za shampiyona. Hari n’abo usanga uyu mwaka babikoze, ukurikiyeho ntibaboneke kubera gahunda z’imikino yabo. Urugero nko mu mupira w’amaguru baba bafite Igikombe cy’Amahoro na Shampiyona.'

'Mu nama iheruka, twavuze ko atari ari ngombwa ko utegura irushanwa ryitirirwa iki gikorwa, bisaba ngo n’ikindi gikorwa ufite ube washyiramo n’izo gahunda zo kwibuka. Waba noneho udakoze icyo gikorwa cya siporo, ukaba wategura ikiganiro, icya mbere ni uko haboneka abantu muha ubutumwa bwagenwe.'

Mu Nteko Rusange Isanzwe iheruka guhuza abanyamuryango ba Komite Olempike y’u Rwanda baganiriye ku buryo bushobora gukoreshwa mu kwita no gufasha bamwe mu barokotse Jenoside yakorewe Abatutsi.

Sharangabo yavuze ko kuri iyi nshuro buri shyirahamwe rizajya rutegura iki gikorwa ukwaryo, ariko rikamenyesha Komite Olempike y’u Rwanda kugira ngo bifatanye kukinoza.

Ati 'Hari ibyo twakoraga, hakaba kuremera, hakaba kubakira abatishoboye barokototse Jenoside, ariko ubu twemeje ko federasiyo ishaka gukora iki gikorwa yagira ku ruhande, ariko ikabimenyesha komisiyo ishinzwe ibikorwa bya GMT kugira ngo dufatanye. Kera hari aho twarebaga umuryango umwe tugafatanya, ariko twasanze kubera igihe dufite ubu, buri federasiyo yakora ku ruhande rwayo.'

Yasabye aba-sportifs kwitabira ibikorwa bitandukanye bijyanye na gahunda yo Kwibuka kandi bakirinda guheranwa n’agahinda.

Ati 'Dukwiriye kubifata nk’ikintu gikomeye, natwe tukaba intangarugero kuko muri za ndangagaciro zacu ni ugukora neza uko ikintu gisabwa. Hari byo dukora nk’Abanyarwanda muri rusange, ariko nk’aba-sportifs twibuke twiyubaka.”

Amashyirahamwe yateguye amarushanwa yo kwibuka mu 2023 mu mikino irimo koga, amagare, Golf, Triathlon, Badminton, Rugby, Tennis, Fencing, Karate, TableTennis, ARPST, Handball, Skating, GoalBall, Cricket, Sitting Volleyball, Kungfu Wushu, Baskteball, Iteramakofe na Volleyball, aho arindwi muri yo yitabiriwe n’amakipe yaturutse hanze y’u Rwanda.

Mu gihe u Rwanda n'Isi muri rusange bibuka ku nshuro ya 30 Jenoside yakorewe Abatutsi mu 1994, abakozi n'abayobozi b'uruganda rwenga ibinyobwa bisembuye n’ibidasembuye mu Rwanda, SKOL Brewery Ltd, bifatanyije n'abandi banyarwanda bose mu gikorwa cyo #Kwibuka30 bakoreye ku rwibutso rwa Jenoside rwa Kigali ruherereye ku Gisozi.

Umuyobozi Mukuru w'Uruganda rwa SKOL Brewery Ltd, Eric Gilson, yatangaje ko ari igikorwa bose bitabiriye ndetse cyabasigiye umukoro wo guharanira ko ibyabaye mu Rwanda bitazongera kubaho ukundi.

Yagize ati: 'Twese twaje, ari abakozi ndetse n'abayobozi ba SKOL. Twaje kwibuka ibyabaye mu myaka 30 ishize, Jenoside yakorewe Abatutsi. Ntiduteze kubyibagirwa, kandi ntibizigera bibaho ukundi haba mu Rwanda cyangwa ahandi hose ku Isi. Ntekereza ko ari ingenzi cyane kubyibuka no kubivuga nka bumwe mu buryo bwo kwirinda ko hari ahandi byaba.'

Uyu muyobozi yakomeje avuga ko ubwo basuraga uru rwibutso, benshi mu bo bari kumwe bagize amarangamutima menshi, ndetse umwe muri bo agorwa cyane no kwihanganira kubona ifoto ya Se mu yandi abitse muri uru rwibutso rwa Kigali.

Yasobanuye ko impamvu yabasunikiye gutegura igikorwa nk'iki cyo kwibuka, ari ukugira ngo birinde kwibagirwa amateka, barusheho kunga ubumwe no kurema icyizere cy'ejo hazaza ha kampani muri rusange.

Ati: 'Twizeye u Rwanda kandi dufite icyizere cy'iterambere ry'ejo hazaza. Ubu ni n'uburyo bwo gutera imbaraga urubyiruko kubera ko rwose muri iki gihugu hari ejo hazaza heza, kandi tugomba guharanira kujya mbere twese hamwe.'

Umwe mu bakozi ba SKOL wanabuze umubyeyi we [Papa we] kubera Jenoside yakorewe Abatutsi mu Rwanda, Alice Mbayiha, yatangaje ko urwibutso ari ahantu hagerageza kwereka umuntu amateka y'ibyabaye mu 1994 ariko hakabyerekana mu ncamake.

Yagize ati: 'Icyo nabonye hano cya mbere ni uko nubwo nari mpari muri Jenoside, icyo gihe nari nkiri umwana muto, ariko hano ku rwibutso ni nk’aho hakwereka ibintu byose byabaye ariko hakabikwereka mu ncamake. Ikintu rero nahakuye cya mbere; ntibizongere kubaho ibintu nk'ibi.'

Alice yavuze ko kugira ngo ibyabaye bitazongera kubaho, hasabwa imibanire myiza y'abanyarwanda, abarokotse bagakomeza intambwe nziza batangiye yo kubabarira no gukomeza intero ivuga ngo 'Twibuke twiyubaka.'

Ati: 'Umuntu aheranwe n'agahinda, nta kintu twazapfa tugezeho. Noneho n'ababikoze nabo nibaza yuko niba hari abagaruye umutimanama ubu ngubu nabo baba batamerewe neza ndetse bahora bicuza buri munsi. Ikintu rero kinini nakuye hano, ni ukubana neza na buri wese, abanyarwanda bakumva ko twese turi abanyarwanda, twese turi umwe nk'uko byari bimeze kera nta kumva ko dutandukanye.'

Yavuze ko mu myaka 8 amaze akora muri SKOL, iyi ari inshuro ya mbere bakoze igikorwa cyo gusura urwibutso. Yongeyeho ko ibi hari ikintu kinini byabafashije hagati yabo, by'umwihariko abavutse nyuma ya Jenoside bayumva mu mateka gusa ndetse n'abanyamahanga batari basobanukiwe uburemere bw'amateka mabi yaranze u Rwanda mu 1994.

Alice yasabye abagifite ingengabitekerezo ya Jenoside cyane cyane ababa mu mahanga kuza gusura u Rwanda, bakareba ubumwe buri muri iki gihugu, bagasubira mu mateka kandi bagasura inzibutso zinyuranye za Jenoside. Yakomeje avuga ko nibaza bazibonera neza ko iby’amoko bitakirangwa mu banyarwanda. 

Akomoza ku bafite ingengabitekerezo ya Jenoside baba mu Rwanda, yagize ati: “Inama nabagira ni ukubabwira ko nta hantu na hamwe ingengabitekerezo yatugeza uretse gusubira inyuma no kongera kuba mu bibazo nk’ibi ngibi bya Jenoside kandi sinibaza ko hari umunyarwanda n’umwe wifuza kongera kubisubiramo. Nabagira inama yo gushyira hasi ingengabitekerezo, bakayoboka kubana mu bumwe n’ubwumvikane, tugakorana twese, tugasenyera umugozi umwe tukubaka igihugu cyacu.”

Uyu mukozi, yasoje avuga ko mu myaka 30 ishize hari intambwe ndende cyane u Rwanda rwateye haba mu iterambere no kubaka ubumwe n’ubwiyunge by’abanyarwanda, ndetse usanga n’abanyamahanga ubwabo batabasha gusobanukirwa. Yashimiye kandi ubuyobozi bwiza bw’igihugu bwabigizemo uruhare rukomeye, burangajwe imbere na Perezida wa Repubulika y’u Rwanda Paul Kagame.

Urwibutso rwa Jenoside rwa Kigali, ruruhukiyemo imibiri y’abazize Jenoside yakorewe Abatutsi isaga ibihumbi 250 by’Abatutsi biciwe mu Mujyi wa Kigali no mu nkengero zawo.

Aba bakozi n’abayobozi ba SKOL bagize umwanya uhagije wo gusura ibice byose bigize urwibutso rwa Jenoside rwa Kigali, basobanurirwa amateka, bashyira indabo ku mva kandi bunamira inzirakarengane zazize Jenoside yakorewe Abatutsi mu 1994 ziharuhukiye.

Abayobozi n’abakozi b’uruganda rwa SKOL Brewery Ltd basuye urwibutso rwa Jenoside rwa Kigali

Ubwo bageraga ku rwibutso rwa Jenoside rwa Kigali ruri ku Gisozi 

Umuyobozi mukuru w’uruganda rwa SKOL mu Rwanda, Eric Gilson

Abakora muri SKOL basobanuriwe amateka y’urwibutso rwa Jenoside rwa Kigali

Bashyize indabo ku mva zishyinguyemo imibiri y’abazize Jenoside yakorewe Abatutsi

Alice Mbayiha ni umwe mu bakozi ba SKOL unafite umubyeyi uruhukiye mu rwibutso rwa Jenoside rwa Kigali

Kanda hano urebe amafoto menshi yaranze iki gikorwa

AMAFOTO: Ngabo Serge – InyaRwanda

Mu butumwa bw’amashusho, Clarisse Karasira yahaye InyaRwanda, yavuze ko muri iki gihe u Rwanda n’Isi bibuka ku nshuro ya 30, akomeza aborokotse Jenoside yakorewe Abatutsi.

Yavuze ati: “Muri ibi bihe twibuka ku nshuro ya 30 Jenoside yakorewe Abatutsi, nifuza kwihanganisha ndetse no gufata mu mugongo ababuze ababo.”

Clarisse wamenyekanye mu ndirimbo zinyuranye zirimo nka 'Twapfaga iki?', yavuze ko Abanyarwanda bakwiriye kwimakaza indangagaciro y'ubunyarwanda, kuko ari inkingi ikomeye Igihugu cyubakiyeho, bakirinda amacakaburi.

Akomeza ati “Ubutumwa natanga ni uko twarushaho gufatanya kurwanya amacakubiri, ndetse tugakorera hamwe, kugira ngo twiyubake, twiteze imbere ndetse kandi tugasenyera umugozi umwe, tukimakaza indangagaciro y’ubunyarwanda kugira ngo u Rwanda ntiruzasubire nk’aho rwahoze. Twibuke, twiyubaka.”

'Ndi Umunyarwanda', Clarisse Karasira yavuze ko isobanurwa nko 'kwiyumvamo isano ihuza Abanyarwanda batewe ishema no kuba Abanyarwanda bahuriye ku gukunda u Rwanda, kururinda no kuruteza imbere. 'Ndi Umunyarwanda' ikubiyemo ingingo eshatu z'ingenzi: kwiyumvamo ubunyarwanda (Rwandan spirit), indangagaciro na kirazira bigamije kwimakaza ubunyarwanda.

Ni mu gihe Nice Ndatabaye wamamaye mu ndirimbo zinyuranye, we yavuze ko muri iki gihe cyo kwibuka yihanganisha 'imiryango y’ababuze ababo ndetse n’Igihugu muri rusange, mvuga ngo ntibizongera’.

Yisunze amagambo aboneka muri Yeremiya 29: 11 hagira hati 'Erega nzi ibyo nibwira nzabagirira! Ni amahoro si bibi, kugira ngo mbareme umutima w'ibyo muzabona hanyuma. Ni ko Uwiteka avuga' uyu muhanzi yavuze ko Imana itazigera itererana abayo, kandi ko imbere ari heza.

Ati “Imbere ni heza, abasizwe mu kiri bato, mubayeho kandi muzabeho, ndetse muri ho kugira ngo musohoze ikivi cy’abanyu. Mukomere, kandi mwihangane.”

Inyandiko iri ku rubuga rwa Internet ivuga kuri gahunda ya 'Ndi Umunyarwanda' itangira isobanura ko amateka y'u Rwanda mu kinyejana gishize yiganjemo byinshi byabangamiye isano hagati y'abanyarwanda.

Uko ubuyobozi bwagiye buhindagurika kuva mu gihe cy'abakoloni na nyuma yaho, imbaraga zabwo zakomeje kubakirwa ku macakubiri yagize ingaruka ku mibereho n'imibanire y'abanyarwanda. 

Muri izo ngaruka twavugamo: ubuhunzi, guhezwa kwa bamwe ku byiza by'Igihugu, kwironda mu buryo butandukanye, ubwicanyi n'intambara byaje gusozwa na Jenoside yakorewe Abatutsi mu w'1994.

Inzira ndende yo kongera kubaka ubumwe bw'Abanyarwanda yahereye ku kubohora igihugu no guhagarika Jenoside yakorewe Abatutsi. Ihame ry'ubunyarwanda ryahawe agaciro, hagiyeho Leta y'Ubumwe bw'Abanyarwanda, uburyo bw'imiyoborere busangiwe na bose, no kubaka inzego zishimangira kandi zigashyigikira ubumwe bw'abanyarwanda nk'uko buteganywa n'Itegeko Nshinga ryo muri Kamena 2003.

Muri urwo rugendo, Abanyarwanda banze kuba imbata z'amateka bimika umuco w'ibiganiro bashaka ikibubaka nk'abantu, kikubaka n'Igihugu muri rusange. Urugero ni nk'Ibiganiro-nyunguranabitekerezo byo mu Urugwiro byabaye Gicurasi 1998 kugeza Werurwe 1999, byatanze icyerekezo mu kubaka Igihugu (Nation), harimo Politiki y'Ubumwe n'Ubwiyunge bw'Abanyarwanda, Imiyoborere myiza, Umutekano, Ubutabera, Inkiko Gacaca n'Icyerekezo 2020.

Uwo muco w'ibiganiro byubaka kandi bifasha Abanyarwanda kwikemurira ibibazo wakomeje gushinga imizi no mu zindi nzego zinyuranye. Mu gukomeza guharanira ko ibyagezweho biramba, ni ngombwa gushingira ku ihame ndakuka ry'Ubunyarwanda (Rwandan Spirit).

Zimwe mu ngamba zo kubaka ubunyarwanda, ni gahunda ya 'Ndi Umunyarwanda', igamije gutoza abanyarwanda kwiyumvamo ubunyarwanda mbere y'ibindi, kubana nta rwikekwe no gushyira inyungu rusange n'iz'igihugu mbere y'inyungu bwite, binyuze mu rubuga rw'ibiganiro bagirana mu bwisanzure.

Uretse umurimo ukorwa cyane binyuze muri Komisiyo y'Igihugu y'Ubumwe n'Ubwiyunge, hari n'izindi ntambwe zatewe n'indi miryango muri uru rugendo rwo kubaka ubunyarwanda.

Clarisse Karasira yasabye ko buri wese aharanira kurwanya amacakubiri

Nice Ndatabye yasabye abarokotse Jenoside gukomeza gutwaza gitwari, baharanira kwiteza imbere

KANDA HANO UREBE UBUTUMWA BWA CLARISSE KARASIRA

KANDA HANO UREBE UBUTUMWA BWA NICE NDATABAYE

 “>

Mu gihe u Rwanda n'Isi bibuka ku nshuro ya 30 Jenoside yakorewe Abatutsi, Arielle Kayabaga yagaragaje ko ibihugu bikomeye bitagakwiye gukomeza gushyigikira abayigizemo uruhare.

Ubwo yari mu Nteko yagize ati' Dukwiye kugeza mu butabera abagize uruhare muri Jenoside. Nk'uko Gen Romeo Dallaire aherutse kuvuga ko abenshi bagize Canada urugo rwabo, baridegembya nta ngaruka ibyo bakoze bibagiraho.'

Rtd Lt Gen Dallaire akaba yari Umuyobozi w'Ingabo z'Umuryango w'Abibumbye mu gihe cyan Jenoside yakorewe Abatutsi muri Mata 1994, nyamara akaba yaragiye yaka ubufasha akabwimwa ariko mu mbaraga zari zihari akaba yararokoye Abatutsi benshi.

Arielle Kayabaga kandi yasabye ko Canada yakwinjira mu murongo wa bimwe mu bihugu birimo Leta Zunze Ubumwe za Amerika bakemeza FDLR nk'umutwe w'Iterabwoba ashingiye ku kuba igizwe n'abakoze Jenoside yakorewe Abatutsi kandi n'ubu bakaba bagikomeje ibi bikorwa mu Karere k'Ibiyaga Bigari.

Depite Arielle Kayabaga ni muntu ki?

Yavukiye murwa mukuru w'u Burundi, Bujumbura. Yaje kujyana n'umuryango we muri Canada ubwo yari afite imyaka 11 aho bari bahunze intambara.

Baje gutura muri Montreal mu gihe kitari gito mbere y’uko bimukira muri Ontario. Yasoreje icyiciro cya Kabiri cya Kaminuza mu ishami rya politiki muri Carleton muri Ottawa mu mwaka wa 2013.

Mbere y’uko yinjira mu Nama Njyanama y'Umujyi wa London. Kayaga yabanje gukorera mu biro bishinzwe abinjira muri uyu mujyi.

Muri 2018 ni bwo yaje gutorerwa kuyinjiramo afite imyaka 27, aba umwirabukazi wa mbere ubikoze mu mateka y'uyu mujyi. Ibi byamuhaye ububasha bwo gutangira gufata imyanzuro ikomeye irimo n'ibirebana n'imari.

Muri 2021 mbere y’uko haba amatora y’abagize Inteko Ishinga Amategeko yatangaje ko na we ari mu baziyamamaza yaje kuyinjiramo nk'umurwanashyaka w'ishyaka rya Liberal.

Yaje gutsinda yinjira mu Nteko Ishinga Amategeko nk'umudepite wo mu Burengerazuba bwa London.

Itandukaniro hagati y'Inyeshyamba n'Umutwe w'Iterabwoba

Ubundi inyeshyamba ahanini usanga ari umutwe wabayeho ugamije impamvu z'impinduramatwara mu birebana n'ibitekerezo bishingiye kuri politiki.

Mu gihe umutwe w'iterabwoba nk’uko bivugwa uba ugamije ibikorwa by'ubwicanyi no guhohotera abasivili byose nubwo biba bifite aho bihuriye na politiki.

Usanga inyeshyamba ziba zihanganye na guverinoma yaba mu buryo bwo kurwana naho imitwe y'iterabwoba yibasira abaturage cyane ikabica, ikabashimuta n'ibindi bikorwa bijyana n’ibyo bitera abantu ubwoba.

Depite Kayabaga yasabye Canada ko yakwemeza FDLR nk’umutwe w’iterabwobaYavuze ko Canada ikwiye kumva ibyo Rtd Lt Gen Dallaire avuga ikareka gukomeza gucumbikira abagize uruhare muri Jenoside yakorewe AbatutsiDepite Kayabaga ari mu bayobozi baturutse muri Canada bitabiye Women Delver i Kigali, aha yasuhuzanyaga na Perezida Kagame Aha Depite Kayabaga ari mu bakiriye abarimo Ambasaderi Mukantabana, Ambasaderi Higiro na Minisitiri Dr Abdallah Utumwatwishima ubwo bitabiraga Rwanda Youth Convention 2023 muri Canada

Ku wa 10 Mata mu bice bitandukanye by’Isi Abayisilamu bitabiye isengesho rusange rya Eid al Fitr bishimira umusozo w'ukwezi kwa Ramadan.

Umugaba w'Ingabo z'u Rwanda, Gen Murakh Muganga na Minisitiri w'Urubyiruko n'Itembere ry'Ubuhanzi, Dr.Utumatwishima bitabiye isengesho rya Eid al Fitr kuri Stade ya Kigali Pele Stadium i Nyamirambo

Aha hari muri Moscow, Abayisilamu bitegura gutangira gusenga isengesho rya Eid al Fitr, hafi y'umusigiti mukuru wa Moscow.Ibihumbi by'Abanya-Albania bitabiye isengesho rya Eid al Fitr, aha bari bateraniye Skanderberg Square mu gace ka Tirana.Umwana w'umukobwa mutoya ahagaze rwagati mu bihumbi by'Abayisilamu bo mu Rwanda mu isengesho rya Eid al FitrUmwana w'umuhungu ahagaze rwagati mu bihumbi by'abamera Mana b'Abayisilamu, basengeye mu kibuga kigari cya Sir Ali Muslim Club muri Nairobi ho mu gihugu cya KenyaAbanya-Palestine bari mu bihe bitoroshye by'intambara bagize umwanya wo gusenga, aha hakaba ari mu matongo y'umusigiti wa al Farouk aha akaba ari muri Rafah ho mu majyepfo ya GazaMuri Brooklyn ho mu mujyi wa New York, Abanyamerika n'inshuti zabo b'Abayisilamu bakoreye isengesho rya Eid al Fitr ku musigiti wa Masjid At-TaqwaI Yeruzalemu, Eid al Fitr yizihijwe, uyu ni umwana muto afite kimwe mu bikinisho mu gihe ibihumbi by'Abayisilamu bari bitabiriye isengesho risoza ukwezi kwa Ramadan bikaba ari mu bihe Hamas ikomeje guhangana n'igihugu cya IsraelAbasangirangendo bo ku butaka bwa Zazzou muri Kaduna ho mu gihugu cya Nigeria nabo bizihije isozwa ry'ukwezi kwa Ramadan.Muri Yeruzalemu ho muri Israel, umubyeyi yishimana n'umwana we ahabereye isengesho rya Eid al Fitr hazwi nka Al Aqsa bamwe bahazi nka Temple MountAbabyeyi bari bagiye gushima Imana yabashoboje gusoza ukwezi kwa Ramadan mu RwandaAba-Shi'ites bishimiye isozwa ry'ukwezi kwa Ramadan bahurira Imam Ali Shrine mu mujyi mutagatifu wa Najaf ho muri IraqAba-Suni bifurizanya Eid al Fitr bishimira isozwa ry'ukwezi gutagatifu kwa Ramadan muri Mosul muri IraqUmwe mu babyeyi ashima Imana mu gace ka Jakarta, Indonesia mu isengesho rya Eid al Fitr ryabereye Sunda KelapaMu murwa mukuru wa Nigeria ibihumbi by'Abayisilamu bahuriye mu isengesho ryo gusoza Ramadan banaboneraho kwifurizanya no kwizihizanya umunsi wa Eid al FitrAbari bo muri Pakistan bari biteguye uyu munsi uyu yari yitera Henna mu gace ka KarachiMu bice bitandukanye bya Lagos muri Nigeria, Abayisilamu bahuriye mu isengesho rya Eid al FitrAbagabo n'abasore bitabiye isengesho rya Eid al Fitr ku musigiti wa Masjiid At Taqwa mu mujyi wa New YorkMufti w'u Rwanda, Hitimana Salim yasabiye u Rwanda ku bihe rugiye kwinjiramo birimo amatora ngo bizagende neza akomeze abarokotse Jenoside yakorewe AbatutsiKuri Stade ya Mogadishu muri Somalia hahuriye ibihumbi by'Abemera Mana b'Abayisilamu mu isengesho ryo kwizihiza Eid al FitrMuri Moscow ho mu Burusiya ibihumbi by'Abayisilamu bahuriye mu isengesho banaboneraho kwifiruzanya no kwizihizanya umunsi wa Eid al FitrKuri Stade ya Addis Ababa muri Ethiopia hahuriye Abayisilamu bizihiza gusoza ukwezi kwa RamadanUmusigiti Mukuru wa Sheikh Zayed muri Abu Dhabi ho mu Leta Zunze Ubumwe z'Abarabu habereye isengeshoAbabyeyi abana muri Kaduna muri Nigeria bahuriye mu isengesho rya Eid al FitrAbanya-Egypt babyutse kare batangira kwishimira ko Imana yabashoboje gusoza ukwezi kwa RamadanAbabyeyi muri Palestine bagiye gusura imva zishyinguyemo imibiri y’ababo bamaze iminsi bagwa mu ntambara bahanganyemo na IsraelAbana nabo bitabiye isengesho rya Eid al Fitr muri Nairobi ho muri Kenya bishimira Imana yabashoboje gusoza ukwezi gutagatifu kwa Ramadan

Munyakazi 'Inshuti y'urubyiruko' arazwi cyane cyane ku rubuga rwa Twitter aho atambutsa ibitekerezo bye bwite. Aherutse kwandikira Perezida Kagame amushimira aho agejeje u Rwanda, ariko kandi amusaba gukomeza gusigasira umutekano w'u Rwanda, kugirango abasize bakoze Jenoside batazabona aho kumenera.

Hari aho yanditse agira ati 'Ati 'Igihe nabahaga igikumwe cyanjye [Mu matora], nari mbahaye ububasha bwo kunyobora, kundinda no kunteza imbere. Ndagusabye muturinde imigambi y'umwanzi warundanyije ibitwaro n'Ingabo zo kuturimbura, …ariko kandi mu murage wawe, watugaragarije ko tugomba kubikorera iyo, ahari ubutaka buhagije, mbona igihe kigeze.'

Ni umugabo w'abana batanu. Inyandiko zimuvugaho zigaragaza ko yavukiye mu Karere ka Nyanza i Busoro mu Majyepfo y'u Rwanda, kandi ko Jenoside yakorewe Abatutsi yabaye afite imyaka 13 y'amavuko; Se, nyina na mushiki we baricwa.

Yakuriye mu muryango w'Abakristo, ariko nyuma yaje guhindura idini yinjira muri Islam. Asanzwe ari rwiyemezamirimo mu bwubatsi wanashinze kompanyi yise Karame Rwanda, ndetse yayoboye ikipe ya Rayon Sports kuva muri Nyakanya 2019 kugeza muri Nzeri 2020.

Binyuze muri iriya kompanyi yashinze, aherutse gufasha umuhanzi mu njyana gakondo, Cyusa Ibrahim gukora indirimbo 'Amateka' mu rwego rwo kwibuka ku nshuro ya 30 Jenoside yakorewe Abatutsi, aho yayikoreye mu Karere ka Kamonyi aho yarokokeye.

Iyi ndirimbo Cyusa yayanditse ubwo yari mu Bwongereza yagiye gutaramira Abanyarwanda n'inshuti z'u Rwanda.

InyaRwanda yagiranye na Munyakazi ikiganiro cyibanze ku myaka 30 ishize mu rugendo rw'icyizere, ubutumwa ku rubyiruko no kwandika igitabo

Igisobanuro cy'imyaka 30 ishize atangiye abonye ubuzima

Munyakazi yavuze ko imyaka 30 ishize irimo isomo rikomeye kuri we, kandi ryatangaga icyizere. Kuko mu gihe cya Jenoside, ryari icuraburindi, ariko icyizere cy’umucyo cyatangiye gututumba ubwo Ingabo zari iza RPA zahagarukaga zigahagarika Jenoside.

Asobanura ko Ingabo zari iza RPA zakoze igitangaza mu gihe cy’iminsi 100 babasha guhagarika Jenoside. Ubuzima bwe abukubira mu byiciro bitatu.

Icyiciro cya mbere ni ‘iryo curaburindi abanyarwanda twari turimo, igihe habaga Jenoside yakorerwaga abatutsi, aho mu by’ukuri nta cyizere nta gito cy’ubuzima umuntu yari afite kuko ibintu byose byasaga naho bihindutse umuyonga’.

Igice cya kabiri ni ukurokorwa n’Ingabo zari iza RPA. Ni icyiciro avuga ko cyatutumbagamo icyizere, urumuri rutangiye kwaka, ariko harimo ibibazo by’urumuri, aho abantu barokotse bari bakeneye gutangira kwiyubaka, buri wese yibaza uko azabaho.

Ni ibintu byari biremereye buri wese nubwo bwari ubuzima busharira ariko abantu bari bariho. Igice cya gatatu, ni igihe yatangiye kwiyubaka no kwiteza imbere.

Ibi byose byari bishingiye ku kureba abarokotse mu rwego rwo kubagarurira icyizere no kubabwira guharanira kusa ikivi. Ati “Igice cya Gatatu, ni ukubaho no guharanira kwiteza imbere kandi tukabaho neza.”

Munyakazi avuga ko Jenoside yakorewe Abatutsi yatangiye afite imyaka 13 y’amavuko, kandi ko ibyabanje mbere bijyanye no kubavangura ibyibuka nk’ibyabaye ejo.

Yibuka ko muri icyo gihe, bagiye bavangurwa mu ishuri, kandi buri wese yari afite ifishe ivuga ubwoko bwe. Ubwo ingabo zari iza RPA ziteguraga kubohora Abanyarwanda, hari abatangiye kwicwa bashinjwa kuba ibyitso. Ndetse byaravugwaga cyane kuri Radio.

Munyakazi avuga ko bitewe n’ibihe yanyuzemo na bagenzi be, byari bigoye kubona icyizere cy’ubuzima no gushaka gukurikira inzozi ze.    

Asobanura ko Jenoside itegurwa yashyize ubwoba mu miryango myinshi, ku buryo iyo yatahaga mu rugo yasangaga ababyeyi be bafite ubwoba ariko ntibamubwire impamvu, bakamubwira gukomeza gukora imirimo.

Yatanze urugero, avuga ko ubwo indege ya Habyarimana yahanurwaga, umukozi w’iwabo akabibabwira, Nyina yahise avuga ati ‘turashize’.

Munyakazi ati “Uwo mwuka wo mu rugo nakubwiraga utaratangaga icyizere ni nk’aho ababyeyi bahise batwerurira y’uko hagiye kuba ibintu bibi kurushaho. Iwacu mu miryango icyizere cyari gike.”

Ibyo gukunda umupira w’amaguru si ibya vuba

Munyakazi yavuze ko mbere ya Jenoside, mu gihe cy’amashuri abanyeshuri bahuriraga mu kibuga bagakina, kenshi ugasanga barakinira mu kibuga ari amakipe menshi.

Yakuze agerageza gukina umupira w’amaguru, ariko uyu mukino ntiwatejwe imbere cyane ahanini bitewe n’ivangura nubwo ritari ‘rinini cyane’.

Ati “Ntabwo wasangaga muri karitsiye dushobora gukina ngo iyi ni ikipe y’Abatutsi, iyi ni ikipe y’Abahutu, Oya! Wasanga dukina nk’abana.”

Ariko uko yagiye akura, yumvise ko hari amakipe yari ashingiye ku moko no ku turere aho ‘wasangaga abantu bamwe bashaka kubyinjiza muri Sports ku buryo mu makipe usanga harimo amacakubiri’. 

Ati “Ariko muri rusange muri Politiki ya siporo wabonaga ko abantu bari gushyiramo ako kantu k’amacakubiri.”

Hakoreshejwe izihe mbaraga kugirango abantu bongere gusubira muri Stade?

Amateka agaragaza ko kuri sitade zinyuranye zo mu Rwanda, ari hamwe mu hantu habereye ibikorwa byo gutoteza Abatutsi.

Ubwo Ingabo zari iza RPA zari zimaze gutangiza gahunda yo kubohora u Rwanda, hari abatutsi biswe ibyitso barafungwa mu bihe bitandukanye, bamwe baricwa, abandi baratotezwa kuva mu 1990 banicishwa inzara.

Kuri Munyakazi ‘Sitade zabaye ikimenyetso ‘cy’amacakubiri cyangwa ryatoteza ryakorerwaga umututsi kandi noneho bigakorerwa ahantu hagari’.  

Nyuma ya Jenoside yakorewe Abatutsi, habaye imikino inyuranye yafashije mu kongera guhuza Abanyarwanda barenga iby’amako.

Umukino wa mbere wabaye wahuje Rayon Sports na Kiyovu Sports. Munyakazi ati “Ni hamwe mu hantu hahuje abanyarwanda bose, yaba uwari urokotse Jenoside yakorerwaga Abatutsi, yaba abayigiragamo uruhare, yaba abari batahutse bavuye hanze y’u Rwanda n’abandi bantu.”

Akomeza ati “Abantu bahurizwa muri Sitade n’ibyishimo byo kureba umupira. Ndetse baza ntawe ushyizweho agahato cyangwa uhamagawe na Leta…Bicaye muri Sitade bahurira ku kureba umupira…”

Kongera kwiyubaka kwe Rayon Sports yabigizemo uruhare:

Munyakazi yavuze ko mu 2019 ajya kuyobora Rayon Sports ‘Igihugu cyari kimaze kugera ku rwego rushimishije’ mu rwego rw’ubumwe n’ubwiyunge bw’Abanyarwanda ndetse no kwiyubaka, yaba ku gihugu no ku muntu ku giti cye.

Avuga ko umwanya yabonye wo kuyobora Rayon Sports watumye atanga umusanzu we mu kubaka “Igihugu no gukomeza mu murongo Igihugu cyari kimaze gushyiraho wo kwiteza imbere, wo kubana, wo kwiyunga, wo kubabarira abantu bagize nabi, batwiciye abantu. Wari umwanya wo kongera gutanga umusanzu wanjye ku gihugu cyanjye’.

Ibihe bitatu bya Rayon Sports byamwubatse

Munyakazi avuga ko kuyobora Rayon Sports ari kimwe mu bintu azahora azirikana mu buzima bwe. Kuko ayifiteho urwibutso rudasaza.

Yavuze ko Rayon Sports ya mbere ya Jenoside yakorewe Abatutsi yari ikomeye cyane, ku buryo yatsindaga amakipe cyane. Yibuka ko iyi kipe yigeze gutsinda ikipe Al Hilal yo muri Sudani mu mikino Nyafurika, bitegura kuzajya muri Kenya.

Munyakazi anavuga ko Rayon Sports yarimo abakinnyi bakomeye nk’abarimo ‘Tanganyika’ bamamaye cyane. Ibindi yibuka ni igihe Rayon Sports yajyaga muri Zanzibar ikazana igikombe cya Cecafa.

Asobanura ko ari nk’ibitangaza, kuko bitumvikanaga ukuntu ikipe yo mu gihugu cyari kivuye muri Jenoside yabashije kwegukana igikombe.

Ati “Nicyo gihe navuga ko cyampaye icyizere cy’ubuzima, ndetse n’uko igihugu gishobora gutera imbere kigakomera kurushaho.”

“Niba tugenda tugahiga amahanga tuvuye muri Jenoside yakorewe Abatutsi, aho Igihugu cyari cyasenyutse kugera hasi hashoboka, nabonye ko byose bishoboka.”

Munyakazi yavuze ko yongeye gukorwa ku mutima n’igihe Rayon Sports yajyaga itsinda APR FC ibitego biri hagati ya bine na bitanu. Ati ” Biriya nabyo biba ari ibihe bigukora ku mutima ukumva y’uko koko byose bishoboka.”

Yatangiye kwandika igitabo ku byaranze ubuzima bwe

Munyakazi yatangaje ko yatangiye urugendo rutoroshye rwo gukubira ubuzima bwe mu gitabo atekereza ko azamurika mu myaka iri imbere.

Ni urugendo avuga ko yatangiye mu rwego rwo kubika amateka ye no kuyasangiza abandi, birenge ibyo yagiye agarukaho mu bitangazamakuru n’ahandi.

Ati “Nibyo! Numva mfite uwo mukoro wo kwandika igitabo kugirango aya mateka tubona uyu munsi no myaka igihumbi abazaba bariho bazayabone. Bizakorwa binyuze mu nzira nyinshi…”

Yavuze ko urugendo yatangiye rwo kwandika akwiye kurujyanamo n’abandi bafite ubushake n’umuhate wo kubika amateka ya Jenoside u Rwanda rwanyuzemo.

Munyakazi avuga ko nubwo atorohewe ‘ariko numva nzabikora’. Hashize igihe atangiye kwandika iki gitabo, ariko bitewe n’akazi n’inshingano ntarabasha gushyira ku murongo neza iki gitabo gikubiyemo ‘ibyo nabonye kugirango n’abandi bazabyigireho’

Kuri Paji ya mbere y’iki gitabo ‘ni Sadate utekereza u Rwanda rw’abakurambere bavuye ku gasozi ka Gasabo bakagera ku muhanda ugana kuri Plateau bakavuga bati ni Kigali’.

Muri iki gitabo kandi ni ‘Sadate ubona u Rwanda rwaguka, rugeze mu nduga ruraguka’ akibaza imbaraga zidasanzwe zakoreshejwe.

Avuga ko akiri gutekereza kuri ‘Cover’ y’iki gitabo niba izashingira ku buzima bwe muri Jenoside yakorewe Abatutsi cyangwa se ku bakurambere b’intwari bitangiye u Rwanda.  

Munyakazi Sadate yatangaje ko Rayon Sports yamugaruriye icyizere cy’ubuzima, byanamuhaye imbaraga zo kuba yaratangiye kwandika igitabo ku buzima bwe

KANDA HANO UREBE IKIGANIRO KIRAMBUYE TWAGIRANYE NA SADATE MUNYAKAZI

“>

Ishimwe Vanessa ukomoka mu Karere ka Bugesera, Umurenge wa Ntarama, yavuze urupfu rw’agashinyaguro abavandimwe be n’ababyeyi bishwe muri Jenoside yakorewe Abatutsi mu 1994 bishwe agasigara wenyine mu muryango.

Ni ubuhamya uyu mubyeyi wavukaga mu muryango w’abana 7 yahaye ikinyamakuru ISIMBI mu gihe u Rwanda rwibuka ku nshuro ya 30 Jenoside yakorewe Abatutsi mu 1994. Batandatu baje kwicwa ndetse n’ababyeyi ba bo arokoka wenyine.

Ubwo Jenoside nyirizina yatangiraga ku mugaragaro Vanesa yari kumwe na nyina, gusa kuko bumvaga urusaku rwinshi nyina ajya kubaza ibyabaye, agarukana inkuru mbi y’uko bari kwica abatutsi, bigira inama yo guhungira mu gishanga cya CND.

Ubwo bateranaga nk’umuryango ngo basenge nyina yatangiye kuvuga ishapure yiyambaza umubyeyi Bikiramariya ndetse basaba Imana kubarokora, nibwo igitero cyabaguyeho.

Nibwo bahamagaye nyina wa Vanessa mu izina bati: “Turareba ko Bikiramariya wambaza ari bubakize”.

Yavuze ko bahereye kuri se ubabyara, bamukubita impiri eshatu mu mutwe ndetse yicwa n’umuturanyi yari yaragabiye inka, amwica amubaza impamvu amwishe kandi bari inshuti, ndetse amwibutsa ko bari bafitanye igihango yaramugabiye, ariko amushyira ibitambaro mu kanwa kugirango adakomeza kuvuga, aramwica.

Yakomeje agira ati” Ubwo bageraga kuri mama bamukoreyeho ubufindo. Bamushishimuye igikumwe cy’urutoki kugera hafi y’inkokora bamubaza niba hari ikintu Bikiramariya ari kumufasha kuko basanze asenga”.

Nyuma batemye amaguru yombi bahereye mu ngasire, bamujomba n’icumu mu ijosi bamusiga aboroga atarapfa. Bahise bajya kuri mukuru we bamukuraho izuru.

Ibyo byakurikiwe no gufata mukuru wa Vanessa bamwambura imyenda bamufata ku ngufu ndetse bavuga ko bagiye kumujomba igisongo mu myanya y’ibanga, mama wa bo ataka abasaba kureka gutoteza umwana we, birangira bamutemyemo ibice bine arapfa.

Musaza we umukurikira yari muto bamukubise ku ngiga y’igiti kugeza ashizemo umwuka.

Ubwo Vanessa yabonaga ibikorewe abavandimwe be yashatse kwiruka ariko baramugarura bamutema ku maguru ndetse n’amaboko gusa we basiga adapfuye

Yagumye mu gishanga na bya bikomere kugeza igihe biboreye kubera kubura ubuvuzi ndetse imbwa zikajya ziza zikarya umuryango we abireba, na we zikaza kurigata ibisebe bye byari bimaze kubora.

Yaje kumva amakuru ko abahungiye mu gishanga bagiye kubagota bose bakicwa binyuze mu gutwika igishanga bagahiramo. Igishanga cyaratwiswe ku bw’amahirwe ahungira mu gahuru kari hafi aho, umuriro ugeze hafi y’igihuru urazima Imana iramurokora.

Yaje guhura n’abandi Batutsi bari baturanye bamubwira ko nyirarume akiri muzima ndetse bamugeza aho ari, atangira kujya amuvurisha ibyatsi, Interahamwe zaza akamukubita ku bitugu akamuhungana.

Ubwo Vanessa yari mu rugo yakiriye inkuru nziza ko Inkotanyi zaje gutabara izanywe na nyirarume. Ati: “Inkotanyi zabanzaga kukuganiriza, nyuma zikarokora ubuzima bwawe zabanje kukuremamo icyizere”.

Yashimiye bikomeye bikomeye Inkotonyi ubwiotange zakoresheje kugira ngo zihagarike Jenoside yakorewe Abatutsi.

Umulisa Joselyne wahoze ari umukinnyi wa Tennis, yagarutse ku bikomere yagize nyuma yo gushinga urugo yakomoye kuri Jenoside yakorewe Abatutsi mu 1994.

Mu kiganiro yahaye ikinyamakuru ISIMBI, yavuze ko yagiye gukora ubukwe yarangiritse bikabije aho n’abaganga bamubwiraga ko nyababyeyi ishobora kuba yaragize ikibazo, rero igikomere cya mbere yari afite 'nibazaga nindamuka ntabyaye cyangwa iyo nda ikavamo nzabyifatamo nte? Ko gukora ubukwe ari ukugira ngo nagure umuryango, nasengaga Imana nyisaba ngo izampe urubyaro.'

Yakomeje kandi avuga ko ikindi gikomere yagendanaga nacyo kwari ukwibaza abantu bazaba bicaye mu gisharagati mu ruhande rwe kuko umuryango wari warishwe muri Jenoside yakorewe Abatutsi.

Ati 'ikindi gikomere nagize, ubwo abandi babaga bashyushye bakubaza bite ko utantwerera njye ntabwo byigeze bimbaho, sinigeze ntekereza ku mafaranga, naravugaga ngo amafaranga yose naba mfite ubukwe burataha, ahubwo nari mpangayikishijwe n’abantu bari bwicare mu gisharagati ku ruhande rwanjye.'

'Nageze aho mbwira umwe mu bantu bo mu muryango wanjye nti waretse tugatira abantu? Nari mfite ubwoba ko iwabo w’umuhungu bari buturushe abantu, nti se baravuga iki? Barabona ko ntakunzwe? Barabona ko abantu banze kubutaha kubera ko hari ikintu runaka kindi kidahari? Nari mfite ubwoba ku buryo no kwambara ikanzu numvaga itajyamo.'

Ikindi cyari gikomeye cyane kuruta ibindi, yibazaga n’abo bantu nibaramuka babonetse umubyeyi wo gushimira (kumwe batanga impano bashimira ababyeyi).

Ntabwo ubukwe bwe yigeze abwishimira kuko yatekerezaga ibintu byinshi cyane mu mutwe we, yagize amahirwe asanga abantu baje ku ruhande rwe nabwo atekereza ko ari abo ku ruhande rw’umugabo baje kuzuza iyo myanya, asigara yibaza uko ari buze gutwikururwa kuko, nabyo byabaho uzamutinyisha (kumwarika) akibaza aho azava, uwo we yaje no kumubura yisanga ari mu rugo n’umugabo we gusa.

Ahandi yaje kugirira ikibazo gikomeye ni igihe yari atwite kuko atari afite umuntu mukuru wo mu muryango wo kubaza uko umugore utwite yitwara, uko ibihembwe by’umubyeyi bikurikirana byageze aho agaragaza ibimenyetso byo kubyara ariko ntiyabimenya.

Yisanze kwa muganga wenyine kandi agomba kubyara abazwe, nta muntu wo kumufasha n’umwe afite ndetse na nyuma yo kubyara yariyozaga kandi baramubaze.

Ati 'nyuma yo kubyara nariyozaga kandi narabazwe. Nafataga essui-mains nkayihambira aho nabazwe ubundi nkoga n’ukuboko kumwe ukundi kugafata kuri essui-mains ngo amazi atajya mu gisebe.'

Umulisa Joselyne akaba yarahuye n’ibihe bikomeye cyane nyuma yo kubyara aho nta muntu wo kumwitaho yari afite, ni we wiyogerezaga umwana akanitekera igikoma.

Ati 'Nta muntu nari mfite untekera igikoma, nta muntu nari mfite umpa agasosi, nta muntu nari mfite unyitaho, namaraga gukarabya umwana, na we ntabwo nari nzi uko bamukarabya usibye kubaza nk’abaturanyi cyangwa ababyeyi bakuru. Mabukwe ni we nakundaga kubaza ariko na we simubwire byose kuko natinyaga ko azavuga ko ndi umugore w’igishwi.'

'Konsa umwana sinari mbizi, kumukarabya byari ikindi, kwicara ngo mukarabye byari ikindi kuko nari nabazwe, kunama ngo mugereho cyari ikindi kibazo.'

Joselyne avuga ko ikindi gikomere agendana ari igikomere cy’uko iyo abonye umuntu wese wambaye ishati y’iroza amubonamo mama we kuko ari yo yapfuye yambaye.

Nyina ngo bamuroshye mu Kagera, na we mu rwego rwo kwirengera ko hatagira umenya ko ari umututsi yahise ajya mu bwato arambuka, bageze hagati nyina arazamuka aza ashaka gufata ku bwato ngo arebe ko bwamurokora ariko kuko iyo azamuka bakamubona bari kubica bombi niko kubwira umusare ngo akate ubwato hari umuntu ushaka kubufataho ariko amuhisha ko ari nyina, iyo shusho ikaba itajya imuva mu mutwe kuba yarapfuye amureba kandi ari we wari kumutabara, gusa na we nta mahitamo yari afite kuko bari gupfa bombi.

Ku wa 11 Mata, Umutwe w'Ingabo z'Umuryango w'Abibumbye zo mu Bubiligi zatereranye abatutsi barenga 2000 bari bawuhungiyeho mu ishuri rya ETO-Kicukiro, kandi nta bundi butabazi bafite.

Uyu munsi ni wo Interahamwe n'abandi bahutu bari bavuye muri Komini Murambi yose bateye kuri Kiliziya ya Kiziguro ahari hihishe abatutsi bagera 5,500.

Icyo gitero bagabye kuri Kiliziya ya Kiziguro, cyari kiyobowe n'uwahoze ari Burugumesitiri wa Murambi Gatete Jean Baptiste ari kumwe na Mwange wari Burugumesitiri mushya wa Komini Murambi, Valens Byansi wari Perezida wa CDR muri Murambi, Rwabukumba wahoze ayobora Komini Muvumba, Nkundabazungu n'abasirikare.

Nyuma ya Jenoside, Burugumesitiri Gatete Jean Baptiste yakatiwe n'Urukiko Mpuzamahanga Mpanabyaha rwashyiriweho u Rwanda, igifungo cy'imyaka 30 naho Onesphore Rwabukumba akatirwa igifungo cya burundu n'urukiko rwo mu Budage.

Abo bicanyi bategetse abapadiri n'ababikira kwitandukanya n'Abatutsi bagombaga kwicwa. Icyo gihe, abasirikare barashe amasasu ndetse batera na za gerenade mu kiliziya yuzuyemo impunzi z'Abatutsi na ho abaturage n'Interahamwe bakicisha ibikoresho bya gakondo. Abari bakirimo akuka babajugunya ari bazima mu cyobo cya metero 50 cyari cyaracukuwe mbere hafi ya kiliziya.

Impunzi z'Abatutsi zigera ku 30,000 ziturutse muri za Segiteri Mata, Rwamiko, Gorwe, Gisororo na Matyazo zahungiye kuri Paruwasi ya Kibeho zihabwa ikaze na Padiri Pierre Ngoga.

Burugumesitiri wa Komini Kivumu, Gregoire Ndahimana, yakoresheje inama n'abayobozi bose b'inzego z'ibanze muri Komini Kivumu, abategeka ko bashishikariza Abatutsi bose guhungira ahantu hamwe, cyane cyane mu Kiliziya ya Nyange. Abapolisi bo kuri Komini bategekwa gukwirakwiza ayo makuru bizeza Abatutsi ko nibahungira ahantu hamwe ari bwo babasha kurindirwa umutekano.

Kuva kuri 11-15/04/1994, abatutsi biciwe ahitwaga Segiteri Zoko, muri Selile ya Merezo, ku ishuri ribanza rya Nyamabuye, ku Gitare n'i Kavumu (ubu hubatse Urwibutso rwa Jenoside yakorewe abatutsi) mu Karere ka Gicumbi.

Kuri iyo tariki, Minisitiri w'Ububanyi n'Amahanga w'u Bubiligi, Willy Claes, yabonanye n'Umunyamabanga Mukuru w'Umuryango w'Abibumbye amubwira ko u Bubiligi buri gukura ingabo zabwo mu mutwe w'ingabo za UNAMIR wari ushinzwe kugarura amahoro mu Rwanda.

Abatutsi bagera ku 3000 bari bamaze gutereranwa n'Ingabo z'Umuryango w'Abibumbye, bajyanwe kwicirwa i Nyanza ya Kicukiro ku mabwiriza yatanzwe na Colonel Leonidas Rusatira. Ingabo za FPR Inkotanyi zabashije kurokora abagera kuri 97 gusa kuri uwo munsi.