Author: webrwanda

Ikinyejana cya 21 cyazanye impinduka mu ikoranabuhanga ku buryo umubare munini w'urubyiruko rwaba urwo mu Rwanda no ku Isi, bamara amasaha menshi y'amanywa basura paji z'imbuga nkoranyambaga zitandukanye.

Izo mbuga hari benshi bazijyaho bagamije kuzikoresha mu bikorwa bigize ibyaha. Mu zo urubyiruko rwayobotse harimo na Tinder ikoreshwa mu gushaka abakunzi.

RIB isobanura ko mu minsi yashize hari abasore batawe muri yombi; abo basore bandikiraga abakobwa batandukanye bifashishije urubuga rwa Tinder bakamara igihe bavugana ku buryo bahuraga na bo babazi, bikaborohera kubajyana aho bashaka ubundi bakabasambanya ndetse bakanabambura. Aba bafashwe bamaze guhohotera abakobwa umunani.

Dr. Murangira B. Thierry yatangaje ko urubyiruko rukwiye kwitondera abantu babasaba urukundo banyuze ku mbuga nkoranyambaga kuko hari bamwe bazikoresha batagamije icyiza.

Ati 'Muri iyi minsi imbuga nkoranyambaga zisigaye zikoreshwa n'abantu batandukanye harimo n'abazikoresha ibyaha; ni muri urwo rwego RIB isaba cyane cyane urubyiruko gushishoza kugira ngo batagwa mu mutego w'ababizeza urukundo, kuko imbuga nkoranyambaga zidakoreshwa n'abantu beza gusa ahubwo hari n'ababi bazikoresha.'

Mu 2021 Urwego rw'Igihugu rw'Ubugenzacyaha (RIB), rwerekanye abasore bari bamaze igihe bakora ibikorwa by'ubugizi bwa nabi burimo kwambura, kuniga no gusambanya abakobwa bamenyaniye ku rubuga rwa Tinder.

Abo barimo Habumuremyi Yves, Bizimana Pacific na Mugisha Aimable, bakurikiranyweho ibyaha bitandatu birimo gushyiraho umutwe w'abagizi ba nabi cyangwa kuwujyamo, gukoresha undi imibonano mpuzabitsina ku gahato, kwanduza undi indwara idakira ku bushake, kwihesha ikintu cy'undi hakoreshejwe uburiganya, ubufatanyacyaha ku cyaha cyo gukoresha undi imibonano mpuzabitsina n' ubujura bukoresheje kiboko cyangwa ibikangisho.

Habumuremyi Yves yahamwe n'icyaha cyo gukoresha undi imibonano mpuzabitsina ku gahato, Bizimana Pacifique na Mugisha Aimable bahamywa kuba ibyitso bya Habumuremyi Yves muri icyo cyaha na ho bose uko bari batatu bahamwa n'icyaha cy'ubufatanyacyaha ku cyaha cy'ubujura bukoreshejwe kiboko cyangwa ibikangisho ndetse n'ubufatanyacyaha mu cyaha cyo gushyiraho umutwe w'abagizi ba nabi cyangwa kuwujyamo.

Urukiko rwisumbuye rwa Nyarugenge rwahanishije Habumuremyi Yves igihano cy'igifungo cy'imyaka 25 n'ihazabu ya miliyoni 7 Frw na ho Bizimana Pacifique na Mugisha Aimable buri wese ahanishwa igifungo cy'imyaka 20 n'ihazabu ya miliyoni 5Frw kuri buri wese.

Umuvugizi wa RIB, Dr Murangira B. Thierry yasabye urubyiruko kwirinda abarushora mu rukundo rwo ku mbuga nkoranyambaga

Ni ubukangurambaga bukorerwa mu gihugu hose ku mihanda itandukanye, mu bigo abagenzi bategeramo imodoka, mu itangazamakuru no mu bigo bisuzumirwamo ubuziranenge bw'imodoka.

Raporo y'Ikigo cy'igihugu gishinzwe kurengera ibidukikije (REMA) igaragaza ko mu bihumanya ikirere, imyuka isohorwa n'imodoka iri mu biza ku isonga ku gipimo cya 40%.

Umuryango Mpuzamahanga wita ku buzima (OMS) uvuga ko guhumana kw'ikirere bigira ingaruka ku buzima bw'abantu cyane cyane abagore batwite, abana n'abafite indwara zidakira, bikanongera ibyago byo kurwara Kanseri y'ibihaha, uburwayi bw'umutima, Asma n'izindi ndwara z'ubuhumekero.

Umuvugizi wa Polisi y'u Rwanda, ACP Boniface Rutikanga yavuze ko ubu bukangurambaga bugamije gushishikariza abakoresha ibinyabiziga gukaza ingamba zo kubirinda guhumanya ikirere biturutse ku myotsi bisohora.

Yagize ati “Ibinyabiziga bigenda bicumba umwotsi uhumanya ikirere ni ikibazo kigenda kigaruka, bikagaragara cyane ku binyabiziga bitwara imizigo n'ibindi bikeya bidatwara imizigo usanga nabyo bicumba umwotsi. Ubu bukangurambaga bugamije kwibutsa buri wese ufite ikinyabiziga gukora ku buryo bwose bushoboka kugira ngo gitungane kireke kuba nyirabayazana mu guhumanya ikirere hirindwa ingaruka biteza ku buzima.”

Kuba ikinyabiziga kivubura imyotsi ni kimwe mu bisuzumwa n'Ikigo gishinzwe kugenzura ubuziranenge bw'ibinyabiziga.

Muri ubu bukangurambaga abafite ibinyabiziga bakangurirwa kubahiriza igihe cyagenwe cyo kubisuzumisha ubuziranenge.

Basobanurirwa kandi ingaruka zituruka ku guhumana kw'ikirere ku buzima bagasabwa gufata iya mbere mu gutanga urugero rwiza ku bandi birinda kwangiza umwuka duhumeka.

Iteka rya Perezida no 85/01 ryo ku wa 02/09/2002 rishyiraho amabwiriza rusange agenga imihanda n'uburyo bwo kuyigendamo, ingingo ya 86 ivuga ko ibinyabiziga bigendeshwa na moteri na velomoteri bigomba kuba bikoze ku buryo bitagenda bimena bidasanzwe amavuta binavubura ibyotsi bicumba, bicumba umwotsi, uretse moteri yakijwe.

Nibagwire Deborah, umukozi w'Ikigo gishinzwe kurengera ibidukikije (REMA), avuga ko imyotsi ituruka mu binyabiziga itera guhumana kw'ikirere bikagira ingaruka ku buzima bw'abantu muri rusange.

Yagize ati “Muri iriya myotsi ibinyabiziga bisohora habamo ibinyabutabire bitandukanye byangiza ikirere aho usanga imyotsi iva mu modoka ari yo ifite uburemere buri hejuru mu byangiza ikirere cyane cyane mu mijyi.'

Yagaragaje ko iyo umwuka ugize ubuhumane bikarenza ibipimo bigira ingaruka ku buzima, agira inama abafite ibinyabiziga gufata inshingano zo kubungabunga ubwiza bw'umwuka kuko tuwusangiye twese muri rusange, bapimisha ibinyabiziga byabo ku gihe kandi bagahora babigenzura kugira ngo ntibisohore ibyotsi bihumanya ikirere.

Mu myaka itanu iri imbere, iri shoramari rizaba rimaze gutanga akazi ku bantu 40,198, ibizarushaho kuzamura ubukungu bw'igihugu no kugabanya umubare w'abashomeri mu Rwanda.

Mu ishoramari rikomeye ryanditswe muri uwo mwaka harimo iry'uruganda rwa BioNTech ruzajya rukorera inkingo zitandukanye mu Rwanda, zikoherezwa hirya no hino muri Afurika.

Hashyizweho gahunda ya Rwanda Global Business Services (GBS) byitezwe ko izarema imirimo ibihumbi 10 kugera nibura mu 2030.

Umushinga wa Gabiro Agribusiness Hub watangiye ibikorwa aho ugamije gukora ubuhinzi bugezweho, kugira ngo uhaze isoko ry'u Rwanda ndetse unongere umusaruro w'ubuhinzi woherezwa mu mahanga.

Mu bijyanye n'ubukerarugendo, u Rwanda rwinjije miliyoni 620$, inyongera ya 36% ugereranyije n'amafaranga yari yinjiye mu 2022.

38% by'aya mafaranga yinjiye aturutse mu bukerarugendo bwo ku rwego rwo hejuru (leisure segment), akaba angana na miliyoni 236$. Iyi ni inyongera ya 48% ugereranyije n'ayinjiye mu 2022, mu gihe yiyongereye ku kigero cya 19% ugereranyije na 2019.

U Rwanda ruri gushyira imbaraga muri ubu bwoko bw'ubukerarugendo, ahanini kuko rufite ibikurura ba mukerarugendo bitaboneka ahandi, birimo nka Pariki Nkuru y'Ibirunga.

Muri iyi Pariki icumbikiye ingagi, abakerarugendo 25,927 barayisuye mu 2023, aho biyongereye ku kigero cya 29,4% ugereranyije n'abari bayisuye mu 2022.

Pariki ya Nyungwe nayo yinjijwe muri pariki ziri mu Murage wa UNESCO, ibizayongerera amahirwe yo kubasha gukurura ba mukerarugendo, bazaza bakurikiye uwo mwihariko yahawe.

Mu bijyanye no kwakira inama mpuzamahanga, muri gahunda ya MICE, u Rwanda rwakiriye inama zikomeye 160 zitabiriwe n'abantu ibihumbi 65 baturutse mu mahanga.

Izi nama zinjirije igihugu miliyoni 95$, avuye kuri miliyoni 62$, inyongera ya 52% ugereranyije n'umwaka ushize.

Muri uwo mwaka kandi nibwo The Mantis Kivu Queen uBuranga yatangije ibikorwa byayo, aho yakira abifuza kugirira ibihe byiza mu Kiyaga cya Kivu.

U Rwanda kandi rwasinye amasezerano y'ubufatanye agamije kurushaho kurufasha kugera ku ntego zarwo.

Muri ayo masezerano, harimo nk'ayo rwasinye na Bayern Munich, binyuze muri gahunda ya Visit Rwanda. Aya masezerano azamara imyaka itanu, akaba agamije guteza imbere impano z'umupira w'amaguru ndetse no guteza imbere ubukerarugendo bw'u Rwanda.

Binyuze muri Visit Rwanda kandi, u Rwanda rwasinye amasezerano na Veteran Clubs World Championship (VCWC) azatuma mu Rwanda habera Igikombe cy'Isi cy'abahoze bakina umupira w'amaguru.

Ku rundi ruhande, u Rwanda rwasinye amasezerano na Global Citizen Partnership yo gutangiza Move Afrika, ubu bukaba ubukangurambaga bugamije gufasha mu guhanga imirimo binyuze mu myidagaduro ndetse no kwihangira imirimo. Ni amazerano azamara imyaka itanu.

Umusaruro uturuka mu byoherezwa mu mahanga wariyongereye

Kugabanya ikinyuranyo kiri hagati y'ibyo u Rwanda rutumiza n'ibyo rwohereza mu mahanga ni kimwe mu biraje ishinga Leta y'u Rwanda, ari no muri urwo rwego umusaruro w'ibyoherezwa mu mahanga ukomeje kwiyongera.

Mu 2023, ibicuruzwa na serivisi u Rwanda rwohereje mu mahanga byari bifite agaciro ka miliyari 3.5$, inyongera ya 17.2% ugereranyije na 2022.

Amabuye y'agaciro, sima, ikawa n'icyayi byiganje mu byo u Rwanda rwohereje mu mahanga.

Uretse ibyoherezwa mu mahanga, umusaruro w'ibikorerwa bikanacuruzwa mu Rwanda ukomeje kwiyongera. Urubuga rwa Rwanda Mart rucururizwaho ibicuruzwa na serivisi zikorerwa mu Rwanda rukomeje kwaguka, kuko ibigo bito n'ibiciriritse birenga 800 birukoresha mu gucuruza ibicuruzwa birenga 4,586 biri kuri urwo rubuga.

Iterambere ry'ubucuruzi rishingira ku ngingo zitandukanye, zirimo uburyo igihugu runaka cyorohereza ubucuruzi. Mu ngingo zoroshya ubucuruzi harimo kubahirizwa amategeko, ari naho u Rwanda rukomeje kwitwara neza.

Muri raporo ya 'The World Justice Project Rule of Law Index' igaragaza uburyo ibihugu byubahiriza amategeko ku rwego rw'Isi, u Rwanda ruza ku mwanya wa mbere muri Afurika yo munsi y'Ubutayu bwa Sahara, ikigaragaza ubushatse bwa Leta mu gushyiraho uburyo bwo kubahiriza amategeko.

U Rwanda kandi ruyoboye ibindi bihugu bya Afurika ku rutonde rwa Visa Openness Index, rugaragaza uburyo ibihugu byorohereza abifuza kubiganamo, yaba abaje mu bushabitsi ndetse no gusura ibyiza by'igihugu.

Muri Werurwe umwaka ushize kandi hashinzwe One Stop Center ivuguruye, ihuriyemo ibigo 22 ndetse igatanga serivisi zigera muri 440, zirimo n'izorohereza abashoramari gukoresha amahirwe atangwa n'Isoko Rusange rya Afurika (AfCFTA).

Muri gahunda yo guhanga imirimo no kongera ubumenyi, bimwe mu bigo byanditswe muri RDB byabashije gufasha urubyiruko kubona akazi, birimo nka TexExperts ikoresha abantu 500 bafite ubuhanga mu bijyanye na software Engineering.

Kinvests Ltd yahaye akazi abantu 408 mu gihe C&D yatanze akazi ku bantu 500. RwandMoz yatanze akazi ku bantu 134 mu gihe Auto Group yahaye akazi abantu 613.

Abakora mu nzego z'imari bahawe amahugurwa azarushaho kubafasha kunoza imirimo yabo, mu gihe abantu 17,773 biyandikishije muri gahunda ya Kora Jobportal igamije guhuza abifuza akazi n'abagatanga.

Imirimo igera 8,580 yashakiwe abakozi mu gihe Abanyarwanda 211 bashakiwe amahirwe yo kubona akazi mu bihugu birimo Leta Zunze Ubumwe z'Abarabu na Qatar.

Ubufatanye bwa Visit Rwanda na Bayern Munich bwatangiye gutanga umusaruro mu kugaragaza isura nziza y’u Rwanda

Abasura Pariki y’Ibirunga bakomeje kwiyongera

Umushinga w’ubuhinzi bwa kijyambere uri gukorerwa i Gabiro witezweho gufasha igihugu kwihaza mu biribwa

The Mantis Kivu Queen uBuranga ifasha abantu gusura Ikiyaga cya Kivu

Zahabu ni kimwe mu byazaniye u Rwanda amadevise menshi

U Rwanda rukomeje kwitwara neza mu kwakira inama mpuzamahanga

Perezida Kagame yafunguye uruganda rwa BioNTech ruzajya rukorera inkingo mu Rwanda

InyaRwanda yabonye amakuru avuga ko ku wa Gatanu tariki 19 Mata 2024, uyu muhanzi waboneye benshi izuba yajyanwe mu bitaro bya Faisal igitaraganya, ariko nyuma y'amasaha menshi abaganga bafata icyemezo cyo kumusezera, asubira mu rugo.

Mu gitondo cyo kuri uyu wa Gatatu tariki 24 Mata 2024, uyu muhanzi yasubijwe mu bitaramo bya Faisal nyuma y'uko arembye mu buryo bukomeye.

InyaRwanda yagerageje kuvugana na bamwe mu bashinzwe ibikorwa bye by'umuziki ariko ntibyakunda. Gusa, hari amakuru avuga ko mu minsi iri imbere bazashyira hanze itangazo rizavuga mu buryo burambuye ku burwayi bwa Muyango, basaba abakunzi be kumuzirikana mu masengesho muri ibi bihe.

Amakuru avuga ko Muyango yagize ikibazo cy'umwuka muke ndetse n'ikibazo cy'umutima. Bifitanye isano n'uko tariki 5 Mutarama 2023 yabazwe umutima.

Yigeze kubwira InyaRwanda, ko yatunguwe n'ubu burwayi bw'umutima bwamwibasiye. Ati 'Byamaze iminsi ibiri mu ruhu, ndyama nkabura umwuka, nkabyuka nkicara nkahumeka cyane nk'umuntu wirutse. Byabaye iminsi ibiri uwa gatatu njya mu bitaro, ku manywa numvaga mfite intege nke ariko nkagira ngo ni ibisanzwe. Nagiyeyo birananirana banyohereza ahandi nibwo nagiye muri Faysal.''

Kubera ubu burwayi, yageze aho asaba abaganga ko bamureka akigendera ariko barabyanga. Ati 'Ukuntu numva meze mundeke nigendere. Nari naniwe nakwibuka ko bagiye kongera kunkorera ibizamini nkavuga nti noneho ndapfa ariko Imana zanjye umuganga wambaze abantu bose baratangaye kuba yari ahari ariko njye nagize ishaba kuko akenshi n'uwo aha Rendez-Vous akenshi bisaba icyumweru. Barambaze maramo iminsi ibiri ndataha.''

 

Muyango yasubijwe mu bitaro nyuma y'uko uburwayi bumerembeje

Muri Mutarama 2023, Muyango yabazwe umutima ndetse ashyirwamo akuma 

Mu Ukuboza 2023, Muyango yakoze igitaramo gikomeye yamurikiyemo Album ye 'Imbanzamumyambi'

 

KANDA HANO UREBE IKIGANIRO TWIGEZE KUGIRANA NA MUYANGO

 “>

KANDA HANO WUMVE INDIRIMBO ‘KARAME UWANGABIYE’ YA MUYANGO

“>

Patient wamamaye mu ndirimbo zirimo 'Iyo neza', yabwiye InyaRwanda ko uyu mwana w'umuhungu yavutse kuri uyu wa Gatatu tariki 24 Mata 2024, kandi ko yamwise 'Elijah Bizimana'.

Uyu mwana yavukiye muri Leta Tennesse mu Mujyi wa Nashville mu bitaro bya Tristar Stone Medical Center.

Bizimana yavuze ko uyu mwana ari 'icyuzuzo cy'umuryango'. Kandi ko bafite ishimwe ku mutima no ku Mana kuko 'yadukoreye ibikomeye'. Imfura y'umuhungu ya Patient Bizimana yavutse ku wa Gatanu tariki 23 Nzeri 2022.

Ku wa 19 Ukuboza 2021, ni bwo Patient wamamaye mu ndirimbo ziha ikuzo Imana, yasabye anakwa umukunzi we Uwera Karamira Gentille, ku gicamunsi bahana isezerano imbere y'Imana, biyemeza kubana akaramata.

Patient yari agaragiwe n'umuhanzi Simon Kabera [Parrain], Serge Iyamuremye, Prosper Nkomezi n'abandi bahanzi batashye ubukwe bwe barimo James [James&Daniella] n'ibindi byamamare mu ngeri zinyuranye.

Patient n'umugore we basezeraniye imbere y'Imana mu rusengero rwa ERC Masoro, basezeranyijwe n'umugore wa Apotre Masasu Joshua.

Ubwo Patient Bizimana yambikaga impeta y'urukundo umukunzi we, yamuhaye isezerano rikomeye, avuga ko kumenyana nawe byamuhaye umutuzo mu mutima.

Ati 'Kuva nakumenya wambereye inshuti, umbera umuvandimwe, uranyumva, urangandukira, kandi wampaye umutuzo mu mutima wanjye.'

Akomeza ati 'Uyu munsi cyangwa ejo ibihe byahinduka, ariko twe ntabwo tuzahinduka. Kandi nta n'imiraba izatunyeganyeza mu rugendo rwacu. Imana izabana natwe ndabyizeye, twarasenganye, twagiranye umwanya udasanzwe, mu buzima bwanjye n'iyo wampitishamo inshuro igihumbi nakongera kuguhitamo.'

Uwera nawe yasezeranyije Patient Bizimana kuzamugandukira. Ati 'Ndahiriye imbere y'ababyeyi, ab'umwuka, ab'umubiri ko nzagukunda, nzakubaha, nzakuguyaguya, nzaguhangayikira kandi nzagushyigikira iteka. Ndagukunda none n'iteka ryose, uri umugisha ntazigera ntesha agaciro na rimwe mu buzima.'

Nyuma y'iminsi umunani yari ishize barushinze, uyu muhanzi yasohoye indirimbo yahimbiye umugore we. Yanayiririmbye imbere y'Abakristu, ubwo bari bari guhamya isezerano ryabo imbere ry'Imana.

Muri iyi ndirimbo, uyu muhanzi aririmba ashima Imana ko yasohoje isezerano yabahaye. Mu mashusho hagaragaramo ibice by'ingenzi byaranze ubu bukwe, ababutashye, n'ibindi bigaragaza umunezero waranze ubu bukwe.

Uretse amashusho y'ubu bukwe, hari n'amashusho agaragaza Patient acurangira piano i Gahanga ku kibuga cya Cricket.

 

Patient Bizimana ari kumwe n'umugore we Uwera Gentille mu byishimo bikomeye

Ubwo Uwera Gentille yari akuriwe yitegura kwibaruka umwana we w'umuhungu

Patient Bizimana n’umugore we ku munsi w’ubukwe bwabo

KANDA HANOUREBE AMASHUSHO Y'INDIRIMBO PATIENT BIZIMANA YAHIMBIYE UMUGORE WE

“>

Uyu muhanzi wamamaye mu ndirimbo zirimo 'Nk'uko njya mbirota', yahagurutse ku kibuga cy'indege Mpuzamahanga cya Kigali ku mugoroba wo kuri uyu wa Gatatu tariki 24 Mata 2024, ni nyuma y'iminsi yari ishize ashakisha ibyangombwa 'Visa' kugirango azabashe kwitabira ibitaramo n'ubukwe.

Ni ubwa mbere uyu muhanzi agiye gutaramira muri Canada, ariko ni ku nshuro ya kabiri agiye gutaramira hanze y'u Rwanda kuko yigeze gutaramira muri Uganda. Ku kibuga cy'indege yaherekejwe n'abo mu muryango we ndetse n'umugore we n'umwana we.

Yverry yavuze ko yishimiye kuba agiye gutaramira muri Canada, kandi bigaragaza ko akazi gakomeje. Ati 'Ni byiza! Bigaragaza ko akazi gakomeje. Iyo bigeze aho wambuka ukajya no kurya ku mafaranga y'abandi biba ari byiza pe.'

Yavuze ko muri gahunda zimujyanye harimo kuririmba mu bukwe bubiri, ndetse no kuhakorera igitaramo. Ati 'Ubukwe ni bubiri, bumwe buri Vancouver ubundi buri Toronto, ariko harimo n'akazi tutaremeza neza, birasaba ko tuzashyira hanze 'affice' (y'igitaramo) bizahita bitangazwa.'

Nyuma yo gutangazwa ko agiye kujya muri Canada, byavuzwe ko uyu muhanzi ashobora kutazagaruka mu Rwanda. Mu gusubiza, yavuze ko afite ibikorwa byinshi i Kigali, bitamwemerera kuguma muri Canada, kandi ko hari n'indirimbo nyinshi agiye gushyira hanze mu minsi iri imbere.

Ati 'Igihari ni ugukora ibinjyanye, byarangira nkagaruka ntakibazo. Akazi ni ukuririmba, ntakandi nzi gukora.'

Yverry yavuze ko kujya muri Canada bibaye urugendo rwa mbere akoze nyuma y'uko agiranye amasezerano na Gauchi nk'umujyanama we. Avuga ko batangiye gukorana, bahereye ku ndirimbo 'Njye nyine' yakoranye na Butera Knowless.

Gauchi yavuze ko n'ubwo afitanye amasezerano na Yverry ariko 'banakorana mu buryo bw'ubuvandimwe'. Ati 'Ntabwo dukorana mu muziki gusa, dufite byinshi dufatanyije, umuziki ni kimwe mu buryo dukorana.'

Yirinze gutangaza imyaka basinye, ariko bavuga ko bashyize imbere gukora akazi mu buryo bw'ikivandimwe. Yverry avuga ko gukorana na Gauchi 'habayemo kwitegereza ku ruhande rwe n'urwanjye'. Ati 'Twararebye tubona ibyo bintu byose birashoboka, nibyo tumaze kugeraho rwose ni iby'umuhanzi mwiza wese yaba yifuza.'

Gauchi asanzwe ari umuhanzi, ndetse yagiye ashyira hanze indirimbo zirimo nka 'Nezerwa'. Avuga ko gutangira gufasha Yverry ahanini byaturutse ku kuba yarashakaga gushyira itafari rye ku rugendo rw'umuziki w'u Rwanda, ariko kandi Yverry bafitanye ubushuti bwatumye bishoboka.

Ati 'Naravuze nti rero kubera ko njye nabona umwanya uhagije, reka nshake undi muntu, nibwo rero nahuye n'uyu muvandimwe. Kuba afite impano nta muntu n'umwe utabizi. Ni we muntu ufite ikinyabupfura mu bahanzi bose bo mu Rwanda.'

Gauchi avuga ko azakomeza gukorana na Yverry, ariko atekereza no kuba yafasha undi muhanzi mu rwego rwo kwiteza imbere.

Imyaka ine ishize ari mu muziki, Yverry yaranzwe no gushyira hanze indirimbo zakunzwe mu buryo bukomeye, kandi mu 2022 yakoze igitaramo cye bwite cyabereye muri Kigali Conference and Exhibition Village ahazwi nka Camp Kigali.

Yabwiye InyaRwanda, ko ibyaranze urugendo rwe mu gihe iriya myaka ishize ari byo byatumye atumirwa muri Canada. Ati 'Ni igitaramo ngiye kuhakorera ku nshuro yanjye ya mbere, kandi ntewe ishema no kuba abanyarwanda n'abandi bahatuye barahisemo ko njya kubataramira. Nditeguye rero mu buryo bwose kugirango nzatange ibyishimo.'

Yverry yavuze ko uretse gutaramira muri Canada, azaririmba no mu bukwe bubiri bw'abanyarwanda batuye muri kiriya gihugu bamutumiye hagati ya tariki 10 na 20 Gicurasi 2024.

Uyu mugabo avuga ko urugendo azakorera muri Canada, yateguye uburyo azarubyaza umusaruro, kuko ashaka kuzahafatira amashusho y'indirimbo ze nshya.

Yverry avuga ko afite indirimbo nyinshi yafatiye amajwi (Audio) ndetse harimo n'izo yafatiye amashusho azagenda ashyira hanze mu bihe bitandukanye. 

Ati 'Ntabwo wagera muri gihugu nkakiriya ngo uhave utahakoreye ibikorwa byawe bya muzika. Rero, namaze kuvugana na Producer tuzakorana.'

Yverry yaherukaga gusohora indirimbo ‘Over’ imaze amezi atatu igiye hanze, anafite indirimbo yise ‘Njyenyine’ yakoranye na Butera Knowless.

Ni indirimbo zabanjirijwe na ‘Inshuti yanjye’ yahimbiye umugore we, ‘Ibyisi’ ihimbaza Imana yakoranye na Serugo Jacque, ‘Ibara’, ‘Uragiye’ n’izindi.

Canada agiye gukoreramo igitaramo iri mu bihugu biherereye mu Majyaruguru ya Amerika. Ni igihugu gituwe n'abantu bo ku migabane itandukanye, ku buryo imibare igaragaza ko gituwe na Roho Miliyoni 40. Umujyi Mukuru wa Canada ni Ottawa, ariko bafite indi mijyi izwi nka Montreal ndetse na Vancouver.

Imibare igaragaza ko umuntu umwe ku banya-Canada bane yagiye muri iki gihugu nk'umwimukira, umubare munini mu bihugu bigize ihuriro y'ibihugu birindwi bikize ku Isi (G7). Nko mu 2021, iki gihugu cyakiriye impunzi 20,428.

Yverry si we muhanzi wa mbere wo mu Rwanda ugiye gutaramira muri Canada, kuko abarimo Mugisha Benjamin [The Ben], Kenny Sol, Christopher, Nel Ngabo n'abandi barahataramiye. 

Yverry yagiye gutaramira muri Canada no kuririmba mu bukwe bw'Abanyarwanda bahatuye 

Umugore wa Yverry yaranzwe n’amarangamutima ubwo umugabo we yerekezaga muri Canada

Ku kibuga cy’indege Yverry yaherekejwe n’abo mu muryango n’abandi

Gauchi usanzwe ari umuhanzi niwe mujyanama wa Yverry bagiye gukorana mu gihe cy’imyaka iri imbere

Yverry yavuze ko yiteguye gutanga ibyishimo mu bitaramo n'ibirori azagaragaramo

Kanda hano urebe amafoto menshi ubwo Yverry yari ku kibuga cy’indege

 

AMAFOTO: Dox Visual- InyaRwanda.com

Ibi byabaye mu ijoro ryo kuwa Kabiri tariki ya 23 Mata 2024.

Umunyamabanga Nshingwabikorwa w'Umurenge wa Nyabirasi, Mpirwa Migabo, yabwiye IGIHE ko abateye urugo rw'uyu mucuruzi bagera kuri bane ndetse umwe yamumenye ku buryo yamaze gutabwa muri yombi

Yagize ati 'Nibyo bateye mu rugo rw'umucuruzi ucuruza amatungo magufi uyakura inaha akayohereza Mahoko ubwo bakindaguranye bamutema ku maboko ariko yabashije kumenyamo umwe uba mu Murenge wa Nyundo.'

Yakomeje avuga ko mu gitondo ubuyobozi na Polisi ndetse na DASSO babyukiye mu mukwabo ndetse uyu mugabo bivugwa ko yari kumwe n'abandi bateye uyu mucuruzi akamumenya bamutaye muri yombi banamufatana amafaranga mu rugo rwe.

Yongeyeho ko uyu mucuruzi yajyanywe ku Kigo Nderabuzima aravurwa ku buryo yahise ataha ndetse uyu mugabo bikekwa ko yari kumwe n'itsinda ryamuteye ubu afungiye kuri Sitasiyo ya RIB ya Kivumu.

Umucuruzi yatewe n’abagizi ba nabi baramutema banamwiba miliyoni ebyiri

Ibigo byagaragayeho ibikorwa byo gushyira amafaranga atari ngombwa mu masezerano birimo WASAC, RTB, UR, RHA, MINICOM, Komisiyo ishinzwe gusubiza mu buzima busanzwe abavuye ku rugerero, umushinga wa Minisiteri y'Uburezi no mu karere ka Muhanga.

Ubugenzuzi bwakozwe mu nzego 208. Mu bitabo by'ibaruramari, inzego 191 zingana na 92% zabonye ntamakemwa bivuye kuri 68% mu mwaka wabanje. Inzego 11 zingana na 5% zabonye byakwihanganirwa na ho inzego esheshatu zingana na 3% zabonye biragayitse.

Ingengo y'imari yagenzuwe kugeza ubu ni miliyari 4981 Frw angana na 96% by'ingengo y'imari yose yari iteganyijwe gukoreshwa.

Inama zatanzwe 59% zashyizwe mu bikorwa ku buryo bwuzuye mu gihe mu mwaka wari wabanje zashyizwe mu bikorwa ku ijanisha rya 57%. Inama zingana na 16% zashyizwe mu bikorwa igice na ho 25% zo ntizashyizwe mu bikorwa.

Ubwo umugenzuzi Mukuru w'Imari ya Leta, Alexis Kamuhire, yagezaga ku Nteko Ishinga Amategeko imitwe yombi raporo y'imikoreshereze y'ingengo y'imari ya Leta y'umwaka w'ingengo wa 2022/2023 warangiye muri Kamena 2023, kuri uyu wa 24 Mata 2024, yagaragaje ko ibigo byabonye 'ntamakemwa' byiyongereye.

Ati 'Hari inzego zatangiye intambwe yo gutangira kuyavana mu masezerano no kugaruza ayari yarishyuwe. Amasezerano yazo naramuka ahinduwe Leta izazigama amafaranga yashyizwe mu masezerano bitari ngombwa.'

Muri uyu mwaka amafaranga yakoreshejwe ibyo atari agenewe ni miliyari 2,57 Frw avuye kuri miliyari 6,92 Frw.

Mu mafaranga angana na miliyari 10 Frw yagombaga kugaruzwa mu mwaka ushize, ariko ayagarujwe ni miliyari 1.2 Frw, mu gihe andi agikurikiranwa.

Hari imihanda itujuje ubuziranenge yubatswe

Kamuhire yagaragaje ko mu bugenzuzi bakoze mu mihanda yubatswe, hafashwe ibice 30 by'imihanda itanu ya kaburimbo bijyanwa muri laboratwari y'Ikigo cy'Igihugu gishinzwe gutsura ubuziranenge, RSB, bagamije kureba ubukomere bw'imihanda yubatswe basanga 10 muri ibyo bice yarubatswe hadakurikijwe ibipimo biteganyijwe mu masezerano.

Ati 'Bisobanuye ko utwo duce twafashe iyo mihanda idakomeye. Twagiriye inama RTDA ko aho ibyo bipimo byagaragaye iyo mihanda isubirwamo kandi ko RTDA igomba gushyiraho uburyo buhoraho bwo gupima ugukomera k'umuhanda no kwihutisha gusana indi mihanda yangiritse.'

Kamuhire yahamije ko imihanda itujuje ibipimo bisabwa 'igomba gusenywa kuko ntabwo twakwakira ibintu bitujuje ibisabwa kandi amafaranga yisuwe ari ay'ibyuzuye.'

Hari n'umuhanda Ngoma-Nyanza wo watinze kurangira igice kiva Kibugabuga kugera Gasoro gifite amasezerano ya miliyari 40Frw wagombaga kurangira mu Ugushyingo 2021 ariko ubwo ubugenzuzi bwakorwaga imirimo yari igeze kuri 79%.

Igice cy'umuhanda Ngoma-Ramiro gifite ibilometero 23 cyagombaga kurangira mu Ugushyingo 2023 ariko ubwo bagenzuraga wari ugeze kuri 33%.

Senateri Nkusi Juvenal yagaragaje ko bitumvikana ukuntu iyo mihanda itararangira kandi ari amafaranga akomoka ku mpano cyangwa inguzanyo.

Ati 'Muri iyo mihanda, igice cya Kibungo-Ramiro ni impano ya Guverinoma y'Abayapani, Ramiro-Nyanza ni Banki y'Isi, kandi bajya gutanga amafaranga byari bihagije byagenze bite ko bimaze iminsi? Iyo urebye n'aho bageze, ese bakora koko bagendeye ku byo bateganyijwe kandi ko amafaranga ahari yatanzwe?'

Kamuhire yasobanuye ko bagiriye inama RTDA ko bagomba kwihutisha iyubakwa ry'iyi mihanda kugira ngo ifashe Abanyarwanda mu kugenderana no guhahirana.

Umugenzuzi Mukuru w'Imari ya Leta yatangaje ko mu bugenzuzi bwakozwe hagaragaye miliyari 6,92 Frw yashyizwe mu masezerano y'imirimo itari ngombwa

Rayon Sports y’abagore yageze ku mukino wa nyuma w’igikombe cy’Amahoro nyuma yo gusezerera AS Kigali ku giteranyo cy’ibitego 2-1.

Uyu munsi ku wa Gatatu tariki ya 24 Mata 2024 ni bwo habaye umukino wo kwishyura wa 1/2 mu gikombe cy’Amahoro aho AS Kigali yari yasuye Rayon Sports mu Nzove.

Umukino ubanza wabereye kuri Kigali Pele Stadium mu cyumweru gishize, AS Kigali yari yatsinze Rayon Sports 1-0.

Uyu munsi Rayon Sports ikaba yinjiye mu mukino ubona ko ishaka gusezerera AS Kigali ku kabi n’akeza.

Hakiri kare mu gice cya mbere ku munota wa 15 Marry Chavinda yatsindiye Rayon Sports igitego cya mbere.

AS Kigali yashatse uko yishyura iki gitego biranga kugeza ubwo amakipe yajyaga kuruhuka ari 1-0.

Kimwe n’igice cya kabiri, Rayon Sports yagitangiranye imbaraga nyinshi ishaka igitego cy’umutekano. Byahise bibahira ku munota wa 2 w’igice cya kabiri ubwo hari ku munota wa 47, Marry Chavinda yahise atsindira Rayon Sports igitego cya kabiri.

Abakinnyi ba AS Kigali bakoze iyo bwabaga bashaka uko babona igitego kimwe kuko byari guhita bibashyira mu mwanya mwiza ariko biranga. Umukino warangiye ari 2-0 maze Rayon Sports ikomeza ku giteranyo cy’ibitego 2-1.

Undi mukino wa 1/2, Fatima WFC yatsinze Indangahangarwa 1-0, gusa Indahangarwa aba ari zo zikomeza kuko mu mukino ubanza zawutsinze 2-0, zakomeje ku giteranyo cy’ibitego 2-1. Bivuze ko umukino wa nyuma Rayon Sports izahura na Indagahangarwa WFC.

Rayon Sports yasezereye AS Kigali mu gikombe cy’Amahoro

Rayon Sports yageze ku mukino wa nyuma w’igikombe cy’Amahoro