Author: webrwanda

Mu gihe habura imikino 2 gusa ngo shampiyona y’icyiciro cya mbere mu Rwanda umwaka w’imikino 2023-24 irangire, amakipe 8 ni yo agomba kuvamo abiri amanuka mu cyiciro cya kabiri.

Guhera kuri Gasogi United ya 9 ku rutonde rwa shampiyona n’amanota 33 kugeza kuri Etoile del’Est ya nyuma n’amanota 28, ni ho hangomba kuvamo amakipe abiri agomba kumanuka mu cyiciro cya kabiri.

Bitandukanye n’indi myaka, uyu mwaka w’imikino ni wo ushobora kwandikwamo amateka ko ikipe yageje amanota 30 yamanuka mu cyiciro cya kabiri, mbere ikipe yayagezaga yabaga yizeye kuguma mu cyiciro cya mbere ariko ubu na 33 ntabwo ahagije.

Aho shampiyona igeze ni hamwe umwana arira nyina ntiyumve kuko Gasogi United ifite 33, Gorilla FC, Muhazi United, Etincelles FC na Marines FC zifite 32, Sunrise FC 29, Bugesera FC na Etoile del’Est zikagira 28, buri imwe iracunga izamu rya yo ngo irebe ko yaguma mu cyiciro cya mbere. Bivuze ko aya makipe ya nyuma atsinze imikino ya yo yose yagira amanota 34, yahita aca kuri Gasogi mu gihe yaba yatsinzwe imikino isigaje.

Gusa amahirwe menshi ni uko Bugesera FC na Etoile del’Est imwe igomba kumanuka cyangwa zikajyana, ziranganya amanota kandi zikaba zizahura ku munsi wa nyuma wa shampiyona. Bivuze ko bigoye ko imwe muri zo yazagira amanota 32. Zishobora kuzatsinda umukino w’umunsi wa 29 zigahura ku munsi wa nyuma zinganya amanota 31, imwe yatsinda indi ikambuka indi igasigara, zanganya Etoile del’Est yahita imanukana n’indi yaba ifite amanota 32 bitewe n’ibitego zizigamye cyangwa umwenda zifite.

Amahirwe ni uko umunsi wa 29 ushobora kuzasiga werekanye amakipe ashobora kumanuka kuko hari azahura.

Bugesera FC kandi ifite ihurizo kuko amakipe isigaje (Muhazi United na Etoile del’Est) ari amakipe ari mu murongo utukura, bazahura na yo yirwanaho.

Imikino amakipe arwana no kutamanuka asigaje

Gasogi United: Mukura VS na Etincelles

Gorilla FC: Police FC na Mukura VS
Muhazi United: Bugesera FC na Rwamagana City
Etincelles FC: Kiyovu Sports na Gasogi United
Marines FC: Musanze FC na Sunrise FC
Sunrise FC: Amagaju FC na Marines FC
Bugesera FC: Bugesera FC na Etoile del’Est
Etoile del’Est: Police FC na Bugesera FC

Sunrise FC na Gorilla ni amwe mu makipe ari mu murongo utukura

Ni igikorwa cyahujwe n'icyo kwibuka muri rusange ku nshuro ya 30 Jenoside yakorewe Abatutsi. Cyari cyitabiriwe n'abakozi n'abafatanyabikorwa b'ibi bigo byombi.

Umuyobozi Mukuru wa SONARWA Life, Mukundwa Dianah, yagaragaje ko ari ingenzi kwigira ku mateka mabi y'ivangura igihugu cyanyuzemo, avuga ko ryabibwe na politiki mbi yari iriho bikaba n'intandaro ya Jenoside yakorewe Abatutsi.

Yibukije ko ari inshingano za buri Munyarwanda kugira uruhare mu kubaka u Rwanda ruzira ivangura n'amacakuburi. Yashimye kandi Perezida Kagame ku bw'ubuyobozi bwiza bushyira imbere ubumwe bw'Abanyarwanda.

Kugeza ubu ibi bigo byombi bimaze kumenya amazina y'abantu icumi bahoze ari abakozi ba SONARWA S.A, biciwe mu bice bitandukanye by'igihugu bazizwa kuba Abatutsi.

DieudonnéN shunguyinka, ufite umuvandimwe wishwe ari umukozi wa SONARWA S.A, yashimiye ibi bigo bidahwema kubagaragariza ko bazirikanwa.

Ati 'Ni igikorwa cyiza kuba SONARWA yibuka ikaduhamagara, burya amaso yarize yumvwa n'andi yarize, iyo duhuriye ahantu nk'aha twaragize agahinda kamwe tugenda dukomezanya.”

“Imyaka 30 ni myinshi kandi hari amashami yagiye ashibuka, nk'abana bashobora kuba bararokotse turifuza ko abagiye bagira amahirwe yo kwiga bazajya bahabwa n'akazi aho ababyeyi babo bakoreraga.'

Umuyobozi Mukuru wa SONARWA General, Rees Kinyangi Lulu, yavuze ko hatazibagirana uruhare Abatutsi bishwe bari baragize mu iterambere ry'ikigo n'igihugu, anavuga ko kimwe mu bikwiye kwitabwaho muri iyi myaka ari ukureba ibishobora kuba nk'inzitizi z'iterambere ry'umuturage.

Ati 'Mureke dusenyere umugozi umwe turwanye ivangura n'amacakubiri duharanire ahazaza aho buri wese afite agaciro, kandi agahabwa urubuga rwo gutera imbere.'

Umuyobozi Mukuru wa RSSB inafite imigabane mu bigo byombi byibutse, Regis Rugemanshuro, yihanganishije imiryango y'abiciwe ababo, anasaba ko ikivi cyabo cyakomeza kuswa, aho yanashimiye leta nziza y'u Rwanda yimakaje ubumwe bw'Abanyarwanda aho 'yaba umuto cyangwa umukuru bagira amahirwe yo kwiteza imbere'.

Umuyobozi w'Urwego Ngishwanama rw'Inararibonye z'u Rwanda, Tito Rutaremera, yagaragaje ko jenoside yateguwe igihe kirekire ndetse mu buryo bwa gihanga, akaba ariyo mpamvu hakenewe ubundi buhanga mu gukomeza kubaka igihugu.

Ati 'Jenoside yishe benshi, ibica nabi igihe gito kuko yakozwe mu buhanga, urubyiruko rwuzuzwa ingengabitekerezo imyaka 30 yose. Aho tuboneye ko banasenye gihanga twagombaga kureba uko twubaka igihugu mu buryo bwa gihanga, nibyo twifuza ko namwe mukomeza.'

Binyuze muri Ibuka ibigo by'ubwishingizi bya SONARWA General na SONARWA Life, byageneye inkunga imiryango 10 y'abarokokeye ku Kicukiro aho uyu muhango wabereye.

SONARWA General Insurance Company Ltd ni ikigo cya RSSB, aho ariyo munyamugabane mukuru. Ni ikigo kimaze imyaka ikabakaba 49 ku isoko ry'ubwishingizi mu Rwanda.

Iki kigo gifite uburambe mu bwishingizi butandukanye harimo ubw'impanuka z'abantu n'iz'ibinyabiziga ndetse n'imizigo, ubwishingizi bw'inkongi y'umuriro, n'ibindi.

SONARWA Life yanditswe nk'ikigo cyigenga muri mutarama 2011, gitanga ubwishingizi cyane cyane bugendeye ku bantu burimo ubw'amashuri y'abana, ubwo kwizigamira n'ubundi. Muri Gicurasi 2017, Urwego rw'Ubwiteganyirize mu Rwanda [RSSB] cyabaye umunyamigabane wenyine [100%] wa SONARWA Life.

Umuyobozi w'Urwego Ngishwanama rw'Inararibonye z'u Rwanda, Tito Rutaremera, ashyira indabo ku mva nk’ikimenyetso cyo kunamira Abatutsi bishwe mu 1994

Ni igikorwa cyari cyitabiriwe n’abo mu nzego z’umutekano z’igihugu

Komiseri muri Ibuka ku rwego rw'igihugu, Rutagengwa Jean Bosco, yashimye uko leta yitaye cyane ku barokotse Jenoside kugeza n'ubu

Umuyobozi Mukuru wa RSSB inafite imigabane mu bigo byombi byibutse, Regis Rugemanshuro, yihanganishije imiryango y'abiciwe ababo anasaba ko ikivi cyabo cyakomeza kuswa

Mukanubaha Yvonne, warokokeye i Nyanza muri Kicukiro, yatanze ubuhamya bwagarutse ku bihe byakomereye Abatutsi

Umuyobozi Mukuru wa SONARWA Life, Mukundwa Dianah, yavuze ko Kwibuka ku nshuro ya 30 ari n’umwanya mwiza wo kwibuka uruhare rwa buri wese mu kubaka igihugu no gushimangira ubumwe bw'Abanyarwanda

Umuyobozi wa SONARWA General, Rees Kinyangi Lulu, yasabye ko ibi bigo byakomeza gutanga umusanzu mu guhangana n’ibishobora guhungabanya ejo hazaza h’Abanyarwanda

Umuyobozi w'Urwego Ngishwanama rw'Inararibonye z'u Rwanda, Tito Rutaremera, yagaragaje ko Jenoside yakoranywe ubugome bwinshi

Mu mpera z'icyumweru gishize, ubwo Chris Philp yari mu kiganiro 'BBC Question Time' yumvikanye yitiranya u Rwanda na Repubulika Iharanira Demokarasi ya Congo ndetse abigaragaza nk'igihugu kimwe.

Uyu mugabo yagarutse ku bijyanye n'u Rwanda na Congo, ubwo yari ari gusobanura gahunda y'igihugu cye yo kohereza abimukira mu Rwanda.

Umwe mu batumirwa bari mu kiganiro yavuze ko hari bamwe mu bagize umuryango bakomoka muri Repubulika Iharanira Demokarasi ya Congo mu Mujyi wa Goma bari mu nzira bambuka bagana mu Bwongereza, abaza uyu muyobozi niba nabo barebwa n'iyi gahunda y'abimukira.

Mu gusubiza, Chris Philp yumvikana yitiranya u Rwanda na Congo.

Ati 'Hari umwihariko ku baturage bava mu Rwanda bakongera koherezwa mu Rwanda.'

Uyu mutumirwa yongera kumubwira ko abantu ari kuvuga bava muri Congo batava mu Rwanda, Chris Philp nawe ati 'U Rwanda ni igihugu gitandukanye na Congo ikaba igihugu ukwayo?'

Nyuma yo kuvuga aya magambo, abari muri iki kiganiro bose basekeye rimwe basa n'abibaza uburyo umuyobozi wo ku rwego nkuru yitiranya ibihugu bibiri.

Mu kiganiro na GB News, Chris Philp yagaragaje ko ibyo yavuze abantu babifashe nabi, ashimangira ko iri kosa yaritewe no kutumva ikibazo neza.

Ati 'Nagize ikibazo mu kumva ikibazo neza.'

Umunyamabanga wa Leta muri Minisiteri y'Umutekano mu Bwongereza, Chris Philp, aherutse kumvikana yitiranya u Rwanda na Repubulika Iharanira Demokarasi ya Congo

Mu ijoro ryo ku Cyumweru tariki 28 Mata mu 2024 habaye ibirori byo kwizihiza isabukuru ya Gen Muhoozi Kainerugaba usanzwe ari Umugaba Mukuru w'Ingabo za Uganda.

Ni ibirori byitabiriwe n'abagize umuryango we, barimo Se, Yoweri Kaguta Museveni, bashiki be na baramu be.

Mu butumwa Museveni yashyize kuri X, yagaragaje ko isabukuru ya Muhoozi, yabaye umwanya wo kongera gutekereza ku buryo yongeye guhura n'umugore we.

Ati 'Maama Janet twateguye umusangiro wihariye i Entebbe mu kwizihiza isabukuru ya Muhoozi Kainerugaba y'imyaka 50. Ndashimira Imana kumpuza na Maama Janet, naje kubona by'impanuka duhuriye muri Intercontinental Hotel, ndetse tuza kubana muri Kanama mu 1973.'

Museveni yakomeje avuga ubuzima bwabo hamwe bwageze ku ntego, ashima Muhoozi ku bw'urukundo afitiye igihugu.

Museveni na Janet barakuranye cyane ko n'amashuri abanza bayize ku kigo kimwe cya 'Kyamate Primary School'. Nyuma baje kuburana bongera guhurira i Nairobi ari naho basuhukuriye umubano wabo.

Museveni na Janet basezeranye kubana nk'umugabo n'umugore muri Kanama mu 1973 i Londres mu Bwongereza.

Muri Gashyantare 1981 ubwo umugabo we yatangizaga intambara yo gufata ubutegetsi, Janet Museveni yahise ahungira muri Kenya aho yabanaga n'inshuti z'umuryango, mu 1983 aza kuhava ajya kuba muri Suède aho yagumye akagaruka nyuma y'amezi ane Museveni amaze gufata ubutegetsi.

Perezida Museveni na Janet Museveni bafitanye abana bane barimo Gen Muhoozi Kainerugaba, Patience Museveni Rwabwogo, Natasha Museveni Karugire na Diana Museveni Kamuntu.

Muri Kanama mu 2023, Museveni na Janet Museveni bongeye guhamya isezerano ry'ugushyingirwa hagati yabo ubwo bizihizaga imyaka 50 yari ishize babana nk'umugabo n'umugore.

Gen Muhoozi Kainerugaba yakira abashyitsi bitabiriye ibi birori

Gen Muhoozi Kainerugaba yujuje imyaka 50 y'amavuko

Gen Muhoozi Kainerugaba hamwe n'umugore we, Charlotte Kutesa

Byari ibyishimo kuri Yoweri Kaguta Museveni n'umugore we, Janet Museveni

Ibi birori byabereye i Entebbe mu ijoro ryo ku Cyumweru

Ibi birori byitabiriwe n'abantu ba hafi y'umuryango wa Museveni barimo n'umukobwa we, Natasha Museveni Karugire (ubanza iburyo)

Umukwe wa Perezida Museveni, Edwin Karugire avuga ijambo

Gen Muhoozi, umugore we, Charlotte Nankunda Kutesa, Museveni na Janet Museveni bakata umutsima muri ibi birori

Nyuma y’uko Ntakirutimana Isaac [Sarpong] wari umufana wa Rayon Sports ahinduye akajya gufana na APR FC, hagaragaye ifoto ari kumwe na Chairman wa APR FC, Col Richard Karasira.

Nyuma y’uko iyi foto igiye hanze ntabwo yakiriwe neza aho hirya no hino ku mbuga nkoranyambaga ndetse no mu itangazamakuru bavuga ko Col Richard Karasira atakaje mu bikorwa byo kwakira umufana.

Ni ifoto uyu mufana wari umaze kuraharira kuba umufana wa APR FC, yari hagati ya Chairman wa APR FC, Col Richard Karasira na Songambele ushinzwe ubukangurambaga bw’abafana b’iyi kipe y’Ingabo z’igihugu.

Amakuru ISIMBI yamenye ni uko iyi foto ubwo yajyaga hanze na nyirubwite, Chairman wa APR FC yamubabaje cyane kuko yari yavuze ko itagomba kujya hanze ariko atungurwa no kuyibona mu itangazamakuru.

Byagenze bite ngo ifoto ifatwe?

Amakuru ISIMBI yamenye ni uko Chairman wa APR FC atari muri gahunda yo kuza kwakira uyu mufana mu muhango wabereye ku biro by’iyi kipe tariki ya 26 Mata 2024.

Col Richard Karasira we yaje ku biro by’ikipe nk’ibisanzwe ariko ntaho yari ahuriye n’igikorwa cyari cyateguwe kiyobowe na Songambere ushinzwe ubukangurambaga bw’abafana muri APR FC.

Ubwo yageraga ku biro yasanze umuhango wo kwakira Sarpong warangiye. Uyu mufana yamusabye ifoto ngo bifotozanye ariko Chairman wa APR FC abanza kubyanga.

Sarpong yamubwiye ko ari ifoto ashaka kuza kwereka umubyeyi we ko yahuye n’umuyobozi wa APR FC cyane ko na we afana iyi kipe. Col Richard Karasira yaremeye ariko nta burenganzira yigeze atanga bwo kuyikoresha, gusa yaje gutungurwa no kuyobona yasakaye ku mbuga nkoranyambaga.

Iyi foto ya Sarping ari kumwe na Chairman wa APR FC, Col Richard Karasira na we yatunguwe n’uburyo yageze hanze

Kenny Sol abarizwa mu inzu ifasha abahanzi mu bya muzika ya 1:55 AM, ni mu gihe Nel Ngabo abarizwa mu inzu ifasha abahanzi mu bya muzika ya Kina Music.

Ni ubwa mbere izi 'Label' zombi zihuje imbaraga mu ikorwa ry'indirimbo, ibintu bigaragaza ubufatanye bukenewe mu rugendo rw'umuziki w'u Rwanda.

Iyi ndirimbo 'Molomita' izajya hanze ku wa Kane tariki 2 Gicurasi 2024, yakozwe mu buryo bw'amajwi na Producer Element. Ni ubwa mbere uyu musore akoreye indirimbo Nel Ngabo, ariko si ubwa mbere akoreye indirimbo Kenny Sol, kuko yamukoreye zimwe mu ndirimbo ziri kuri Extended Play (EP) ye ya mbere.

Mu kiganiro yagiranye na InyaRwnada, Director Gad yavuze ko yagize igitekerezo cyo guhuriza mu ndirimbo aba bahanzi bombi, kubera ko ari abahanga, kandi yabonaga ko ubumwe bw'abo bwatanga umusaruro ushimishije mu rugendo rw'umuziki.

Ariko kandi yabitekerejeho mu rwego rwo kwagura amarembo y'umuziki wa Nel Ngabo. Ati 'Nel Ngabo ni umuhanzi wa Kina Music afite indirimbo nyinshi, izo ndirimbo zose yazikoreye kwa Clement, ubu rero twamujyanye kwa Element kugirango n'abo bagerageze barebe ko hari icyo bageraho. Urumva, Nel Ngabo guhura na Element ni ibintu binini. Element nawe uramuzi iyo yakoze indirimbo iba igomba kuba ari nziza uko byagenda kose.'

Akomeza ati 'Kenny Sol ni umuhanga nk'ibisanzwe. Ikindi kirimo kidasanzwe ni uko ari bwo bwa mbere aba bahanzi bahuriye mu ndirimbo. Ikindi kidasanzwe ni uko nanjye ndimo nk'uko byagutunguye, byatunguye n'abandi rwose.'

Abajijwe niba ijwi rye rizumvikana muri iyi ndirimbo, Gad yavuze ko ari agaseke gapfundikiye, kandi ko atinjiye mu muziki nk'umuhanzi ahubwo afite uburyo azajya abikoramo.  

Ati 'Iby'uko ndirimbamo cyangwa ntaririmbamo tuzabimenya isohotse, reka mbatere amatsiko. Oya! Ntabwo ninjiye mu muziki mu by'ukuri nk'umuhanzi. Ninjiye mu muziki mu bundi buryo budafite aho butandukaniye n'uko nabikoragamo. Nta kintu kigiye guhinduka. Icyo nakoze ni uguhuza abahanzi, n'aho ubundi njyewe ntabwo ninjiye mu muziki.'

Mu 2022, nibwo Gad yatangiye urugendo rwo gutunganya indirimbo z'abahanzi banyuranye mu buryo bw'amashusho. Ibi byatumye muri uriya mwaka yegukana igikombe cy'uwahize abandi mu bayobora amashusho y'indirimbo mu bihembo bya Isango na Muzika Awards 2022.

Ni igihembo akesha indirimbo yakoze zakunzwe nka 'Good Luck' ya Ariel Wayz, 'Akinyuma' ya Bruce Melodie, Terimometa ya Phil Peter na Kenny Sol, 'Suwejo' yitiriwe Album y'umuhanzi akaba n'umunyamakuru Yago n'izindi.

Ni nawe wakoze indirimbo 'Muzadukumbura' ya Nel Ngabo na Fireman, anakora indirimbo 'Mutuale' ya Bruce Melodie na Nel Ngabo, 'Tobora' ya Knowless n'izindi

Director Gad yatangaje ko guhuriza mu ndirimbo Nel Ngabo na Kenny Sol yashingiye ku buhanga bw'abo

Gad yavuze ko yinjiye mu muziki mu buryo butandukanye n'ubwo abantu bashobora gutekereza

Nel Ngabo yaririmbye mu ndirimbo yakorewe ku nshuro ya mbere na Element

Kenny Sol yahuriye mu ndirimbo bwa mbere na Nel Ngabo nyuma y'imyaka itatu bari mu muziki

Iyi ndirimbo, aba bahanzi bombi bahuriyemo izasohoka ku wa Kane tariki 2 Gicurasi 2024 

KANDA HANO UREBE AMASHUSHO Y’INDIRIMBO ‘MBALI’ YA NEL NGABO

“>

KANDA HANO UREBE AMASHUSHO Y’INDIRIMBO ‘2 IN 1’ YA KENNY SOL

“>

Ni igikorwa bakoze kuri iki Cyumweru tariki 28 Mata 2024, aho ababyinnyi, abayobozi b'iri torero ndetse na Cyusa Ibrahim wabyinnye muri iri torero mu gihe cy'imyaka itanu, beretswe ibice bitandukanye bigize uru rwibutso, basobanurirwa uko umugambi wa Jenoside wateguwe kugeza ushyizwe mu bikorwa.

Basuye ibice bitandukanye bigize uru rwibutso, berekwa uko Jenoside yateguwe, ukuri kw'ayo, uko yashyizwe mu bikorwa n'ingaruka yateje, ndetse n'uko Ingabo zari iza RPA zabohoye Igihugu, zigasubiza u Rwanda n'Abanyarwanda ijambo.

Imibare igaragaza ko ¾ ari urubyiruko rutuye u Rwanda. Bituma, Guverinoma ishyira imbaraga mu kubashyira mu myanya kugirango batangire gufata inshingano.

Umuyobozi w'Itorero Inganzi Ngari, Serge Nahimana yabwiye InyaRwanda ko nyuma yo gusura Urwibutso rwa Jenoside rwa Kigali nk'Itorero Inganzi Ngari bungutse byinshi byubakiye ku mateka u Rwanda rwanyuzemo, kandi biyemeza guhangana n'abagoreka amateka.

Ati 'Tugomba kujya twigisha amateka, kandi tugategura n'ibikorwa bitandukanye bifasha abantu gusura inzibutso, gusura abarokotse, gukora gahunda nyinshi zinyuranye zifasha urubyiruko kugira ngo bamenye amateka ya Jenoside yakorewe Abatutsi. Ibi bizafasha guhangana n'abahakana, bakanapfobya Jenoside yakorewe Abatutsi. Ni umukoro, rero dufite kugira ngo abo bana bamenye amateka yaranze Igihugu cyacu. Ikindi ni uko kubimenya, niho hava kurwanya iyo ngengabitekerezo kugira ngo Jenoside itazongera kubaho ukundi.'

Uyu muyobozi yavuze ko guhangana n'abahakana, bakanapfobya Jenoside yakorewe Abatutsi ari 'umukoro wa buri munyarwanda'. Ariko kandi nk'abantu bahura na bantu benshi binyuze mu nganzo y'abo, biyemeje kwiga amateka kugira ngo bazafashe n'abandi kuyamenya mu buryo bwisumbuyeho.

Nahimana avuga ko baganirijwe uko Jenoside yateguwe nuko yashyizwe mu bikorwa, bityo kugira ubumenyi ku mateka asharira u Rwanda rwanyuzemo, bigiye kubafasha kurushaho guhangana n'abagoreka amateka ya Jenoside.

Ati 'Iyo ufite ubumenyi birakorohera guhangana n'abahakana bakanapfobya Jenoside, ubaye utazi amateka cyangwa se utarashyize imbaraga mu kubaza abakuru, ntabwo byakorohera mu rugamba rwo guhangana n'abo bose. Ni byiza ko twese cyangwa se abanyarwanda muri rusange, tumenya amateka ku buryo ba bantu bapfobya Jenoside batazagira aho bamenera.'

Nahimana yavuze ko bazakomeza gusura inzibutso za Jenoside mu rwego rwo kwiga amateka  kandi bazajya bakora ibikorwa binyuranye bigamije gufasha abarokotse Jenoside ndetse no gufasha urubyiruko kumenya amateka binyuze mu bihangano binyuranye bategura.

Umuhanzi Cuyusa Ibrahim yabaye igihe kinini mu Itorero Inganzi mbere y'uko atangira urugendo rw'umuziki we nk'umuhanzi wigenga, yabyinnye muri iri torero hagati ya 2010 na 2015, ndetse baritegura kuzahurira mu gitaramo 'Migabo Live Concert' kizaba tariki 8 Kamena 2024.

Yabwiye InyaRwanda ko gusura Urwibutso rwa Jenoside rwa Kigali, byamufashije kurushaho kumenya amateka ya Jenoside yakorewe Abatutsi mu 1994.

Uyu muhanzi warokokeye mu Karere ka Kamonyi mu Majyepfo y'u Rwanda, avuga ko urubyiruko rufite umukoro wo guhangana n'abahakana bakanapfobya Jenoside.

Ati 'Urubyiruko ndarusaba kudaha agaciro abapfobya cyangwa abahakana Jenoside yakorewe Abatutsi, kuko ari abashaka kudusubiza mu mateka mabi twaciyemo.'

Yasabye abarokotse Jenoside gukomeza urugendo rwo kwiyubaka. Ati 'Ndakangurira abarokotse Jenoside ko uburyo bwiza bwo gusubiza ababiciye cyangwa abatabifuriza ineza, ari ugukora cyane tukiteza imbere ku buryo uwakwifurije gupfa akubona ubayeho neza mu buryo atifuzaga; ikindi uwashatse ku kwica ugahindukira ukamuha amata! Nta mugayo urenze uwo.'

Uyu muhanzi anavuga ko gusura urwibutso rwa Jenoside rwa Kigali byamusigiye umukoro wo ‘kwiga amateka nkayamenya kurushaho kugirango nzabone uko ndaga abana banjye amateka yo hambere bityo nabo bazayarage abazabakomokaho kugirango ibyabaye bitazasubira ukundi’.

Urwibutso rwa Jenoside rwa Kigali, ruruhukiyemo imibiri y'abazize Jenoside yakorewe Abatutsi irenga ibihumbi magana biri na mirongo itanu (250,000). 

Aha hakaba ari ku gicumbi cy' imiryango y'abarokotse Jenoside, abavandimwe n'inshuti bahurira bibuka ababo.

Nk'ahantu ho kwibukira no gutanga inyigisho ku mateka yaranze u Rwanda, urwibutso rwa Jenoside rwa Kigali rushyira imbaraga mu kwigisha abantu ububi bwa Jenoside n'ubundi bwicanyi ndengakamere mu rwego rwo kurinda ko yakongera kubaho ukundi.

Mu gihe cy'iminsi ijana yo Kwibuka, abasura uru rwibutso basabwa gusiga ubutumwa bwo kwibuka mu gitabo cyagenewe abashyitsi, mu rwego rwo gukomeza Kwibuka abazize Jenoside no gutera imbaraga abayirokotse.

Urwibutso rwa Jenoside rwa Kigali rugizwe n'ibice bitatu bisurwa, igice kinini ni ikivuga ku mateka ya Jenoside yakorewe Abatutsi mu 1994. Hari igice cyagenewe kwibuka abana bazize Jenoside n'igice kigaragaza amateka ya Jenoside yakozwe mu bindi bihugu kw'Isi.

Hari ibindi bice nkaho abantu bashobora kwigira amateka bakoresheje ikoranabuhanga, ubusitani ndetse n'imva rusange zishyinguwemo imibiri y'abazize Jenoside. Ibi bice byose bitanga inyigisho ku basura urwibutso.

Ababyinnyi b'Itorero Inganzo Ngari basuye Urwibutso rwa Jenoside rwa Kigali ruherereye ku Gisozi

Inganzo Ngari biyemeje guhangana n'abahakana bakanapfobya Jenoside yakorewe Abatutsi

Inganzo Ngari bavuze ko bazajya bategura ibikorwa bigamije gufasha urubyiruko kumenya amateka

Cyusa Ibrahim [Uwa Gatandatu uturutse iburyo] yasabye abarokotse Jenoside yakorewe Abatutsi gukomeza gutwaza mu rugendo rwo kwiyubaka

Ntakirutimana Isaac [Sarpong], wari umufana ukomeye wa Rayon Sports nyuma yo kwerekeza muri APR FC yavuze ko ari impano yahaye umubyeyi we kuko ari umukunzi w’iyi kipe y’Ingabo z’igihugu.

Ku wa Gatanu w’icyumweru gishize ni bwo uyu mufana yarahiriye kuba umufana wa APR FC avuye muri Rayon Sports.

Ntabwo byakiriwe neza n’abakunzi benshi ba Rayon Sports aho bavuze ko ibyo akoze atari byo n’ubundi atayikundaga.

Ibi kandi byakurikiwe ni uko na nyir’inzu yahise amwandikira amubwira ko agomba kumusohokera mu nzu.

Sarpong yabwiye ISIMBI ati “ubwo nari ku biro nabonye ubutumwa bwa nyir’inzu bumbwira ngo twabanye neza byaba byiza muhaye inzu ye, nahise musubiza ko tugomba kubahiriza amategeko agenga gukodesha akampa iminsi 15, nashyizeho abantu barimo kunshakira inzu.”

Yakomeje avuga ko ajya gufata iki cyemezo yari abyiteze kuko nyir’inzu ni umufana wa Rayon Sports, gusa we ngo yakurikije amarangamutima ye.

Ati “Urumva njya gufata icyemezo cyo kujya muri APR FC nari mbyiteze, kuko kuva muri 2013 ndi muri Rayon Sports, n’inzu nabagamo ni uyu-murayon rero nari mbyiteze, icy’ingenzi ni uko njye nakurikije amarangamutima yanjye, n’aho ibindi nashyizeho abagomba kunshakira inzu.”

Sarpong kandi avuga ko guhindura akajya gufana APR FC ari impano yahaye umubyeyi we kuko akunda APR FC.

Ati “Navuga ko ari impano mpaye umubyeyi wanjye mu za bukuru kuko ni umufana wa APR FC. Reka mbisubiremo rwose njye nakurikije amarangamutima kandi nta muntu urwana na yo.”

Yashimangiye ko nta gikorwa kibi yahuye nacyo kuko u Rwanda ari igihugu gifite umutekano uretse kuba umuntu yamwandikira ubutumwa cyangwa bagahura akamubwira nabi kubera ko atishimiye icyemezo yafashe.

Sarpong yamaze kwerekeza muri APR FC, nyir’inzu amusaba kumuvira mu ikipe

Sarpong yari umufana ukomeye wa Rayon Sports

Nyuma yo gutsinda APR HC ibitego 26-17, ikipe ya Police HC yasoje imikino ibanza ya Shampiyona ya Handball mu bagabo iyoboye urutonde rwa shampiyona.

Uyu mukino usoza imikino ibanza ya shampiyona ya 2024, wabaye ejo hashize ku Cyumweru tariki ya 28 Mata 2024 ku Kibuga cya Kimisigara.

Aya makipe yagiye gicakirana nyuma y’uko APR HC yari imaze gutsinda Nyakabanda ibitego 42-8 n’aho Police HC yo yari yatsinze Nyakabanda 54-10.

Wari umukino umeze nko kwihorera kuri Police HC kuko mu mitwe y’abakinnyi b’iyi kipe harimo igikombe cy’Intwari iyi kipe yaherukaga gutwarwa na APR HC.

Police HC yatangiye neza umukino neza aho yatsinze ibitego 4 APR HC itaratsinda na kimwe. Yakomeje kugenda imbere kugeza aho igice cya mbere cyarangiye Police ibifashijwemo n’abarimo Kubwimana Emmanuel na Mbesutunguwe Samuel iri imbere n’amanota 15-9.

Igice cya kabiri APR yagitangiranye imbaraga ishaka kugabanya ikinyuranyo cy’ibitego 9 yari yatsinzwe mu gice cya mbere, abarimo Karenzi Yannick, Jean Paul na Muhumure bagerageje kugeza aho hasigayemo 6 (21-15).

Kuba bamwe mu bakinnyi b’ingenzi ba APR HC batari mu mukino neza nka Uwayezu Arsene, umunyezamu wa mbere w’ikipe y’igihugu, byatumye Police HC ikomeza kubayobora.

Byatumye uyu mukino Police iwutsinda ishyizemo ikinyuranyo cy’amanota 11, warangiye ari ibitego 27-16.

Umutoza wa APR HC, Bagirshya Anaclet yavuze biteguye kuzitwara neza mu mikino yo kwishyura kuko ubu abakinnyi be batari bameze neza mu mutwe kuko bitabiriye imikino Nyafurika muri Algeria ariko bavayo badakinnye kubera imyuzure yabaye Dubai.

Ati “Mu buryo bw’imitekerereze ntabwo abakinnyi bameze neza kuko amarushanwa twagiyemo ntabwo twakinnye. Iyi kipe ihari ni yo yatsinze Police HC mu Gikombe cy’Intwari, turongera tubagarurire icyizere, muzabona indi APR imeze neza.'

Umutoza wa Police HC, CIP (Rtd) Ntabanganyimana Antoine, yavuze ko icyafashije ikipe ye gutsinda uyu mukino ari uko ubu abakinnyi be bamaze kumenyerana kandi bitoje neza.

Ati “Intsinzi y’uyu munsi iturutse ku myitozo. Ubushize twakinnye na APR, bamwe mu bakinnyi ari bwo bavuye mu yandi makipe. Ubu bamaze kumenyerana. Ubusatirizi bwacu bwari hejuru, ni bwiza.'

Mu yindi mikino yabaye mu mpera z’iki cyumweru, APR yari yatsinze Gicumbi HT ibitego 31-22 na ES Kigoma ibitego 37-23 mu gihe Police HC yatsinze UR Huye 38-11 na Gorillas 53-15.

ADEGI yatsinze UR Rukara 36-26 na Nyakabanda mpaga ya 20-0, ES Kigoma itsindwa na Gicumbi HT 26-41 naho Nyakabanda yongera guterwa mpaga na ADEGI mu gihe Gorillas yatsinze UR Huye ibitego 34-30.

Mu bagore, ES Nyamagabe yatsinze UR Rukara ibitego 26-11 na University of Kigali 27-11, ES Kiziguro itsinda Falcons 31-20 naho UR Rukara itsinda UR Huye 16-15.

Police HC ni yo yasoje imikino ibanza iyoboye Shampiyona n’amanota 24 kuri 24, ikurikiwe na APR ifite amanota 21.

Umunyezamu Dauda wa Police HC yari ahagaze neza cyane

Umunyezamu Arsene wa APR HC ntabwo yoroshewe n’uyu mukino

Mbesutunguwe Samuel, umwe mu bakinnyi bazonze APR

Kibonke wa Police ashaka uburyo yambura umupira Jean Paul wa APR

Kubwimana Emmanuel uri mu mwaka we wa mbere muri Police, ysihimira intsinzi

Byari ibyishimo ku bakinnyi ba Police HC