Author: webrwanda

Mu Rwanda, hari abantu bamaze gushinga imizi mu gutegura ibirori n'ibitaramo, hakaba n’ababafasha mu buryo bwo kubyamamaza ndetse bamwe usanga barabigize akazi.

Uyu munsi tugiye kubagarukaho duhereye ku bategura ibirori n'ibitaramo bikomeye bakaniyambazwa na Guverinoma rimwe na rimwe kubafasha mu bikorwa bifite aho bihuriye n’imyidagaduro.

Mushyoma Joseph

Mushyoma Joseph [Bubu] yamaze kwamamara guhera kuri Primus Guma Guma na East African Party yateguye binyuze muri East African Promotors (EAP). Ni we utegura kandi iserukiramuco rya ‘Iwacu Muzika Festival’ rimaze gushinga imizi.

Bubu ari mu bagabo bacye mu Rwanda bahiriwe n’ubushabitsi bakora mu myidagaduro kuko abukuramo amafaranga menshi ndetse akagirirwa icyizera mu nguni zose.

Uretse ibyo bitaramo tuvuze, Bubu ni we wihishe inyuma y’ibitaramo bibiri bikomeye Israel Mbonyi amaze gukorera muri BK Arena. Ni we wabiteguye, ariko bizwi na bacye. Yanateguye kandi ibyakozwe na Patient Bizimana mu bihe bitandukanye.

Bruce Intore

Bruce Intore na we ari mu bagabo bagiye bagira ukuboko mu birori n'ibitaramo byatumiwemo abahanzi bakomeye nka Ice Prince aza mu Rwanda 2014, Sauti Sol (2015), Wiz Kid (2016) n'abandi.

Yitabiriye anagira uruhare muri Rwanda Day zabereye mu bihugu bitandukanye. Ari mu bateguye ibikorwa birebana n'imyidagaduro by’Umuryango FPR Inkotanyi muri 2017.

Imyaka myinshi yayimaze akorana na kompanyi zitegura ibitaramo nka EAP na Sensitive Ltd kugera mu mwaka wa 2021 ubwo yatangizaga Intore Entertainment.

Kuri ubu Intore Entertainment iri muri kompanyi zihatana ku isoko. Kuva yatangira kwikorera mu buryo bwagutse, mu bo yabashije kuzana mu Rwanda harimo Koffi Olomide na Tay C.

Fiacre Nemeyimana

Fiacre Nemeyimana washinze kompanyi Fiacre Tent Maker, ni ukuboko gukomeye mu muziki wo kuramya no guhimbaza Imana aho byinshi mu bitaramo by'iki gisata ari we bitegura. Uyu mugabo yamamaye cyane nk'umujyanama wa Israel Mbonyi.

Fiacre yagize uruhare mu bitaramo birimo ibya Healing Worship Team, Inganzo Ngari, Chorale de Kigali, ndetse ari mu bari gufasha Cyusa Ibrahim mu gitaramo cye kizaba tariki 01 Kamena 2024.

Muyoboke Alex

Uyu mugabo yamamaye mu kuba umujyanama w'abahanzi, aho yakoranye igihe kitari gito n'abategura ibitaramo, bimufasha kunguka ubumenyi bw'uburyo ibitaramo bikorwamo.

Biragoye kubona igitaramo cyateguwe n'umuhanzi ukomeye nyarwanda atagizemo uruhare yaba icyateguriwe hanze y'u Rwanda n'imbere mu gihugu.

Benshi bamwiyambaza mu gushaka abaterankunga dore ko aziranye na benshi kimwe no kumenyekanisha ibikorwa yifashishije imbuga nkoranyambaga ze n'inararibonye afite mu gukorana n'itangazamakuru.

Muyango Uwase

Uyu mubyeyi wabaye Miss Photogenic 2019 muri Miss Rwanda, kuri ubu imbaraga nyinshi yazishyize mu gutegura ibirori bihuza abantu benshi.

Ibi ahanini abikorera mu tubari dutandukanye. Ubwo Zari aheruka mu Rwanda, Muyango ari mu bamufashije kumenyekanisha igikorwa yari aje gukora, bituma kigenda neza.

Uretse ibyo kandi ari no mu bari n'abategarugori biyambazwa mu kwamamaza ibikorwa bya kompanyi zinyuranye akanaba n'umunyamakuru wa Isibo yaba kuri Televiziyo na Radiyo.

Peace Nicodeme

Nzahoyankuye Nicodeme uzwi cyane nka Peace Nicodeme, usanzwe akorera Ikigo cy’Igihugu cy’Itangazamakuru kuri Magic Fm mu kiganiro cy’Iyobokamana, ni umwe mu bihishe inyuma y’ibitaramo byinshi by’abahanzi ba Gospel. 

By’akarusho yagize uruhare rukomeye mu gitaramo cya Pasika cy’Umuryango wa Bibiliya mu Rwanda (BSR) cyiswe Ewangelia Easter Celebration Concert cyabereye muri BK Arena kuwa 31 Werurwe 2024 kikaririmbamo Israel Mbonyi n’amakorali y’ibigugu.

Byagorana kubona igitaramo cya Gospel atashyizemo ukuboko. Peace Nicodeme yatanze umusanzu ukomeye mu bitaramo by’abaramyi banyuranye nka Papi Clever na Dorcas, Bosco Nshuti, Vumiliya Mfitimana, Jado Sinza na Sholom Choir mu gitaramo cy’amateka yakoreye muri BK Arena mu 2023.

Patycope

Rukundo Patrick [Patycope] yamamaye cyane bitari ukubera kuba umunyamuziki cyangwa ikindi ahubwo ari ukuba hafi y'ibyamamare no kumenyekanisha ibyo bakora.

Biragoye kubona ibirori bikomeye yaba ibibera mu tubari, utubyiniro, mu nyubako z'imyidagaduro atagiramo uruhare.

Uyu mugabo uri mu myaka 34 yari ukuboko gukomeye mu irushanwa rya Miss Rwanda. Kugeza ubu ari no muri bacye bakunze gutegura ibirori bibera mu tubyiniro n'utubari dukomeye.

MC Nario

Mutabazi Robert uherutse kuminuza mu Itangazamakuru ari mu bagabo bakundwa cyane mu biganiro atanga kuri YouTube n'ahandi hatandukanye. Hirya y’ibyo ni umwe mu bashyushyarugamba bakomeye.

Ibi ariko abihuza no kuba yiyambazwa mu tubari dutandukanye mu kumenyekanisha no kuyobora ibirori, ibintu ahanini byihariye abari n'abategarugori.

Nyamara we ari mu b’igitsinagabo babikora neza bigatuma aboneka mu b'imbere binjiriza agatubutse muri uyu mwuga uzwi nka 'Hosting' [kwakira, gususurutsa no kuyobora abanyabirori].

Rwema Denis

Uyu mugabo yamamaye cyane mu myidagaduro nk'umujyanama w'ibyamamare nka Shaddyboo na The Ben. Mbere yaho ariko yakoranyeho na Urban Boy na Charly na Nina.

Nubwo ariko ibi ari byo azwiho, ari mu bagira akaboko mu birori bitandukanye bibera mu Rwanda cyane cyane mu tubari n'utubyiniro tw'abasilimu.

Billy Capo

Mugambage Billy yamamaye nk’ureberera inyungu z'abahanzi batandukanye nko kuba hafi ya Kenny Sol, gusa hirya y’ibyo afite n'ubuhanga mu bijyanye no gutegura ibirori n'ibitaramo.

Kimwe mu bitaramo yumvikanyemo cyane nubwo byarangiye gisubitswe cyari icya Asake cyagombaga kubera muri Camp Kigali mu Ukwakira 2022.

Kugeza ubu ari mu bagabo bagira uruhare mu bikorwa bihuza abantu benshi mu Rwanda.

Uhujimfura Jean Claude

Azwi muri Kikac nk’ureberera inyungu z'abahanzi nka Niyo Bosco na Bwiza, ariko nubwo bimeze gutyo yamaze kwinjira mu bikorwa byo gutegura ibirori n'ibitaramo ahereye ku biherecyeza Tour Du Rwanda.

Fally Merci

Ni umusore muto umaze kuba igikingi gikomeye mu ruganda rw'imyidagaduro ariko y'umwihariko ishingiye ku rwenya binyuze mu bitaramo bya Gen Z Comedy biba kabiri mu kwezi buri kuwa Kane.

Binyuze muri ibyo bitaramo bizwi nk’Iseka Rusange bimaze imyaka ibiri biba, Fally Merci amaze kumurika no kumenyekanisha abanyarwenya bakiri bato batandukanye.

Mu bandi tutakwibagirwa harimo David Bayingana, Peace Nicodem, K John, Chelina Doll, X Dealer, DJ Bob, Sean P, Queen Lana, Joxy Parker n’abandi bagira uruhare mu gutuma abanyarwanda babona ibirori n'ibitaramo binoze kandi kenshi.

MC Nario ari mu bagabo bacye bashoboye ibirebana no gususurutsa akanagira ubuhanga mu gutegura ibirori cyane ibibera mu tubari n’utubyiniroMuyoboke Alex yiyambazwa na benshi mu gutegura ibirori n’ibitaramo cyane cyane mu gushaka abaterankunga Bruce Intore ari mu bategura ibitaramo n’ibirori banitabazwa na Leta aho byabaye ngombwa

Peace Nicodeme ni umwe mu nkingi mwikorezi mu muziki wo kuramya no guhimbaza Imana

Rwema Denis wamamaye mu kugira inama ibyamamare anafasha mu gutegura ibirori n’ibitaramoUmurerwa Chelina [Chelina Doll] ari mu bari n’abategarugori bihagazeho mu byo gutegura ibiroriMuyango wamamaye mu marushanwa y’ubwiza amaze no kugwiza ibigwi mu gutegura ibirori bibera mu tubari n’utubyiniro dukomeye i KigaliPatycope amaze gushinga imizi mu kwamamaza ibirori bito n’ibinini akanagira n’uruhare mu kubitegura 

Chriss Eazy umaze igihe avugwa mu rukundo n'umukobwa uri mu banyuze mu irushanwa rya Miss Rwanda 2022, Umuhoza Emma Pascaline.

Yagarutse ku buzima bwe bw'urukundo aganira n'umubyeyi we [Mama] wamuhase ibibazo bikomeye byinshi byibanze kuhazaza h'uyu musore.

Bwa mbere uyu muhanzi yahakanye yivuye inyuma ko adaca inyuma umukunzi we ati'Oya ntabwo ibyo nabikora, icyo kibazo birangoye ku gisubiza.'

Nubwo yavuze ko ari ikibazo kigoye gusubiza neza ariko mu ntego afite nk'umuntu hatarimo kuba yaca inyuma uwo bakundana.

Yagarutse kandi ku kuba atakwemeza igihe azabyarira kuko byose bigenwa n'Imana ariko na none igihe byabera cyose Imana ariyo igena.

Ku mubare w'abana azabyara uyu muhanzi ati'Igihe nabyarira cyose ntakibazo gusa hari ibyo mbantegura nk'umuntu umwana wanjye azamere n'umuryango wanjye bizamere gutya.'

Uyu muhanzi yatangaje ko yakuze abwira umubyeyi we ko azabyara abana 2 gusa yaje gusanga azabyara 3 gusa Mama we yamusabye ko yazabyara 4 akareka ibiharwe undi arabimwemerera.

Chriss Eazy yabwiye umubyeyi we ko kuba igihe kizagera agashinga urugo bitazagabanya urwo amukunda ahubwo ruziyongera binyuze mu buzukuru azamuha.

Ibi yabivuze agira ati'Mbanumva ko bidashobora gukuraho urukundo ngukunda kuko uri inshuti yanjye mbere y’uko ngufata nk'umubyeyi kandi inshuti y’akadasohoka.'

Mu gusoza uyu musore yabajije umubyeyi we icyo yakora mu gihe byatungurana akamutunguza umwuzukuru undi ati” Nabyakira nubwo mbanifuza ibirori [ubukwe] ”.

Chriss Eazy yamwemereye  ko azabimwereka kandi by’akataraboneka.

Chriss Eazy yatangarije umubyeyi we ko akiri imanzi gusa bidakwiye kumutera ubwoba abizi neza ko ntakibazo afiteChriss Eazy yavuze ko nubwo abantu bapanga hari igeno ry’Imana ariko atifuza guca na rimwe umukunzi  we inyuma

KANDA HANO UREBE IKIGANIRO CYOSE

“>

Mu gihe habura iminsi mike ngo hatanganzwe abakinnyi bazifashishwa mu mikino ibiri ya Benin na Lesotho, biravugwa ko hazagaragaraho abakinnyi babiri bashya, Jojea Kwizera na Ani Elijah.

Tariki ya 6 Kamena u Rwanda ruzakina na Benin, tariki ya 11 Kamena 2024 rukine na Lesotho mu ijonjora ryo gushaka itike y’Igikombe cy’Isi cya 2026.

Nta gihindutse biteganyijwe ko urutonde rw’abakinnyi bahamagawe kuzitabazwa kuri iyi mikino ruzatangazwa tariki ya 18 Gicurasi ni mu gihe umwiherero uzatangira tariki ya 20 Gicurasi 2024.

Amakuru ISIMBI yamenye ni uko kuri uru rutonde hariho abakinnyi babiri bashya bazaba bahamagawe bwa mbere mu Mavubi.

Ku ikubitiro hariho Jojea Kwizera ukinira Rhode Island FC mu cyiciro cya kabiri muri Leta Zunze Ubumwe za Amerika.

Muri Mata uyu mwaka ni bwo twabagejejeho inkuru y’uko uyu mukinnyi ukina mu kibuga hagati w’imyaka 25, ibiganiro bigeze kure ngo abe yaza gukinira Amavubi.

Kuri ubu Jojea Kwizera wavukiye Bukavu muri DR Congo, akaba avuka kuri se w’Umunyarwanda (yitabye Imana) nyina akaba ari we ukomoka muri DR Congo, yamaze guhamagarwa mu ikipe y’igihugu Amavubi.

Undi mukinnyi ni rutahizamu wa Bugesera FC, Ani Elijah uheruka gusaba kuba yahabwaga ubwenegihugu bw’u Rwanda, amakuru avuga ko yamaze kubona ibyangombwa.

Amakuru agera ku kinyamakuru ISIMBI ni uko na we umutoza Frank Spittler yamushimye ndetse abona muri ba rutahizamu afite uyu abarusha, ndetse akaba yamaze kumuhamagara mu bakinnyi azifashisha muri iyi mikino yo mu kwezi gutaha.

Amavubi byari byitezwe ko na Noam Emeran wanyuze muri Manchester United ubu akaba ari muri Groningen mu Buholandi yahamagarwa ariko hakaba hari ibitararangira neza. Undi ni Johan Kury wa Yverdon Sport FC mu Busuwisi ariko akaba ataratangira gukina kubera ko ari bwo agikiruka imvune.

Jojea Kwizera ukina mu cyiciro cya kabiri Leta Zunze Ubumwe za Amerika yamaze kwemra gukinira u Rwanda

Ani Elijah yahamagawe mu Mavubi

Ubu buhamya yabutangiye mu rugo rw'Impinganzima mu Karere ka Rusizi ku wa 8 Gicurasi 2024, mu gikorwa cyo kwibuka ku nshuro ya 30 Jenoside yakorewe Abatutsi.

Uyu mubyeyi umaze amezi ane, ageze mu rugo rw'Intwaza zo mu Karere ka Rusizi, Jenoside yabaye afite imyaka 39. Yari umugore ufite umugabo n'abana barindwi ariko aba bose babishe muri Jenoside asigarana umwana umwe nawe waje kwicwa n'indwara.

Ku ikubitiro, Interahamwe yamwiciye mu maso umwana we. Yakomeje kwihishahisha ahantu hatandukanye harimo mu kibindi, mu muvure, no mu bihuru no mu giti.

Ubwo yari yihishe mu giti nibwo umugore wari mu gitero cyasahuye amateke munsi w'urugo yakubise umugabo wa Ayinkamiye witwaga Kayinamura Oscar agafuni arapfa.

Abicanyi bakomeje kubahiga bukware, Interahamwe zifata abana be batatu ari bazima zibashyira mu cyobo zirenzaho itaka.

Ati 'Mureke mvuge. Mu myaka 30 aho nari ndi nagiraga ubwoba ngo nintanga ubuhamya baranyica. Nagiraga ubwoba ngo inzu ndimo barayintwikiramo ariko noneho Kagame yampaye aho nduhukira reka nibohore'.

Ayinkamiye amaze amezi ane mu rugo rw'Impinganzima. Avuga ko ubuzima abayemo muri uru rugo burimo kuba bafite abakozi babitaho, bakabamesera, bakabatekera, bakabavuza bwatumye abasha gushyira umutima hamwe, bituma atinyuka ashobora gutanga ubuhamya bw'ibyo yanyuzemo mu gihe cya Jenoside.

Mu bantu bo mu muryango we bishwe muri Jenoside harimo umuryango yari yarashatsemo n'umuryango avukamo. Yibuka ko nyirabukwe bamurashe amasasu atandatu barangije bamwambura imyenda nk'uko babikoreraga uwo bicaga wese.

Ati 'Umugore witwaga Nyirabukima, bamaze kumwica, umusore araza amusesekamo umushito uhinguka mu mutwe.'

Ayinkamiye ashimira ingabo z'Inkotanyi zahagaritse Jenoside yakorewe abatutsi, zikanasubiza inyuma abacengezi bari bongeye gutera igihugu mu 1996, ati 'Nimukomere ku muheto tubafatiye iry'iburyo'.

Minisitiri w'Uburinganire n'Iterambere ry'Umuryango, Dr Uwamariya Valentine wari uhagarariye Umuryango Unity Club Intwararumuri yahumurije abasaza n'abakecuru basigaye bonyine nyuma y'uko abo mu miryango yabo bishwe muri Jenoside yakorewe abatutsi, abasaba gukomeza gutanga umusanzu mu kubaka igihugu nubwo bakuze.

Ati 'Uru ni urugo rugendwa n'abantu batandukanye barimo n'abakiri bato mufite inshingano yo kubiba urukundo n'ubumwe mu babasura. Tubasaba kutiheba kuko burya iyo wihebye ni nk'aho ubuzima buba bwarangiye'.

Abasaza n'abakecuru basigaye bonyine, iyo bageze mu rugo rw'Impinganzima barema imiryango mishya bamwe bakabera bagenzi babo ababyeyi. Kubera ko bose baba bakuze, iyo hagize utabarubaka, abasigaye basigarana inshingano yo gukomeza kwibuka abo mu muryango w'uwapfuye kugira ngo amazina yabo atibagirana.

Urugo rw'Impinganzima rwo mu Karere ka Rusizi ni rumwe mu ngo enye z'Intwaza ziri mu Rwanda. Rutuyemo abasaza n'abakecuru 37 baturutse mu turere turimo Rubavu, Rutsiro, Karongi, Nyamasheke, Rusizi na Gakenke.

Intwaza zibutse ku nshuro ya 30 Jenoside yakorewe Abatutsi

Bwa mbere mu myaka 30, Ayinkamiye yatanze ubuhamya bw’ibyo yanyuzemo muri Jenoside

Minisitiri Uwamariya yasabye Intwaza gukomeza gutanga umusanzu mu kubaka igihugu

Umuhanzi The Ben avuga ko ibyo murumuna we Green P yatangaje mu minsi ishize ko ntacyo ajya amufasha atari byo.

Umuraperi Green P yagiye yumvikana avuga ko nubwo mukuru we yamaze kubaka izina mu muziki ndetse benshi bakaba bazi ko ari umukire, ngo we nta kintu amufasha ngo abe yatera imbere muri muzika ye.

The Ben yavuze ko iyo yumvise ibintu nk’ibyo bimubabaza cyane kuko biba bitandukanye n’ukuri, gusa ngo Green P ni umuntu uzi ubwenge unazi uko ategura ibintu bye.

Ati “Birambabaza kuko ntabwo ari ko kuri, ariko na none ntabwo wabuza abantu kuvuga. Green ni umunyabwenge, Green afite ukuntu ategura ibintu bye, njyewe iyo nje nka mukuru we mba nje kumubwira icyiza, ikibi nubwo na we aba bizi, ariko biba ari ukumushyigikira.”

Yakomeje avuga ko banafitanye imishinga migari yiteze ko izatanga umusaruro muri uyu mwaka.

Ati “Dufite ibintu byinshi turi gutekereza twakora yaba we ku giti cye cyangwa ibyo twakorana kandi nzi ko uyu mwaka bigomba gutanga umusaruro.”

The Ben yemeje ko koko afitanye indirimbo na murumuna we Green P izasohoka vuba nk’uko uyu muraperi na we yari aherutse kubitangaza ko kuri EP ye yenda gushyira hanze hazaba hariho indirimbo yakoranye na The Ben.

The Ben yavuze ko ibyo Green P yavuze amubeshyera

Mu 2011 ni bwo Guverinoma y'u Rwanda yafashe icyemezo cyo gutangiza gahunda Mbonezamikurire y'Abana Bato, ECD, mu kugabanya imirire mibi ndetse n'ibibazo bijyanye n'igwingira ry'abana.

Aha abana bararerwa ariko bakanakangurirwa ubwonko ku buryo hakoreshejwe integanyanyigisho yagenwe n'Ikigo cy'igihugu gishinzwe imikurire no kurengera umwana, NCDA.

Gusa raporo y'umugenzuzi Mukuru w'Imari ya Leta ya 2022/2023 igaragaza ko ingo mbonezamikurire 90 basuye, basanze zitarasuzumwe ngo zihabwe ibyangombwa bizemerera gukora, hari ikibazo cyo kutabona amazi meza yo kunywa, 90% zidafite ubwiherero, ndetse n'abarezi bake cyane.

Umuyobozi Mukuru wa NCDA, Ingabire Assoumpta ubwo yisobanuraga imbere ya PAC kuri uyu wa 8 Gicurasi 2024, yagaragaje ko uru rwego rucyiyubaka ku buryo hari ibintu bakora mu buryo bwa cyimeza.

Ati 'Muratubabarira natwe rurimo kwiyubaka tunubaka imikorere ihamye ariko navuga ko isuzuma rikorwa mu buryo bwa cyimeza. Hari ugusuzuma izo ngo ariko cyane cyane hariya hubakwa.'

Perezida wa PAC, Depite Muhakwa Valens ati 'Ubwo se bikorwa na nde? Ntekereza wenda ko hari ubumenyi bw'ibanze mwakabaye muha abo bagenda bagakora isuzuma. Iyo muvuze ngo mukora isuzuma mu buryo bwa cyimeza ni ukuvuga ko nta mikoranire ihari.'

NCDA ibarura abana barenga miliyoni 1.1 bari mu ngo mbonezamikurire. Abari mu ngo mbonezamikurire z'icyitegererezo bagera ku bihumbi 32, abo mu ziri ku bigo by'amashuri ni ibihumbi 400, bangana na 38%, abana barererwa mu ngo mbonezamikurire zo ku nzego z'ibanze ni ibihumbi 90% bangana na 8%.

Ni mu gihe abarererwa mu ngo mbonezamikurire zikorera mu ngo z'abaturage barenga ibihumbi 500, bangana na 51%.

Ingabire yagaragaje ko ingo mbonezamikurire zikorera mu ngo zugarijwe n'ibibazo byinshi.

Ati 'ECD dufite zakira abana 78% by'abana bagomba kujya mu ngo mbonezamikurire ntabwo bose babona serivisi neza uko bagomba kuzibona, icyo dukora ni ugushakisha ibikoresho bikaboneka, tugahugura ababitaho.'

Yagaragaje ko amahugurwa ahabwa bake bitewe n'ubushobozi bwabonetse. Aha kandi ngo integanyanyigisho bateguriye izi ngo mbonezamikurire usanga zibitse mu tubati.

Ati 'Integanyanyigisho dukoresha natwe rwose iyo dusuye usanga ziri mu kabati, izindi ziri aho zidakoreshwa cyane cyane izikorera mu ngo.Tunavuga ko uwaba umufasha w'abana [care giver] hari ubumenyi bw'ibanze yakabaye afite, wenda yarize amashuri abanza, tukamuha ubumenyi kuko kwita ku bana ntabwo bisaba ubumenyi buhambaye cyane.'

Depite Mukabalisa Germaine yagaragaje ko imikorere y'izi ngo mbonezamikurire irimo ibibazo byinshi.

Ati 'Turi kubaza ngo ko hari ECD zifite integanyanyigisho zibitse mu kabati na we urabyemeje, turabibaza nde? Ni mwe turi kubibaza. Kubera iki zibitse mu kabati? Aho bagomba kutugerera ni ha handi hasi mu turere, kuko ibyo muri kutubwira ni byiza ni na bya bindi abagenzuzi bagiye kureba ariko basanga bidakora. Ni nde utari gukora inshingano agomba gukora?'

Depite Jeanne d'Arc Uwimanimpaye yunzemo agaragaza ko imikorere y'ingo mbonezamikorere igoye cyane ku buryo hari n'izikora ari uko baza gusurwa n'abayobozi batandukanye.

Ati 'Ni nyinshi, kandi inyinshi ntizikora neza, ziri mu mibare. Twigeze kuzisura ariko aho twazisangaga batubwiraga ko bakora rimwe mu cyumweru, na ya rimwe ugasanga ari uko babimenye ko abadepite bahagera, aho babuza abana bakabeshya ngo dusanze batashye.'

Hari izishobora gufungwa

Ingabire yatangaje ko uretse ingo mbonezamikurire z'icyitegererezo, izo mu mashuri n'izindi zifashwa na LODA zikora neza, izikorera mu ngo harimo izo bazagenzura bakareba uko zakuzuza ibisabwa cyangwa zigafunga.

Ati 'Ubundi izitujuje ibisabwa byo zanafungwa ariko izindi tukazifasha zikabyuzuza zikabona kongera kwakira abana. Kuko kugira ngo umwana ajye mu muhanda anyane mu murima n'umubyeyi, agende ahure n'umuvu yaba ari muri urwo rugo.'

Ingabire yagaragaje ko iziba zifite ibyago byo gufungwa ari izikorera mu ngo aho abaturage bashobora gutora umuntu ufite urugo rufite inzu iri mu manegeka ku buryo byashyira abana mu kaga batatuma bakomeza kujyayo.

Ati 'Niba inzu idafite ubwiherero ugasaba burya n'ubwo bamutoye nta bwiherero yari afite ubwo se wowe wayihagumisha? Wabanza ukamufasha akabushyiraho mbere y'uko yakira abana.'

Ingo mbonezamikurire mu gihugu hose zigeze ku bihumbi 31.482, muri zo izirenga ibihumbi 25 zibarizwa mu ngo zitandukanye z'abantu.

Ingabire ati 'Tugiye gukorana n'ubuyobozi bw'uturere izi zagaragaye ko zifite ibibazo n'izo dusanzwe tuzi zifite ibibazo tuzisure turebe ngo ese turazifasha zuzuze ibisabwa cyangwa turaba tuzifunze, abana turebe izindi ECD byegeranye bajyamo?'

Raporo y'umugenzuzi w'Imari ya Leta ya 2022/2023 igaragaza ko hari ingo mbonezamikurire 2.226 zikora ariko zidafite icyangombwa kizemerera gukora.

Kugeza ubu hari gukorwa ubugenzuzi mu ngo mbonezamikurire zose ku buryo bitarenze muri Kamena 2024 bazaba bazi neza imiterere ya buri rugo n'ibikenewe ngo rubashe gutanga uburezi n'uburere ku bana bose.

Hari ingo mbonezamikurire zikora zidafite ibyangombwa

Umukozi wagonzwe n'iyo modoka yitwa Furaha. Iyi mpanuka yamuhitanye yabaye ku wa Gatatu tariki 8 Gicurasi 2024.

Iyi mpanuka yaturutse ku kuba uyu mukobwa yari avuye mu modoka ya Ritco asohokamo ku ruhande hari indi modoka y'iki kigo nayo iri gusubira inyuma ngo iparike iramuhutaza agwa hasi kuko yasubiraga inyuma agwa mu gice ipine yari kunyuramo ihita imugonga akomereka cyane bamugeza kwa muganga yapfuye.

Umuvugizi wa Polisi y'u Rwanda Ishami Rishinzwe Umutekano wo mu muhanda, SP Emmanuel Kayigi yemeje aya makuru y'iyi mpanuka, avuga ko byaturutse ku bumenyi buke bw'uwari uri guparika iyi modoka kuko nta burenganzira yari afite bwo gutwara ibinyabiziga.

Yagize ati “Mu gihe cya Saa Moya n'iminota 20 mu Kagari ka Bugoyi Umurenge wa Gisenyi muri Gare ya Gisenyi habaye impanuka y'imodoka ya Ritco yakozwe na Gakire Regis, ubwo yaparikaga neza yasubiye inyuma agonga umukozi wabo ukata amatike arakomereka cyane, ageze kwa muganga yitaba Imana.”

“Impanuka yatewe n'ubumenyi buke kuko atariwe usanzwe uyitwara. Inama ni uko ntawe ukwiye gukina n'imodoka kuko iba yatwara ubuzima bw'abantu cyangwa igakomeretsa. Ibi bireba n'abashoferi basiga kontaki mu modoka ba kigingi bagasigara baparika.”

Polisi y'Igihugu ishishikariza abantu kumva neza gahunda ya Gerayo Amahoro ikubiyemo ingamba zitandukanye zirimo kugenzura iyubahirizwa ry'amategeko n'amabwiriza y'umuhanda, kwigisha no gukorana n'abafatanyabikorwa mu kunoza imikoreshereze y'imihanda mu gihugu.

Ni gahunda yibanda ku gushishikariza abakoresha umuhanda kumva ko umutekano wo mu muhanda ari inshingano za buri wese, bagira indangagaciro zo kwirinda icyateza impanuka aho kiva kikagera kugeza bibaye umuco.

Uyu musaza yasanzwe amanitse mu nzu ye yapfuye, mu murenge wa Shangasha, akagari ka Shangasha ho mu mudugudu wa Kabeza.

Amakuru atangwa n'abaturanyi b'uyu muryango avuga ko byamenyekanye mu masaha y'umugoroba wo kuri uyu wa 08 Gicurasi 2024, ubwo yari abonywe n'umwuzukuru we basanzwe babana mu nzu yapfiriyemo.

Umukozi ushinzwe imari n' ubutegetsi muri uyu murenge wa Shangasha Twizerimana Tharcise yemereye IGIHE iby'aya makuru.

Ati”Yego nibyo. Ni Umusaza w'imyaka 84 twasanze amanitse yapfuye ariko ntituramenya ikibyihishe inyuma, yabonywe n'umwuzukuru we ubwo yari avuye ku kazi, amubonye ahita atabariza abaturanyi natwe turahagera”.

Umurambo wa Nyakwigendera wajyanywe gukorerwa isuzuma ku bitaro bya Byumba, mu gihe hagikorwa iperereza kuri urwo rupfu.

Izo sosiyete ni Dar Al-Handasah, Bugesera Airport Company (BAC), Airport and Travel Logistics (ATL), DG Jones, ndetse na Mota Engil Africa. Abayobozi n'abakozi bazo bakaba bakoreye igikorwa cyo kwibuka mu Murenge wa Gashora mu Karere ka Bugesera ku wa 08 Gicurasi 2024, ndetse banasura Urwibutso rwa Jenoside rwa Gashora rushyinguwemo imibiri y'Abatutsi 5229.

Umuyobozi watanze ubutumwa mu izina ry'izo sosiyete zose, Muheto Jules Ndenga, yavuze ko kuba izo sosiyete zafashe uwo mwanya wo kwibuka ari uguha agaciro Abatutsi basaga miliyoni bishwe mu 1994, ndetse no gukomeza abarokotse bakibutswa ko batari bonyine.

Ati ''Uyu munsi twe nk'abubaka Ikibuga Mpuzamahanga cy'Indege cya Bugesera, turifatanya n'Abanyarwanda bose tuzirikana abishwe muri Jenoside yakorewe Abatutsi, uyu mi wo mwanya wacu wo kubereka ko ari ab'agaciro kuri twe no ku gihugu cyacu twese.'

''Ndihanganisha cyane abarokotse Jenoside yakorewe Abatutsi, duhora dufatanya namwe, hari ibindi bikorwa bizakurikira tuganira n'abayobozi b'umurenge byo kubafasha, ariko tukazagira umunsi wabyo twagize igikorwa cyo gutanga inka.''

Iki gikorwa cyo kwibuka kandi cyaranzwe na gahunda zitandukanye, aho hanatanzwe ibiganiro bigaruka ku mateka y'itegurwa n'ishyirwa mu bikorwa rya Jenoside yakorewe Abatutsi, hanagarukwa ku bunyamaswa bukabije yakoranwe mu Karere ka Bugesera.

Umukozi wa Ibuka mu Murenge wa Gashora watanze ikiganiro, Kanani Venuste, yavuze ko Jenoside yakorewe Abatutsi mu 1994 hari abitwaje ko yakozwe kubera ihanuka ry'indege ry'uwari Perezida w'Igihugu, Juvénal Habyarimana ibyo akaba ari urwitwazo, kuko nk'Abatutsi bo mu Karere ka Bugesera no mu myaka ibanziriza icyo gihe nko mu 1990 bicwaga.

Ibi kandi byongeye gushimangirwa na Ntivuguruzwa Aciel warokotse. Yari afite imyaka 22 y'amavuko ndetse akaba yari atuye muri Gashora ubwo jenoside yabaga.

Yavuze ko mu 1994 ari mu bahungiye kuri Komine Gashora bahizeye ubutabazi kuko bari barahahungiye no mu 1992 ubwo hageragezwaga jenoside muri ako gace ntibagire icyo baba, ariko ntibibe ari ko bigenda mu 1994 kuko benshi bahunganye na we bishwe.

Ati ''Nta handi twatekereje, twatekereje kuza hano hahoze ari Komine Gashora […] kuko no mu 1992 habaye igeragezwa rya jenoside aba ari ho duhungira, ariko icyo gihe ababashije kuhahungira ntacyo babaye mu 1992, ni yo mpamvu ari ho twatekereje ko nituhagaruka biri bumere nk'ubushize ko ntacyo tuzaba.''

''Ku itariki ya 08 Mata mu 1994 mu gitondo batugabyeho ibitero, ariko byari ibitero byo kutica ahubwo ari ibyo kugenda basahura uwo bahuye mu nzira bakamukubita, yari gahunda yo kugira ngo bahurize abantu hamwe hano kuri komine kugira ngo bizanaborohere gusohoza imigambi yabo (yo kwica Abatutsi bahahungiye).''

Ntivuguruzwa yashimiye Perezida Paul Kagame wafashishe abarokotse bakiyubaka bakajya no mu mashuri. Ubu Ntivuguruzwa Aciel ni umugabo wubatse, akaba n'umuforomo mu Bitaro bya Kaminuza bya Kigali [CHUK].

Umuyobozi Wungirije w'Akarere ka Bugesera ushinzwe Imibereho Myiza y'Abaturage, Imanishimwe Yvette, na we yagarutse ku mwihariko w'uko Akarere ka Bugesera kakorewemo ibikorwa bibi byo gutoteza no kwica urubozo Abatutsi guhera mu 1959, kuko hatari ibikorwa remezo ndetse hakaba n'isazi za tsetse zaryaga abantu bakanapfa, akomoza ku kuntu Abatutsi bahazanwaga ngo zibice.

Ati ''Amateka atubwira ko kubera ubutegetsi bubi bwaranze repubulika ya mbere n'iya kabiri mu Rwanda, umugambi wa jenoside mu Karere ka Bugesera watangiye mu myaka ya 1959 aho Abatutsi bavanwe mu bice bitandukanye by'igihugu bagashyirwa muri Bugesera hatari ibikorwaremezo hari imibereho mibi ndetse n'isazi ya tsetse kugira ngo bicwe n'imibereho mibi.''

''By'umwihariko kandi muri Bugesera dufite amateka ko habaye igeragezwa rya jenoside mu Ukwakira 1992 Abatutsi benshi baricwa bahasiga ubuzima, batwikirwa inzu, banyagwa inka zabo barasahurwa batwarwa imitungo yabo, ariko kandi ntabwo yari igerageza kuko ntawe ugerageza yaca abantu, ahubwo na yo yari jenoside ubwayo.''

Imanishimwe Yvette, yashimiye ubuyobozi buriho ko bwahinduye amateka y'u Rwanda ndetse no muri Bugesera by'umwihariko, none ubu aka karere kakaba karahinduriwe ayo mateka mabi kakaba kari gutera imbere ku rwego kari no kubakwamo Ikibuga Mpuzamahanga cy'Indege cya Bugesera.

Yanashimiye ubuyobozi bwa sosiyete ziri kucyubaka buri kugira uruhare no mu iterambere ry'ako karere, by'umwihariko abushimira inkunga ya miliyoni 12,6 Frw yo kugura inka 18 zizorozwa abarokotse, bunatanga asaga miliyoni 1 Frw yo kubungabunga Urwibutso rwa Jenoside rwa Gashora.

Abitabiriye iki gikorwa basabwe kwimakaza gahunda ya Ndi Umunyarwanda

Abayobozi n’abakozi ba Sosiyeye zubaka Ikibuga cy’Indege cya Bugesera bibutse abishwe muri Jenoside yakorewe Abatutsi

Muri iki gikorwa hanacanwe urumuri rw’icyizere

Abayobozi bitabiriye iki gikorwa bashyize indabo ahashyinguwe abazize Jenoside yakorewe Abatutsi mu 1994, mu Rwibutso rwa Jenoside rwa Gashora

Umuyobozi Nshingwabikorwa w’Umurenge wa Gashora, Umulisa Marie Claire yitabiriye iki gikorwa

Umukozi wa Ibuka mu Murenge wa Gashora watanze ikiganiro, Kanani Venuste, yavuze ko na mbere ya 1994 Abatutsi bicwaga

Umuyobozi watanze ubutumwa mu izina ry'izo sosiyete zose, Muheto Jules Ndenga, yavuze ko kuba izo sosiyete zafashe uwo mwanya wo kwibuka ari uguha agaciro Abatutsi basaga miliyoni bishwe mu 1994

Umuyobozi wungirije w’Akarere ka Bugesera ushinzwe Imibereho Myiza y’Abaturage, Imanishimwe Yvette, yashimiye sosiyete eshanu zatanze inkunga yo gufasha abarokotse no kubungabunga Urwibutso

Amafoto: Kwizera Hervé