Author: webrwanda

Amakuru dukesha itangazamakuru ryo muri Uganda avuga ko Gen Muhoozi yakiriye Gen Mubarakh Muganga ku meza, mu musangiro wabaye mu ijoro ryo ku wa Gatandatu tariki 25 Gicurasi mu 2024, mu gace ka Kisaasi ahazwi nka 'Ndere Cultural Center'.

Uyu musangiro kandi witabiriwe n'Umugaba w'Ingabo za Uganda zirwanira ku butaka, Lt Gen Kayanja Muhanga, Umuyobozi Mukuru ushinzwe Ubutasi n'Umutekano muri Uganda, Maj Gen James Birungi n'abandi bayobozi.

Ni umuhango waranzwe n'imbyino gakondo zo muri Uganda ndetse no gusangira amafunguro yo muri iki Gihugu, nk'uburyo bwo kwiyibutsa isano y'amateka iri hagati y'ibi bihugu.

Wabanjirijwe n'ibiganiro aba basirikare bakuru bombi bahuriyemo ku manywa yo kuri uwo munsi.

Uru ruzinduko ruje rukurikira urwo itsinda ry'u Rwanda ryari riyobowe n'Umugaba w'Ingabo z'u Rwanda zirwanira ku Butaka, Maj Gen Vincent Nyakarundi, ryagiriye muri icyo gihugu muri Mata 2024 rikakirwa na Gen Kainerugaba, baganira ku ngingo zitandukanye z'ubufatanye n'ibibazo by'umutekano muke mu Karere.

Gen. Kainerugaba akaba n'umuhungu wa Perezida Yoweri Museveni, yagaragaje kenshi ko u Rwanda na Uganda ari ibihugu by'abavandimwe, bityo ko bikwiye guhahirana, ababituye bakagenderana nta mbogamizi bahura na zo.

Gen Muhoozi na Gen Mubarakh Muganga, ubwo bageraga ahabereye uyu musangiro

Gen Muhoozi asuhuza abarimo Umuyobozi Mukuru ushinzwe Ubutasi n’Umutekano, Maj Gen James Birungi

Uru rubyiruko ruhugurwa ibijyanye n'ikoranabuhanga muri ALX Rwanda rwasuye ibice bitandukanye bigize uru rwibutso ndetse rusobanurirwa amateka y'u Rwanda, agaruka ku buryo umugambi wa Jenoside wacuzwe, urategurwa unashyirwa mu bikorwa kugeza mu 1994, ubwo Abatutsi barenga miliyoni bicwaga.

Nyuma yo kwerekwa amateka, uru rubyiruko rwashyize indabo ku mva ziruhukiyemo imibiri y'inzirakarengane z'Abatutsi basaga ibihumbi 250 bashyinguwe muri uru rwibutso.

Abitabiriye uyu muhango banahawe ibiganiro bitandukanye bigaruka kuri aya mateka ashaririye igihugu cyanyuzemo, urugendo rwo kwiyubaka ndetse banacana urumuri rw'icyizere nk'ikimenyetso cy'ahazaza hazira amacakubiri.

Muri ibi biganiro, Umuvugizi w'Urwego rw'Igihugu rw'Ubugenzacyaha RIB, Dr Murangira B. Thierry yashishikarije uru rubyiruko kumenya amateka y'igihugu no gukoresha ikoranabuhanga mu kuyasakaza kuko aribwo buryo buzabafasha kurwanya abayagoreka basigaye biyambaza imbuga nkoranyambaga.

Ati 'Dukeneye gukoresha ikoranabuhanga dushyiraho inkuru z'ukuri mu kurwanya imyumvire mibi. Ibi kandi twabitangira uyu munsi, Ingengabitekerezo ya Jenoside ikwirakwizwa binyuze ku mbuga nkoranyambaga, dukwiye gufata iya mbere mu kwiyigisha ubwacu kugira ngo twigishe n'abandi, tumenye amateka yacu, ubwo nibwo buryo bwadufasha kurwanya ibinyoma n'icengezamatwara iryyo ari ryo ryose.'

'Urundi ruhare rwawe nk' urubyiruko ni ukwirinda kuba mu matsinda adafite ishingiro ntukagwe mu moshya yo gukwirakwiza amakuru atari ukuri cyangwa y'ibihuha.'

Uhagarariye ALX mu Rwanda, Nimie Chaylone Uwurugwiro yavuze ko intego y'igikorwa nk'iki cyo kwibuka ni gusura urwibutso ari ugufasha urubyiruko ruhugurwa n'iki kigo muri rusange kubona amasomo bajya kwigisha bagenzi babo batagize amahirwe yo kugera aho amateka y'u Rwanda ari ndetse ubu batahanye umukoro wo guhangana n'abagoreka amateka y'igihugu.

Ati 'Uru ruzinduko rwari rugamije kunamira abazize Jenoside yakorewe Abatutsi 1994 ndetse no gufasha urubyiruko dufite gukomeza kumenya amateka y'igihugu tunarushaho kurwanya ingengabitekerezo ya Jenoside aho yaba iri hose cyane cyane aho igaragara kumbuga nkoranyambaga.'

'Icyo twize ni uko ibyabaye bidakwiye kongera kuba ndetse ko twe nk'urubyiruko tuba dufite urahare runini mu kurwanya ibintu byose byatuma ibintu nk'ibi byongera kubaho. Urwo ruhare ni ukwigisha amateka yaranze igihugu cyacu nyayo tunarwanya abapfobya Jenoside yakorewe Abatutsi mu 1994.'

ALX Rwanda ni ishuri rishamikiye kuri ALX Africa rigamije guteza imbere impano mu by'ikoranabuhanga ndetse no kurema abayobozi beza b'ejo hazaza.

Iri shuri ryigisha amasomo y'ubumenyingiro mu bijyanye n'ikoranahunga nk'isesenguramakuru (Data Analytics), Data Science, Cloud Computing, Salesforce administrator na Software Engineering.

Abagize ALX Rwanda bunamiye abarenga ibihumbi 250 bashyinguwe ku Rwibutso rwa Jenoside rwa Kigali ku Gisozi, banashyira indabo ku mva

Abakozi n'urubyiruko rwo muri ALX Rwanda bibutse ku nshuro ya 30 Jenoside yakorewe Abatutsi mu 1994

Basuye ibice bitandukanye by'uru Rwibutso rwa Jenoside rwa Kigali

Dr Murangira B Thierry yasabye urubyiruko rwa ALX Rwanda kwirinda kujya mu matsinda atubaka cyangwa ataruhesha agaciro

Umuvugizi w'Urwego rw'Igihugu rw'Ubugenzacyaha (RIB), Dr Murangira B. Thierry, yashishikarije uru rubyiruko kwiga no kumenya amateka y'igihugu bahagaranira kuyigisha abatayazi

Nyuma yo gusura Urwibutso rwa Jenoside rwa Kigali, baganiriye ku ruhare rwabo mu kubaka igihugu n’ahazaza hacyo

Uru rubyiruko ruhugurwa na ALX Rwanda mu bijyanye n’ikoranabuhanga rwatahanye umukoro wo gukoresha ikoranabuhanga mu kugaragaza amateka y’u Rwanda, bahangana n’abayagoreka

Amafoto : Nezerwa Salomon & ALX Rwanda

Ni icyemezo cyafatiwe mu nama nkuru y'iri shyaka yigaga ku myitwarire y'abanyamuryango baryo mu bihe byo kwiyamamaza n'iby'amatora, yateranye kuri uyu wa 26 Gicurasi 2024.

Mu kiganiro na IGIHE, Mukabunani yagize ati 'Ni ukugira ngo dushyire imbaraga mu kwiyamamaza ku mwanya w'ubudepite, aho kugira ngo dutatanye imbaraga; hamwe dushyire kuri Perezida, ubundi ku badepite. Twavuze ngo reka dushyire imbaraga ku kwiyamamariza ubudepite.'

Mukabunani yasobanuye ko mu gihe kiri imbere, uko imbaraga z'iri shyaka zizaba ziyongera, ari bwo rizafata umwanzuro wo gutanga umukandida ku mwanya wa Perezida.

Hari amashyaka yamaze gufata icyemezo cyo gushyigikira umukandida w'ishyaka FPR Inkotanyi, Paul Kagame, gusa Mukabunani we yasobanuye ko abanyamuryango ba PS Imberakuri bazagira amahitamo yabo bwite.

Ati 'Twebwe ntabwo dufite umukandida tuzashyigikira. N'abakandida bose ntituranabamenya. Reka abantu bazabanze biyamamaze, hanyuma umuntu wese mu Imberakuri azajya areba uko abantu biyamamaje, uwo bazashyigikira ari we bazatora.'

PS Imberakuri isanzwe ifite abadepite babiri mu Nteko Ishinga Amategeko y'u Rwanda; Mukabunani na Niyorurema Jean-Rène. Mukabunani yatangaje ko kuri uyu wa 27 Gicurasi 2024 barageza kandidatire 80 kuri Komisiyo y'Igihugu y'Amatora.

Ku mwanya w'Umukuru w'Igihugu, hamaze gutangwa kandidatire eshatu: iya Paul Kagame uhagarariye FPR Inkotanyi, Dr Frank Habineza wa DGPR (Green Party) n'umukandida wigenga, Manirareba Herman. Hari abandi babiteganya barimo Mpayimana Philippe wahatanye mu matora yo mu 2017.

Abarwanashyaka ba PS Imberakuri bafashe icyemezo cy’uko iri shyaka ritazagira umukandida rishyigikira

Mu 2022 nibwo Repubulika ya Congo yatangaje ko yatije u Rwanda ubutaka bungana na hegitari 12 000 zishobora kubyazwa umusaruro mu buhinzi, nk'umusaruro w'uruzinduko Perezida Paul Kagame yagiriye i Brazaville.

Nyuma ingano y'ubu butaka yaje kongerwa igera kuri hegitari 92 996, burimo ubungana na hegitari 51.223 buri ahitwa Kidamba n'ubugera kuri hegitari 41 773 buri ahitwa Louvakou.

Nyuma y'igihe, iki cyemezo cya Repubulika ya Congo cyatangiye gukurura umwuka mubi mu baturage, bavuga ko ubutaka bw'igihugu cyabo bwagurishijwe, ibintu byatumye Kiliziya Gatolika ibyinjiramo nk'urwego rufite ijambo rikomeye muri iki gihugu.

Inama y'Abasenyeri muri iki gihugu yahise yaka uburenganzira bwo guhura na Minisitiri w'Intebe wa Congo, Anatole Collinet Makosso ndetse barabuhabwa, ku wa Gatanu tariki 24 Gicurasi mu 2024 bagirana ibi biganiro.

Muri ibi biganiro byitabiriwe n'abandi bagize Guverinoma bagera kuri barindwi, aba basenyeri beretswe amasezerano y'imikoranire u Rwanda rufitanye na Congo ku bijyanye n'ubu butaka. Ni ibiganiro byamaze amasaha abiri n'igice.

Aba basenyeri nyuma yaho kandi babonanye na Ambasaderi w'u Rwanda muri Repubulika Iharanira Demokarasi ya Congo.

Nyuma y'ibi biganiro Inama y'Abasenyeri muri Repubulika ya Congo yasohoye itangazo ivuga ko 'Amasezerano Congo yagiranye n'u Rwanda muri Mata mu 2022 atagamije guha, kugurisha cyangwa komeka ubutaka bwa Congo k'u Rwanda.'

Iri tangazo rikomeza rivuga ko aba basenyeri basabye Minisitiri w'Intebe 'gushyira mu ruhame ibijyanye n'aya masezerano, ku bw'inyungu z'imikorere iciye mu mucyo, no gutanga amakuru.'

Aba basenyeri basabye abaturage 'kwirinda ibihuha no gukekeranya kwa hato na hato kuko bishobora guhungabanya amahoro n'ituze muri rubanda.'

Muri Werurwe mu 2024 abashoramari barenga 30 baturutse mu Rugaga rw'Abikorera mu Rwanda (PSF), basuye ubu butaka, hagamijwe kureba uko bwabyazwa umusaruro.

Bakigera muri iki gihugu bahawe ikaze na Ambasaderi w'u Rwanda muri Congo Brazzaville, Mutsindashyaka Théoneste, waberetse ko gukorera muri iki gihugu ukabona umusaruro ushimishije bishoboka, bityo ko badakwiriye kugira impungenge.

Ati 'Kubera umubano mwiza w'ibihugu byacu ndetse n'uw'abakuru b'ibihugu byombi, twagize amahirwe Leta ya Congo iratwizera, idutiza ubutaka kugira ngo tububyaze umusaruro. Mugomba kubishyiraho umutima ndetse n'imbaraga kugira ngo duteze imbere u Rwanda na Congo.'

Bibarwa ko Congo Brazzaville ifite nibura hagati ya hegitari miliyoni 10 na 12 z'ubutaka bushobora gihingwa, gusa ubungana na 5% ni bwo bukoreshwa mu buhinzi butanga ibyo kurya ku baturage.

Ibindi bihugu byahaye u Rwanda ubutaka birimo Djibouti, Tanzania, Kenya, Misiri ndetse na Guinée Conakry ishobora gufata icyemezo nk'iki mu minsi mike iri imbere.

Inama y'Abasenyeri muri Kiliziya Gatolika ya Congo yashyigikiye icyemezo cya Leta y'iki gihugu cyo gutiza ubutaka u Rwanda

Bizumuremyi  Radjabu usanzwe ari umutoza wa Etincelles FC ndetse akaba yari ahagarariye ikipe ya Scandinavia WFC yasohowe mu nteko rusange nyuma yaho ikipe ye itakarije ubunyamuryango bwa FERWAFA.

Ibi byabaye hashize iminota 37 inteko rusange itangiye, aho umuyobozi wa FERWAFA yabajije niba nta munyamuryango uributakaze ubunyamuryango bigendanye n’uko amatekegeko abivuga. 

Umunyamabanga wa FERWAFA Kalisa, yavuze ko ikipe ya Scandinavia WFC ihagarikwa cyangwa se itakaza ubunyamuryango bwa FERWAFA. 

Umunyamabanga yakomeje avuga ko ikipe ya Scandinavia WFC itigeze yitabira shampiyona ya 2021-22, 2022-23 na 2023-24 kandi amategeko akaba avuga ko ikipe imaze imyaka 3 ititabira amarushanwa ya FERWAFA ihita itaza ubunyamuryango.

Ibyo bikimara kuba, Bizumuremyi Radjabu wari waje ahagarariye ikipe ya Scandinavia WFC yasabwe gusohoka mu nteko rusange kugira ngo   atange umwanya, ndetse Inteko rusange ikomeze. Bizumuremyi Radjabu yahise yisohokera nk’uko byari bisabwe. 

Iyi nteko rusange ya FERWAFA yitabiriwe n’abanyamuryango 41 kuri 58 bemewe, gusa Scandinavia WFC ikaba yahise ivamo

Mu butumwa bw'amashusho yasangije abamukurikira yongeyeho ishimwe yatewe no kuba yaratumiwe muri Oxford ati'Nk'umuntu ukiri muto wifuza gukomeza kwiyungura ubumenyi, byari iby'icyubahiro kugira icyo mvuga.'

Uyu mukobwa yari yatumiwe mu Nama y'Abanyafurika biga n’abize muri Oxford ya 2024, agaragaza ko byari iby'umugisha.

Ati'Nagize amahirwe yo gusangiza abagize uyu muryango amasomo menshi y'inkuru y'abanyarwanda y'imyaka 30 ishize.'

Yakomeje agaruka ku buryo yibajije uko akwiye kubyaza umusaruro amahirwe y'imbonekarimwe yari abonye.

Mu buryo bwe ati'Ubwo nakiraga ubutumire byaranejeje kubasha kubona ahantu nkaha ho kuvugira ariko na none nagizemo n'ikibazo nibaza ni iki cyo kubagezaho n’uko mfite kubikora.'

Mutesi Jolly yagarutse ku nkuru itangaje y'uburyo yasabwe kugaruka ku birebana n'imideli ariko we agasaba ko byibuze yagaruka ku ngingo abona ikwiye kuba igarukwaho y'ejo hazaza ha Afurika.

Uyu mukobwa mu kiganiro yatanze yagarutse ku mateka ya Jenoside yakorewe Abatutsi muri 1994.

Asobanura impamvu yo kugaruka kuri iy'ingingo ko yabihereye ku kuba mu 2050 bitewe n'uburyo Abanyafurika bakomeje kwiyongera bazaba bagize kimwe cya Kane cy'abatuye Isi yose bityo ko bakwiye kuba bazi amateka nkaya.

Avuga ko kumenya amateka ari mu rwego rwo kugira ngo bazabe bunze ubumwe icyo bashyize imbere ari icyabateza imbere kurusha icyabatandukanye.

Yumvikanishije ko imiyoborere iboneye ya Perezida Kagame n'ubuhanga aribyo byatumye u Rwanda rwongera  kwiyubaka byihuse.

Kandi ko nubwo Afurika atari igihugu ariko ari byiza ko abatuye uyu Mugabane baba bafite icyerekezo kimwe kiganisha ku iterambere rirambye kurusha kwicamo ibice.

Muri Mata 2024 ni bwo inkuru yamenyekanye ko uyu mukobwa azajya gutanga ikiganiro muri Oxford.

Inama yatanzemo ikiganiro ikaba yaramaze iminsi ibiri guhera ku wa 24 kugera ku wa 25 Gicurasi 2024.

Ku munsi wa mbere uyu mukobwa yagaragaye yasazwe n'ibyishimo ari kumwe na Raila Odinga, umunyabigwi muri politike ukomoka muri Kenya.

KANDA HANO UREBE UNUMVE IKIGANIRO CYOSE

“>

Mutesi Jolly yavuze ko nk’umuntu ubarizwa mu bwiza n’imideli aribyo abantu bakumva yitsaho ataribyo yahisemo ahubwo yagarutse ku rugendo rwo kwiyubaka rw’u Rwanda mu myaka 30 ishizeMutesi Jolly ku munsi wa mbere w’Inama yishimiye guhura na Raila Odinga umaze kwiyamamaza ubugira 5 kuyobora Kenya byanga 

U Rwanda kimwe n'Isi bishyize imbere gahunda y'uburezi kuri bose ndetse hagiye hashyirwaho gahunda zitandukanye zituma abana bose bashobora kwitabira amashuri ku gihe.

Imibare ya Minisiteri y'Uburezi (MINEDUC) yashyizwe ahagaragara kuwa 23 Gicurasi 2024 igaragaza ko abana binjiye mu mashuri mu mwaka w'amashuri wa 2022/2023 ari 94.3% ugereranyije n'abagejeje igihe cyo kwiga, mu gihe mu mwaka wari wabanje bari 87.3% bigaragagaza izamuka rya 7%.

Hatagendewe ku myaka abinjira mu ishuri bafite, ni ukuvuga abantu binjira mu mashuri bafite imyaka irenze iyagenewe kwiga mu cyiciro runaka, abanyeshuri bo mu mashuri abanza bitabiriye ishuri baragabanyutse, kuko bavuye kuri 141.5% mu 2022 bagera kuri 141.2% mu mwaka wa 2023.

Minisitiri w'Intebe Dr Edouard Ngirente ubwo yagezaga ku Nteko Ishinga Amategeko imitwe yombi raporo ku byerekeye guteza imbere urwego rw'uburezi, ku wa 18 Mata 2024, yagagaragaje ko gahunda yo kugaburira abana ku mashuri yagize uruhare mu guteza imbere imibereho y'abanyeshuri, ndetse bamwe bari bararitaye barigarukamo.

Yagize ati 'Gahunda yo kugaburira abana ku ishuri, yagize uruhare rugaragara mu guteza imbere imirire y'abana bituma babasha gukurikira neza amasomo yabo. Ubuhamya turabufite ndetse n'abagarutse ku mashuri bari barayataye kubera iyo gahunda yo kugaburira abana ku mashuri.'

Mineduc igaragaza ko mu mwaka wa 2023 abanyeshuri bataye ishuri bavuye kuri 8.5% mu mwaka wa 2021/2022 bagera kuri 6.8% mu mwaka w'amashuri wa 2022/2023.

Iyi mibare igaragaza ko abanyeshuri bo mu mashuri abanza baritaye bangana na 5.5%, mu gihe abo mu cyiciro rusange [Tronc Commun] bagera ku 10.5%. Abo mu mashuri yisumbuye bataye ishuri bangana na 4.5%.

Bimwe mu bibazo bigaragazwa nk'ibigikura abana mu mashuri harimo amakimbirane mu miryango, ubukene n'ibindi bibazo byugarije imiryango.

Hari n'imiryango ishinjwa kutita ku burezi bw'abana babo ku buryo basiba amasomo bakabareka kugeza igihe batakaye bigatuma bacika intege ntibongere gusubirayo.

Umwalimu muri Kaminuza y'u Rwanda, Dr Alexander Ngenzi yabwiye IGIHE ko kubona hari abanyeshuri bagita amashuri bikomoka ku myumvire y'ababyeyi bamwe badatera imbaraga abana babo mu gihe biga ku buryo hari n'abadakurikirana imyigire yabo.

Ati 'Abana benshi bashobora kuva mu ishuri kubera ko badashyigikirwa n'ababyeyi babo bitewe n'amateka. Ntabwo ari ikibazo cy'ubukene, ntabwo ari ikibazo cy'imirire. Hagomba kubaho ubushake, kandi ntabwo ubushake bwaboneka hatabonetse umuntu ugusunika, agutera imbaraga avuga ati 'mwana wanjye ntucike intege'. Akenshi abana bava mu ishuri baba bari mu cyiciro nk'icyo bavuga ngo papa se ubundi ko abayeho, atunze ibintu byinshi kandi yatureze kandi atarize?'

'Hariho n'ababyeyi usanga batareba ku ndangamanota z'abana babo, we agaheruka umwana ajya kwiga wamubaza ngo uti ese amanota yagize ni angahe? Ugasanga ntayo azi. Ubwo uwo mwana yasubiramo amasomo? We ariga yabona amanota abaye make ejo ntajyeyo umubyeyi na we akicecekera bikarangira avuyemo ejo n'undi akavamo gutyo.'

Imibare y'Ikigo cy'Igihugu cy'Ibarurishamibare NISR yagaragaje ko mu 2023 abangavu batewe inda bari hagati y'imyaka 10 na 19 barenga ibihumbi 19, nyamara bari mu myaka yo kwiga.

Dr Ngenzi avuga ko ababyeyi bakwiye guha agaciro uburezi n'uburere bw'abana babo kuko ari wo munani ukomeye bazabasigira, uzatuma bibeshaho mu gihe u Rwanda rushyize imbere ubukungu bushingiye ku bumenyi.

Umwaka w'amashuri wa 2022/2023 wasojwe mu Rwanda hari amashuri 4923, arimo aya Leta 1556, ayigenga aterwa inkunga na Leta yari 2077 mu gihe ayigenga yari 1209.

Abanyeshuri basoje umwaka w'amashuri wa 2022/2023 mu mashuri ya Leta bari 1,725,647, barimo abahungu 862,398 mu gihe abakobwa bari 863,249.

Mu mashuri yigenga afashwa na Leta bari 2,299,765, barimo abahungu 1,129,641 na ho abakobwa ari 1,170,124 mu gihe mu mashuri yigenga ho hari abanyeshuri 431,007 barimo abahungu 217,357 na ho abakobwa bakaba 213,650.

Mu bice bitandukanye by’igihugu hubatswe amashuri afasha abana kubona uburezi

Abana bata amashuri mu bice bitandukanye ahanini bikomoka ku babyeyi baterara iyo

Byabaye kuri uyu wa 24 Gicurasi 2024 mu mudugudu wa Kirara akagari ka Gasambya ho mu murenge wa Ruvune.

Amakuru yatanzwe n'abatuye mu mudugudu wa Kirara, avuga ko nyakwigwendera kuwa Kane hari umuturage bari bagiranye amakimbirane.

Umunyamabanga nshingwabikorwa w'umurenge wa Ruvune, Beningoma Oscar yagize ati 'Nibyo, yishwe, hacyekwa ko yishwe azize imyitwarire mibi irimo urugomo n'ubujura'.

Ubuyobozi bw'umurenge wa Ruvune bwemeje ko iperereza ku bamwishe ryatangiye gukorwa mu gihe umurambo we wajyanywe ku bitaro bya Byumba gukorerwa isuzuma.

Ni igikorwa cyabaye kuri uyu wa Gatandatu tariki ya 25 Gicurasi 2024, ubwo hasozwaga umuganda w'uku kwezi. Ibikorwa by'umuganda byabereye mu Kagari ka Mahango mu Murenge wa Kibungo, ahakozwe umuhanda muri site y'imiturire iherutse gushyirwaho.

Abakozi ba Jibu kuva ku buyobozi bukuru bifatanyije n'abaturage mu gusibura umuhanda ari nako hakorwa n'ibindi bikorwa bitandukanye.

Nyuma y'umuganda imiryango ijana yahawe amacupa arimo n'amazi meza akorwa n'uru ruganda.

Umuyobozi Mukuru wa Jibu, Tuyisenge Bruno, yavuze ko impamvu bakoranye umuganda n'abaturage ari ukugira ngo bafatanye nabo mu bikorwa by'iterambere.

Ati ' Impamvu rero twahisemo guha abaturage ijana amacupa, ni uko tubizi ko hari abantu benshi bagifite imbogamizi y'intambwe ya mbere, bakavuga ngo nafashe icyemezo naguze amazi bwa mbere, iyo ikaba ariyo mbogamizi rero ubu niyisanga afite icupa arumva ko bitagoye gukomeza kugura amazi yacu neza.'

Tuyisenge yavuze ko indi mpamvu bahisemo gutanga amacupa ari uko babonye ko hari icyo amazi batanga afasha abaturage harimo kubarinda kurwaragurika n'ibindi byinshi.

Yavuze ko bazakomeza ibikorwa byiza byinshi bazajya bakorera mu baturage mu rwego rwo kubafasha kunywa amazi meza no kwirinda indwara.

Mukampangaje Diane utuye mu Mudugudu wa Kacyiru mu Kagari ka Mahango mu Murenge wa Kibungo, yavuze ko yagorwaga no guteka amazi yo kunywa ngo kuko inkwi zihenze cyane.

Ati ' Ubu rero bizanyorohera kuko umuryango wanjye uzajya ubasha kunywa amazi meza kandi n'ubuzima bwabo bubashe kugenda neza. Twanywaga amazi mabi kubera ubunebwe bwo kuyateka no kubura inkwi, ubu rero ya mafaranga twakaguze inkwi tuzajya tuyakoresha mu kuzana amazi meza ya Jibu.'

Bikorimana Oreste utuye mu Murenge wa Remera mu Kagari ka Kinunga, yavuze ko yishimiye guhabwa amazi meza n'icupa ryayo.

Yavuze ko kunywa amazi meza byamugoraga cyane kuko byasabaga kuyateka rimwe na rimwe inkwi zikabura.

Mukabarakare Clementine utuye mu Murenge wa Rukira yavuze ko umwana we yajyaga arwara inkorora n'ibicurane kubera kunywa amazi mabi.

Ati ' Ubu agiye kunywa amazi meza anayajyane ku ishuri kuburyo izo ndwara zitazongera kumwibasira.'

Umuyobozi w'Akarere ka Ngoma wungirije ushinzwe imibereho myiza y'abaturage, Mukayiranga Groliose, yashimiye Jibu ku gikorwa cyiza yakoze cyo gutanga amacupa y'ubuntu ku baturage benshi.

Yavuze ko bizafasha abaturage benshi mu kunywa amazi meza binabarinde indwara zitandukanye ziterwa n'umwanda.

Umuyobozi Mukuru wa Jibu yabanje gukorana umuganda n'abaturage

Abakozi ba Jibu babanje gukorana umuganda n'abaturage

Abaturage ijana bahawe amacupa ya Jibu ku buntu

Visi Meya Mukayiranga Groliose, yashimiye Jibu ku kuba yahaye amacupa arimo amazi abaturage