Author: webrwanda

Ni ingingo yagarutseho kuri uyu wa Gatanu tariki ya 24 Gicurasi 2024, mu gikorwa cyo Kwibuka ku Nshuro ya 30 Jenoside yakorewe Abatutsi, cyateguwe na Minisiteri y'Ubucuruzi n'Inganda, MINICOM, n'ibigo biyishamikiyeho bya RICA na RSB.

Iki gikorwa cyahurijwe hamwe n'icyo kwibuka abahoze ari abakozi ba Minisiteri y'Ubucuruzi, Inganda n'Ubukorikori, MICOMART, kikaba cyaratangirijwe ku Rwibutso rwa Jenoside rwa Ruhanga ruherereye mu Karere ka Gasabo, Umurenge wa Rusororo.

Senateri Mupenzi George, yatanze ikiganiro, agaruka ku buryo Abanyarwanda mbere y'ubukoloni bari babayeho bakundana, basabana, bafite imyemerere imwe n'ibindi bigaragaza igihango cy'ubumwe bari bafitanye.

Yavuze ko nyuma babibwemo urwango n'abakoloni binageza kuri Jenoside yatwaye ubuzima bw'abarenga miliyoni imwe.

Yavuze ko n'ubwo Jenoside yateguwe ikanashyirwa mu bikorwa ariko abayikoze batageze ku mugambi wabo wo gutsemba burundu Abatutsi, kuko ingabo za RPA zatabaye.

Yifashishije umugani ugira uti 'Umwishi w'u Rwanda ntiyarwambaye umugoma'.

Nyiraneza Cecile wari warashakanye na Ibambasi wari uhagarariye MICOMART muri Nyamagabe ahahoze ari Gikongoro, yagarutse ku itotezwa umugabo we n'abandi bakoranaga b'Abatutsi bakorerwaga.

Yavuze ko nk'iyo batindaga gusoza inshingano zabo, byasabaga ko bajya kwisobanura kuri perefegitura cyangwa kuri jandarumori.

Ati 'Twabayeho ubuzima aho bwacyaga ukibaza niba buri bwire, bwakwira ukibaza niba buri bucye'.

Umugabo we yaje koherezwa gukorera i Gatandara muri Cyangugu ari naho yaje kwicirwa muri Jenoside.

Umuyobozi Mukuru w'Ikigo cy'Igihugu gishinzwe Ubuziranenge, RSB, Murenzi Raymond yavuze ko 75% by'abakozi b'iki kigo bari munsi y'imyaka 35, bityo bafite akazi gakomeye ko gukomeza ibikorwa byo Kwibuka.

Yavuze ko umwanya wo kwibuka abazize Jenoside yakorewe Abatutsi ari icyomoro, bigabanya agahinda ariko kandi bigakomeza imiryango yabuze ababo.

Komiseri muri Ibuka, Ndatsikira Evode, yagarutse ku kamaro ko gufata igihe cyo kwibuka avuga ko 'kwibuka bidufasha guhangana n'ingaruka za Jenoside'.

Yashimiye MINICOM ko kuva 2017 itajya isiba gukora iki gikorwa, anayisaba gukomeza gufasha abayirokotse.

Ministiri w'Ubucuruzi n'Inganda, Prof. Ngabitsinze Jean Chrysostome, yahumurije ababuze ababo muri Jenoside yakorewe Abatutsi, asaba ko amateka y'u Rwanda agomba kubera abayobozi n'abakozi bakorana, ubumenyi bwiza butagira ahandi bubonwa.

Senateri Mupenzi George yavuze ko abateguye Jenoside icyo bifuzaga ari ukwica Abatutsi bakabamara

Ministiri w'Ubucuruzi n'Inganda, Prof. Ngabitsinze Jean Chrysostome, yahumurije ababuze ababo muri Jenoside yakorewe Abatutsi, asaba ko amateka y'u Rwanda agomba kubera abayobozi n'abakozi bakorana, ubumenyi bwiza butagira ahandi bubonwa

Umuyobozi Mukuru wa RSB, Murenzi Raymond yafashe mu mugongo abarokotse Jenoside

Nyiraneza Cecile ari kumwe n’umwana we, yatanze ubuhamya bw’inzira y’umusaraba ku mugabo we Ibambasi wakoreraga MICOMART

Mfizi Edouard uhagarariye imiryango y’ababuze ababo bakoreraga MICOMART, yashimiye MINICOM ibafasha mu isanamitima

Umuyobozi Mukuru wa RICA Dr. Mark Cyubahiro Bagabe yihanganishije abarokotse Jenoside biciwe ababo bakoraga muri MICOMART

Komiseri muri IBUKA, Evode Ndatsikira yavuze ko kwibuka ari uguha agaciro abishwe muri Jenoside yakorewe Abatutsi

Abitabiriye igikorwa cyo Kwibuka bafashe umunota wo Kwibuka abazize Jenoside yakorewe Abatutsi

Abakozi ba MINICOM, RICA na RSB bari bitabiriye igikorwa bose

Abakozi ba MINICOM,RICA na RSB basobanuriwe amateka ya Jenoside yakorewe Abatutsi ubwo basuraga urwibutso rwa Ruhanga

Aba baturage bifuza ko mu gasentere ka Batsinda ari ho hashyirwa ayo matara kuko haba urujya n'uruza rwinshi rw'abantu ku buryo mu gihe bambuka umuhanda abatwara ibinyabiziga batubahiriza uburenganzira bw'umugenzi mu mwanya ugenewe abanyamguru (zebra crossing).

Aha ngo abagenzi bahaca babisikana n'ibinyabiziga ari byo bijya bitera izo mpanuka za hato na hato.

Umwe mu bacururiza mu isantere ya Batsinda utifuje ko amazina ye atangazwa, yabwiye IGIHE ko akunze kubona impanuka z'abanyamaguru bagongerwa n'abamotari n'abanyonzi muri 'zebra crossing' banze guhagarara ngo babanze bambuke.

Yagize ati 'Usibye abatwara imodoka bahagaraga abagenzi bakambuka, abandi ntabwo bubahiriza amategeko y'umuhanda'.

Uyu mucuruzi yongeyeho ariko ko bamwe mu banyamaguru bagongwa babiterwa no kwambuka umuhanda batabanje kwitegereza neza bakitwaza gusa ko bari muri zebra crossing, akabona ibyo byakemurwa no kuhashyira amatara afasha kwambuka.

Imibare itangwa n'Ubunyamabanga Nshingabikorwa bw'Akagari ka Kagugu igaragaza ko aka kagari gatuwe n'abaturage ibihumbi 81 kakaba ari ko ka mbere gatuwe cyane ugereranyije n'utundi mu Gihugu.

Gafite kandi ibindi bikorwaremezo byinshi nk'amashuri n'ibikorwa by'ubucuruzi byose bigira uruhare mu kongera urujya n'uruza rw'abanyamaguru bakoresha umuhanda.

Abatuye n'abakoresha umuhanda Kagugu-Gasanze uca mu Kagari ka Kagugu mu Murenge wa Kinyinya mu Karere ka Gasabo barasaba gushyirirwaho amatara afasha abanyamaguru kwambuka umuhanda

Kuri iki cyumweru nibwo ikipe ya Kiyovu Sports yakoze inkeko rusange, yagombaga guhindura amategeko ndetse no kuzuza inzego z’iyi kipe. Ubwo iyi nteko rusange yabereye kuri Hotel ya Chez Lando yendaga gutangira, bamwe mu bayobozi ba Kiyovu Sports babonye uwahoze ari umuyobozi w’ikipe ahageze nawe yitabiriye inteko rusange.

Uyu muyobozi akigera ku muryango yahasaze abagabo bari barindishijwe bamubwira ko atemerewe kwinjira.Mvukiyehe Juvenal yabaye nk’usubira inyuma yicara ku ruhande hashize nk’iminota 50 inteko rusange ihita itangira.

Mvukiyehe Juvenal amaze guhezwa hanze yahise ajya kwiyicarira muri Resitora ya Hotel Chez Lando 

Juvenal aganira n’itangazamakuru yavuze ko ababajwe cyane no kuba yangiwe kwitabira inteko rusange kandi ari umunyamuryango. 

Yagize Ati” Njye ndababaye cyane nje hano nk’umunyamuryango ariko birangiye bambujije kwinjira. Mbajije impamvu bari kumpagarika, bambwira ko ngo bategereje urutonde ariko byari ukubeshya kuko urwo rutonde batanaruzanye.”

Juvenal yakomeje avuga ko yari yitabiriye inteko rusange kugira ngo atongera kuvugwa nabi nk’uko mbere ngo byabaye ataje. Yagize Ati” Yego mfite ikipe ariko ni iyubucuruzi ntabwo ari iy’umuryango bivuze ko itambuza kuba umunyamuryango wa Kiyovu Sports. Ikindi nifuzaga kuza mu nteko rusange kuko hari ibintu byinshi biba bivugirwamo, akenshi usanga bingarukamo ku buryo uhari wagira icyo wisonanuraho.

Inteko rusange y’ubushize ntabwo nari mpari, ariko yavuzwemo ibintu byinshi bimvugwaho kandi atari ukuri, mbese naje aha kugirango hatagira uwongera kuntemeraho itaka, akavuga ibitajyanye n’ukuri”.

Mvukiyehe Juvenal yabaye umuyobozi wa Kiyovu Sports igihe kigera ku myaka 3 kuva muri Nzeri 2020 kugera muri 2023 ndetse akaba yarafashije iyi kipe kuba iya kabiri muri shampiyona inshuro 2 zikurikiranya.

Juvenal nyuma yo gutanga ikiganiro yafashe umwanzuro aritahira

Kuri iki cyumweru tariki 26 Gicurasi, nibwo ikipe ya Kiyovu Sports yakoze inteko rusange yatorewemo ubuyobozi bushya. Ni inteko rusange yatinze gutangira ukurikije igihe cyari giteganyijwe kuko yatangiye ku isaha ya saa 16:00 pm mu gihe yari gutangira saa 14:00 pm. 

Inteko rusange igitangira ubuyobozi bwose bwari bufite iyi kipe, byasabwe kwegura kugira ngo hatorwe abandi. 

Ubwo amatora yabaga, Nkurunziza David usa nkaho ari mushya mu matwi y'abakunzi ba Kiyovu Sports, niwe watorewe kuyobora ikipe ya Kiyovu Sports akaba yungirijwe n'uwo bita Karangwa.

Inkuru idambuye ni mukanya..

Kiyovu Sports yabonye umuyobozi mushya witwa Nkurunziza David uvuye muri Canada

Nkurunziza David yatorewe kuba perezida wa Kiyovu Sports mu nama y’Inteko rusange idasanzwe yabereye i Remera mu Mujyi wa Kigali.

Iyi Nteko rusange yagombaga gutangira saa munani, yaje gutangira hafi saa kumi, mbere y’uko itangira abanyamuryango basabye Mbonyumuvunyi Karim wari perezida na Muhire Jean Claude wari visi perezida ko begura hakaza amaraso mashya, akaba ari nako byagenze baregura maze batora David.

Nyuma y’igenda rya Juvenal, Nkurunziza yari umaze igihe kinini afasha Kiyovu Sports mu bikorwa bitandukanye by’umwihariko mu buryo bw’amafaranga.

David watorewe kuyobora Kiyovu Sports mu gihe cy’imyaka 3, yahigitse Hakizimana Ally bari bahanganye.

Visi Perezida wa mbere yabaye Karangwa Joseph wari usanzwe uyobora inama y’ubutegetsi mu gihe Visi Perezida wa kabiri yabaye Mbarushimana Ally.

Umunyamabanga wa Kiyovu Sports yakomeje kuba Karangwa Jeannine, umunyamategeko akomeza kuba Maitre Mugabe Fidéle mu gihe umucungamutungo akomeza kuba Makuta Robert.

Mbere y’uko kandi iyi nteko rusange iba, hagaragaye ikibazo cy’uko Mvukiyehe Juvenal wahoze ayobora iyi kipe yageze ahagombaga kubera Inteko Rusange ariko yangirwa kwinjira, bamubwira ko atabyemerewe.

Nkurunziza David yatorewe kuba perezida wa Kiyovu Sports

Byabaye kuri iki Cyumweru tariki ya 26 Gicurasi 2024.

Amakuru dukesha Radio Rwanda avuga ko iyi nkongi y'umuriro yibasiye ubu bubiko mu rukerere mu masaha ya kumi za mu gitondo kugeza ahagana Saa Sita z'amanywa ubwo Ishami rya Polisi rishinzwe Kuzimya inkongi ryari rimaze kuzimya uyu muriro wose.

Iyi nkongi y'umuriro yibasiye ibice bibiri bigize ubu bubiko birimo ahabikwa ibicuruzwa byinjiye mu Rwanda mu buryo bwemewe n'amategeko ndetse n'ibyambutse umupaka mu buryo bwa magendu byose bikaba byahiye bigakongoka.

Agaciro k'ibyangirikiye muri ubu bubiko ntikaramenyekana kuko ibarura rigikomeje.

Umucuruzi Ntibankunze Gaspard ukura ibicuruzwa muri Uganda wari afitemo imifuka 50 y'akawunga, yavuze ko yahaje mu masaha ya mu gitondo kuyireba asanga hari gushya ndetse ubutabazi bwatangiye gukorwa.

Yavuze ko iyi nkongi y'umuriro yamuteye igihombo.

Ati 'Nta kintu nasigaranye ibyo nari mfite byahiriyemo hano. Umushoramari wa hano niba yari afite ubwishingizi wenda ashobora kugira icyo azadukorera'.

Iyi nkongi y'umuriro kugeza ubu ntiharamenyekana icyayiteye.

Mu gihe aha hakirirwaga ibicuruzwa biva muri Uganda hahiye, inzego bireba zatangiye gutekereza ubundi buryo bwaba bukoreshwa harimo no kuba ibicuruzwa byajya byakirirwa ku isoko nyambukiranyamipaka rya Cyanika riri hafi kugira ngo ubuhahirane budahagarara.

Polisi y'u Rwanda yahise itabara itangira kuzimya

Ibicuruzwa byarimo byahiye birakongoka

Ntiharamenyekana neza agaciro k'ibyatikiriye muri iyi nkongi

Imirimo yo gukoresha ubu bubiko bwa MAGERWA yabaye ihagaze

Amafoto: RBA

Ubuyobozi bw'Impuzamiryango iharanira guteza imbere ibikorwa by'urubyiruko, Rwanda Youth Organization Forum- RYOF, bwatangije iyi gahunda, bwatangaje ko bwifuza ko izajya iba buri mwaka, intego rusange ari ugukomeza kubaka u Rwanda ariko bigizwemo uruhare runini n'abakiri bato.

Ubwo hakorwaga uru rugendo rwa mbere, gahunda yahurijwe hamwe n'urugendo mpuzamahanga rw'amahoro rwari rubaye ku nshuro ya 11, rutegurwa n'Umuryango uharanira amahoro no kurwanya intambara ku Isi, Heavenly Culture, World Peace, Restoration of Light- HWPL.

Uru rugendo rwabereye i Kigali ku wa Gatandatu tariki ya 25 Gicurasi 2024, rwari ruri no kubera mu mujyi myinshi itandukanye mu mpande zose z'Isi.

Niyodusenga Xavier, ni umwe mu rubyiruko rwari rwitabiriye uru rugendo. Mu masomo yiga harimo n'amateka. Yagaragaje ko ari ingenzi ko igikorwa nk'iki kiba buri mwaka ariko anasaba ko hashyirwa ingufu nyinshi mu myigishirize y'amateka y'u Rwanda mu mashuri.

Ati 'Ntabwo tuyiga nk'uko bikwiriye nko mu wa gatanu isomo rijyanye n'ibya Jenoside niryo rito ugereranyije n'andi. Icyo nasaba ni uko isomo ry'amateka y'u Rwanda ryahabwa umwanya munini kuko nk'iyo twiga ibyabaye mu Burayi tubyiga hafi igihembwe cyose, mu gihe irindi turyiga icyumweru.'

Nyuma y'uru rugendo, abari barwitabiriye berekeje ku Rwibutso rwa Kigali, aho baviriwe imuzi amateka y'u Rwanda mu myaka myinshi ishize. Hafashwe umwanya wo kunamira imibiri y'Abatutsi ihashyinguye hanashyirwa indabo ku mva.

Umuyobozi Mukuru wa RYOF, Rwabwera Kellon James, yavuze ko itangizwa ry'iki gikorwa ari ingenzi kuko ari ngombwa ko urubyiruko ruba intwari, rukamenya neza amateka y'igihugu cyabo ariko nanone akubakirwaho mu gukomeza kucyubaka.

Ati 'Ni bagira uruhare mu interambere ry'u Rwanda kurisigasira no kuririnda bizoroha. Tugomba gushyira hamwe kugira ngo twemeze ko kugira ngo twamagane Jenoside n'ingengabitekerezo yayo tugomba kubiba amahoro, tukayasakaza hose ariko bigakorwa n'abato.'

Umuhuzabikorwa muri HWPL, Kim Seongmin, nawe wifatanyije n'uru rubyiruko, yavuze ko iyo hakorwa urugendo rw'amahoro haba hibukwa amabi yabaye, ariko hanarebwa uko abantu bahuza imitima bagakomeza kubaka ibyiza.

Ati 'Kenshi urubyiruko rwibasirwa n'amabi, na Koreya niko byayigendekeye. Uhitamo si urubyiruko, ariko ushyira mu bikorwa ni urubyiruko. Ibyo bivuze ko ufite imbaraga ari urubyiruko kugira ngo rugire icyo rukora. Ubu nibo bafite ubushobozi bwo guhitamo kubaka amahoro. Ndatekereza rero ko urubyiruko ari ingenzi cyane muri byinshi.'

Impuzamuryango RYOF, ihuriwemo n'imiryango y'urubyiruko 36 igizwe n'abanyamuryango basaga ibihumbi 10. Uru rugendo rwabaye ku nshuro ya mbere rwitabiriwe n'abasaga 120.

Uru rugendo rwatangirijwe ahazwi nko ku Kinamba mu Mujyi wa Kigali, rugana ku Rwibutso rwa Jenoside ruri ku Gisozi

Uru rugendo rwabaye ku nshuro ya mbere rwitabiriwe n'abasaga 120

Hafashwe umwanya wo gushyira indabo ku mva rusange zishyinguyemo imibiri y’Abatutsi basaga ibihumbi 250

Umuyobozi Mukuru wa RYOF, Rwabwera Kellon James, yavuze ko hagomba kubakirwa ku mateka hakubakwa u Rwanda rwiza

Niyodusenga Xavier, yasabye ko umwanya ugenerwa amasomo y’amateka y’u Rwanda mu mashuri wakongerwa

Mukashyaka Peace, yavuze ko uru rugendo rwamwibukije ko ari umukoro we kwigisha bagenzi be amateka nyakuri y’u Rwanda