Author: webrwanda

Mu Rwanda ntabwo kubona bene uwo mwari cyangwa umutegarugori bikiri inkuru, noneho mu rwego rw'imari, na cyane ko iyo uraranganyije amaso ku ma banki n'ibindi bigo ubona koko umusaruro wo kubasubiza agaciro bambuwe imyaka n'imyaka.

Ni na ko bimeze kuri Jeanne-Françoise Mubiligi kuri ubu uyoboye Urugaga rw'Abikorera mu Rwanda, PSF urugaga rubumbatiye ibihumbi by'ibigo by'ubucuruzi bifite agaciro ka za miliyari..

Uyu mubyeyi umaze kuba ikimenyabose mu Rwanda, burya ngo si mushya mu bijyanye no kwikorera kuko yakuze abitozwa n'ababyeyi be bari bafite ibigo by'ubucuruzi, akurira muri uwo mujyo ndetse ubu ni umwe muri ba rwiyemezamirimo bakomeye igihugu gifite.

Mubiligi yatangiye kuyobora PSF muri Gashyantare 2023, nyuma yo kwegura kwa Robert Bafakulera wari uyiyoboye.

IGIHE yagiranye ikiganiro kirambuye n'uyu mubyeyi usanzwe ari Umuyobozi Mukuru w'Ikigo gikora imirimo y'ubwubatsi cya E.M.P Ltd, agaragaza urugendo rwe muri iyi mirimo n'aho abona urwego rw'abikorera mu myaka 30 iri imbere.

IGIHE: Ntabwo ari kenshi twumva abagore mu rwego rw'ubwubatsi. Ni gute wowe wisanzemo?

Mubiligi:Ni urwego nakuriyemo. Nakuriye mu muryango w'abikorera bakora ubwubatsi. Ni umurimo nakuze mbona buri munsi, naba ndi mu biruhuko n'ahandi. Ni umurimo nakuze nkunda.

Ababyeyi bawudutoje kare kuko akenshi batujyanaga mu bikorwa babaga barimo, nkura numva mfite umurava wo gukomeza urugendo batangiye.

Nsoje amashuri nakoreye ikindi kigo cyari mu ishoramari ariko nyuma nza kugaruka nkorera icy'umuryango na cyo kiri mu bwubatsi.

Jeanne-Françoise Mubiligi agaragaza ko ibijyanye no kwihangira imirimo yabitojwe akiri muto

Mu bindi bihugu usanga bahererekanya ibigo mu bisekuru. Mu Rwanda ntibikunze kubaho, ubona biterwa n'iki ?

Si mu Rwanda gusa ahubwo ni mu bihugu byinshi bya Afurika. Turacyafite ibibazo byinshi tugomba gukemura, ha handi ubona ko ibigo by'ubucuruzi byinshi bitarenga mu gisekuru cya kabiri.

Mu by'ukuri ni imyumvire ibitera. Bisaba kubitegura kuko bitegurwa kare, ukabitekereza kare. Uyu munsi turi kubona ko no mu Rwanda ari ibintu kiri gutekerezwaho nko mu nzego z'abikorera.

Tubitekerezaho, turabiganira n'ibindi bigo by'umucuruzi bifitwe n'imiryango.

Aho kandi na gahunda z'igihugu zibidufashamo kuko nk'amategeko agenda ajyaho, cyane ko hifuzwa ko ibigo biba binini (corporates).

Ibyo biba bisaba ko ibyo bigo bigira umurongo bigenderaho, bikagira inama y'ubutegetsi ifatika kandi yuzuye, ibyo byose bituma icyo kintu kizashoboka.

Ntabwo cyashobokaga mbere k'uko ibigo byinshi byari iby'abantu ku giti cyabo, bakaba ari bo bamenya ibyo bigo, babizi hafi mu mutwe, bazi n'uko babiyobora. Kubihererekanya rero byaravunaga kuko bitabaga bifite uburyo byubatswe buzwi.

Mbere kubona umugore uri mu bwubatsi byafatwaga nk'amahano. Ubu haracyari imyumvire ikumira umugore muri ibi bikorwa ?

Birumvikana iyo myumvire yari ihari ndetse n'ubu hari aho ikiri, icyakora igenda igabanyuka.

Byarashobokaga ko iyo twajyaga gusura imirimo y'ubwubatsi iri kubera kuri site zitandukanye, kugera aho iherereye biruhije, abantu bakumva ko kubera uri umuyobozi uri n'umugore, utari buhagere.

Bakumva ko utari bwambare izo bote cyangwa ngo ushyiremo ingofero z'ubwubatsi ujyane n'abandi. Ubu uko imyaka igenda itambuka n'uko abagore bagenda bagarara muri iyi mirirmo, iyo myumvire yarahindutse.

Uyu munsi dufite ibigo by'ubwubatsi by'abagore bakora iyo mirimo, bakabiyobora, bagakorana n'abandi kandi bikagenda neza.

N'ubushake bwo kuyobora burazamuka kuko nk'ubu mu matora ashize y'urugaga twabashishe kubahiriza 30% by'abagize ubuyobozi bw'urugaga kugeza ku rwego rwa karere.

Ubundi PSF uyoboye ikora gute?

PSF ubundi ihuriza hamwe abikorera baturutse mu nzego zitandukanye. Ifite amahuriro agera kuri 76, yibumbiye mu mashami (clusters) atanu adufasha guhuza ibikorwa.

Niba hari abari muri serivisi z'Ikoranabuhanga, Ubukerarugendo n'ibindi tukabahuriza hamwe. Ayo mashami aba no mu nama y'ubutegetsi ya PSF.

Muri PSF twibanda cyane ku kwita ku banyamuryango bacu no kumenya ibyo bakeneye cyangwa se ibyo bifuza twabakorera. Twita cyane no ku buvugizi bwabo.

Twibanda kandi no gufungura imiryango, kugira ngo abikorera babashe kugera ku masoko ariko banabashe kumenyana n'abandi bo mu bindi bihugu.

Ni gute wisanze mu buyobozi bwa PSF?

Ni urugendo mazemo imyaka igera kuri itandatu. Natangiye ndi umuyobozi w'inama y'ubutegetsi y'ihuriro ry'abagore bikorera, ariko ubu iri muri ya mahuriro.

Ni amahuriro atanu (specialized clusters) ni ihuriro ririmo abagore bikorera, urubyiruko rwikorera n'abafite ubumuga bikorera. Abo rero ni ibyiciro bitatu twibandaho cyane.

Iryo huriro naribayemo, ndibera umuyobozi imyaka ine. Nyuma bongera kuntora ariko banantanga nk'umukandida wo kujya kuyobora urugaga muri rusange.

Icyo gihe rero abagize urugaga bangirira icyizere bantora nka perezida wa mbere wa PSF. Nyuma y'umwaka mba umuyobozi w'agateganyo wa PSF.

Ni ibiki ubona byagezweho kubera ubufatanye mufitanye na leta?

Ni byinshi imikoranire n'ubuyobozi ni ibintu tubamo buri munsi ariko ndavuga kuri bitatu.

Mu gihe Covid-19, yari irimbanyije, habayeho ibiganiro na leta bijyanye no kwiga uko imirimo itahagarara.

Byafashije cyane abagize urugaga kuko bemenye umurongo bagenderaho, bakomeza gukora.

Ikindi ni ikijyanye no guhindura amategeko arimo n'ajyanye n'imisoro. Ni ubuvugizi tumazemo igihe ndetse buzahoraho.

Mu minsi ishize twishimiye ko hari icyahindutse kuko imisoro yagiye igabanyuka. Umusoro ku nyungu wagabanutseho 2%.

Iy'umuceri ikurwaho binafasha benshi mu bacuruzi bari bafite imbogamizi zijyaye n'ibiciro kandi n'uwo musoro ku nyongeragaciro wiyongeragaho warababangamiraga.

Twabonye impinduka zitandukanye mu bijyanye n'itegeko ry'imisoro twari twarakoreye ubuvugizi igihe kinini ariko kandi tugikomeza kuko ntabwo aho twifuzaga kugera twari twahagera. Hakozwe byinshi.

Mubona mute gahunda yo kujya gukorera ubucuruzi hanze ? Hari abavuga ko ari uguhunga imisoro

Nubwo tuvuga ngo guhunga umusoro ukajya hanze ntabwo ari byo ariko abifuza gukorera ubucuruzi hanze y'u Rwanda bo turabashyigikiye cyane.

Wamaze gukorera mu Rwanda ukabona biragenda neza, ukaba wajya gushora imari hanze turagushyigikira ariko ntugende uvuga ngo uhunze umusoro kuko izo nzitwazo zo ntabwo ari zo.

Muri iyo gahunda duhera ku gutegura ingendoshuri aho tujyana n'abanyamuryango, tukajya mu bindi bihugu tugahura n'abandi bacuruzi bo muri ibyo bihugu tukaganira.

Haba n'igihe duhuye n'amahuriro yabo. Tugirana amasezarano y'imikoranire yibanda ku gufasha abanyamuryango bacu ku mpande zombi. Tukaborohereza kuza gukora mu masoko yo mu bihugu byacu.

Iyo umunyamuryango wacu agiye mu gihugu dufitanye amasezerano tumuhuza na bo, twaba nta masezerano dufitanye tukagira imikoranire n'inzego zacu za leta nka ambasade agafashwa.

PSF ikomeje kwagura ubufatanye n’izindi ngaga z’abikorera zo mu bihugu bitandukanye

Mujya mufata abanyeshuri b'abahanga ariko bakiri ku ishuri mukabaha akazi?

Birahari kuko mu banyeshuri bake baza kwimenyereza umwuga, iyo ubashije kubona abafata ibyo wabigishije bashoboye akazi ntabwo ubarekura.

Akenshi icyo gihe turabagumana tukazabakira bamaze kwiga. Birasanzwe ariko ntekereza ko bizagira imbara kurushaho gahunda yindi dufite imaze gufata umurongo.

Ni gahunda yo gutegura abanyeshuri cyangwa abakozi b'ejo hazaza bigakorwa mu buryo bunoze. Twarayitangiye ndetse turi mu biganiro bitandukanye kugira ngo twige neza uburyo bwo kumenyereza abanyeshuri tubazamurire ubumenyi.

Imikoranire mufitanye n'ingaga mpuzamahanga z'abikorera zatanze uwuhe musaruro?

Mu by'ukuri izi nama zitandukanye ziba umwanya wo kugira ngo abanyamahanga bumve ibyo dukora natwe twumve ibyo bakora.

Aho rero havuyemo imishinga itandukanye, havuyemo abashaka kohereza serivisi mu mahanga mu nzego zirandukanye nk'ikoranabuhanga, ubugeni n'ibindi.

Hari n'ibyaje mu Rwanda, nko mu minsi ishize hari abashoramari benshi baje, bifuza kuza mu buhinzi ariko bumwe bwa kinyamwuga, bukorerwa ku buso bunini, bufite uburyo bwo kuhira bugezweho. Ubu bufatanye bumaze gutanga umusaruro cyane cyane iyo ugiye uzi icyo ushaka.

Mu mboni zawe ni iki gituma abashoramari b'abanyamahanga bumva u Rwanda nka kimwe mu bihugu bike bibereye ishoramari?

Icya mbere ni aho gukorera. U Rwanda rwakoze cyane ku mategeko ajyanye n'ubucuruzi kugira ngo rufashe kuba rwashorwamo imari ku bwinshi.

Icyiza cyo mu Rwanda imisoro uko yanditse mu mategeko ni ko ibarwa.

Ibyo rero bafasha mu bucuruzi, aho ushobora gutegura umushinga wawe ugendeye ku bintu byanditse mu itegeko. Aho niho bitandukaniye no mu bindi bihugu kuko ho usanga ibyanditswe atari ko bikoreshwa, ibyo rero ni ibituma bagirira icyizere u Rwanda.

Ikindi aho u Rwanda ruherereye ni heza. Nubwo tudakora ku nyanja ariko usanga ibihugu duturanye na byo bifite isoko rigari, kuva hano ujya mu bihugu byo muri Afurika y'Uburengerazuba ndetse no muri Afurika yo Hagati biba byoroshye.

RwandaAir na yo yoroheje ingendo, ikintu cy'ingenzi gishobora gutuma umuntu ashora imari hano. Ikindi ni umutekano mu gihugu cyacu. Wo ni imari itoroshye kubarira agaciro.

Ushaka gushora imara ayishora ahantu hari umutekano. Nta kindi yabinganya ni ibintu byumvikana ko abantu bifuza kuza ku bwinshi kubera wo.

Ubona PSF he mu myaka 30 iri imbere?

Icyo mbona kizaba cyaragezweho muri iyo myaka ni uko ibigo biri mu ihuriro bizaba byariyongereye kandi mu nzego zitandukanye. Tutazaba tutohereza gusa mu mahanga ibicuruzwa, ibi bifatika nk'ikawa ahubwo n'izindi serivisi zijyanye n'ubumenyi mu bintu bitandukanye.

Ikindi icyo gihe ubwo bumenyi buzaba butanakoreshwa mu Rwanda gusa ahubwo bwarafashwe ku rwego mpuzamahanga. Ikindi kubona urwego tuzaba dukoreraho ruzaba ruri ku hejuru.

Umunsi ku wundi abikorera bo mu Rwanda basabwa no kubyaza umusaruro amasoko yo hanze

Aha PSF, Mubiligi ayoboye yari imaze yasinyana amasezerano y’imikoranire n’abikorera bo muri Madagascar

Mu mukino usoza shampiyona ya Handball, Police HC yatsinze APR HC ibitego 24-23 isoza shampiyona idatsinzwe umukino n’umwe.

Ejo hashize ku Cyumweru tariki ya 23 Kamena 2024 ni bwo shampiyona isanzwe (regular season) muri Handball yasozwaga, ubu hakaba hagiye gukurikiraho kamarampaka.

Umukino wari witezwe na benshi ni uwo Police yakinnyemo na APR, nyuma yo gutsinda iyi kipe y’Ingabo z’Igihugu mu mukino ubanza na yo igatsinda iy’abashinzwe umutekano ku mukino wa nyuma wa GMT, byari byitezwe kureba iri butsinde uyu mukino.

Wari umukino utoroshye nubwo amakipe yombi yagiye kuwukina afite itike ya kamarampaka (Playoffs), Police yashakaga gusoza idatsinzwe.

Ni umukino watangiye amakipe yombi arimo agenda yigana ubona ko arimo kugarira cyane byanatumye mu gice cya mbere ibitego birumba.

APR amakosa mato mato yakoraga mu bwugarizi yaje gutuma Police iyabyaza umusaruro iyobora umukino aho yaje kugeza ibitego 7 bafite 4. Ikosa Mbesutunguwe yakoze bakamuha iminota 2 ryaje gutuma APR igabanya iki kinyuranyo maze igice cya mbere kirangira Police ifite 11-10.

Abasore b’umutoza Anaclet bagarutse mu gice cya kabiri ubona bari hejuru cyane bashaka gutsinda umukino.

Baje kuyubora umukino aho banashyizemo ibitego 3 by’ikinyuranyo ariko ibi byaje gukurwamo n’abakinnyi b’umutoza Antoine maze begukana umukino batsinze ibitego 24-23.

Nyuma y’umunsi wa nyuma, Police yasoje ku mwanya wa mbere, muri kamarampaka ikaba izahura na ES Kigomba yabaye iya kane, APR ya kabiri izacakirana na Gicumbi HT ya gatatu. Ni ugutanguranwa imikino 2 muri 3 izitsinze zikaba ari zo zizagera ku mukino wa nyuma.

Kapiteni wa APR, Shaffy ashaka uko acika abarimo Mbesutunguwe na Yves

Wari umukino urimo ishyaka ryinshi cyane

Police byarangiye itsinze umukino

Nyiragasazi yari yaje gushyigikira APR yihebeye

Abafana bo bari benshi cyane

Ibi yabigarutseho kuri iki Cyumweru tariki 23 Kamena 2024, ubwo yari yakomeje ibikorwa bye byo kwiyamamaza mu Ntara y'Uburasirazuba mu karere ka Kayonza i Nyamirama.

Mpayimana Philipe yavuze ko muri siporo y’u Rwanda hakiri icyuho kuko usanga Akagari gakoresha irushwana hakabura n'ibihumbi bitanu by'ishimwe, cyangwa ugasanga n’abayobozi badakurikirana amarushanwa.

Ati” Icyuho kirahari kuko ntabwo ari ubwambere tureba mu Mirenge yacu bagakoresha irushanwa ry’utugari, Akagari gatsinze kakabura byishimwe. Bigaragara nabi ni ibintu bidashoboka, wazagira Mbappé cyangwa Ronaldo ryari, niba utaragize umwana ukinira mu Kagari? Ubwo rero niyo mpamvu tugomba gusaba ko imikino ihabwa ingengo y'imari ku rwego rw'Umurenge.

Nta yihari impamvu nabivuze ni uko nzi ko ntayigeze iteganwa. Usanga begeranya ubusabusa ukabona rimwe na rimwe n’abayobozi b’Umurenge ntibanakurikirana n’amarushanwa yo hasi, ugasanga rero icyo ni ikintu cy’ingenzi tugomba gushyiraho”.

Uyu mukandida wigenga uri kwiyamamaza ku mwanya wa Perezida wa Repubulika y'u Rwanda, yanavuze ko we mu gihe yatorwa yasaba ko izina ‘Amavubi’ ryahawe ikipe y’igihugu rihindurwa bitewe n’uko nta buremere rifite.

Ati' Ningera ku kibazo cya siporo njye nanasaba rwose ko n'izina ry'Amavubi turihindura, kuko Amavubi banza atanaruma neza. Tugashaka izina rizatuma n'igihugu cy'u Rwanda kigira ikipe ifite uburemera nk'Intare, nk'inzovu, n'Ingwe, ibintu nk'ibyo. Ntitugatinye impinduka zagirira akamaro Abanyarwanda”.

Ni umunsi wa kabiri wo kwiyamamaza kw’Abakandida b’Umuryango FPR-Inkotanyi ku mwanya wa Perezida n’Abadepite mu matora azaba kuwa 14-15 Nyakanga 2024. Ibikorwa byo kwiyamamaza bya FPR-Inkotanyi byatangiriye i Musanze Ejo ahitabiriye abarenga ibihumbi 350, bikomereza i Rubavu kuri iki Cyumweru ahitabiriye abarenga ibihumbi 250.

Abanyamuryango ba FPR-Inkotanyi bitabiriye ibi bikorwa byo kwamamaza Abakandida b’uyu Muryango, basusurukijwe n’abahanzi batandukanye b’amazina akomeye mu Rwanda ari bo Bruce Melodie, King James, Bwiza, Bushali, Chriss Eazy na Knowless Butera. Abaturage b’i Rubavu bagaragaje ko bacengewe n’indirimbo z’aba bahanzi dore ko baziririmbanye zose.

Perezida Kagame yeretswe urukundo rwinshi n’abanya-Rubavu, bamubwira ko bamukunda cyane kandi ko bamuri inyuma mu matora y’Umukuru w’Igihugu ahagarariyemo FPR. Babimubwiye mu rurimi rukoreshwa cyane iwabo bati “Turagukundaga”. Perezida Kagame yababwiye ko nawe abakunda, akaba ariyo mpamvu yabasuye kugira ngo abasuhuze.

Umukandida wa FPR-Inkotanyi ku mwanya wa Perezida, Paul Kagame, yikije ku gihango FPR ifitanye n’Abanyarwanda, avuga ko “nk'uko byigeze kuririmbwa, twese yaratugabiye”. Yunzemo ati “Igisobanuro cy'inka, ni amajyambere, uyikugabira aba agukunda, uyikugabiye aba akwifurije gutera imbere, ni cyo kimenyetso kiri mu nka mu muco w'Abanyarwanda”.

Paul Kagame yavuze ko FPR-Inkotanyi ariyo yagaruye inka mu Rwanda kuko zari zaraciwe n’ubuyobozi bubi bwagejeje u Rwanda kuri Jenoside yakorewe Abatutsi mu 1994. Yavuze ko FPR yagaruye inka mu Rwanda, igabira buri munyarwanda. Yumvikanishije ko gutora Abakandida ba FPR muri aya matora ari ‘ukwitura uwakugabiye’.

Ati: “Murabizi mu myaka yashize inka bari baraziciye mu Rwanda, ariko FPR irazigarura iratugabira twese, bityo rero uwakugabiye uramwitura, ugasubiza urukundo uwakugabiye inka aba yaraguhaye. Ni ugusubiza amajyambere ari mu kuba yarakugabiye, rero igikorwa tugiye kujyamo cyatangiye ejo, haba ku mukandida uzayobora Igihugu no ku bakandida depite, ubwo hazaba harimo kwitura ya FPR”.

Perezida Kagame yakomoje ku mubano w’u Rwanda n’amahanga, avuga ko 'Twifuza kubana n'abaturanyi ndetse n'abandi cyane cyane ibihugu bya Afurika ndetse n'abandi bo hirya cyane. Kuri twe icya mbere ni ukubana neza ariko iyo wubaka, ushaka kubana neza, iyo wubaka ububanyi ugomba no kwitegura, ese utashaka kubana neza nawe, agashaka kukugirira nabi, uriteguye?

Icyo gisubizo rero gikenewe, ni cyo duhora dushakisha uburyo bwacyo, hanyuma twe tugakora ibitureba, tukareba ibyacu, tukareba ibyo dushaka, tukiteza imbere, iby'abandi ibyo ni iby'abandi. Ibyacu natwe tukamenya ko ari ibyacu, haza gukorana, kubana neza, tukaba duhari, haza ibindi ntavuze na byo tukaba tubyiteguye.'

Nyakubahwa Paul Kagame ni Perezida wa Repubulika y’u Rwanda kuva mu 2000, akaba ari kwiyamamariza kongera kuruyobora nyuma y’uko abanyarwanda benshi babimwisabiye. Yabaye Umuyobozi wa Afurika Yunze Ubumwe [AU] kuva mu 2018 kugeza mu 2019 anayobora Umuryango w'Afurika y’Iburasirazuba [East African Community] mu 2018-2021.

Kuri ubu ni we Muyobozi w’Umuryango wa Commonwealth ugizwe n’ibihugu bikoresha ururimi rw’Icyongereza. Kuvana u Rwanda mu icuraburindi, akarubohora akanahagarika Jenoside yakorewe Abatutsi mu 1994 yahitanye inzirakarengane zisaga miliyoni, bituma abanyarwanda benshi biyumvamo Perezida Kagame n’amahanga akifuza ko abayobora.

Umwe mu bahanzi bakomeye mu Rwanda, Ndayishimiye Bertrand uzwi nka Bull Dogg, nyuma yo kwitegereza imiyoborere myiza ya Perezida Kagame n’urukundo yerekwa n’abaturage mu bice binyuranye by’igihugu, yavuze ko nta gushidikanya Perezida Kagame ari we nimero ya mbere mu Rwanda mu kwamamara, ati “Papa Yvan aradufite, ni we ‘Superstar’, abandi muba muri kwikina, sinzi ibyo muba murimo,…”

Mu ndirimbo “Thank you Kagame”, Kitoko yakoreye Perezida Kagame ndetse ikaba iri kwifashishwa mu kumwamamaza, yabigarutseho, anavuga impamvu Kagame ari we ukwiriye u Rwanda. Ni Kitoko wanamamaje Perezida Kagame mu 2010 ubwo uyu muhanzi yari agisoza amashuri yisumbuye. Kuri iyi nshuro, ntiyabashije kuza kubera impamvu z’akazi.

Ati: “Uri impano Imana yaduhaye, amahirwe nk’aya si aya bose, humura abanyarwanda turabizi, Paul Kagame turi kumwe nawe. Warakoze, urashoboye, tuyobore, turi kumwe nawe. Abanyarwanda ni twebwe tukuzi, abandi bose bakumenye bucyeye, wakuye u Rwanda mu icuraburindi, none ubu rwabaye ubukombe, imvugo yawe niyo ngiro, kirogoya ni umuziro”.

Indi ndirimbo iri kubyinwa cyane mu kwamamaza Abakandida ba FPR, ni “Nywe PK24” ya Nel Ngabo agaragazamo impamvu Abanyarwanda bahisemo Perezida Kagame. Ati “Twamuhisemo batureba, u Rwanda rutubana ubuki, yarukuye habi cyane, bamwe banze ko rutuza ubu baravuga ngo nywe, singire uwo numva ngo nywe. […] Mana Nyagasani uturindire u Rwanda, urinde n’Umusaza”.

UKO BYARI BIMEZE I RUBAVU AHO PEREZIDA KAGAME YIYAMAMARIJE KURI IKI CYUMWERU

Perezida Kagame yakiriwe muri Rubavu n’abarenga ibihumbi 250 baturutse mu Turere dutatu

AMAFOTO: Village Urugwiro

Uyu mukobwa yahitse bagenzi be icumi bari bahatanye mu cyiciro cya nyuma barimo Marie Ange Ingabire Ndinda, Ishimwe Esther, Karungi Vanis, Kanyange Charlotte, Umutoni Joyeuse, Umukundwa Nadege, Igihozo Sincere, Uwera Annet na Umuhire Leslie.

Ni nyuma y'ibikorwa bitandukanye birimo amatora yo kuri murandasi, ibazwa ry'ihariye (interviews) ndetse n'ibiganiro mpaka byabayeho hagati y'aba bakobwa bari bahatanye.

Uwase yabwiye IGIHE ko yishimiye kwegukana iri kamba cyane ko irushanwa ritari ryoroshye, ati 'Nishimye cyane kuko ntabwo irushanua ryari ryoroshye ubu uko niyumva ndiyumva nk'umukobwa utangiye urundi rugendo narwo ngomba kwitwaramo neza.''

Uretse Uwase Kimana Emelique wabaye uwa mbere Ingabire Marie Ange Ndinda yabaye igisonga cya mbere, Ishimwe Esther aba igisonga cya kabiri mu gihe Kanyange Charlotte yabaye igisonga cya gatatu.

Igihozo Sincere yabaye uwabaniye abandi neza ndetse Umuhire Leslie ahembwa nk'uberwa n'amafoto. Uretse guhagararira u Rwanda Uwase Kimana Emelique yanahembwe amafaranga angana na Million y'u Rwanda azamufasha mu bikorwa bye bitandukanye.

Ibi birori byabereye kuri Century Park Hotel and Residences Nyatutarama.

Universal Personality ni urubuga rugamije kwimakaza umuco w'ubumuntu ku isi yose abantu bakarenga imbibi z'ibibatandukanya ahubwo bakimakaza indangagaciro z'ubupfura.

Abakobwa batsinze bagiye kuba abavugizi b'umuntu w'imfura uvugwa mu muco wa Kinyarwanda aho bazajya bahagararira u Rwanda mu marushanwa atandukanye ku isi. Uw'uyu mwaka wa mbere azaserukira u Rwanda muri Miss Supranational 2025.

Uwase Kimana Emelique yegukanye ikamba muri iri rushanwa ndetse na miliyoni y’Amanyarwanda

Ingabire Marie Ange Ndinda yabaye igisonga cya mbere muri iri rushanwa

Ishimwe Esther aba igisonga cya kabiri muri iri rushanwa

Kanyange Charlotte yabaye igisonga cya gatatu muri iri rushanwa

Kanyange Charlotte yabaye igisonga cya gatatu muri iri rushanwa

Umuhire Leslie wabaye Nyampinga uberwa n’amafoto muri iri rushanwa

Mukabalisa, yavuze ko iyi ari imwe mu mpamvu bahisemo kudatanga umukandida ku mwanya w'umukuru w'igihugu, ahubwo bakiyemeza gushyigikira Paul Kagame.

Ibi byagarutsweho ubwo iri shyaka ryatangizaga ibikorwa byo kwiyamamaza, byatangiriye mu Karere ka Nyarugenge, aho abarwanashyaka ba PL bagaragarijwe ibitekerezo byifuzwa kuzashyirwa mu bikorwa mu gihe abayihagarariye bazaba binjiye mu Nteko.

Ni igikorwa cyabereye ku Kibuga cya Handball kiri hanze ya Kigali Pele Stadium i Nyamirambo, kuri iki Cyumweru, tariki ya 23 Kamena 2024.

Ishyaka PL ryatangiye ku itariki ya 14 Nyakanga 1991. Muri Nyakanga ubwo hazaba hari kuba amatora y'umukuru w'igihugu n'ay'abadepite, iri shyaka rizaba ryujuje imyaka 33.

Mukabalisa Donatille, yagize ati 'Twashyigikiye Umukandida Paul Kagame, ku mwanya wa perezida wa repubulika kubera ibigwi byinshi agaragaza mu miyoborere myiza duhereye ku kuyobora neza urugamba rwo guhagarika Jenoside no kubohora igihugu cyacu.'

'Iki gihugu cyacu cyari cyarasenyutse, iyo urebye amateka yacu ntawatekerezaga ko gishobora kugera aho kigeze umunsi wa none, ariko kubera ibigwi n'imiyoborere ye myiza n'urukundo akunda igihugu cye n'Abanyarwanda, yagize ukwitanga gukomeye cyane.'

Mukabalisa Donatille, yavuze ko icyo bishimira cyane nk'Ishyaka PL, ari uburyo yashyize imbere imikoranire y'Abanyarwanda bose n'imikoranire y'imitwe ya politiki, agaha buri Munyarwanda urubuga rwo kugaragaza icyo yifuza.

Ati 'Ibikorwa byose bigashingira ku byo Abanyarwanda bakeneye ku byo bifuza, bagizemo uruhare mu gutangamo ibitekerezo. Iyo ni imiyoborere myiza iha agaciro buri wese.'

yongeyeho ko 'Yagaruriye agaciro Abanyarwanda, bongera kugira icyizere cyo kubaho kuko iyo urebye mu 1994 nta muntu wari ufite icyizere cyo kubaho.'

Mukabalisa, yavuze ko mu rugendo rwa Paul Kagame, rwo kugera kuri ibyo byose, barufatanyije kuri ubu aho igihugu kigeze hakaba hishimirwa n'Abanyarwanda n'abanyamahanga bose.

Yagize ati 'Icyo twifuje rero ni uko dukomezanya uru rugendo muri iyi myaka itanu iri imbere mu yindi manda, kugira ngo ibyo twiyemeje nk'Abanyarwanda tubashe kubigeraho mu buryo bwihuse kandi bunoze, kandi bunogeye buri wese, umuturage ari ku isonga.'

Amatora y'ab'adepite 53 batorwa n'ay'umukuru w'igihugu ateganyijwe tariki ya 14 Nyakanga 2024 ku banyarwanda baba mu muhanga na tariki ya 15 Nyakanga ku bari mu gihugu.

Mukabalisa, yatangarije IGIHE ko gahunda zabo zose, zishingiye ku cyerekezo bihaye n'izindi gahunda z'iterambere rirambye zigomba kugerwaho nk'igihugu ndetse no ku rwego rw'Isi zirimo icyerekezo 2063 n'izindi.

Perezida w'Ishyaka Riharanira Ukwishyira Ukizana kwa buri Muntu [PL], Mukabalisa Donatille, yagaragaje impamvu nyinshi zatumye bahitamo gushyigikira Paul Kagame

Iki gikorwa cyabereye ku Kibuga cya Handball kiri hanze ya Kigali Pele Stadium i Nyamirambo

PL yamamaje abakandida bayo mu matora y’Abadepite

Ishyaka rya PL rishyigikiye Paul Kagame, nk’umukandida ku mwanya w’umukuru w’igihugu

Morale yari yose ku barwanashyaka ba PL biteguye gukora bakandida depite babo

Uyu mukobwa yagaragaje umusore wamutwaye umutima yifashishije ubutumwa yashyize ku rubuga rwa Instagram, aho yashyize amafoto ye n'uyu musore witwa Dr. Joel Bahoza usanzwe ari umuganga ukora muri Minisiteri y'Ubuzima mu Rwanda.

Ishimwe yambitswe ikamba rya Miss Heritage muri Werurwe 2021 mu birori Ingabire Grace yambikiwemo ikamba rya Nyampinga w'u Rwanda.

Uyu mukobwa agaragara nk'utuje kandi ucisha make ariko na none akaganira ku muntu yamaze kwisanzuraho. Iyo yivuga agaragaza ko atinya guhemukira inshuti magara ye kandi akunda gushyira umuco imbere kuko kuri we ariryo shingiro ry'ubuzima bwa buri wese.

Mu kiganiro yigeze kugirana na IGIHE, yagaragaje byinshi ku buzima busanzwe. Yabajijwe ibyishimo byuzuye kuri we asubiza ko ari uko yaba ameze neza nta kibazo cy'ubuzima afite.

Ati 'Ibyishimo kuri njye ni ukuba ndi muzima nta kibazo na kimwe mfite mbe numva meze neza.'

Avuga ko umuntu yishimira ari wa wundi ufite intego y'ibyo yifuza kugeraho, ukora cyane kandi akaba ari uwo kwizerwa. Ni umukobwa wikunda cyane ku buryo iyo abajijwe ko aramutse apfuye akagaruka ku Isi , icyo yakwifuza kugaruka aricyo, avuga ko yakwifuza kuza ariwe.

Ishimwe iyo muganira akubwira ko akunda umuntu uharanira guhora ari uwo kwizerwa kandi wihesha agaciro mu bikorwa bye byose bya buri munsi.

Uyu mukobwa avuga ko ikintu kimutwara umwanya munini ari ugusoma kandi yishimira inshuti zimubwiza ukuri zitamuryarya. Igihe yishimye mu buryo bukomeye ni ubwo yahabwaga ikamba rya Miss Heritage.

Avuga ko Perezida Kagame bahuye nta kintu yamusaba kuko yakoze byinshi ahubwo yamushimira cyane kubera aho yavanye igihugu naho kigeze.

Uyu mukobwa ashishikariza urubyiruko gukunda umuco kuko ariwo shingiro ry'igihugu.

Ishimwe Sonia na Dr. Bahoza Fidele bari mu munyenga w’urukundo

Ishimwe Sonia wabaye Miss Heritage yerekanye umukunzi we

Kuri iki Cyumweru tariki 23 Kamena, Dr Frank Habineza umukandida watanzwe n'ishyaka riharanira Demokarasi no kubungabunga ibidukikije, Green Party yakomereje ibikorwa bye byo kwiyamamaza mu karere ka Kamonyi, Umurenge wa Runda akagari ka Gihara.

Mu nzira yerekeza i Gihara, Dr Frank Habineza n'abari bamuherekeje banyuze mu nzira zitandukanye agenda asuhuza abantu by'umwihariko abatuye mu mujyi wa Kigali. Imwe mu mihanda yanyuzemo harimo umuhanda wa Yamaha, mu Mujyi, Nyamirambo, akomereza Norvege, Ruliba no ku Ruyenzi, bazamuka berekeza i Gihara.

Mu masaha ya saa Saba abantu bamaze kuva gusenga, ni bwo Dr Frank Habineza umukandida w'ishyaka Green Party yageze i Gihara kuri site ahabereye iki gikorwa cyo kwiyamamaza yakiranwa yombi muri 'morale' yo hejuru, ibintu byatumye n'abatari bazi amakuru bahita baza kwirebera ibiri kuhabera.

Bamwe mu bakandida 50 bari kwiyamamariza kwinjira mu Nteko Nshingamategeko umutwe w'Abadepite, bageze imbere y'abaturage bo mu karere ka Gihara hanyuma barabasuhuza ndetse bamwe babagezaho imigabo n'imigambi y'ibyo bakora mu gihe baba batowe.

Gashugi Leonard umwe mu bakandida 50 b'ishyaka rya Green Party mu matora y'Abadepite, yavuze ko mu gihe baba batowe mu byo bazakoraho ari ugushyiraho ikigega cy'itangazamakuru ku buryo itangazamakuru ryarenga kuba akazi kagoye gusa ahubwo rikaba n'aho umuntu yakora ariko yizeye ko ejo n'ejo bundi rya mugoboka.

Mu migabo n’imigambi ye, Dr Frank Habineza yatangaje ko naramuka atowe azongera amafaranga ya muganga kuko bibabaje gusanga umuganga kugira ngo agufashe kandi nawe yasize mu rugo hugarijwe n’ibibazo.

Frank Habineza yagize ati: “Uzi kujya kuri Centre de Sante ugasanga umuganga afite abana atabonye uko ajyana ku ishuri!, abana baburaye!, ubwo se urumva yakuvura neza? Mu kwezi kwa Nzeri bizaba byatunganye nimutora kuri Kagoma”.

Yongeye kandi kwitsa ku kibazo cy’ubushomeri bwugarije urubyiruko bityo akaba yijeje abaturage bo mu karere ka Kamonyi ko naramuka atowe azahita ashyiraho gahunda zo guhanga imirimo, aho igera ku 500,000 izahangwa kandi ko bishoboka cyane kubera ubushakashatsi bakoze bwagaragaje ko bishoboka.

Mu mwaka ushize, hasohotse ubushakashatsi buvuga ko 25% by’urubyiruko ari abashomeri nta mirimo yo gukora bafite.

Dr Frank Habineza yijeje abaturage bo mu karere ka Kamonyi ko nibamutora azahanga imirimo 500,000

Dr Frank Habineza yaherekejwe n’umuryango we