Author: webrwanda

Perezida Kagame yabigarutseho kuri uyu wa Mbere taliki ya 24 Kamena 2024 muri Stade y’Akarere ka Ngororero, ahakomereje ibikorwa byo kwiyamamaza by'Umuryango FPR-Inkotanyi ku munsi wa Gatatu. Amatora ya Perezida n’ay’Abadepite azaba kuwa 14-15 Nyakanga 2024.

Perezida Paul Kagame yatangiye ashimira abitabiriye ibi bikorwa byo kwiyamamaza ndetse anashimira indi mitwe ya politike, avuga ko kuba barahisemo kwifatanya na FPR atari intege nke ahubwo bigaragaza ubushake n’imbaraga nyinshi.

Ati: “Ndashimira imitwe ya Politike iri hano twabwiwe ifatanyije na FPR. Gufatanya ntabwo ari intege nke ahubwo bigaragaza ubushake n’imbaraga nyinshi. Iteka iyo abantu bashyize hamwe nta gishobora kubananira. 

Muri Politike rero hari ubwo abantu babyumva gutyo ngo imitwe yafatanyije na FPR, ngo ariko buriya kuki bo batakoze ibyabo bakibwira ko ari uko bo byabananiye”.  

Yakomeje avuga ko barebye bagasanga baramutse bafatanyije na FPR ari bwo ibyagerwaho ari byinshi kurushaho. Ati: “Ahubwo ni uko bashyize mu kuri babona ko dufatanyije, bagafatanya na FPR ibyagerwaho ni byinshi kurusha uko buri umwe yanyura inzira ye ashaka kugerageza ibyo ashaka kugerageza bamwe bigakunda, abandi ntibikunde. 

Ariko iyo abantu bafatanyije birakunda, byose bikabakundira, hanyuma rero twaje hano kugira ngo tujye umugambi w’ibyo tuzakora”.

Amashyaka umunani arimo PSD, PL, PDI, PDC, PPC, PSP, PCR na UDPR ni yo ashyigikiye Umukandida wa FPR-Inkotanyi ku mwanya w'Umukuru w'Igihugu ndetse yose aherekeza Perezida Paul Kagame mu bikorwa byo kwiyamamaza ku mwanya wa Perezida.

Ibikorwa byo kwiyamamaza ku Muryango FPR-Inkotanyi birakomeje aho nyuma ya Ngororero, umukandida wa FPR Inkotanyi mu matora y'Umukuru w'Igihugu, Paul Kagame, ari bwiyamamarize i Shyogwe mu Karere ka Muhanga ku gicamunsi cyo kuri uyu wa Mbere.

Ubwitabire bwari ku rwego rwo hejuru i Ngororero mu kwamamaza Perezida Kagame

Mu kwezi gushize, ni bwo abakozi n'abayobozi ba Banki y'Ubucuruzi ya Access Bank Rwanda Plc bifatanyije n'abanyarwanda kwibuka ku nshuro ya 30 Jenoside yakorewe Abatutsi mu 1994, basobanurirwa ubugome yakoranywe bwatumye abicanyi badatinya insengero na kiliziya. Ibyo byagarutsweho ku wa 18 Gicurasi 2024 nyuma yo kunamira Abatutsi bishwe bazira uko bavutse bashyinguwe mu Rwibutso rwa Ntarama ruherereye mu Karere ka Bugesera.

Buri mwaka, Access Bank itegura ibikorwa bitandukanye byo kugenera ubushobozi runaka bamwe mu bagize sosiyete nyarwanda hagamijwe guhuza imbaraga n'abanyarwanda muri rusange mu kubaka igihugu.

Ni muri urwo rwego rero kuri uyu wa Kane tariki 20 Kamena 2024, bamwe mu bayobozi n'abakozi ba Access Bank basubiye i Ntarama kwifatanya n'abaharokokeye babashyikiriza ubwisungane mu kwivuza bufite agaciro kangana na Miliyoni 6 z'amafaranga y'u Rwanda.

Uwari uhagarariye iri tsinda rya Access Bank, Alice Umulisa yavuze ko batekereje gukora iki gikorwa kuko bazi neza ko agace ka Ntarama kari mu bice by'u Rwanda byashegeshwe cyane n'amateka mabi ya Jenoside yakorewe Abatutsi.

Yakomeje agira ati: 'Tuzi ko kugira ngo umuntu yiyubake agomba kuba afite ubuzima bwiza. Niyo mpamvu mu gutekereza icyo twabamarira muri uyu mwaka ariko wenda tuzakomeza gukora, twatekereje ko twabafasha mu bwisungane bwo kwivuza. Niyo mpamvu nka Access Bank twagennye ko twafasha abantu 2,000 kugira ngo tubishyurire uyu mwaka wose mu bwisungane.'

Umwanankabandi Mathilde uhagarariye IBUKA mu Murenge wa Ntarama, yashimiye byimazeyo Access Bank yabashije guhigura umuhigo yari yahize wo gutera inkunga Abarokotse Jenoside b'i Ntarama.

Ati: 'Nk'uko nabibabwiye ubushize, abarokotse Jenoside ntabwo dushima cyane ibi ngibi bifatika tubona, dushima igitekerezo. Kuba twarabaye muri Leta itatuzi, itwima agaciro, iturutisha ibisimba, iturutisha abandi, tugahinduka utunyamanswa twa tundi tudafite agaciro tw'utuyoka n'utunyezi n'uduki, ariko mwebwe mukaba mutubona nk'abantu bafite agaciro batekerezwaho muza gusura mukadufata mu mugongo mukumva tugomba kubaho, ni uko dufite umuyobozi waduhaye agaciro.'

Egide wavuze mu izina ry'abagenerwabikorwa bose, nawe yashimiye igikorwa cy'urukundo Access Bank yatekereje, ashimangira ko bateye ikirenge mu cya Nyakubahwa Perezida wa Repubulika, Paul Kagame, waharaniye gusubiza ubuzima abanyarwanda.

Mu ijambo rye yagize ati: 'Kuba mwaduhaye ubwisungane mu kwivuza ni nk'ubuzima mwaduhaye, namwe mwateye intambwe mu ya Nyakubahwa Perezida wa Repubulika waharaniye kudusubiza ubuzima. Kuko uyu munsi nk’abarokotse Jenoside yakorewe Abatutsi, ubuzima dufite tubukesha Inkotanyi zari zirangajwe imbere na Perezida Kagame.'

Yakomeje agira ati: 'Rero kuba mwatekereje kuza kuduha ubuvuzi rwose ni igikorwa gikomeye namwe mwadusubije ubuzima kuko mfite ubwisungane mu kwivuza ntabwo narembera mu rugo, nta kibazo na kimwe nagira.'

Umuyobozi ushinzwe imibereho myiza mu Murenge wa Ntarama, Isaac [RI2] yashimiye Access Bank ku bwo kuzirikana ubuzima bw’abarokotse Jenoside yakorewe Abatutsi, ashimangira ko Mituweli ari ubuzima kuko nta munyarwanda ushobora kurembera mu rugo ayifite.

Yagize ati: 'Iyi nkunga muduhaye rero, iradufasha mu buryo butandukanye by'umwihariko ku barokotse Jenoside ba bandi batishoboye, ni umusanzu mutanze ukomeye cyane ku b'i Ntarama ndetse n'igihugu muri rusange. Turabashimira ko iki gikorwa mwatekereje ari indashyikirwa, kandi inkunga mutanze irakoreshwa neza mu cyo yagenewe, kandi iki ni igikorwa tudashobora kwibagirwa.

Umunyamabanga wa IBUKA ku rwego rw'igihugu nawe yashimiye ubuyobozi bwa Access Bank ku bw'iki gikorwa, asaba abahawe iyi nkunga kuyibyaza umusaruro barushaho gukora cyane no kwiteza imbere, baharanira ko ubutaha hazafashwa n'abandi mu rwego rwo kurushaho kubaka ejo heza h'u Rwanda n'abanyarwanda. Yashimiye kandi Umurenge wa Ntarama n'Akarere ka Bugesera muri rusange ku bwo kwemera kuba umufatanyabikorwa mwiza.

Si ku nshuro ya mbere Access Bank iteguye igikorwa nk'iki, kuko no mu myaka yatambutse bakoze ibikorwa bitandukanye bigamije gushyigikira abantu mu iterambere, no gushyigikira icyerekezo cy'igihugu.

Ubwo Access Bank yashyikirizaga inkunga bamwe mu Barokotse Jenoside yakorewe Abatutsi b’i Ntarama

Alice Umulisa wa Access Bank asobanura impamvu bahisemo i Ntarama

Umunyamabanga wa IBUKA ku rwego rw’igihugu yashimiye ubuyobozi bwa Access Bank bwateguye iki gikorwa

Ubuyobozi bw’Umurenge wa Ntarama bwashimiye byimazeyo Access Bank ku bwo kuzirikana ubuzima bw’Abarokotse Jenoside yakorewe Abatutsi

Umwanankabandi Mathilde yashimiye Access Bank ku bwo guhigura umuhigo

Abishyuriwe ubwisungane mu kwivuza bishimiye inkunga bahawe kuko izabafasha kutarembera mu rugo

Inkunga yatanzwe na Access Bank ingana na Miyoni 6 z’amafaranga y’u Rwanda

Kanda hano urebe amafoto menshi yaranze iki gikorwa

Umuraperi Bull Dogg yavuze ko u Rwanda icyamamare rufite ari Nyakubahwa Perezida wa Repubulika, Paul Kagame abandi bose baba barimo kwikina.

Ibi uyu muraperi yabinyujije ku mbuga nkoranyambaga ze aho yifashishije amafoto ye arimo kwiyamamaza i Musanze aho abantu bagera ku 350 bari baje kumushyigikira ndetse n’i Rubavu hakaboneka ibihumbi 250.

Bull Dogg yagize ati “Papa Yvan [Perezida Kagame] aradufite, ni we cyamamare abandi muba muri kwikina sinzi ibyo muba murimo.”

Uyu muraperi yakomeje avuga ko umugwa mu ntege mu gihugu ari Israel Mbonyi ufite indirimbo “Nina Siri” imaze kurebwa na miliyoni zirenga 50 kuri YouTube mu gihe kitageze no ku mwaka.

Ati “Cyakoze mu gihugu umugwa ku gatsintsino ni Mbonyicyambu.”

Perezida Kagame akaba umukandida w’Umuryango FPR Inkotanyi mu matora y’umukuru w’igihugu azaba tariki ya 15 Nyakanga, akomeje ibikorwa byo kwiyamamaza aho yahereye i Musanze, Rubavu uyu munsi akaba yagiye Ngororero na Muhanga.

View this post on Instagram

A post shared by BullDogg. (@k.e.m.o.z.e.r.a)

Babigarutseho ku wa 22 Kamena 2024, ubwo mu karere ka Rusizi bizihizaga umunsi mukuru w'umwana w'Umunyafurika ubusanzwe wizihizwa tariki 16 Kamena.

Ni ibirori byitabiriwe n'abanyeshuri bo mu bigo by'amashuri byo mu murenge wa Muganza birimo Ishuri ribanza rya Gakoni, GS St Francois de Salle de Muganza, GS mere du bon conseil de Muganza, GS Shara, n'ishuri ribanza rya Busasamana.

Impanoyumugisha Toni, umwana w'umukobwa w'imyaka 11, wiga mu mwaka wa kane kuri GS Muganza A yashimiye Leta y'u Rwanda ko yakuyeho ihezwa mu mashuri ryakorerwaga abana b'abakobwa ubu abana b'abakobwa bakaba bigana na basaza babo.

Ati 'Numva abantu bakuru bavuga ko kera abana b'abakobwa batigaga. Ndashimira Leta yacu ko yashyizeho ko abana bose bagomba kujya kwiga'.

Dushime Onette Shalom, wiga mu mwaka wa 3 w'amashuri yisumbuye yabwiye IGIHE ko mu byo bishimira nk'abana harimo kuba abana bose barira ku ishuri.

Ati 'Hari abana barivamo kubera ubukene bwo mu miryango yabo. Abo bana nabagira inama yo kwegera abayobozi bakabagezaho ikibazo bafite kuko hatabura ubaha ubushobozi butuma basubira mu ishuri'.

Musabyemariya Berthe, wo mu murenge wa Muganza, ufite umwana ufite ubumuga bw'ingingo wiga mu mwaka wa kane, ashimira Leta ko yahinduye imyumvire y'ababyeyi abana bose bakaba biga mu gihe hambere hari abana batigaga kubera ko hari abayeyi bumvaga ko kwiga ntacyo bimaze.

Hassan Jean Claude Mpakaniye, Umuhuzwabikorwa w'Umuryango REWU, uharanira uburenganzira bw'abana yashimiye u Rwanda ko rwashyize umukono ku masezerano yose kurengera umwana avuga ko bigaragaza urukundo rukomeye ko Perezida w'u Rwanda, Paul Kagame akunda abana.

Ati 'Nubwo hari intambwe yatewe mu kubahiriza uburenganzira bw'umwana, haracyari ibyonnyi by'uburenganzira bw'umwana. Hano mu kibaya hari abana bava mu ishuri bakajya gukoreshwa imirimo ivunanye kurinda umuceri, akazi ko mu rugo, kubumba amatafari, abasiba ishuri bakajyana n'ababyeyi isoko n'ababyeyi n'ibindi'.

Umuyobozi w'Ishami ry'Imiyoborere mu karere ka Rusizi, Ingabire Nadine Michelle yashimiye abafatanyabikorwa barimo AEE mu mushinga AEE igire ubaka ejo n'Umuryango REWU uruhare bagira mu guharanira uburenganzira bw'umwana.

Ingabire yabikuje abana ko mu nshingano zabo harimo kugira isuku, kugira ikinyabumfura no kugira isuku ku mubiri n'aho batuye.

Ati 'Mugomba kugira isuku, haba aho mutuye, ku ishuri, ku myambaro n'ahandi hose. Kugira isuku ntabwo ari ihohoterwa ni inshingano zanyu nk'abana'.

Mu 1991 nibwo Umunsi Mpuzamahanga w'Umwana w'Umunyafurika watangiye kwizihizwa. Ni umunsi ufite inkomoko ku byabereye I Soweto mu gitondo cyo ku wa 16 Kamena 1976, ubwo abanyeshuri barenga ibihumbi 20 bigaragambyaga bamagana ihezwa mu mashuri ryakorerwaga abana b'abirabura. Iyo myigaragambyo yarakaje abapolisi barasaba abo banyeshuri bicamo 176, abarenga 1000 barakomereka.

---

Ubusanzwe Itegeko Nshinga riteganya ko nibura mu nzego zose zifatirwamo ibyemezo hakwiye kubamo 30% by'abagore mu gushimangira ihame ry'uburinganire.

Visi Perezida wa Mbere wa PSD, Muhakwa Valens yagaragaje ko ibimaze gukorwa bishimangira ko umwana w'umukobwa yubakiwe ubushobozi bwatuma ahangana na musaza we, bityo ko nibatorwa bazaharanira ko muri iyo myanya ifata ibyemezo no mu Nteko Ishinga amategeko abagabo baba 50% n'abagore bikaba uko.

Ati 'Ntabwo tuvuga ko ihame ry'uburinganire ritubahirizwa ariko icyo tuvuga ni uko mu myaka 30 ishize dusanga umwari n'umutegarugori, umugore w'u Rwanda yaramaze kwiyubaka ku buryo ageze ku rwego rwo kubasha kuba yahangana mu rwego rw'ubushobozi na musaza we.'

Muhakwa Valens yagaragaje ko igihugu cyatanze amahirwe angana ku bagore n'abagabo ndetse habamo no guherekeza umugore wari warambuwe ijambo, yubakirwa ubushobozi.

Ati 'Twavuga rero ko umugore n'umugabo igihugu cyatanze amahirwe angana kuri bo kuko hari imyaka yabaye umugore arahezwa. Iyo 30% rero ikaba yaravugaga ngo umugore ahabwe ijambo ariko akomeze guherekezwa tukaba tuvuga ngo rero guherekezwa nibyo ariko nabyo bigira igihe umuntu agacuka.'

Yakomeje ashimangira ko kuba abagore baramaze kubakirwa ubushobozi butuma bagira ubumenyi n'ubushobozi bingana n'iby'abagabo, bityo ko amahirwe yabo bose akwiye kuba angana.

Umunyamabanga Mukuru w'Ishyaka PSD, Dr Ngabitsinze Jean Chrysostome, yagaragaje ko bagize icyo gitekerezo bishingiye ku kuba mu mirimo bakora ya buri munsi baba bifuza ko abantu baringanira.

Ati 'Tuba twifuza ko aho byashoboka abantu baringanira bakaba 50%. Ubundi ubwo nibwo buringanire ninaho ijambo rituruka. Buriya kugira ngo uzasange wenda hamwe hari 64%, ahandi 40% cyangwa se 30% tukumva ko ihagije, tuba twifuza ko mu Banyarwanda abagore n'abagabo bareshya bakaringanira mu mirimo bakora.'

Dr Ngabitsinze yagaragaje ko 30% yashyiriweho abagore ari nziza ariko bizamutse bikaba 50% byaba byiza kurushaho.

Muri gahunda y'Ishyaka PSD igizwe n'ibitekerezo 60 bikubiye mu nkingi eshatu bagaragaza ko nibura mu butabera bazaharanira ko hashyirwa mu bikorwa ibyo amategeko ateganya ku birebana n'ibihano bitari igifungo hagamijwe kugabanya ubucucike mu magereza.

Ngabitsinze yagaragaje ko ibyo bizafasha kugira ngo abakoze amakosa yoroheje n'ibyaha bitaremereye babe batanga umusanzu ku gihugu binyuze mu gukora imirimo nsimburagifungo.

Ati 'Abakoze ibyaha cyangwa amakosa bitaremereye byatuma bagira n'umusaruro batanga ku gihugu, uko byakorwa rero ni uko inzego z'ubucamanza natwe dufatanyije kuko turi muri guverinoma bizakorwa.'

Yakomeja ati 'Icyo twifuza ni uko aho kugira ngo umuntu wakoze ikosa ritoya afungwe umwaka cyangwa ibiri kandi wenda ashobora gukora imirimo itandukanye agafasha nibyo tuvuga. Nzi ko byatangiye ariko icyo twasabye ni uko byakihutishwa.'

Ibindi PSD igaragaza ko izashyiramo imbaraga harimo kurangiza ku gihe imanza zaciwe n'inkiko ndetse n'imanza burundu imanza z'imitungo zaciwe n'inkiko gacaca.

Hari kandi gukomeza guteza imbere umuco w'ibiganiro n'ubwumvikane, gukemura amakimbirane, bigashingira ku butabera bwunga no gushyiraho urwego rubukurikirana.

---

Uyu muyobozi yahawe izi nshingano mu muhango wabaye mu ijoro ryo ku Cyumweru, tariki 23 Kamena 2024 muri Kigali Convention Centre. Ni umuhango kandi witabiriwe na Ambasaderi w'u Buhinde mu Rwanda, Nilratan Mridha.

Rotary International ni Umuryango Mpuzamahanga utari uwa Leta ukora ibikorwa by'ubugiraneza birimo gufasha abatishoboye, gushyigikira serivisi ziteza imbere imibereho myiza y'abaturage nk'amazi meza, kurwanya indwara z'ibyorezo no gutanga umusanzu mu bikorwa bigamije guteza imbere abaturage.

Nyuma yo kwimikwa, Umuyobozi mushya wa Rotary Club Kigali, Srinath Vardineni yatangaje ko agiye gushyira imbaraga mu mishinga myinshi irimo kuvura amenyo abana barenga 3000.

Yagize ati 'Dufite imishinga ine ikomeye tuzakora ariko tuzita cyane mu buzima, aho tuzatanga ubuvuzi bw'amenyo ku bana 3000 cyangwa 4000. Ikindi tuzakorana cyane na Rotary Club zo muri Leta Zunze Ubumwe za Amerika mu bikorwa bitandukanye.'

Vardineni yageze mu Rwanda mu 2003, aho uretse mu bikorwa bye bitandukanye asanzwe azwi cyane mu mukino wa Cricket, cyane ko ari umwe mu bawutangije mu Rwanda ndetse n'ubu bakiwurimo kuko ari umubitsi w'inama y'ubutegetsi y'iri shyirahamwe.

Yakomeje avuga ko ari amahirwe akomeye kuri we kuko nubwo yari asanzwe mu bikorwa bimuhuza na sosiyete ariko uyu mwanya uzamufasha mu kuyinjiramo neza.

Ati 'Nsanzwe mu bikorwa bitandukanye bimpuza na sosiyete ariko kuri iyi nshuro bizamfasha kugera ku baturage neza no gukomeza gufasha Leta kubaka igihugu. Nageze inaha mu myaka 22 ishize u Rwanda rwahindutse ndeba rero dukwiye kuguma muri uwo murongo.'

Rotary Club Kigali Cosmopolitan ni club nshya imaze amezi atatu ishinzwe ishibutse mu zisanzwe nka Kigali Seniors na The elders. By'umwihariko igizwe n'abanyamuryango batandukanye biganjemo abaganga, ababaruramari ndetse n'aba-Engineers.

Iyi Club ni imwe muri 12 zigize Rotary Club Rwanda nayo ibarizwa muri Rotary Club District 9150. Iyi yashinzwe mu 1982, igizwe n'ibihugu birimo u Rwanda, u Burundi, Cameroun, Congo, Gabon, Guinée Equatoriale, Repubulika Iharanira Demokarasi ya Congo, Repubulika ya Centrafrique, Tchad na Sao Tomé-et-Principe.

Rotary Club ni umuryango udaharanira inyungu ukora ibikorwa by'ubugiraneza birimo gufasha abatishoboye, gutanga amazi meza ku baturage, kurwanya indwara z'ibyorezo zirimo nk'imbasa no gutanga umusanzu mu bikorwa byose bigamije guteza imbere sosiyete.

Amafoto: Kasiro Claude

---

Mu kiganiro na Eugene Anangwe wa EAMG TV cyasohotse kuri uyu wa 23 Kamena 2024, Gasinzigwa yibukijwe ko nyuma y'amatora y'Umukuru w'Igihugu yabaye mu 2017, bamwe mu badipolomate b'ibihugu by'amahanga banenze imigendekere yayo.

Aba biyongera ku bandi benenze kuba bamwe mu bari baratanze kandidatire ku mwanya w'Umukuru w'Igihugu barakuwe ku rutonde, bagahamya ko ateganyijwe muri Nyakanga 2024 atazagenda neza.

NEC yasobanuye ko aba bakandida batujuje ibisabwa birimo imikono 600 y'abari kuri lisiti y'itora.

Gasinzigwa yavuze ko ubwo NEC yateguraga ibikorwa bitandukanye bibanziriza amatora, yaganiriye n'abadipolomate bakorera mu Rwanda, ibasobanurira ko imikorere y'uru rwego ica mu mucyo, kandi ko idaheza buri wese wifuza kwiyamamaza.

Ati 'Cyane ba Ambasaderi bari hano mu Rwanda, binyuze muri Minisiteri y'Ububanyi n'Amahanga n'Ubutwererane, twaraganiriye. Twanakiriye abashyitsi batandukanye baturutse mu bihugu bitandukanye, mu miryango mpuzamahanga nka Commonwealth. Dukomeje kuvugana na bo, tubasobanurira ibyo dukora mu buryo bunyuze mu mucyo. Nta kintu duhisha abantu muri rusange n'abashaka kuba abakandida.'

Gasinzigwa yakomeje ati 'Bamwe mu bantu bifuza ko dukora ibyo bashaka kandi sintekereza ko ari byiza kubera ko nta gihugu bibamo hirya no hino ku Isi. Icyo u Rwanda rushaka gishingira ku Itegeko Nshinga kandi birumvikana, twebwe nka NEC ntabwo dukora ibyo dushaka, dukora nk'uko Abanyarwanda baba babyemeje hashingiwe ku Itegeko Nshinga, ku itegeko rigenga amatora n'amabwiriza ngenderwaho, byose byemezwa n'Inteko Ishinga Amategeko. Abanyarwanda barimo abashaka kwiyamamaza babona amahirwe yo kubigiramo uruhare.'

Perezida wa NEC yatangaje ko iyi komisiyo izakora inshingano zayo neza, mu mucyo, ishingiye ku bwigenge bwayo, kandi ngo izatangaza ibizava mu matora hashingiwe ku majwi Abanyarwanda bazaba bahaye abakandida bose bahatana kuva tariki ya 22 Kamena kugeza ku ya 13 Nyakanga 2024.

Amatora y'Umukuru w'Igihugu n'abadepite ateganyijwe tariki ya 14 n'iya 15 Nyakanga 2024, nyuma y'umunsi ibikorwa byo kwiyamamaza birangiye.

---

Ibi byabereye mu Karere ka Rubavu kuri Site ya Gisa, ubwo Umukandida w'Umuryango FPR Inkotanyi ku mwanya w'Umukuru w'Igihugu yari mu bikorwa byo kwiyamamaza.

Itangazo rya Minisiteri y'Ubutegetsi bw'Igihugu rivuga ko “Habaye umuvundo w'abantu ku muryango wasohokeragamo abitabiriye ibikorwa byo kwiyamamaza by'Umuryango FPR-Inkotanyi.”

Ku bw'amahirwe make, umuntu umwe yaje kwitaba Imana, abandi 37 barakomereka ndetse bahita bajyanwa kwitabwaho mu Bitaro bya Gisenyi.

Mu itangazo ry'uyu Muryango, bagize bati “Umuryango FPR-Inkotanyi ubabajwe cyane kandi wifatanyije n'umuryango wabuze uwabo bitewe n'umuvundo wabaye kuri Site yabereyeho kwamamaza Umukandida wa RPF Inkotanyi ku mwanya w'Umukuru w'Igihugu mu Karere ka Rubavu. Umuryango FPR-Inkotanyi uzakomeza kubaba hafi no gukurikiranira hafi abakomerekeye muri uwo muvundo.”

Ibikorwa byo kwiyamamaza by'uyu Muryango birakomereza mu turere twa Ngororero na Muhanga kuri uyu wa Mbere, tariki ya 24 Kemena 2024.

---

Uyu mugore w'ikimero yageze i Kigali mu ijoro ryo ku wa Kane tariki 20 Kamena 2024, mu rugendo rwari rugamije gushyira akadomo ku bitaramo bye yari amaze igihe ateguza abantu, mu rwego rwo kwiyereka abakunzi nyuma y'imyaka itatu ishize yinjiye mu muziki.

Yari yatumiwe gutaramira kuri B Lounge i Nyamirambo, ku wa 21 Kamena 2024, no gutaramira kuri B Hotel i Nyarutarama, ku wa 22 Kamena 2024. Ibi bitaramo bibiri byari byateguwe n'iriya Hotel, ariko n'urugendo bafashijwemo na Jeanine Noach ndetse na Sacha Kate.

Ibi bitaramo byombi ntiyabashije kubikora nk'uko yari yabiteguye. Ku wa Gatanu yataramiye muri B Lounge, icyo gihe yakoresheje iminota 5 gusa abasha gutaramira abantu batarenga 10. 

Nyuma, ku wa Gatandatu yari ategerejwe kuri B Hotel i Nyarutarama, ntiyahakandagira bitewe n'uko habuze n'iyonka yitabira iki gitaramo.

InyaRwanda igiye kugaruka ku mpamvu 10 zatumye ibi bitaramo bye bititabirwa.

1.Yabanje kwibeshya igihe yari kugerera mu Rwanda

Uyu mugore wakanyujijeho mu rukundo na Diamond, yagombaga kugera i Kigali mu ijoro rya tariki 19 Kamena 2024, akakirwa n'itangazamakuru ku kibuga cy'indege Mpuzamahanga cya Kigali, ariko abari bamutumiye baramutegereje kugeza mu rucyererera.

Byari biteganyijwe ko tariki 20 Kamena 2024 agirana ikiganiro n'abanyamakuru saa tanu z'amanywa, ariko si ko byagenze kuko atigeze ahagera.

Mu butumwa yandikiranye n'abari bamutumiye, Tanasha yavuze ko yibeshye ku masaha yo kugereraho i Kigali, kuko yatekerezaga ko ahagera ku wa Kane mu ijoro.  

Abari bamutumiye bahise bongera kumushakira itike y'indege agera i Kigali mu ijoro ryo ku wa Kane tariki 20 Kamena 2024 rishyira ku wa Gatanu.

2.Ikiganiro n'abanyamakuru cyasubitswe ku munota wa nyuma

Uyu mugore yagombaga kugirana ikiganiro cya mbere n'itangazamakuru saa tanu z'amanywa zo ku wa Kane tariki 20 Kamena 2024 kikabera kuri B Hotel i Nyarutarama.

Si ko byagenze bitewe n'uko yageze i Kigali mu ijoro ryo ku wa Kane. Abari bamutumiye i Kigali, bahisemo ko iki kiganiro n'itangazamakuru kiba ku wa Gatanu tariki 21 Kamena 2024, ariko cyasubitswe ku munota wa nyuma.

Ibi byatewe n'uko uyu mugore w'ikimero yari afite ibindi biganiro byihariye yagombaga kugirana n'itangazamakuru, bituma ikiganiro cye gisubikwa. Byanaturutse mu kuba, nta munyamakuru n'umwe wari wageze aho ikiganiro cyari kubera.

3.Nawe ubwe ntiyigeze yamamaza ibi bitaramo bye bibiri

Kuva Tanasha Donna yatumirwa i Kigali, ku nshuro ye ya mbere ntiyigeze n'umunsi n'umwe agaragaza ko afite urugendo rwe rwa mbere mu Mujyi wa Kigali.

Igikomeye yakoze ni ukwifashishwa ibyatangajwe n'inshuti ze nka Jeanine Noach ndetse na Sacha Kate, akabishyira ahazwi nka 'Story' ku rubuga rwa Instagram.

Ahubwo yakomeje gusohora uruhererekane rw'amafoto ye anyuranye agaragaza ubwiza bwe, kurusha uko yari kubwira abarenga Miliyoni 4 bamukurikira ko afite ibitaramo bibiri muri Kigali.

       

4.Tanasha Donna nta bumenyi bwihariye afite ku bitaramo nk'ibi

Mu 2020 ni bwo yakoze igitaramo cya mbere cy'abambaye imyambaro y'ibara ry'umweru bizwi nka 'White Party'. Icyo gihe kugira ngo abone abantu yitwaje abahanzi banyuranye, anabihuza no kumurika Extended Play (EP) ye yari amaze iminsi ashyira hanze.

Ibi birori byaritabiriwe cyane, ndetse yari aherekejwe na Mbosso, Rj The Dj n'abandi. Ukoze isesengura ubona ko Tanasha byamusabaga gushyigikirwa na bamwe mu bahanzi b'i Kigali cyangwa se abandi bantu basanzwe bazwi mu kwakira abantu mu tubari (Hosting) bakamufasha muri ibi bitaramo bye.

Hari abajya kure bakavuga ko Tanasha Donna atari umuntu w'imbuga nkoranyambaga cyane, cyangwa se umuntu wa karabaye ku buryo byari gushitura abanya-Kigali nk'uko byagenda hagize utumira Zari Hassan, Hamissa Mobetto n'ahandi.

Ikirenze kuri ibi, Tanasha Donna ntabwo afatwa nk'umuherwe muri Kenya, ku buryo byari gutuma benshi bitabira kumureba.

5.Aho igitaramo cyabereye ntihasanzwe hakira ibirori nk'ibi

Hari utubari dukomeye muri Kigali, twakira ibirori n'ibitaramo nk'ibi ku buryo usanga abantu bakubise binjira, ndetse bamwe mu bakire babyitabira basaba ko nta mafoto n'amashusho bafatwa.

Byitabirwa n'abajejetafaranga ku buryo usanga ameza yicayeho akikijijwe n'inkumi z'ikimero gusa. B Hotel y'i Nyamirambo ntabwo yagiye ivugwa cyane mu kwakira ibirori nk'ibi bikomeye, ugereranyije n'utundi tubari nka Inferno, The Wave Lounge n'ahandi.

Ibirori byahabereye bikomeye byavuzwe cyane mu itangazamakuru, birimo iby'umunyamafaranga Bad Rama yakiriyemo umuvandimwe we.

Abasesenguzi mu muziki, bavuga ko kugira ngo ibi bitaramo byitabirwe Tanasha yari kwifashisha abantu basanzwe bazwi mu bitaramo nka Miss Muyango n'ahandi.

      

6.Ibiciro byo kwinjira byarahanitswe

Bimwe mu byatunguye abantu, harimo no kuba ibi bitaramo byarashyizwe ku biciro bihanitse, byatumye buri wese abitekerezaho.

Kwinjira mu gitaramo cyari kubera i Nyamirambo kwari ukwishyura ibihumbi 250 Frw, ni mu gihe mu gitaramo yari gukorera i Nyamirambo byari ukwishyura ibihumbi 300 Frw.

Ibi biciro biri hejuru ushingiye ku muziki wa Tanasha, cyane ko adafite indirimbo ebyiri zizwi, kandi ni ibitaramo byateguwe mu gihe benshi mu bantu baba bitegura guhembwa (umushahara w'ukwezi).

7.Ibikorwa by'amatora byari byatangiye

Ibitaramo bya Tanasha byashyizwe ku matariki ahurirana n'itangizwa ry'ibikorwa byo kwiyamamaza kw'abakandida banyuranye ku mwanya w'Umukuru w'Igihugu ndetse n'amatora y'Abadepite.

Ibi bikorwa byatangijwe ku mugaragaro ku wa Gatandatu tariki 21 Kamena 2024, bizasozwa tariki 13 Nyakanga 2024.

N'ubwo bimeze gutya ariko, abashinzwe gutegura ibi bikorwa biganjemo urubyiruko bari bamaze igihe bategura aho bizabera.

Bivuze ko umubare munini w'abantu bakunda gusohoka, bazi abahanzi n'inkumi z'ikimero nka Tanasha Donna, ntibabashije kwitabira igitaramo cye, bituma uyu mugore atabasha kubona abantu bamushyigikira.

8.Nta mbaraga zashyizwe mu kwamamaza

Abategura ibitaramo basanzwe bashyira imbaraga cyane mu kwamamaza ibitaramo nk'ibi, bakifashisha imbuga nkoranyambaga ndetse n'ibitangazamakuru binyuranye.

Unyujije amaso mu basanzwe bifashishwa mu kwamamaza ibi bitaramo nta n'umwe wagize uruhare mu kwamamaza iki gitaramo.

Kandi ibitangazamakuru by'amajwi n'amashusho, ntibyigeze byifashishwa mu kugaragaza ko Tanasha Donna agiye gutaramira i Kigali.

Hari amakuru avuga ko igitekerezo cyo kuzana Tanasha Donna cyari gifitwe n'undi muntu washakaga kumuzana mu rwego rwo kwitabira ibirori byategurwaga- Niwe wari kubiyobora.

Uyu washakaga gutumira Tanasha i Kigali, yagiranye ibiganiro n'umwe mu bayobozi ba B Hotel amusaba ko ari ho ibyo birori byazabera, arabimwemerera.

Nyuma, uriya muyobozi yaje kumuca inyuma atangira inzira zo kuvugana na Tanasha, birangira ari we umuzanye i Kigali.

9.Tanasha aracyahekerejwe n'inkuru za Diamond

Buri wese uvuze Tanasha amuherekeresha inkuru za Diamond. Ibi bituruka ku mubano wabo bubatse waje no kugeza ku kubyarana umwana.

Uyu mugore w'ikimero yari asanzwe ari umunyamakuru wa RNG Radio yo muri Kenya, ari naho yamenyaniye na Diamond baje gukundana.

Bitewe n'uko Diamond azwi cyane mu muziki, byatumye Tanasha avugwa cyane mu itangazamakuru, ndetse buri gihe mu kiganiro n'itangazamakuru abazwa kuri iyi ngingo.

Ubwo yari ageze i Kigali, yabajijwe ku mubano we na Diamond abanza kwifata, ariko avuga ko umubano wabo wakomeje kwaguka, ndetse amufasha kwita ku mwana we.

10.Yageze ahabereye igitaramo saa Saba n'igice z’ijoro, Dj Toxxyk ntiyacuranga

Ushingiye ku byari byatangajwe, uyu mugore yagombaga kugera kuri B Hotel i Nyamirambo saa kumi n'ebyiri z'umugoroba, mu gihe yahageze saa saba z'ijoro.

Ibi byatumye Dj Toxxyk wagombaga gucuranga, ahagera mu gihe kimwe na Tanasha amucurangira indirimbo ze ebyiri ubundi arataha.

Hari abari bitabiriye iki gitaramo, bari biteze ko Toxxyk acurangira Tanasha hanyuma agakomeza kuvanga umuziki, ariko siko byagenze byatumye hari abahita bataha.

Kuba Tanasha yarageze kuri B Hotel Nyamirambo atinze, hari umubare munini w'abantu bari bahageze mbere ye kuva saa yine z'ijoro batashye saa sita z'ijoro mbere y'uko Tanasha ahagera. 

Tanasha Donna yageze i Kigali ari kumwe n’inshuti ze Ruth yamuherekeje muri ibi bitaramo byose

Ubwo Tanasha Donna yageraga i Kigali ahagana saa Saba z’ijoro ryo ku wa Kane, rishyira ku wa Gatanu 

Tanasha yahuriye n’uruvagusenya i Kigali mu bitaramo bye bya mbere yahakoreye  

Yarateye ariyikiriza muri ibi bitaramo- Tanasha azakomeza kuzirikana ibi bihe birura yagiriye i Kigali

Inshuti ze, Jeanine Noach, Sacha Kate na Ruth zamushyigikiye muri iki gitaramo

Tanasha yifashishije indirimbo ze ebyiri, aririmba mu gihe cy’iminota 5′

Igitaramo cya kabiri Tanasha Donna yari gukora, nticyabaye kuko cyabuze abantu

Ubwo yari mu rugendo rugana i Kigali, Tanasha yanditse kuri konti ye ya Instagram

Ahari kubera ikiganiro n’itangazamakuru ku wa Gatanu tariki 21 Kamena 2024, ni uko hari hateguye 

N’ubwo yabuze abantu mu bitaramo bye bibiri, Tanasha yagaragaje ko yanogewe n’ibihe yagiriye i Kigali 

Abari bakoraniye muri B Lounge bategereje Tanasha kugeza mu masaha akuze

Abarimo Jeanine Noach bagaragaje ko biteguye kwakira Tanasha i Kigali

Umunyamideli Sacha Kate yakanguriye abantu kwitabira ibi bitaramo

Nishimwe Naomie wabaye Miss Rwanda 2020 yakanguriye abantu kwitabira iki gitaramo

KANDA HANO UREBE IKIGANIRO TWAGIRANYE NA TANASHA AKIGERA I KIGALI

“>

Kanda hano urebe amafoto yaranze igitaramo cya mbere Tanasha yakoreye i Kigali

Umunya-Senegal, Aliou Souane yabaye umunyamahanga wa mbere mushya APR FC yakiriye mu rwego rwo kwitegura umwaka w’imikino wa 2024-25.

Nk’uko twari twabigarutseho mu nkuru yacu iheruka ko APR FC iri mu biganiro n’uyu mukinnyi ukina mu mutima w’ubwugarizi, yamaze kugera mu Rwanda.

Ikinyamakuru Record cyo muri Senegal kikaba cyanditse ko uyu mukinnyi wakiniraga ASC Jaraaf yamaze kwerekeza muri APR FC.

Uyu mukinnyi akaba yamaze kugera mu Rwanda aho yakiriwe na APR FC, akaba agiye gukora ikizami cy’ubuzima yagitsinda agahita asinyira iyi kipe y’Ingabo z’Igihugu.

Aliou Souane w’imyaka 22 akaba aje kongera imbaraga mu bwugarizi bw’iyi kipe aho byitezwe ko nta gihindutse agomba kuzajya afatanya na Niyigena Clement mu mutima w’ubwugarizi.

Amakuru akaba avuga ko yatanzweho ibihumbi 65 by’amadorali y’Amerika ni mu gihe azajya ahembwa ibihumbi 5500 by’amadorali.

Aje muri APR FC mu gihe mu minsi yashize byavugwaga ko ashobora kwerekeza muri Al Hilal yo muri Sudan ariko birangira bitabaye.