Author: webrwanda

Muri rusange, abakandida-Depite batangiye kwiyamamaza ku wa 21 Kamena 2024, mu rugendo rugamije kwiyegereza abaturage basobanura mu buryo burambuye imigabo n'imigambi yabo, ndetse n'ibyo biyemeza kuzabakorera ubwo bazaba bageze mu Inteko.

Mu Karere ka Muhanga hiyamamarije abakandida depite batatu barimo Kalinijabo Barthelemy, Kampororo Jeanne d'Arc na Musonera Germain. Iki gikorwa cyabereye mu Murenge wa Rongi.

Mu Karere ka Nyanza hiyamamarije abakindida depite Mazimpaka Jean Claude na Kalisa Jean Sauveur. Biyamamarije mu Murenge wa Busasamana, kuri Sitade ya Nyanza.

Muri Gisagara ho kwiyamamaza byabereye mu Murenge wa Muganza, hiyamamaza Umuhoza Chantal.

Mu Karere ka Huye, ibikorwa byo kwamamaza byabereye kuri site ya Rugarama, mu Murenge wa Rusatira, ahari abakandida depite ba FPR – Inkotanyi batatu n'abandi babiri bo mu mashyaka biri kumwe. Abiyamamaje ni Uwamariya Veneranda wa FPR, Kayigire Therance wa FPR, Kayirebwa Pélagie wa FPR, Nizeyimana Pie wa UDPR na Épiphanie Mukampunga wa PPC.

Ibikorwa byo kwiyamamaza kw'abakandida ba FPR – Inkotanyi kandi byanakomereje i Nyaruguru, ku rwego rw'imirenge, aho tariki 02 hari hatahiwe Umurenge wa Muganza, mu gihe ku wa 03 Nyakanga 2024, hakakurikiyeho Umurenge wa Cyahinda.

Aba bakandida bose basabye abaturage kongera guha amahirwe FPR – Inkotanyi bayihundagazaho amajwi, kugira ngo bakomeze kubagezaho iterambere.

Biteganyijwe ko ku itariki ya 14 Nyakanga ari bwo hazaba amatora ku Banyarwanda baba mu mahanga. Ku bari mu gihugu bazatora tariki ya 15 Nyakanga 2024.

FPR-Inkotanyi yashinzwe ifite intego yo kurwanya imiyoborere mibi yaranze amateka y'u Rwanda no gukemura ibibazo byose biyikomokaho. Yaba urugamba rwa politiki n'urw'amasasu, byose byari bigamije kubohora u Rwanda ingoma y'igitugu kugira ngo hubakwe Igihugu cyubahiriza amategeko ndetse kikagendera kuri demokarasi, amahoro, umutekano, ubutabera ndetse n'iterambere.

Porogaramu ya politiki ya FPR-Inkotanyi igamije gukemura ibibazo bigoye bya politiki, ubukungu, ndetse n'ibibazo by'imibanire u Rwanda rwanyuzemo. Porogaramu ya politiki ya FPR-Inkotanyi ni: Ukugarura ubumwe mu Banyarwanda, Kubumbatira ubusugire bw'Igihugu n'umutekano w'abantu n'ibintu, Kubaka ubuyobozi bushingiye kuri demokarasi;

Kubaka ubukungu bushingiwe ku mutungo bwite w'Igihugu, Guca umuco wa ruswa, gutonesha, imicungire mibi y'umutungo w'Igihugu n'izindi ngeso mbi zijyanye na byo, Kuzamura imibereho myiza y'Abaturage, Guca burundu impamvu zose zitera ubuhunzi no gucyura impunzi, Guharanira umubano hagati y'u Rwanda n'ibindi bihugu ushingiye ku bwubahane, ubufatanye n'ubuhahirane, Kurwanya Jenoside n'ingengabitekerezo yayo.

Ubumwe, Umutekano, Iterambere n’ibindi byiza byinshi Perezida Kagame yagejeje ku banyarwanda nyuma yo Kubohora u Rwanda akanahagarika Jenoside yakorewe Abatutsi mu 1994, bituma abanyarwanda benshi batangaza ko bazamushyigikira mu matora ya Perezida azaba kuwa 15 Nyakanga 2024 kuko bamufata nk’impano Imana yahaye u Rwanda.

UKO BYARI BIMEZE I HUYE MU KWAMAMAZA ABAKANDIDA DEPITE BA FPR

Platini P, DJ Pius na Uncle Austin nibo batanze ibyishimo ku baturage b’i Huye bitabiriye igikorwa cyo kwamamaza Abakandida Depite ba FPR 

UKO BYARI BIMEZE I GISAGARA MU KWAMAMAZA ABAKANDIDA DEPITE BA FPR

Confy hamwe na Intore Tuyisenge nibo basusurukije ab’i Gisagara bitabiriye igikorwa cyo kwamamaza Abakandida Depite ba FPR

UKO BYARI BIMEZE I NYANZA MU KWAMAMAZA ABAKANDIDA DEPITE

Musinga Joe na Marina mu batanze ibyishimo ku batuye i Nyanza bitabiriye igikorwa cyo kwamamaza Abakandida Depite ba FPR

UKO BYARI BIMEZE I MUHANGA MU KWAMAMAZA ABAKANDIDA DEPITE BA FPR

FPR-Inkotanyi ikomeje ibikorwa byo kwamamaza Abakandida bayo mu matora ya Perezida wa Repubulika n’ay’Abadepite

Uyu muhanzi yahagurutse ku kibuga cy'indege Mpuzamahanga cya Kigali i Kanombe mu ijoro ryo kuri uyu wa Kabiri tariki 2 Nyakanga 2024. Si ubwa mbere ageze muri iki gihugu, kuko yagiye ahataramira mu bihe bitandukanye, anahafatira amashusho ya zimwe mu ndirimbo ze.

Yabwiye InyaRwanda ko yagiye mu Bufaransa mu rwego rwo kwifatanya n'abanyamuryango ba FPR-Inkotanya. Ati 'Ni ibikorwa bizaba tariki 14 Nyakanga 2024, bizahuza abanyamuryango ba FPR, niyo mpamvu nagiye mbere kugirango mbashe kwitegura.'

Bivuze ko amatora azaba ari muri kiriya gihugu ari naho azatorera Umukuru w'Igihugu ndetse n'abadepite. Davis D wamamaye mu ndirimbo zirimo nka 'Biryogo' avuga ko azava mu Bufaransa yerekeza mu Bubiligi kuririmba mu gitaramo yatumiwemo.

Ati 'Nyuma yo gutaramira mu Bufaransa nzahita nkomereza urugendo rwanjye mu Bubiligi aho nzahurira mu gitaramo kimwe na Michael Sengazi ndetse na Moses Turahirwa washinze 'Moshions'.'

Iki gitaramo bombi bazahuriramo cyiswe 'AfroXtravaganza' kizaba ku wa 20 Nyakanga 2024 mu Mujyi wa Bruxelles mu Bubiligi. Cyahujwe n'ibirori byo kumurika imyambaro inyuranye n'ibindi mu rwego rwo gufasha abatuye uriya mujyi gususuruka.

Ni ubwa mbere bombi bagiye guhurira ku rubyiniro, kandi Davis D avuga ko batumiwe nk'abanyarwanda basanzwe bakunzwe muri kiriya gihugu.

Bagiye kuhakorera igitaramo babisikana na Israel Mbonyi wahataramiye ku wa 10 Kamena 2024, ndetse na Bruce Melodie na Dj Marnaud bazahataramira ku wa Gatandatu tariki 6 Nyakanga 2024.  

Davis D avuga ko mbere yo kugaruka mu Rwanda azanagera mu gihugu cy'u Butaliyali, aho azafatira amashusho y'indirimbo ye nshya. 

Ati 'Urabizi nawe iyo nageze muri ibi bihugu nkora uko nshoboye nkabibyaza umusaruro. Kuri iyi nshuro rero nzajya mu Butaliyani kuhakorera amashusho y'indirimbo yanjye.'

Uyu muhanzi yavuze ko azagaruka mu Rwanda, akomeze urugendo rwo kwitegura igitaramo cye cyo kwizihiza imyaka 10 ishize ari mu muziki.

Davis D avuga ko ateguye iki gitaramo muri Kigali, mu gihe ari no kwitegura gukorera ibitaramo i Burayi yise 'La Tour du Roi'. Anavuga ko muri iki gihe anahugiye mu gutegura indirimbo nshya zizaba zigize Album ye nshya.

Ni album avuga ko izaba iriho indirimbo nyinshi kandi 'ziryohe amatwi'. Yaherukaga gusohora Album yise 'Afro Killer' yariho indirimbo zakunzwe cyane.

Mu bindi bikorwa ari gukora muri iki gihe, harimo no kwitegura gushyira hanze udukingirizo twamwitiriwe aho azakorana n'umuryango Syber Rwanda.

Davis D mu mvugo ye, aherekeresha amazina ye kuvuga ko ari 'umwana w'abakobwa'. Inyandiko zimuvugaho, zigaragaza ko yavutse ku wa 23 Werurwe 1993, aho yavukiye mu Karere ka Huye mu Majyepfo y'u Rwanda.

Uyu muhanzi yatangiye urugendo rwe rwa muzika mu mwaka 2014. Yamenyekanye cyane binyuze mu ndirimbo zirimo 'Biryogo' yakoze mu 2015. Akomeza gushyira hanze indirimbo zirimo nka 'Mariya Kaliza', 'Ma people' n'izindi.

Davis D ni umwe mu bahanzi bagarutsweho cyane mu itangazamakuru, ahanini binyuze mu bihangano bye n'ibindi bikorwa yagiye ategura byatumaga abantu bamuhozaho ijisho. Azwiho gukora amashusho y'indirimbo zihenze, ku buryo atekereza ko abantu bagakwiriye kubimwubahira.

Yakoranye by'igihe kirekire na Muyoboke Alex wabaye umujyanama we, ariko muri iki gihe akorana n'umubyeyi we umufasha gutegura no gushyira mu bikorwa imwe mu mushinga y'indirimbo yiyemeje irimo n'iyo akorera muri Leta Zunze Ubumwe z'Abarabu.

Imyambarire ye, uko yigaragaza mu ifatwa ry'amashusho, imikoreresheje y'imbuga nkoranyambaga, ibihangano bye n'ibindi ni bimwe mu byo ashaka kumurikira abakunzi be bo mu Rwanda, ubwo azaba yizihiza imyaka 10 ari mu muziki.

 

Davis D yamaze kugera mu Mujyi wa Paris mu Bufaransa aho yagiye kwifatanya n'abanyamuryango ba FPR-Inkotanyi bahabarizwa

Davis D yavuze ko azava mu Bufaransa yerekeza mu Bubiligi aho afite igitaramo

Davis D avuga ko azajya mu Butaliyani kuhafatira amashusho y'indirimbo ye

Davis D amaze iminsi atangaje igitaramo cyo kwizihiza imyaka 10 ishize ari mu muziki

Igitaramo 'AfroXtravaganza' kizahuza Moses, Michael na Davis D kizaba ku wa 20 Nyakanga 2024

KANDA HANO UREBE AMASHUSHO Y'INDIRIMBO 'MY DREAMS' DAVIS DYAKORANYE NA MELISSA

“>

Mu ntangiriro z’ukwezi kwa Gicurasi uyu mwaka ni bwo Perezida Kagame akaba n’Umugaba w’Ikirenga w’Ingabo z’u Rwanda yemeje ishyirwaho ry’Icyiciro cy’Ingabo z’u Rwanda zishinzwe ibijyanye n’Ubuzima.

Iki gihe Gen Maj Dr. Ephrem Rurangwa yagizwe Umugaba Mukuru ushinzwe Serivisi z’Ubuvuzi mu Gisirikare cy’u Rwanda, mu gihe Col Dr. John Nkuriye yazamuwe mu ntera agahabwa ipeti rya Brigadier General ndetse agirwa Umugaba wungirije ushinzwe Serivisi z’Ubuvuzi.

Kuri ubu iri shami rishinzwe ubuzima mu ngabo z’u Rwanda (JI Department) ryatangiye kwakira abantu bifuza kuryinjiramo. Ibi byatangarijwe mu itangazo ryasohowe na RDF, rishyirwaho umukono na Col. Lambert Sendegeya Umuyobozi Mukuru Ushinzwe abakozi mu Ngabo z’u Rwanda.

Dore itangazo ryihariye ku bifuza kwinjira mu ngabo z’u Rwnada mu ishami ry’Ubuvuzi:

Ni imwe muri filime zigezweho muri iki gihe ku mbuga zinyuranye, ndetse iherutse kwerekanirwa i Kigali. Iri mu rurimi rw'Icyongereza kandi ikoze mu bwoko bwa filime ziteye ubwoba ibizwi nka 'Horror Movies'.

Igaragaramo amazina akomeye ku isi mu gukina filime nk'umunya-Kenya, Lupita Nyong'o wamamaye cyane muri filime 'Black Panther'' na Joseph Quinn wamenyekanye muri filime 'Stranger Things'.

Mu bandi bakinnyi b'imena bagaragara muri iyi filime harimo na Djimon Hounsou wamamaye mu zirimo 'Aquaman'', 'Blood Diamond'', 'A Quiet Place Part II' n'izindi; Alex Wolff wamenyekanye muri filime 'Stella's Last Weekend'', Denis O'Hare wamamaye muri 'The Pyramid'' n'abandi.

Iyi filime yakozwe cyangwa se yatunganyijwe na Sosiyete ya Paramount Pictures iri mu zikomeye ku Isi; iyi sosiyete yahaye ibyishimo ibihumbi by'abantu ku Isi binyuze muri filime bashyize ku isoko mu bihe bitandukanye. Abanditsi ba filime basanzwe bazwi John Krasinski na Michael Sarnoski ni nabo banditse 'A Quiet Place: Day One'.

Mu kiganiro cyihariye na InyaRwanda, Umuhire Eliane, umunyarwandakazi ukomeje kuzamura izina rye ku ruhando mpuzamahanga, yavuze ko kwisanga muri iyi filime byaturutse ku muntu usanzwe umufasha uba mu Bwongereza wamubwiye ko abanditsi b'iyi filime bari gushaka abakinnyi, amubwira kugerageza amahirwe.

Yavuze ko hashize amezi abiri atanze ubusabe bwe, yabwiwe ko yatsinze atangira kwitegura kuzakina muri iyi filime. Ati 'Nakoze 'Casting' nk'ibisanzwe. Ariko byaturutse kuri 'Angent' wanjye wo mu Bwongereza wonyoherereje ambwira gusaba kuzakina muri iyi filime, n'uko nkora ibyo nasabwaga ndabyohereza. Nyuma y'amezi abiri aza kumpamagara ambwira ko natoranyijwe.'

 

Umuhire yavuze ko gukina muri iyi filime ari intambwe ikomeye yateye mu rugendo rwe rw'ubuzima, anashingiye ku kuba yarahuriyemo n'abakinnyi bakomeye i Hollwood.

Yavuze ati 'Ni iyindi ntambwe yo kwishimira. Nibyo koko umuntu arebye amazina y'abo twahuriyemo, akanareba ko ari 'Hollywood blockbuster', umuntu yavuga ati ni intambwe ikaze.'

Avuga ariko kandi ko 'iyo nsubije inyuma nsanga buri filime yose, buri mu mahirwe yo gukina nahawe, yabaga ari intambwe ikaze.' Yaba ari muri filime nto (Short Movie) cyangwa se filime ndende (Feature Film).

Umuhire anavuga ko yagize ibyishimo muri we, kuko benshi mu bakinnyi bahuriyemo, yari asanzwe ari umufana wabo ukomeye.

Umuhire avuga ko nka Djimon Honsou yamumenye ubwo yarebaga filime 'Blood Diamond and Gladitor' cyera yiga muri Kaminuza, ni mu gihe yamenye Lupita Nyong'o kandi amukunda muri filime yakinnyemo yitwa '12 Years a Slave' n'izindi.

Kubera ko iyi filime iri mu bwoko bw'iziteye ubwoba ('Horror Movies), Umuhire avuga ko batangira gukina yari afite ubwoba bwinshi muri we n'amatsiko. Ati 'Nari mfite amatsiko yo kumva no kureba uko umuntu akina film ya 'horror'. Cyane cyane ko burya igitera ubwoba ni 'sound' (amajwi) ndetse na 'reaction' z'abakinnyi (uko abakinnyi bakira ibintu).'

Akomeza ati 'Kubona abakinnyi bafite ubwoba cyangwa twebwe nkabareba kubona mbere ya 'character'(uwo yakinnyemo) ibigiye kumubaho, nibyo bidutera ubwoba. Numvaga ko bizaba byoroshye ariko nasanze ahubwo ari akazi kenshi, gasaba gukoresha ibyiyumviro byose by'umubiri bikanasaba gushyira hamwe cyane n'abandi bakinnyi.'

Umuhire Eliane avuga ko buri mukinnyi bahuriye muri filime afite ibyo amwigiraho cyangwa amusigira. Yavuze ko yakozwe ku mutima n'uburyo Lupita Nyong'o yakinnye umwanya yahawe muri filime, ndetse n'uburyo yiteguraga mbere y'uko atangira kugaragara kuri Camaera.

   

Lupita yakinnye mu mwanya w'umurwayi wa Cancer. Kugirango ahuze neza n'ibyo abanditsi ba filime bashakaga byasabye ko atakaza ibiro mu gihe gito yisanisha n'umurwayi wa Cancer.

Kuri Umuhire Eliane ni 'ibintu byanyeretse ubuhanga bwe n'uburyo ariwe wari ukenewe kuri uyu mwanya koko'! Yavuze kandi ko Djimon Honsou wakinnye ari umugabo we muri iyi filime, yabonye ubuhanga bwe mu bijyanye no kujyanisha n'ibyo abanditsi ba filime bashakaga, kandi 'ikirenzeho afite umutima mwiza, ni umuntu mwiza'.

Umuhire asobanura ko mu bice byose by'iyi filime nta hantu na hamwe yigeze acika intege, kuko rwari urugendo rworoshye kandi rwo kwishimira kuri we. Ati 'Buri wese yari ashimishije mu ruhande rwe.'

Muri rusange abanditsi b'iyi filime, bayanditse bashaka kugaragaza uburyo abantu babiri bashobora guhuza imbaraga no gufashanya igihe Isi yaba igana ku iherezo.

Muri iyi filime Lupita akina yitwa 'Sam' ahuza imbaraga na mugenzi we Joseph Quinn ukina yitwa Eric kugira ngo bagerageza kurokoka ibivejuru biba byateye Umujyi wa New York.

Iyi filime yatangiye kujya ku isoko kuva mu mpera za Kamena 2024

Umuhire Eliane ari kumwe na Djimon Hounsou, umukinnyi wa filime yakunze kuva akiri muri Kaminuza

Umuhire yatangaje ko yakunze cyane imikinire ya Lupita [Uwa kabiri uvuye ibumoso] ubwo yamubonaga muri filime yitwa '12 Years a Slave'

Lupita Nyong'o na Joseph Quinn nibo bakinnyi b’imena muri filime 'A Quiet Place Day One'

Uhereye ibumoso: Lupita Nyong’o, Umuhire Eliane, Djimo Hounsou na Alex Wolff bakinnye muri iyi filime

KANDA HANO UREBE INTEGUZA Y’IYI FILIME ‘A QUIET PLACE: DAY ONE

“>

Mu minsi ishije ni bwo icyamamare Davido na Chioma bakoze ubukwe bwakangaranyije Nigeria bitewe n’abaherwe n’abayobozi bakomeye muri Africa babutashye. Ubu bukwe kandi bwatwaye amafaranga menshi nubwo banyirubwite batarayatangaza.

Bivugwa ko ubukwe bwa Davido bwatwaye Miliyoni 39, gusa aya ni avugwa bitewe n’igiciro cy’imyambaro yabo, imodoka bagenzemo, impano y’imodoka Davido yahaye umugore we, aho biyakiriye hamwe n’umutsima ‘Cake’ bakase.

Icyakoze si Davido gusa wakoze ubukwe buhenze dore ko ku rwego mpuzamahanga hari ibyamamare byagiye bikora ubukwe buhenze kurusha ubundi. Aba ntabwo barimo ba Michael Jordan, King Charles III cyangwa Wayne Rooney ahubwo bo barabarenze kuko bakoresheje amafaranga menshi cyane.

Urebye kandi ubu bukwe buhenze bw’ibyamamare mu kinyejana cya 21, usanga bwinshi bwarabaye mu myaka yashize ndetse n’uburi kuba iki gihe ntiburabasha kugera ku kigera cyabwo nk’uko Wonderlists ibitangaza.

Dore ubukwe 5 bw’ibyamamare buhenze cyane mu kinyejana cya 21:

1.Amit Bhatia na Vanisha Mittal

Ubu bukwe bwa mbere buhenze bwabaye ku itariki 22/06/2004. Bwatwaye ama pound miliyoni 47

Vanisha Mittal,uyu ni umugeni ukomoka ku muryango ukize cyane ufite uruganda runini cyane ku isi rucura ibyuma (acier), ruzwi kuba ari urw'umuherwe witwa Rakshmi Mital. Amit Bhatia we ni umushoramari I London mu bwongereza. Muri ubu bukwe nta faranga ryasagutse namba, kuko bwamaze iminsi 6,butumirwamo abantu 1000,bakodesherejwe indege za boeing 12.

Bwabereye I Beirut muri Libani ahazwi ku izina rya Grand Versailles, bwahuruje abatetsi 45, utubindi tw'indabo 10,000, umutsima (wedding cake/gateaux) utagira ingano, ikindi kandi ni uko igitsina gore cyose kitabiriye ubwo bukwe cyakiranwe urugwiro rwinsi, buri mugore cyangwa umukobwa yahawe isakoshi y'igiciro buri wese atakwigondera.

Utubyiniro (Nightclub) twose tw'i Beirut twarakodeshejwe mu kwerekana filime yakiniwe Bollywood yerekana uburyo iriya couple yahuye igakundana.

2. Kate Middleton na Prince William

Ubu bukwe bwatwaye ama pound milioni 20,   bwabaye 29/04/ 2011

Impeta y'umugeni yonyine  yaguzwe amadolari ibihumbi 136,000,umutsima w'ubukwe utwara akayabo k'ibihumbi 80 by'amadolari, imyambaro y'amadolari ibihumbi 70, indabo zatwaye akayabo k'amadolari ibihumbi 800, kwakira abashyitsi no kubacumbikira muri hoteli zihenze buri cyumba ku madolari 550 ku ijoro rimwe byatwaye amadolari ibihumbi 600, ugashyiramo n'amafaranga yagendeye mu gukaza umutekano,nta cyasizwe inyuma rwose.

3. Al-Muhtadee Billah na Sarah Salleh

Ubu bukwe bwa gatatu mu gutwara menshi bwabaye kuwa 09/09, 2004. Bwatwaye Million 3 z'ama pound

Muri Brunei, agahugu gato gaherereye mu majyepfo ashyira uburasirazuba bwa aziya, igikomangoma Al-Muhtadee Billah w'imyaka 30 yarongoye umukobwa w'imyaka 17 Sarah Salleh, habaye ibirori byamaze icyumweru cyose,habonetsemo imiriro izwi ku izina rya fireworks (feu d'artifices) ihenze cyane, imidoka za limousine 103, n'ikamba ry'umugeni rikoze muri zahabu.

Salleh yari yambaye umwambaro w'akataraboneka utatswe na zahabu na diyama. Muri iki gihugu iyo umuntu ukomoka I bwami akoze ubukwe  haba ibirori mu gihugu cyose bimara ibyumweru bibiri.

4. Liza Minnelli na David Gest

Ubukwe bwa kane bwatwaye akayabo bwabaye ku wa  16/03/ 2002. Bwatwaye Million 2,5 z'ama pound, ariko ntibwateye kabiri baratana.

Ibirori by'ubu bukwe byabayeho gake cyane I Hollywood. David Gest w'imyaka 49 yarongoye icyamamare cy' I Hollywood  Liza Minnelli w'imyaka 56. Ubu bukwe bwaciye benshi ururondogoro kuri uriya munsi. Uwari uherekeje Gest (best man) yari Michael Jackson naho Minnelli we yari aherekejwe na Elizabeth Taylor.

Abantu basaga 1000 batashye ubu bukwe, hari n'umucuranzi w'ikirangirire Tony Bennett,wari uherekejwe na orchestra isusurutsa bageni igizwe n'abantu 60. N'ubwo ubu bukwe bwatwaye akayabo kangana gutya, nyuma y'umwaka umwe iyi couple yaratandukanye burundu kubera kurwana no kunywa ibiyobyabwenge.

5. Paul McCartney na Heather Mills

Ni ubukwe bwa 5 bwabaye kuwa 11/06/ 2002. Bwatwaye  akayabo kangana na milioni 2.5 z'ama pound.

Ubu bukwe nabwo bwatwaye menshi mu cyayenge ugereranyije n'ubundi bwabubanjirije. Uwahoze ari umucuranzi w’itsinda rya The Beatles, Paul McCartney na Heather Mills wahoze ari umu nyamideli waje gucika akaguru kubera accident ya moto, bakoreye ubukwe muri chateau y'akataraboneka  muri Ireland.

Abatumirwa 300 ntibigeze bamenyekana,ariko ibihuha byavuze ko abahoze muri beatles bose babutashye, Bill Clinton wahoze ayobora Leta Zunze Ubumwe z’Amerika, ndetse n'abandi bakuru b'ibihugu bo mubihugu bitandukanye, umutekano wabo watumye buhenda bitagira ingano. Nyuma y'ibirori, abashyitsi babyiniye ku rubuga runini cyane ndetse banatemberezwa mu bwato bw'akataraboneka.

Rutahizamu w’ikipe y’igihugu Amavubi, Gitego Arthur ukinira AFC Leopards muri Kenya, agiye gukora igeragezwa mu ikipe ya Hapoel Nof Hagalil FC muri Israel.

Nubwo uyu mukinnyi nta byinshi yifuza kubitangazaho, amakuru ISIMBI yamenye ni uko Gitego yabengutswe n’iyi kipe ikina mu cyiciro cya kabiri akaba agiye gukorayo igeragezwa ry’ibyumweru bibiri.

Gitego Arthur wakinaga umwaka we wa mbere muri ibiri yasinyiye AFC Leopards yagezemo muri Gashyantare uyumwaka akagiriramo ibihe byiza akayifasha kurangiza ku mwanya wa 5 ndetse akaza guhembwa nk’umukinnyi watsinze ibitego byinshi muri Mozzart Cup aho yatsinze 5, mu gihe yatsinda igeragezwa yahita asinyira iyi kipe.

Bivugwa ko agomba kuba yageze muri Israel bitarenze tariki ya 14 Nyakanga 2024, gusa inshuro zose ISIMBI yagerageje kumuvugisha ntabwo yitabye telefoni ye ngendanwa. Biteganyijwe ko azakorera igeragezwa ry’ibyumweru bibiri muri iyi kipe yo mu cyiciro cya kabiri muri Israel.

Gusa nk’uko ikinyamakuru Mozzart Sports cyo muri Kenya kibitangaza ni uko uyu mukinnyi aya makuru amukura muri AFC Leopards yayahakanye avuga ko nta gahunda afite akiri umukinnyi wa AFC Leopards azayikinira umwaka utaha w’imikino.

Gitego Arthur biravugwa ko agiye gukora igeragezwa muri Israel

Ubwo IGIHE yahageraga, ishami rya Polisi y'u Rwanda rushinzwe kuzimya inkongi ryari ryatangiye kuzimya ndetse byenda kurangira.

Umuvugizi w'Umujyi wa Kigali, Ntirenganya Emma Claudine, yavuze ko amakuru y'iyi nkongi bayamenye ahagana saa moya z'igitondo ubwo umwotsi wasohokaga muri iyi nyubako ukagaragara inyuma.

Ku kijyanye n'icyateye iyi nkongi, Ntirenganya yavuze ko hataramenyekana icyayiteye neza ariko ko hakekwa ko yaba yatewe n'ibikoresho by'amashanyarazi byari biri ahafashwe n'iyi nkongi.

Ati 'icyateye inkongi ntago kiramenyekana, haracyakorwa iperereza, gusa birakekwa ko ari ibikoresho by'amashanyarazi basize bicometse kuko ntago ari inyubako ubwayo yangiritse ahubwo hangiritse ibicuruzwa byari ahafashwe n'inkongi.'

Yongeyeho ko kugeza ubu abasanzwe bakorera ahandi hatari mu gice cyafashwe n'inkongi bakomeza imirimo yabo kuko abashinzwe ibikorwa by'ubutabazi bajimije umuriro hagahita hakorwa n'amasuku.

Ahafashwe n'inkongi y'umuriro hakorerwaga ibikorwa bitandukanye harimo ubucuruzi bw'imyenda, amarido, pharmacy n'ibindi, kugeza ubu ntiharamenyekana agaciro kose k'ibyangiritse.

Umwe mu bakorera hafi y'ahafashwe n'inkongi y'umuriro utashatse ko amazina ye atangazwa yavuze ko aho bakorera hakunze kuba ibibazo by'amashanyarazi ku buryo usanga bahora bayakora.

Ati 'Usanga hamwe bafite umuriro ahandi wabuze gutyo gutyo, ku buryo abakozi baha bahora bakora umuriro.'

Umusaza Havugimana Jean De Dieu wakuze yifuza kubona igihugu cyiza avuga ko yakabije izo nzozi ashaje, aho aboneye imiyoborere myiza ya Perezida Paul Kagame, umukandida wa FPR Inkotanyi.

Havugimana acuranga umuduri akaba yarahanze indirimbo ivuga ibyiza u Rwanda rwagezeho rubikesha ubuyobozi bwa perezida Paul Kagame.

Mu kiganiro cyihariye na IGIHE, Havugimana yasobanuye ko bakuriye mu gihugu gifite ubutegetsi bwimakaje umujinya none akaba asaziye mu gihugu yifuzaga.

Ati 'Icyatumye mpimba iki gihangano byatewe n'imiyoborere myiza umubyeyi wacu afitiye iki gihugu. Ndifuza ko iki gihangano cyaseruka n'abandi bakacyumva. Igihugu cyacu cyayoborwaga n'umwijima none ubu u Rwanda ruyoborwa n'umucyo. Perezida Kagame ndifuza ko Imana yamwongerera imbaraga zo kubaho kuko ibiri imbere ateganya kuduha ni byinshi'

Umuhanzi Havugimana Jean De Dieu ni uwo mu murenge wa Rangiro mu karere ka Nyamasheke. Yakoze indirimbo irimo ibikorwa by'iterambere byashibutse ku miyoborere myiza ya Perezida Kagame uri kwiyamamariza kongera kuyobora u Rwanda.

Reba Ikiganiro n'umuhanzi Havugimana Jean De Dieu:

Ibi babigaragaje kuri uyu wa Gatatu tariki ya 3 Nyakanga 2024 ubwo bahuriraga kuri Sitade y'aka Karere mu kwamamaza Abakandida-Depite b'umuryango FPR-Inkotanyi, ndetse n'Umukandida ku mwanya wa Perezida wa Repubulika, Paul Kagame.

Ukuriye ibikorwa byo kwamamaza FPR-Inkotanyi mu Karere ka Bugesera, Mukarugwiza Annonciata, yavuze ko Akarere ka Bugesera kahoze ari Akarere gasa n'akahejwe aho katagiraga ibikorwa remezo bigezweho, ariko kuri ubu ibikorwa byivugira.

Ati 'Kari Akarere kahejwe, kari Akarere gafite amateka mabi, ukoherejwemo ntabyemere. Ubu rero ni Bugesera y'ubuzima kuri buri wese. Ni Akarere kifuzwa na buri umwe, Perezida Kagame yaduhinduriye amateka, ubu buri muturage wese afite uburenganzira nk'undi munyarwanda wese.

Mugabo Wellars utuye mu Mudugudu wa Kayenzi mu Kagari ka Cyugaro mu Murenge wa Ntarama, yabwiye IGIHE ko zimwe mu mpamvu zituma azatora Perezida Kagame ari uko yamukuye mu rufunzo, agatuma amenya gusoma no kwandika yari yarambuwe na Leta mbi.

Ati 'Ndamushimira ko yankuye mu rufunzo, ubu nsigaye ngenda igihugu cyose ntakwishisha ngo ndakwa ibyangombwa. Ikindi nshingiraho gituma nzatora FPR-Inkotanyi ni uko imiyoborere myiza yayo yatumye menya gusoma no kwandika, kuri Leta mbi zabanje nakuwe mu ishuri ngo ni uko ndi Umututsi.'

Karangwa Emely umwe mu rubyiruko rwo mu Murenge wa Nyamata yavuze ko we impamvu azashingiraho atora FPR-Inkotanyi ari uko mu gihugu hose hari umutekano no kwishyira ukizana kwa buri muntu wese.

Ati 'Ubu twe twarize, amashuri yageze ahantu hose mu gihugu, dufite umutekano, tujya twumva ukuntu ababyeyi bacu babayeho mbere bamwe bicwa bazizwa uko baremwe, abandi bagasahurwa ukumva ni ibintu biteye ubwoba. Ubu rero turishimira ko twe twavukiye mu gihugu kirimo amahoro, turifuza ko ayo mahoro akomeza kubaho tukazabigiramo uruhare dutora FPR-Inkotanyi.'

Abakandida-depite batatu biyamamaje uyu munsi mu Bugesera barimo Uwitije Clementine, Mukandanga Speciose na Rutayisire Jackson, buri umwe wese yagiye ahabwa umwanya akabwira abaturage ko bakwiriye gutora FPR-Inkotanyi kugira ngo ibyagezweho bikomeze bibungwabungwe hanubakwe ibishya mu gihe kiri imbere.

Biteganyijwe ko tariki ya 6 Nyakanga 2024 ari bwo mu Karere ka Bugesera bazakira Paul Kagame, Umukandida wa FPR-Inkotanyi uzaba uje kuhiyamamariza ku mwanya w'Umukuru w'Igihugu, azahurira n'abanyamuryango Kindama mu Murenge wa Ruhuha.

Bashimiye FPR Inkotanyi ibyo imaze kubagezaho

Ibyishimo byari byose ku banyamuryango ba FPR Inkotanyi mu Bugesera

Bateraniye muri stade ya Bugesera

Abakandida Depite ba FPR-Inkotanyi basabye abanyamuryango bo mu Bugesera kuzakomeza kugirira icyizere uyu muryango bakabyerekana bawutora