Author: webrwanda

1. Madamu Judith Uwizeye, Minisitiri muri Perezidansi ya Repubulika
2. Madamu Inès Mpambara, Minisitiri muri Primature
3. Bwana Yusuf Murangwa, Minisitiri w'Imari n'Igenamigambi
4. Amb. Olivier Nduhungirehe, Minisitiri w'Ububanyi n'Amahanga
n'Ubutwererane
5. Dr. Emmanuel Ugirashebuja, Minisitiri w'Ubutabera/Intumwa Nkuru ya Leta
6. Bwana Juvenal Marizamunda, Minisitiri w'Ingabo
7.Madamu Consolée Uwimana, Minisitiri w'Uburinganire n'lterambere ry'Umuryango
8. Dr. Vincent Biruta, Minisitiri w'Umutekano mu Gihugu
9. Bwana Jean Claude Musabyimana, Minisitiri w'Ubutegetsi bw'lgihugu
10. Dr. Jimmy Gasore, Minisitiri w'lbikorwa Remezo
11. Paula Ingabire, Minisitiri w'Ikoranabuhanga na Inovasiyo
12. Bwana Gaspard Twagirayezu, Minisitiri w' Uburezi
13. Dr. Jean-Damascène Bizimana, Minisitiri w'Ubumwe bw'Abanyarwanda n'Inshingano Mboneragihugu
14. Dr. Ildephonse Musafiri, Minisitiri w'Ubuhinzi n'Ubworozi
15. Dr. Sabin Nsanzimana, Minisitiri w'Ubuzima
16. Amb. Christine Nkulikiyinka, Minisitiri w'Abakozi ba Leta n'Umurimo
17. Prudence Sebahizi, Minisitiri w'Ubucuruzi n'Inganda
18. Dr. Valentine Uwamariya, Minisitiri w'Ibidukikije
19. Maj Gen (Rtd) Albert Murasira, Minisitiri w'lbikorwa by'Ubutabazi
20. Richard Nyirishema, Minisitiri wa Siporo
21.Dr. Jean Nepo Abdallah Utumatwishima, Minisitiri w'Urubyiruko n'Ubuhanzi

Jado Kelly ni umunyarwanda utuye mu Bufaransa, akaba ari umukristo mu Itorero rya Zion Temple Bruxelles. Ni Umuyobozi wa gahunda yo kuramya no guhimbaza Imana (Worshiper Leader). Yatangiye umuziki mu 2007 atangirira aho yasengeraga muri Zion Temple Rubavu ishami rya Nyamyumba aho yari umwe mu ba Worshiper Leaders.

Icyakora avuga ko yatangiye gukora indirimbo ze bwite mu 2016 aho yatangiriye ku ndirimbo yise “Africa rise and shine” yaririmbwemo n’abaririmbyi b’abahanga barahuye ubumenyi ku Nyundo, abo akaba ari Neema, Ruth Christmas Kanoheli na Peace Hoziana. Nyuma yaho yakoze izindi ndirimbo eshatu, ariko ntiyazisangiza abakunzi ba muzika.

Yakomeje umuziki mu mwanya muto aba afite, akora indirimbo zinyuranye zirimo “Tuza” yagaragarijemo ubuhanga buhanitse, akurikizaho “God with us” na “Yahweh” yakoranye na Gaby Kamanzi. Nyuma y’umwaka umwe yari amaze adasangiza abakunzi be igihangano gishya, kuri ubu agarukanye indirimbo y’amashusho yise “Gutabarwa”.

Jado Kelly yavuze ko iyi ndirimbo “Gutabarwa” yayihimbye mu mwaka wa 2015, itunganywa na Pacque Pro mu buryo bw’amajwi. Ati “Muri uyu mwaka wa 2024 ni bwo nasubiye mu bubiko nyumvise mfata umwanzuro wo kuyisubiramo nkayikorera n’amashusho”.

Yafashe uwo mwanzuro kuko “ifite ubutumwa buhumuriza imitima y’abafite amasezerano y’Imana bumva bacitse intege baruhijwe no gutegereza isezerano”. Yahise ayijyana muri Gates Sound Studio, yongererwa ibirungo na Producer Gates Mulumba uzwi nka Bill Gate.

Inyikirizo yayo iririmbamo undi muramyi w’umuhanga witwa Umumporeze Emelance. Amashusho yayo yafashwe ndetse atunganywa na Bombastic Studio. Ni indirimbo riri mu njyana ya Hiphop, bikaba byatunguranye cyane dore ko ari ubwa uyu musore akoze indirimbo iri muri iyi njyana.

Mu baraperi bazwi muri Gospel harimo Sekuru wabo Bright Patrick, The Pink, Bright Karyango, Blaise Pascal, Rev Kayumva Fraterne, MD, Uncle Sam n’abandi. Icyakora aba bose harimo abahagaritse umuziki mu ibanga, abandi baracyawukora ariko biguru ntege, abagishoye imizi ni bacye. Jado Kelly akaba azajye amaraso mashya muri Hiphop.

Mu kiganiro na inyaRwanda, Jado Kelly yavuze ko impamvu yamuteye guhimba iyi ndirimbo “byavuye ku bihe inshuti yanjye yari irimo gucamo bigoye cyane ku buryo byahungabanyaga kwizera kwe ku by’Imana yavuganye nawe atumva ahobizaca ngo bishyike;

Nyuma y’igihe yamaze asenga Imana anayizeye, Imana ica inzira imukura muri ibyo bibazo byose imugirira neza, imugira umuntu ukomeye kuko yahagaze ku munara we akarinda kwizera kwe ntacogore, mu gihe gikwiye rya sezerano yahawe n’Imana rirasohozwa”.

Jado Kelly avuga ko akimara kumva iyo nkuru yagize umunezero mwinshi, bimutera guhita ahimba iyi ndirimbo “mbwira abizera bose baca mu bikomeye bigoye, mu bigeragezo bitandukanye, babona nta nzira, ko hari umunsi wo Gutabarwa”.

Yavuze ko ikintu kimwe gikwiriye kandi gikenewe “ni ugukomeza kwizera ko amazezerano n’aho yatinda Imana ntibeshya, icyo ivuze iragisohoza, guhagarara ku munara no kurinda izamu ni cyo gikwiye mu bihe bigoye nk’iby’inshuti yanjye yarimo kunyuramo”.

Nyuma yo guhimba iyi ndirimbo no kuyikorera amajwi ntabwo yahise ayitanga hose, ati “Gusa ndumva icyo gihe narakoze ikiganiro kuri Radio Rubavu mvuga kuri iyo ndirimbo, ndibaza ari ho honyine nayitanze muri icyo gihe.”

Arishimira ko iyi ndirimbo ye yakozwe “mu buryo buryoheye umutima, ubugingo, amatwi ndetse n’amaso, haba ku majwi ndetse n’amashusho yayo”. Yashimye abantu bose bashyigikiye umuhamagaro we no gufatanya nawe kugeza ubutumwa bwiza anyuza mu ndirimo ku bantu benshi ku isi.

Ati “Twagiye tubona feedback z’abantu bagiye bahumurizwa n’ubutumwa buri muri izo ndirimbo cyane cyane indirimbo ya mbere nasohoye yitwa “Tuza”. Ndashima Imana cyane ko Mwuka Wera yayikoresheje ku guhumuriza imitima y’abari bihebye”.

Uyu muraperi wo guhangwa amaso bitewe n’ubuhanga yagaragaje mu ndrimbo “Gutabarwa”, yavuze ko mu kwizera kwe, iyi ndirimbo ye Mwuka Wera ari buyikoreremo kugira ngo ahumurize, yomore imitima y’abakomeretse ndetse no gusubiza imbaraga mu bacitse intege.

Yashimiye byimazeyo abifatanyije nawe kwamamaza Izina rya Yesu, ati “Ku bwanyu mwese mwashyigikiye uyu murimo benshi bahawe umugisha ku bwawe nanjye, mukomeze muhamye imirimo ya Yesu no guhamiriza isi ko nta handi gutabarwa kuva uretse kuri Yesu.”

Jado Kelly ni uwo guhangwa amaso mu muziki wa Gospel by’umwihariko muri Hiphop

Avuga ko iyi ndirimbo ye “Gutabarwa” yakozwe mu buryo bugezweho

Umukobwa ugaragara mu ndirimbo “Gutabarwa” ya Jado Kelly

Jado Kelly yinjijwe mu muziki byeruye n’indirimbo yise “Tuza” imaze imyaka ibiri isohotse

REBA INDIRIMBO NSHYA “GUTABARWA” YA JADO KELLY

REBA INDIRIMBO “YAHWEH” YA JADO KELLY FT GABY KAMANZI

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe, uwo kuramya no guhimbaza Imana ndetse n’abakora umuziki gakondo bose bakoze mu nganzo.

Shaffy uri mu bahanzi bakorera umuziki muri Leta Zunze Ubumwe z'Amerika, ni umwe mu bakoze mu nganzo, ndetse ashyira hanze indirimbo 'Bailando' igaragaramo umuhanzikazi wagwije ibigwi, Princess Priscillah [Scillah].

Mu minsi yashize ni bwo Shaffy yatangiye kwamamaza indirimbo yise 'Bailando', ikaba ari indirimbo ashyize hanze nyuma ya 'Bana' yakoranye na Chriss Eazy yaciye ibintu.

Ubwo yashyiraga hanze integuza yayo, benshi bagaragaje ko bafite inyota yo kumva igihangano cy'uyu musore ariko ikibazo gikomeza kuba umukobwa yifashishije mu mashusho.

Icyo gihe ntabwo uyu mukobwa yagaragaraga mu maso. Kuri uyu wa 15 Kanama 2024 ni bwo Shaffy yashyize hanze iyi ndirimbo yumvikanamo amagambo meza y'urukundo.

Ni indirimbo yitabajemo Princess Priscillah uzwi nanone nka Scillah, umuhanzikazi ufitanye indirimbo zakunzwe n'abarimo The Ben bahuriye muri “Ntacyadutanya” na Meddy bakoranye “Nka Paradizo”.

Dore urutonde rw'indirimbo 10 InyaRwanda yaguhitiyemo zakwinjiza neza muri weekend:

1.     Bailando — Shaffy

“>

2.     Tsinda — Massamba Intore

“>

3.     Intsinzi — Muyango

“>

4.  I Can Fly – Khalifan Govinda 

“>

5.  Sibyange — Yampano

“>

6.     Ibyo Birabareba — Yago

“>

7.     La Vie — Prince Salomon

“>

8.     Hareruya — Remedy Kongwe

“>

9.     Siendi Bila Asante — Josh Ishimwe

“>

10.     Inzira, Ukuri n'Ubugingo — Sharon Gatete ft Jonathan Ngenzi

“>

Bonus: Gutabarwa – Jado Kelly

Nyirishema Richard wari visi perezida mu Ishyirahamwe ry’umukino wa Basketball mu Rwanda (FERWABA), ni we wagizwe Minisitiri mushya wa Minisiteri ya Siporo (MINISPORTS).

Ni mu itangazo ryo mu biro bya Minisitiri w’Intebe ryashyizeho abaminisitiri muri Minisiteri zitandukanye.

Zimwe mu mpinduka zabaye ni muri Minisiteri ya Siporo aho Munyangaju Aurore Mimosa wari Minisitiri wari waragiyeho muri 2019 yavuyeho.

Yasimbujwe Nyirishema Richard wari usanzwe ari visi perezida w’Ishyirahamwe w’Ishyirahamwe ry’umukino wa Basketball mu Rwanda (FERWABA).

Nyirishema Richard Minisitiri mushya wa Siporo

Munyangaju Aurore Mimosa yavuyeho

Umutoza w’ikipe y’igihugu Amavubi, Frank Spittler yamaze guhamagara abakinnyi 36 agomba gukuramo abo azifashisha mu mikino ibiri yo gushaka itike y’igikombe cy’Afurika cya 2025 ya Libya na Nigeria.

Ni abakinnyi batarimo Hakim Sahabo wa Standard de Liège ukunzwe n’abanyarwanda cyane muri iyi minsi akaba yaravunitse, ntiharimo kandi abakinnyi nka Rafael York wa Gefle IF muri Sweden, Hakizimana Muhadjiri wa Police FC, Ishimwe Christian wa Zemamra Renaissance yo muri Maroc.

Tariki ya 4 Nzeri 2024 u Rwanda ruzasura Libya ni mu gihe tariki ya 10 Nzeri ruzakira Nigeria mu itsinda D ryo gushaka itike y’igikombe cy’Afurika cya 2025.

Frank Spittler akaba yamaze gushyira hanze urutonde rw’agateganyo rw’abakinnyi 36 azifashisha kuri iyi mikino.

Abakinnyi 36bahamagawe

Abanyezamu: Ntwari Fiacre (Kaizer Chiefs), Maxime Wenssens, Hakimana Adolphe (AS Kigali), Muhawenayo Gad (Gorilla FC) na Niyongira Patience (Police FC FC)

Ba Myugariro: Omborenga Fitina (Rayon Sports), Byiringiro Gilbert (APR FC), Bugingo Hakim (Rayon Sports), Niyomugabo Claude (APR FC), Imanishimwe Emmanuel Mangwende (AEL Limassol), Mutsinzi Ange Jimmy (FK Zira), Manzi Thierry (Al Ahli Tripoli), Niyigena Clement (APR FC), Nsabimana Aimable (Rayon Sports), Nshimiyimana Yunusu (APR FC), Hirwa Jean de Dieu (Bugesera FC) na Kwitonda Ally (Police FC)

Abakina Hagati: Bizimana Djihad (Kryvbas), Ruboneka Bosco (APR FC), Iradukunda Simeon (Police FC), Mugisha Bonheur Casemiro (AS Marsa), Nkundimana Fiabio (Marines), Rubanguka Steve (Al Nojoom), Niyonzima Olivier Seif (Rayon Sports), Niyibizi Ramadhan (APR FC), Dushimimana Olivier (APR FC), Mugisha Gilbert (APR FC), Iraguha Hadji (Rayon Sports) na Muhire Kevin (Rayon Sports)

Ba Rutahizamu: Hakim Hamis (Gasogi United), Samuel Gueulette (Raal La Louvière), Mbonyumwami Taiba (Marines), Nshuti Innocent (One Knoxville SC), Gitego Arthur (AFC Leopards), Kwizera Jojea (Rhode Island)na Mugisha Didier (Police FC)

Sahabo Hakim ari mu bakinnyi batahamagawe

Inteko Ishinga Amategeko Nshya yarahiye ku wa 14 Kanama 2024. Ubwo haburaga amasaha ngo uwo muhango utangire, Perezida w'Ishyaka Riharanira Demokarasi no kurengera Ibidukikije, DGPR, yasohoye itangazo rihindura abagombaga kurihagararira.

Iryo tangazo rivuga ko 'kubera impamvu zidashobora kuvuguruzwa, twafashe icyemezo cyo gusimbuza Carine Maombi, agasimbuzwa Masozera Icyizanye wari ku mwanya wa gatatu ku rutonde ntakuka rw'abakandida ku mwanya w'Abadepite.'

Perezida w'Ishyaka DGPR, Dr. Frank Habineza, yabwiye IGIHE ko nta bindi yifuza kurenza kuri iryo tangazo.

Mu kiganiro kigufi Maombi yagiranye na IGIHE yavuze ko impamvu zatumye akurwa mu badepite zizasubizwa n'Ishyaka akomokamo, ariko ahamya ko azakomeza kuribera umuyoboke.

Ati 'Ni iki cyankura mu ishyaka? Nta na kimwe pe, kuko ntabwo umuntu aba mu ishyaka kubera imyanya. Icyo gihe yaba ari inyungu z'imyanya waba ushaka ntabwo waba uririmo kuko ubishaka wenda ngo utange ibitekerezo.'

Maombi yavuze ko kuba atinjiye mu Nteko Ishinga Amategeko bitazamubuza gukomeza gukorera ishyaka ry'igihugu muri rusange.

Ati 'Kujya mu Nteko [Ishinga Amategeko] ntabwo ari ho umuntu atangira ibitekerezo gusa, rero nta cyenda kunkura mu ishyaka, ngomba gukorera ishyaka ryanjye, ngomba gukorera igihugu cyanjye, kuko ntabwo umuntu akorera igihugu cye ari urwego runaka arimo.'

Maombi yahamije ko agikomeje kuba ku mwanya wa Visi Perezida wa DGPR ku rwego rw'Igihugu.

Urutonde ntakuka rw'Abadepite rwari rwaratanzwe na DGPR, habanzaga Ntezimana Jean Claude wari unasoje manda ya mbere ari umudepite, hagakurikiraho Maombi Carine, ku mwanya wa gatatu hakaba Icyizanye Masozera usanzwe ari umubitsi w'ishyaka n'abandi.

Ishyaka DGPR ryatsindiye intebe ebyiri mu Nteko Ishinga Amategeko Umutwe w'Abadepite nyuma yo kugira majwi 4,56%.

Iyo umutwe umudepite agize impamvu zituma avamo manda ye ibura igihe kirenga umwaka umwe ngo irangire asimburwa n'umukurikira ku rutonde rw'umutwe wa politike yari ahagarariye, agasoza iyo manda.

Carine Maombi wakuwe ku rutonde rw’abadepite bahagarariye DGPR yavuze azakomeza kurikorera

Atangaje ibi nyuma y'iyi minsi ku mbuga nkoranyambaga no mu bitangazamakuru hacicikana amakuru y'uko iyi ndirimbo idateze gushyirwa hanze, mu gihe cyose Element yaba atayikuwemo cyangwa ngo yishyure arenga Miliyoni 500 Frw kubera ko atubahirije ibikubiye mu masezerano afitanye na Label ya 1:55 AM.

Mu ijoro ryo ku wa Gatatu tariki 15 Kanama 2024, The Ben yahuye kandi agirana ibiganiro na Coach Gael nyuma y'imyaka ibiri yari ishize badacana uwaka.

Ni ibiganiro byibanze ku kurebera hamwe uko iyi ndirimbo yajya hanze, ndetse amakuru avuga ko izasohoka, ku wa Mbere tariki 19 Kanama 2024.

Kevin Kade wagize uruhare mu guhuriza mu ndirimbo The Ben na Element, avuga ko yashimishijwe no kuba The Ben yarahuye na Coach Gael mu rwego rwo gushakira hamwe umuti w'iki kibazo.

Ariko kandi avuga ko yamenye Gael mbere ya The Ben kandi yamubonye 'nk'umuntu ukunda bino bintu dukora'. Ati 'Ni umuntu utitaye ku kuboko kuzamwishyura nyuma y'ibintu ari gukora'. Yizera y'uko we icyo ashinzwe gukora ni intumwa yo kugirango abanyarwanda bishime, nta nyungu abitezemo.”

Kevin Kade yavuze ko gukorana indirimbo na The Ben rwari urugendo rutoroshye ariko kandi yamubereye umugisha kuri we. 

Yavuze ko yakuze yifuza gukorana na The Ben, biri mu mpamvu yorohewe no kuba indirimbo 'Sikosa' yarayiririmbyemo. Ati 'Byaranyoroheye mu buryo ntabitekerezaga. Nawe, mbona ubumuntu bwiwe.'

Mu kiganiro na Kiss Fm, Kevin Kade yavuze ko iyi ndirimbo yagombaga gukorerwa muri 1:55 AM kubera ko Producer Element amufata nk'umwandimwe we. Atekereza ko ikorwa ry'iyi ndirimbo, ari naryo ryashyize iherezo ku mubano utari mwiza wari umaze imyaka ibiri.

Ati 'Bongeye bariyunga nk'abantu bakoranye. Kuko buriya Gael mbere atekereza gukora umuziki yahereye kuri The Ben, kugirango bakore ikintu mubona uyu munsi.'

Kevin Kade yavuze ko ajya gukora indirimbo 'Sikosa' yari afite indi ndirimbo yitwa 'Nyiragongo' yagombaga gukurikira 'Jugumila' ndetse na 'Mu nda'.

'Nyiragongo' yayanditse afatanyije n'abarimo Rumaga, Nessa ndetse na Bill Ruzima. Ariko avuga ko mu 2018, Element yakoze injyana y'iyi ndirimbo 'Sikosa' aza kuyimwoherereza agirango ayumve, undi nawe arayikunda ariko ntiyahita agaragaza ko ayishaka cyane.

Yavuze ko iriya ndirimbo 'Sikosa' Element yari yarayikoreye inkikirizo (Chorus) ndetse na 'Beat' yayo. Kevin Kade avuga ko n'ubwo yumvaga yakunze iriya ndirimbo, ariko yumva itari mu murongo w'indirimbo asanzwe akora, ariko atekereza ko igihe kigeze kugirango yagure amarembo y'umuziki we.

Kevin Kade avuga ko ashingiye ku kuntu iriya ndirimbo imeze, yatekereje gushaka uko yakorana na The Ben nk'umuhanzi mukuru. 

Ati 'Naravuze nti kubera iki ntakora na The Ben, ubundi ubu ngubu hari ikintu nsigaje? Ndavuga nti nagerageje nkora indirimbo zakunzwe, nakoze 'Collabo' ya Jugumila irakundwa, ndavuga nti reka mbe mu nzozi zanjye, nakuze nkunda The Ben cyane.'

Yavuze ko yasabye The Ben ko bahura, bahurira muri studio ya Bob Pro, hanyuma basohoka hanze bicara mu modoka amuganiriza ku mushinga w'indirimbo afite.

Yabanje kumwumvisha indirimbo 'Nyiragongo' The Ben arayikunda cyane, ariko amwumvishije injyana y'indirimbo 'Sikosa' arayikunda cyane birushijeho, ndetse amusaba ko bayikorana mu gihe cya vuba.

Ati 'Icyo gihe nari nasabye Element 'sample' y'iyo ndirimbo nyifite muri telefoni ariko atazi ko hari undi muntu nayumvisha, avuga ati icyo ni igikorwa cyanjye. Kubera ko turi inshuti, naramubwiye nti ujye unyumvisha imishinga (yawe). The Ben rero namucurangiye iyo ndirimbo, ayumvise aravuga ati aha ngaho turagiye.'

Kevin Kade yavuze ko The Ben yitangiye iyi ndirimbo, ku buryo yamubwiye ko buri kimwe cyose kizasabwa kugirango ikorwe yiteguye kukishyura. Ati 'Ubwe niwe wafashe iya mbere, arambwira ati ikintu cyose uzi gikenewe, inzu ukeneye gukoreramo 'Audio' uzane Element twicara, byose nzabyishyura. Yishyuye buri kimwe cyose muri 'Project'…'    

Uyu muhanzi avuga ko yakozwe ku mutima no kuba The Ben yaremeye ko bakorana iyi ndirimbo. 

Ariko kandi yafashe iminsi itatu yo gushaka agera kuri Miliyoni 2 Frw kugirango abone amafaranga yo kwishyura Element kubera iyi ndirimbo. Yavuze ko umuvandimwe we ariwe wamufashije kwishyura iyi ndirimbo.

Ati 'Nashakaga amafaranga byansabaga, kuko nari nziko amafaranga asaba kugirango atange indirimbo atari ukuyikora, ahubwo kuyigura kuko yari indirimbo ye.' 

Kevin Kade yatangaje ko indirimbo 'Sikosa' yayiguriye Producer Element arenga Miliyoni 2 Frw

Element yemeye kwakira amafaranga yahawe na Kevin Kade ariko asaba ko ahabwa uburenganzira kuri iyi ndirimbo

The Ben yemereye Kevin Kade kwishyura buri kimwe cyasabwaga kugirango bajye muri studio

Kevin Kade atekereza ko ikorwa ry'iyi ndirimbo ryashyize iherezo ku mwuka mubi wari hagati ya The Ben na Coach Gael- Iyi ndirimbo izasohoka ku wa Mbere tariki 19 Kanama 2024 

KANDA HANO UREBE AMASHUSHO Y’INDIRIMBO ‘JUGUMILA’ YA KEVIN KADE, CHRISS EAZY NA PHIL PETER

Nadia Farid Ishmael umugore wa Riderman yamushimiye ku rugendo rw’imyaka 9 bamaze barushinze, avuga ko kubana na we byatumye asobanukirwa ijambo ‘Mubaye umwe’ ndetse amuhamiriza urwo amukunda mu mitoma myinshi.

Ni mu Butumwa Nadia yanyujije ku rukuta rwe rwa Instagram kuri uyu wa 16 Kanama 2024, umunsi bizihijeho isabukuru y’imyaka 9 babana nk’umugabo n’umugore, cyane ko ubukwe bwa bo bwabaye ku wa 16 Kanama 2026.

Nadia yatangiye ashimira Imana k’ubwo kubana na bo mu rugendo rw’urushako rwa bo, ashimira na Gatsinzi Emery [Riderman] amubwira ko kubana na we byatumye asobanukirwa ijambo ‘Mubaye umwe’ bitanyuze mu magambo.

Yagize ati “Isabukuru nziza y’ubukwe bwacu. Ndashima Imana cyane. Amashimwe yuzuye umutima ku bw’urugendo rwiza twatangiranye kuri iyi tariki mu buryo bweruye kandi bwemewe imbere y’Imana n’imiryango yacu ndetse n’Igihugu. Reka nkushimire kuba turugendanamo neza mu bwuzu bwinshi, nkushimire ko kubana nawe byatumye nsobanukirwa ijambo ntumvaga mbere “mubaye umwe” bitanyuze mu magambo ahubwo kuko tubibanyemo.”

Yakomeje agira ati “Ndagukunda gitereko cy’umutima wanjye Riderman wambereye inshuti nziza koko. Inshuti impumuriza, inshuti insetsa, inshuti tuburana tugasoza ikiganiro atari uko kirangiye ahubwo ari uko tuziranye bihagije, inshti intega amatwi n’igihe ihuze, inshuti inkosora yigengeseye cyane mu mutuzo.”

Umufasha wa Riderman yasoje ubu butumwa agaragaza ko atewe ishema n’uko abana ba bo bazakurana ishusho y’urukundo rwa bo, kuko ibyo babona bigaburira amarangamutima n’intekerezo za bo kurusha ibyo bazumva bivugwa ku rukundo.

Ati “Ntewe ishema n’uko abana bacu bazakurana ishusho y’urukundo n’urugo rwiza. Sinshidikanya ko ibyo babona iwabo bigaburira amarangamutima n’intekerezo za bo kurusha ibyo bazumva ku rukundo. Uwiteka akomeze abibemo kuko byose ni ku bw’ubuntu bwa yo. Imigisha myinshi papa w’abanjye. Reka urukundo rwacu rukomeze kumurika cyane.”

Nadia yatomagije Riderman ku isabukuru y’ubukwe bwa bo

RUKUNDO Sulaiman / ISIMBI.RW

Nyuma yo gusezerana imbere y’amategeko, Nshuti Dominique Savio na Uwase Tracy Tricia bagiye guhita bakora ubukwe.

Amakuru ISIMBI yamenye ni uko ubukwe bwa bo bwagombaga kuba mu Kwakira 2024 ariko bukaba bwazanywe mu mpera z’uku kwezi kwa Kanama 2024.

Ni nyuma y’uko bari basezeranye imbere y’amategeko tariki ya 8 Kanama 2024 ukaba warabereye mu Murenge wa Remera.

Amakuru agera ku kinyamakuru ISIMBI ni uko impamvu yo kuzana ubukwe imbere ari uko umwe muri bo afite urugendo vuba ashobora kuba agiye kujya hanze y’u Rwanda.

Ubukwe bwa bo babugize ibanga rikomeye, nta gihindutse bukaba buzabera ku Kibuye nk’uko amakuru abihamya.

Muri 2017 ni bwo aba bombi urukundo rwa bo rwatangiye kuvugwa cyane mu itangazamakuru ubwo Nshuti Savio yakiniraga Rayon Sports.

Nk’abantu bakundana hari ibyo bataje guhuza bituma batandukana aho muri 2019 Tracy yaje kubwira itangazamakuru ko afite undi mukunzi.

Aba bombi bari bazi icyo bapfuye ndetse banamaranye igihe, baje kwiyunga bongera gusubira mu rukundo ubu bakaba biyemeje kubana akaramata.

Nshuti Dominique Savio yamenyekanye cyane muri Rayon Sports yakiniye kuva 2015 ubwo yari avuye mu Isonga, yayikiniye kugeza 2017 ubwo yajyaga muri AS Kigali yakiniye umwaka umwe agahita ajya muri APR FC na yo ayikinira umwaka umwe ari na bwo muri 2019 yahitaga ajya muri Police FC aheruka gutandukana na yo.

Savio na Tracy barakora ubukwe mu mpera z’uku kwezi