Author: webrwanda

Yaherukaga i Kigali muri Gicurasi 2023, ariko mu ijoro ryo kuri uyu wa Gatanu tariki 23 Kanama 2024 muri Kigali Conference and Exhibition Village ahazwi nka Camp Kigali, yagaragaje ko yari yaje gushyira akadomo ku rukumbuzi ibihumbi by'abantu bari bamufitiye.

Kidum ni umwe mu bahanzi bamaze igihe kinini, ndetse yakoze indirimbo zikomeye zakomeje izina rye. Iyo yivuga yumvikanisha ko afite amazina benshi y’utubyiniriro (a.k.a) yagiye yiha cyangwa ahabwa n’abantu binyuze mu bihe by’ubuzima n’iby’umuziki yanyuzemo.

Afatwa nk’umuntu uzi gutera urwenya, ariko kandi abenshi bamuziho ubuhanga bijyanye n’indirimbo aririmba. Mbere y’uko agera i Kigali, yakoze imyiteguro ari kumwe n’itsinda rye rya ‘Boda Bada’, ariko kandi agomba gukora indi myitozo mbere y’uko ataramira abafana be.

Akigera i Kigali, uyu mugabo yabwiye itangazamakuru ko yateguye iki gitaramo mu rwego rwo kwizihiza ibitaramo birenga 100 yakoreye mu Rwanda. Yavuze ko imyaka irenga 40 ari mu muziki, yakoze indirimbo zakunzwe kandi zatanze ibyishimo ku bihumbi by’abantu.

Yagize ibihe byiza mu muziki, ku buryo nko mu bitaramo bye byo mu 2003 yari afite umubare munini w’abantu bahoranaga inyota yo kumubona. Ariko kandi imyaka amaze mu muziki, ituma ahora yitegura kuko abantu benshi bamaze kumubona igihe kinini, bituma iyo yitegura ‘ntajenjeka’.

Kidum yivuga nk’umupfubuzi w’umuziki. Kandi avuga ko ashingiye ku buhanga n’ubumenyi afite mu muziki no kugenzura ababa bamuhanze ijisho mu gitaramo, bituma amenya uko yita kuri buri wese.

Mu gihugu cya Kenya ahakorera ibitaramo byinshi. Ndetse, yagiye aca ibintu mu bitaramo cyane, ubwo yabaga abyina ariko akanakora siporo zituma benshi bamuhozaho ijisho.

Gusimbuka, gukora siporo n’ibindi ni ibintu yaretse ubwo yari agejeje imyaka 40 kubera abana be bagize impungenge. Kidum avuga ko kuramba mu muziki, yamenye kudakora ibikabyo, ahubwo ashyira imbere akazi.

InyaRwanda yafashe amafoto 100 agaragaza uko ibyamamare n'abandi bizihiwe muri iki gitaramo cya Kidum i Kigali

Dj Pius ahoberana na Pamella wo mu itsinda rya Ange na Pamella

Patycope ari kumwe na Capo Billy- Bombi bagize uruhare rukomeye mu gushyigikira abahanzi Nyarwanda

Dj Pius aganira na Ange ubarizwa mu itsinda rya Ange na Pamella ubwo bari muri iki gitaramo

Ange ubarizwa mu itsinda rya ‘Ange na Pamella’ yari yizihiwe bikomeye muri iki gitaramo cya Kidum i Kigali

Dj Pius yifashishije telefoni ye yafashe amashusho mu rwego rwo kubika urwibutso yatahanye muri iki gitaramo

Umuhanzi akaba na Producer Igor Mabano ari kumwe na Prince Kiiid washinze Studio ya Hybrid

R.Judo Kabano washinze Positive Productions yafashije Stromae gutaramira i Kigali mu Ukwakira 2015

Umunyamakuru Ndahiro Valens Papy wa BTN, usanzwe ari umufana w’ikipe ya Gasogi United

Theo wagize uruhare mu guteza imbere abahanzi benshi, ubwo yageraga ahabereye iki gitaramo

KIDUM YANDITSE AMATEKA AVUGURUYE MU MUZIKI WE YUZUZA CAMP KIGALI

“>

Kanda hano urebe amafoto menshi yaranze iki gitaramo cya Kidum i Kigali

AMAFOTO: Serge Ngabo- InyaRwanda.com

VIDEO: Dox Visual- InyaRwanda.com

Miss Uwase Raissa Vanessa na Dylan Ngenzi bivugwa ko bakundana, babatijwe bakira Yesu nk’umwami n’umukiza mu bugingo bwa bo.

Ni mu mashusho Miss Vanessa Uwase yanyujije ku rukuta rwe rwa Instagram arimo abatizwa, amakuru avuga ko yabatirijwe muri Zion Temple asanzwe asengeramo.

Mu butumwa bwaherekeje aya mashusho, yashimiye umusore bamaze iminsi bavugwa mu rukundo ahamya ko yamufashije mu rugendo rwo guhinduka, banabatirijwe rimwe.

Ati “Icyemezo gisumba ibindi, ubuzima bwanjye muri Kirisitu. Dylan Ngenzi warakoze cyane kunyinjiza muri uru rugendo rushya.'

Avuzwe mu rukundo rushya nyuma yo gutandukana n’abarimo Kabalu Putin wari waramwambitse impeta baza gushyira akadomo ku nkuru z’urukundo rwa bo mu 2021, yanakundanyeho na Olivis wo muri Active nubwo inkuru y’urukundo rwa bo itarangiye neza.

Miss Vanessa Raissa Uwase yabatijwe

Iteganyagihe rigaragaza ko imvura izagwa izaba iri ku kigero kiringaniye bitewe n'uko ubushyuhe bw'amazi y'Injyanja ya Pasifika n'iy'u Buhinde buzagabanuka bujya ku kigero gisanzwe bitume n'imvura igwa ku kigero kiringaniye.

Muri rusange iri teganyagihe rigaragaza ko iki gihembwe gitaha kizagwamo imvura isanzwe ku bahinzi gusa ko bagomba kucyitegura neza mbere.

Imvura iri hagati ya milimetero 300 na 400 iteganyijwe mu Ntara y'Iburasirazuba, mu Mujyi wa Kigali no mu turere twa Kamonyi, Ruhango, Nyanza na Gisagara.

Nanone kandi imvura iri hagati ya milimetero 400 na 500 iteganyijwe mu turere twa Gicumbi, Rulindo, Huye, Kamonyi, Ruhango, Nyanza na Gisagara, mu Burasirazuba bw'uturere twa Burera, Gakenke, Karongi na Nyamagabe, no mu majyepfo y'Uturere twa Ngororero na Muhanga.

Ni mu gihe imvura iri hagati ya milimetero 500 na 600 izagwa mu turere twa Musanze, Nyabihu, Rubavu na Rutsiro, mu Burengerazuba bw'uturere twa Burera, Gakenke na Karongi, mu Burasirazuba bw'Akarere ka Nyaruguru, hagati muri Nyamagabe no mu Kibaya cya Bugarama.

Naho imvura iri hagati ya milimetero 600 na 700 izagwa muri Rusizi ukuyemo mu Kibaya cya Bugarama, muri Nyamasheke no mu bice by'uturere twa Nyamagabe na Nyaruguru byegereye Pariki ya Nyungwe ndetse igwe no muri Pariki y'Ibirunga.

Iyo mvura y'umuhindo izatangira kugwa hagati y'itariki ya 1 n'iya 10 Nzeri 2024 hamwe na hamwe mu gihugu icike hagati y'itariki 11 n'iya 30 Ukwakira 2024.

Umuyobozi Mukuru wa Meteo Rwanda, Gahigi Aimable, yavuze ko nubwo imvura itegenyijwe iri ku bipimo biri mu rugero ariko abantu batagomba kwirara kuko haba hashobora kuba iminsi mike igwa ari nyinshi.

Yasabye by'umwihariko abatuye mu bice bizagwamo imvura nyinshi kuyitegura mu buryo bw'umwihariko cyane mu gukumira ibiza ndetse asaba n'izindi nzego zose gukoresha iri teganyagihe mu kwitegura umuhindo.

Yagize ati 'Hari ibice bigira imvura nyinshi by'Iburengerazuba n'Amajyaruguru aho hateganyijwe milimetero zirenga 500. Aho duhora buri gihe n'abafatanyabikorwa dukora indi myiteguro mu gutegura imirima no kurwanya isuri'.

Umuyobozi w'Ishami ry'Ubugenzuzi no Guhangana n'Ibiza muri Minisiteri y'ibikorwa by'Ubutabazi, Niyonambaza Hitimana Christine, yavuze ko iteganyagihe riri mu byafashije kugabanya ingaruka z'ibiza byo mu bihe by'imvura y'itumba iheruka kandi ko n'ubu bazifashisha cyane amakuru ryatanze bitegura umuhindo.

Niyonambaza yongeyeho ko hamwe n'amakuru y'itegenyagihe, MINEMA yabashije kumenya ahantu 326 hari mu byago byo kwibasirwa n'ibiza mu mvura yo mu itumba iheruka himurwa by'agateganyo abagera ku 5.523 bashoboraga kwibasirwa n'ibiza.

Leta ikomeje gufata ingamba kugira ngo imvura itazongera guteza ibyago nk’ibyabaye mu 2023

Gahigi Aimable yavuze ko nubwo imvura iteganyijwe iri ku bipimo biri mu rugero ariko abantu batagomba kwirara kuko haba hashobora kuba iminsi mike igwa ari nyinshi

Niyonambaza Hitimana Christine yavuze ko iteganyagihe riri mu byafashije kugabanya ingaruka z'ibiza byo mu bihe by'imvura y'itumba iheruka

Iragire Saidi yavuze ko yishimiye gutsinda Rayon Sports yahoze akinira nubwo yari yararetse umupira akigira mu bindi.

Uyu mukinnyi wasinyiye Amagaju FC mbere y’uko uyu mwaka w’imikino wa 2024-25 utangira, ni we waraye uyitsindiye igitego cyatumye Rayon Sports ibura amanota 3.

Ni igitego cya kabiri cy’Amagaju cyaje mu minota y’inyongera gituma amakipe yombi asoza anganya 2-2.

Mu kiganiro yahaye ikinyamakuru ISIMBI, Iragire Saidi yavuze ko yishimiye cyane gutsinda Rayon Sports yahozemo kuko byanasubije abibazaga aho yagiye.

Ati “ni igitego cyanshimishije cyane, nongera ngaragariza buri wese, bamwe bari barambuze ngo Saidi yagiye he, ariko nagarutse ndi wa wa wundi bari bamenyereye, ntsinze ikipe nahozemo ni ibintu by’agaciro cyane kuri njye biranshimishije cyane.”

Yakomeje avuga ko umupira yari yarawuhagaritse yigira muri Oman gukora ibindi gusa ntibyamuhira.

Ati “iby’umupira nari narabiretseho gato nari narabonye amahirwe yo kujya hanze nubwo bitakunze ariko ubu nagarutse. Ibyo nakoraga ni iby’ubuzima busanzwe bitandukanye na ruhago ariko ntabwo byampiriye mbona kugaruka mu rugo, nari muri Oman.”

Iragire Saidi ni umwe mu bakinnyi beza bakinaga muri shampiyona y’u Rwanda mu myaka itambutse, yakiniye amakipe arimo Mukura VS na Rayon Sports.

Iragire Saidi yishimiye gutsinda igitego Rayon Sports

Kuri uyu wa Gatanu tariki ya 23 Kanama, Kidum Kibido wari umaze iminsi ageze mu Rwanda ndetse yitegura igitaramo, bataramiye abakunzi be baherereye mu Rwanda ndetse anashyigikirwa n'Abarundi benshi batuye mu Rwanda.

Ni igitaramo cyabereye muri Kigali Conference and Exhibition Village ahazwi nka Camp Kigali. Si ubwa mbere ahakoreye amateka, kuko mu 2022 binyuze mu gitaramo cya Kigali Jazz Junction, yararirimbye ataha abantu bamwirahira bitewe n'uburyohe yabasigiye.

Mu masaha y'umugoroba, Dj Bisoso niwe wabanje gucurangira abitabiriye iki gitaramo yisunze zimwe mu ndirimbo za Kidum ndetse n'izindi ndirimbo zitandukanye ziganjemo izo mu Karere k'Afurika y'Iburasirazuba.

Nyuma y'uko Dj Bisoso asusurukije abitabiriye, Shauku Band yamwakiriye ikomeza gususurutsa abantu bifashishije indirimbo zakunzwe cyane hano mu Rwanda harimo na zimwe za karahanyuze.

Baririmbye indirimbo nka 'When a women loves' ya R-Kelly, 'Longtime' ya Amir, 'Kuliko Jana' ya Sauti Sol, 'Three Little Birds' ya Bob Marley, 'Lala Long' ya Inner Circle, 'Nyirabisabo' ya Kipeti, 'Waaah' ya Diamond, 'Wanyeretse urukundo' ya Makanyaga Abdul n'izindi.

Mu gihe kitarambiranye, Kidum Kibido yinjiye ku rubyiniro ari kumwe n'ababyinnyi be babarizwa muri Boda Boda ndetse aninjirira mu ndirimbo 'Vimba Vimba' izwi na buri wese haba umuto cyangwa ukuze.

Kidum waraye avuze ko impamvu ituma ahora akunzwe n'abantu benshi ari uko atajya akora inkuru zo gutwika, yabigaragaje muri iki gitaramo kuko yanyuzagamo agatuza hanyuma abafana be bakiririmbira indirimbo ze hanyuma nawe akabatega amatwi nk'umufana.

Mu gukomeza kwigarurira amarangamutima y'abafana be, Kidum n'ababyinnyi be bageze aho baryama hasi hanyuma bakomeza kuririmba no gucuranga baryamye hasi ari nako buri wese amaranira kubareba.

Nyuma yo kubona ko abantu bamwishimiye, Kidum n'ababyinnyi be bururutse hanyuma basanganira abafana bakomeza kubyina bahuza urugwiro bajya hirya agaruka hino ibyishimo ari byose.

Si ibyo kandi, Kidum wagiye agaragaza ko ashyigikiye amahoro hagati y' Burundi n'u Rwanda, yongeye gushimangira ko ibi bihugu ari ibivandimwe bityo haba Umunyarwanda cyangwa Umurundi bose ari abavandimwe.

Umwe mu basore wari witwaje ibendera ry'u Burundi, yamusanganiye ku rubyiniro ararimushyikiriza. Mu bihe bitandukanye, uyu muririmbyi yaririmbye afite ibendera ry'u Burundi, ariko kandi yanyuzagamo agasaba abakunzi be bitwaje iry'u Rwanda kurimuha.

Nyuma yo kwibutsa ko u Rwanda n'u Burundi ari abavandimwe, yasabye ababyinnyi gakondo bahagararira buri gihugu hanyuma begera imbere bajya ku rubyiniro bataramana nawe mu mbyino gakondo.

Jules Sentore yatunguranye muri iki gitaramo!

Nyuma yo kubyina izi mbyino gakondo, Umuhanzi Sentore Jules yatunguranye mu gitaramo aririmba indirimbo ze zitandukanye ndetse ahishura ko yiyeguriya umuziki nyuma y'uko akozwe ku mutima n'indirimbo za Kidum Kibido.

Ku rubyiniro, Jules yaririmbye indirimbo 'Kumushaha' ya Kidum agaragaza ubuhanga bukomeye ubwo yayiririmbaga. Yavuze ko yinjiye mu muziki kubera indirimbo ziri kuri Album ya mbere ya Kidum yakunze mu buryo bukomeye.

Uyu muhanzi yavuze ko buri ndirimbo yose Kidum yaririmbye ayizi, kuko ariwe muhanzi afatiraho urugero.

Mu gihe cy'iminota irenga itanu yamaze ku rubyiniro, Kidum yagiye amwitegereza, ndetse yanyuzagamo agashima ibikorwa bye, asoje yamushimiye cyane.

Mu rwego rwo gufatana akaboko mu muziki, binyujijwe kuri screen yari imbere y'abantu, hanyujijwemo ubutumire bw'igitaramo 'Icyumba cy'Amategeko' cya Riderman na Bulldog giteganyijwe none ku wa gatandatu tariki ya 24 Kanama muri Camp Kigali.

Nyamara n'ubwo nta bandi bahanzi benshi Kidum yari yatumiye, yagize kuva ku rubyiniro nta muntu ushaka ko avaho ahubwo banyotewe no gukomeza gutaramana nawe cyane ko ibihangano amaze gukora mu myaka 40 amaze mu muziki atabiririmba mu gitaramo kimwe ngo abiheture. 

Kidum yavuye ku rubyiniro ahagana saa sita z'ijoro ashimirwa uko yataramiye abakunzi be. Mu gitaramo hagati yagiye ashimira bamwe mu bantu baziranyi igihe kinini. Yaririmbye indirimbo nka 'Birakaze' yakoranye na Alpha Rwirangira, Intimba y'urukundo, 'Amasozi y'urukundo', 'Hakizimana', 'Ubushikiranganji', 'Vimba Vimba' yakoranye na 3Hills, 'Yameneje', 'Nitafanya' n'izindi zinyuranye.

Yanditse amateka avuguruye!

Ni ubwa mbere Kidum akoze igitaramo nyuma y'uko asezeye abafana akagaruka ku rubyiniro. Niko byagenze muri iki gitaramo.

Uyu mugabo ubariza mu gihugu cya Kenya, yaririmbye yitaye cyane ku ndirimbo ze zakunzwe mu bihe bitandukanye. Ahagana saa tanu z'ijoro yasezeye ku bakunzi be, avuga ko igihe kigeze kugirango asoze igitaramo, niko byagenze kuko yavuye ku rubyiniro.

Yamanutse ageze muri 'Back Stage' abantu bavuza akaruru bavuga ko agiye adasoje, maze agaruka ku rubyiniro aririmba indirimbo 10.

Kidum yavuze ko yatunguwe n'urukundo yeretswe n'abanya-Kigali, byanatumye agaruka ku rubyiniro. Mu gihe cy'isaha irenga, yagiye mu bafana bafatanya kuririmba, arabasuhuza, abafata amafoto bari kumwe, yifashisha ababyinnyi be kubyina gakondo, ubundi ava ku rubyiniro avuga ko ibyo yari afite byose yabitanze. 

Kidum yahawe ibendera ry’u Burundi, ashima urukundo yeretswe

Kidum yifashishije abaririmbyi babarizwa mu itsinda rya Boda Boda yashinze

Ifoto igaragaza Isaha Kidum yaserukanye muri iki gitaramo yakoreye muri Camp Kigali

Igor Mabano na Producer Prince Kiiiz mu bitabiriye igitaramo cya Kidum

Kidum yahamagaye ku rubyiniro abarimo Jules Sentore na Aimable Twahirwa

Kidum yakoresheje imbaraga nyinshi ku rubyiniro ku buryo yagiye afata akanya akicara

 

Kidum azi guhuza n’abaririmbyi be, ku buryo iyo bigeze ku kubyina no gukora udukoryo bahuza 

Kidum afite abacuranzi b’abahanga asanzwe akorana nabo mu bihe bitandukanye

Jules Sentore na Angel bari bizihiwe muri iki gitaramo cyo kwizihiza ibitaramo birenga 100 Kidum yakoreye i Kigali 

Imbere y’ibihumbi by’abantu, Kidum yanditse amateka avuguruye mu muziki

Buri wese yabyinaga uko ashoboye muri iki gitaramo cyabereye muri Camp Kigali

Aimable Twahirwa [Uri iburyo], wafashije igihe kinini Kidum gukorera ibitaramo mu Rwanda yamushyigikiye no muri iki gitaramo

Itsinda rya Angel na Pamella ndetse na Dj Pius bizihiwe muri iki gitaramo cyihariye kuri Kidum

Itsinda rya Shauku Band ryacuranze mu gihe cy’isaha irenga bitaye ku ndirimbo zakunzwe cyane  

Jules Sentore yizihiwe aririmba indirimbo ‘Kumushaha’ ya Kidum

Dj Bisoso usanzwe akorera Ikigo cy’Igihugu cy’Itangazamakuru (RBA) yavanze umuziki biratinda

Uruganda rwa SKOL rwari rwateguye ibyo kunywa cyane cyane ikinyobwa cya Skol Malt

Umunyamakuru Kate Gustave wari umushyushyarugamba muri iki gitaramo

Abasore babarizwa muri ‘Tiger Gates’ bacunga umutekano mu bitaramo nk’ibi bihuza ibyamamare 

Abakobwa bo muri Kigali Protocol bakoze akazi muri iki gitaramo bakira abitabiriye

HASOBANUWE IMPAMVU KIDUM YATUMIWE KONGERA GUTARAMIRA I KIGALI

“>

SHAUKU BAND YACURANZE IBANZIRIZA KIDUM KU RUBYINIRO MBERE Y’UKO ATARAMA

“>

KATE GUSTAVE YAKOZE ISESENGURA KU BITARAMO BYINSHI BYA KIDUM YITABIRIYE

“>

ANGE NA PAMELA BAVUZE KU RWIBUTSO BAFITE KU BITARAMO BYA KIDUM BITABIRIYE

“>

Kanda hano urebe amafoto menshi yaranze igitaramo cya Kidum muri Camp Kigali

AMAFOTO: Ngabo Serge- InyaRwanda.com

VIDEO: Dox Visual- InyaRwanda.com

Kuri uyu wa 23 Kanama 2024, Abaminisitiri  bakoze inama ya mbere kuva barahirira gutangira inshingano zabo muri manda nshya izageza mu mwaka wa 2029.  Iyi nama yari iyobowe na Perezida Kagame.

Muri iyi nama, Abaminisitiri bagejejweho imiterere y'icyorezo cy'Ubushita bw'Inkende (Mpox) ndetse n'ingamba Guverinoma ikomeje gushyiraho mu rwego rwo gukomeza kwirinda iki cyorezo.

Iyi nama y'Abaminisitiri yagize Madam Isheja Butera Sandrine umuyobozi wungirije w'Ikigo cy'Igihugu cy'Itangazamakuru, RBA. Isheja Sandrine yari asanzwe ari umunyamakuru wa Kiss FM.

Iyi nama yirukanye mu nshingano umunyamabanga uhoraho muri Minisiteri ya Siporo, Bwana Zephanie Niyonkuru.

 

Muri Kamena 2024 u Rwanda rwakiriye icyiciro cya 18 cy'abimukira baturuka muri Libya berekeza mu Nkambi y'Agateganyo ya Gashora, bategereje ibihugu bibakira haba i Burayi na Amerika.

Kuva Inkambi y'Agateganyo ya Gashora yatangira kwakira impunzi n'abimukira baturutse muri Libya 2,355 bamaze kwakirwa. Barimo abakomoka Eritrea, Sudani, Sudani y'Epfo, Somalia, Ethiopia, Nigeria, Chad, Cameroon, Guinea, Côte d'Ivoire na Mali.

Ni mu gihe abagera kuri 1,813 bamaze kubona ibihugu bibakira, nk'igisubizo kirambye ku bibazo by'abimukira.

Amasezerano ashyiraho iyi nkambi ya Gashora yashyizweho umukono bwa mbere ku wa 10 Nzeri 2019, agomba kumara imyaka itatu, ariko aza kongererwa igihe.

Ku wa 22 Kanama 2024 u Rwanda, UNHCR, na Komisiyo y'Umuryango wa Afurika Yunze Ubumwe bemeje ko ayo amasezerano yongererwa igihe ku nshuro ya kabiri, bityo inkambi y'Agateganyo ya Gashora ikazakomeza gucumbikira impunzi n'abimukira bavanwa muri Libya kugeza tariki 31 Ukuboza 2025.

Itangazo rya UNHCR rigira riti 'Bigaragaza umuhate impande zose zifite mu kurinda abantu no gushaka igisubizo kirambye ku mpunzi n'abimukira bavanywe muri Libya.'

UNHCR yahamije ko inkambi ya Gashora izakomeza gucumbikira impunzi n'abimukira bakurwa muri Libya, bikanashimangira 'u Rwanda ruzakomeza kwakira no kurinda abo bantu n'abandi bishobora kugaragara ko bababaye cyangwa bari mu byago.'

Kongerera igihe amasezerano kandi bishimangira ko guhitamo abakurwa muri Libya bikorwa mu mucyo hatitawe ku bwenegihugu, ubwoko, ibara ry'uruhu cyangwa irindi vangura.

Ni igihamya kandi ko guhanahana amakuru hagati y'inzego zitandukanye ku mpunzi n'abimukira bose, baba abujuje ibisabwa byatuma bahabwa ubuhungiro, abakeneye gusubira iwabo ku bushake, abakeneye kwakirwa n'ibindi bihugu n'andi mahirwe bashobora kubyaza umusaruro.

Iri tangazo rihamya ko Umuryango wa Afurika Yunze Ubumwe uzakomeza gutanga ubufasha mu bya politike, kongera ubushobozi no gushakisha amafaranga mu gihe UNHCR yo izakomeza gutanga aho kuba n'ubundi bufasha bukenewe burimo ibiribwa, ubuvuzi, n'izindi serivisi impunzi n'abimukira bazakenera igihe bakiri mu Rwanda.

UNHCR kandi isaba ibihugu byose kugera ikirenge mu cy'u Rwanda, bigafaha gucumbikira abasaba ubuhungiro n'abimukira kimwe n'abari mu byago.

Abimukira bava muri Libya bazakomeza gucumbikirwa i Gashora kugeza mu Ukuboza 2025

Inkambi ya Gashora icumbikiwemo abimukira n’impunzi zavuye muri Libya yubatse mu buryo bugezweho

Iyi niyo Nama y'Abaminisitiri ya mbere iteranye nyuma y'uko hashyizweho Guverinoma, aho mu bahawe inshingano harimo Clarisse Munezero wagizwe Umunyamabanga Uhoraho w'Urwego rw'Umuvunyi, mu gihe Antoine Marie Kajangwe yagizwe Umunyamabanga Uhoraho muri Minisiteri y'Ubucuruzi n'Inganda.

Mu bandi bahawe inshigano harimo Beatrice Cyiza wagizwe Umunyabanga Uhoraho muri Minisiteri y'Ibidukikije, mu gihe Mukandutiye Speciose na Francis Karemera bahawe inshigano zo kwinjira mu bagize Inama y'Inararibonye.

Isheja Sandrine Butera yari asanzwe ari umunyamakuru wamenyekanye mu biganiro by'imyidagaduro n'ubuzima rusange kuri radiyo zitandukanye mu Rwanda. Kuri ubu anayobora ibirori bitandukanye ndetse yanabaye mu Kanama Nkempurampaka mu Irushanwa rya Miss Rwanda.

Beatrice Cyiza wagizwe Umunyamabanga Uhoraho muri Minisiteri y'Ibidukikije yari asanzwe ari Umuyobozi muri iyi Minisiteri aho mu nshingano ze harimo no kwita ku bijyanye n'ihindagurika ry'ikirere, nka kimwe mu bibazo bibangamiye Isi muri ibi bihe. Yayoboye imishinga itandukanye ndetse yanakoze mu Kigo cy'Igihugu gishinzwe kurengera Ibidukikije, REMA.

Antoine Marie Kajangwe wagizwe Umunyamabanga Uhoraho muri Minisiteri y'Ubucuruzi n'Inganda yari asanzwe n'ubundi afite izi nshingano, aho yari Umuyobozi Mukuru ushinzwe Ubucuruzi n'Ishoramari muri Minisiteri y'Ubucuruzi n'Inganda.

Inama y'Abaminisitiri kandi yemeje abahagarariye ibihugu n'imiryango mpuzamahanga mu Rwanda, inemeza Gahunda ya Kabiri yo Kwihutisha Iterambere (NST2) izashyirwa mu bikorwa hagati ya 2025 na 2029.

Ni gahunda yubakiye ku nkingi eshanu z'ingenzi harimo guhanga imirimo, guteza imbere ibyoherezwa mu mahanga, ireme ry'uburezi, kurwanya igwingira n'imirire mibi no kwimakaza imitangire myiza ya serivisi.

Muri iyo gahunda, harimo ko ubuhinzi buzazamuka ku kigero cya 6% ku mwaka, kandi ko buzakorwa hashingiwe ku guhaza amasoko. Umusaruro ubukomokaho uzazamuka hejuru y'ikigero cya 50% binyuze mu kongera ubuso bwuhirwa ku kigero cya 85% no kongera ifumbire n'imbuto.

Ni mu gihe kandi ubworozi buzarushaho gukorwaho mu buryo bugezweho.

Guverinoma yiyemeje ko muri iyi gahunda, hazahangwa imirimo ibyara inyungu nibura miliyoni 1,25 ndetse buri mwaka hazajya hahangwa imirimo ibihumbi 250.

Ku bijyanye n'ishoramari ritari irya leta, rizikuba kabiri rive kuri miliyari 2,2$ rigere kuri miliyari 4,6$ mu 2029.

Ibyoherezwa mu mahanga nabyo bizazamuka bive kuri miliyari 3,5$ bigere kuri miliyari 7,3$.

Leta yiyemeje kandi ko gahunda ya Made in Rwanda izarushaho gushyigikirwa bityo izamure ubukungu, itange n'imirimo. Urwego rw'ubuhinzi, inganda na serivisi ni zimwe mu zitezweho kuzamura iyi gahunda.

Mu burezi, Umubare w'abanyeshuri biga mu mashuri y'incuke uziyongera uve kuri 35% ugere kuri 65% mu gushimangira gahunda yo kwita ku burezi bw'umwana kuva akiri muto.

Umubare w'abiga amasomo y'ikoranabuhanga nawo uziyongera bahabwe ubumenyi n'ibikoresho bikenewe, ndetse n'abantu ibihumbi 500 bahugurwe mu bijyanye n'ikoranabuhanga.

Amashuri y'icyitegererezo y'imyuga nayo azashyirwamo ingufu kugira ngo atange ubumenyi bukenewe ku isoko ry'umurimo.

Mu buzima, imitangire ya serivisi izarushaho kunozwa bishingiye ku gukuba kane umubare w'abakora mu rwego rw'ubuzima kandi serivisi zigenerwa abagore batwite n'abana zirusheho kwitabwaho byihariye.

Guverinoma yiyemeje ko mu myaka itanu, hazashyirwa imbaraga mu kurwanya imirire mibi ku buryo igwingira ry'abana rizava kuri 33% rikagera kuri 15%.

Leta yiyemeje ko mu 2029, buri rugo, ishuri n'ibitaro bizaba bifite amashanyarazi n'amazi meza.

Mu bijyanye n'ubukerarugendo, umusaruro ukomoka ku bukerarugendo uzikuba kabiri bijyanye na gahunda y'igihugu yo kuba ku isonga mu kwakira inama mpuzamahanga n'ibindi bikorwa bijyana nazo.

Ikindi ni uko hazashyirwaho indangamuntu y'ikoranabuhanga izafasha abaturage bose koroherwa no kubona serivisi za Guverinoma mu buryo bw'ikoranabuhanga.

Mu 2029 kandi serivisi zose za guverinoma zizaba zitangwa mu buryo bw'ikoranabuhanga.

Mu bijyanye n'ububanyi n'amahanga, Guverinoma yiyemeje ko ubuhahirane mpuzamahanga buzashyirwamo ingufu kugira ngo habeho ubucuruzi n'amahirwe y'ishoramari yafasha mu kuzamura ubukungu bw'igihugu.

Abanyarwanda baba mu mahanga kandi nabo bazarushaho kugira uruhare mu bikorwa biganisha ku iterambere rirambye.

Ni mu gihe umutekano n'amahoro bizarushaho gusigasirwa.

Guhanga imirimo ni imwe mu nkingi eshanu zigize NST2

Abiga ikoranabuhanga bazahabwa ubumenyi n’ibikoresho bikenewe kugira ngo bafashe igihugu mu iterambere

Guverinoma yiyemeje gushyira imbaraga mu burezi bw’umwana kuva akiri muto

Mu 2029, gahunda ya Made in Rwanda izaba yaratanze umusaruro ukomeye binyuze mu guhanga imirimo n’ibindi

Leta yiyemeje ko izajya ihanga imirimo ibyara inyungu ibihumbi 250 buri mwaka