Rutahizamu w'umunya-Uganda, Joackiam Ojera wakanyujijeho muri Rayon Sports, yarebye umukino ikipe ye ya Police FC yasezerewemo na CS Constantine yo muri Algérie muri CAF Confederation Cup.
Uyu mukinnyi ukubutse muri Al Mokawloon Al Arab SC yo mu Cyiciro cya Mbere mu Misiri, agomba gukomezanya n'Ikipe ya Police FC mu marushanwa y'imbere mu gihugu.
Umuryango ITETERE FAMILY, washinzwe mu 2018, ukomeje ibikorwa byawo byo gufasha abana baturuka mu miryango itishoboye mu karere ka Muhanga. Ku nshuro ya gatanu, uyu muryango uha abana 11 ibikoresho by'ishuri, imyambaro, inkweto, ubwisungane mu kwivuza, n'ibindi bikenerwa kugira ngo bige neza.
Yvette Niyonizeye, umuyobozi w'uyu muryango, yatangaje ko intego yabo ari ukongera umubare w'abafashwa, bagamije gutuma abana bagira ibisabwa byose mu myigire yabo. Yavuze ko igikorwa cyo gutanga ibikoresho kizaba ku wa 15 Nzeri 2024 mu karere ka Muhanga. Yashishikarije Abanyarwanda bose kugira uruhare muri iki gikorwa, yibutsa ko buri wese ashobora gutanga inkunga ye ku buryo buzwi. Uyu muryango ufite intego yo gukomeza kwaguka no gufasha abana kuva mu mashuri y'incuke kugeza barangije ayisumbuye.
Source : https://yegob.rw/303867-2/
Ku wa 20 Kanama 2024 nibwo RRA yatangaje ko nyuma yo kwemezwa n'Inama Njyanama z'Uturere n'Umujyi wa Kigali, ibipimo by'umusoro ku mutungo by'umwaka wa 2024 byahise bishyirwa muri sisiteme ikoreshwa mu imenyekanishamusoro.
Mu kwemeza ibi bipimo, ku butaka butubatsweho hashingirwa ku bintu by'ingenzi birimo ingano yabwo, aho buherereye (umujyi yangwa icyaro), icyo bwagenewe gukoreshwa n'ibikorwaremezo bihari. Itegeko riteganya ko bigomba kuba hagati y'amafaranga 0-80 kuri metero kare. Iyo ubutaka bwubatsweho, itegeko ryateganyije ibipimo bidahinduka bishingiye ku gaciro ku isoko k'inyubako n'ak'ikibanza, bitewe n'icyo byagenewe.
Komiseri Wungirije ushinzwe Intara n'imisoro yeguriwe Inzego z'ibanze, Karasira Ernest, yavuze ko ibipimo by'umusoro byabonetse kare, bityo abarebwa n'uyu musoro bakaba bakwiye kuwumenyekanisha no kuwishyura, badategereje iminsi ya nyuma.
Yakomeje ati 'Igihe dufite cy'amezi ane ntabwo ari gitoya ariko ntabwo ari na kinini cyane, uramutse utabashije kwishyura ubungubu, ushobora kumenyekanisha. Icya ngombwa ni uko utagomba kurenza itariki 31 Ukuboza utarishyura. Dukunze kubibona, iyo umuntu amenyekanishije hakiri kare nta muvundo ahura nawo, ku buryo usanga sisiteme zigenda neza nta kibazo.'
Gutinda kumenyekanisha umusoro ugategereza iminsi ya nyuma bizana ingorane za hato hato, zishobora no kugusha usora mu bihano by'ubukererwe.
Uretse ibipimo by'umusoro bigenwa n'Akarere, itegeko ryateganyije umusoro wa 0,5% by'agaciro ku isoko k'inyubako n'ak'ikibanza byagenewe guturwamo; 0,3% by'agaciro ku isoko k'inyubako n'ak'ikibanza byagenewe ubucuruzi; 0,1% by'agaciro ku isoko k'inyubako n'ak'ikibanza byagenewe inganda, inyubako n'ikibanza by'ibikorwa by'ubucuruzi bito n'ibiciriritse.
Mu mitungo itimukanwa isonewe umusoro harimo inyubako imwe nyirayo yageneye guturamo nk'icumbi rye, hamwe n'inyubako ziyunganira mu kibanza cyagenewe guturwamo n'umuryango umwe. Iyo nyubako ikomeza kubarwa nk'icumbi rye n'iyo yaba atayituyemo ku mpamvu zitandukanye. Ubutaka bwo ariko burasorerwa.
Harimo kandi ubutaka bukorerwaho ibikorwa by'ubuhinzi, iby'ubworozi cyangwa iby'amashyamba, iyo bufite ubuso bungana cyangwa buri munsi ya hegitari ebyiri; ubutaka bugenewe kubakwaho amazu yo guturamo ariko nta bikorwaremezo by'ibanze byahashyizwe; n'ubutaka buriho isangiramutungo ku nyubako cyangwa bwagenewe kubakwaho inyubako ihuriweho mu buryo bw'isangiramutungo.
RRA isaba abasora gutangira kumenyekanisha hakiri kare igihe cy'itariki ntarengwa kikazajya kugera bamaze kwishyura.
Intebe y'Inteko y'Umuco, Amb Robert Masozera, yagarageje ko ubu u Rwanda rwihagije ku murage ndangamuco ku buryo burenze uko bantu babitekereza, ikibazo kikaba kuwubyaza umusaruro.
Ati 'Nk'urugero tumaze kubarura ahantu ndangamurage harenga 650. Ni ahantu tumaze kubarura, kwandikaho ibitabo cyangwa gukoraho ubushakashatsi. Ubwo ntabwo turajya ku murage udafatika, nk'ubuvanganzo, imyemerere ya kera, ubuhanzi n'ibindi. U Rwanda rubumbatiye ubukungu bwinshi mu bijyanye n'umurage.'
Ni ubutumwa yatanze ubwo yashyikirizaga imyambyabushobozi urubyiruko 80 rwahuguwe ku bijyanye n'uko rwabyaza umusaruro ubwo bukungu butitabwaho.
Inteko y'Umuco yiyemeje gufatanya n'Ikigo Mpuzamahanga cyita ku bijyanye no kurinda umurage cyo mu Butaliyani (International Centre for the Study of the Preservation and Restoration of Cultural Property: ICCROM), kugira ngo iyo mirimo itamenyerewe mu Rwanda yungure abayikora.
Hemejwe ko hashingwa icyo twakwita nk'iriba abana bavomamo ubumenyi bwo kubungabunga uwo murage mu mushinga wiswe 'Rwanda Cultural Heritage Academy: RCHA).
Wahise utangizwa ndetse mu myaka ibiri ishize urubyiruko rufite imishinga ibyara inyungu ishingiye ku muco rwahawe amasomo y'uko rwakora iyo mirimo, ariko rukongeramo udushya dushingiye ku ikoranabuhanga.
Amb Masozera ati 'Hari icyuho mu rubyiruko kinini cyane mu bijyanye n'ubumenyi mu murage ndangamuco dukungahayeho cyane. Wabonaga ko rutita ku mahirwe arimo kandi ubushomeri buri kugaragara mu rubyiruko.'
Ikindi ni uko babonaga mu zindi nzego z'igihugu hahangwa imirimo 'tukavuga ngo kuki mu muco ho bitakorwa. Twabonaga ibigo bitandukanye biteza imbere abahanga imirimo mu zindi nzego, wareba mu muco n'umurage ukabibura.'
Ati 'Ubu abo bana 80 bahawe ubumenyi n'ubushobozi bwo kujya gutangira imishinga yabo na cyane ko ari myiza. Turabizi ko gutangira bitoroshye ariko tuzabaherekeza tubahuze n'ibigo byabafasha, dukorane na bo nk'imyaka ibiri kugira ngo ibyo bize bishyirwe mu bikorwa.'
Mu cyiciro cya mbere cy'uwo mushinga, ICCROM yatanze arenga miliyoni 300 Frw, Amb Masozera akavuga ko hagiye kubaho ibiganiro kugira ngo bakomeze gufatanya muri iyo mirimo.
Amwe mu mahirwe yabonywe muri iyo mirimo yo guteza imbere umurage w'u Rwanda harimo nk'ubukerarugendo bushingiye ku muco.
Aha urubyiruko rweretswe ko rwafata ba mukerarugendo baje mu bihugu rukabatemebereza ahari amateka cyangwa ingoro ndangamurage, bagusura ubworozi bw'inka, abakora filime mbarankuru ku ntwari z'u Rwanda n'ibindi.
Ikindi ni ubuhanzi bushingiye ku muco, Amb Masozera akavuga ko iyo hashyizwemo ikoranabuhanga, ha handi umuntu akora nk'imbuga bacururizaho umurage w'u Rwanda, bifasha mu kuwubungabunga ariko ababikora na bo bakunguka.
Iradukunda Providence, ni umwe mu rubyiruko rwamenye amahirwe ari muri iyo mirimo. Ubu yiyemeje gukora imyenda ayikoze mu biti bya kera abakurambere na bo bakuragaho imyenda, nk'imivumu, imisave n'ibindi, mu mushinga yise Agaciro Mama Africa.
Ati 'Nararebye ndavuga ngo kuki twambara imyenda iturutse hanze, abakurambere bacu iyo bambaraga yagiye he? Nabonye ko iwacu iyo tuzaniwe ibishya biturutse ahandi duhita tubyadukira aho gukomeza guteza imbere ibyacu.'
Iradukaunda agaragaza ko nubwo bahawe ubumenyi, harebwa n'uburyo bakubakirwa ubushobozi mu mafaranga, kuko 'Byibuze mbonye nka miliyoni 7 Frw, umushinga wanjye wakorwa neza ukagurwa.'
Umuyobozi muri ICCROM witwa Espéra Donouvossi yavuze ko ubu buryo bwari butangijwe mu Rwanda bwa mbere babonye ko bumaze gukunda, mu cyiciro cya kabiri hakazibandwa kuzanamo abafatanyabikorwa batandukanye, harebwa uko iyi gahunda yakorwa mu buryo burambye.
Uretse mu Rwanda ICCROM yatangije ibi bikorwa mu bihugu nka Kenya, Misiri, Afurika y'Epfo, Sénégal ndetse bari gushaka uburyo babutangiza muri Zimbabwe, na Côte d'Ivoire.
Amafoto: Kwizera Herve
Ni koperative zakira amafaranga abitswa zitari muri gahunda y'Umurenge SACCO zirimo COOPEC CODEMARU, COOPEC CSTCR, COOPEC TRASO, COOPEC CSPKI na COOPEC ITI.
Ni igikorwa kibaye kandi nyuma y'uko habaye Inteko rusange shingiro yo ku wa 20 Gicurasi 2024 yahuje abahagarariye koperative eshanu z'imari iciriritse yafatiwemo umwanzuro wo kwihuza kwazo uko ari eshanu.
Ni igikorwa BNR yahishingiye ku ngingo za 24, 25,26, n'iya 27 z' amabwiriza rusange nimero 57/2023 yo ku wa 27 Weurwe 2023.
Ni ingingo zigena ibigenderwaho mu gutanga uruhushya n'ibindi bisabwa ibigo by'imari iciriritse byakira amafaranga abitswa, hanashingirwa ku myanzuro y'iyo nteko rusange shingiro yo ku wa 20 Gicurasi 2024.
Hashingiwe kandi ku cyangombwa cy'ubuzimagatozi nimero RGDGO12560 cyo ku wa 18 Kamena 2024 cyatanzwe n'lkigo cy'lgihugu gishinzwe Amakoperative giha COOPEC IKIRENGA uburenganzira bwo gukora nka koperative igamije gutanga Serivisi z'imari.
Mu itangazo BNR yakomeje iti 'Turamenyesha abantu bose cyane abari abanyamuryango ba koperative z'imari iciriritse zakira amafaranga abitswa zo mu karere ka Rulindo zitari muri gahunda y'umurenge SACCO ko izo koperative zihuje zigakora ikigo kimwe cyahawe izina rya COOPEC IKIRENGA.'
COOPEC IKIRENGA ifite icyicaro mu mudugudu wa Base, Akagari ka Rwamahwa, Umurenge wa Base, Akarere ka Rulindo, ni mu Ntara y'Amajyaruguru.
BNR kandi yamenyesheje abari abanyamuryango b'izo koperative zahujwe ko aho zakoreraga hahindutse amashami ya COOPEC IKIRENGA.
Iti 'Bazakomeza kubona serivisi z'imari aho baziboneraga cyangwa kuri rimwe mu mashami ya COOPEC IKIRENGA nk'ikigo cyemewe kandi kigenzurwa na BNR.'
Ibigo by'imari iciriritse biri mu bikomeje kuzamura urwego rw'imari mu Rwanda, nk'uko bigaragazwa n'imibare ya BNR.
Mu Ugushyingo 2023 BNR yatangaje ko muri Kamena 2023, umutungo wose rw'urwego rw'imari wiyongereyeho 18,3% ugera kuri miliyari 9635 Frw uvuye kuri miliyari 8.145 Frw muri Kamena 2022.
Icyo gihe umutungo w'ibigo by'imari iciriritse, BNR yatangaje ko wiyongeraho 26,5% bishingiye ku izamuka ry'amafaranga abikijwe y'abakiliya n'iry'imari shingiro.
Niba ukoresha imbuga nkoranyamba by'umwihariko urwa Instagram, byange bikunde wagiye ukubitana n'amashusho atandukanye ya DJ Rusam na Alex Tlex.
Kuri ubu bamaze gutangariza Isi ko bakundana. Ni nyuma y'igihe bagaragaza ko bari mu munyenga w'urukundo aho banateranye imitoma mu bihe bitandukanye.
Alex Tlex yasabye DJ Rusam ko yazamubera umugore, undi ahita aca bugufi ibyishimo bikamurenga.
DJ Rusam atazuyaje yahise avuga 'Yego' yemerera Alex ko yamwambika impeta.DJ Rusam akunze gufatanya na DJ Higa kuvanga umuziki.
Bafitanye n'indirimbo n'abahanzi barimo Juno Kizigenza zirimo iyitwa 'Aye'.
Hari kandi na 'Shumuka' bakoranye na Seyn, zose zikaba zarishimiwe ndetse uruhare bazigizemo rwazihaye uburyohe bwihariye.
Bamaze iminsi bari mu munyenga w’urukundo
DJ Rusam yamamaye mu itsinda rimwe na DJ Higa 
DJ Rusam yambitswe impeta na AlexÂ
Source : https://inyarwanda.com/inkuru/146290/dj-rusam-yambitswe-impeta-numukunzi-we-alex-tlex-146290.html
Ni Umukobwa w'uwashinze Wal-Mart, yafunguye Crystal Bridges Museum of American Art mu 2011, aho yakusanyirije ibihangano binyuranye by'abanyabugeni.
Mu ntangiriro z'uyu mwaka, Alice Walton w'imyaka 74 yatangajwe nk'umugore ukize kurusha abandi muri Leta Zunze Ubumwe za America (USA).
Uyu mushoramari akaba na Rwiyemezamirimo yabonye izuba tariki ya 7 Ukwakira 1949, avukira ahazwi nka Newport, Arkansas ku Mugabane wa Amerika, mu muryango w'abaherwe wa Walmat Walton na Helen Walton.
Ikinyamakuru Forbes cyatangaje ko uyu mugore yatangiye kuvugwa nk'umuherwe mu 2016 biturutse ku migabane yakuye mu bikorwa yasigiwe na Se ndetse n'imirage yahawe ifite agaciro kari hejuru.
Uyu mugore yahiriwe no gutunga amafaranga akiri muto bitewe no kuvukira mu muryango mwiza kandi wishoboye utunze ibya mirenge.Â
Se umubyara yabaye umwe mu baherwe batunze akayabo, ndetse ashinga kompanyi yitwa Sam Walton, yakomeje gushyigikira umukobwa we w'ikinege yabyaye, Alice Walton.
Alice Walton ugaragara mu bikorwa bifasha abantu, ni ingirakamaro kuri uyu mugabane akomokaho kuko yagize uruhare mu bikorwa bitandukanye birimo iby’ubuhanzi, ubuvuzi n'ibindi.
Binyuze mu migabane yahawe muri Sam Walton ndetse n'imirage yahawe ihambaye, yatangajwe nk'umugore utunze amafaranga menshi muri Leta Zunze Ubumwe za Amerika ndetse no ku Isi yose. Mu 2016, Alice Walton yinjije Miliyari zirenga 11 z’Amadolari zivuye ku migabane ya Se.
Uyu mwanya w’umugore wa mbere ukize ku Isi, yawugiyeho asimbuye Francoise Bettencourt Meyers wahoranye Miliyari 100 z’Amadolari ariko nyuma umutungo we ukaza kugabanyuka.
Binyuze mu butumwa yagiye atanga, uyu mugore yagaragaje ko imitungo yasigiwe n'umuryango we ari umurage akwiriye gucunga neza ukabyara inyungu kuri we ndetse no ku bazamugana bose bakeneye ubufasha.
Ati: 'Inshingano iremereye ya mbere mfite ni ukugenzura neza imitungo yanjye bityo ikagira agaciro.”
Nubwo atunze amafaranga menshi ariko, Alice ntiyigeze ahirwa n'urushako kuko igihe cyose yashyingiwe, yagiye atana n’abagabo nyuma y’igihe gito.
Uwa mbere, bashyingiranywe uyu mugore afite imyaka 24 gusa y’amavuko ariko baza gutandukana nyuma y’imyaka ibiri n’igice, hanyuma n’undi babanye baza gutandukana nyuma y’igihe gito cyane nk’uko Forbes ibitangaza.
Bitewe no gutana n'abagabo byihuse ntiyagize amahirwe yo kubyara, ahubwo yakomeje kwita ku butunzi bwe no kububyaza umusaruro mu buryo butandukanye, yifashisha n'umuryango we witwa Walton Family.
Mu gihe umutungo w’uyu mugore waba ukomeje kwiyongera ku muvuduko uriho, wagera kuri Miliyari 100 z’aAmadolari mu gihe gito, bityo nawe agahita yinjira ku rutonde rukomeye rw’abatunze Miliyari zigera ku ijana bazwi nka ‘Centibillionaires’ barimo Elon Musk, Bill Gates na Warren Buffet.
Umutungo w’umugore wa mbere w’umuherwe ku Isi uri gukabakaba miliyari 100 z’AmadolariÂ
Abo bahinzi bagiranye amasezerano na Rumbuka avuga ko icyo kigo kizajya kibishyura bitarenze iminsi 42, uhereye igihe gitwaye umusaruro wabo.
Icyakora amezi abaye atanu batarishyurwa, ndetse bakavuga ko bagerageza gushaka ubuyobozi bw'icyo kigo ngo hakorwe ibiganiro ntibuboneke, bagahera mu gihirahiro.
Uwitwa Nyiramana Diane ati 'Nta n'ubwo begera abahinzi ngo dukore inama badusobanurire, batubwire ikibazo gihari. Iyo ubahamagaye bahora bavuga ngo ejo, ejobundi gutyo.'
Mugenzi we witwa Mudenge Oswald yagize ati “Twatangaga mituweli tuyikuye ku mafaranga twishyuwe ku musaruro […] dutangira gusohora amafaranga muri Nzeri, tugatangira ihinga, tugatera ntacyo badufasha. Urumva uko tuba dukeneye amafaranga.'
Umuyobozi Wungirije w'Akarere ka Kamonyi, ushinzwe iterambere ry'ubukungu, Niyongira Uzziel yavuze ko kuri uyu wa 26 Nyakanga 2024, byitezwe ko abo bahinzi batangira kwishyurwa.
Umuyobozi wa Rumbuka witwa Kamali Fraterne yabwiye RBA ko abo abahinzi bamaranye n'icyo kigo imyaka igera kuri irindwi bafatanya muri iyo gahunda yo gutuburira imbuto imbere mu gihugu, bityo ko niba batarambuwe muri iyo myaka, bitagiye kuba ubu.
Yavuze ko kuri iyi nshuro bagize ikibazo kijyanye n'ingengo y'imari, bituma kwishyura abahinzi bitinda.
Uyu muyobozi asaba abahinzi kubihanganira, na we yemeza ko kuri uyu wa 26 Kanama 2024 baratangira kwishyura, mu minsi 15 abahinzi bose bakazaba bamaze kwishyurwa.
Kugeza ubu imbuto zose zikenewe zituburirwa imbere mu gihugu, icyakora ubishaka ntabuzwe gutumiza iyo akeneye mu mahanga.
Gahunda ya Guverinoma y'imyaka irindwi yo kwihutsisha iterambere yatangiye mu 2017 mu Rwanda hatuburwa imbuto z'indobanure zigera ku bilo birenga miliyoni 3,3.
Byageze mu 2023 izo mbuto zimaze kwikuba inshuro zirenga ebyiri, kuko zageze ku bilo birenga miliyoni 7,5.
Byajyanye no kongera ifumbire itangwa kuko iyatanzwe mu gihugu hose mu 2023 ingana n'ibilo 72.061.938 ivuye ku bilo 28.188.389 muri 2016.
Ibi yabigarutseho ku Cyumweru tariki ya 25 Kanama 2024, ubwo yasozaga umwiherero w'iminsi ibiri wari wahurije hamwe abayobozi bo mu Ntara y'Intara y'Iburasirazuba n'uturere twose.
Uyu mwiherero wari ugamije gusuzuma ishyirwa mu bikorwa rya gahunda zitandukanye za Leta zigamije kwihutisha iterambere no guhindura imibereho y'abaturage no gufata ingamba ku hantu hakigaragara icyuho.
Kimwe mu bibazo Minisitiri Musabyimana yagaragaje ni ikijyanye n'utugari dukorera mu nyubako zishaje ndetse no kuba hakiri utugari twinshi tutagira internet.
Yavuze ko iri ari ikosa ritababarirwa kuko ngo buri karere gakwiriye kugenera Akagari internet igafasha mu gutanga raporo vuba no gukora ibindi bikorwa bitandukanye.
Ati 'Kugira Akagari kadafite internet mumenye ko icyo kintu ari icyaha kitababarirwa, kandi turahari utwo tugari muratuzi. Turasaba akagari ko gatanga serivisi zo kwandika abaturage n'ibindi, ntimubahe internet wabaza Meya ngo ninjye kubaza Gitifu kandi uri Meya ushinzwe kubikemura.'
Minisitiri Musabyimana yasabye abayobozi b'uturere kujya bakoresha abandi bose bakorana barimo Umunyamabanga Nshingwabikorwa w'Akarere, ubyanze bakamujyana mu nama yo kumunenga ku buryo buri wese abazwa inshingano ze utabishoboye bamuhane. Yijeje abayobozi b'uturere ko umukozi uzajya unanirwa gukora inshingano ze azabafasha kumukura muri urwo rwego kugira ngo ajye gushaka ibindi akora ashoboye.
Minisitiri Musabyimana yasabye kandi abayobozi b'uturere kubaka ibiro by'utugari dushaje ku buryo uyu mwaka urangira iki kibazo gikemutse burundu.
Ati 'Niba tuvuze kubaka utugari ukaba utarabishyize mu bintu by'ibanze muzakora, ntabwo utwo tugari tuzapfa twubatswe kuko ntuzabona amafaranga asaguka yo kujya kubakisha utugari, ariko nubigira ikintu cy'ibanze ukavuga ngo mfite utugari icumi ngiye kutwubaka mu mafaranga muzakoresha tuzubakwa.'
Minisitiri Musabyimana yasabye abayobozi kugabanya inama, ahubwo bagakora ibikorwa binini bihindura imibereho myiza y'abaturage ku buryo ngo iyi myaka itanu izasiga impinduka zikomeye. Yasabye abayobozi kandi gukoresha inzego z'umutekano mu byo bakora byose.
Kuva tariki 23 na 24 Kanama 2024, abaturage 63 bo mu midugudu itandukanye yo mu Murenge wa Nyamiyaga ho mu Karere ka Kamonyi, bajyanywe kwa muganga mu masaha atandukanye bitewe n'igihe buri wese yabaga afatiwe. Ni nyuma yo gukeka ko banyoye umutobe wahumanijwe. Bamwe boherejwe ku kigo nderabuzima cya Nyamiyaga, abandi boherezwa ku bitaro bya Remera Rukoma. Kugera ku gicamunsi cyo kuri uyu wa 26 Kanama 2024 babiri nibo bakitabwaho n'abaganga, aho umwe ari ku bitaro bya Remera Rukoma undi ku kigo nderabuzima cya Nyamiyaga.
Bose uko ari 63, amakuru mpamo agera ku intyoza.com ndetse akanemezwa n'Ubuyobozi ni uko imvano ya byose ari umutobe ushobora kuba warahumanijwe kuko uwawunyoyeho wese yagize ikibazo cyo gucibwamo no kuribwa mu nda.
Dr Jaribu Théogène, Umuyobozi w'Ibitaro bya Remera Rukoma yabwiye umunyamakuru wa intyoza.com ko mu bantu bari bakiriwe 63, haba ku kigo nderabuzima cya Nyamiyaga ndetse no ku bitaro bya Remera Rukoma, abenshi bamaze gutaha. Avuga ko umwana umwe nawe wazanywe iri joro ariwe ukiri mu bitaro bya Remera Rukoma.
Mudahemuka Jean Damascene, Gitifu w'Umurenge wa Nyamiyaga aganira na intyoza.com, yabwiye Umunyamakuru ko mu bakurikiranirwaga mu kigo Nderabuzima cya Nyamiyaga nabo basigaranye umuntu umwe.
Gitifu, avuga ko nubwo iki kibazo cyashyize abaturage ayoboye mu bibazo, ashima ko imyumvire yabo yazamutse ngo kuko iyo bitaba uko, bari kwirukira mu bavuzi ba Kinyarwanda ugasanga ikibazo gikomeye kurusha.
Ahamya ko kuba abafashwe barihutiye kugera kwa muganga, byatumye amakuru amenyekana, arahererekanywa ndetse hatangwa ubutumwa busaba buri wese uziko yanyoye ku binyobwa( Umutobe), ko uwumva afite ikibazo cyo gucibwamo cyangwa se kuribwa mu nda yihutira kugera kwa muganga akitabwaho. Ashima ko byakozwe, abaturage bakaba uyu munsi hafi ya bose bamaze gusubira mu miryango yabo.
Rukundo Nepomuseni, umuturage w'inyamiyaga ufite umugore n'umwana bari bari mu bitaro, yabwiye intyoza.com ko abe batashye ku mugoroba. Ahamya ko intandaro ya byose ari umutobe banyoye. Ati' Njyewe n'umugore n'umwana twageze muri urwo rugo rwagiye gusura umwana bashyingiye. Njyewe nanyoye ku bushera gusa ntacyo nabaye ariko umugore n'umwana banyweye umutobe n'abandi bose bawunyoyeho nta n'umwe wasigaye ari muzima'.
Akomeza avuga ko, icyo akeka ari uko ubwo muri uru rugo biteguraga kujya gusura Abageni bashyingiye, hashobora kuba hari umwanzi w'ibyiza wabaciye mu rihumye agahumanya umutobe, bityo uwawunyoyeho wese akaba yaragize ikibazo.
Avuga kandi ko, yaba ku ruhande rw'abasuye, yaba ndetse no ku ruhande rw'abasuwe ndetse n'abashyitsi, uwanyoye wese kuri uwo mutobe, bose bararwaye mu gihe abafashe ku bindi binyobwa bitari umutobe nta wagize icyo aba.
Kanda hano maze usome inkuru yanditswe bwa mbere bikiba;Kamonyi-Nyamiyaga: Abantu 30 bamaze kugezwa kwa muganga, harakekwa ko bahumanijwe
Amakuru intyoza.com ifite aturuka muri bamwe muri aba bari barwaye ndetse n'ababo bari babarwaje, ni uko mu gusezererwa bapfunyikiwe imiti yo kubafasha bari mu rugo iwabo. Aba batashye kandi, bashishikarijwe gukurikiza inama bahawe n'abaganga hanyuma uwakumva agize ikibazo akihutira kugera kwa muganga.
intyoza