Author: webrwanda

Umukinnyi w’umunyarwanda ukinira Sandvikens IF, Yannick Mukunzi yongeye guhura n’imvune ikomeye izatuma amara hanze y’ikibuga igihe kinini.

Yannick Mukunzi umaze imyaka 5 muri iyi kipe yo muri Sweden ntabwo yahiriwe n’umwaka w’imikino ushize n’uyu bikaba ariko bishobora kumugendekera.

Yannick Mukunzi yagize ikibazo cy’imvune mu Kwakira 2021, iyi mvune yo mu ivi byabaye ngombwa ko bamubaga, yarakiraga akongera agatonekara, yaje gukira neza muri 2024 ari na bwo yatangiye gukinira ikipe ya Sandvikens IF yari yazamutse mu cyiciro cya kabiri.

Muri Mata 2024 ni bwo yakinnye umukino we wa mbere nyuma y’igihe kinini adakina, gusa yaje kongera kugira ikibazo cy’imvune yo mu ivi.

Uyu mukinnyi aheruka mu kibuga tariki ya 16 Kamena mu mukino batsinzemo Oddevold 2-0. Yannick winjiye mu kibuga ku munota wa 62 ntarongera kugaragara akina kubera ko yahise agira imvune.

Amakuru avuga ko agifite byibuze amezi 3 hanze y’ikibuga kubera iyi mvune yo mu ivi.

Yannick Mukunzi yongeye kugira imvune ikomeye

Uyu mugore wamamaye cyane muri filime City Maid nka 'Diane', ariko muri iki gihe akaba ahanzwe amaso muri filime 'Impanga', amaze igihe ashyize imbere gufasha urubyiruko n'abandi bafasha kwinjira muri Cinema gukabya inzozi zabo.

Ni urugendo yatangiye, aho ahuriza hamwe ababyifuza bakiga gukina filime, kuziyobora, kuzandika n'ibindi byose nkenewe kugirango umuntu avemo utanga umusaruro ku rugendo rwa Cinema mu Rwanda.

Ibirori byo gutanga ibi bihembo byagomba kuba muri Kamena uyu mwaka, ariko bisubikwe kubera impamvu zarimo kubinoza neza kugirango bizagenda neza.

Kuri iyi nshuro yavuze ko bizaba ku wa 27 Nzeri 2024, guhera saa kumi z'amanywa kugeza saa tatu z'ijoro, kandi bizarangwa no gutambuka ku itapi itukura, gutanga ibihembo kuri filime zahize izindi, no kwerekana filime.

Bahavu yabwiye InyaRwanda, ko binyuze muri sosiyete ya BahAfrica yashinze afatanyije n’umugabo we Ndayirukiye Fleury yahaye ubumenyi abantu 196 barimo abakobwa n'abagore 184. 

Ati 'Twahisemo kuzabaha impamyabumenyi mu ruhame kubera ko basoje kwiga, ari nayo mpamvu twatekereje gutegura ibi birori, aho twatumiye abantu batandukanye, ibigo, abasitari basanzwe bakora filime, itangazamakuru, n'abandi kugirango bariya basoje tubamurikire sosiyete.'

Yavuze ko nyuma y'uko bari 196 basoje amasomo, bamwe muri bo batangiye gushyira mu bikorwa ibyo bize, kuko hari abatangiye gukora filime zabo bwite.

Avuga kandi ko filime y'umunyeshuri izahiga abandi izahabwa igihembo. Ati 'Tuzareba abakoze filime nziza, hanyuma dutange ibihembo kuri bo. Nyuma yo kubigisha, tunabereke ko kuba umusitari cyangwa se kumenyekana muri cinema bitakubuza gukomeza kubaho ubuzima busanzwe. Ikindi, ni uko tuzatumira abakinnyi ba filime bakomeye baganirize bariya bazaba basoje amasomo yabo.'

Bahavu anavuga ko muri ibi birori byo gutanga impamyabumenyi, hazaba no kwerekana filime yatunganyijwe na BahAfrica Entertainment 'mu rwego rwo kwerekana bimwe mu byo twakoze ndetse n'ibyo duteganya gukora mu gihe kiri imbere'.

Avuga ko yahisemo aba banyeshuri ashingiye cyane ku kwigisha 'abafite inyota yo kwinjira muri Cinema' ariko kandi yabikoze mu rwego 'rwo gutanga umusanzu we kuri filime Nyarwanda'.

Bahavu avuga ko mu gihe cy'amezi atandatu ashize atanga amasomo ashamikiye kuri Sinema, yabonye ko mu Rwanda hari impano zikomeye, kandi abagiye bagaragaza ubumenyi bwisumbuyeho yagiye abaha umwanya bakina muri filime zitandukanye zirimo nka 'Impanga', 'Isi Dutuye' n'izindi.

Ibirori byo gutanga impamyabumenyi ku banyeshuri basoje amasomo yabo byashyizwe tariki 27 Nzeri 2024


Bamwe mu banyeshuri binjiye muri Cinema babifashijwemo na Bahavu batangiye kwikorera filime z'abo bwite

Bahavu avuga ko yagiye ahitamo abanyeshuri ashingiye cyane cyane ku bashaka kuzavamo abakinnyi ba filime

Mu birori byo gutanga ibi bihembo, hazahembwa filime y'umunyeshuri yahize izindi

Bahavu avuga ko hari bamwe mu banyeshuri yifashishije muri filime ze zirimo ‘Impanga’  

KANDA HANO UREBE AGACE GASHYA KA FILIME ‘MY FATHER’ IRI MU ZITUNGANWA NA BAHAVU

“>

KANDA HANO UREBE FILIME ‘ISI DUTUYE’ IRI MU ZIKINAMO ABAKINNYI BATOJWE NA BAHAVU

“>

Itangazo ryemerera aba basirikare kujya mu kiruhuko cy'izabukuru ryagiye hanze ku mugoroba wo ku wa Gatanu, tariki ya 30 Kanama 2024.

Iri tangazo rivuga ko Perezida Kagame akaba n'Umugaba w'Ikirenga w'Ingabo z'u Rwanda, yemeje ko abasirikare barimo Gen Jean Bosco Kazura n'abandi bane bafite ipeti rya Brigadier General bajya mu kiruhuko.

Abo ni Brig Gen John Bagabo, Brig Gen John Bosco Rutikanga, Brig Gen Johnson Hodari na Brig Gen Firmin Bayingana wigeze kuba Chairman w’ikipe ya APR FC.

Umukuru w'Igihugu yemeje kandi ko abandi ba Ofisiye bakuru 170 n'abandi basirikare bafite amapeti atandukanye 992 bajya mu kiruhuko.

Abajenerali ba RDF, ba Ofisiye bakuru n’abandi basirikare bafite amapeti atandukanye bagiye mu kiruhuko cy’izabukuru ni abasoje amasezerano yabo bakaba banakorewe ibirori byo kubashimira.

Ibi birori byabaye ku nshuro ya 12, byabereye ku Cyicaro Gikuru cya RDF giherereye ku Kimihurura mu Mujyi wa Kigali biyobowe na Minisitiri w’Ingabo, Juvenal Marizamunda, wari uhagarariye Perezida Kagame.

Mu bandi babyitabiriye harimo Umugaba Mukuru w’Ingabo z’u Rwanda, Gen Mubarakh Muganga, Abajenerali, ba Ofisiye bakuru ndetse n'abagize imiryango y'abagiye mu kiruhuko cy'izabukuru.

Minisitiri w’Ingabo, Juvenal Marizamunda, yashimiye abagiye mu kiruhuko cy’izabukuru umusanzu wabo mu rugamba rwo Kubohora Igihugu no guhagarika Jenoside yakorewe Abatutsi ndetse n’ubwitange bagaragaje mu rugendo rw’iterambere u Rwanda rumaze kugeraho.

Ati “Ndabahamagarira gukomeza kurangwa n’umuhate mwagaragaje mu myaka yatambutse. Abato muri RDF babigiyeho byinshi kandi nizeye ko muzakomeza gutanga umusanzu mu kurinda Igihugu cyacu.”

Umugaba Mukuru w’Ingabo z’u Rwanda, Gen Mubarakh Muganga, yavuze ko Abajenerali n’aba Ofisiye bagiye mu kiruhuko cy’izabukuru basize umurage watumye RDF ikomeza kubahwa, abibutsa ko bakwiye kwishimira uruhare rwabo mu kwimakaza amahoro n’umutekano.

Yagize ati “Intsinzi yose twagezeho mu mateka yacu yubakiye ku bwitange bwanyu, umuhate no guharanira gusoza inshingano zo kurinda Igihugu cyacu.”

Brig Gen John Bagabo wavuze mu izina ry’abagiye mu kiruhuko cy’izabukuru yashimiye Perezida Kagame ku miyoborere n’ubujyanama yabahaye, agaragaza ko byababereye impamba ikomeye kuva mu gihe cy’Urugamba rwo Kubohora Igihugu.

Ati “Aya mahame twakomeje kuyagenderaho kandi azakomeza kutuyobora mu byo dukora.”

Yavuze ko bazakomeza kugaragaza ubudacogora no kwitanga mu kurinda ibyagezweho, baharaniye kuva kera.

Abajenerali n’aba Ofisiye bakuru bagiye mu kiruhuko cy’izabukuru bahawe ibyemezo by’ishimwe nk’ikimenyetso cyo kubashimira ubwitange bwabo mu gihe bamaze mu Ngabo z’u Rwanda.

Minisitiri w’Ingabo, Juvenal Marizamunda, yashimiye abagiye mu kiruhuko cy’izabukuru

Brig Gen John Bagabo wavuze mu izina ry’abagiye mu kiruhuko cy’izabukuru yashimiye Perezida Kagame 

Abajenerali n’aba ofisiye bakuru bagiye mu kiruhuko cy’izabukuru bahawe ibyemezo by’ishimwe

APR BBC na Patriots zahiriwe n’umukino wa mbere wa kamarampaka muri Basketball waraye ukinwe mu ijoro ryakeye.

Ejo hashize ku wa Gatanu tariki ya 30 Kanama 2024 ni bwo hatangiye imikino ya kamarampaka muri Basketball mu bagabo.

Ni imikino yabereye muri Petit Stade aho habanje umukino wa Patriots BBC yaje gutsinda Kepler amanota 83-71.

Iyi kipe ya Kaminuza ni yo yagize intangiriro nziza kuko yatsinze uduce tubanza tw’umukino abantu bagira bagira ngo ishobora no kwegukana uyu mukino.

Kepler ibifashijwemo n’abarimo Chad Bowie Jordan na Done Carlos batsinze agace ka mbere 27-25 n’agace ka kabiri 17-12. Bagiye kuruhuka ari 44-37.

Abasore ba Patriots BBC barimo Branch Stephaun bagarukanye imbaraga maze agace ka 3 bagatsinda U24-16, agace ka nyuma bagatsinda 22-11.

Hahise hakurikiraho umukino wa REG na APR wari utegerejwe na benshi, bigoranye APR iwutsinda 91-90.

Antino Jackson wa REG wabonaga yagoye APR BBC yayifashije kwegukana agace ka mbere ku manota 24-20.

Agace ka kabiri APR yakoresheje imbaraga zishoboka zose ngo igabanye ikinyuranyo, ibifashijwemo na Isaiah Miller umuntu yavuga ko ari we wanabaye ikinyuranyo kuri uyu mukino, bagatsinze amanota 20-18. Bajya kuruhuka ari 42-40.

Ibintu byaje kuba bibi cyane ku ikipe y’ingabo z’igihugu mu minota ya nyuma y’agace ka 3, aho abakinnyi nka Cleveland Thomas na Shyaka Olivier yayifashije gusoza aka gace bashyizemo ikinyuranyo cy’amanota 9. Bagatsinze 25-18.

Mu gace ka nyuma APR FC yakoresheje imbaraga nyinshi abarimo Diarra na Ntore Habimana na Miller wari mwiza kuri uyu mukino wanatsinze amanota menshi (32), bayifashije gukuramo iki kinyuranyo ndetse banayobora umukino, gusa ku isegonda rya nyuma Antino yatsindiye REG amanota yahise atuma banganya 83-83, bahise bajya mu minota 5 y’inyongera irangira APR BBC iyoboye n’amanota 91-90. Aya makipe azagaruka mu kibuga ku Cyumweru.

Muri iyi mikino ya ½ amakipe atanguranwa intsinzi eshatu kugira ngo agera ku mukino wa nyuma.

Wari umukino utoroshye

Antino yagoye APR cyane

Miller yitwaye neza muri uyu mukino

Chairman wa APR FC, Col. Richard Karasira ari mu basirikare bagiye mu kiruhuko cy’izabukuru.

Ku wa 30 Kanama 2024 ni bwo mu izina rya Perezida wa Repubulika y’u Rwanda, Perezida Paul Kagame igisirikare cy’u Rwanda (Rwanda Defence Force) cyasohoye itangazo ry’abasirikare bagiye mu kiruhuko cy’izabukuru.

Abo basirikare barimo Gen Kazura Jean Bosco, Brig Gen John Bagabo, Brig Gen John Bosco Rutikanga, Brig Gen Johnson Hodari na Brig Gen Firmin Bayingana wabaye Chairman wa APR FC.

Iri itangazo ryakomeje rivuga ko Perezida Kagame yemeje ikiruhuko cy’izabukuru cy’abasirikare bakuru (senior officers) 170 n’abandi bafite andi mapeti 992.

Muri abo basirikare bakuru bagiye mu kiruhuko cy’izabukuru harimo na Col Richard Karasira, umuyobozi w’ikipe ya APR FC.

Tariki 19 Ukuboza 2023, ni bwo Perezida Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera abasirikare 727, barimo na Chairman wa APR FC, Karasira Richard wari Lieutenant Colonel agirwa Colonel.

Icyo gihe yari asanzwe ari Umwarimu mu Ishuri rya Gisirikare riherereye i Nyakinama mu Karere ka Musanze mu Ntara y’Amajyaruguru.

Col Karasira Richard yatangiranye n’Ikipe ya Marines FC mu 1998 aho yayibereye Umuyobozi mu nzego zitandukanye zirimo no kuba yarayibereye Perezida imyaka irindwi.

Col (Rtd) Karasira yatangajwe nka Chairman wa APR FC tariki 23 Kamena 2023. Ingoma ye azayibukirwaho ko ari we muyobozi w’Ikipe y’Ingabo z’Igihugu watangiranye na Politiki yo gukinisha abanyamahanga APR FC yasubijweho nyuma y’imyaka 11 ikinisha Abanyarwanda.

Chairman wa APR FC yagiye mu kiruhuko cy’izabukuru

Itangazo ryashyizwe ahagaragara n'Igisirikare cy'u Rwanda, rivuga ko Perezida Kagame akaba n'Umugaba w'Ikirenga w'Ingabo z'u Rwanda, yemeje ko abasirikare barimo Gen Jean Bosco Kazura n'abandi bane bafite ipeti rya Brigadier General bajya mu kiruhuko.

Abo ni Brig Gen John Bagabo, Brig Gen John Bosco Rutikanga, Brig Gen Johnson Hodari na Brig Gen Firmin Bayingana.

Umukuru w'Igihugu yemeje kandi ko abandi ba ofisiye bakuru 170 n'abandi basirikare bafite amapeti atandukanye 992 bajya mu kiruhuko.

Gen Kazura yabaye mu buyobozi bukuru bw'Ingabo z'u Rwanda mu myaka myinshi ishize kuko guhera mu Ugushyingo 2019 kugera muri Kamena 2023 yari Umugaba Mukuru w'Ingabo.

Yabaye kandi mu zindi nzego zitandukanye harimo kuba Umuyobozi w'Ishuri Rikuru rya Gisirikare rya Nyakinama.

Yigeze kuba Umujyanama w'Umukuru w'Igihugu mu birebana n'Igisirikare; Umugaba wungirije w'Ingabo za Afurika Yunze Ubumwe i Darfur muri Sudani, yabaye kandi Umuyobozi w'Ingabo z'Umuryango w'Abibumbye zari zishinzwe kubungabunga amahoro n'umutekano muri Mali (MINUSMA – Mission multidimensionnelle intégrée des Nations unies pour la stabilisation au Mali).

Brig Gen John Bagabo yakoze igihe kinini mu nzego z'ubutabera za gisirikare kuko yari asanzwe ari Perezida w'Urukiko Rukuru rwa Gisirikare ndetse yabaye Komiseri muri Komisiyo yo gusezerera no gusubiza mu buzima abari abasirikare.

Brig. Gen. John Bosco Rutikanga we yigeze kuba Umuyobozi w'Ingabo mu Ntara y'Amajyaruguru. Yabaye kandi Umuyobozi wa Brigade ya 204. Ipeti yari afite yarihawe mu 2018 ubwo we na bagenzi be batandatu bari bafite ipeti rya Colonel, bagirwaga ba Brigadier General.

Mu bandi basirikare bakuru bashyizwe mu kiruhuko, harimo Brig Gen Johnson Hodari wigeze kuba Umuyobozi w'Ingabo mu turere twa Bugesera, Ngoma na Kirehe. Yanabaye Umuyobozi w'Ingabo za brigade 305 zikorera mu turere twa Musanze n'igice cya Burera.

Brig Gen Firmin Bayingana we azwi cyane muri APR FC kuko yigeze kuba mu buyobozi bukuru bwayo.

Mu muhango wo gusezera aba basirikare, Minisitiri w'Ingabo, Juvenal Marizamunda, yabashimiye umusanzu wabo mu iterambere ry'u Rwanda kuva mu bihe byo kubohora igihugu, guhagarika Jenoside yakorewe Abatutsi no mu rugendo rw'iterambere igihugu kirimo ubu.

Ati 'Ndabashishikariza kugumana uwo muhate mwagaragaje mu myaka itambutse. Abasirikare bakiri bato mu myaka muri RDF, babafatiyeho urugero rufatika, nizeye ko muzakomeza gutanga umusanzu wanyu mu kurinda igihugu cyacu.'

Umugaba Mukuru w'Ingabo z'u Rwanda, Gen Mubarakh Mukanga, yavuze ko intambwe yose bateye, yari irimo ubwitange n'umuhate wo kuzuza neza inshingano zabo zo kurinda igihugu.

Ati 'Mwakoreye igihugu cyacu n'ubwitange, mwakwishimira umusanzu wanyu mu kuba dufite amahoro n'umutekano. Musize ibigwi, bitari gusa mu kuzuza inshingano zanyu, ahubwo no gutuma RDF iba urwego rwubashywe.'

Brig Gen John Bagabo wavuze mu izina ry'abasirikare bagiye mu kiruhuko cy'izabukuru, yashimiye Perezida Kagame akaba n'Umugaba w'Ikirenga w'Ingabo z'u Rwanda, ku miyoborere ye n'urugero rwiza yagiye atanga mu myaka myinshi ishize by'umwihariko mu gihe cyo kubohora igihugu.

Yavuze ko kuva icyo gihe, Perezida Kagame yagiye yibutsa abasirikare akamaro ko kugira ikinyabapfura kugira ngo babashe gutandukanywa n'umwanzi.

Ati 'Ayo mahame yatugumyemo kandi azakomeza kuranga ibikorwa byacu. Mu gihe tugiye mu Nkeragutabara, dushimiye icyubahiro twahawe dusezerwa. Turasaba ubuyobozi bwacu uyu munsi, kudushyikiririza Umugaba w'Ikirenga w'Ingabo ubutumwa bwacu, bw'uko tuzakomeza kwita no kurinda ibyo twaharaniye mu myaka ishize.'

Gen Jean Bosco Kazura wigeze kuba Umugaba Mukuru w'Ingabo z'u Rwanda ni umwe mu bahawe ikiruhuko

Brig Gen John Bagabo yakoze igihe kinini mu nzego z'ubutabera za gisirikare kuko yari asanzwe ari Perezida w'Urukiko Rukuru rwa Gisirikare ndetse yabaye Komiseri muri Komisiyo yo gusezerera no gusubiza mu buzima abari abasirikare

Brig. Gen. John Bosco Rutikanga we yigeze kuba Umuyobozi w’Ingabo mu Ntara y'Amajyaruguru. Yabaye kandi Umuyobozi wa Brigade ya 204. Ipeti yari afite yarihawe mu 2018 ubwo we na bagenzi be batandatu bari bafite ipeti rya Colonel, bagirwaga ba Brigadier General

Brig Gen Johnson Hodari yigeze kuba Umuyobozi w’Ingabo mu turere twa Bugesera, Ngoma na Kirehe. Yanabaye Umuyobozi w'Ingabo za brigade 305 zikorera mu turere twa Musanze n’igice cya Burera

Brig. Gen John Bagabo wigeze kuba Komiseri muri Komisiyo ishinzwe gusezerera no gusubiza mu buzima busanzwe abavuye ku rugerero, ni umwe mu bavuze ijambo muri iki gikorwa

Umugaba Mukuru w’Ingabo z’u Rwanda, Gen Mubarakh Muganga, ubwo yagezaga ijambo ku bitabiriye iki gikorwa

Minisitiri w’Ingabo, Juvenal Marizamunda, ageza ijambo ku bitabiriye iki gikorwa

Iki gikorwa cyari cyitabiriye n’abasirikare barimo abahawe ikiruhuko n’imiryango yabo

Hafashwe ifoto y’urwibutso

Brig Gen John Baptist Ngiruwonsanga asezera kuri ba ofisiye bagiye mu kiruhuko

Brig Gen John Baptist Ngiruwonsanga aramutsa umwe muri ba ofisiye bagiye mu kiruhuko

Ba ofisiye mu Ngabo z’u Rwanda bitegura kwinjira mu kiruhuko

Hafashwe ifoto y’urwibutso ya ba ofisiye bagiye mu kiruhuko

Gen Jean Bosco Kazura yashyizwe mu kiruhuko cy’izabukuru

Brig. Gen John Bagabo wigeze kuba Komiseri muri Komisiyo ishinzwe gusezerera no gusubiza mu buzima busanzwe abavuye ku rugerero, ni umwe mu bagiye mu kiruhuko

Brig Gen John Bosco Rutikanga yigeze kuba Umuyobozi w'Ingabo mu Ntara y’Amajyaruguru

Mu 2019, Brig Gen Hodari Johnson yari Umuyobozi w’Ingabo mu Karere ka Kirehe,Ngoma na Bugesera

Brig Gen Firmin Bayingana yigeze kuba mu buyobozi bukuru bw’Ikipe y’Ingabo z’Igihugu, APR FC

Itangazo rikomeza rigira riti 'Ubugenzuzi buracyakomeje kugira ngo duharanire ko inzu zisengerwamo zuzuza ibisabwa. Abantu bakwiye kumva ko gufunga inzu isengerwamo bidasobanuye ko idini cyangwa itorero urwo rusengero rubarizwamo ryafunzwe burundu.'

RGB yagaragaje ko gufunga insengero, imisigiti na kiliziya bitujuje ibisabwa bitagamije guhonyora uburenganzira ku myemerere y'abantu ariko ko ahantu hasengerwa naho hakwiye kugira amategeko hubahiriza mu gusigasira umutekano w'abahasengera.

Yagaragaje ko ibyo inzu zisengerwamo zisabwa kuba byujuje byagenwe harebwa ibikenewe by'ibanze mu kubungabunga ituze, umutekano n'ubuzima bwiza by'abazikoreramo kandi ari uburenganzira bw'Umunyarwanda aho ari hose mu gihugu.

RGB igaragaza ko ahasengerwa hakwiye kuba hubahirije imyubakire y'aho haherereye kandi hari inzira n'imbuga ituma babona ubutabazi n'aho imodoka z'ubutabazi zanyura igihe bibaye ngombwa.

Ubugenzuzi bwakozwe bwagaragaje ko hari ibibazo bitandukanye birimo; Inyubako zitujuje ibisabwa n'amategeko y'imyubakire y'aho ziherereye, isuku itanoze, kutagira uburyo bwo kurinda urusaku no kutagira impamyabumenyi muri tewolojiya ku bayisabwa.

Hari kandi gusengera ahandi hantu hatemewe nko mu buvumo, mu mashyamba, mu migezi, mu misozi n'ahandi, kutagira icyemezo cya RGB kibemerera gukora nk'itorero no kutagira icyemezo cy'imikorere n'akarere aho bikenewe.

RGB yemeza ko bimwe mu bituma insengero zigenda ziba nyinshi kandi zitujuje ibisabwa ari uko hari abazishinga batagamije ibikorwa byo kwigisha iby'iyobokamana ahubwo bagamije inyungu zabo bwite zirimo gushaka amafaranga n'imitungo bivuye mu baturage, kwigisha inyigisho ziyobya, n'ibindi.

Uru rwego kandi rushimangira ko hari bamwe mu bigisha bagize amatorero ubucuruzi ntibite ku ngamba zo kurengera umutekano w'abantu babagana.

Itangazo ryakomeje rigaragaza ko ubuyobozi bwa RGB bwishimiye ubufatanye n'amadini n'amatorero ariko ko buyasaba kurushaho gufata ingamba zihoraho mu kubahiriza amabwiriza.

Ku birebana n'abafungiwe kubera ko badafite impamyabumenyi zikenewe, RGB yibukije ko itegeko ryo muri 2018 rigenga imiryango ishingiye ku myemerere ryatanze imyaka itanu kandi ko yarangiye mu 2023, bityo ko abafungiwe kubera icyo kibazo basabwa kurangiza amasomo bakabona gukomeza imirimo isaba iyo mpamyabushobozi.

Ku rundi ruhande ariko RGB yagaragaje ko hari bamwe mu bakora ivugabutumwa banyuze mu itangazamakuru babikora batanditse akenshi bagatanga n'inyigisho ziyobya abaturage.

Byatumye isaba abayobozi b'ibitangazamakuru binyuranye kujya bashishoza mu gutanga umwanya n'urubuga rw'izo nyigisho ariko abo bavuga butumwa nabo basabwa kubahiriza amategeko.

Insengero 70% by’izagenzuwe mu Rwanda zarafunzwe

Ni ibiganiro byabaye kuri uyu wa 30 Kanama 2024, nyuma yo gutangiza isuzumabumenyi mpuzamahanga rya PISA.

Schleicher yavuze ko iri suzumabumenyi ryatangiriye mu bihugu biteye imbere mu bukungu ariko ubu ryatangiye kwagura amarembo kuko muri Afurika ryigeze no gukorwa muri Senegal.

Yahamije ko iri suzuma rigaragaza uburyo abanyeshuri biteguye kwisanga mu bukungu buyobowe n'ikoranabuhanga.

Ati 'U Rwanda rubaye kimwe mu bihugu bya mbere muri Afurika bikoresheje iri suzumabumenyi, muzi ko iri suzumabumenyi rya PISA ryatangiriye mu bihugu byateye imbere mu bukungu ku Isi, ubu rero riri kwagura amarembo.'

Yavuze ko aya masuzuma agaragaza uburyo amashuri yigisha imibare, indimi, ikoranabuhanga, n'andi masomo ya asiyansi ategurira abanyeshuri kuzagira uruhare mu iterambere ry'ubukungu mu bihe bizaza.

Minisitiri w'Uburezi, Gaspard Twagirayezu yatangaje ko imikoranire na OECD mu by'uburezi yatangiye mu mwaka ushize, bategura gukora isuzumabumenyi rya PISA rizakorwa kuva muri Mata kugeza muri Kamena 2025.

Ati 'Twamaze gukora isuzuma (field trial) aho twakoresheje abanyeshuri barenga 1400 umwaka utaha akaba ari bwo tuzakora isuzumabumenyi mu buryo busesuye. Ni isuzumabumenyi rizadufasha kureba uko uburezi bwacu buhagaze ugereranyije n'ibyo bihugu bindi 100, nyuma yaho umusaruro wavuyemo tukazawukoresha kugira ngo turebe ibyo dukora neza dukomeze kubyongeramo imbaraga, ibigikeneye imbaraga tube twabihindura.'

Iri suzumabumenyi ryitabirwa n'abanyeshuri bafite imyaka 15, ariko ibiganiro byahuje Minisitiri w'Intebe Dr Ngirente na Andreas Schleicher byasojwe impande zombi zemeranyije ko n'amasuzuma yitabirwa n'abakuru kuva ku myaka 16-65 (PAAC) u Rwanda rwazayitabira.

Umuyobozi ushinzwe uburezi mu Muryango w'Ubufatanye mu Bukungu n’Iterambere (OECD), Andreas Schleicher n’itsinda bari kumwe

Baganiriye ku ngingo zirimo guteza imbere uburezi

Minisitiri w'Intebe, Dr. Edouard Ngirente yakiriye Umuyobozi ushinzwe uburezi mu Muryango w'Ubufatanye mu Bukungu n’Iterambere (OECD), Andreas Schleicher

Minisitiri w'Uburezi, Gaspard Twagirayezu yatangaje ko imikoranire na OECD mu by'uburezi yatangiye mu mwaka ushize

Minisitiri w'Intebe, Dr. Edouard Ngirente yagiranye ibiganiro n'Umuyobozi ushinzwe uburezi mu Muryango w'Ubufatanye mu Bukungu n’Iterambere (OECD), Andreas Schleicher

Amafoto: Kwizera Herve

Iteka rya Perezida rishyiraho izi noti ryasohotse mu igazeti ya Leta yo kuri uyu wa 30 Kanama 2024, riteganya ko inoti nshya ya 5000 Frw n'iya 2000 Frw, zikoreshwa hamwe n'inoti zisanzweho, ari zo iya 500 Frw, iya 1000 Frw, iya 2000 Frw n'iya 5000 Frw, kandi zifite agaciro mu Rwanda.

Ishyirwaho ry'izi noti nshya za 5000 Frw na 2000 Frw, ribaye nyuma y'uko bisabwe na Minisitiri w'Imari n'Igenamigambi, bigasuzumwa n'Inama y'Abaminisitiri yateranye ku wa 23 Kanama 2024 ikanabyemeza.

Ibimenyetso biranga inoti nshya ya 5000 Frw

Inoti nshya ya 5000 Frw, ingana na mm 145 kuri mm 72, ishusho igaragara ku noti nshya ya 5000 Frw ni Ikirangantego cya Repubulika y'u Rwanda na 'electrotype' ihagarariye inyuguti 'BNR' munsi yacyo. Iyi shusho iri mu ruhande rw'iburyo bw'inoti, ibara ryiganjemo ni ibihogo bijya gusa n'ibara rya roza.

Mu bindi bimenyetso biranga iyi noti ni uko imbere hari amagambo 'BANKI NKURU Y'U RWANDA' yanditswe mu ruhande rwo hejuru, 'Iyi noti yemewe n'amategeko' yanditswe munsi y'amagambo 'BANKI NKURU Y'U RWANDA', 'AMAFARANGA IBIHUMBI BITANU' yanditswe mu ruhande rwo hasi.

Iyi noti nshya ya 5000 Frw kandi iriho igishushanyo kigaragara cy'inyubako 'Kigali Convention Centre' iri mu Mujyi wa Kigali, agaciro k'inoti mu mibare itambitse muri buri nguni uretse mu ruhande rwo hejuru iburyo, igishushanyo cy'umubare '5000' kiri munsi y'amagambo 'Iyi noti yemewe n'amategeko' kibonerana mu noti bitewe n'icyerekezo inoti ifatiwemo.

Itariki inoti yakoreweho ni '28.06.2024', yanditswe ahagana hasi ku ishusho ihinguranya inoti, umukono w'Umuyobozi wa Banki n'uw'umuyobozi wa Banki Wungirije bigaragara munsi y'ishusho y'inyubako 'Kigali Convention Centre', inomero y'inoti iri mu ibara ry'umukara itambitse mu nguni yo hejuru iburyo, no mu nguni y'ibumoso ihagaritse.

Imbere hariho kandi ishusho y'ingagi ihinduranya amabara, bitewe n'icyerekezo inoti ifatiwemo, iri mu ruhande rw'ibumoso bw'inyubako 'Kigali Convention Centre', udusapfu tubengerana dukwirakwijwe kuri buri ruhande rw'inoti tugaragara ku rumuri 'Ultraviolet' mu mabara y'icyatsi n'ubururu.

Inyuma h'iyi noti ya 5000 Frw hari amagambo 'NATIONAL BANK OF RWANDA' yanditswe ku ruhande rwo hejuru, 'THIS NOTE IS LEGAL TENDER' yanditswe munsi y'amagambo 'NATIONAL BANK OF RWANDA', 'FIVE THOUSAND FRANCS' yanditswe mu ruhande rwo hasi.

Hariho kandi ishusho igaragara y'uduseke tubiri, inkangara iteretswemo agacuma iteretswe mu nzu ya Kinyarwanda yo hambere, agaciro k'inoti mu mibare itambitse mu nguni zose z'inoti, ishusho y'umubare '5000' ucuritse iri munsi y'amagabo 'Iyi noti yemewe n'amategeko' ihinguranya inoti bitewe n'icyerekezo inoti ifatiwemo.

Hariho kandi agashumi gacikaguritse karinda inoti kanditsweho inyandiko nto zigizwe n'inyuguti 'BNR' n'umubare '5000', kari mu ibara ry'umutuku gahindura ibara mu cyatsi kibisi bitewe n'icyerekezo inoti ifatiwemo, kari mu ruhande rw'ibumoso bw'inoti.

Ibimenyetso biranga inoti nshya ya 2000 Frw

Inoti nshya ya 2000 Frw ingana ni 142mm kuri 72mm, ishusho igaragara kuri iyo noti ni Ikirangantego cya Repubulika y'u Rwanda na electrotype ihagarariye inyuguti 'BNR' munsi yacyo. Iyi shusho iri mu ruhande rw'iburyo bw'inoti, ibara ryiganjemo ni umwura ucyeye.

Imbere hayo hari amagambo 'BANKI NKURU Y'U RWANDA' yanditswe mu ruhande rwo hejuru, 'IYI NOTI YEMEWE N'AMATEGEKO' yanditswe munsi y'amagambo 'BANKI NKURU Y'U RWANDA', 'AMAFARANGA IBIHUMBI BIBIRI' yanditswe mu ruhande rwo hasi.

Ibindi bimenyetso biri kuri iyo noti ni igishushanyo kigaragara cy'imisozi y'Ikiyaga cya Kivu, agaciro k'inoti mu mibare itambitse muri buri nguni uretse mu ruhande rwo hejuru iburyo, ishusho y'umubare ” 2000 ” iri munsi y'amagabo 'Iyi noti yemewe n'amategeko' ihinguranya inoti bitewe n'icyerekezo inoti ifatiwemo.

Itariki inoti yakoreweho '28.06.2024', yanditswe ahagana hasi ku ishusho ihinguranya inoti, umukono w'Umuyobozi wa Banki n'uw'Umuyobozi wa Banki Wungirije bigaragara munsi y'ishusho y'misozi y'Ikiyaga cya Kivu, inomero y'inoti mu ibara ry'umukara itambitse mu nguni yo hejuru iburyo, no muyo ibumoso ihagaritse.

Ishusho y'agaseke ihinduranya amabara, bitewe n'icyerekezo inoti ifatiwemo. Iyi shusho iri mu ruhande rw'ibumoso hejuru y'ishusho y'imisozi y'Ikiyaga cya Kivu, udusapfu tubengerana dukwirakwijwe kuri buri ruhande rw'inoti tugaragara ku rumuri ultraviolet mu mabara abiri y'icyatsi n'ubururu.

Inyuma h'iyi noti nshya ya 2000 Frw hari amagambo 'NATIONAL BANK OF RWANDA' yanditswe ku ruhande rwo hejuru, 'THIS NOTE IS LEGAL TENDER' yanditswe munsi y'amagambo 'NATONAL BANK OF RWANDA' na 'TWO THOUSAND FRANCS' yanditswe mu ruhande rwo hasi.

Kuri iyi noti kandi hariho ishusho igaragara y'intete z'ikawa zikaranze neza, agaciro k'inoti mu mibare itambitse mu nguni zose z'inoti, igishushanyo cy'umubare ” 2000 ” ucuritse kiri munsi y'amagabo ” Iyi noti yemewe n'amategeko ” gihinguranya inoti bitewe n'icyerekezo inoti ifatiwemo.

Hariho kandi agashumi gacikaguritse karinda inoti kanditseho inyandiko nto zigizwe n'inyuguti 'BNR' n'umubare '2000', kari mu ibara ry'icyatsi gahindura ibara mu bururu bitewe n'icyerekezo inoti ifatiwemo, kari mu ruhande rw'ibumoso bw'inoti.

Banki Nkuru y'Igihugu yaherukaga gushyiraho inoti nshya za 5000 Frw na 2000 Frw mu mpera za 2014.