Author: webrwanda

Kugura 'Views' wifashisha uburyo bunyuranye burimo nko gukoresha 'Publicite' za Youtube, hanyuma ugahitamo igihugu, izo ushaka, igihe zigomba kutangirira n'igihe zigomba kurangirira.

Ibi bijyana no kwishyura amafaranga aba yavunjwe muri 'Cryptocurrency'. Ubu buryo burahenze, ni nabwo bukoreshwa n'abahanzi bakomeye ku Isi, ndetse Youtube irabikwishyurira, kandi 'Video' ishyirwa mu zigezweho ku buryo buri wese abona ko ariyo ndirimbo yaciye ibintu hanze aha. Hari n'uburyo bwa kabiri buzwi nka 'Phone Farming'.

Kimwe mu bituma abahanzi cyangwa se abandi bantu bamamaye ku mbuga nkoranyambaga bagura 'Views' harimo gukomeza kwemeza abafana ko ari abahanzi bihagazeho, mbese ko buri kimwe bashyira hanze cyakundwa kandi mu gihe gito.

Inyandiko zimwe ziri kuri Internet, zisobanura ko nta kibazo mu kuba umuntu yagura 'Views' kugira ngo ibihangano bye birebwe ku muyoboro wa Youtube. Ariko kandi ngo ni byiza ko agura ku muntu yizeye kuko 'bishobora gushyira mu byago shene yawe'.

Muri iyi nyandiko ya viralyft bavugamo ko abantu bakwiye kubanza gutandukanya 'Fake View' ndetse na 'Real Views'. Bavuga ko 'Views' zitari izanyazo (Fake Views) kenshi zikomoka ku muntu wazikugurishije zivuye kuri konti zitabaho (Fake Accounts). Ni mu gihe 'Views' za nyazo ziva kuri konti za 'Active accounts' cyangwa 'Real accounts'.

Ariko kandi Politiki ya Youtube yubatse ku buryo ibuza ubwoko ubwo ari bwo bwose bw’inyongera kuri uru rubuga.

Hari inyandiko z'indi ziri kuri internet zigaragaza ko ugura 'Views' 1000 atanga amafaranga ari hagati y'amadorali 10 na 50, ariko basobanura ko biterwa n'umuntu waguriye.

Ariko kandi muri iyi nyandiko bavuga ko Youtube itemera ikintu cyose gikorwa kigamije kuzamura umubare w'abantu bareba ibyo washyizeho, yaba binyuze mu kugura 'Views', 'Likes', 'Comments' cyangwa se ibindi. Aha bavuga ko bitemewe muri rusange.

Bamwe bakunze kuvuga ko ari 'Fake Views'

Hari abajya kure bakavuga ko kenshi abantu bavuga ko ari 'Fake Views' ahanini bitewe n'uko umuntu aba yarebwe n'abantu atazi ku rubuga rwe rwa Youtube- Uretse ko n'ubundi abantu bamureba bose siko aba abazi.

Mu busanzwe iyo ukoresha urubuga rwa Youtube mu buryo bw'akazi kandi bw'umwuga uhabwa uburyo bwo kujya wishyurirwa ibyo ukora cyangwa se ibyo unyuzaho (Monitization).

Hari abavuga ko hari 'Views' umuhanzi cyangwa se undi muntu agura, ku buryo ashobora no kuzishyurirwa na Youtube.

Hari shene zimwe zifungwa

Hari urubuga ruvuga ko iyo uguze 'Views' ku bantu batizewe cyangwa se batanga izitari iza nyazo, rimwe na rimwe uburyo wa Youtube buzwi nka 'Algorithm' bushobora guhitamo guhagarika shene yawe bitewe n'uko babona ko hari ibiri gukorwaho bidakwiye.

Hejuru y'ibi kandi, ngo ushobora no gutakaza umubare w'abantu (Audience) bari basanzwe bakurikirana ibikorwa byawe.

Banavuga ko hari igihe ugura 'Views' rimwe na rimwe zikavaho, bitewe n'uko uwazishyizeho atakurikiranye neza igikorwa. Ndetse, ngo hari n'igihe yibeshya bikarangira ibikorwa 'Views' waguze zisubiye ku zo watangiranye kuri icyo gikorwa washakaga kuzamura.

Gukoresha Youtube nk’umwuga ni amahirwe n’amahitamo amaze guhira benshi. Ubona igikundiro n’amafaranga-Ingero z'abo uru rubuga rutunze hanze ni benshi!

 Ariko si ibya buri wese kuko isoko ry’abayikoresha baraguka umunsi ku munsi. Ibi nibyo bituma benshi mu bakoresha uru rubuga bashakisha imbuga zitandukanye baguriraho ‘views’ mu kugaragaza ko bafite igihiriri cy’abantu bayobotse ishyaka.

Uretse kugura 'views' hari n’abagura 'subscribers' mu kugaragaza ko hari umubare munini ugenda ukura nk’igihumyo wishimira ibyo bakora.

Imbuga [Website] zigurisha izi serivisi zigufasha kubona 'Subscribers', 'Likes', 'comments' kuri videwo n’ibindi bigaragaza urubuga rwawe nk’urwa mbere muri sosiyete.

Kugura izi serivisi bituma hari umubare ukurikirana iyi shene, utekereza ko wacitswe kujya muri ibyo bihumbi nabo bakayoboka.

Umuhanzikazi Teta Diana ubarizwa muri Suede yigeze kuvuga ko kugira shene ya Youtube ari ubuntu, kandi koko bisaba kuba ufite Email gusa.

Avuga ko 'views' naba 'followers' bagurwa, bityo ko 'showbiz' ya byacitse yica umuziki. Uyu muhanzikazi yavuze ko 'ubuhanzi bwigenga buravuna ariko bukaramba. Yungamo ati “Twubake ibyagutse kandi biramba, ubugeni n'ubuhanzi byubahwe, abahanzi muri rusange mwihugure.”

'Engagement’ (Likes& Comments) ni kimwe mu bishobora kugaragaza ko indirimbo yaguriwe 'views'. Iyo engagement y'indirimbo iri hejuru biba bigaragaza ko nta views, iyo engagement iri hasi bigaragaza ko indirimbo yaguriwe views.

Hari Application zirenga 20 ziri kuri internet wifashisha ukagura views kuri Youtube, bakakuzamurira aba Subscribers…ukagura aba Followers kuri Instagram, kuri X ubundi ugatembagara.

Iyo ubuyobozi bwa Youtube bumenye ko waguze views urabihanirwa. Uburyo Youtube yemera ni ubuzwi nka Skippable ads non-skippables aho wishyura ari hagati y'amadorali 2000 na 100, ikakwamariza cyane cyane ibicuruzwa.

Inyandiko ya Youtube iri kuri internet ivugamo ko uru rubuga rutemera umuntu wese ugura Views, Likes, Comments n'ibindi bituma yigaragaza nk'aho sosiyete imukunda. Bati 'Ibi ntibyemewe.'

 

Uru rubuga ruvuga ko rwiteguye gukuraho burundu shene yose igura views n'ibindi. Rushishikariza abarukoresha, kurumenyesha igihe cyose babonye ibintu binyuranyije n'amategeko n'amabwiriza yarwo.

Bati 'Shene ya Youtube itubahiriza amabwiriza n'amategeko twashyizeho ikurwaho by'igihe gito cyangwa se bya burundu.'

Youtube, ni urubuga rukoreshwa n’abashabitsi, abanyamuziki, abakinnyi ba filime, aba Vloggers n’abandi. Ku bashaka gukora ikintu kikiganza muri miliyoni z’abantu bakoresha uru rubuga ni intambara itoroshye.

Youtube yashinzwe mu 2005. Nibura aba-Youtubers bashyiraho video z’amasaha 300 mu gihe cy’isaha imwe. Ibi bivuga ko niba ushaka ko ibyo washyizeho birebwa ukeneye izi mbaraga.

Kugura views wifashishije Application zitandukanye birashoboka, ariko iyo Youtube ibimenye iraguhana cyangwa se umuyoboro wawe ugahagarikwa

Rwamucyo Eugène akurikiranyweho ibyaha birimo icyaha cya Jenoside, ubufatanyacyaha mu cyaha cya Jenoside, kugira uruhare mu mugambi wo gutegura Jenoside, ibyaha byibasiye inyokomuntu, ubufatanya cyaha muri icyo cyaha ndetse n'ubwinjiracyaha mu gutegura umugambi wo gukora Jenoside.

Mu Kiganiro yagiranye na IGIHE, Me Andre Martin Karongozi, uri mu bahagarariye abaregera indishyi muri urwo rubanza yagaragaje ko ruri mu zikomeye cyane kuko, Dr. Rwamucyo Eugene, yari umwe mu banyabwenge bari i Butare.

Ati 'Ni urubanza rufite agaciro gakomeye, ni urubanza rw'abanyabwenge kuko ari bo bateguye Jenoside, Rwamucyo icyaha ntabwo kiramuhama aracyari umwere ariko uko aregwa ari mu bantu ba banyabwenge bari i Butare icyo gihe barimo n'abandi bakatiwe n'inkiko nka Munyemana Sosthène, Vincent Ntezimana, Higaniro n'abandi.'

Yakomeje avuga ati 'Muri uru rubanza hazaza abantu batari bake bari mu zindi manza barimo n'abagiye bakatirwa i Arusha, mu Bubiligi n'ahandi. Ni urubanza rurimo ingufu nyinshi ku ruhande rw'uregwa kuko asanzwe aba kuri internet, yahisemo abanyamategeko basanzwe buburanira abaregwa Jenoside barimo Me Françoise Matte, Me Philippe Meilhac, waburaniraga Agatha Kanziga.'

Yashimangiye ko abo banyamategeko bamenyereye cyane kuburana imanza za Jenoside yakorewe Abatutsi kuko umwe ari mu bunganiraga Kabuga Felicien mu gihe undi yunganiraga Agatha Kanziga umugore wa Habyarimana Juvenal ari we Me Philippe Meilhac.

Me Karongozi yagaragaje ko mu bazatanga ubuhamya nk'inzobere mu mateka y'u Rwanda harimo na Charles Onana uri mu bakurikiranyweho guhakana no gupfobya Jenoside yakorewe Abatutsi.

Yagaragaje ko kuba Rwamucyo yarakomokaga muri Ruhengeri byamuhaga imbaraga nyinshi zo gukora Jenoside yakorewe Abatutsi nubwo we aburana ahakana ibyaha akavuga ko akurikiranywe kubera leta y'u Rwanda nyamara nta cyaha yakoze.

Ati 'Ni urubanza ruzaba rukomeye kandi tugomba gushyiramo izindi ngufu cyane. Nubwo n'izindi tuzishyiramo ingufu ariko nk'aha ujya kubona hajemo abavuga ko barwanya ubutegetsi bw'u Rwanda baba mu mahanga, abakatiwe mu zindi manza basobanura ko kwemera ibyaha ari uko bashutswe, rero biba ari intambara. Tuba duhangayitse y'uko hari ushobora kuza ibyo avuga bigafatwa nk'ukuri.'

Yavuze ko hari inama zimwe na zimwe zabaga zitegura Jenoside yakorewe Abatutsi Rwamucyo yitabiriye zirimo n'iyahurije hamwe abanyabwenge n'uwari Minisitiri w'Intebe muri Guverinoma y'abatabazi Jean Kambanda.

Rwamucyo w'imyaka 63 yahoze ari umuganga mu bitaro bya Maubeuge, hari hashize igihe kinini hategerejwe ko agezwa mu butabera.

Rwamucyo yavukiye mu yahoze ari Komini Gatonde mu Ruhengeri, yari umuyobozi w'Ikigo cya Kaminuza y'u Rwanda cyitwaga Centre Universitaire de Santé Publique de Butare (CUSP), ashinjwa kuba yari ku isonga mu bateguye Jenoside mu Mujyi wa Butare.

Muri Nzeri 2009, Urukiko Gacaca rwa Ngoma rwamukatiye igihano cy'igifungo cya burundu rumaze kumuhamya ibyaha byo gushinga imitwe y'abicanyi yashishikarizaga ikorwa rya Jenoside, gutanga ibikoresho by'ubwicanyi, gufata bugwate abagore n'abakobwa b'abatutsikazi, kubara no kumenya abishwe.

Ageze mu Bufaransa yahawe akazi mu bitaro bya Kaminuza bya Lille nyuma akorera ibitaro bya Maubeuge, ahagarikwa mu Ukwakira 2009, ibyo bitaro bimaze kumenya ko ashakishwa kubera uruhare rwe muri Jenoside yakorewe Abatutsi.

Ku wa 26 Gicurasi 2010 yafashwe na Polisi Mpuzamahanga hashingiwe ku mpapuro zo kumuta muri yombi zatanzwe n'Ubushinjacyaha Bukuru bw'u Rwanda, afatirwa mu irimbi rya Sannois aho yari mu ishyingurwa rya Jean Bosco Barayagwiza waguye muri gereza y'Umuryango w'Abibumbye muri Benin.

Yafunzwe amezi ane gusa, arekurwa ku wa 15 Nzeri 2010, Urukiko rw'Ubujurire rwa Versailles mu Bufaransa rwanga kumwohereza mu Rwanda, ariko rwemeza ko agomba gukurikiranwa mu Bufaransa adafunzwe.

Me André Martin Karongozi yagaragaje ko urubanza rwa Rwamucyo ruri mu zikomeye bitewe n’uko yari mu banyabwenge bari muri Butare mu gihe cya Jenoside yakorewe Abatutsi

Rwamucyo Eugène ukurikiranyweho ibyaha birimo icyaha cya Jenoside

Umuvugizi wa Minisiteri y'Ubuzima, Julien Mahoro Niyingabira, kuri uyu wa 02 Ukwakira 2024, yahamirije IGIHE iby'aya makuru, avuga ko imirimo igiye kuhakorerwa ari ugusana ibintu bimwe na bimwe no kongerera ubushobozi 'system' zihari.

Ati “Hari imirimo iri gukorwayo yo kubaka no gusana, ntabwo rero byakorwa harimo abarwayi, ariko ni imirimo y'igihe gitoya […] ntabwo navuga neza ngo ni igihe kingana gute, ariko ntabwo ari ukubaka ibintu byinshi, ntabwo rero ari ibintu bizasaba igihe kirekire kuburyo nko mu byumweru bibiri cyangwa bitatu bishobora kongera gukora.”

Niyingabira yavuze ko abarwayi bari bari muri ibyo bitaro bimuriwe ku bindi bitaro n'amavuriro bifite ubushobozi bwo kubitaho no kubaha ubuvuzi babonaga muri ibyo, ndetse avuga ko abandi babiganaga na bo bagiriwe inama yo kugana ibindi.

Ati “Ntabwo dutekereza ko hari bubemo icyuho muri serivise z'ubuvuzi bari basanzwe bakura mu Bitaro bya Nyarugenge, kandi ibyo bitaro na byo bizongera bigaruke mu gihe gito bimaze gutunganya ibidatunganye.”

Umuvugizi wa Minisiteri y'Ubuzima yavuze ko ibyo bitaro bishobora gusohora itangazo mu gihe cya vuba rimenyekanisha iby'iki cyemezo.

Ibitaro bya Nyarugenge byatangiye gukora mu mwaka wa 2020, bisabwe n'abatuye mu murenge wa Nyamirambo, no mu bice bituranye na wo.

Ubwo ibi bitaro byatangiraga gukora, Umuyobozi wabyo yatangaje ko bije kunganira ibya Muhima mu kwita ku buzima bw'umubyeyi n'umwana. Iyi ntego yagezweho kuko ubu biganwa n'ababyeyi barenga 200 baje kubyara buri kwezi.

Muri serivisi z'ibitaro bakira abarwayi bari hagati ya 500 na 700 mu kwezi. Ibitanda 120 ibitaro byatangiranye bikoreshwa ku rugero rwo hejuru kuko akenshi usanga 90% biriho abarwayi.

Kubaka ibi bitaro byatwaye miliyari 7,1 Frw mu gihe ubariyemo n'ibikoresho, agaciro kabyo kahise kagera kuri 9,8 Frw gusa byari biteganyijwe ko imirimo yose igomba gutwara miliyari zisaga 12 z'amafaranga y'u Rwanda, bikubakwa ku butaka bungana na hegitari hafi ebyiri.

Byatangiranye abakozi 87, bifite inzobere mu kuvura abana, ababyeyi, kubaga indwara zitandukanye n'abandi.

Ibi bitaro byiyongera ku bya Muhima biha serivisi abaturage barenga ibihumbi 300 batuye mu Karere ka Nyarugenge bikaba n'akarusho kuri ako karere kuko nta bitaro bifatika kagiraga, aho wasangaga abaturage bako bivuriza ku bitaro by'icyitegererezo bya Kaminuza bya Kigali (CHUK).

Ibitaro bya Nyarugenge byafunze imiryango by’agateganyo

Ibi bitaro byatangiye gukora mu 2020

Perezida Kagame avuga ko igihuza u Rwanda na Latvia gishingiye ku mikoranire yerekana ko ishoramari rishoboka mu gihe hubatswe uburyo buhamye buha buri wese uburenganzira bungana.

Umukuru w'Igihugu wageze i Latvia ku wa Kabiri tariki ya 01 Ukwakira 2024, yavuze ko u Rwanda rwahisemo kugira imikoranire n'abandi mu gushaka ibisubizo by'ibibazo byihariye Igihugu gishobora guhura na byo.

Yakomeje ati: 'Dukeneye no guha agaciro izindi ngeri z'imikoranire harimo n'ibijyanye no guteza imbere ikoranabuhanga.''

Yagaragaje ko Latvia yatangiye gushyira imbaraga mu rwego rw'ikoranabuhanga kandi u Rwanda na rwo rwateye intambwe ifatika nk'aho serivisi nyinshi za Leta ziboneka hifashishijwe ikoranabuhanga.

Perezida Kagame yashimangiye ko ibiganiro byamuhuje na mugenzi we byibanze ku bufatanye mu guteza imbere inzego zitandukanye zirimo ubuhinzi ikoranabuhanga n'ibindi hagamijwe guteza imbere abaturage b'ibihugu byombi.

Ati: 'Dufite imyumvire yo gukorana n'abandi mu gushaka ibisubizo by'ibibazo byihariye duhura na byo. Twanyuzwe n'ibyo twabonye kandi tuzishimira kuguha ikaze mu Rwanda mu gihe cya vuba.''

Perezida wa Latvia, Edgars Rinkēvičs, na we yavuze ko yagiranye ibiganiro byubaka na mugenzi we w'u Rwanda, Paul Kagame.

Yagize ati: 'Ni uruzinduko rwa mbere rwa Perezida w'u Rwanda muri Latvia, ni na rwo rwa mbere rw'Umukuru w'Igihugu cya Afurika nyuma y'ubwigenge bwacu. Ni uruzinduko rw'amateka.''

Yavuze ko we na Perezida Kagame baganiriye ku mutekano w'ibihugu by'u Burayi ndetse n'ingaruka zatewe n'intambara ya Ukraine n'u Burusiya.

Yakomeje ati: 'Twashimye umusanzu w'u Rwanda mu bikorwa byo kubungabunga amahoro mu bihugu bitandukanye byo ku Mugabane wa Afurika.''

Yanavuze ko baganiriye ku mikoranire yo guteza imbere ibijyanye n'ubukungu by'umwihariko mu iterambere ry'ubuhinzi.

Perezida Kagame yagiranye ibiganiro na mugenzi we wa Latvia 

Ni ubwa mbere iyi Nama igiye kubera mu Rwanda. Ihuriza hamwe abashoramari mu ngeri zinyuranye, abahanzi bubatse izina mu ngeri zinyuranye, abanyabugeni, abahangamideli, abanyapolitiki n’abandi.

‘The Music In Africa Conference For Collaborations, Exchange, and Showcases (ACCES), ifatwa nk’inama idasanzwe mu guhindura imibereho y’abahanzi no kubashyigikira mu rugendo rwabo rw’iterambere. Kuri iyi nshuro, izaba i Kigali, kuva ku wa 14-16 Ukwakira 2024.

Yateguwe n’Ikigo cya Music In Africa Foundation (IMF) ifatanye n’Ikigo cy’Igihugu Gishinzwe guteza imbere ubukerarugendo bishingiye ku Nama ‘RCB’ ndetse na Minisiteri y’Urubyiruko n’Ubuhanzi.

Itangazo rigenewe abanyamakuru rivugamo ko mu gihe cy’iminsi ibiri iyi nama izamara, izarangwa n’ibiganiro bizahuza abantu ku ngingo zinyuranye, hagamijwe kurebera hamwe uko ubuhanzi bwakomeza gushyigikirwa.

Tariki 14-15 Ukwakia 2024, Inama ya mbere izabera muri Kigali Convention Center, ni mu gihe inama ya Kabiri izabera muri Mundi Center, ku wa 15-16 Ukwakira 2024, ndetse hazaba n’ibitaramo by’abahanzi bizaherekeza iri serukiramuco.

Bagaragaje urutonde rw’abahanzi 20 barimo nka ir Trill, Heavy K, na Zaki Ibrahim bo muri Afurika y'Epfo, Octopizzo (Kenya), Wamoto (Tanzania), Assa Matusse (Mozambique), Jordan Moozy (Botswana), Kaya Byinshii (Rwanda), Aurus (Reunion Island), Youbana (Morocco), Indigo Saint (Zimbabwe), ndetse na Banshee (Zimbabwe)

Ibi bitaramo kandi byahaye umwihariko abahanzi bakora injyana ya Hip Hop mu Rwanda, kuko umubare munini ari bo gusa. Abategura iyi nama ya ‘Acces’ bavuga ko bafashe uyu mwanzuro mu rwego rwo gushyigikira urugendo rw’abakora injyana ya Hip Hop ndetse na Kinyatrap. 

Abazaririmba ni Bushali, Ish Kevin, Angell Mutoni, Nikita Heaven, B-Threy, Slum Drip, Ice Nova, ndetse na Sema Solé.

Muri iyi gahunda ya Acces habaho kuganira ku muziki, ibitaramo by'abahanzi, kumenyana no kuganira mu bijyanye n'imikoranire, haba amahugurwa, imurikagurisha ry'ibihangano no gukorana ibihangano kubitabiriye.

Music Africa.net ivuga ko iyi nama ihuriza hamwe intumwa zo mu bihugu bitandukanye byo ku Isi, kandi ikamara igihe cy'iminsi itatu.

Yitabirwa n'abanyamuziki, abagira uruhare mu kumenyekanisha ibikorwa by'umuziki, abanditsi b'ibitabo, abacuranzi, abaterankunga, abafata ibyemezo n'imiryango itegamiye kuri Leta n'abandi.

Iyi nama kandi itanga amahirwe ku bayitabiriye yo gusura Inganda Ndangamuco z'ingenzi mu Mujyi wayakiriye. Kandi hatangwa amahugurwa ku bantu barimo abafata ibyemezo mu muziki n'abandi.

Gahunda ya Acces yatangijwe mu 2016 nka kimwe mu bikorwa bya Music In Africa Foundation's AGM mu muhango wabereye mu Mujyi wa Addis Abeba muri Ethiopia.

Icyo gihe gutangiza iyi nama byitabiwe n'abantu bo mu bihugu birenga 15, aho ijambo nyamukuru ryavuzwe n'umucuranzi w'icyamamare muri Ethiopia mu njyana ya Jazz, Mulatu Astatke.

Muri 2017, Acces yatangijwe nk'igikorwa Mpuzamahanga gihuza abakitabiriye mu bihugu bigera kuri 50. Icyo gihe ijambo nyamukuru ryavuzwe n'umucuranzi w’icyamamare wo muri Senegal, Baaba Maal.

Muri 2018, iki gikorwa cyabereye mu Mujyi wa Nairobi muri Kenya, aho cyaherekejwe n'imurikagurisha n'ibiganiro byatanzwe na Mr. Eazi wo muri Nigeria, Blinky Bill wo muri Kenya, Blick Bassy wo muri Cameroon, Rikki Stein wo mu Bwongereza n'abandi.

Iki gikorwa kandi cyabereye mu Mujyi wa Accra muri Ghana mu 2019. Icyo gihe cyahuje abanyamuziki mu ngeri zinyuranye batanze ibiganiro barimo umuraperi Sarkodie wo muri Ghana, Sway Dasafo (UK), Efya (Ghana), Samini (Ghana), Skales (Nigeria) ndetse n'umuyobozi Mukuru uri mu bashinze ikigo 'Ditto Music', Lee Parsons wo mu Bwongereza.

Mu 2021 iki gikorwa cyabereye mu Mujyi wa Johannesburg muri Afurika y'Epfo, aho bakoranye n'abahanzi barimo Busiswa, Abidoza, Yugen Blakrok, Priddy Ugly n'abandi.

Ni igikorwa kandi kitabiriwe n'abari bahagarariye ibigo bikomeye ku Isi birimo nka Tik Tok, Reeperbahn Festival, Sony/ATV, Ditto Music, Africori, Linkfire, Believe n'abandi.

Gahunda ya Acces inaherekezwa no gutanga ibihembo 'Music In Africa Honorary Award' hashimirwa abari mu bahanzi bakoze ibikorwa by'indashyikirwa ku Mugabane wa Afurika.

Umunyamuziki Baaba Maal wo muri Senegal niwe wabaye uwa mbere mu guhabwa iki gihembo yashyikirijwe mu 2017, Eric Wainaina wo muri Kenya yashyikirijwe iki gikombe mu 2018.

Music Africa ivuga ko iki gikorwa cya Acces gikorwa mu rurimi rw'Icyongereza, Igiswahili ndetse n'Igifaransa muri buri gihugu cyakiriye.

Kitabirwa n'abantu barenga 2000 bo mu bihugu 50, kandi kikaririmbamo abahanzi barenga 100. Kitabirwa kandi n'abavuga rikijyana n'abashoramari barenga 70. Ni igikorwa gikurikirwa n'abantu barenga Miliyoni, kandi haba hari abatanga ubumenyi barenga 150.

 Umuraperi B-Threy ategerejwe muri iyi Nama Mpuzamahanga ifatwa nk'iserukiramuco rimara iminsi ibiri ribera i Kigali

Umuraperi Slum Drip agiye guhurira ku rubyiniro n'abahanzi bakomeye muri Afurika

Umuraperi Bushali umaze iminsi mu bitaramo bya MTN Iwacu Muzika Festival ategerejwe muri iyi nama Mpuzamahanga

Umuraperi Ish Kevin wamamaye mu ndirimbo zirimo 'Amakosi' yashyizwe ku rutonde rw'abahanzi bahawe umwihariko muri iyi nama Mpuzamahanga

Chryso Ndasingwa uherutse gukora igitaramo cy’amateka muri BK Arena cyabaye kuwa 05 Gicurasi 2024 aho yujuje iyi nyubako akaba umuhanzi wa kabiri ubikoze, ndetse by’akarusho abacyitabiriye bagahembuka imitima binyuze mu kuyiramya nta mupaka mu ndirimbo ze, yongeye guhembura benshi abinyujije mu ndirimbo nshya yise 'Intego.'

Uyu muramyi ukunzwe cyane mu Rwanda yatangaje ko indirimbo nshya yashyize ahagaragara ku wa Kabiri tariki ya 01 Ukwakira 2024, yayanditse amaze kwiga impamvu abantu bakwiriye kubaho ubuzima bufite igisobanuro, ‘kandi isoko y’ubwo buzima ni Imana.’

Akomoza ku butumwa bukubiye muri iyi ndirimbo, yagize ati: 'Nihereyeho ni inkuru y'ubuzima bwanjye kuko ntaramenya Imana nari mboshywe cyane. Ubutumwa bukubiyemo ni ugushima Imana ibyo yakoze no kumenya inshingano yaduhaye yo guhindura isi binyuze mu kumvira amategeko yayo ndetse no kugira icyizere cy'ubuzima bwiza.'

Mu kiganiro yagiranye na InyaRwanda, Chryso Ndasingwa yasobanuye ko impamvu asa n'uwatinze kuyisohora abantu bakamara igihe bayitegereje, ari uko yabanje kwita ku zindi gahunda zihutirwaga harimo n'iy'igiterane cya Rwanda Shima Imana cyahurije ibihumbi by'Abanyarwanda muri Stade Amahoro ku ya 29 Nzeri 2024.

Ati: 'Twabanje kugira izindi gahunda zirimo gutegura Rwanda Shima Imana, byatumye mbanza kuyitegereza kuko twari dufite iyindi ndirimbo twahuriyemo n'abandi bahanzi [aravuga Turaje], byose byatanze umusaruro kuko twabihaye umwanya nk'uko bikwiriye. Kuri njye Rwanda Shima Imana niyo yari ikwiriye kubanza guhabwa umwanya.'

Muri iki giterane, Chryso yeretswe urukundo rwinshi dore ko  ubwo yateraga indirimbo ye “Wahinduye Ibihe”, abari muri Stade yose bahise bahaguruka bafatanya nawe gutambira Imana bayishimira ko yahinduriye ibihe abanyarwanda, ikabafasha kugera muri byinshi mu myaka 30 ishize.

Chryso Ndasingwa wamamaye mu ndirimbo “Wahozeho” yavuze ko yanejejwe no kubona ukuntu abantu bakiriye indirimbo ye, kuko banayishimiye mbere y'uko isohoka. Yahishuye ko ubu ari gutegura EP (Extended Play) izasohoka hagati y'ukwezi k'Ukuboza na Mutarama.

Yavuze ko kandi nyuma yo kwandika amateka akuzuza BK Arena, ari guteganya no gukora ibitaramo bizenguruka Isi. Ati: 'Umwaka utaha tuzakora ibitaramo byinshi cyane ku migabane itandukanye.'

Chryso Ndasingwa ukomeje kwandika amateka, ni umusore utuye i Nyamirambo mu Mujyi wa Kigali, akaba amaze imyaka 3 gusa mu muziki mu buryo bw’umwuga dore ko yawutangiye mu gihe cya Covid-19. Akunzwe cyane mu ndirimbo “Wahozeho” yitiriye Album ye ya mbere, “Wahinduye Ibihe”, “Wakinguye Ijuru”, “Ni Nziza” n’izindi.

Umuramyi Chryso Ndasingwa yongeye guhembura imitima ya benshi, akomoza ku ruhisho ahishiye abakunzi be

Chryso Ndasingwa aherutse kwandika amateka muri BK Arena aho yabaye umuhanzi wa mbere mu Rwanda ukoze igitaramo bwa mbere kikitabirwa n’abagera ku bihumbi 10

Chryso yahishuye ko agiye kuzenguruka Isi yamamaza ubutumwa bwiza

Chryso Ndasingwa yeretswe urukundo rwinshi muri Stade Amahoro

Kanda hano urebe indirimbo nshya ya Chryso Ndasingwa yise “Intego”

Kuri uyu wa 02 Ukwakira 2024 ni bwo Qimiao Fan yagiriye uruzinduko rwe rwa mbere rw'akazi mu Rwanda, kuva yajya kuri uwo mwanya mu Kwezi gushize kwa Nzeri.

Yahuye na Minisitiri w'Intebe nyuma y'uko ku wa 01 Ukwakira 2024 yari yagiranye ibiganiro na Minisitiri w'Imari n'Igenamigambi.

Qimiao Fan yavuze ko ibiganiro byabo byagarutse ku bufatanye bw'igihe kirekire busanzweho hagati y'u Rwanda na Banki y'Isi, ndetse n'ibyo igihugu giteganya kwibandaho muri NST2.

Yavuze ko Banki y'Isi yiteguye gukomeza gufatanya n'u Rwanda mu rugendo rw'iterambere.

Ati “Njye na Minisitiri w'Intebe twaganiriye ku byo igihugu giteganya kwibandaho muri gahunda y'iterambere, by'umwihariko tuganira ku ruhare rwa Banki y'Isi mu gushyigikira gahunda y'iterambere y'igihugu iherutse kwemezwa [NST2],”

“Tuzibanda cyane ku gushyigikira imishinga igamije kurengera ibidukikije, tuzafatanya n'igihugu gushora imari mu bikorwaremezo biramba, mu burezi, mu bumenyi no mu buvuzi, mu mibereho myiza y'abaturage.”

Minisitiri w'Imari n'Igenamigambi, Yusuf Murangwa, yavuze ko iby'ingenzi Banki y'Isi yiyemeje kuzafatanyamo n'u Rwanda birimo guhanga imirimo ku rubyiruko, uburezi, ndetse n'ubuhinzi, gusa yavuze ko uru ruzinduko ari intangiriro, ibirambuye kuri ubwo bufatanye bikazaganirwaho nyuma.

Minisitiri Murangwa yashimye Banki y'Isi nk'umufatanyabikorwa w'ingenzi usanzwe ufatanya n'u Rwanda mu mishinga itandukanye.

Ati “Hari gahunda ikomeye cyane y'uburezi yakozwe mu mwaka wa 2020, mu gihe cya Covid, ni umushinga wari munini cyane wo kubaka ibigo by'amashuri n'ibyumba by'amashuri, wari munini ariko icyiza cyawo warihutishijwe cyane, kuko mu mezi 18 gusa twari twawuteguye twanawushyize mu bikorwa, mu gihe ubusanzwe bisaba amezi 18 yo gutegura na 18 yo gushyira mu bikorwa.”

Banki y'Isi ifasha u Rwanda mu mishinga y'ibikorwaremezo, kubaka ingomero z'amashanyarazi no kuyageza ku baturage, uburezi, ubuhinzi, iterambere ry'abaturage n'ibindi byinshi.

Tariki 30 Nzeri 1963 nibwo u Rwanda rwabaye umunyamuryango wa Banki y'Isi ndetse mu mwaka wa 1970 inama y'ubutegetsi y'iyi Banki yemeza inguzanyo ya mbere yahawe u Rwanda ingana na miliyoni 18.8$.

Kugeza mu mpera za 2023, Banki y'Isi yari imaze kuguriza u Rwanda asaga miliyari 8$ yakoreshejwe mu iterambere ry'inzego zirimo uburezi, ibikorwaremezo, ubuhinzi, ubworozi n'izindi.

Minisitiri w’Intebe, Dr. Ngirente yaganiriye n’Umuyobozi wa Banki y’Isi mu Karere ku bufatanye muri NST2

Qimiao Fan ni ubwa mbere yari agiriye uruzinduko mu Rwanda kuva yahabwa inshingano zo kuyobora Banki y’Isi mu bihugu bine byo mu Karere

Qimiao Fan yavuze ko biteguye gukomeza gufatanya n’u Rwanda mu rugendo rw’iterambere

Minisitiri Murangwa yavuze ko Banki y’Isi isanzwe ari umufatanyabikorwa w’ingenzi muri gahunda z’iterambere

Minisitiri w’Intebe, Dr. Ngirente yagiranye ibiganiro na Qimiao Fan byibanze ku bufatanye muri NST2

Ni bisi zatanzwe kuri uyu wa 2 Ukwakira 2024, zifite agaciro k'agera kuri miliyoni y'Amadolari zombi.

Ni bisi zihariye kuko zizajya zitwara abantu nta mubyigano urimo bitewe n'imiterere yayo imbere. Harimo imyanya bamwe bagenda bicaye ingana na 29 n'indi mike cyane yagenewe abantu kugenda bahagaze.

Zifite kandi inzira z'abantu bafite ubumuga ku buryo bizaba byoroshye mu gihe igiye gutwa abantu bafite ubumuga by'umwihariko ubw'ingingo bagorwaga no kwinjira muri bisi zisanzwe.

Umuyobozi muri Minisiteri y'Ibikorwaremezo ushinzwe Igenamigambi, Charles Kalinda, yagaragaje ko ubufatanye bw'u Rwanda na Koreya y'Epfo buri mu ngeri zinyuranye kandi ko bisanzwe bikorana no mu guteza imbere ubwikorezi rusange.

Yakomeje ati 'Ibi ni ibiza bisanga gahunda ya Leta yo kugabanya imyuka ihumanya ikirere, kandi ubu ni ubwunganizi kugira ngo dukomeze dushyire iyo politiki mu bikorwa. Ntabwo ari izo modoka ebyeri gusa baduhaye nk'impano ahubwo hari n'ibindi dusanzwe dukorana mu bijyanye n'urwego rw'ubwikorezi.'

Yavuze ko mu gihe u Rwanda rufite gahunda yo kongera imodoka zikoresha amashanyarazi mu bwikorezi rusange nka rumwe mu rwego mu zigira uruhare mu guhumanya ikirere, abikorera nabo bakwiye kubyaza umusaruro amahirwe arimo.

Ati 'Ibijyanye no gukoresha imodoka z'amashanyarazi ni ibintu Leta y'u Rwanda ishyizemo imbaraga cyane, impamvu ni uko tugomba kugabanya ibihumanya ikirere kandi ubwikorezi ni ikintu kigira uruhare runini, rero uko twongera imodoka nyinshi zikoresha amashanyarazi ni na ko bidufasha kugabanya imyuka ihumanya ikirere.'

U Rwanda rwihaye intego y'uko bizagera mu 2030, 20% by'imodoka zitwara abagenzi (buses) zikoresha amashanyarazi ariko Kalinda avuga ko umubare ukiri muto cyane.

Ati 'Mu bijyanye n'imodoka zikoresha amashanyarazi, turacyari hasi cyane, turacyakeneye gushyiramo imbaraga nyinshi no kubyigisha abaturage, n'abakora mu rwego rw'ubwikorezi tubashishikariza kugura izo modoka.'

MININFRA itangaza ko imodoka zikoresha amashanyarazi zatangiye gukoreshwa kuri ubu zinifashishwa mu gukusanya amakuru no kugenzura imikorere yazo.

imodoka zatanzwe ni ebyiri

Imodoka imwe ifite agaciro k’agera ku bihumbi 500$

U Rwanda rwatangiye kuyobokwa

Guverinoma y'u Rwanda yafashe gahunda yo korohereza abashoramari bari muri uru rwego haba mu buryo bw'amafaranga cyangwa n'ubundi bwose bushoboka.

Mu bigo biri muri iri shoramari mu Rwanda harimo VW Mobility Solutions, Victoria Autofast Rwanda, Ampersand, BasiGo, Rwanda Electric Motorcycle Ltd na Safi/Gura Ride n'ibindi.

Mu byo bazagabanyirizwa harimo n'igiciro cy'amashanyarazi kuri sitasiyo izi modoka zikoresha zongerwamo amashanyarazi. Ikindi, ni uko ibyuma bisimbura ibindi by'izi modoka bigabanyirizwa umusoro.

Uretse kutishyura umusoro ku nyongeragaciro no kuri gasutamo, ibi byuma bizajya byishyura umusoro ugabanyijeho 5%.

Ubundi bufasha aba bashoramari bahabwa harimo kuba batishyura ubukode bw'aho bubatse sitasiyo z'amashanyarazi mu gihe cyose ari ku butaka bwa Leta.

Hafashwe ifoto y’urwibutso

Imodoka imwe ifite agaciro k’agera ku bihumbi 500$

zifite imyanya y’abantu bagenda bicaye 29

Imbere muri izi modoka ni uko hameze

Ni imodoka ziri automatique

Ambasaderi wa Koreya y’Epfo mu Rwanda Jeong Woo Jin

Ni ku nshuro ya Kane uyu musore wamamaye mu ndirimbo zirimo 'Alcohol' agendereye u Rwanda, kuko yahataramiye mu 2020, 2021 ndetse na 2022.

Yageze ku kibuga cy'indege Mpuzamahanga cya Kigali i Kanombe, mu ijoro ryo kuri uyu wa Kabiri tariki 1 Ukwakira 2024. Yakiriwe n'abarimo Kenny Mugarura ushinzwe ibikorwa by’Ubucuruzi muri Sosiyete ya 1:55 AM.

Urugendo rwe rwakomereje mu biganiro byamuhuje na Bruce Melodie, ndetse basangiye ifunguro ry'umugoroba ari kumwe n'abamuherekeje mu Rwanda.

Amajwi (Audio) y'indirimbo Joeboy yakoranye na Bruce Melodie yamaze kurangira, ndetse yakozwe na Producer Element, ni mu gihe amashusho biteganyijwe ko akorwa na Director Chrestien.

Ni umwe mu bahanzi bihagezeho muri Nigeria, ahanini biturutse mu kuba yaranyuze mu biganza bya Mr Eazi binyuze muri sosiyete y'umuziki yashinze ya emPawa Africa.

Yishyuza angahe ushatse kumutumira mu gitaramo cyangwa se gukorana nawe indirimbo?

Joeboy azwi nk'umuhanzi udakunda gushyira ubuzima bwe kuri Internet cyane cyane, ibijyanye n'akazi n'umuryango we. Ndetse, ibi nibyo byatumye agera i Kigali ntiyemere ko yakirwa n'itangazamakuru ku kibuga cy'indege.

Bamwe mu bagiye bakorana nawe mu bihe bitandukanye, bavuga ariko ko ari umuhanzi woroshya ubuzima, ku buryo ashobora guhitamo ko mukorana indirimbo mugiye gukorana, mu buryo bw'amajwi (Audio) ku buntu ariko wagera ku gufata amashusho (Video) ukishyura buri kimwe.

Ibyo bijyana no kumwishyurira itike y'indege n'ikipe baba bari kumwe, aho kurara n'ibindi biba bikenewe mu rugendo rwe.

Umwe mu bazi neza imikorere ya Joeboy yabwiye InyaRwanda, ko mu 2023 uriya muhanzi akibarizwa muri emPawa Africa, yasabaga arenga Miliyoni 30 Frw kugirango akorane indirimbo imwe n'umuhanzi.

Ariko kandi yasobanuye ko ariya mafaranga ashobora kugeraho cyangwa se akajya munsi, ahanini bitewe n'umuntu wabahuje. Ati 'Nk'amafaranga yasaba Bruce Melodie ntabwo ariyo yasaba Diamond, kuko biba bitandukanye. Umwaka ushize mbiheruka asaba Miliyoni 30 Frw, ubu rero wasanga ari hagati ya Miliyoni 40 na Miliyoni 50 Frw.'

Mu bihe bitandukanye Joeboy yagiye ataramira mu Rwanda. Ubwa mbere yari yatumiwe mu gitaramo cyari cyateguwe na Mr Eazi wahoze amufasha mu muziki, ni mu gihe ku nshuro ya kabiri yaririmbye muri 'Kigalifiesta Festival' binyuze mu gitaramo cyari cyateguwe na East African Party.

Umwe mu bagiye bamufasha gutaramira i Kigali, yabwiye InyaRwanda ko uyu muhanzi yishuza nibura Amadolari ya Amerika  ibihumbi 80 ku gitaramo kimwe. Ni ukuvuga asaga  Miliyoni 109,408,000.00. Ariya mafaranga ariko ntabwo arimo ibijyanye n'itike n'indege, aho kurara n'ibindi.

Ibinyamakuru byo muri Nigeria bivuga ko Joeboy atunze Amadolari  asaga Miliyoni 1 [Miliyari 1,367,600,000.00]. Bashingira ku kuba afite sosiyete zinyuranye yamamaza zimwishyura ari hagati ya $100,000 na $300,000 n'ibitaramo yagiye akorera ahantu hanyuranye.

Joeboy w’imyaka 26 y'amavuko wamamaye mu ndirimbo zirimo 'Sip (Alcohol)' yavutse yitwa Joseph Akinfenwa Donus akorana n'inzu zireberera inyungu z'abahanzi nka Banku Music.

Yasohoye Album yise 'Love&Night' anahatanira ibihembo bya 'The Headies Award for Next Rated'. Yakunzwe mu ndirimbo nka 'Bad Girl' yasohoye mu 2017, 'Don't call me back', 'All for you' n'izindi.

Mu 2020 yasohotse ku rutonde rwa BBC rw'abahanzi bo kwitega. Iki kinyamakuru cyavuze ko uyu musore yatangiye guhangwa amaso na benshi abikesha indirimbo ye yise 'Baby' imaze kurebwa n'abarenga Miliyoni 11 ku rubuga rwa Youtube.

Ni umuhanzi w'umuhanga ufite ijwi ryihariye rimufasha gutanga ubutumwa mu njyana ya Afrobeat na Pop yashyize imbere. Amaze gukorera ibitaramo bikomeye mu bihugu bitandukanye byo muri Afurika ndetse yanaririmbiye mu Bwongereza. 

Joeboy yageze i Kigali mu ijoro ryo kuri uyu wa Kabiri tariki 1 Ukwakira 2024

Bruce Melodie yakiriye ku meza Joeboy n'ikipe yamuherekeje i Kigali mu rugendo rw'akazi 

Indirimbo ya Joeboy na Bruce Melodie yakozwe mu buryo bw'amajwi na Element 

Joeboy abaye umuhanzi wa Gatatu Mpuzamahanga ugiye gukorana na Bruce Melodie kuri Album ye 

Jean Luc [Mubi Cyane], usanzwe ari umurinzi wa Bruce Melodie yari kumwe na Joeboy ku kibuga cy’indege

Ni ubwa mbere aba bahanzi bombi bakoranye indirimbo. Ntabwo isanzwe mu rugendo rw'umuziki wa Davis D kuko isohotse mu gihe ari kwitegura gukora igitaramo 'Shine Boy Fest' cyo kwizihiza imyaka 10 ishize ari mu muziki, kizaba ku wa 30 Ugushyingo 2024 muri Camp Kigali.

Ni indirimbo idasanzwe kandi kuri Platini P, kuko igiye hanze mu gihe aherutse gukora igitaramo yise 'Baba Experience', ndetse ibihumbi by'abantu bamusaba ko iki gitaramo yajya agikora buri mwaka. Icyo gihe ni ukuvuga ku wa 30 Werurwe 2024, yahurije hamwe abahanzi bakomeye, ataramira muri Camp Kigali.

Iyi ndirimbo 'Jeje' ikozwe mu gihe cy'amezi abiri, yaba mu ikorwa ry'amajwi (Audio) ndetse n'ikorwa ry'amashusho. Ifite iminota 3 n'amasegonda 11'.

Ni indirimbo idasanzwe kuri twe:

Mu kiganiro na InyaRwanda, Davis D yavuze ko mu ikorwa ry'iyi ndirimbo batanze akazi ku abantu basaga 100 barimo 'Ababyinnyi, abakobwa twifashishijemo bihariye, abafasha Producer, abakoze aho twubatse n'ibindi, rero mbona basaga 100.'

Yavuze ko atakoroherwa no kumenya amafaranga batanze kuri bariya bantu 100 bitabaje muri iyi ndirimbo 'kuko Platini niwe wishyuye'. Ariko kandi avuga ko ikorwa ry'amashusho y'iyi ndirimbo, ryabatwaye asaga Miliyoni 10 Frw.'

Davis D yasobanuye ko amashusho y'iyi ndirimbo yakorewe ahantu hatandukanye, ariko kandi hari ikibuga bubatsemo ibintu byinshi bigaragara muri iyi ndirimbo.

Ati 'Ni ikibuga twubatsemo biriya byose abantu babona. Urebye mu gace k'aho Platini aririmbiraho, ndetse n'agace gato kaho nsoreza urabona ko nanjye ndi ahantu hubatswe. Mu macye, twaremye umujyi mushya wacu twashakaga, ariko kandi ahandi hari hasanzwe hubatswe, ndetse n'ahandi twe twiyubakiye.'

Uyu muhanzi yasobanuye ko ubushuti bwe na Platini ari bwo bwagejeje ku ikorwa ry'iyi ndirimbo, ndetse bibafashe amezi abiri kugirango bibe bigeze ku musozo.

Davis D yatangaje ko bakoresheje Miliyoni 10 Frw mu ikorwa ry'indirimbo 'Jeje' yahuriyemo na Platini P

Davis D yavuze ko ikorwa ry'iyi ndirimbo yahaye akazi abantu barenga 100

'Jeje' yabaye indirimbo idasanzwe hagati ya Platini na Davis D kuko ari ubwa mbere bakoranye

KANDA HANO UREBE AMASHUSHO Y'INDIRIMBO 'JEJE' YA DAVIS D NA PLATINI

“>