Author: webrwanda

Ni ikiraro cyatashywe kuri uyu wa Kabiri tariki ya 5 Ugushyingo 2024, aho cyatashywe n'umuyobozi w'aka Karere Gasana Stephen n'izindi nzego z'umutekano. Iki kiraro gihuza utugari twa Nyakagarama na Ngoma two mu mirenge ya Tabagwe na Rukomo, cyuzuye gitwaye miliyoni 190 Frw.

Umwe mu banyeshuri bagorwaga no kwambuka bajya ku ishuri, yavuze ko bajyaga bambuka bari koga ku buryo byatumaga bamwe bava mu ishuri, abandi inkweto n'amakaye bigatakara.

Ati ' Ubu dufite amahirwe ko tuzajya tunyura ku kiraro cyiza tunagere ku ishuri kare, bizatuma tuniga neza dutsinde.'

Undi muturage yagize ati ' Twajyaga kubyara tukazenguruka tunyuze Bushara mu Murenge wa Karama, tukishyura 2000 Frw kugira ngo tugere za Rukomo ariko ubu turishimira ko igiciro kigiye kugabanuka.'

Umuyobozi w'Akarere ka Nyagatare Gasana Stephen, yavuze ko iki kiraro kigiye koroshya imigenderanire y'abaturage bo mu mirenge ya Tabagwe na Rukomo.

Meya Gasana yasabye abaturage gufata neza iki kiraro, bakagikoresha mu bikorwa bibateza imbere kandi buri wese akagerageza kukibungabunga.

Muri miliyoni 190 Frw zakoreshejwe mu kubaka iki kiraro, Akarere ka Nyagatare katanzemo miliyoni 68 Frw mu gihe izindi miliyoni 122 Frw zatanzwe n'umufatanyabikorwa uri kubafasha mu kubaka ibiraro bitandukanye.

Kuri ubu mu Karere ka Nyagatare hamaze kubakwa ibiraro icumi birimo bine byo mu kirere mu gihe hari ibindi biraro bibiri bikiri kubakwa.

Umuyobozi w'Akarere ka Nyagatare, Gasana Stephen, yasabye abaturage kukibungabunga

Akanyamuneza ni kose ku baturage nyuma yo kubakirwa ikiraro cyo mu kirere

Ikiraro cyo mu kirere cyatashywe cyuzuye gitwaye miliyoni 190 Frw

Ni mu mikino yakinwe kuri uyu wa Kabiri taliki ya 5 Ugushingo 2024. Umukino wari utegerejwe na benshi ni uwo ikipe ya Real Madrid yakiriyemo AC Milan kuri Santiago Bernabeu. 

Uyu mukino watangiye ikipe ya Real Madrid ubona ifite imibare yo gushaka igitego hakirikare cyane cyane binyuze kuri Kylian Mbappé warufite inyota yo gutsinda.

Ku munota wa 12 ikipe ya AC Milan yatunguranye ifungura amazamu ku gitego cyari gitsinzwe na Malick Thiaw akoresheje umutwe ku mupira waruvuye muri koroneri yaritewe na Christian Pulisic.

Nyuma yo gutsindwa igitego ikipe ya Real Madrid yakomeje ikina ishaka uko yakwishyura gusa abakinnyi nti bibakundire ngo baboneze mu nshundura.

Ku munota wa 23 Vinicius Junior yaje gutsinda igitego cyo kwishyura kuri penariti yari uvuye ku ikosa yari akorewe na Emerson Royal ari mu rubuga rw’amahina.

AC Milan itari iri gukina ibintu byinshi yaje kongera guhana ikipe ya Real iyitsinda igitego cya 2 ku ishoti Rafael Leao yari arekuye maze Andre Lunin arikuramo gusa nti yafata umupira ngo awukomeze usanga Alvaro Morata ahita awushyira mu izamu.

Amakipe ya yaje kujya kuruhuka ikipe ya AC Milan ikiyoboye n’ibitego 2-1. Mu gice cya kabiri ikipe ya Real Madrid yaje ikora impinduka mu kibuga havamo Aurelien Tchouameni na Federico Valverde hajyamo Eduardo Camavinga na Brahim Diaz.

Real Madrid yakomeje gukina ishaka uko yakwishyura gusa ba myugariro ba AC Milan bagakomeza kuba ibamba. 

Ku munota wa 73 AC Milan yo mu Butaliyani yatsinze igitego cya 3 gitsinzwe na Tijani Reinders ku mupira mwiza yarahawe na Rafael Leao nyuma yo gucenga abarimo Eder Militao.

Ku munota wa 82 Antonio Rudiger yatsinze igitego gusa umusifuzi avuga ko hari habayemo kurarira. Umukino warangiye AC Milan itsinze Real Madrid ibitego 3-1.

Indi mikino yakinwe ikipe ya PSV Eindhoven yo mu Buhorandi yatsinze Girona yo muri Espagne ibitego 4-0 naho Slovan Bratislava yo muri Slovakia itsindwa Dinamo Zagreb yo muri Croatia ibitego 4-1.

Ikipe ya Bologna yo mu Butaliyani yatsinnzwe n AS Monaco yo mu Bufaransa igitego 1&0, Borussia Dortmund yo mu Budage itsinda Sturm Graz yo muri Australia igitego 1-0, Celtic yo muri Scotland itsinda RB Leipzig yo mu Budage ibitego 3-1 naho ikipe ya Lille yo mu Bufaransa inganya na Juventus yo mu Butaliyani igitego 1-1.

Ikipe ya Liverpool yo mu Bwongereza yatsinze Bayer Leverkusen yo mu Budage ibitego 4-0 birimo 3 bya Luis Diaz na Cody Gakpo naho Sporting CP yo muri Portugal inyagira Manchester City yo mu Bwongereza ibitego 4-1.

Imikino ya UEFA Champions League izakomeza aho Ku munsi wejo kuwa Gatatu Saa moya n’iminota 45 ikipe ya Club Brugge yo mu Bubiligi irakira Aston Villa yo mu Bwongereza kuri Jan Breydel Stadium naho Shakhtar Donetsk yo muri Ukraine izakire Young Boys yo mu Busuwisi kuri Veltins-Arena.

Saa yine z’ijoro ikipe ya FC Bayern Munich yo mu Budage izakira Benfica yo muri Portugal kuri Allianz Arena, Feyenoord yo mu Buhorandi izakire RB Salzburg yo muri Australia kuri De Kuip naho FK Crevena Zvezda yo muri Serbia izakire FC Barcelona kuri Red Star Stadium.

Kuri izi Saha kandi ikipe ya Inter Milan yo mu Butaliyani izakira Arsenal yo mu Bwongereza kuri San Siro ,Paris Saint-Germain yo mu Bufaransa izakire Atletico Madrid yo muri Espagne kuri Parc des Princes,Sparta Prague yo muri Czech Republic yakire Brest yo mu Bufaransa kuri epet ARENA naho VFB Stuttgart yo mu Budage izakire Atlanta yo mu Butaliyani kuri MHP Arena.

Ikipe ya Real Madrid yatunguranye itsindwa na AC Milan 

Ni igikorwa giteganyijwe ku wa Gatatu tariki 06 Ugushyingo 2024, kikazatangira saa yine z'igitondo kikageza saa kumi z'umugoroba.

Umujyi wa Kigali wavuze ko kubera bidateganyijwe ko uyu muhanda uzafungwa, abawukoresha basabwa korohereza abakozi bazaba bari mu mirimo.

Wasabye ko imihanda ya KN 86 st-KN 87 st-KN 1Rd; KN 2 Ave-KN 82 st-KN 86 st n'uwa KN 87st – KN 93 st-KN 1Rd, yakoreshwa mu rwego rwo kwirinda umuvundo w'ibinyabiziga.

Hatangajwe kandi ko muri uyu muhanda uzaba uri kuvugururwa, abapolisi bashinzwe umutekano wo mu muhanda bazaba bari hafi ngo babafashe.

Aya mavugura agiye gukorwa, ni ukongeraho igisate cy'umuhanda cya gatatu, kizajya kinyuramo bisi gusa.

Mu gihe aya mavugura azaba arangiye, bisi zizajya zisohoka muri Gare yo mu Mujyi [DownTown], zinyure mu gice cy'umuhanda wagenwe, nigera mu masangano y'imihanda [rond-point], ikomereze mu gisata cyagenewe bisi gusa.

Umuvugizi w'Umujyi wa Kigali, Emma Claudine Ntirenganya, yatangarije IGIHE ko mu rwego rwo gukemura kimwe mu bibazo bituma imodoka zitinda mu nzira hari gahunda yo gushyiraho ibisate by'imihanda byagenewe bisi nini gusa.

Ati 'Turimo gushaka ibisubizo bitandukanye bikemura uburyo bisi zizajya zigenda mu masaha y'umuvundo. Icyo nikimara kuboneka bizajya mu buryo. Reka duhere ku kirebana no guharira bisi igisate cyazo, bizatuma bisi zikomeza kugenda nta kibazo.'

'Ntabwo bizahita bitangira muri Kigali yose birumvikana, hari aho tuzatangirira, ni kuvuga ngo tuzaherahariya Downtown tugana i Remera […] Ibyo bizagenda bijya n'ahandi ariko aho ni ho tuzatangirira nk'igerageza kugira ngo turebe uko bizagenda.'

Emma Claudine yakomeje agira ati 'Ubu twatangiye gutunganya hariya umuhanda munsi ya Downtown kuko hariya ni ho bisi zisohokera, kubera ko hari ibisate bibiri turimo kuhatunganya kugira ngo habe igisate cya gatatu kigenewe bisi.'

'Izajya isohoka Downtown ize yinjire mu gisate cyayo nta yindi iri kukigenderamo, ize yinjire mu masangano y'imihanda, hazaba hashushanyijwe mu buryo imodoka z'abantu ku giti cyabo zigendera uruhande rumwe bisi na yo igasigara mu ruhande rwayo.'

📌Itangazo: Kuri uyu wa Gatatu tariki 06 Ugushyingo 2024, hateganyijwe imirimo yo gushyira kaburimbo ku gisate cy’iburyo cy’umuhanda uhereye ahahoze Gereza Nkuru ya #Kigali kugera mu masangano y’imihanda yo mu Mujyi rwagati. #KigaliYacu pic.twitter.com/zWshtjVWAQ

— City of Kigali (@CityofKigali) November 5, 2024

Abazi uyu mwarimu w'imyaka 50 bavuga ko nta burwayi buzwi yagiraga. Bikimara kuba ubuyobozi bw'ishuri bwihutiye guhamagara imbangukiragutabara ihagera yamaze gushiramo umwuka.

Ubuyobozi bwahise bufata icyemezo cyo kohereza umurambo wa nyakwigendera mu Bitaro bya Muhororo kugira ngo ukorerwe isuzuma hamenyekane icyateye urupfu.

Umuyobozi wungirije w'Akarere ka Ngororero ushinzwe imibereho y'abaturage, Mukunduhirwe Benjamine, yabwiye IGIHE ko nk'ubuyobozi bw'akarere basuye iri shuri bagahumuriza abanyeshuri ndetse banakorerayo inteko y'abaturage yatangiwemo ubutumwa bwo gusaba ababyeyi kuba hafi y'abana no gukomeza kubahumuriza.

Ati 'Abanyeshuri muri rusange bameze neza ariko birumvikana ntabwo habura abagira ubwoba. Twasabye abarezi n'ababyeyi gukomeza kuba hafi y'abana no kubahumuriza'.

Visi Meya Mukunduhirwe yavuze ko bataramenya icyateye urupfu kuko batari banabasha kuvugana n'umudamu wa nyakwigendera kugira ngo bamenye niba hari uburwayi budasanzwe yari afite.

Ati 'Iby'ubuzima bimenywa n'abaganga. Umurambo twawohereje ku bitaro ibizamini byo kwa muganga nibyo bizagaragaza icyateye urupfu'.

Umwarimu yituye hasi imbere y'abanyeshuri ahita apfa

Isenyuka ry’umuryango ni ikibazo rusange mu bice byose by’Isi harimo no muri Afurika. Nubwo uyu mugabane ukunze gushimirwa kubera ubumwe bukomeye ndetse n’indagagaciro, uracyahanganye n’ibibazo bikomeye birimo n’umubare uri hejuru wa gatanya.

Uko imyaka igenda iza indi igataha, umubare w’abatandukana ukomeza kwiyongera. Gatanya ni inzira yemewe isesa ku mugaragaro isezerano ry’abashakanye. Ibi biha uburenganzira bungana impande zombi bwo kongera kuba ingaragu cyangwa kongera gushaka bundi bushya.

Nubwo amakuru ku birebana na gatanya muri Afurika ari macye, ariko raporo iheruka yakozwe na Wisevoter agaragaza bimwe mu bihugu byo kuri uyu mugabane birembejwe n’iki kibazo.

Iyi raporo igaragaza ko Libya iza ku mwanya wa mbere ndetse ikaza ku mwanya wa 18 ku Isi hose. Mu bindi bihugu bigaragara kuri uru rutonde, harimo Egypt, Mauritius, Algeria, Seychelles, Sudani na Afurika y’Epfo  

Raporo y'Urwego rw'Ubucamanza mu Rwanda iherutse gutangazwa igaragaza ko imiryango 2833 ariyo yatse gatanya mu mwaka ushize, ibintu bikomeje gutera benshi kwibaza impamvu imanza nk'izo zikomeje kwiyongera.

Mu manza mbonezamubano zakiriwe n'inkiko mu 2023-2024, zingana na 25,481, iziza ku isonga ni izirebana no gutandukana burundu kw'abashakanye kuko zigize dosiye 2833.

Nubwo bimeze bityo ariko bigaragara ko habayeho igabanyuka ugereranyije n'umwaka wari wabanje kuko wo ibirego byari byinjiye mu nkiko birebana na gatanya byari 3075, bisobanuye ko hagabanyutseho dosiye 242 bigize 7%.

Iyi raporo igaragaza uko ibikorwa by'ubutabera byagenze mu 2023-2024, igaragaza ko mu manza mbonezamubano hatanzwe ibirego 693 byo gihindura ibyemezo by'umutungo naho indishyi zikomoka kutubahiriza masezerano hatanzwe ibirego 692.

Ni mu gihe gusimbura inyandiko ndangamimerere hatanzwe ibirego 646, ihererekanyamutungo ritimukanwa hatangwa ibirego 632, mu gihe ibirego by'amasezerano ari 553.

Itegeko rigenga abantu n'umuryango riheruka kuvugururwa ndetse zimwe mu mpamvu zagaragajwe harimo n'uko gatanya ziyongereye cyane mu myaka itanu ishize kuko nko 2018 imiryango yemerewe gatanya binyuze mu nkiko yari 1311.

Mu 2019, imiryango 8941 yemerewe n'inkiko gutandukana mu gihe mu 2020 inkiko zakiriye ibirego 3213. Raporo y'Ibikorwa by'Ubucamanza ya 2021-2022, igaragaza ko ikibazo cyari kiganje kuruta ibindi mu manza mbonezamubano ari ari ugutandukana burundu kw'abashakanye aho mri uwo mwaka abatandukanye bagera ku 3322.

Bimwe mu bituma abantu basaba gatanya harimo ko umuntu ashobora guhitamo gusezerana n'undi kandi afite gahunda yo kugabana nawe imitungo kuko iyo mwavanze umutungo mugabana mukaringaniza kabone nubwo mwaba mumaranye imyaka ibiri gusa mu gihe ufite ibimenyetso bikwemerera kubona gatanya.

Ibyo byatumye harimo ingingo zivugururwa ku birebana na gatanya cyane ko hari aho byari bimaze kumera nk'intwaro ku bashaka imitungo kuko hari ubwo benshi babaga barasezeranye ivangamutungo risesuye ku buryo nibatandukana bazagabana buri umwe akeguka 50% by'imitungo bari bafite.

Ingingo 156 y'itegeko rishya iteganya ko iyo habayeho iseswa ry'ivangamutungo rusange biturutse kuri gatanya, abashyingiranywe bagiye gutandukana bataramarana imyaka itanu babana, umucamanza ashobora gutegeka ko batagabana imitungo n'imyenda baringanije.

Iri tegeko byitezwe ko rizagabanya umubare wabasaba gatanya wakomeje gutumbagirwa mu myaka itanu ishize.

Dore ibihugu bigaragaramo gatanya nyinshi muri Afurika mu 2024

  

 

Uyu musore agifatwa yemeye ko yari yahawe ibihumbi 50 Frw n'undi muntu benda gusa kugira ngo amukorere iki kizami kuko cyari cyaramunaniye.

Uyu musore yatawe muri yombi kuri uyu wa Mbere tariki ya 4 Ugushyingo 2024. Yafatiwe kuri site ya Kirehe isanzwe ikorerwaho ikizamini cy'uruhushya rw'agateganyo rw'ikoranabuhanga, iherereye mu Mudugudu wa Rugerero mu Kagari ka Nyabikokora mu Murenge wa Kirehe.

Umuvugizi wa Polisi y'u Rwanda mu Ntara y'Iburasirazuba, SP Twizeyimana, yabwiye IGIHE ko kugira ngo uyu musore afatwe byaturutse ku mupolisi warebye neza Indangamuntu yari yitwaje akabona ifoto iriho itandukanye n'uko we asa.

Ati 'Ejo ahagana saa Tanu n'Igice nibwo umusore w'imyaka 18 yaje gukora ikizamini cya Provisoire aranagitsinda. Nyuma yajyanye Indangamuntu kugira ngo yandikishe amanota ye, Umupolisi yitegereza neza iyo Ndangamuntu abona ni iy'umuntu ukuze ufite imyaka 32 abona ntabwo isura isa neza neza nk'uwo musore wari ukiri muto niko guhita bamufata atangira kubazwa neza.'

SP Twizeyimana yakomeje avuga ko uwo musore yageze aho abwiza ukuri Polisi, ababwira ko uwo muntu yari yaje gukorera ikizami yari yamwemereye ibihumbi 50 Frw, mu gihe yabasha kumukorera ikizamini cya Provisoire akagitsinda.

Yavuze ko bahise bamushyikiriza RIB kugira ngo ikore iperereza inamushyikirize ubushinjacyaha.

Ati 'Abantu bakwiriye gushyira imbaraga nyinshi mu kwiga amategeko y'umuhanda kuruta gushaka gukoresha amanyanga mu kubona ibyangombwa byo gutwara ibinyabiziga. Nibamenye ko wakoresha umwanya wawe neza ukabona uruhushya rwa burundu kuruta kwishora mu byaha byo gushaka kurubona mu buryo bunyuranyijwe n'amategeko, uzajya abirengaho rero azajya afatwa anashyikirizwe inkiko.'

SP Twizeyimana yagiriye inama buri wese wifuza guca muri iyi nzira ko bitazamuhira ngo kuko Polisi iri maso kandi itazemera abashaka kubona impushya zo gutwara ibinyabiziga ari uko bariganyije, avuga ko ari naho hashobora guturuka impanuka za hato na hato.

Kuri ubu uyu musore afungiye kuri sitasiyo ya RIB ya Kirehe.

Rihanna Robyn Fenty umuhanzikazi wubatse izina ku rwego mpuzamahanga, akaba asigaye yibereye mu bikorwa by’ubucuruzi, yamaze kugaragaza amarangamutima ye ku munsi w’amatora ya Perezida wa Leta Zunze Ubumwe z’Amerika.

Uyu muhanzikazi mu mashusho yashyize ku mbuga nkoranyambaga ze yamwerekanaga yicaye mu modoka igenda buhoro, yashyizeho amagambo y’urwenya agira ati: ‘Ndikugerageza kujya gutora nkoresheje Passport y’umuhungu wanjye”.

Rihanna kandi yongeyeho ati: ”Mutore kuko njyewe bitankundira”. Aya magambo y’uko atemerewe gutora yayakoresheje inshuro ebyiri yerekana uburemere bw’uko atari bubashe guhitamo hagati ya Kamala Harris na Donald Trump. 

Ibi yabyanditse mu rwego rwo gukangurira abafana be kujya gutora mu mwanya we ndetse anabwira abiyandikishije gutora gusa bakaba badashaka kujya gutora umunsi wageze.

Impamvu Rihanna atemerewe gutora ni uko adafite ubwenegihugu bw’Amerika, dore ko kuva yagera muri Amerika atigeze na rimwe yaka ubwenegihugu ndetse mu mwaka wa 2016 yavuze ko ari ‘Umwimukira udashaka kuba umunyamerika’. 

Ibi yabitangaje ubwo yasohoraga indirimbo yise ‘American Oxygen’ ivuganira abimukira batuye muri Amerika. Iki gihe yavuze ko atifuza kuba Umunyamerika ahubwo ko naramuka ahabyariye abana be ari bo bazaba bafite ubwenegihugu.

Rihanna utemerewe gutora kuko adafite ubwenegihugu bw’Amerika, yasabye abafana be kumutorera