Uyu mugabo w'imyaka 67, yagize ku butegetsi asimbuye Fumio Kishida wavuye ku butegetsi nyuma y'imyitwarire itari myiza yatumye Ishyaka rye, Liberal Democratic Party (LDP) ritakarizwa icyizere.
Ishiba yahise atangwa n'iryo Shyaka, ahita anategura amatora mu rwego rwo kugira ngo ribone ubwiganze mu Nteko Ishinga Amategeko, aho ryari ryifatanyije n'andi mashyaka mu mpuzamashyaka ihuriweho.
Intego yari uko Impuzamashyaka ihuriweho na LDP igomba kubona ubwiganze busesuye mu Nteko y'umutwe w'Abadepite, bityo Ishiba akazoroherwa no gushyira mu bikorwa gahunda ze z'iterambere.
Icyakora ibyo LDP yahuye nabyo byari agahomamunwa kuko ahubwo yarushijeho gutakaza amajwi menshi mu Nteko Ishinga Amategeko, ahanini kuko amatora yabaye abaturage barakajwe n'ibiciro biri kuzamuka ndetse natanishimiye iryo Shyaka ryavuzwemo ibibazo uruhuri kuva kuri ruswa n'ibindi bitandukanye.
Mu Nteko y'Abadepite 465, iri shyaka ryari rifitemo imyanya 247, icyakora ryaje kwisanga risigaranye imyanya 191 nyuma yayo.
Gusa nubwo iri shyaka ryatakaje imyanya, Umuyobozi waryo yongeye gutorerwa kuba Minisitiri w'Intebe w'u Buyapani, aho afite inshingano zitoroshye zo guhangana n'ibibazo by'izamuka ry'ibiciro rikomeje kuzonga abaturage, mu gihe ibibazo by'umwuka mubi uri hagati y'u Buyapani n'u Bushinwa ari indi ngingo yo gucungira hafi.
Aho imvura igwa neza mu gihugu ubu imisozi isa n'icyatsi kuko ahatarahinzwe ibishyimbo hahinzwe ibigori.
Ubushakashatsi bukorwa kuri buri gihembwe cy'ihinga bugaragaza uko ubuhinzi buhagaze mu Rwanda bwerekanye ko ibihingwa bisimburana mu murima byiharira hegitari ibihumbi 987, bituma haboneka umusaruro mushya mu gihe gito. Ni mu gihe ibihingwa ngengabukungu bimara igihe kirekire mu butaka nk'insina, ikawa n'icyayi byiharira hegitari ibihumbi 513.
Ubworozi bw'umwuga bukorerwa kuri hegitari ibihumbi 116, bifasha mu kwihaza mu biribwa no kuzamura imibereho y'abatuye mu bice by'icyaro.
Kubera ko u Rwanda rugizwe n'imisozi n'ibibaya, ibihingwa byibandwaho mu bice bitandukanye biba binyuranye. Uturere twa Nyagatare, Gatsibo na Kayonza dufite ubuso bunini bukorerwaho ubuhinzi by'umwihariko nka Nyagatare ifite hegitari ibihumbi 140 zikorerwaho ubuhinzi, zingana na 73,3% by'ubutaka bwose bw'akarere.
Mu turere tw'Umujyi wa Kigali dutuwe mu buryo bucucitse nka Kicukiro na Nyarugenge hakomeza gukorerwa ubuhinzi cyane cyane mu mirima iri impande y'urugo, mu karima k'igikoni n'ubuhinzi buciriritse bufasha abahatuye kubona bimwe mu bitunga urugo.
Ibishyimbo bihingwa ku buso bunini mu gihugu
Ibihingwa byahinzwe mu gihembwe cya 2024 B birimo ibyo usanga ku meza ya benshi mu gihugu, nk'ibigori byahinzwe kuri hegitari ibihumbi 92,9, ibishyimbo bihingwa kuri hegitari ibihumbi 329,1 mu gihe imyumbati yahinzwe kuri hegitari ibihumbi 172,5.
Ibi bihingwa ni bimwe mu byihanganira ihindagurika ry'ibihe kandi bigatanga umusaruro uhagije ku baturarwanda.
Ibihingwa ngengabukungu nk'insina bihinze ku buso bwa hegitari ibihumbi 258,5 hirya no hino mu gihugu. Urutoki rufasha abahinzi kubona amafunguro kandi bagakuramo amafaranga by'umwihariko ibitoki biribwa n'ibyengwamo inzoga byakomeje kuba ubukombe mu gihugu.
Ubu bushakashatsi bugaragaza ko abahinzi barenga 89% bakoresha uburyo bwo kurwanya isuri mu mirima yabo, bahinga imboga ndetse mu bice by'imisozi ahenshi baciye amaterasi y'indinganire ahandi bakoresha amaterasi yikora.
Imibare igaragaza ko 47% by'abahinzi bo mu Rwanda bakora ubuhinzi bubungabunga ibidukikije, harimo no guhinga ibiti bivangwa n'imyaka hagamijwe kurengera urusobe rw'ibinyabuzima, gusigasira ubwiza bw'ubutaka no gutuma ubutaka butaba bwambaye ubusa.
Ku rundi ruhande abakora ubuhinzi binjiye cyane mu bugamije ubucuruzi, abenshi bitabira guhinga imbuto zitanga umusaruro mwinshi no guhinga mu buryo bugezweho.
Ibyavuye mu gihembwe cy'ihinga cya 2024 B bigaragaza akamaro gakomeye k'ubuhinzi by'umwihariko ku bihugu bifite umuvuduko mu kwiyongera kw'abaturage kuko ubutaka buhita buhinduka imari ikomeye.
Raporo ya NISR igaragaza ko umusaruro w'ubuhinzi wiyongereye aho uw'imyumbati wiyongereyeho 6%, ugera kuri toni 783,29, uw'umuceri wiyongeraho 4% ugera kuri toni 72.834, uw'ibijumba wiyongereyeho 8%, ugera kuri toni 666.814, na ho uw'ibitoki wiyongereyeho 5%, ugera kuri toni 1.142.552.
Ibi bitaramo biba buri mwaka byahawe inyito ya 'Great Classic' ahanini bitewe n'uko ariyo njyana bakunda kuririmbamo. Umuririmbyi akaba n'umuyobozi wa Chorale Saint Paul, Nizeyimana Nyituriki Denys, yabwiye InyaRwanda ko bahaye umwihariko ibi bitaramo binyuze mu muziki wa 'Classic' kandi ibitekerezo bya benshi bigaragaza ko banyuzwe, ari nayo mpamvu bifuje kubishyiramo imbaraga.Â
Yavuze ati 'Mu bitaramo byacu tuyinjiramo (injyana ya 'Classic') cyane tugakora ku bihangano bifite amateka by'abahanzi bakomeye bagize uruhare muri uyu muziki.Â
Ntituririmba gusa ahubwo tunabyina imbyino zo muri iyi njyana zimenyerewe nka za 'Waltz' aho babyina ari 'Couples' na za 'Ballet dances', haba harimo indirimbo zikoze mu buryo bwa 'theatres' zizwi nka 'Opera' n'ibindi byinshi abazaza bazafasha kwibonera. Urumva rero ko iyo njyana tuba twayinjiyemo mu misokoro akaba ariyo mpamvu tuvuga ko ari 'Great Classic Concert'.'
Denys yavuze ko iki gitaramo muri rusange kigamije gutaramira Abanyarwanda by'umwihariko abakunzi b'iyi njyana, guteza imbere uyu muziki no kuwukundisha abataragira amahirwe yo kuwumenya, guteza imbere umuco, guteza imbere umuziki wa 'Classique' mu Rwanda, gutanga ubutumwa bwiza buzaba buri mu ndirimbo 'tuzaririmba no kwidagadura'.
Uyu muyobozi yavuze ko muri iki gitaramo abantu bakwiye kwitega kuzabona udushya tudasanzwe mu bitaramo byatambutse, kandi bitegura no kuzabona indirimbo zakunzwe za Chorale St Paul.
Yungamo ati 'Bazitege kunogerwa n'umuziki mwiza 'Orchestra' izabacurangira, aha ndavuga 'Orchestra' ya Classic na 'Orchestra' ya Band. Yavuze ko ashingiye ku buhanga bamaze kugaragaza muri ibi bitaramo bagiye bakora buri mwaka, ntawashindikanya ko igitaramo cy'uyu mwaka kizagenda neza.
Avuga ati 'Kuzaririmba neza byo ntawabitindaho abadukurikira bamaze kubimenyera, bazitege kandi kubyina n'indirimbo zisanzwe z'iwacu mu Rwanda dukunda zaba iza gakondo na Karahanyuze.'
Umuziki wa 'Classic' urazwi cyane ku isi, ukunda kwandikwa mu manota, ugasomwa mu manota ukanaririmbwa mu majwi ahanitse.
Indirimbo yubahiriza Impuzamashyirahamwe y’umupira w’amaguru ku Mugabane w’u Burayi (UEFA), iririmbwa kandi icuranze muri aya majwi.
Chorale Saint Paul ifite intego yo gufasha abakilisitu gusingiza Imana ibinyujije mu ndirimbo, yashinzwe mu mwaka wa 2009 bivuye ku gitekerezo cya Padiri Eric Nzabamwita wari Padiri Mukuru wa Paroisse St Jean Bosco Kicukiro.
Imenyerewe mu muziki wa Classic ukorwa n’abahanga mu miririmbire, aho wandikwa mu manota asobanutse y’umuziki kandi ukaririmbwa mu majwi ahanitse yiharirwa n’abitoje ku rwego rwo hejuru.
Zimwe mu ndirimbo za Chorale Saint Paul zizwi na benshi harimo nka 'Mariya ni umubyeyi w’abakene', 'Umubyeyi uturutira bose', izaririmbiwe amakipe nka Rayon Sports, Gasogi United n’izindi.
Iki gitaramo 'Great Classic Concert' kizaba guhera saa kumi n'imwe z'umugoroba. Kandi kwinjira byashyizwe ku 5000 Frw mu myanya isanzwe, 10,000 Frw muri VIP, ndetse na VVIP/Table y’ibihumbi 250,000 Frw. Ushobora kugura itike yawe unyuze ku rubuga www.ibitaramo.com.
 Chorale St Paul Kicukiro yatangaje ko igiye gukora ku nshuro ya Gatatu igitaramo bise 'Great Classic Concert'Â
Chorale St Paul Kicukiro yavuze ko izakorera iki gitaramo muri Camp Kigali, ku wa 15 Ukuboza 2024
Chorale St Paul Kicukiro igaragaza ko yahisemo gukora ibi bitaramo mu rwego rwo gufasha abantu kunogerwa n'umuziki wa 'Classic'
Ikibazo cya Meya Mukanyirigira Judith uyobora Rulindo na Ndagijimana wari Gitifu w'Umurenge ni kimwe byagarutsweho cyane mu itangazamakuru no ku mbuga nkoranyambaga muri iyi minsi.
Byatewe ahanini no kuba umuyobozi w'akarere yarirukanye mu kazi Ndagijimana ariko undi agaragaza ko yarenganyijwe ndetse aranarenganurwa ubuyobozi bw'akarere busabwa kumusubiza mu kazi.
Ibyo byaje no gukorwa Ndagijimana asubizwa mu kazi ariko ahindurirwa inshingano noneho agirwa Umujyanana wa Meya w'Akarere ka Rulindo aho gusubira kuyobora umurenge.
Ibaruwa imusubiza mu kazi muri izo nshingano nshya yayihawe ku itariki 4 Ugushyingo 2024 ariko nyuma y'iminsi ibiri aza kwandikirwa indi na Meya abereye umujyanama amusaba ibisobanuro.
Iyo baruwa IGIHE ifitiye kopi yandikiwe Ndagijimana ku itariki 7 Ugushyingo 2024 ifite umutwe ugira uti 'Gusaba ibisobanuro mu nyandiko ku makosa y'imyitwarire akuvugwaho igihe wari Umunyamabanga Nshingwabikorwa w'Umurenge wa Mbogo'.
Meya Mukanyirigira atangira iyo baruwa agaragaza ko ayanditse ashingiye ku ngingo z'amategako harimo irigenga akarere ndetse n'ingingo yo muri sitati rusange igenga abakozi ba Leta.
Igika kigaragaza ibisabirwa ibisobanuro kigira iti 'Ndagusaba ibisobanuro ku ikosa ryo gukoresha nabi ububasha wahawe ugategeka umukozi witwa Uwimana Françoise, umukozi ushinzwe irangamimerere na notariya mu Murenge wa Mbogo guhindura amazina ya Musengayezu Sankara akitwa Usenga Thomas Sankara nta cyo ushingiyeho ubitewe gusa n'umubano wihariye wari ufitanye n'uwasabye serivisi ari we Usenga Thomas Sankara'.
Igika gukurikiraho cyaka Ndagijimana ibisobanuro kandi ku kuba yarakoresheje umwanya w'umurimo mu nyungu ze bwite agamije kunoza umubano wihariye yari afitanye na Usenga Thomas Sankara yashinjwe na Meya guhindurira amazina adakurikije ibiteganywa n'amategeko.
Ibaruwa isoza igira iti 'Urasabwa gutanga ibisobanuro mu nyandiko kuri ayo makosa mu gihe kitarenze iminsi itanu uhereye igihe uboneye iyi baruwa'.
Ibaruwa kandi bigaragarara ko ibirimo byamenyeshejwe Minisitiri w'Ubutegetsi bw'Igihugu, uw'Abakozi ba Leta n'Umurimo, abanyamabanga nshingwabikorwa harimo uwa Kamisiyo y'Abakozi ba Leta n'Umurimo n'uw'Akarere ka Rulindo, Guverineri w'Amajyaruguru, Perezida wa Njyanama ya Rulindo ndetse na ba visi meya bombi b'ako karere.
Ayo makosa Meya Mukanyirigira yasabagaho ibisobanuro yari yahawe umurongo na Komisiyo y'Abakozi ba Leta n'umurimo mu ibaruwa ya mbere kuri icyo kibazo yamwandikiye, aho yamusabaga gusubiza umukozi mu kazi, nyuma y'uko bigaragaye ko iryo kosa ryo guhindurira umuntu amazina mu buryo butari bwo atari we warikoze, nk'uko byemejwe n'Ikigo cy'Igihugu cy'Indangamuntu ku itariki ya 6 Ugushyingo 2023.
Ibyo ariko Meya Mukanyirigira asa n'utarabikozwaga kuko ku itariki 22 Ukwakira 2024, yandikiye ibaruwa Umunyamabanga Nshingwabikorwa wa Komisiyo y'Abakozi ba Leta n'Umurimo asaba ko bakongera gusesengura neza mu bushishozi bagaha agaciro impamvu zashingiweho kugira ngo Ndagijimana ahabwe igihano cyo kwirukanwa.
Iby'iki kibazo byaje kugera no muri Minisiteri y'Ubutegetsi bw'Igihugu, aho ku itariki 30 Ukwakira 2024 Dr. Mugenzi Patrice uyobora iyo minisiteri yavuze ko icyo kibazo bari kugishakira umuti kandi ko abantu badakwiye kugifata nka byacitse.
Ni gahunda y'imyaka itatu izakorerwa mu turere dutatu dutsindisha ki kigero kiri hasi ari two Gakenke, Rusizi, Gisagara, Karongi na Ngororero.
Iyo gahunda yatangiye gushyirwa mu bikorwa muri Nzeri uyu mwaka ariko yamurikiwe ku mugaragaro i Kigali ku itariki 11 Ugushyingo 2024 mu nama y'iminsi itatu ihurije hamwe ibihugu 39 bya Afurika biri kwiga ku kuzamura uburezi bw'ibanze.
Abarimu 150 bo mu turere iyi gahunda izakorerwamo bazahugurwa ku buryo bwo kwigisha abana bo mu mashuri abanza hifashishijwe ibikoresho bituma abana babasha kumva mu ngiro ibyo bigishwa mu masomo y'Imibare n'Icyongereza.
Abana 75.000 biga muri ibyo bigo byatoranyijwe ni bo bazafashwa n'iyo gahunda, aho mu mfashanyigisho basanganywe hazongerwamo ibikoresho ngiro nk'ibishushanyo by'inyuguti, iby'ibinyampande n'ibindi bitandukanye bibafasha kwiga ibintu babasha kubikoraho.
Abarimu bazahugurwa ku kwigishiriza kuri ibyo bikoresho no gufasha abana basigara inyuma kugira ngo na bo babanze bumve neza icyo bifasha mu myigire noneho babashe gufasha ba bana kwiga batsinde nk'abandi.
UNICEF igaragaza ko hari inyigo z'abahanga zerekanye ko umwana iyo yiga ibintu mu ngiro bimworohereza kubifata ndetse ikaba ari na gahunda Leta y'u Rwanda yatangiye kwitaho.
Ubwo iyo gahunda yamurikwaga ku mugaragaro, ubuyobozi bwa Hempel Foundation bwagaragaje ko buyitezeho kuzamura abana bagira intege nke mu mitsindire bitewe n'impamvu zinyuranye na bo bakabasha gutsinda nka bagenzi babo.
Umuyobozi Nshingwabikorwa wa Hempel Foundation, Anders Holm yagize ati 'Ubufatanye bwacu na UNICEF burashimangira umuhate dufite mu gukemura ikibazo cy'abana bato batsindwa mu ishuri kuko dushaka ko buri mwana hatitawe ku byo anyuramo abasha gufata neza ibyo yiga mu mashuri abanza. Iyi gahunda y'ingenzi igamije kunganira Leta y'u Rwanda muri gahunda nzahurabushobozi mu mashuri abanza aho amasaha atatu mu cyumweru aharirwa abana badatsinda nk'abandi'.
Umuyobozi wa UNICEF Rwanda, Julianna Lindsey we yavuze ko kwita ku burezi bw'ibanze bw'abana badatsinda neza binyuze mu bufatanye bigabanya ibyago byo kuba abo bana bata ishuri.
Ati 'Uburezi bw'ibanze ni rwo rufatiro rw'uburezi bw'ahazaza. Abanyeshuri batigishwa neza mu mashuri abanza usanga bahorana amanota make kandi ibyo bibongerera ibyango byo guta ishuri hakiri kare. Gahunda yo kubongerera ubushobozi yatangijwe mu Rwanda ifasha mu gukuraho izo mbogamizi. Kongerera abarimu ubushobozi, gukorana n'abaturage ndetse no gusangira ubumenyi ni zo nkingi z'iyi gahunda yo kuzamura uburezi bw'ibanze ku bana bato'.
Imibare y'umwaka w'amashuri wa 2022-2023 igaragaza ko mu Rwanda abana bagera kuri 94% bigaga mu mashuri abanza ndetse ari intambwe ishimishije, gusa nanone UNICEF ikagaragaza ko hakiri ikibazo ku ireme ry'uburezi bahabwa ndetse no ku kwimukira mu mashuri yisumbuye.
Hasobanuwe ibyo iyo gahunda izibandaho
Umuyobozi Nshingwabikorwa wa Hempel Foundation, Anders Holm yavuze ko iyo gahunda izazamura abana bagira intege nke mu mitsindire bitewe n'impamvu zinyuranye na bo bakabasha gutsinda nka bagenzi babo
Umuyobozi wa UNICEF Rwanda, Julianna Lindsey yavuze ko kwita ku burezi bw'ibanze bw'abana badatsinda neza binyuze mu bufatanye bigabanya ibyago byo kuba abo bana bata ishuri
Ibi babigarutseho kuri uyu wa Mbere tariki ya 11 Ugushyingo 2024, ubwo Ikigo gishinzwe Ubutaka ku bufatanye n'umuryango utegamiye kuri Leta wa Landesa batangaga amahugurwa.
Ubushakashatsi bwagaragaje ko mu Akarere ka Kayonza abaturage bishimira serivisi z'ubutaka ku kigero cya 67% mu gihe umwaka ushize byari 51%.
Bimwe mu bituma izi serivisi zitagenda neza harimo kuba abakora muri serivisi z'ubutaka bagira akazi kenshi bitewe nuko ngo usanga bashinzwe ubutaka, imiturire n'ibikorwaremezo kandi ari umuntu umwe.
Mutanganzwa Abdul Karim ushinzwe ubutaka mu Murenge wa Ndego, yavuze ko impamvu serivisi z'ubutaka abaturage bavuga ko ziri hasi bituruka ku nshingano nyinshi bagira zirimo kuba umukozi ushinzwe ubutaka, akaba anashinzwe ibikorwaremezo ndetse anashinzwe imiturire.
Ibi byose ngo usanga bikeneye umunsi wo kujya mu baturage n'undi munsi wo gukorera ku biro ku buryo ngo iyo yagiye mu baturage usanga abamubuze mu biro bavuga ko adahari agasaba ko bahabwa moto yabafasha mu ngendo.
Umukozi ushinzwe ubutaka, ibikorwaremezo n'imiturire mu Murenge wa Nyamirama, Nyirashakwe Aline, yavuze ko bakeneye moto bitewe n'uburyo bagira akazi kenshi karimo akabasaba nko kubanza kugenzura ibyangombwa bagiye gutanga ndetse n'indi mirimo irimo kugenzura imiturire mu Murenge wose.
Ati 'Hari igihe umuturage aza agasanga wagiye kureba ibijyanye n'imiturire cyangwa ibikorwaremezo akagenda avuga ko utari uhari ari nayo mpamvu dushyiraho iminsi nk'ibiri mu cyumweru indi minsi tukayiharira izindi serivisi. Kujya kuri 'terrain' biratugora serivisi nyinshi tuzitangira mu biro hazamo kujya kureba abaturage bikagorana turamutse tubonye nka moto byadufasha cyane.'
Umuyobozi w'umuryango Landesa uri gufatanya n'Ikigo cy'Igihugu gishinzwe ubutaka, Emmanuel Ngomiraronka, yavuze ko bazahugura abayobozi basaga 1200 barimo abo mu Karere, imirenge n'utugari mu kumenya itegeko rishinzwe ubutaka. Yavuze ko buri Kagari gafite komite ishinzwe ubutaka n'Abunzi kandi ko bose bazabahugura kugira ngo babashe gufasha abaturage.
Umuyobozi w'Akarere ka Kayonza, Nyemazi John Bosco, yavuze ko impamvu ituma serivisi z'ubutaka zidakora neza harimo na komite zimwe na zimwe zashyizweho zidakora bituma ku mirenge hagaragara ibibazo byinshi.
Yavuze ko guhugura izi komite bizabafasha mu korohereza abakozi bashinzwe serivisi z'ubutaka ku mirenge.
Ati 'Ntabwo zaba ari inshingano nyinshi ahubwo byaterwaga n'uko hari ibyiciro byabaga bitakoze inshingano zabyo, iyo bamwe batagaragaje amakuru y'ingenzi biragorana ariko ubu abantu nibamenya amategeko na za komite zikayamenya bizajya byoroha mu kurangiza ibibazo by'ubutaka mu mirenge. Ikindi turimo gutekereza mu buryo burambye uko Akarere kafasha bariya bakozi kubona moto bikabafasha gukora akazi neza, ubu hari ubundi buryo tubafashamo ari nabwo bakoresha mu gihe buriya buryo bwa moto ari uburyo burambye.'
Mu byo bari guhuguramo aba bayobozi harimo itegeko rigenga ubutaka ryasohotse mu 2021, bahugurwa kandi ku mategeko agenga umuryango kuko ubutaka akenshi ngo bukunze kuba ari ubw'umuryango bakamenya ibijyanye n'izungura, uko umuntu wasezeranye ivanga mutungo yahabwa ubutaka.
Bazanahugurwa uko bakemura impaka zishingiye ku butaka ku buryo bafasha abaturage mu gukemura ibibazo byabo bitagombereye kujya mu nkiko.
Umuyobozi w'Akarere ka Kayonza, Nyemazi John Bosco, yavuze ko bateganya guha aba bakozi moto nka bumwe mu buryo burambye bwo gukemura
Nyirashakwe yavuze ko bakeneye moto kugira ngo zibafashe mu kazi
Mutaganzwa ushinzwe serivisi z'ubutaka mu Murenge wa Ndego yasabye ubuyobozi kubaha moto zatuma bakora akazi neza
Kabera w'imyaka 43 yarashwe na polisi ya Canada ku wa Gatandatu, ari mu nyubako iri mu gace ka Hamilton.
Ishami kabuhariwe rikora iperereza ku bikorwa byo kurasa byakozwe na Polisi (SIU) ryatangaje ko mbere y'uko araswa habayeho kurasana ariko nyuma riza kuvuga ko Kabera atigeze arasa.
Hari amakuru avuga ko yarashwe ubwo umuntu yahamagaraga polisi akayibwira ko babona umuntu ku nzu yabo kandi asa n'ufite imbunda.
Depite Arielle Kayabaga abinyujije kuri konti ye ya X yagaragaje ko ababajwe bikomeye n'urupfu rwa Kabera, asaba ko hakorwa iperereza ritabogamye kugira ngo umuryango we ubone ubutabera bunoze.
Ati 'Birababaje kumva inkuru y'urupfu rw'umuntu wagiraga umurava mu muryango, wari wariyeguriye gufasha abarokotse Jenoside yakorewe Abatutsi muri Hamilton no muri Canada yose.'
'Erixon Kabera twahuye mu myaka ibiri ishize, navuganye n'umuryango we ariko bashenguwe n'agahinda kandi bifuza ko hakorwa iperereza ritabogamye rikagaragaza uko yishwe. Twizeye ko Minisitiri Michael Kerzner yafasha gukora iperereza ryihuse kandi ritabogamye.'
Amakuru ava mu muryango we agaragaza ko yari afite abana batatu b'abahungu kandi ko mu gihe cy'imyaka 20 yari amaze muri Canada yaharaniraga gufasha umuryango we.
Yakoraga mu kigo cyo muri Canada gishinzwe Imisoro, akaba yari Visi Perezida w'Umuryango w'Abanyarwanda muri Toronto n'Umujyanama mu kigo cya 'Rwandan Canadian Healing Center'.
Ubutumwa umuryango wa Erixon Kabera washyize hanze bushimangira ko ugomba guhabwa ibisobanuro, unasaba ko hakorwa iperereza rinyuze mu mucyo rigamije kugaragaza mu by'ukuri ibyabaye nta guca ku ruhande.
Kabera yasize abana batatu b’abahungu
Depite Kayabaga yasabye ko hakorwa iperereza ryihuse ku Munyarwanda warashwe na Polisi ya Hamilton
Abaturage bo mu karere ka Kamonyi by'umwihariko abo mu Murenge wa Runda barataka kudakizwa imyanda yo mu ngo(ibishingwe) kandi bishyura buri kwezi Kampuni ya'Ubumwe Cleaning Services' bagiranye amasezerano yo kubatwarira iyo myanda. Amakuru agera ku intyoza.com ni uko Umujyi wa Kigali umaze iminsi warabujije ko hari imyanda iva Kamonyi ijyanwa I Kigali aho yari isanzwe ijyanwa. Gusa, Umujyi wa Kigali ntushaka kwerura ngo ugire icyo uvuga kuri icyo cyemezo gisibira Kamonyi amayira.
Unyuze mu mihanda itandukanye y'Umurenge wa Runda ahagiye hashyirwa ibikoresho bishyirwamo imyanda ku muhanda, usanga ibyinshi byaruzuye ndetse n'abaturage baragiye bashyira imyanda ku muhanda bateganya ko imodoka za Kampuni ya Ubumwe Cleaning Services ziza kubitwara ariko ubu abenshi barataka umunuko.
Ku mihanda, ahenshi urahanyura ugasanga imyanda irunze.
Bamwe mu baganiriye na intyoza.com bavuga ko batazi ikibazo cyabaye ku buryo imyanda ihera ku gasozi ndetse hamwe umunuko wayo ukaba ubagarukira kandi ari imyanda yakabaye yaratwawe kuko biri mu masezerano na Kampuni.
Umwe mu bakuriye iyi Kampuni ukoresha nomero 0788405956 yabwiye intyoza.com ko ikibazo cyo kudatwara iyo myanda y'abaturage kimaze iminsi ndetse ko hari bamwe mu bakiriya babo( abo batwarira imyanda) bakizi.
Dr Nahayo Sylvere, Umuyobozi w'Akarere ka Kamonyi yabwiye intyoza.com ko ikibazo cyatumye imyanda idatwarwa nk'uko byari bisanzwe bikorwa ari uko Kigali yabujije iyo Kampuni kongera kuzana imyanda i Kigali, hanyuma ba nyiri Kampuni nabo bandikira Akarere bakamenyesha ko babujijwe kongera gutwara imyanda ya Kamonyi i Kigali.
Meya Dr Nahayo, avuga ko nyuma yo kubwirwa ko Kigali yafunzwe inzira ikabuza ko imyanda ya Kamonyi yongera kujyanwa mu bimpoteri byaho, Akarere ngo kahise gatangira gushakisha ahazajya hashyirwa iyo myanda ku buryo iki cyumweru ngo hazaba hamaze kuboneka.
Avuga ko hamwe mu hatekerezwaho harimo n'ahahoze hari ikimpoteri mu Murenge wa Runda yafi ya Bishenyi nubwo ubuyobozi buvuga ko cyari kimaze igihe cyarahagaritswe.
Ntirenganya Emma Claudine, Umuvugizi w'Umujyi wa Kigali ubwo umunyamakuru yamubazaga impamvu yaba yaratumye Umujyi ukumira ko imyanda ivuye Kamonyi yongera kwinjizwa mu mujyi abereye umuvugizi, yanze kwerura imvano yabyo.
Mu magambo ye, yagize ati' Ubumwe Cleaning Services ikorera no mu mujyi wa Kigali ariko mu mujyi wa Kigali ho badukorera neza nta kibazo dufite. Ibintu rero byo ku Kamonyi, ubwo wabaza Kampuni ukabaza n'Akarere ka Kamonyi bakubwira uko bimeze'.
Mu gihe iby'ibi bishingwe bihangayikishije abaturage kubera kubateza umwanda, umunuko ndetse n'amasazi, kuri bamwe babonye imvura ku mugoroba w'uyu wa mbere biruhukije bavuga ko bagize amahirwe yatumye imwe mu myanda bayijugunya muri za ruhurura n'ahandi hatembaga amazi menshi umuvu ukabitwara. Gusa ku byanyagiriwe ku mihanda, bamwe baravuga ko akazuba nigakubitamo bataza gukira umunuko n'amasazi.
Baltasar Ebang Engonga wo muri Guinea Equatorial waciye ibintu ubwo hajyaga hanze amashusho 400 amwerekana asambana n'abagore 200, ubu umwe muri bo witwa Cristel Nchama yamaze kumujyana mu nkiko.
Cristel Nchama, umwe mu bagore bagaragaye mu mashusho yasakajwe ku mbuga nkoraranyambaga baryamanye na Baltasar Engoga, yafashe umwanzuro wo kujya kumurega amushinja kwangiza isura ye.
Uyu mugore yavuze ko bakundanye imyaka ine, ndetse igihe bari baryamanye yabanje kurwanya ko aya mashusho yafatwa ariko Baltasar amwizeza ko azahita ayasiba none akaba yaramutengushye akanga kuyasiba kugeza agiye hanze.
Yakomeje avuga ko aya mashusho akijya hanze byangije isura ye, agaciro ke ndetse n'icyizere abantu bamugiriye, ashaka kumenya impamvu Baltasar yakomeje kuyabika ndetse n'uburyo yashyizwe ku karubanda.
Baltasar ajyanywe mu nkiko nyuma y'iminsi micye yambuwe inshingano zo kuyobora ikigo gishinzwe iperereza mu bukungu muri iki gihugu(ANIF), ndetse yamaze no gutabwa muri yombi.Ni mugihe kandi bivugwa ko umugore we agiye kumwaka gatanya.
 
