Blog

The caution comes after timbers were recovered at the home of one Telesphore Mudaheranwa in Busetsa cell of Kageyo sector, on October 4.

Chief Inspector of Police (CIP) Hamdun Twizeyimana, the police spokesperson of the Eastern region, said that residents living around the affected forest reported Mudaheranwa to Police for his continued deforestation practices which are negatively impacting the environment.

'Credible information from communities bordering the forest indicated that the suspect would sneak into the forest, cut trees and carry them to his home for timber.

Police went to his home where 44 logs of timber were recovered in his house,” CIP Twizeyimana said.

He added that illegal tree-felling is much carried out in the area, which has destroyed at least one acre of the forest.

Felling trees is done mainly for charcoal, timber, firewood and construction.
CIP Twizeyimana reminded the residents that it is their responsibility to protect the forests by reporting those involved and work against any environmental degradation practices.

'People must know that environmental degradation is a crime punishable by the law, and the illegal cutting of trees especially from protected forest falls under this category.'

The law on environment, prohibits cutting trees in forests or protected areas like national parks or burning them.

Article 59 of the same legal instrument, states that any person, who causes death, destroys protected plants, harvests or damages them, commits an offence.

Upon conviction, the offender is liable to an imprisonment term of not less than three years and not more than five years and a fine of between Rwf1 million and Rwf3 million.

IGIHE

Umuhanzi Jean Christian Irimbere uri mu kiragano gishya cy’abakora indirimbo zihimbaza Imana, yatangaje ko afite intego yo gukora indirimbo zitandukanye mu ndimi nyinshi kugira ngo amahanga amenye birushijeho ko Yesu ari Umwami.

Christian Irimbere usengera mu Itorero Evangelical Restoration Church riyoborwa na Apôtre Ndagijimana Joshua Masasu, agejeje indirimbo enye zirimo 'Obrigado’, 'Ndi hano’, 'He is with you’ ndetse na 'Ntuhemuka’ iherutse gusohoka.

Impano ye yatangiye kugaragarira ku ndirimbo yise 'Ndi hano' ivuga ku muntu ukumbura ibihe byo guterana n’Imana, nyuma y’igihe kinini aba amaze ahugiye mu by’Isi ashakisha ubuzima.

Mu gihe cy’amezi arenga 11 imaze isohotse, imaze kurebwa n’abantu barenga ibihumbi 450. Ndetse Christian Irimbere avuga ko yatunguwe n’uburyo yakiriwe, kuko ibitekerezo bya benshi bagaragaje ko yabibukije bya bihe bidasaza n’Imana.

Abantu batandukanye bavuze ko uretse ubutumwa bwiza bwuzuye iyi ndirimbo, uyu musore anafite impano itangaje, kandi ko iyi ndirimbo bagiye bayohereza bagenzi babo, kugira ngo n’abo bagerweho n’ibyiza.

Christian Irimbere yabwiye INYARWANDA, ko yinjiye mu muziki uhimbaza Imana afite intego yo gukora indirimbo ziri mu ndimi nyinshi ku buryo amahanga azamenya Imana binyuze muri we, kandi akazirikana ko Yesu ari umwami.'

Avuga ko ashaka kugira uruhare mu isura nshya ya gospel, ku buryo igera ku rwego rushimishije. Ngo azabikora binyuze mu gukora no gutegura ibitaramo binini byo guha ikuzo Imana.

Ati 'Gahunda yanjye n’iyo kugeza kure Gospel mbinyujije mu ndirimbo. Ubu ng’ubu ndi muri studio ndi gukora Album izarangirana n’uyu mwaka 'Imana ibyemeye.'

Irimbere yavuze ko ari gutegura Album ya mbere afite icyizere cy’uko azayirangiza mu mpera z’uyu mwaka

Jean Christian Irimbere yabonye izuba mu 1992. Ni umwana wa Gatatu (Ubuheture) mu muryango urimo abakobwa babiri na murumuna we umwe.

Ni umwe mu bahanzi baririmbye muri korali z’abana, urugendo rw’umuziki by’umwuga yarutangiye mu 2016, bivuze ko imyaka ine ishize ahembura imitima ya benshi.

Ku myaka 15 y’amavuko nibwo yiyumvisemo impano yo gukorera Imana abinyujije mu bihangano bye.

Aherutse gusohora indirimbo yise 'Ntuhemuka’, yanditse ashaka guhamya ukwizerwa ku Imana. Avuga ko ari nka kwa kundi uba mu bihe byo gutekereza ku hazaza hawe ufite ubwoba, nyuma ukibuka ibyo Imana yagutambukije; ukibuka uko yabaye iyo kwizerwa ugahita uzamura ijwi uti 'Ntuhemuka’.

Uyu musore asanzwe ari umuhanzi uzi no gucuranga ibicurangisho bitandukanye birimo nka piano, gitari akusitike, ingoma n’ibindi. Irimbere waririmbye muri korali Inshuti za Yesu, yanakoranye indirimbo n’abaramyi barimo Serge Iyamuremye, Arsene Tuyi na Gogo Gloria.

Umuhanzi mu ndirimbo zo kuramya no guhimbaza Imana, Christian yatangaje ko ashaka gukora indirimbo mu ndimi nyinshi kugira ngo amahanga amenye Yesu

REBA INDIRIMBO “NTUHEMUKA” Y’UMUHANZI CHRISTIAN IRIMBERE

Source: Inyarwanda.com

[email protected]

Niba waba utaranumviseho Illuminati, birashoboka ko waba warabonye ibimenyetso bavuga ko ari ibyayo. Mpandeshatu (triangle), n’ijisho bita ko ribona byose riboneka mu noti y’idorari rimwe rya Amerika, ni bimwe muri ibyo bimenyetso benshi bita ibya Illuminati.

Mu mashusho y’indirimbo zimwe na zimwe, imirongo imwe y’abahanzi igaruka kuri Illuminati. Nko mu ndirimbo S&M ya Rihanna bamwe bagaragaza aho yerekana ko ari umuntu ukomeye muri uwo muryango.

Umunyamakuru akaba n’umwanditsi w’ibitabo David Bramwell avuga ko ari ibibuha ariko kandi hakagaragara ibimenyetso by’uko nawe yaba ajijisha.

David Bwamwell ati : “Ndibuka igihuha cyakwiriye mu 1966 ko Paul McCartney wo mu itsinda rya Beatles [ryari rigezweho cyane icyo gihe] yapfuye mu mpanuka y’imodoka atashye… Kandi ko yahise asimburwa n’umu-DJ wo muri Canada basa neza neza wahise yiga vuba kuririmba no gucuranga guitar nka Paul”.

David Bramwell avuga ko Paul McCartney ubwe atigeze ahakana icyo gitekerezo. Kimwe na McCartney, Jay-Z, Beyoncé cyangwa Rihanna n’abandi, nabo ngo ntibajya bahakana ibyo bivugwa.

Illuminati, ubundi, wari umuryango w’ibanga koko wo muri leta ya Bavaria mu Budage mu kinyejana cya 18. Umudage w’umuhanga muri filozofiya Johann Adam Weishaupt ni we wari warashinze umuryango wa Illuminati. Abawugize barwanyaga imigenzo yose, amategeko y’amadini ndetse n’ubutegetsi bw’igihugu. Banditse igitabo cy’itegeko ryabo ko intego yabo ari uguhagarika ibikorwa byose bibangamiye abantu, bakabaho nta kibagenga cyangwa kibagenzura.

Ntabwo babigezeho, kandi uwo muryango wabo ntaho uhuriye na Illuminati ivugwa uyu munsi nk’uko David Bramwell abivuga. Igitekerezo cyayo kiriho ubu ni uko hari abemeza ko urugomo (violence) n’ituze byose ari bimwe. Bamwe mu babyemeraga batyo ni abitwa ‘Discordian movement’, bashinzwe mu 1965 mu biro by’ubutegetsi muri leta ya Texas muri Amerika.

Greg Hill na Kerry Thornley, abahungu babiri bigaga kaminuza, bakoze inyandiko zo gushinga uwo muryango wabo mu buryo bwemewe. Iyo nyandiko ishimangira ingingo ko “urugomo narwo ari ingenzi kimwe n’ituze”.

Mu myaka ya 1960 n’1970, iyo myumvire yarakwirakwiriye mu banyeshuri kuko gukwiza ibihuha n’amakuru atari yo byihutaga. Iyo ntego ariko bariya bahungu bombi baje kuyihakana.

Bramwell avuga ko aba bahungu bombi biyemeje kwandika igitabo kirimo ibyo bitekerezo byose bacyita “igitabo cy’aba-illuminati”. Bo batekerezaga ko byaba ari ibintu bishimishije gukwirakwiza urugomo n’amakuru y’ibinyoma ku bushake ku kitwa Illuminati, kandi babigezeho bandika inkuru zinyuranye bagaha ibinyamakuru.

Bandikaga inyandiko nyinshi bitiriye abantu batabaho, bavuga ko Illuminati atari ukuri cyangwa ari ukuri cyangwa hari abayishidikanyaho. Icy’ingenzi kuri bo cyari uko icyo kiganiro kuri Illuminati buri wese yagombaga gukomeza kwibaza ikibazo ngo ‘ese koko Illuminati iriho ?’

Igitekerezo cyakwiriye hose ku isi, igitabo banditse kandi cyarimo ibibazo bimwe nka ‘Ni inde warashe John F.Kennedy ?’ Nubwo byinshi mu bitekerezo biri mu gitabo cyabo ari ibinyoma, byivangavanze n’amakuru amwe y’ukuri bituma hari ababyemera byose.

Icyo gitabo cyarakunzwe cyane ku buryo cyageze aho gikinwamo amakinamico na cinema. Icyo gitabo n’izindi nyandiko bandikaga byinshi ubu ntibiboneka kuri Internet, ariko ibihuha kuri Illuminati byakomeje gukwirakwira uko abantu babiganira bamwe bakabyemera abandi bakabitangira ibimenyetso. Gusa amaherezo n’ubundi umwanzuro ni uwawe, kwemera niba Illuminati ibaho cyangwa itabaho.

Nyuma y’inkuru zavuzwe ko rutahizamu uherutse gusinyira Rayon Sports, Issa Bigirimana ari muri Zambia uyu mukinnyi arabihakana aho ahamya ko ari i Kigali.

Muri Nyakanaga 2020, ni bwo uyu rutahizamu yasinyiye Rayon Sports amasezerano y’umwaka, gusa uyu musore nta mafaranga yahawe ya recruitment ahubwo yumvikanye n’ikipe umushahara gusa ariko mu masezerano ye ashyiramo mu gihe yaba abonye ikipe imugura yahita yigendera nta mananiza arimo.

Amakuru ISIMBI yamenye ni uko uyu musore kuva ku wa Gatandatu w’icyumweru gishize arimo kubarizwa mu gihugu cya Zambia aho yagiye kuvugana n’ikipe ikiri ibanga.

Aganira n’ikinyamakuru ISIMBI, Issa Bigirimana yahakanye aya makuru aho yavuze ko ari mu Rwanda mu mujyi wa Kigali ndetse ko na we arimo kubyumva bikamutangaza. Gusa uyu musore akaba ataboneka ku murongo wa telefoni kuri nimero ze zose akoresha mu Rwanda kereka ku mwandikira kuri WhatsApp gusa.

Ati'inde uri muri Zambia? Ni ukubeshya njye ndi mu Rwanda, ndi muri Kigali, nabyumvishe ndisekera gusa.'

Amakuru ISIMBi yahamwe n’umwe mu nshuti za hafi z’uyu mukinnyi bahoze bakinana ni uko Issa atari mu Rwanda yagiye kurangizanya n’ikipe yo muri Zambia imwifuza bagize ibanga.

Issa Bigirimana arabarizwa muri Zambia

Abagenewe iki gihembo ni abashakashatsi b’Abanyamerika babiri Harvey Alter na Charles Rice hamwe n’umuhanga muri siyansi w’Umwongereza Michael Houghton

Komite y’ibihembo byitiriwe Nobel ivuga ko ubuvumbuzi bwabo “bwarokoye miliyoni z’abantu”.
Iyo ni virusi isanzwe itera kanseri y’umwijima ikaba yagera aho iwangiza kugeza ubwo ukenera guhindurwa.

Mu myaka ya 1960, hari ikibazo gikomeye cy’abantu baterwaga amaraso bikabaviramo indwara y’umwijima idakira bivuye ku mpamvu yari itaramenyekana.

Komite y’ibihembo byitiriwe Nobel ivuga ko gutera abantu amaraso icyo gihe byari “igikorwa cyo kwigerezaho”.

Gupima amaraso mu buryo bukomeye ubu byagezweho mu bice byinshi by’isi, ndetse n’umuti wica iyo virusi warakozwe.

Iyi komite yavuze ko “Bwa mbere mu mateka, iyi ndwara ubu ivurwa, bitanga icyizere ko Hepatite C izageraho igacika ku isi”.

Gusa, iyi virus iracyandura abantu bagera kuri miliyoni 70 buri mwaka ikanica abagera ku 400,000.

Umwicanyi utazwi
Mu myaka ya 1960, virus zizwi nka Hepatite A na Hepatite B zari zaravumbuwe.

Ariko Prof Harvey Alter, ubwo yariho yiga ku maraso y’abarwayi mu kigo cy’ubushakashatsi ku buzima muri Amerika, yabonye indwara itari izwi iri mu maraso.

Abarwayi bakomezaga kurwara nyuma yo guterwa amaraso.

Yabonye ko no gutera amaraso y’abo barwayi inguge zo mu bwoko bwa ‘chimpanzee’ bituma nazo zirwara iyo ndwara, yariho yica abantu benshi.

Iyo ndwara itazwi yahawe izina rya “”non-A, non-B” hepatitis, ubushakashatsi burakomeza.

Prof Michael Houghton, yaje kubasha gutandukanya buri kantu kagize iyo virusi. Byerekanye ubwoko bwa flavivirus bwahise buhabwa izina rya Hepatite C.

Naho Prof Charles Rice wo muri kaminuza ya Washington yakoze ubushakashatsi bwo kwemeza neza iyi virusi, atera bimwe mu bice by’iyi virusi mu mwijima w’inguge byerekana ko itera izi nyamaswa uburwayi bwa hepatite.

Muri weekend, igisirikare cy’u Rwanda cyavuze ko cyafatiye ku butaka bw’u Rwanda abarwanyi ba Red-tabara, uyu munsi beretswe itsinda ry’abasirikare bo mu karere bagenzura ibibazo byo ku mipaka (EJVM).

Itangazo ry’igisirikare cy’u Rwanda ryo kuwa gatandatu, rivuga ko abarwanyi 19 bafashwe tariki 29 z’ukwezi gushize kwa cyenda mu ishyamba rya Nyungwe mu murenge wa Ruheru mu karere ka Nyaruguru, ari naho ryavuze ko bafungiwe.

Patrick Nahimana umuvigizi wa gisirikare w’inyeshyamba za Mouvement de la Résistance pour un État de Droit (RED)- Tabara, uyu munsi yabwiye BBC ati :

“Abo nibyo ni akarwi k’abahungu bacu bacyeya, bariho bagenda mu ishamba kimeza rya Kibira barazimira bisanga muri Nyungwe mu Rwanda”.

Igisikare cy’u Rwanda kivuga ko cyabimenyesheje itsinda rya EJVM ry’urwego mpuzamahanga ruhuza ibihugu byo mu karere (ICGLR), ari nabo beretswe abo barwanyi uyu munsi ngo bakore iperereza ryabo.

Mu myaka itanu ishize hari umubano mubi hagati y’u Rwanda n’u Burundi, ubutegetsi bw’ibihugu byombi bwagiye bushinjanya gufasha abashaka gutera buri gihugu.

Mu gihe cya vuba, umutwe wa Red-Tabara wagabye ibitero byiciwemo abantu mu bice by’uburengerazuba bw’u Burundi.

Bwana Nahimana yabwiye BBC ko bafite ibirindiro mu ishyamba rya Kibira (ishyamba rifatanye n’irya Nyungwe) n’ahandi mu Burundi, kandi ibikorwa byabo bizakomeza nubwo hari abafashwe muri bo.

Mu kiganiro giheruka n’abanyamakuru, Perezida w’u Burundi Evariste Ndayishimiye yavuze ko abamaze iminsi batera u Burundi ari “abasuma baza kwiba no kwica”.

Kuri ibi Bwana Nahimana yagize ati : “Nta yindi mvugo yabwira abantu, reka twe dukore akazi niko kazerekana abo turi bo, kandi ko duharanira kubohoza u Burundi”.

Bwana Ndayishimiye yanenze u Rwanda ko ‘rufata inkozi z’ikibi’ ku Burundi ntiruhite ruzitanga, nyamara ko bo iyo bafashe inkozi z’ikibi zavuye mu Rwanda ‘bahita bazishyikiriza’ u Rwanda.

Leta y’u Burundi ntacyo iratangaza ku ifatwa ry’aba barwanyi ba Red-Tabara bafatanywe imbunda ubu bafungiwe mu Rwanda.

Abanyamakuru bacye batoranyijwe kujya kureba abo barwanyi, bamwe muri bo bavuga ko abasirikare ba EJVM bari kubaza ibibazo abo barwanyi, ngo bakazatanga raporo kuwa gatatu.

Ntibiramenyekana niba bazahita bohererezwa leta y’u Burundi.

Umutegetsi wo hejuru wo muri OMS yavuze ko icyo kigereranyo kivuze ko “benshi mu batuye isi bakiri mu byago” byo kwandura.

Ku isi abantu barenga miliyoni 35 ni bo bamaze kwemezwa ko banduye coronavirus. Igereranya rya OMS rivuga ko umubare nyakuri w’abamaze kuyandura ku isi ugera hafi kuri miliyoni 800.

Impuguke zimaze igihe zivuga ko umubare nyakuri w’abanduye coronavirus urenga uw’abamaze kwemezwa ko bayanduye.

OMS iri mu nama ku cyicaro gikuru cyayo i Genève mu Busuwisi, ireba ku buryo iri guhangana n’iki cyorezo.

Nyuma y’amezi 10 iki cyorezo gitangajwe ku isi, nta kimenyetso kigaragaza ko kirimo kurangira.

Ibihugu byinshi birimo kugira icyiciro cya kabiri cy’ubwiyongere bw’ubwandu bushya, nyuma yuko byoroheje ingamba za ‘guma mu rugo’. Ndetse hamwe na hamwe imibare yarushijeho kwiyongera.

OMS yavuze iki nyirizina ?

Icyo kigereranyo cyuko 10% by’abatuye isi banduye coronavirus cyatanzwe na Mike Ryan, umuyobozi wa gahunda y’ubuvuzi bwihutirwa wa OMS.

Yagize ati : “Ibi biratandukanye bitewe n’igihugu, biratandukanye mu mujyi no mu cyaro, biratandukanye mu matsinda y’abantu anyuranye”.

“Ariko icyo bivuze rwose ni uko benshi mu batuye isi bakiri mu byago [byo kwandura]. Turabizi ko icyorezo kizakomeza kwiyongera ariko turanabizi ko dufite ibikoresho byo kuburizamo ubwandu bikarokora ubuzima aka kanya…”

Tedros Adhanom Ghebreyesus ukuriye OMS yasabye ibihugu gushyira hamwe no kugira ubuyobozi butajenjeka.

Yavuze ko hagaragaye ubudasa mu mibare y’abanduye coronavirus ku isi.

Yagize ati : “Nubwo ibihugu byose byashegeshwe n’iyi virusi, tugomba kwibuka ko iki cyorezo kitabyibasiye mu buryo bungana. Ibihugu icumi byihariye 70% y’abatangajwe ko banduye n’abapfuye bose ndetse ibihugu bitatu gusa byihariye kimwe cya kabiri”.

Kugeza ubu ku isi abantu barenga miliyoni imwe bamaze kwicwa na Covid-19 nkuko imibare ya Kaminuza ya Johns Hopkins ibigaragaza.

Nyuma y’Amerika iza ku mwanya wa mbere mu kugira abanduye benshi ku isi – abarenga miliyoni 7,4 – hakurikiraho Ubuhinde na Brazil.