Webrwanda Backend

Blog

  • Rayon Sports yashyizwe mu itsinda rikomeye mu gushaka igikombe cya shampiyona [AMATSINDA] #rwanda #RwOT

    Kuwa Gatandatu w'icyumweru gishize,nibwo Ishyirahamwe ry'Umupira w'Amaguru mu Rwanda (FERWAFA) ryatumiye amakipe muri nama yabaye kuri uyu wa Kabiri tariki ya 6 Mata 2021 ku biro byayo i Remera.

    Iyi nama yemeje ko shampiyona izasubukurwa kuya 01 Gicurasi, isozwe kuya 29 Kamena 2021, hanshyirwaho amatsinda 4 azavamo amakipe 2 abiri muri buri tsinda azahatanira shampiyona mu gihe andi 8 asigaye azahatanira kutamanuka.

    UKO AMATSINDA APANZE:

    Itsinda Rya Mbere :

    APR FC , Bugesera FC ,As Muhanga na Gorilla FC

    Itsinda rya Kabiri

    Rayon Sports ,Kiyovu Sports ,Gasogi United na Rutsiro FC

    Itsinda RYA Gatatu

    Police FC ,As Kigali ,Musanze FC na Etincelles

    Itsinda rya Kane

    Mukura VS , Sunrise FC , Marines FC na Espoir FC

    Shampiyona y'Icyiciro cya Mbere mu mupira w'amaguru yahagaritswe guhera ku wa 12 Ukuboza 2020, hashize icyumweru kimwe itangiye. Ni nyuma y'uko Minisiteri ya Siporo isanze hari amakipe yagaragayemo ubwandu bwa COVID-19 ndetse hakaba hatarakurikijwe amabwiriza yo kwirinda iki cyorezo.

    Source : http://umuryango.rw/imyidagaduro/imikino/article/rayon-sports-yashyizwe-mu-itsinda-rikomeye-mu-gushaka-igikombe-cya-shampiyona

  • Nyamasheke: Ababyeyi batewe impungenge n’ibyumba by’amashuri bimaze imyaka 40 byubatswe –

    Kuri iri shuri ribanza rya Gatebe hari ibyumba icyenda birimo bitandatu byubatswe n’ingabo z’u Rwanda (RDF) ku bufatanye bw’akarere hamwe n’umuganda w’abaturage mu mwaka wa 2017 ariko ibindi bitatu birashaje kuburyo ubona ko bishobora guteza impanuka.

    Aha niho bamwe mu babyeyi bahera bavuga ko ubuyobozi bw’akarere ka Nyamasheke bukwiye kwihutira kuvugurura iri shuri kuko rifite ibisenge bishaje n’ibikuta bishaje kuburyo bishobora guteza impanuka abana baryigiramo.

    Nzabura Simeon yagize ati “Ririya shuri rirashaje kuko ryubatswe muri mu 1982 urumva ko rikuze ariko twashima y’uko batwubakiye ariya atandatu ariko ririya naryo rikenewe kubakwa. Ntabwo rijyanye n’igihe tugezemo kuko imireko yaraguye, amabati arashaje, urumva ko uwarivugurura byafasha.”

    Nyiravuganeza Josephine yunzemo ati “ririya shuri rishaje naryizemo mu 1995, ubona rishaje kuburyo rikwiye kubakwa.”

    Umuyobozi w’ishuri rya Gatebe, Karimunda Emmanuel yavuze ko aya mashuri nabo abahangayikishije kuko ashaje ariko akemeza ko babigejeje ku buyobozi bw’akarere kandi ko bizeye ko azubakwa vuba.

    Ati “Araduhangayikishije nkuko mubibona, iyo umuntu akorera ahantu hatari heza ibyo akora nta musaruro bigira. Iyo imvura iguye abana baba bafite ikibazo bakeka ko anabagwira kandi anava ariko twatanze raporo ku buyobozi.”

    Umuyobozi w’akarere ka Nyamasheke, Mukamasabo Appolonie yavuze ko ibyo byumba bigomba kubakwa nubwo atagaragaza igihe.

    Ati“Icyo tugiye gukora nk’ubuyobozi ni uko tugiye kwihutira kuvugurura ririya shuri kugira ngo abana babashe kuyigiramo ariko by’umwihariko dufite na gahunda yo kuvugurura ibigo byose bishaje mu karere ka Nyamasheke. ”

    Muri uyu mwaka mu karere ka Nyamasheke hubatswe ibyumba by’amashuri 756 n’ubwiherero 1080. Harimo ibitaruzura neza ariko akarere kemeza ko ukwezi kwa kane kuzasiga yose yuzuye.

    Iri shuri rirashaje kuko ryubatswe mu mwaka wa 1982 akaba ariyo mpamvu bifuza ko ryavugururwa cyangwa hakubakwa irindi

    Ibyumba bitandatu bubakiwe na RDF nibyo byiza bihari bakifuza ko n’ibindi byamera nk’ibi

  • Onomo Hotel yashumbushije ba bageni baraye muri stade ku munsi w’ubukwe –

    Amakuru yizewe IGIHE yamenye ni uko abantu 57 barimo abageni, ababagaragiye ndetse n’abo mu miryango yabo ari bo bafashwe ku wa Mbere tariki ya 5 Mata 2021.

    Aba bose bafatiwe mu rugo rwa nyiri hotel Rain Bow bari mu muhango wo gusaba no gukwa. Igitekerezo cyo gukorera ibirori mu rugo cyafashwe nyuma y’uko hotel byagombaga kuberamo yafunzwe kubera kutubahiriza amabwiriza ya Covid-19.

    Nyuma yo gufatwa barenze ku mabwiriza ateganya ko ubukwe bwitabirwa n’abantu batarenze 20, ndetse ntihabe imihango yo kwiyakira, bajyanywe muri Stade ya Kicukiro kugira ngo bigishwe ku kwirinda COVID-19 ndetse buri muntu yaciwe amande.

    Iyi nkuru yakiriwe mu buryo butandukanye; mu bitekerezo uruhuri byanyujijwe ku mbuga nkoranyambaga benshi bagaragaje ko bitari bikwiye ko umugeni uri mu gatimba arazwa muri stade ariko abandi bagashimangira ko uwakosheje akwiye kubibazwa hatitawe ku wo ariwe.

    Umugeni wicajwe muri stade ari mu gatimba yakuruye impaka!

    Kuva mu ntangiriro z’iki Cyumweru, ubwo amafoto y’abageni yatangiraga gukwirakwizwa ku mbuga nkoranyambaga abantu bayakiriye bitandukanye.

    Hari uruhande rw’abagaragaje ko ibyakozwe na Polisi byari mu nshingano zayo kandi bigomba kubera isomo abantu barenga ku mabwiriza yo kwirinda Covid-19, kuko ‘Coronavirus itagirira impuhwe uwakoze ubukwe’.

    Aba ariko ntibabyumvise kimwe n’ababona ko ibyakozwe na Polisi yaraje abageni muri Stade ari amahano, ahubwo hari hakwiye gushakwa ubundi buryo bwo guhana abarenze ku mabwiriza batajyanywe muri stade.

    Uwitwa Rutarindwa yifashishije urukuta rwe rwa Twitter maze agira ati “Mwabonye amashusho ari gukwirakwira ku mbuga nkoranyamabaga y’abageni bari kwerekanwa nyuma bakajyanwa kuri stade bashinjwa kwica amabwiriza yo kwirinda Covid-19! Ese byari ngombwa? Umugeni mu gatimba muri Stade? Ku munsi wabo w’ubukwe?”

    Nkuranga Alphonse we yagize ati “Harya bene ibi bituma isomo ryumvwa cyangwa ni ukubumvisha gusa? Ese ubu iki cyemezo kiba cyahawe umugisha n’umuntu urenze umwe?”

    Uwitwa Karangwa Sewase yagize ati “Mu miterere y’abantu, twifitemo kwikunda gukabije. Ugeze aho barimo kongerera abantu umwuka kubera Covid-19 ubwo twaza kumenya neza ibyo twita iby’i #Rwanda. Utabusya abwita ubumera. Nibe n’urayemo buracya agataha. Urwaje uwe warembye, uwapfushije uwe, akarimi gasize umunyu ntiyakumva.”

    Abageni barajwe muri stade bashumbushijwe kurara muri hotel!

    Nyuma y’uko abakoresha imbuga nkoranyambaga bakomeje gutanga ibitekerezo bitandukanye ku nkuru y’abageni barajwe muri stade, bamwe batangiye gukusanya amafaranga nk’uburyo bwo kubashumbusha no kubafasha kwishyura ‘ukwezi kwa buki’.

    Uretse abo ariko, hari abantu batandukanye bakomeje kugaragaza ubushake bwo gufasha aba bageni mu rwego rwo kubahumuriza nka Onomo Hotel Kigali yemeye gushumbusha aba bageni, ijoro baraye muri stade bakarirara muri hotel.

    Umuyobozi wa Onomo Hotel Kigali, Emile Nizey, yabwiye IGIHE ko n’ubwo batemeranya n’ibyo abageni bakoze kuko barenze ku mabwiriza yashyizweho mu kwirinda ikwirakwira rya Covid-19, ariko bazirikanye ibyishimo bagombaga kugira ku munsi wa mbere w’ubukwe bwabo.

    Yagize ati “Ibyo twakoze ntabwo ari uko twemeranya na bo mu byo bakoze, barenze ku mabwiriza barabihanirwa, ibyo byo ntacyo twabirenzaho. Gusa n’ubwo abantu bamwe byabababaje ko ari abageni babihaniwe ariko ntibibuza ko bakoze ikosa. Kuba Polisi yarabahannye nta kibi yakoze, yakoze ibiri mu nshingano zayo.”

    Yakomeje agira ati “Twebwe nka hotel ubundi yishimira gushimisha abantu, nyine twabonye ko babihaniwe ni byo ariko twibuka ko bari bafite ijoro nakwita iry’umunezero kuko ni ubuzima bushya bari batangiye […] Twabonye abantu kuri Twitter babisaba turavuga tuti twabashumbusha ijoro bivukije, bakaza bakarara muri hotel kandi bakishima bakumva ko batangiye urugo rwabo neza.”

    Emile Nizey kandi yasabye abantu kubahiriza amabwiriza yashyizweho mu kwirinda icyorezo cya Covid-19 kuko yashyizweho n’inzego zibishinzwe ndetse mu nyungu rusange z’abaturage.

    Iyi hoteli y’inyenyeri eshatu iherereye mu Mujyi wa Kigali rwagati ahazwi nko kuri Sopetrad, ifite ibyumva birenga 109 byo kuruhukiramo. Inyubako zayo zitatswe Kinyarwanda n’ibiseke, imigongo n’ibindi bishushanyo by’ubugeni bikoreshejwe amase avanze n’ibyondo biri mu mabara atandukanye mu buryo bunogeye ijisho ry’ubireba.

    Mu bakozwe ku mutima n’aba bageni harimo abakobwa bagize itsinda rya Mackenzies rihagarariwe na Miss Nishimwe Naomie wabaye Nyampinga w’u Rwanda 2020.

    Iri tsinda rigizwe n’abakobwa batatu ryemeye ko binyuze mu iduka ryabo ricuruza imyenda mu cyo bise ‘Zöi Design’ bazafasha uriya muryango mushya bakawuha imyambaro.

    Mu butumwa umwe mu bayihagarariye yanyujije kuri Twitter yagize ati “Zöi yifuza kubaha imyambaro bahisemo. Bahawe ikaze igihe icyo aricyo cyose.”

    Usibye aba hari n’abandi bishyize hamwe mu gukusanya inkunga yo gufasha aba bageni binyuze kuri SavePlus, ahamaze gukusanywa asaga ibihumbi 300 Frw mu gihe intego bihaye ari ukugeza kuri miliyoni 1.5 Frw.

    Izindi nkuru wasoma:

    -  Inkuru y’urugendo rwagejeje ba bageni ku gushyirwa muri stade

    -  Covid-19: Uburakari nyuma y’umugeni washyizwe muri stade; dukome urusyo n’ingasire

    Onomo Hotel yashumbushije abageni baraye muri stade ku munsi w’ubukwe, ibemerera kuyiraramo ijoro ryose

  • For Arsenal and Manchester, Europa League is all or nothing #rwanda #RwOT

    Source : http://umuryango.rw/inkuru-z-amamaza/article/for-arsenal-and-manchester-europa-league-is-all-or-nothing

  • Kuri iyi taliki mu 1993 hasinywe amasezerano ya Arusha aza gukurikirwa na Jenoside Yakorewe Abatutsi #rwanda #RwOT

    Ingingo ya mbere y'aya masezerano yasinyiwe i Arusha,yagiraga iti: “Harangijwe intambara hagati ya guverinoma ya repubulika y'u Rwanda na Front Patriotique Rwandais (FPR)”.Gusa ibyo impande zombi zari zemeje ntabwo ari byo byabaye.

    Aya masezerano akaba yari yarabanjirijwe n'ibindi biganiro ndetse n'aandi masezerano menshi hagati y'ubutegetsi bwari ubwa Juvénal Habyarimana n'abahoze ari inyeshyamba za FPR- Inkotanyi.

    FPR-Inkotanyi yari yarateye u Rwanda iharanira itahuka ry'impunzi z'abanyarwanda, Nk'imwe mu mpamvu nyamukuru ya FPR-Inkotanyi yari yaratumye itera u Rwanda kwari uguharanira itahuka ry'impunzi z'abanyarwanda.

    Inama y'i Mwanza muri Tanzania yo kuwa 17/1990, inama y'i Goma muri Zaïre yo kuwa 20/11/1990, inama yo muri Zanzibar tariki 17/11/1991 zose zari zigamije guhuza impande zombi nyuma y'uko intambara itangiye kuya 01/10/1990.

    Hasinywe amasezerano yo guhagarika intambara (Cessez-le-feu) y'i N'sele muri Zaïre kuwa 29/03/1991, ay'i Gbadolite muri Zaïre yo kuwa 16/09/1991, ay'i Arusha ya tariki à Arusha 12/07/1992 n'ayandi.

    Aya masezerano yose yari agamije guhuza ubutegetsi bw'u Rwanda n'umutwe wa FPR-Inkotanyi ngo bahagarike intambara.

    Gusa intambara ntiyahagaze kuko yagendaga iba hato na hato mu bice by'amajyaruguru y'u Rwanda aho ingabo za FPR-Inkotanyi zari zarateye ziturutse.Ibihumbi by'abantu bavuye mu byabo.

    Amasezerano akomeye yo akaba yarasinywe kuwa gatatu tariki 04/08/1993 i Arusha ari naho hari hamaze igihe habera inama zihuza impande zombi.

    Yavugaga iki?

    Ingingo ya gatatu y'aya masezerano ikaba yaravugaga ko impande zombi zemeranyije ko Itegeko nshinga ry'u Rwanda ryo mu 1991 hamwe n'aya masezerano aribyo bigize Itegeko rikuru rigenga igihugu mu gihe cy'inzibacyuho kizamara amezi 22, nyuma hakaba amatora rusange.

    Ingingo ya gatandatu yo ikaba yararebaga igabana ry'ubutegetsi, yemeje ko Bwana Faustin Twagiramungu aba minisitiri w'intebe mu nzibacyuho.

    Ko muri minisiteri 21 zigize guverinoma, ishyaka ryari ku butegetsi MRND rihabwa minisiteri eshanu, FPR igahabwa eshanu, ishyaka ritavuga rumwe na Leta rikomeye MDR rigahabwa enye na minisiteri y'intebe, andi mashyaka agabanywa minisiteri zisigaye.

    Aya masezerano yagombaga gushyirwa mu bikorwa bitarenze iminsi 37 nk'uko ingingo ya karindwi yayo yabiteganyaga.

    Ingingo ya gatanu yavugaga ko impande zombi ziyemeje gukora ibishoboka byose aya masezerano agashyirwa mu bikorwa, kandi zigaharanira ubumwe n'ubwiyunge bw'abanyarwanda.

    Ku itariki 05/10/1993 inama ishinzwe umutekano ku isi mu muryango w'abibumbye yatoye umwanzuro 872 wemeje ishyirwaho z'ingabo ziyobowe na Jacques-Roger Booh-Booh ziswe MINUAR, hanyuma zihabwa ubutumwa bwo guhagarikira ishyirwa mu bikorwa ry'aya masezerano.

    Mu 1992, Perezida Habyarimana we icyo gihe akaba yari yaratangaje ko amasezerano ari gutegurwa i Arusha ko ari impapuro gusa, nk'uko byavuzwe na André Guichaoua umuhanga muri 'sociologie' wakurikiraga iby'akarere k'ibiyaga bigari.

    Mu ishyirwa mu bikorwa ryayo, tariki 28/12/1993 FPR ikaba yarohereje abasirikare 600 i Kigali ku ngoro yitwaga iya CND (ubu yabaye ingoro y'inteko) baje kurinda abanyapoliki bayo nk'uko byateganywaga n'ayo masezerano.

    Abakurikirana ibya politiki bavuga ko Perezida Habyarimana atari yishimiye aya masezerano kuko yamburaga ububasha bunyuranye ibiro bye akabuha guverinoma y'inzibacyuho.

    Aya masezerano ntiyigeze ashyirwa mu ngiro mu gihe cyari giteganyijwe, impande zombi zatunganye urutoki zishinjanya kubangamira iyubahirizwa ryayo.

    Tariki 06/04/1994 indege yari itwaye Perezida Habyarimana na Cyprien Ntaryamira n'abandi, yaje guhanurwa n'igisasu iri kururuka ku kibuga cy'indege cy'i Kanombe i Kigali Perezida Habyarimana n'abo barikumwe barapfa.

    Ihanurwa ry'iyi ndege ya Habyarimana kugeza n'ubu ntirivugwaho rumwe n'uruhande rwari rushyigikiye ubutegetsi bwe n'uruhande rwa FPR rwamurwanyaga.

    Intambara hagati ya FPR Inkotanyi n'ubutegetsi bw'u Rwanda yahise isubukuewa byeruye, ariko hahita hanatangira gukorwa Jenoside ikorerwa Abatutsi.

    Amasezerano ya Arusha yari amaze amezi 10 asinywe ahera mu mpapuro nkuko Habyarimana yari yabivuze. Bimwe mu bikubiye muri aya masezerano bikaba byaraje gukurikizwa nyuma y'uko FPR-Inkotanyi ifashe ubutegetsi.Aya masezerano akaba yari yashyizweho umukono imbere y'abagabo.

    Inkuru ya BBC

    Source : http://umuryango.rw/amakuru/mu-rwanda/article/mu-1993-hasinywe-amasezerano-ya-arusha-aza-gukurikirwa-na-jenoside-yakorewe

  • Inkuru y’urugendo rwagejeje ba bageni ku gushyirwa muri stade –

    Uwo muturage ngo yabajije umupolisi niba ubukwe bwemewe, asobanura ko amakuru afite ari uko hari hotel yitwa Rainbow yo ku Kicukiro mu Mujyi wa Kigali yakiriye amafaranga yo kuzafasha abo bageni mu birori byabo, gusa igihe kigera ifunze kubera kutubahiriza amabwiriza yo kwirinda Covid-19.

    Bivugwa ko uwo muturage bishoboka ko ari umuntu uzi neza imiryango yari yakoresheje ubukwe, yakomeje atanga amakuru ko nubwo iyo hotel ifunze, nyirayo yemeye kuzabashakira ahandi ho kwiyakirira, kandi ko azanabafasha n’umubare w’abantu ukiyongera.

    Ngo muri ubwo bwumvikane, nyiri iyo hotel yahise ashyiraho umuntu uzarangira abantu baturutse mu ntara aho ibirori bizabera kuko abenshi batari bahazi. Ibyo byose ngo yabikoraga agamije kudasubiza amafaranga yari yarahawe na bene ibirori.

    Amakuru IGIHE yabonye ni uko Polisi yahise itangira gukurikirana, iza kubona nimero y’umuntu uri gushyira ku murongo ibyo birori, abajijwe avuga ko nta biri gutegurwa ndetse aburirwa ko mu gihe hagira ibirori biba, abazaba babiteguye bazahanwa.

    Umuturage wari uhari ubwo aba bageni bafatwaga, yabwiye IGIHE ko ku wa Mbere tariki ya 5 Mata ahagana saa Tatu z’igitondo, abantu batangiye kugera ku nyubako ya nyiri Rainbow Hotel, polisi irabimenya ihita ijyayo. Mu kugerayo, ngo yasanze abantu 57 bari muri uwo muhango mu rugo.

    Uwahaye amakuru IGIHE yavuze ko umugeni ariwe wari watsimbaraye avuga ko ubukwe bwe bugomba gutaha neza nta nkomyi. Ati “Umugeni we yashakaga ibirori, yaravugaga ngo bigomba kuba rwose.”

    Hari amakuru avuga ko mu nama y’ubukwe, hari haganiriwemo uburyo ubukwe buzaba, bemeza ko abantu 70 bazitabira ndetse ngo abakuru mu miryango bagerageje gukomakoma, umugeni abumvisha ko nta kibazo kizabaho.

    Bamwe bikingiranye mu cyumba

    Bivugwa ko ubwo Polisi yageraga muri urwo rugo, nyirarwo yikingiranye mu cyumba ari kumwe n’abakecuru babiri barimo umwe urwaye umutima. Abandi bikingirana mu bwiherero no mu zindi nzu zari aho.

    Uwahaye amakuru IGIHE yavuze ko abana n’abakozi babeshye, bakanga kuvuga aho nyir’urugo ari, ndetse umugore we wari i Musanze akavuga ko umugabo ari muri Leta Zunze Ubumwe za Amerika.

    Icyo gihe ngo Polisi yatwaye abantu yari yafashe ariko bamwe banga kugenda bavuga ko hari abakecuru babiri basigaye barimo n’urwaye.

    Bivugwa ko byabaye ngombwa ko Polisi yasubiye inyuma ishakisha inzu yose irababura, hasigara icyumba kimwe cyari gikinze ari nacyo cy’umuryango. Umugore wo muri urwo rugo ngo yarahamagawe kuri telefoni avuga ko ariwe wagikinze atwara urufunguzo i Musanze.

    Polisi yatangiye gushaka uko yakwinjira muri icyo cyumba kuko amajwi y’abatabarizaga abo bakecuru yari akomeje kuba menshi. Aho bari mu cyumba ngo bahise bibwiriza barafungura bumvise ko Polisi igiye kwica urugi, mu gusaka haza no kugaragaramo na nyir’urugo ari nawe nyiri Rainbow Hotel.

    CP Kabera ati “Ikibazo si Polisi”

    Nyuma y’aho aba bageni bafashwe bakajyanwa muri Stade umukobwa acyambaye agatimba, ibitutsi byabaye byinshi kuri Polisi y’Igihugu, abantu bayishinja kutagira ubumuntu, ko icyo yakoze ari ugukoza isoni abageni aho kubafasha guhinduka.

    Umuvugizi wa Polisi y’u Rwanda, CP John Bosco Kabera, yabwiye IGIHE ko aba bantu bakoze amakosa babizi nkana, ndetse ko bari baburiwe ariko bakabirengaho. Yasabye abantu kwirinda kugira Polisi ikibazo.

    Ati “Ubutumwa twabaha ni uko bareba aho ikibazo kiri, ikibazo si Polisi, si amabwiriza, ni abantu batumva, bigishijwe igihe kirekire, ingamba zikoroshywa ariko bo bagakomeza bakagaragara barenze ku mabwiriza. Bishaka gushyira ikibazo aho kitari.”

    Kamwe mu duce abari bitabiriye ibirori baturutsemo kashyizwe muri Guma mu Rugo

    Mu bari bitabiriye ibi birori, harimo abantu benshi bari baturutse mu Karere ka Nyaruguru kamwe mu dukomeje kwibasirwa cyane n’icyorezo cya Covid-19.

    Kugeza ubu, i Nyaruguru hamaze kwandura abantu 366 ndetse ubwiyongere bw’icyorezo buri gukaza umurego muri iyi minsi kurusha uko byari bimeze. Kuri uyu wa Mbere kabonetsemo abantu icyenda banduye, basanga 18 bari babonetse ku Cyumweru mu gihe ku wa Gatandatu bari umunani naho ku wa Gatanu ari 24.

    Ubu bwiyongere bw’ubwandu bwatumye kuri uyu wa Kabiri, Minisiteri y’Ubutegetsi bw’Igihugu ishyira muri gahunda ya Guma mu Rugo Umurenge wa Ruramba wo muri ako Karere.

    Abageni bagiye kugobokwa

    Ibyabaye kuri aba bageni byakoze ku mutima abantu benshi, biyemeza kubafata mugongo mu gahinda bagize maze batangira gukusanya inkunga yo kubatwerera kugira ngo bazabone uko bakora ukwezi kwa buki kwabibagiza ibitaragenze neza.

    Ku rubuga rwa Save Plus hatangiye gukusanyirizwaho amafaranga yo kubafasha, aho intego abarutangije bihaye ari ugukusanya miliyoni 1,5 Frw. Mu masaha ane gusa, hamaze gukusanywa asaga ibihumbi 300 Frw.

    Ku rundi ruhande, Onomo Hotel yemeye kuzabacumbikira ijoro ryose, maze umuhanzi DJ Pius mu gushima iki gikorwa avuga ko yiteguye kumara icyumweru muri iyi Hotel ari kumwe na Producer we MadeBeats bari gukora EP bazita “Muri Stade”.

    Ikindi kandi inzu ihanga imideli ya Zoï nayo yiyemeje kuzabaha imyambaro bashaka nta kiguzi.

    Magingo aya, nyiri Rainbow Hotel wakiriye aba bantu arafunzwe, dore ko ari isubiracyaha akoze mu kurenga ku mabwiriza yo kwirinda Covid-19.

    Aba bageni batangiye gufashwa ku buryo bazagira ukwezi kwa buki kwiza

    Aba bageni bajyanywe muri stade nyuma yo kurenga ku mabwiriza yo kwirinda Covid-19; bivugwa ko umugeni ariwe watsimbaraye ku bukwe

  • Inkuru y'urugendo rwagejeje ba bageni ku gushyirwa muri stade – #rwanda #RwOT

    Uwo muturage ngo yabajije umupolisi niba ubukwe bwemewe, asobanura ko amakuru afite ari uko hari hotel yitwa Rainbow yo ku Kicukiro mu Mujyi wa Kigali yakiriye amafaranga yo kuzafasha abo bageni mu birori byabo, gusa igihe kigera ifunze kubera kutubahiriza amabwiriza yo kwirinda Covid-19.

    Bivugwa ko uwo muturage bishoboka ko ari umuntu uzi neza imiryango yari yakoresheje ubukwe, yakomeje atanga amakuru ko nubwo iyo hotel ifunze, nyirayo yemeye kuzabashakira ahandi ho kwiyakirira, kandi ko azanabafasha n'umubare w'abantu ukiyongera.

    Ngo muri ubwo bwumvikane, nyiri iyo hotel yahise ashyiraho umuntu uzarangira abantu baturutse mu ntara aho ibirori bizabera kuko abenshi batari bahazi. Ibyo byose ngo yabikoraga agamije kudasubiza amafaranga yari yarahawe na bene ibirori.

    Amakuru IGIHE yabonye ni uko Polisi yahise itangira gukurikirana, iza kubona nimero y'umuntu uri gushyira ku murongo ibyo birori, abajijwe avuga ko nta biri gutegurwa ndetse aburirwa ko mu gihe hagira ibirori biba, abazaba babiteguye bazahanwa.

    Umuturage wari uhari ubwo aba bageni bafatwaga, yabwiye IGIHE ko ku wa Mbere tariki ya 5 Mata ahagana saa Tatu z'igitondo, abantu batangiye kugera ku nyubako ya nyiri Rainbow Hotel, polisi irabimenya ihita ijyayo. Mu kugerayo, ngo yasanze abantu 57 bari muri uwo muhango mu rugo.

    Uwahaye amakuru IGIHE yavuze ko umugeni ariwe wari watsimbaraye avuga ko ubukwe bwe bugomba gutaha neza nta nkomyi. Ati 'Umugeni we yashakaga ibirori, yaravugaga ngo bigomba kuba rwose.'

    Hari amakuru avuga ko mu nama y'ubukwe, hari haganiriwemo uburyo ubukwe buzaba, bemeza ko abantu 70 bazitabira ndetse ngo abakuru mu miryango bagerageje gukomakoma, umugeni abumvisha ko nta kibazo kizabaho.

    Bamwe bikingiranye mu cyumba

    Bivugwa ko ubwo Polisi yageraga muri urwo rugo, nyirarwo yikingiranye mu cyumba ari kumwe n'abakecuru babiri barimo umwe urwaye umutima. Abandi bikingirana mu bwiherero no mu zindi nzu zari aho.

    Uwahaye amakuru IGIHE yavuze ko abana n'abakozi babeshye, bakanga kuvuga aho nyir'urugo ari, ndetse umugore we wari i Musanze akavuga ko umugabo ari muri Leta Zunze Ubumwe za Amerika.

    Icyo gihe ngo Polisi yatwaye abantu yari yafashe ariko bamwe banga kugenda bavuga ko hari abakecuru babiri basigaye barimo n'urwaye.

    Bivugwa ko byabaye ngombwa ko Polisi yasubiye inyuma ishakisha inzu yose irababura, hasigara icyumba kimwe cyari gikinze ari nacyo cy'umuryango. Umugore wo muri urwo rugo ngo yarahamagawe kuri telefoni avuga ko ariwe wagikinze atwara urufunguzo i Musanze.

    Polisi yatangiye gushaka uko yakwinjira muri icyo cyumba kuko amajwi y'abatabarizaga abo bakecuru yari akomeje kuba menshi. Aho bari mu cyumba ngo bahise bibwiriza barafungura bumvise ko Polisi igiye kwica urugi, mu gusaka haza no kugaragaramo na nyir'urugo ari nawe nyiri Rainbow Hotel.

    CP Kabera ati 'Ikibazo si Polisi'

    Nyuma y'aho aba bageni bafashwe bakajyanwa muri Stade umukobwa acyambaye agatimba, ibitutsi byabaye byinshi kuri Polisi y'Igihugu, abantu bayishinja kutagira ubumuntu, ko icyo yakoze ari ugukoza isoni abageni aho kubafasha guhinduka.

    Umuvugizi wa Polisi y'u Rwanda, CP John Bosco Kabera, yabwiye IGIHE ko aba bantu bakoze amakosa babizi nkana, ndetse ko bari baburiwe ariko bakabirengaho. Yasabye abantu kwirinda kugira Polisi ikibazo.

    Ati 'Ubutumwa twabaha ni uko bareba aho ikibazo kiri, ikibazo si Polisi, si amabwiriza, ni abantu batumva, bigishijwe igihe kirekire, ingamba zikoroshywa ariko bo bagakomeza bakagaragara barenze ku mabwiriza. Bishaka gushyira ikibazo aho kitari.'

    Kamwe mu duce abari bitabiriye ibirori baturutsemo kashyizwe muri Guma mu Rugo

    Mu bari bitabiriye ibi birori, harimo abantu benshi bari baturutse mu Karere ka Nyaruguru kamwe mu dukomeje kwibasirwa cyane n'icyorezo cya Covid-19.

    Kugeza ubu, i Nyaruguru hamaze kwandura abantu 366 ndetse ubwiyongere bw'icyorezo buri gukaza umurego muri iyi minsi kurusha uko byari bimeze. Kuri uyu wa Mbere kabonetsemo abantu icyenda banduye, basanga 18 bari babonetse ku Cyumweru mu gihe ku wa Gatandatu bari umunani naho ku wa Gatanu ari 24.

    Ubu bwiyongere bw'ubwandu bwatumye kuri uyu wa Kabiri, Minisiteri y'Ubutegetsi bw'Igihugu ishyira muri gahunda ya Guma mu Rugo Umurenge wa Ruramba wo muri ako Karere.

    Abageni bagiye kugobokwa

    Ibyabaye kuri aba bageni byakoze ku mutima abantu benshi, biyemeza kubafata mugongo mu gahinda bagize maze batangira gukusanya inkunga yo kubatwerera kugira ngo bazabone uko bakora ukwezi kwa buki kwabibagiza ibitaragenze neza.

    Ku rubuga rwa Save Plus hatangiye gukusanyirizwaho amafaranga yo kubafasha, aho intego abarutangije bihaye ari ugukusanya miliyoni 1,5 Frw. Mu masaha ane gusa, hamaze gukusanywa asaga ibihumbi 300 Frw.

    Ku rundi ruhande, Onomo Hotel yemeye kuzabacumbikira ijoro ryose, maze umuhanzi DJ Pius mu gushima iki gikorwa avuga ko yiteguye kumara icyumweru muri iyi Hotel ari kumwe na Producer we MadeBeats bari gukora EP bazita 'Muri Stade'.

    Ikindi kandi inzu ihanga imideli ya Zoï nayo yiyemeje kuzabaha imyambaro bashaka nta kiguzi.

    Magingo aya, nyiri Rainbow Hotel wakiriye aba bantu arafunzwe, dore ko ari isubiracyaha akoze mu kurenga ku mabwiriza yo kwirinda Covid-19.

    @LucyMbabazi please DM us. @ONOMOKIGALI is willing to treat them to a night worthy of the occasion. Thank you

    — ONOMO Hotel Kigali (@ONOMOKIGALI) April 6, 2021

    @ONOMOKIGALI Am booking a week's stay for myself and my producer @madebeats_ just to show appreciation. ✊🏾@ONOMOKIGALI 🙌🏾

    Maybe we should make an EP in the hotel and name it ” Muri Stade 🏟 ” 😀. https://t.co/qPDE1zEnLe

    — DJ Pius (@DeejayPius) April 6, 2021

    Aba bageni batangiye gufashwa ku buryo bazagira ukwezi kwa buki kwiza

    Aba bageni bajyanywe muri stade nyuma yo kurenga ku mabwiriza yo kwirinda Covid-19; bivugwa ko umugeni ariwe watsimbaraye ku bukwe

    Source : http://igihe.com/amakuru/u-rwanda/article/inkuru-y-urugendo-rwagejeje-ba-bageni-ku-gushyirwa-muri-stade

  • Inama yahuje abanyamuryango ba FERWAFA bemeje uko amakipe azahura ubwo shampiyona y'u Rwanda 2020-2021 izaba isubukuwe muri Gicurasi 2021, ndetse hamejwe uko amakipe azakina #rwanda #RwOT

    Mu nama yateranye kuri uyu wa Kabiri tariki ya 6 Mata 2021 igahuza abanyamuryango bo mu cyiciro cya mbere b'ishyirahamwe ry'umupira w'amaguru mu Rwanda FERWAFA igamije kurebera hamwe uko shampiyona yasubukurwa, yarangiye yemeje ko shampiyona y'u Rwanda 2020-2021 izakinwa mu matsinda ane (4) agizwe n'amakipe ane muri buri tsinda.

    Muri iyi nama akaba ari naho banzuriye ko yi shampiyona izatangira tariki ya 01 Gicurasi maze irangire tariki ya 29 Kamena 2021, ni imikino izakinwa mu buryo hazabaho umukino ubanza n'uwo kwishyura, hanyuma ikipe ebyiri za mbere zizahita zijya muri ¼ cy'irangiza.

    Hemejwe ko imikino ya ¼ na ½ hazakinwa umukino umwe, ikipe itsinzwe ihite ivamo indi igakomeza mu kiciro gikuriyeho, ni mugihe kandi amakipe atazagera muri ¼ cy'irangiza, azahura hagati yayo maze hishakemo abiri azamanuka mu cyiciro cya kabiri.

    Banzuye kandi ko ikipe izatwara igikombe cya shampiyona cy'umwaka w'imikino wa 2020-2021 izahita ihagararira u Rwanda muri CAF Champions League mu gihe iya kabiri izahita yerekeza muri CAF Confederation Cup.

    Uko amatsinda ahagaze:

    Itsinda rya Mbere: APR FC, BUGESERA FC, AS MUHANGA na GOLLIRA FC.
    Itsinda rya Kabiri: RAYON SPORTS FC, KIYOVU SPORT, GASOGI UNITED na RUTSIRO FC
    Itsinda rya Gatatu: POLICE FC, AS KIGALI FC, MUSANZE FC na ETINCELES FC.
    Itsinda rya Kane: MUKURA VS, SUNRISE FC, MARINES FC na ESPOIR FC

    The post Inama yahuje abanyamuryango ba FERWAFA bemeje uko amakipe azahura ubwo shampiyona y'u Rwanda 2020-2021 izaba isubukuwe muri Gicurasi 2021, ndetse hamejwe uko amakipe azakina appeared first on RUSHYASHYA.

    Source : https://rushyashya.net/inama-yahuje-abanyamuryango-ba-ferwafa-bemeje-uko-amakipe-azahura-ubwo-shampiyona-yu-rwanda-2020-2021-izaba-isubukuwe-muri-gicurasi-2021-ndetse-hamejwe-ko-amakipe-azakina/

  • Nyaruguru: Ikibazo cy'ishwagara bemerewe na Perezida Kagame cyongeye kugaragarizwa inzego – #rwanda #RwOT

    Icyo kibazo bakigaragaje kuri uyu wa Mbere tariki ya 5 Mata 2021 ubwo abo mu mirenge ikora ku ishyamba rya Nyungwe ya Ruheru, Nyabimata, Muganza na Kivu bari basuwe na Minisitiri w'Ubutegetsi bw'Igihugu, Gatabazi Jean Marie Vianney.

    Rurangwa Jéremie wo mu Murenge wa Ruheru yavuze ko ubutaka bwabo busharira ku buryo iyo hadahinzwe hakoreshejwe ishwagara, batabasha kweza.

    Ati 'Twifuza ko ishwagara yajya itugeraho mu buryo bwa 'nkunganire' kandi ikaza ari nyinshi kuko hasanzwe haza nkeya ihenze.'

    Kuri icyo kibazo, ubuyobozi bwasobanuriye Minisitiri Gatabazi ko ishwagara iri muri 'nkunganire' ariko ikibazo gikomeye ari uko igera mu Karere ka Nyaruguru ihenze.

    Sibomana Saidi, umwe mu bagize itsinda ryashyizweho ku rwego rw'igihugu rishinzwe gufasha abaturage baturiye imipaka kubona ibikorwa remezo bakeneye, yavuze ko icyo kibazo cy'ishwagara kiri mu byo bamaze kubona ko kibangamye mu Karere ka Nyaruguru

    Ati 'Ishwagara iri muri 'nkunganire' ariko ikibazo kirimo gikomeye ni uko igera hano ihenze kubera ikiguzi cy'urugendo rwa hano ndetse n'imihanda itameze neza. Kuko inyinshi bayivana i Rusizi indi bakayivana i Musanze, ijya kugera hano ihanze cyane.'

    Hasobanuwe ko kubera urwo rugenda byatumye kuri ubu ishwagara igera ku muturage igura 60 Frw cyangwa ikaba yagera no kuri 65 Frw ku kilo kimwe.

    Ikindi cyavuzwe ni uko uburyo ishwagara izanwamo busa n'ubudasobanutse kuko hatabanza kurebwa umubare w'abayikeneye, bigatuma haza nkeya idakwiye abahinzi.

    Minisitiri Gatabazi yijeje abahinzi ko icyo kibazo cy'ishwagara agiye kugikurikirana ku buryo gikemuka vuba kandi yabiganiriyeho n'izindi nzego basanga byaba byiza ishyizwe muri 'Smart Nkunganire'.

    Ati 'Basobanuye neza icyo bifuza, bifuza ko ishwagara yashyirwa muri 'Smart Nkunganire' noneho abayishaka bakajya bayisaba bunganiwe na Leta kandi na Leta nayo irabyemera ko ishwagara yaza abaturage bakajya bishyura 50% na Leta ikabishyurira 50%.'

    'Turavugana na Minisitiri ubishinzwe na RAB kugira ngo byinjire muri Smart Nkunganire ikibazo bari bafite kibe kirakemutse, izajye iza bayitumijeho kuko hari abayifuza hakaze nkeya kandi abayifuza ari benshi. Turabikurikirana kandi igisubizo kizaboneka vuba.'

    Smart Nkunganire ni uburyo bwo gukoresha ikoranabuhanga kugira ngo umuhinzi yunganirwe na Leta. Icyo gihe umuhinzi akoresha telefone ye anyuze kuri *774# noneho akagaragaza ingano y'imbuto n'inyongeramusaruro azakenera.

    Ibyo bikorwa mbere ya buri gihembwe cy'ihinga ku buryo abiyandikishije bose babasha kubona imbuto n'inyongeramusaruro basabye bunganiwe. Bisobanuye ko n'ishwagara iramutse ishyizwe muri Smart Nkunganire ikibazo cyayo cyaba gikemutse.

    Abahinzi bagaragaje ko no guhinga ku materasi y'indinganire byatumye umusaruro wiyongera, bifuza ko n'aho ataragera n'aho yakorwa kugira ngo bakomeza kwihaza mu biribwa no gusagurira amasoko.

    Abayobozi b’inzego z’ibanze mu Karere ka Nyaruguru mu biganiro na Minisitiri Gatabazi

    Minisitiri Gatabazi yijeje abahinzi ko icyo kibazo cy'ishwagara agiye kugikurikirana ku buryo gikemuka vuba

    Rurangwa Jéremie wo mu Murenge wa Ruheru yagaragaje ko ishwagara bemerewe n’Umukuru w’Igihugu itabageraho uko bikwiye

    [email protected]

    Source : http://igihe.com/amakuru/u-rwanda/article/nyaruguru-ikibazo-cy-ishwagara-bemerewe-na-perezida-kagame-cyongeye

  • Abasenga musengere imirenge yo mu ntara y'Amajyepfo yashyizwe muri Guma mu rugo y'ibyumweru bitatu. #rwanda #RwOT

    Kuri uyu wa Kabiri tariki ya 06 Mata 2021, hari Imirenge itandatu yo mu Turere twa Gisagara, Nyaruguru na Huye twose two mu Ntara y'Amajyepfo, yashyizwe muri gahunda ya guma mu rugo kubera umubare munini w'abakomeje gusanganwa ubwandu bwa COVID-19.

    Ngiri itangazo ribigaragaza:

    Source : https://impanuro.rw/2021/04/06/abasenga-musengere-imirenge-yo-mu-ntara-yamajyepfo-yashyizwe-muri-guma-mu-rugo-yibyumweru-bitatu/