Webrwanda Backend

Blog

  • Dr Habumuremyi yatakambiye urukiko, arusaba gusubikirwa igihano – #rwanda #RwOT

    Dr Habumuremyi wakoresheje amasaha agera kuri ane yisobanura mu Rukiko Rukuru rwa Nyarugenge yagaragaje impamvu z'ubujurire bwe. Yavuze ko Urukiko rw'Ibanze rwa Nyarugenge rwamuburanishije rukamuhamya ibyaha kandi rudafite ububasha ndetse akaba yarahawe igihano kidateganywa n'itegeko.

    Icyaha cyatumye Dr Habumuremyi ajurira ni ugutanga sheki zitazigamiye ku bantu batandukanye mu nyungu z'ishuri rikuru rya Christian University of Rwanda yashinze. Uyu wigeze kuba Minisitiri w'Intebe mu Ugushyingo 2020 yakatiwe igifungo cy'imyaka itatu n'ihazabu ya 892.200.000 Frw.

    Yavuze ko gutanga sheki zitazigamye atari agamije gukora icyaha nk'uko Ubushinjacyaha bubivuga ahubwo ko yabikoze mu rwego rwo gutanga icyizere ku bazihawe ko bazishyurwa cyane ko n'itegeko rirebana n'impapuro mvunjwafaranga ryemera ko sheki nayo ikubiye muri zo.

    Yagaragaje ko Urukiko rw'Ibanze rwa Nyarugenge rwaciye urubanza rudafite ububasha, ahamywa igikorwa kidafatwa nk'icyaha, ahabwa igihano kidateganywa n'itegeko mu gihe hari ibimenyetso yatanze bikirengagizwa birimo uko hakozwe amasezerano.

    Dr Habumuremyi yagaragaje ko izo sheki zitasobanuraga uko ashaka kubariganya yifashishije ingero z'amasezerano Kaminuza ya CHUR yagiye igirana n'abantu batandukanye.

    Amasezerano ya mbere agaragaza ko Christian University of Rwanda ifite umwenda na Kazungu wawutanze. Mu gika cya gatatu cyayo hagaragaza ko ayo mafaranga azishyurwa mu byiciro bine bitandukanye.

    Urundi rugero yifashishije ni amasezerano hagati CHUR na Ngabonziza Jean Bosco agaragaza ko Christian University of Rwanda ifite umwenda kandi mu gika cya gatatu muri ayo masezerano agaragaza ko amararanga azishyurwa mu byiciro bitatu, ndetse akagaragaza ko natubahirizwa, atazifashishwa n'inkiko mu gihe cy'urubanza.

    Yasabye urukiko kubaza abasinye ayo masezerano niba bayemera cyangwa batayemera, bagaragara ko aribo bayashyizeho umukono bakagaragaza niba barashyizweho iterabwoba ngo bayasinye.

    Dr Habumuremyi yavuze ko itegeko ryerekeye inyandiko zishobora gucuruzwa harimo na sheki kandi nawe yayitanze agendeye kuri ibyo ko nta kibi yari agamije.

    Yavuze ko atakoze icyaha mu gutanga sheki itazigamiye ahubwo ko yatangaga ubwishingizi ndetse n'icyizere ko abazihawe azabishyura kandi agaragaza ko niba koko ari icyaha yakoze, yagombaga kuburanira mu rukiko rw'Ubucuruzi aho kuba urw'Ibanze rwa Nyarugenge.

    Ikindi kibishimangira ni uko abo yahaye sheki bagiye bishyurwa na Christian University of Rwanda mu byiciro, kandi amafaranga yabo bayahawe mbere y'itariki yanditswe muri sheki kandi yagaragaje ko muri miliyoni 155 Frw yagombaga kwishyura hari hasigaye miliyoni 25 Frw.

    Yasabye urukiko gukosora inenge ku cyaha cyo gutanga sheki itazigamiye kuko nta mugambi cyangwa ubushake yigeze agira bwo gukora icyaha, asaba ko yagihanagurwaho.

    Dr Habumuremyi yongeye gusaba umucamanza guca inkoni izamba agahanwa hashingiwe ku mategeko. Yifashishije ingingo zitandukanye z'amategeko yabwiye urukiko ko habayemo kubogama ndetse n'amarangamutima mu gufata imyanzuro.

    Icyaha cyo gutanga sheki itazigamiye yasabye ko yasubikirwa igihano akabanza agakurikirana ubuzima bwe kandi yagaragaje ko imitungo ye n'iy'ishuri iyo bidafungwa yakabaye yararangije kwishyura abo akibereyemo umwenda.

    Ati 'Abandeze icyo bakeneye si uko bashaka ko nguma mfunzwe ahubwo bakeneye amafaranga yabo, ariko kuba mfunzwe ntibyakunda. Ngabanyirijwe igihano byashoboka ko bishyurwa asigaye. Ikindi mfite uburwayi nkwiye gukurikiranwa n'abaganga, ninjiye muri gereza mfite indwara eshatu kandi zikomeye none hiyongereyeho izindi zirimo kanseri ya prostate n'iyo kubyimba amaguru yombi.''

    Yavuze ko icyo Urukiko rw'Ibanze rwa Nyarugenge rwavuze cyo gufungwa ngo yikosore, atari byo kuko umuntu adakosorwa no gufungwa gusa.

    Dr Habumuremyi yemeye ko mu gihe byagaragara ko amategeko yashingiyeho atanga sheki itazigamiye atakiriho, byaba bigaragara ko yakoze icyaha atabigendereye ndetse akabisabira imbabazi, ariko akifuza ko yasubikirwa igihano yahawe cy'imyaka itatu kugira ngo abanze kwita ku buzima bwe.

    Ku bijyanye n'ihazabu yaciwe, yavuze ko yaciwe amafaranga atigeze atunga kandi atazi ko azanatunga.

    Abamwunganira aribo Me Bayisabe Erneste na Me Kayitare Jean Pierre, basabye urukiko kuzareba ibikubiye mu mwanzuro w'inyongera Habumuremyi yashyize mu ikoranabuhanga ry'iburanisha.

    Basabye ko hazabaho gusuzuma ingingo 44 n'iya 64 zivuga ku masezerano y'ubwumvikane bityo aho Christian University yagiye igirana n'abantu amasezerano ikaba ariyo ibiryozwa.

    Me Bayisenge Evariste yasabye ko ubujurire bw'Ubushinjacyaha nabwo bwari bwatanze butakwakirwa kuko butigeze bugaragaza inenge bushingiraho bujurira. Yanasabye ko igihano cyahawe umukiliya we cyasubikwa.

    Ubushinjachaha n'abaregera indishyi ntibabonye umwanya wo kugira icyo bavuga kuko inteko iburanisha yahise ifata umwanzuro wo kwimurira urubanza ku wundi munsi bitewe n'amasaha. Uru rubanza ruzakomeza tariki ya 2 Nyakanga 2021 saa Mbili za mu gitondo.

    Dr Habumuremyi Pierre Damien yatakambiye urukiko, arusaba gusubikirwa igihano cy’imyaka itatu yakatiwe

    Source : http://igihe.com/amakuru/u-rwanda/article/dr-habumuremyi-yatakambiye-urukiko-arusaba-gusubikirwa-igihano

  • Abakozi b’Urwego rw’Umuvunyi basabwe kurwanya bivuye inyuma abapfobya ndetse bagahakana Jenoside –

    Babisabwe kuri uyu wa 11 Kamena 2021, ubwo bifatanyaga n’Abanyarwanda bose kwibuka Jenoside ku nshuro ya 27 yakorewe Abatutsi mu muhango wabereye ku Rwibutso rwa Jenoside rwa Kamonyi.

    Uyu muhango wo kwibuka wabanjirijwe no gushyira indabo ku mva zishyinguyemo imibiri 47.497 y’abazize Jenoside bashyinguye muri uru rwibutso no gusobanurirwa amateka yaranze Akarere ka Kamonyi mu gihe cya Jenoside.

    Mu ijambo yagegeje ku bitabiriye uyu muhango, Umuvunyi Mukuru, Nirere Madeleine, yavuze ko kwibuka Jenoside ari ugusubiza agaciro abakambuwe.

    Yasabye abantu gukomeza urugamba rwo kurwanya ingengabitekerezo no kugaragaza ukuri kw’ibyabaye mu rwego rwo kunyomoza abahakana Jenoside.

    Yagize ati “Muri urwo rugamba rwo gukomeza guhangana n’abapfobya Jenoside, turasaba urubyiruko byumwihariko ko rwagira uruhare rugaragara cyane cyane mu kugaragaza ukuri nyako kuko abayirwanya bifashisha imbuga nkoranyambaga. Rukandika, rukagaragaza amateka nyayo kuko adasibangana.”

    Umuyobozi wungirije w’Akarere ka Kamonyi ushinzwe Imibereho Myiza y’Abaturage, Uwamahoro Prisca, yashimiye Urwego rw’Umuvunyi rwaje kwifatanya n’Abanya-Kamonyi kwibuka Jenoside, avuga ko byose babikesha imiyoborere myiza itandukanye n’iyari iriho muri Jenoside, yashishikarije abaturage kwica abandi.

    Yagize ati “Nk’Akarere ka Kamonyi turabashimira tunababwira ngo nimukomere, umwanya nk’uyu nguyu aho abantu bagenda bakareba ibyabaye, bakabona ibimenyetso bitandukanye bakabona abashyinguye, bituma hari icyiyubaka ku mitima w’abantu.”

    Perezida wa Ibuka mu Karere ka Kamonyi, Benedata Zackarie, yavuze ko kuba Urwego rw’Umuvunyi rwaje kwibuka bifite byinshi bisobanuye kubera ko rushinzwe kurwanya akarengane kandi abishwe muri Jenoside bazize akarengane, ibintu bikwiriye gukomeza kurwanywa no muri iki gihe kugira ngo bitazongera kuba ukundi.

    Yunze mu ry’Umuvunyi Mukuru, ahamagarira urubyiruko kurwanya abahakana Jenoside.

    Ati “Usanga benshi barwanya Jenoside bitwaza imbuga nkoranyambaga bagatanga ubutumwa butari bwo, ariko nk’urubyiruko rusobanukiwe bazi n’uruhare rw’imbuga nkoranyambaga [mu gukwiza ibinyoma] ni ngombwa ko bafata iya mbere mu kunyomoza abapfobya Jenoside yakorewe Abatutsi.”

    Urwibutso rwa Jenoside rwa Kamonyi rwatangiye gushyingurwamo abazize Jenoside mu 2005 bagiye bagwa muri aka karere ndetse n’ubu baracyashyingurwamo. Ruherereye mu Murenge wa Gacurabwenge, Akagari ka Nyundo ahahoze hitwa muri Komine Taba.

    Abakozi b’Urwego rw’Umuvunyi basabwe kurwanya bivuye inyuma abapfobya ndetse bagahakana Jenoside

    Abakozi n’abayobozi b’Urwego rw’Umuvunyi n’abakozi barwo bunamiye inzirakarengane zishyinguye mu Rwibutso rwa Jenoside rwa Kamonyi

    Nirere Madeleine yavuze ko kwibuka ari ugusubiza agaciro abakambuwe no gushimangira ko uburenganzira bwo kubaho ari ntavogerwaa
    JPEG - 302.5 kb
    Uwamahoro Prisca wungirije Umuyobozi w’Akarere ka Kamonyi yashimiye Urwego rw Umuvunyi rwaje kwifatanya n’Abanya-Kamonyi kwibuka ku nshuro ya 27

    Bashyize indabo ku mva mu kunamira abishwe muri Jenoside yakorewe Abatutsi

    Urwibutso rwa Jenoside rwa Kamonyi rwatangiye gushyingurwamo abazize Jenoside mu 2005

  • Dr Habumuremyi yatakambiye urukiko, arusaba gusubikirwa igihano –

    Dr Habumuremyi wakoresheje amasaha agera kuri ane yisobanura mu Rukiko Rukuru rwa Nyarugenge yagaragaje impamvu z’ubujurire bwe. Yavuze ko Urukiko rw’Ibanze rwa Nyarugenge rwamuburanishije rukamuhamya ibyaha kandi rudafite ububasha ndetse akaba yarahawe igihano kidateganywa n’itegeko.

    Icyaha cyatumye Dr Habumuremyi ajurira ni ugutanga sheki zitazigamiye ku bantu batandukanye mu nyungu z’ishuri rikuru rya Christian University of Rwanda yashinze. Uyu wigeze kuba Minisitiri w’Intebe mu Ugushyingo 2020 yakatiwe igifungo cy’imyaka itatu n’ihazabu ya 892.200.000 Frw.

    Yavuze ko gutanga sheki zitazigamye atari agamije gukora icyaha nk’uko Ubushinjacyaha bubivuga ahubwo ko yabikoze mu rwego rwo gutanga icyizere ku bazihawe ko bazishyurwa cyane ko n’itegeko rirebana n’impapuro mvunjwafaranga ryemera ko sheki nayo ikubiye muri zo.

    Yagaragaje ko Urukiko rw’Ibanze rwa Nyarugenge rwaciye urubanza rudafite ububasha, ahamywa igikorwa kidafatwa nk’icyaha, ahabwa igihano kidateganywa n’itegeko mu gihe hari ibimenyetso yatanze bikirengagizwa birimo uko hakozwe amasezerano.

    Dr Habumuremyi yagaragaje ko izo sheki zitasobanuraga uko ashaka kubariganya yifashishije ingero z’amasezerano Kaminuza ya CHUR yagiye igirana n’abantu batandukanye.

    Amasezerano ya mbere agaragaza ko Christian University of Rwanda ifite umwenda na Kazungu wawutanze. Mu gika cya gatatu cyayo hagaragaza ko ayo mafaranga azishyurwa mu byiciro bine bitandukanye.

    Urundi rugero yifashishije ni amasezerano hagati CHUR na Ngabonziza Jean Bosco agaragaza ko Christian University of Rwanda ifite umwenda kandi mu gika cya gatatu muri ayo masezerano agaragaza ko amararanga azishyurwa mu byiciro bitatu, ndetse akagaragaza ko natubahirizwa, atazifashishwa n’inkiko mu gihe cy’urubanza.

    Yasabye urukiko kubaza abasinye ayo masezerano niba bayemera cyangwa batayemera, bagaragara ko aribo bayashyizeho umukono bakagaragaza niba barashyizweho iterabwoba ngo bayasinye.

    Dr Habumuremyi yavuze ko itegeko ryerekeye inyandiko zishobora gucuruzwa harimo na sheki kandi nawe yayitanze agendeye kuri ibyo ko nta kibi yari agamije.

    Yavuze ko atakoze icyaha mu gutanga sheki itazigamiye ahubwo ko yatangaga ubwishingizi ndetse n’icyizere ko abazihawe azabishyura kandi agaragaza ko niba koko ari icyaha yakoze, yagombaga kuburanira mu rukiko rw’Ubucuruzi aho kuba urw’Ibanze rwa Nyarugenge.

    Ikindi kibishimangira ni uko abo yahaye sheki bagiye bishyurwa na Christian University of Rwanda mu byiciro, kandi amafaranga yabo bayahawe mbere y’itariki yanditswe muri sheki kandi yagaragaje ko muri miliyoni 155 Frw yagombaga kwishyura hari hasigaye miliyoni 25 Frw.

    Yasabye urukiko gukosora inenge ku cyaha cyo gutanga sheki itazigamiye kuko nta mugambi cyangwa ubushake yigeze agira bwo gukora icyaha, asaba ko yagihanagurwaho.

    Dr Habumuremyi yongeye gusaba umucamanza guca inkoni izamba agahanwa hashingiwe ku mategeko. Yifashishije ingingo zitandukanye z’amategeko yabwiye urukiko ko habayemo kubogama ndetse n’amarangamutima mu gufata imyanzuro.

    Icyaha cyo gutanga sheki itazigamiye yasabye ko yasubikirwa igihano akabanza agakurikirana ubuzima bwe kandi yagaragaje ko imitungo ye n’iy’ishuri iyo bidafungwa yakabaye yararangije kwishyura abo akibereyemo umwenda.

    Ati “Abandeze icyo bakeneye si uko bashaka ko nguma mfunzwe ahubwo bakeneye amafaranga yabo, ariko kuba mfunzwe ntibyakunda. Ngabanyirijwe igihano byashoboka ko bishyurwa asigaye. Ikindi mfite uburwayi nkwiye gukurikiranwa n’abaganga, ninjiye muri gereza mfite indwara eshatu kandi zikomeye none hiyongereyeho izindi zirimo kanseri ya prostate n’iyo kubyimba amaguru yombi.’’

    Yavuze ko icyo Urukiko rw’Ibanze rwa Nyarugenge rwavuze cyo gufungwa ngo yikosore, atari byo kuko umuntu adakosorwa no gufungwa gusa.

    Dr Habumuremyi yemeye ko mu gihe byagaragara ko amategeko yashingiyeho atanga sheki itazigamiye atakiriho, byaba bigaragara ko yakoze icyaha atabigendereye ndetse akabisabira imbabazi, ariko akifuza ko yasubikirwa igihano yahawe cy’imyaka itatu kugira ngo abanze kwita ku buzima bwe.

    Ku bijyanye n’ihazabu yaciwe, yavuze ko yaciwe amafaranga atigeze atunga kandi atazi ko azanatunga.

    Abamwunganira aribo Me Bayisabe Erneste na Me Kayitare Jean Pierre, basabye urukiko kuzareba ibikubiye mu mwanzuro w’inyongera Habumuremyi yashyize mu ikoranabuhanga ry’iburanisha.

    Basabye ko hazabaho gusuzuma ingingo 44 n’iya 64 zivuga ku masezerano y’ubwumvikane bityo aho Christian University yagiye igirana n’abantu amasezerano ikaba ariyo ibiryozwa.

    Me Bayisenge Evariste yasabye ko ubujurire bw’Ubushinjacyaha nabwo bwari bwatanze butakwakirwa kuko butigeze bugaragaza inenge bushingiraho bujurira. Yanasabye ko igihano cyahawe umukiliya we cyasubikwa.

    Ubushinjachaha n’abaregera indishyi ntibabonye umwanya wo kugira icyo bavuga kuko inteko iburanisha yahise ifata umwanzuro wo kwimurira urubanza ku wundi munsi bitewe n’amasaha. Uru rubanza ruzakomeza tariki ya 2 Nyakanga 2021 saa Mbili za mu gitondo.

    Dr Habumuremyi Pierre Damien yatakambiye urukiko, arusaba gusubikirwa igihano cy’imyaka itatu yakatiwe

  • Abakozi b'Urwego rw'Umuvunyi basabwe kurwanya bivuye inyuma abapfobya ndetse bagahakana Jenoside – #rwanda #RwOT

    Babisabwe kuri uyu wa 11 Kamena 2021, ubwo bifatanyaga n'Abanyarwanda bose kwibuka Jenoside ku nshuro ya 27 yakorewe Abatutsi mu muhango wabereye ku Rwibutso rwa Jenoside rwa Kamonyi.

    Uyu muhango wo kwibuka wabanjirijwe no gushyira indabo ku mva zishyinguyemo imibiri 47.497 y'abazize Jenoside bashyinguye muri uru rwibutso no gusobanurirwa amateka yaranze Akarere ka Kamonyi mu gihe cya Jenoside.

    Mu ijambo yagegeje ku bitabiriye uyu muhango, Umuvunyi Mukuru, Nirere Madeleine, yavuze ko kwibuka Jenoside ari ugusubiza agaciro abakambuwe.

    Yasabye abantu gukomeza urugamba rwo kurwanya ingengabitekerezo no kugaragaza ukuri kw'ibyabaye mu rwego rwo kunyomoza abahakana Jenoside.

    Yagize ati 'Muri urwo rugamba rwo gukomeza guhangana n'abapfobya Jenoside, turasaba urubyiruko byumwihariko ko rwagira uruhare rugaragara cyane cyane mu kugaragaza ukuri nyako kuko abayirwanya bifashisha imbuga nkoranyambaga. Rukandika, rukagaragaza amateka nyayo kuko adasibangana.'

    Umuyobozi wungirije w'Akarere ka Kamonyi ushinzwe Imibereho Myiza y'Abaturage, Uwamahoro Prisca, yashimiye Urwego rw'Umuvunyi rwaje kwifatanya n'Abanya-Kamonyi kwibuka Jenoside, avuga ko byose babikesha imiyoborere myiza itandukanye n'iyari iriho muri Jenoside, yashishikarije abaturage kwica abandi.

    Yagize ati 'Nk'Akarere ka Kamonyi turabashimira tunababwira ngo nimukomere, umwanya nk'uyu nguyu aho abantu bagenda bakareba ibyabaye, bakabona ibimenyetso bitandukanye bakabona abashyinguye, bituma hari icyiyubaka ku mitima w'abantu.'

    Perezida wa Ibuka mu Karere ka Kamonyi, Benedata Zackarie, yavuze ko kuba Urwego rw'Umuvunyi rwaje kwibuka bifite byinshi bisobanuye kubera ko rushinzwe kurwanya akarengane kandi abishwe muri Jenoside bazize akarengane, ibintu bikwiriye gukomeza kurwanywa no muri iki gihe kugira ngo bitazongera kuba ukundi.

    Yunze mu ry'Umuvunyi Mukuru, ahamagarira urubyiruko kurwanya abahakana Jenoside.

    Ati 'Usanga benshi barwanya Jenoside bitwaza imbuga nkoranyambaga bagatanga ubutumwa butari bwo, ariko nk'urubyiruko rusobanukiwe bazi n'uruhare rw'imbuga nkoranyambaga [mu gukwiza ibinyoma] ni ngombwa ko bafata iya mbere mu kunyomoza abapfobya Jenoside yakorewe Abatutsi.'

    Urwibutso rwa Jenoside rwa Kamonyi rwatangiye gushyingurwamo abazize Jenoside mu 2005 bagiye bagwa muri aka karere ndetse n'ubu baracyashyingurwamo. Ruherereye mu Murenge wa Gacurabwenge, Akagari ka Nyundo ahahoze hitwa muri Komine Taba.

    Abakozi b'Urwego rw'Umuvunyi basabwe kurwanya bivuye inyuma abapfobya ndetse bagahakana Jenoside

    Abakozi n’abayobozi b’Urwego rw’Umuvunyi n’abakozi barwo bunamiye inzirakarengane zishyinguye mu Rwibutso rwa Jenoside rwa Kamonyi

    Nirere Madeleine yavuze ko kwibuka ari ugusubiza agaciro abakambuwe no gushimangira ko uburenganzira bwo kubaho ari ntavogerwaa

    JPEG - 302.5 kb
    Uwamahoro Prisca wungirije Umuyobozi w'Akarere ka Kamonyi yashimiye Urwego rw Umuvunyi rwaje kwifatanya n'Abanya-Kamonyi kwibuka ku nshuro ya 27

    Bashyize indabo ku mva mu kunamira abishwe muri Jenoside yakorewe Abatutsi

    Urwibutso rwa Jenoside rwa Kamonyi rwatangiye gushyingurwamo abazize Jenoside mu 2005

    Source : http://igihe.com/amakuru/u-rwanda/article/abakozi-b-urwego-rw-umuvunyi-basabwe-kurwanya-bivuye-inyuma-abapfobya-ndetse

  • Impuzi z'Abarundi zarwanye na polisi ya Tanzania bapfa ibyavuye mu matora #rwanda #RwOT

    Abantu 16 bakomerekeye mu bushyamirane hagati y'impunzi z'Abarundi mu nkambi ya Nyarugusu muri Tanzaniya na polisi yo muri icyo gihugu.

    Ubwo bushyamirane bwaturutse ku kutumvikana ku cyemezo ubutegetsi bwo muri icyo gihugu bwafashe cyo kwemeza Umunyekongo wari waje ku mwanya wa kabiri mu matora y'ubuyobozi bw'impunzi muri iyo nkambi.

    Impunzi z'Abarundi zivuga ko Umurundi ari we wari watsinze ayo matora ku majwi 6409 mu gihe Umunyekongo waje ku mwanya wa kabiri yabonye amajwi 3455.

    Gusa ubutegetsi bwa leta bushinzwe inkambi aho muri Tanzaniya bwategetse ko uwo Munyekongo ari we ushingwa ubuyobozi bw'inkambi.

    Ibyo byateye imvururu mu mpunzi z'Abarundi zitakozwaga iby'icyo cyemezo. Imvururu zatangiye kuwa kane nimugoroba zigeza kuri uyu wa gatanu ubwo byabaga ngombwa ko hitabazwa polisi.

    Polisi yahise itangira gufata abakekwaho guhungabanya umutekano no gusubiza inyuma abarimo bigaragambya hakoreshejwe amasasu n'ibyuka biryana mu maso.

    IJWI RY'AMERIKA

    Source : http://umuryango.rw/amakuru/mu-mahanga/umutekano/article/impuzi-z-abarundi-zarwanye-na-polisi-ya-tanzania-bapfa-ibyavuye-mu-matora

  • Sheikh Habimana asanga kwigisha urubyiruko amateka ya Jenoside ari ukurufasha kuyisobanukirwa – #rwanda #RwOT

    Yabigarutseho kuri uyu wa Gatanu, tariki ya 11 Kamena 2021 mu Karere ka Rwamagana ubwo Ishuri ry'Imyuga n'Ubumenyingiro rya Kwigira ryibukaga ku nshuro ya 27 Jenoside yakorewe Abatutsi mu 1994.

    Sheikh Habimana Saleh yagarutse ku buryo Jenoside yakorewe Abatutsi yateguwe n'uko yashyizwe mu bikorwa, abarenga miliyoni bakicwa.

    Yavuze ko ingabo zari zishamikiye ku muryango wa FPR-Inkotanyi arizo zafashe iya mbere mu guhagarika Jenoside, avuga ko kuva ubwo hahise hatangira uburyo bwo guhuza Abanyarwanda hagamijwe kubagira umwe.

    Sheikh Habimana yavuze ko abakiri bato bakwiriye kwigishwa amateka ya Jenoside yakorewe Abatutsi mu buryo buhoraho mu rwego rwo gutuma abakiri bato bamenya amahano yabaye mu Rwanda bakanirinda ko yazongera kubaho ukundi.

    Ati 'Kwigisha abakiri bato amateka ya Jenoside yakorewe Abatutsi mu buryo buhoraho ni uburyo bwo gutuma bamenya amakuru ariko ni nabwo buryo bwonyine bwo gukumira Jenoside, Jenoside ntikumirwa n'ibindi bindi, ni ukubaka ibindi bitekerezo bishya. Kubabwira amateka ya Jenoside bakayamenya bakayumva bakayinjiramo, ni bwo buryo bwonyine bukumira Jenoside.'

    Sheikh Habimana yakomeje avuga ko uko abana bato bavuka bakwiriye kwigishwa hakiri kare uko ibintu byagenze mu Rwanda, aho kurindira ko bakura bakabaza ababyeyi impamvu badafite ba sekuru.

    Ati 'Iyo tubigisha tuba twibuka kandi tunahesha agaciro abishwe muri Jenoside yakorewe abatutsi tubavuga amazina kugira ngo abakomoka ku barokotse jenoside yakorewe Abatutsi bazahore bazi ababo aho bagiye batazajya babaza ababyeyi babo aho ba sogokuru babo bagiye.'

    Yavuze ko ikindi cya gatatu cyiza cyo kwigisha abakiri bato amateka ya Jenoside bifasha mu gukumira ibibi.

    Ati 'Kwigisha abana bato uba utangiye kurema irindi tsinda ry'abantu bashya batazemera ko haba ikindi kintu kibi cyabaho; kubigisha hari ugukumira, kwigisha no gutegura abakiri bato batazigera bemera ko ibyabaye bibaho abantu bakicana.'

    Sheikh Habimana yasabye urubyiruko kugira amahitamo meza yo kumenya ko umuntu uwo ariwe wese ufite ubuzima adakwiriye kwicwa azira uko yaremwe ahubwo bagahitamo kubana mu bumwe n'ubunyangamugayo.

    Umutoni, umwe mu banyeshuri biga mu Ishuri ry'Imyuga rya Kwigira yavuze ko iyo basobanuriwe uburyo Jenoside yakorewe Abatutsi yateguwe n'uko yashyizwe mu bikorwa bituma bamenya uburyo birinda ababazanira amacakubiri.

    Ati 'Mu ishuri batubwira uko Jenoside yakorewe Abatutsi yateguwe n'uko yanashyizwe mu bikorwa ariko ntabwo ari isomo rihoraho, ridufasha rero kwirinda amacakubiri tukanirinda undi muntu wazatuzanamo.'

    Ishuri rya Kwigira ni rimwe mu mashuri y'Umuryango Ambrella utegamiye kuri Leta cyangwa ku idini, ukaba ugamije gushyira imbere gufasha abantu no kubageza ku bushobozi. Rifite imyuga itandukanye irimo amashanyarazi, amazi, kudoda no guteka. Abana baribarizwamo bigira ubuntu.

    Sheikh Habimana asanga kwigisha urubyiruko mu buryo buhoraho amateka ya Jenoside yakorewe Abatutsi bizarufasha cyane

    Shikh Habimana yasabye urubyiruko kugira amahitamo meza

    Ishuri ry'Imyuga n'Ubumenyingiro rya Kwigira ryibutse ku nshuro ya 27 Jenoside yakorewe Abatutsi mu 1994, yahitanye ubuzima bw’inzirakarengane zisaga miliyoni mu mezi atatu gusa

    Source : http://igihe.com/amakuru/u-rwanda/article/sheikh-habimana-asanga-kwigisha-urubyiruko-amateka-ya-jenoside-ari-ukurufasha

  • Benshi mu bahagrariye Lesotho muri furika y'Epfo birukanwe kubera kugurisha inzoga #rwanda #RwOT

    Africa y'Epfo yahaye benshi mu bahagarariye igihugu cya Lesotho amasaha 72 yo kuba basubiye iwabo kubera kugurisha mu buryo butemewe n'amategejo inzoga ziba zaranguwe zidatanze umusoro(duty-free).

    Abategetsi ba Afrika y'Epfo batanze urutonde rw'abo ba 'diplomates' n'abo mu miryango yabo bavuga ko '' bakoresheje nabi gufatwa neza bahabwa n'ubutumwa baba barimo”.

    Lesotho yitandukanyije n'ibikorwa by'abo bari bayihagarariye muri Afrika y'Epfo, itangaza ko iri gutegura itahuka ryabo.

    Minisiteri y'Ububanyi n'amahanga ya Lesotho yanditse ko “yababajwe kandi yanatewe isoni” no kumva iyo nkuru.

    Abavugwa muri icyo gikorwa bose Africa y'Epfo yabagize ''persona non grata'', n'ukuvuga abantu birukanwe muri icyo gihugu mu mvugo y'ububanyi n'amahanga hagati y'ibihugu.

    Muri Afrika y'Epfo kugurisha inzoga mu buryo butemewe n'amategeko byariyongeye cyane muri 2020 mu gihe cya Guma mu rugo yatewe na coronavírus.Amaduka y'inzoga n'ububari byariyongereye kugira ngo hirindwe ikwirakwira ry'iki cyorezo.

    BBC

    Source : http://umuryango.rw/amakuru/mu-mahanga/politiki/article/benshi-mu-bahagrariye-lesotho-muri-furika-y-epfo-birukanwe-kubera-kugurisha

  • Sheikh Habimana asanga kwigisha urubyiruko amateka ya Jenoside ari ukurufasha kuyisobanukirwa –

    Yabigarutseho kuri uyu wa Gatanu, tariki ya 11 Kamena 2021 mu Karere ka Rwamagana ubwo Ishuri ry’Imyuga n’Ubumenyingiro rya Kwigira ryibukaga ku nshuro ya 27 Jenoside yakorewe Abatutsi mu 1994.

    Sheikh Habimana Saleh yagarutse ku buryo Jenoside yakorewe Abatutsi yateguwe n’uko yashyizwe mu bikorwa, abarenga miliyoni bakicwa.

    Yavuze ko ingabo zari zishamikiye ku muryango wa FPR-Inkotanyi arizo zafashe iya mbere mu guhagarika Jenoside, avuga ko kuva ubwo hahise hatangira uburyo bwo guhuza Abanyarwanda hagamijwe kubagira umwe.

    Sheikh Habimana yavuze ko abakiri bato bakwiriye kwigishwa amateka ya Jenoside yakorewe Abatutsi mu buryo buhoraho mu rwego rwo gutuma abakiri bato bamenya amahano yabaye mu Rwanda bakanirinda ko yazongera kubaho ukundi.

    Ati “Kwigisha abakiri bato amateka ya Jenoside yakorewe Abatutsi mu buryo buhoraho ni uburyo bwo gutuma bamenya amakuru ariko ni nabwo buryo bwonyine bwo gukumira Jenoside, Jenoside ntikumirwa n’ibindi bindi, ni ukubaka ibindi bitekerezo bishya. Kubabwira amateka ya Jenoside bakayamenya bakayumva bakayinjiramo, ni bwo buryo bwonyine bukumira Jenoside.”

    Sheikh Habimana yakomeje avuga ko uko abana bato bavuka bakwiriye kwigishwa hakiri kare uko ibintu byagenze mu Rwanda, aho kurindira ko bakura bakabaza ababyeyi impamvu badafite ba sekuru.

    Ati “Iyo tubigisha tuba twibuka kandi tunahesha agaciro abishwe muri Jenoside yakorewe abatutsi tubavuga amazina kugira ngo abakomoka ku barokotse jenoside yakorewe Abatutsi bazahore bazi ababo aho bagiye batazajya babaza ababyeyi babo aho ba sogokuru babo bagiye.”

    Yavuze ko ikindi cya gatatu cyiza cyo kwigisha abakiri bato amateka ya Jenoside bifasha mu gukumira ibibi.

    Ati “Kwigisha abana bato uba utangiye kurema irindi tsinda ry’abantu bashya batazemera ko haba ikindi kintu kibi cyabaho; kubigisha hari ugukumira, kwigisha no gutegura abakiri bato batazigera bemera ko ibyabaye bibaho abantu bakicana.”

    Sheikh Habimana yasabye urubyiruko kugira amahitamo meza yo kumenya ko umuntu uwo ariwe wese ufite ubuzima adakwiriye kwicwa azira uko yaremwe ahubwo bagahitamo kubana mu bumwe n’ubunyangamugayo.

    Umutoni, umwe mu banyeshuri biga mu Ishuri ry’Imyuga rya Kwigira yavuze ko iyo basobanuriwe uburyo Jenoside yakorewe Abatutsi yateguwe n’uko yashyizwe mu bikorwa bituma bamenya uburyo birinda ababazanira amacakubiri.

    Ati “Mu ishuri batubwira uko Jenoside yakorewe Abatutsi yateguwe n’uko yanashyizwe mu bikorwa ariko ntabwo ari isomo rihoraho, ridufasha rero kwirinda amacakubiri tukanirinda undi muntu wazatuzanamo.”

    Ishuri rya Kwigira ni rimwe mu mashuri y’Umuryango Ambrella utegamiye kuri Leta cyangwa ku idini, ukaba ugamije gushyira imbere gufasha abantu no kubageza ku bushobozi. Rifite imyuga itandukanye irimo amashanyarazi, amazi, kudoda no guteka. Abana baribarizwamo bigira ubuntu.

    Sheikh Habimana asanga kwigisha urubyiruko mu buryo buhoraho amateka ya Jenoside yakorewe Abatutsi bizarufasha cyane

    Shikh Habimana yasabye urubyiruko kugira amahitamo meza

    Ishuri ry’Imyuga n’Ubumenyingiro rya Kwigira ryibutse ku nshuro ya 27 Jenoside yakorewe Abatutsi mu 1994, yahitanye ubuzima bw’inzirakarengane zisaga miliyoni mu mezi atatu gusa

  • Umusore yatunguye umukunzi we amwambikira impeta mu muhanda #rwanda #RwOT

    Uyu musore yabwiye uyu mukobwa ko ari inama y'ingenzi akwiriye kwitabira nubwo we atabyumvaga kugeza ubwo abyemeye yemera ko bajyana.

    Uyu musore wari umaze imyaka 4 akundana n'uyu mukobwa yavuze ko yahatirije uyu mukobwa ngo bajyane kugira ngo aze kumwambika impeta bageze mu nzira rwagati.

    Kugira ngo abone uko amwambika impeta,Samson yabeshye ko iyi modoka igize ikibazo ayivamo ariko uyu mukobwa avuga ko byaba byiza bahinduye bagashaka indi modoka kugira ngo badakererwa.

    Uyu musore yamusabye imbabazi,ubundi asohoka hanze nk'uri guhamagara umukanishi.Uyu mukobwa yagize ati 'Yagaragaraaga nk'udatuje.Igihe dutegereje ubufasha nabonye umuntu ufite camera aje ngira ngo n'abanyamakuru baje gukora inkuru ko twishe amategeko y'umuhanda.'

    Ubwo uyu mukobwa yari ahindukiye ngo avugana n'uyu mukunzi we,yahise abona yapfukamye,afite impeta mu kiganza.Abamotari bahise babuzuraho bavuza induru ngo 'vuga yego'.

    Uyu mukobwa yaje kubyemera ndetse basezeranye kubana akaramata kuri uyu wa 10 Kamena uyu mwaka.

    Uyu musore yahuye n'uyu mukobwa muri 2017 ubwo yakoraga muri resistor aho yari ashinzwe ikipe yakoraga ibijyanye no gususururutsa abakiriya.

    Source : http://umuryango.rw/ubuzima-115/imibereho/article/umusore-yatunguye-umukunzi-we-amwambikira-impeta-mu-muhanda

  • Usengimana Faustin yabwiwe amagambo yuzuye urukundo n'umugore we ku isabukuru ye #rwanda #RwOT

    Umukinnyi w'ikipe y'igihugu y'u Rwanda, Amavubi n'ikipe ya Police FC, Usengimana Faustin, yizihije isabukuru y'amavuko y'imyaka 27 avutse atungurwa n'umugore we wamubwiye amagambo meza y'urukundo

    Usengimana yabwiwe n'umugore we Bayingana Daniella ko ari umugabo udasanzwe, amushimira ko yemeye kumuhitamo ngo amubere umugore.

    Daniella yagize ati 'Isabukuru nziza ku rukundo rwanjye,umutima wanjye umugabo wanjye,inshuti magara yanjye papa w'abana bacu,ndishimira ubuzima bwawe uyu munsi, Imana yarakoze kukurema ikaguha ubuzima kuri iyi tariki,ikakurinda hanyuma ikanampuza nawe…uri umugabo udasanzwe.

    Warakoze kuza mubuzima bwanjye,warakoze kumpitamo nkakubera umugore na mama w'abana bawe,warakoze ku rukundo unkunda njye na kaël, warakoze ku bwitange udasiba gukora kugira tubeho neza,ndahirwa kuba ngufite nk'umutware wanjye na kaël arahirwa kuba agufite nka papa muri macye uri umugisha kuri twe .'

    Yasoje amuragiza Imana,ati 'Imana ishobora byose turayikuragije muri uyu mwaka utangiye turasenze ngo iguhaze uburame,ikurindire ubugingo, iguhe gutera imbere muri byose igusubize bya bindi byose udasiba gusengera mu izina rya Yesu , Amen.Turagukunda bitagira ingano rukundo rwanjye @u.faustin15.'

    Faustin yakoze ubukwe na Daniella mu Ugushyingo 2019, nyuma y'imyaka 10 mu munyenga w'urukundo.Kuri ubu bafite umwana w'umuhungu bise 'Usengimana Wayne Kael'.

    Usengimana Faustin, ni umwe mu bakinnyi bamamaye cyane mu Rwanda cyane mu ikipe ya Rayon Sports, yakiniye kandi APR FC,n'ikipe ya Buildgon FC yo muri Zambia, kuri ubu ni umukinnyi w'ikipe ya Police FC.Uyu myugariro yavutse taliki ya 11 Kamena 1994.

    Source : http://umuryango.rw/ubuzima-115/imibereho/article/usengimana-faustin-yabwiwe-amagambo-yuzuye-urukundo-n-umugore-we-ku-isabukuru