Blog
-
Miss Bahati Grace yakorewe ibirori bya Bridal Shower (Amafoto) â YEGOB #rwanda #RwOT
Miss Bahati Grace wegukanye ikamba rya Miss Rwanda 2009 yakorewe ibirori byo gusezera ku bukumi bwe bizwi nka Bridal shower. Ni ibirori byabaye kuri uyu wa Gatanu tariki ya 07 Kanama 2021. Ni ibirori byitabiriwe n'nshuti za hafi za Miss Bahati Grace harimo na Miss Aurore Mutesi Kayibanda.
Source : https://yegob.rw/miss-bahati-grace-yakorewe-ibirori-bya-bridal-shower-amafoto/
-
Akari ku mutima wa Rihanna utunze miliyari y'amadorali. â YEGOB #rwanda #RwOT
Kuri iyi Si y'abazima nta muhanzikazi unganya amafaranga na Robyn Fenty wamamaye nka Rihanna, kuri ubu utunze miliyari $1,7. Yicaye ku ntebe y'abaherwe batunze Miliyari y'amadorali y'Amerika.
Ikinyamakuru cya Forbes Magazine cyatangaje ko Rihanna ari we muhanzikazi ukize kurusha abandi bose ku Isi, akaba uwa kabiri kuri Oprah Winfrey mu baba mu ruganda rw'imyidagaduro muri rusange.
Aka kayabo ntabwo Rihanna agakesha ibitaramo yaririmbyemo cyangwa se kopi za alubumu yagurishije, ahubwo abikesha ubushabitsi mu bucuruzi bw'ibirungu by'ubwiza bw'abagore.Daily Mail ivuga ko ubwo Rihanna yabazwaga uburyo yiyumva nyuma yo kuba umwe mu batunze Miliyari, Rihanna yasubije mu ijambo rimwe, ati' Imana ni nziza'.
Mu 2017 nibwo yatangije kompanyi ye yise Fenty Beauty afitemo imigabane ingana na 50%, indi ikagirwa n'ikigo LVMH cy'umufaransa Bernard Arnault, umuherwe wa kabiri ku Isi.
Hafi miliyari $1,4 by'umutungo wa Rihanna abikomora kuri Fenty Beauty, izindi miliyoni $270 azikura ku kigo cye gicuruza imyenda y'imbere cyitwa Savage X Fenty. Afitemo imigabane ya 30%.
Kimwe mu bimufasha gucuruza cyane ni umubare munini w'abantu bamukurikira ki mbuga nkoranyambaga. Kuri Twitter akurikirwa na miliyoni 102,5 naho kuri Instagram ni miliyoni 101.
Mu 2018, Fenty Beauty binjije Miliyoni $550, kuri ubu ifite agaciro ka miliyari $2,8. SavageX Fenty yo ifite agaciro ka miliyari imwe y'Amadorali y'Amerika.
Source : https://yegob.rw/akari-ku-mutima-wa-rihanna-utunze-miliyari-yamadorali/
-
Mu marira menshi Lionel Messi yasezeye kuri FC Barcelona, ahishura aho ashobora kwerekeza #rwanda #RwOT
Rutahizamu ukomoka muri Argentine wakiniraga ikipe ya FC Barcelona, Lionel Messi mu marira menshi yasezeye kuri iyi kipe nyuma y’uko batazakomezanya mu mwaka utaha w’imikino.
Ku wa Gatanu w’iki cyumweru tariki ya 6 Kanama 2021 nibwo FC Barcelona yatangaje ko batazakomezanya n’uyu mukinnyi kubera itegeko rya La Liga rigena imishahara ntarengwa amakipe atagomba kurenza, ni nyuma y’uko bari bamaze kwemeranya ku ngingo yo kongera amasezerano.
Amasezerano ya Messi muri FC Barcelona yarangiye muri Kamena 2021.
Mu kiganiro Lionel Messi yagiranye n’itangazamakuru yagaragaje agahinda yatewe na gutandukana n’iyi kipe.
Ati “Birakomeye, ntabwo nari niteguye ibi. Umwaka ushize nashakaga kugenda, ariko uyu mwaka twagombaga kuhaguma, njye n’umuryango wanjye twashakaga kuguma hano, mu nzu yacu.”
“Nyuma y’imyaka 21 ngiye n’abana 3 batatu bafite amaraso ya Catalan-Argentine. Twabaye muri uyu mujyi, aha ni mu rugo. Ndabashimira ku bwa buri kimwe, abakinnyi bagenzi banjye na buri wese wari iruhande rwanjye.”
Yakomeje avuga ko iyi kipe yayihaye buri kimwe yari afite icyo atabahaye ari icyo atari afite.
Ati “iyi kipe nayihaye buri kimwe kuva ku munsi wa mbere mpageze kugeza ku munsi wa nyuma. Sinigeze ntekereza ko nazabasezera. Ukuri nakoze ibishoboka byose, Barcelona ntiyabishobora kubera La Liga.”
“Hari byinshi byamvuzweho, ariko ku ruhande rwanjye twakoze ibishoboka byose kuko nashakaga kuhaguma naranabivuze. Uyu mwaka narabishakaga nakoze ibishoboka byose.”
Yakomeje avuga ko byakabaye byiza iyo asezera abafana muri stade ya Camp Nou.
Ati “nkunda iyi kipe. Kumara umwaka n’igice ntabona abafana byarambabaje. Iyo mba narabitekereje, mba narasezeye abafana Camp Nou yuzuye abafana.”
Messi kandi yavuze ko ashobora kwerekeza muri Paris Saint Germain.
Ati “Paris Saint Germain birashoboka, aka kanya ntakiremezwa. Nakiriye telefoni nyishi nyuma y’uko Barcelona ivuze ko tutazakomezanya. Turimo kubyigaho.”
Lionel Messi w’imyaka 34 wegukanye Ballon d’Or 6, yakiniye iyi kipe imikino 778 ayitsindira ibitego 672.
Messi yasutse amarira asezera kuri Barcelona -
Richarlison yumvikanye atuka perezida wa FIFA nyuma yo kwegukana umudali wa zahabu #rwanda #RwOT
Ikipe ya Brazil yaraye yegukanye umudali wa zahabu nyuma yo gutsinda Espagne ibitego 2-1 mu mukino wa nyuma w'Iimikino Olempike yaberaga mu mujyi wa Tokyo mu Buyapani ariko umukinnyi wayo Richarlison yumvikanye yita perezida wa FIFA,Gianni Infantino,'ruhara'.
Richarlison witabajwe na Brazil mu mikino Olempike nyuma yo gukina imikino ya Copa America batsindiwe ku mukino wa nyuma na Argentina igitego 1-0,yitwaye neza muri iyi mikino yaberaga I Tokyo batwara umudali wa zahabu.
Ubwo yambikwaga uyu mudali na bagenzi be,Uyu rutahizamu wa Everton yumvikanye ahamagara Infantino ngo 'baldie'bisobanura umuntu ufite uruhara.
Richarlison yabwiye Infantino ati 'Umwaka utaha ni muri Qatar,ruhara'.ashaka kumubwira ko muri 2022 bazahurira muri Qatar mu gikombe cy'isi.
Abantu batandukanye banenze uyu mukinnyi bavuga ko yubahutse Perezida wa FIFA mu gihe abandi bavuze ko yabikoze mu rwego rw'urwenya.
Uyu perezida wa FIFA nta na rimwe aragaragara afite umusatsi kuko ahora yogoshwe ndetse koko afite uruhara.
-
Ntituri ingayi: Abayobora imiryango irengera abarokotse Jenoside bamaganye Ishyirahamwe ‘Igicumbi’ – #rwanda #RwOT
Iyi miryango tariki ya 3 Kanama 2021 yasohoye inyandiko igamije kwamagana Ishyirahamwe ‘Igicumbi’, bashingiye ku byatangajwe ubwo ryafungurwaga ku mugaragaro ndetse n’ibikorwa bisanzwe biranga abarigize.
Abayobozi b’imiryango itandukanye irimo IBUKA ku migabane yose, GAERG ihuriza hamwe abarokotse Jenoside barangije Kaminuza, AERG ihuriza hamwe abanyeshuri biga mu mashuri yisumbuye, baganiriye na IGIHE bagaruka ku cyihishe inyuma y’ishingwa ry’Ishyirahamwe ‘Igicumbi’, n’inama ku bacitse ku icumu rya Jenoside yakorewe Abatutsi kugira ngo batagwa mu mutego w’abashinze iryo shyirahamwe.
Umuyobozi wa IBUKA Rwanda, Nkuranga Egide, yavuze ko abashinze iryo Shyirahamwe, icyo bagamije ari ugukina politiki no guharabika imiryango yemewe irengera inyungu z’abacitse ku icumu kugira ngo bigarurire imitima y’abagenerwabikorwa bayo.
Yavuze ko abagize ‘Igicumbi’, bagenda bakwirakwiza imvugo zishyigikira abacitse ku icumu bakoze ibyaha cyangwa bakurikiranywe n’ubutabera, kugira ngo bumvikanishe ko abagakwiriye kubarengera ntacyo bakora.
Ati “Abarokotse Jenoside yakorewe Abatutsi ni abantu bari muri Sosiyete Nyarwanda, ni abantu bagengwa n’amategeko y’igihugu. Kuba umuntu yararokotse ntabwo bimuha ububasha bwo kwigomeka, cyangwa kwica amategeko ngo yumve ko atahanwa nk’Umunyarwanda wese kuko bo wumva aricyo bashaka.”
Safari Christine uyobora IBUKA mu Buholandi na we yavuze ko abarokotse Jenoside badakwiriye kuba ikiraro cy’abashaka gukina Politiki.
Ati “Ntabwo tuje guhangana, mufite uburenganzira bwo gushinga ibyo mushaka byose ariko ntidushaka kugirwa ikiraro cy’imyumvire nk’iyi y’iri shyirahamwe twamaganye.”
Visi Perezida wa IBUKA Rwanda, Freddy Mutanguha, yavuze ko nta muntu wakabaye yiyita ko avugira abarokotse Jenoside yakorewe Abatutsi mu gihe atuka ubuyobozi n’ingabo zagize uruhare mu kubarokora.
Ati “Ntabwo abacitse ku icumu bari bakwiriye kugwa mu mutego w’abashaka gukoresha izina ryacu kugira ngo bagere kuri gahunda ya politiki bishakiye.”
Abashinze iryo Shyirahamwe ‘Igicumbi’ bakwirakwiza ko ntacyo Leta ikora ngo yite ku bacitse ku icumu, cyangwa ngo ibungabunge amateka ya Jenoside yakorewe Abatutsi.
Mutanguha usanzwe ari Umuyobozi w’Urwibutso rwa Jenoside rwa Kigali, yabyamaganiye kure, avuga ko nk’umuntu ubikurikiranira hafi, ntacyo Leta idakora ngo ibungabunge amateka ya Jenoside.
Ati “Iyo mbonye uburyo Leta yacu yita ku mateka yacu ya Jenoside yakorewe Abatutsi, ni ikintu kinkora ku mutima njye n’abandi benshi tubibona kimwe nk’abacitse ku icumu benshi tuzi aho Inkotanyi zadukuye. Uburyo amateka ya Jenoside ahabwa agaciro ni ikintu cy’ingenzi ariko iryo shyirahamwe twamagana bise Igicumbi mu byo rivuga ibyo ntibabiha agaciro.”
Yakomeje avuga ko biteye isoni n’ikimwaro ku barokotse Jenoside yakorewe Abatutsi kumva hari ugenda abiyitirira atuka cyangwa aharabika uwabarokoye.
Ati “Inkotanyi zaturukoye zumva twarabaye nk’abana b’ingayi, bo batekereza iki? Inkotanyi zifitanye igihango n’abacitse ku icumu, ntabwo turi abana b’ingayi rwose. Tuzakomeza gushima uburyo baturokoye bakadukura mu menyo ya rubamba, mu nterahamwe zari zatugose. Turacyakomeje gushima ibyo tubona kandi ni byinshi.”
Umuyobozi wa IBUKA-Belgique, Félicité Lyamukuru, yavuze ko abashinze Ishyirahamwe ‘Igicumbi’, bagamije gukomeza kubiba Politiki mbi y’urwango ari nayo yagejeje u Rwanda kuri Jenoside.
Ati “Tugomba kumenya twese ko Jenoside yabaye igashoboka kubera ko hari politiki mbi. Niba ubu dufite abantu bashobora kuza bamaze gufata uruhande runaka bakitwaza y’uko baharanira inyungu z’abarokotse Jenoside yakorewe Abatutsi, nacyo ni ikindi kintu kiri politiki. Mbese ni ukugaragaza ko abacitse ku icumu barenganye.”
Uhagarariye Ibuka muri Leta Zunze Ubumwe za Amerika, Nshimye Janson, yavuze ko batazihanganira uwo ari we wese uzashaka kuyobya Abanyarwanda cyangwa kugoreka amateka, mu izina ry’abarokotse Jenoside.
Yagize ati “Ntidushaka ko hari umuntu uyobywa n’abantu bo muri Igicumbi cyangwa akabafata nk’aho ari abantu baharanira inyungu z’abacitse ku icumu rya Jenoside yakorewe Abatutsi, ni abantu bayobya uburari […] ntabwo ari abantu bo kwizera cyangwa bo kuvugira abacitse ku icumu rya Jenoside.”
Uhagarariye IBUKA mu Busuwisi, Murangira César, yavuze ko buri wese afite uburenganzira bwo kuba mu muryango runaka ariko bitamuha uburenganzira bwo guhangana n’igihugu yitwaje izina ry’abarokotse Jenoside yakorewe Abatutsi
Yagize ati “Abashinze Igicumbi rwose ni uburenganzira bwabo niba bifuza kuvuganira abacitse ku icumu kandi neza ariko hari amakenga bitewe n’ibikorwa byagiye bigaragazwa, akenshi ugasanga byari mu buryo bwa politiki yo guhangana na Leta y’u Rwanda. Niba bumva bagaruka mu nzira nziza rwose byaba aribyo byiza.’’
Umuyobozi wa GAERG, Gatari Egide, yavuze ko ntako amashyirahamwe asanzwe kandi yemerewe kuvugira abacitse ku icumu rya Jenoside yakorewe Abatutsi atagira, kandi ko hari byinshi byagiye bikemuka kubera ubuvugizi yakoze.
Yavuze ko n’ibitarakemuka, bikomeza gukurikiranwa kandi bakamenya impamvu bitarakemuka.
Yakomeje ati “Iyo tubona rero ubu abanzi b’u Rwanda bafata nk’umurima utoshye abarokotse Jenoside yakorewe Abatutsi bakabakoresha, uyu ni umwanya wo kubaburira. Ibibazo byose twaba dufite dusubire hamwe tubishakire ibisubizo ariko ntihagire umuntu ugwa mu mutego wo kujya mu bintu bidasobanutse ejo ukaba wanabiryozwa kubera ko wishe amategeko.”
Yavuze ko igihe cyose bitabaje Leta y’u Rwanda itigeze ibatererana kandi ni we mufatanyabikorwa wa mbere w’abarokotse Jenoside yakorewe Abatutsi.
Mujyambere Honorine uyobora IBUKA mu Butaliyani yashimye ibyakozwe na Leta y’u Rwanda by’umwihariko mu kubanisha abarokotse Jenoside n’abayikoze.
Agaruka ku byo gushyingura imibiri y’ababo avuga ko kuri we n’abandi bagize amahirwe yo kuyibona, kuyitunganya igashyingurwa mu cyubahiro ari umuti ukomeye.
Ibi yabikomojeho “mu gihe abiyise Igicumbi bavuga ko u Rwanda rucuruza amagufa y’Abatutsi bishwe muri Jenoside.”
Ati “Iyi mibiri y’abacu ni ikimenyetso gikomeye gifasha kurwanya abapfobya Jenoside yakorewe Abatutsi mu Rwanda.”
Mujyambere kandi yavuze ko ashima icyerecyezo cyiza cy’ubuyobozi bw’u Rwanda, mu guharanira ubumwe n’ubwiyunge, bityo ko ntawe ukwiriye kwemera uwo ari we wese ushaka kunyuranya n’iyo nzira.
Nsanzimana Etienne uyobora IBUKA France na we yavuze ko atumva uburyo hashingwa umuryango witwa ko uje kuvugira abacitse ku icumu rya Jenoside yakorewe Abatutsi nyuma y’imyaka 27 nyamara imiryango isanzwe ibavugira itagishijwe inama.
Ati “Iryo shyirahamwe nta kintu rije kubafasha (abarokotse Jenoside). Niba bari bakeneye kuza kudufasha cyangwa hari ibintu dukora banenga, bari kubanza bakatwegera bakabitubwira. Ntabwo tuzahwema kurwanya imigambi mibi bashobora kuba bafite.”
Mukandanga Jacqueline uyobora IBUKA mu Budage yavuze ko ikigaragaza imigambi mibi y’abashinze ‘Igicumbi’, ari ubufatanye bafitanye n’abakoze Jenoside bagamije gupfobya amateka ya Jenoside yakorewe Abatutsi.
Ati “Ndumva ibyo bintu ari ugushinyagura, niba amarangamutima barayarenze, nibabyihorere bashake indi mirimo bakora ariko boye kujya bakomeza gukina ku mubyimba no kujya bashinyagurira abandi. Kumva ko bashyigikira abakoze Jenoside, kubona umuntu warokotse ashyigikira ibyo, ni agahinda.”
Murangwa Eugène uyobora Umuryango Ishami Foundation yaburiye abarokotse Jenoside yakorewe Abatutsi, avuga ko bakwiriye kuba maso bakamenya ko hari abantu biyemeje kubagira ikibuga cyo gukiniraho politiki.
Ati “Ni ikintu cyagaragaye muri iyi myaka ishize aho abarokotse Jenoside yakorewe Abatutsi ubona bashaka gukoreshwa n’abantu bafite inyungu zabo bwite zibogamiye kuri politiki. Kuba rero abo bantu ari bo bavuga ko batangiye ishyirahamwe rigamije kurengera abarokotse Jenoside kandi aribo dusanzwe twumva muri iyo mirongo ya Politiki, ni ikintu gihangayikishije kitagomba gushyigikirwa.”
IBUKA yasabye abacitse ku icumu rya Jenoside yakorewe Abatutsi, Abanyarwanda bose bari mu gihugu no muri Diaspora muri rusange kwima amatwi uwo ari we wese ushaka kubayobya no kubabera umuvugizi mubi nkuko abagize Ishyirahamwe ‘Igicumbi’ babigaragaje.
Christine Safari uyobora IBUKA yo mu Buholandi
César Murangira uyobora IBUKA yo mu Busuwisi
Umuyobozi wa IBUKA-Italie, Dr Mujyambere Honorine
Félicité Lyamukuru uyobora IBUKA-Belgique
Umuyobozi wa IBUKA yo mu Budage, Jacqueline Mukandanga Blam
Umuyobozi wungirije wa Ibuka Rwanda, Freddy Mutanguha
Umuyobozi wa IBUKA-France, Nsanzimana Etienne
Nkuranga Egide uyobora IBUKA – Rwanda
Murangwa Eugène uyobora Ishami Foundation mu Bwongereza
Janson Nshimye uyobora IBUKA – USA
Umunyamabanga Nshingwabikorwa wa IBUKA, Naphtal Ahishakiye
Umuhuzabikorwa ku rwego rw’igihugu wa AERG, Muneza Emmanuel
Mukabayire Valérie uyobora Avega Agahozo
Gatari Egide uyobora GAERG na we ni umwe mu bitabiriye ikiganiro
Marie Chantal Muhigana uyobora Umuryango Urukundo muri Norvège
-
Umuriro wa RDF i Cabo Delgado; inkuru y’aho urugamba rwahindiye (Amafoto) – #rwanda #RwOT
Ubusanzwe, Intara ya Cabo Delgado ni agace rwose katari kabereye kumvamo imirwano [nubwo ntaho ibereye] ariko urebye ubwiza nyaburanga bwaho ntiwakwifuza kubona ibiri kuhabera.
Agace gafite Inyanja y’Abahinde umuntu yariraho ubuzima akumva uko abaye, henshi nta muntu uhatuye. Na bake bahari, batunzwe n’imyumbati gusa, barara muri nyakatsi ubundi bakisegura akarago hasi ku mucanga.
Ibyo ni ibyo nakubwira muri make, Revenons à nos moutons.
Kuri uyu wa Gatandatu, nabashije kugera mu Ntara ya Cabo Delgado neza mu gace ka Afungi. Ubwo Ingabo z’u Rwanda zahageraga mu ntangiriro za Nyakanga, zagabwemo amashami, zimwe zitangira urugamba zinyuze Afungi-Palma.
Kimwe mu bikorwa zahereyeho ni ugufata Ikibuga cy’Indege cya Afungi, ubu kigenzurwa amanywa n’ijoro na Polisi y’u Rwanda hanyuma zikomeza imbere mu tundi duce nka Mute, Mapalanganha, Namalala, Tete, Quelimane, Njama zigana Mocimboa da Praia ahafatwa nk’icyicaro gikuru cy’imitwe y’iterabwoba.
Mu rugamba rwo kuri uyu munsi, zari zigeze ahitwa “1st May”, mu rugamba rwatangiye mu masaha y’igitondo ndetse amakuru nakururaga mu bo twari kumwe ahagana saa Saba, ni uko “abarwanyi” batangiye kwicwa.
Umwe mu basirikare twaganiriye, yambwiye ko mu nzira igana muri ibyo bice ‘n’ubu iyo uri kuhanyura’ uhasanga imirambo. Hishwe abarwanyi bane, hafatwa imbunda n’ibindi bikoresho bari zifite.
AMAKURU MASHYA: Kuri uyu wa Gatandatu, Ingabo z’u Rwanda zishe abarwanyi bane mu gitero zagabye ahitwa “1st May” mu bilometero 10 kugira ngo ugere mu Karere ka Macimboa da Praia ari na ho hari icyicaro cy’imitwe y’iterabwoba. pic.twitter.com/slCLf28YJD
— IGIHE (@IGIHE) August 7, 2021
Aho aka gace gaherereye, ni mu bilometero 10 kugira ngo ugere muri Macimboa da Praia, ahari icyicaro cy’imitwe y’iterabwoba.https://t.co/oCGTpQdI3t pic.twitter.com/Kfk0IVqyES
— IGIHE (@IGIHE) August 7, 2021
Muri uru rugamba birasa n’aho Ingabo z’u Rwanda zifite inshingano zo kurwana zikigarurira ibice runaka, hanyuma aho zimaze gufata, Polisi y’u Rwanda na yo ikaza ikahasigasira ku buryo nta muntu uzongera kuhigabiza. Ni ya gahunda yo gusigasira ibyo twagezeho ikomeje!
Kugeza ubu, muri urwo rugendo ruva Afungi rugana Mocimboa da Praia, RDF irabura ibilometero 10 ngo igere aho yaba yizeye ko yaharuye inzira ya mbere igana ku mahoro muri iyi ntara.
Nubwo ariko bimeze bityo, si inzira yoroshye. Mu nzira abo barwanyi bagenda bategamo udutero shuma nka kamwe kabaye kuri wa musirikare w’u Rwanda wakomeretse mu kwezi gushize.
Bivugwa ko muri urwo rugendo, ushobora guhuriramo na za “ambush” zitari munsi y’eshatu. Kimwe mu byo numvise kuri iyi mitwe, ni uko abarwanyi bayo na bo bagikunze ubuzima, ntabwo ari nka bimwe bya “Islamic State” cyangwa “Al Shabaab” usanga abarwanyi biturikirizaho ibisasu.
Umusirikare twaganiriye yambwiye ati “bo ntabwo biturikirizaho ibisasu ariko ushobora kumurasa utamuhamya neza agakomeza aza agusanga”.
Ubwato bukoreshwa mu gucunga umutekano ku cyambu cya Afungi bwavuye mu Rwanda
Kubona u Rwanda rufata ubwato bwa gisirikare, bukava i Kigali n’ahandi bwari buri, bukurizwa mu ndege bukagera muri Mozambique ni ikikwereka uburyo iyi ntambara rwayiteguye mu mfuruka zose.
Hari umuntu wakwibaza ikintu izi nyeshyamba zari zikurikiye muri Afungi, uwo ni nk’uwakwibaza impamvu Total y’Abafaransa yahashyize ibikorwa! Byose byatangiye mu myaka ya 2010, ni bwo bwa mbere muri aka gace havumbuwemo gaz.
Nyuma y’imyaka irindwi, ya gaz yari igamije guteza imbere agace, inyeshyamba zashatse kuyigarurira. Icyo gihe Total na yo yari mu biganiro na leta kugira ngo ihakore uruganda ruyitunganya.
Urwo ruganda rwarubatswe mu mushinga wa miliyari 20$. Uhageze ubona ibikorwa rwose byo ku rwego ruhambaye byari bimaze gukorwa. Urugero ni nk’ikigo abakozi ba Total bari kuzajya babamo, ukigereranyije na hotel, ni imwe y’inyenyeri nibura enye kuko gifite buri kimwe cyose.
N’umushinga w’Ikibuga cy’Indege cya Afungi na wo wari muri iyo gahunda witwaga “LNG”. Aho Afungi rero ni hamwe mu hagombaga gukurwa gaz, uhageze uyu munsi uhasanga imodoka n’ibindi bikoresho.
Mu nzira ugenda na ho uhabona imodoka nyinshi, mu ntangiriro z’uyu mwaka, Abafaransa barazitaye baritahira, bakiza amagara yabo nyuma y’uko inyeshyamba zari zitangiye kwirara mu baturage, zikabica zibakase imitwe ndetse zigatwika ibyabo. Total yatangaje ko impamvu zo guhagarika ibikorwa ari “Force Majeure’.
RDF na RNP zigenzura icyo cyambu amanywa n’ijoro ku buryo izo nyeshyamba zidashobora kwifashisha amazi ngo zambuke zigana ku butaka. Hari n’igitero giherutse kubera ku karwa gato kari muri iyo nyanja, ariko abarwanyi bafashwe mpiri bashyikirizwa Leta ya Mozambique.
Ku rundi ruhande, ibice byamaze kugarurwamo amahoro bicungwa amanywa n’ijoro. Urugero ni Icyambu cya Afungi. Amanywa n’ijoro hakorwa ubugenzuzi bwo mu mazi harebwa ko nta mwanzi ushobora gutera ahanyuze.
Iki cyambu kiri hafi y’Intara ya Palma. Ni ahantu hari ubutunzi bukomeye kuko hacukurwa gaz.
Afungi Port, ni inzira yagombaga kuzajya yifashishwa muri ibyo bikorwa by’ubucukuzi bwa gaz.
Abaturage bakuwe mu byabo n’intambara bagowe no kubona aho bakinga umusayaQuitunda, igisubizo ku wibaza impamvu RDF iri muri Mozambique
Uvuye kuri iki cyambu, ukerekeza ahitwa Quitunda, ni mu Majyaruguru ya Palma wasobanukirwa neza neza impamvu Ingabo z’u Rwanda zagiye muri Mozambique muri iyi ntambara.
Nkihagera numvise ncitse intege, atari bya bindi by’abanyamakuru byo kwihutira kuvugisha abantu [ngira ngo nanavugishije batatu gusa kuko numvaga nta mbaraga].
Uhingukira ku nzu za nyakatsi, ariko zimwe za nyuma ku Isi ahari. Ni utuzu udashobora kwinjiramo uhagaze [nubwo waba ureshya nanjye – metero 1 na 80 niba ntibeshye; ndumva ntafite ubugufi bukabije ariko n’abo nsumba bazisumba].
Zubakishije bya biti bita imishingiriro, bimwe bashingiriza ibishyimbo. Hejuru hariho utwatsi, mu mpande ni uduhema, imbere ni udutenge dushaje dukinzeho. Muri ako kantu gasa n’inzu, nta buriri bubamo, nta karago usibye utwatsi tumeze nk’ishinge [naketse ko ari umusego] ubwo nawe urabyumva ahandi ni umucanga.
Aho ni mu Nkambi ya Quitunda, abayituyemo barashonje bigaragara, nta mwana wiga, nta mubyeyi ugira akazi, wumve ko hari n’uwambwiye ko inshingano z’urugo aziheruka mu Cyi.
Quitunda ni agace ko muri Palma, Umujyi uri mu Majyaruguru ashyira Uburasirazuba bwa Mozambique. Iyo uwurimo uba uri hafi y’umupaka wa Tanzania kuko bisaba nibura ibilometero 32 ngo ugereyo.
Ni na yo mpamvu mu baturage bawo, usangamo umubare munini w’abavuga Igiswahili. Guhera mu ntangiriro z’uyu mwaka, uyu mujyi wabaye isibaniro ry’imirwano, abaturage bicwa umusubizo, bakaswe imitwe, abandi bakiza amagara yabo.
Abaturage bahungiye mu Nkambi ya Quitunda ubuzima burabakomereye, gusa banyuzamo bakamwenyura bya bindi byo kubura uko ugira ukagwa neza.
Gusa bashima ko uyu munsi umutekano uhari muri ako gace kubera ingabo z’u Rwanda zibaba hafi amanywa n’ijoro bati ’ariko turashonje.’
Bakkhali Ali Mbaya, ni umwe muri bo, afite abagore batatu n’abana icumi yavuze ko yakuwe mu bye aho yari atuye mu gace ka Bella Vista mu Mujyi wa Palma.
Ati “Naje hano mpunze ibyihebe kubera intambara, byaduteye tariki ya 24 Werurwe. Byatangiye ahagana saa Kumi, byanyuze inzira y’ubusamo bigera kuri sitasiyo ya gisirikare aho byatangiye ubwicanyi. Mbere twari tubayeho neza ariko hatangira kwinjiramo ikintu cyo kudahuza imyemerere y’amadini.’’
Yavuze ko uko kutumvikana kw’abayoboke b’amadini n’ibyo bemera byatumye bamwe bayoboka inzira y’ishyamba bajya mu mutwe w’iterabwoba.
Yakomeje ati “Ubu turashima Imana kuko kuva igihe ingabo z’u Rwanda zagereye hano, ubu dufite amahoro, turaryama tugasinzira neza. Nizeye ko n’abafite ubwoba ubu bashize impumu kuko bizeye ko barinzwe n’ingabo z’igihugu n’iz’u Rwanda.’’
Mugenzi we yagize ati “Nishimiye byimazeyo kuba ingabo z’u Rwanda zaraje hano. Turaryama tugasinzira neza, ntabwo duhangayitse, imitima yacu yatangiye gutuza. Twatangiye gutuza nyuma y’aho Ingabo zihagereye. Turashimira cyane ubufatanye bw’ingabo z’u Rwanda n’iza Mozambique. Turashimira cyane.”
Ubu bibarwa ko abaturage barenga ibihumbi 20 bavuye mu byabo mu gace ka Palma hanyuma muri bo abarenga ibihumbi 10 bahungiye Quitunda.
Kugeza ubu icyambu cya Afungi giherereye mu Ntara ya Cabo Delgado muri Mozambique kiri kugenzurwa n’Ingabo z’u Rwanda. Ni nyuma y’uko abasirikare batsimbuye umwanzi maze bakagarura amahoro muri aka gace.
🎥 @PGirinema pic.twitter.com/PvWEQKstmo
— IGIHE (@IGIHE) August 7, 2021
“Nishimiye byimazeyo kuba ingabo z’u Rwanda zaraje hano. Turaryama tugasinzira neza, ntabwo duhangayitse, imitima yacu yatangiye gutuza. Twatangiye gutuza nyuma y’aho Ingabo zihagereye. Turashimira cyane ubufatanye bw’Ingabo z’u Rwanda n’iza Mozambique. Turashimira cyane.” pic.twitter.com/6swWHSTygG
— IGIHE (@IGIHE) August 7, 2021
Umunyamakuru wa IGIHE, @PGirinema ari gukurikirana ibibera muri Mozambique aho RDF iri mu rugamba rwo guhashya imitwe y’iterabwoba.
Aho aherereye muri Afungi, RDF ihifashisha nk’imwe mu nzira zizayigeza i Mocímboa da Praia. pic.twitter.com/4PyTOKju1d
— IGIHE (@IGIHE) August 7, 2021
Polisi y’u Rwanda bisa n’aho ifite inshingano zihariye muri uru rugamba zo gusigasira ibice biri mu maboko y’Ingabo z’u Rwanda
Ikibuga cy’Indege cya Afungi, kiri mu maboko y’u Rwanda kuva muri Nyakanga. Muri iki gihe, Abapolisi b’u Rwanda baba bari maso umunota ku wundi
Ku Cyambu cya Afungi, Ingabo z’u Rwanda ziba zigenzura amazi no hakurya ku butaka umunota ku wundi
Ubwato bwifashishwa muri iki gikorwa, bwavuye mu Rwanda bwambukira Nacala bugera muri iyi ntara ya Cabo Delgado
Ingabo z’u Rwanda zo mu Ishami rirwanira mu Mazi ziherutse kwivuna umwanzi mu kirwa kiri muri iyi Nyanja y’Abahinde
Uburinzi bwo kuri iki cyambu bukorwa ijoro n’amanywa
Bakora aka kazi bashyize hamwe ndetse ni nacyo gitumye uyu munsi hari intambwe bamaze gutera
Inkambi ya Quitunda ni ikimenyetso cy’ubuzima butoroshye abaturage bo muri Palma babayemo
Iri ni rimwe mu macumbi atuwemo n’imiryango iri muri iyi nkambi
Ntibazi uko ejo habo hazaba hameze gusa bizeye ko kubera Ingabo z’u Rwanda, umutekano ushobora kuzongera kugaruka bagasubira mu buzima busanzwe
Ntacyo kurya bafite, ntacyo kunywa ndetse nta n’aho kuba bafite nyuma yo kumeneshwa n’imitwe y’iterabwoba
Abana ntibiga, birirwa aho mu nkambi bicira isazi mu maso
Muri uru rugamba hifashishwamo ibikoresho bikomeye birimo n’ibifaru
Abaturage bo muri Afungi bishimira ko agahenge katangiye kugaruka nyuma y’aho Ingabo z’u Rwanda zigereye muri aka gace
Polisi y’u Rwanda n’Ingabo z’u Rwanda bacunga umutekano w’abaturage bo mu Nkambi ya Quitunda umunsi ku wundi
Ibi bikorwa, Ingabo z’u Rwanda na Polisi zibifatanya n’Ingabo za Mozambique
Aba baturage bageze muri iyi nkambi muri Werurwe nyuma y’uko bagenzi babo bari bamaze kwicwa
Amafoto: Philbert Girinema
-
Gisagara: Urubyiruko rwasannye umuhanda rukoresheje uburyo budasanzwe (Amafoto) – #rwanda #RwOT
Uwo muhanda wa metero 200 uherereye mu Murenge wa Gishubi bawusannye bifashishije ikoranabuhanga rya ‘Do-nou’ aho bafata imifuka bagashyiramo itaka mu buryo bungana bagatsindagira ku buryo usigara ukomeye utapfa kwangirika.
Uru rubyiruko rwasannye n’iteme ryari ryarangiritse rurikora mu buryo bukomeye ku buryo imodoka irinyuraho.
Uko ari abakobwa 20 n’abahungu 30 bigishijwe n’umushinga wo mu Buyapani witwa CORE (Community Road Empowerment). Urwo rubyiruko rusanzwe rukora ibikorwa byo gutunganya imihanda ariko nta bumenyi buhagije rwari rufite.
Habineza Patrick avuga ko usibye gusana uwo muhanda no kubaka iteme rihari, bungutse n’ubumenyi buzabagirira akamaro.
Ati “Amateme twajyaga dukora ni ayoroheje mu buryo busanzwe kuko nta bumenyi twari dufite bwo kuyakora neza ndetse no gukora imihanda muri ubu buryo bwa Do-nou ntabwo twari tubizi. Urumva ko ubwo bumenyi nungutse ntazabwicarana.”
Namubonye Zaina na we yavuze ko yungutse kumenya gukora imihanda neza, asaba akarere kujya kabaha ibiraka bagakora itakiri nyabagendwa.
Ati “Mu karere kacu hari imihanda ijya yangirika kubera ibiza biterwa n’imvura, icyo dusaba ubuyobozi ni uko bwajya buduha ibiraka byo kuyisana dukoresheje ubu buryo kuko butuma umuhanda ukomerera ntupfe kwangirika.”
Umukozi ushinzwe Amahugurwa muri CORE, Ntakirutimana Obed, yavuze ko gusana uwo muhanda no kuba iteme rihari byatwaya agera kuri miliyoni 6 Frw kuko buri umwe muri urwo rubyiruko yahawe ibihumbi 6 Frw ku munsi.
Ati “Aha twahakoze mu minsi 10, kandi tubariyemo amafaranga y’insimburamubyizi yagiye ahabwa urubyiruko kimwe n’ibyo kurya bahabwaga bari ku kazi, ndetse no kuzana ibikoresho, urebye byatwaye amafaranga abarirwa muri miliyoni esheshatu.”
Yemeza umuhanda wakozwe mu buryo bwa Do-nou uba ukomeye ku buryo ushobora kumara imyaka itanu utongeye kwangirika.
Umuyobozi w’agateganyo ushinzwe Imirimo Rusange (Division Manager) mu Karere ka Gisagara, John Dede, yavuze ko ubwo buryo urubyiruko rwigishijwe buhendutse ku buryo bagiye kujya babwifashisha mu gusana imihanda.
Yavuze ko ubusanzwe mu kuba iteme nk’iryo ryo mu kabande no gusana umuhanda wangiritse ureshya na metero 200 bitwara amafaranga atari munsi ya miliyoni 80 Frw ubariyemo n’imisoro.
Ati “Ubwenge babahaye turaza kujya tubwifashisha mu buryo butandukanye, urugero nk’amateme agenda yangirika. Ubwo dufite na kompanyi zigera ku icyenda z’urubyiruko zatsindiye amasoko yo kuzajya zisana imihanda yangiritse, tuzabahuza ku buryo hazajya hakoreshwa n’ubu bumenyi bidatwaye amafaranga menshi.”
Kugeza ubu abongerewe ubumenyi ni abo mu Mirenge ya Ndora, Gishubi na Muganza.
Abasore 30 n’inkumi 20 ni bo bigishijwe gusana imihanda no kubaka amateme mu Karere ka Gisagara
Bawusannye bifashishije ikoranabuhanga rya Do nou aho bafata imifuka bagashyiramo itaka mu buryo bungana bagatsindagira ku buryo umuhanda usigara ukomeye utapfa kwangirika
Bigishijwe no kubaka amateme mu buryo bukomeye
Ibikoresho bitandukanye bifashisha mu gusana imihanda
Mbere y’uko uyu muhanda ukorwa ntabwo wari nyabagendwa
Mu gusana imihanda bakoresha n’amazi kugira ngo ikomere
Nyuma yo kubaka iteme mu buryo bukomeye hahise haba nyabagendwa
Ubwo ibikorwa byo gusana uyu muhanda byari birimbanyije
Urubyiruko rwo mu Karere ka Gisagara rwasannye umuhanda wangiritse rukoresheje uburyo budasanzwe uba nyabagendwa mu minsi 10
Uyu muhanda utarasanwa ibinyabiziga byagorwaga no kuwunyuramo
-
Miss Bahati Grace yakorewe ibirori byo gusezera ku bukumi [AMAFOTO] #rwanda #RwOT
Miss Bahati Grace wabaye Nyampinga w'u Rwanda mu 2009 witegura gukora ubukwe, mu ijoro ryo kuri uyu wa 7 Kanama 2021 yakorewe ibirori byo gusezera ku bukumi bizwi nka “Bridal Shower.”
Ibi birori byitabiriwe n'abakobwa b'inshuti ze barimo Miss Aurore Kayibanda n'abandi banyuranye.
Miss Bahati Grace wabaye Nyampinga w'u Rwanda mu 2009, agiye kurushinga n'umusore yihebeye witwa Pacifique Murekezi, umuhungu wa Murekezi Raphaël wamenyekanye nka Fatikaramu washinze Ishuri rya Espanya ry'i Nyanza, wanakiniye Rayon Sports.
Miss Bahati yagiye muri Amerika ku wa 22 Kamena 2011, akigerayo abanza kwisuganya ngo ashakishe uko yabaho n'uko yakwiga. Muri uko kwishakisha yatangiye gushaka ubuzima aho yabaye umwarimu mu irerero ry'abana.
Muri Nyakanga 2012 yibarutse umwana yabyaranye na K8 Kavuyo, ubuzima burushaho kurura nyuma aza kubona imiryango ibiri imufasha.
Pacifique Murekezi wasimbuye K8 Kavuyo mu mutima wa Bahati Grace, afite imyaka 31.
-
Nta kuntu Sylvia MUKANKIKO atari kuba inkunguzi akomoka ku mujenosideri MUTABAZI André. #rwanda #RwOT
Ubusanzwe icyaha ni gatozi, kuko ugihanirwa ari uwagikoze gusa. Nyamara iyo winangiye ukanga kwitandukanya n'umunyacyaha witwaje isano ufitanye nawe, biba bigaragaza ko usangiye imyumvire n'uwo mugizi wa nabi. Uba uri umugome mu bandi, ipfunwe n'ikimwaro bikakugira imbata. Uku niko byagendekeye umugore witwa Sylvia MUKANKIKO wananiwe kwitandukanya n'ubugome bwa se umubyara , wamaze abantu mu zahoze ari Komini Murama na Kayenzi, muri Jenoside yakorewe Abatutsi.
Ubundi kuba mubi ku isura si icyaha kuko tutiremye. Icyaha ni ukwanga kwiyakira, ububi bw'isura bwakwivanga n'ububi bw' umutima bikaba umwaku .
Sylvia MUKANKIKO benshi basigaye bita 'INKOTSA-NKUGUZI' ku mbuga nkoranyambaga, ni mwene MUTABAZI André na Drocella ukomoka mu Rutobwe aho bita'MUKAJE'.Ababyeyi bombi ba Mukankiko barapfuye, Ise Mutabazi bikavugwa ko yaguye mu gitero ngo yagiye gukumira Inkotanyi.
Tumaze kumva amagambo y'ubugome n'ubugambanyi bwa Sylvia Mukankiko ubundi bitamenyerewe ku Munyarwandakazi (uretse uwigize icyohe), twagize amatsiko y'amavu n'amavuko ye, maze tujya aho akomoka , tuganira birambuye n'abazi neza uwo muryango wa ba Ruharwa.
Mutabazi André ubyara Mukankiko Sylvia alias IKOTSA-Nkunguzi, yari umukangurambaga w'urubyiruko (encadreur de la jeunesse) mu yahoze ari Komoni Murama, Perefegitura ya Gitarama, ubu ni mu Ntara y'Amajyepfo.
Yabanje kuba 'umurwanashyaka wa MDR-power), aza guhinduka Interahamwe izwi cyane mu karere yari atuyemo ndetse no hanze yako.
Rushyashya yaganiriye n' uwitwa' UZIYELI' nawe wagize uruhare muri Jenoside yakorewe Abatutsi, ariko aza kurekurwa amaze kwicuza no kwemera icyaha.Yagize ati:' Ubwicanyi twakoze twabushishikarijwe n'abantu barimo Mtabazi Andreya, kuko aho gukangurira urubyiruko kwivana mu bukene, yarushishikarije kwanga Abatutsi no kubatsemba. Yatwumvishije ko Abatutsi ari abanzi bafatanyije n'Inkotanyi umugambi wo kwica Abahutu. Twaramwumvise, bituma twica abaturanyi twari tumaranye imyaka dushyingirana, duhana inka, nta kibazo dufitanye.
Birababaje ariko ikibabaje kurushaho ni uko hari abo twafatanyije ibyaha twumva ngo bimereye neza mu mahanga' 'Uziyeli' avuga ko umugambi mubisha wa Andereya Mutabazi yanawugezeho, kuko mu gihe cya Jenoside yakorewe Abatutsi yicishije Abatutsi batagira umubare aho muri Murama, barya inka zabo, barabasenyera, ibisigaye barabisahura.
Yongeyeho ati:' Andreya Mutabazi ntiyanyoye amaraso y'Abatutsi bo muri Murama gusa, kuko tuzi ko yagiye no gutanga'umusada' i Kayenzi ahoyari ahafite bene wabo. Aho naho yagenzuraga niba nta Mututsi ugihumeka, kuko ngo atifuzaga kuzongera kubona isura y' Umututsi'
Twashoboye kuvugana kandi n'umukecuru'Mukanditiye' wari uzi neza umuryango wa Andreya Mutabazi, maze atubwira MISAGO Déogratias wamaze Abatutsi ahitwa mu RUTOBWE, Théodore MPATSWENUMUGABO wakoraga muri MINITRANSCO, ndetse akaba n'umwe mu bicishije Abatutsi bakoraga muri iyo Minisiteri yo Gutwara Abantu n'Ibintu. Amakuru avuga ko uyu Mpatswenugabo yaba yarahungiye mu gihugu cya Niger.Mu bavandimwe ba Andreya Mutabazi kandi, umukecuru 'Mukandutiye' yibuka abicanyi kabuhariwe François SIBOMANA, NKIKO NSENGIMANA wigeze kwigisha muri Kaminuza y'uRwanda ndetse aza no kuyoboza ikigo'IWACU' cya Kabusunzu ya Kigali.
Uyu we bisanzwe binazwi ko yamamaye cyane muri Jenoside yakorewe Abatutsi mu yahoze ari Komini Kayenzi. Ni umwe mu bafatanyije na Ingabire Victoire Umuhoza(IVU) gushinga FDU-Inkingi, agatsiko kabaswe n'ingengabitekerezo ya jenoside.
Basaza ba MUkankiko Sylvia twashoboye kumenya ni Jean-Damascène bita 'Damas' wahindutse umusinzi mu Rutobwe, na Protais wibereye inzererezi mu Gatenga ya Kigali, naho icyomanzi gishiki cyabo cyibereye mu maguru ya Padiri Thomas Nahimana, Sylvia Mukankiko asangiye na mukeba we Nadine Kansinge.
Ngiyo rero inkomoko y'ibisazi bya Sylvia Mukankiko wirirwa akoronga bukamwiriraho. Nguwo umugore w'inkunguzi wumva azatungwa no kwicuruza, no guharabika uRwanda n'abayobozi barwo. Iyo aza kugira akenge gake, yari kubaza niba hari undi byahiriye.
Icyakora tukimara kumumenya umuzi n'umuhamuro, twasanze nta kuntu atahakana ngo anapfobye Jenoside yakorewe Abatutsi, kuko yumva ari ukurwanirira abajenosideri akomokaho, dore ko nta n'umwe mu bo mu muryango we udafite ibiganza bijejeta amaraso. Iyi ni intambara atazigera atsinda, kuko amateka yariyanditse ubuziraherezo.
Les faits sont têtus!!
Nkotsa-nkunguzi rero, nushaka utukane cyangwa ubireke. Ubushizi bw'isoni ntibuzakuvanaho igisebo cyo kuvuka ku bajenosideri. Bijya no gupfa so yarakwanze akwita nabi, Mukankiko amaherezo uzibona mu nkiko.The post Nta kuntu Sylvia MUKANKIKO atari kuba inkunguzi akomoka ku mujenosideri MUTABAZI André. appeared first on RUSHYASHYA.