Webrwanda Backend

Blog

  • Hamenyekanye igihe umurambo wa Ambasaderi Joseph Habineza uzagerezwa i Kigali – #rwanda #RwOT

    Ambasaderi Joseph Habineza wabaye Minisitiri wa Siporo, Urubyiruko n’Umuco mu Rwanda yitabye Imana ku wa 20 Kanama 2021 azize uburwayi.

    Bitewe n’umuryango munini yari afite muri Kenya biteganyijwe ko hari imwe mu mihango izabera muri iki gihugu. Ku wa kane tariki ya 26 Kanama 2021, habazaho igikorwa cyo gusezera umurambo wa Amb. Habineza mu buruhukiro bwa Montezuma i Nairobi.

    Kuva saa yine n’igice kugeza saa tanu n’igice zo kuri uyu munsi hataganyijwe igikorwa cyo kumusezeraho kizabera muri Invergara club, ahazanatangirwa ubuhamya bw’abantu batandukanye bari bamuzi.

    Mu gitondo cyo ku wa Gatanu hazaba igikorwa cyo gukura umurambo wa Ambasaderi Habineza mu buruhukiro, woherezwe ku Kibuga cy’indege cyitiriwe Jomo Kenyatta, aho uzakurwa uzanwa mu Rwanda. Biteganyijwe ko uzahagera saa 12h10, hagakurikiraho imihango yo kumusezera.

    Kugeza ubu amakuru agera ku IGIHE ni uko hatarafatwa umwanzuro ku munsi azashyingurwaho.

    Mu rwego rwo gufasha umuryango wa nyakwigendera muri ibi bikorwa byose, hashyizweho uburyo abantu bashobora gutanga inkunga bitewe n’uko bifite. Niba wumva hari umusanzu nawe watanga wanyura aha.

    Habineza Joseph yavukiye mu Karere ka Kamonyi mu Ntara y’Amajyepfo tariki 3 Ukwakira 1964. Nubwo yamenyekanye muri Politiki, mbere yaho yabanje gukora mu bigo bitandukanye byigenga.

    Joseph Habineza yakoreye uruganda rwa Heineken i Kinshasa, mu 1994-1998, ndetse aza no kuba Umuyobozi ushinzwe ikoranabuhanga muri Heineken muri Nigeria, mu 1998-2000.

    Yatangiye imirimo ya politiki mu Rwanda mu mwaka wa 2004 ubwo yari avuye muri Nigeria, ahita agirwa Minisitiri w’Urubyiruko, Siporo n’Umuco icyo gihe bikaba byari bigikomatanyijwe.

    Muri 2008, igice cy’urubyiruko cyahawe minisiteri ukwayo ariko Habineza akomeza kuyobora iyiswe icyo gihe Minisiteri ya Siporo n’Umuco kugeza muri 2011 ubwo yeguraga.

    Muri 2008, igice cy’urubyiruko cyahawe minisiteri ukwayo ariko Habineza akomeza kuyobora iyiswe icyo gihe minisiteri y’Umuco na Siporo kugeza muri 2011 ubwo yeguraga.

    Nyuma yaje guhabwa inshingano nshya zo guhagararira u Rwanda muri Nigeria na Ghana.

    Ku wa 24 Nyakanga 2014 yongeye kugaruka muri Guverinoma yari iyobowe na Anastase Murekezi nka Minisitiri w’Intebe; asubira na none ku kuba Ministeri w’Umuco na Siporo, umwanya yamazeho iminsi 183 kuko ku gicamunsi cyo ku wa 24 Gashyantare 2015 yasimbujwe.

    Umurambo wa Ambasaderi Joseph Habineza uzagezwa mu Rwanda ku wa Gatanu tariki 27 Kanama 2021

    source : https://ift.tt/3jhQEQg

  • Umurambo bikekwa ko ari uw’Umunyarwanda Steve Nkusi wabonetse mu kiyaga #Rwanda #RwOT via @kigalitoday #rwanda #RwOT

    Abazi Steve Nkusi bazamwibuka nk
    Abazi Steve Nkusi bazamwibuka nk’umuntu wagiraga urukundo, ugwa neza, uhora yishimye

    Amagana y’abantu bazi Nkusi Steve yaba mu Rwanda cyangwa muri Canada, bahise bajya ku mbuga nkoranyambaga, bagaragaza agahinda n’ubwoba batewe no kubura k’uwo musore, mu gihe inzego zitandukanye zishinzwe ubutabazi muri icyo gihugu, cyane cyane ubwo mu mazi, zakomeje ibikorwa byo gushakisha mu mazi y’icyo kiyaga.

    Nkusi wabaye mu isiganwa ry’amaguru muri Ottawa, yanakoreye Goverinoma ya Canada, akaba yari afite imigambi yo kuzakora ‘business’ nyuma yo kurangiza amasomo ye muri Kaminuza ya Ottawa.

    Bivugwa ko yasimbukiye mu mazi ubwo yari kumwe n’itsinda ry’inshuti ze zifite mu myaka 20 mu bwato bari bakodesheje, ariko ntiyongera kugaruka.

    Nyuma yo kubona ibyo bibaye, abari kumwe na we mu bwato ngo batabaje Polisi.

    Tariki 22 Kanama 2021, Polisi yo mu gace kitwa Niagara (Niagara Regional Police Service) yatangaje ko ahagana saa kumi n’ebyiri z’umugoroba ku wa Gatandatu tariki 21 Kanama 2021, Polisi yahamagawe ku nkengero z’ikiyaga ahitwa Sunset Beach muri ‘St Catharines’ nyuma y’uko hari umuntu w’igitsinagabo wari umaze kurohama mu mazi.
    Polisi ngo kuva icyo gihe yatangiye gushakisha ariko ntiyagira icyo ibona.

    Polisi yari imaze iminsi ishakisha mu mazi
    Polisi yari imaze iminsi ishakisha mu mazi

    Ahagana saa saba n’iminota 15 z’amanywa ku wa Kabiri tariki 24 Kanama 2021 nibwo Polisi yo mu gace ka Niagara yahamagawe n’umuntu wari mu bwato mu kiyaga cya Ontario, avuga ko abonye umurambo w’umuntu mu mazi.

    Polisi yihutiye kuhagera, itwara umurambo w’uwo muntu w’igitsina gabo kwa muganga i Toronto kugira ngo ukorerwe isuzuma, ndetse hamenyekane uwo muntu uwo ari we.

    Amakuru atangazwa na CBC News, ni uko umuryango wa Nkusi wari watangiye gutakaza icyizere cyo kuzongera kumubona, ariko ufite icyizere ko za Camera za Polisi zimaze iminsi ine zishyizwe muri ayo mazi ya Sunset Beach ziza kugira icyo zerekana.

    Mugeni Sandrine aganira n’igitangazamakuru CBC News kuri telefoni, yavuze ko kubura Nkusi Steve ari igihombo gikomeye ku muryango.

    Abo mu Muryango wa Nkusi baturutse mu bice bitandukanye bari baje bahurira aho impanuka yabereye kugira ngo bakomeze gukomezanya no kwihanganishanya.

    Nkusi Gilbert, umubyeyi wa Nkusi Steve, ni umucuruzi w’Umunyarwanda watashye mu Rwanda mu 2019, nyuma yo kumara imyaka 18 mu mahanga. Kuri ubu yahise yerekeza aho muri Canada we n’umugore we.

    Nkusi Steve yavukiye i Kigali mu Rwanda, akurira muri Canada, aho yize amashuri abanza, ayisumbuye ndetse na Kaminuza, aho yarangije mu bijyanye n’icungamari muri Kaminuza ya Ottawa.

    Uretse ibyo kuba Nkusi yari azwi mu gusiganwa ku maguru, yari yaratangiye no gukora mu bijyanye no kumurika imideri, nk’uko bivugwa na mushiki we Mugeni Sandrine.

    Ku mbuga nkoranyambaga, abazi Nkusi Steve, bavuga ko yari umuntu ugira urukundo, ugwa neza kandi uhora yishimye.

    Amakuru avuga ko Nkusi Steve yarohamye ubwo yari yagiye mu birori byo kwizihiza isabukuru y’umwe mu nshuti ze.

    Ababonye impanuka iba, bavuga ko babonye Nkusi asa n’urwana n’amazi ubwo yari akimara kuyinjiramo, nyuma gato arabura. Ngo bagerageje kumuhereza umwambaro urinda abantu kurohama (life jacket), ariko ngo ntiyashoboye kuwufata.

    Abanyarwanda batandukanye b’inshuti za Nkusi bakomeje kohereza ubutumwa bw’akababaro ku mbuga nkoranyambaga zinyuranye, bamwifuriza kuruhukira mu mahoro.

    Ubukangurambaga bwo gukusanya inkunga yo gufasha umuryango wa Nkusi (GoFundMe) bumaze gukusanya agera ku 52.602 y’Amadolari, mu gihe intego yari 50.000 by’Amadolari.

    Steve Nkusi yari afite impano yo gusiganwa ku maguru
    Steve Nkusi yari afite impano yo gusiganwa ku maguru


    source : https://ift.tt/3sPvyMe

  • Gahunda yo gusezera bwa nyuma nyakwigendera Joseph Habineza yamenyekanye #rwanda #RwOT

    Ambasaderi Joseph Habineza wabaye Minisitiri mu Rwanda akanagira indi myanya ikomeye, yitabye Imana mu cyumweru gishize aho yari arwariye muri Kenya.

    Muri Kenya aho asanzwe anafite abo mu muryango we benshi, biteganyijwe ko na ho hazabera umuhango wo kumusezeraho bwa nyuma uteganyijwe kuri uyu wa Kane tariki 26 Kanama.

    Iki gikorwa cyo kumusezeraho bwa nyuma kizabera i Nairobi muri Kenya mu buruhukiro bwa Montezuma.

    Kuri uwo munsi kandi biteganyijwe ko azasezerwaho bwa nyuma ahitwa muri Invergara Club ndetse hanabeho umwanya wo kumva ubuhamya bw’abo mu muryango we ndetse n’abandi babanye na we.

    Bucyeye bwaho ubwo hazaba ari ku wa Gatanu tariki 27 Kanama 2021, umurambo wa nyakwigendera ni bwo uzoherezwa mu Rwanda ukazahagera ahagana saa saba z’amanywa aho hazahita na bwo hakorwa imihango yo kumusezeraho bwa nyuma.

    Gusa itariki yo gushyingura nyakwigendera Joseph Habineza ntiramenyekana dore ko n’umuryango we utarayemeza.

    Mu kiganiro kihariye yagiranye na UKWEZI TV, Umunyamakuru Robert Mugabe wakusanyije amakuru ajyanye n’uburwayi bwa nyakwigendera, yavuze ko mu minsi yashize yari aherutse gukomereka ku kaguru ubwo yariho akina umukino wa Volleyball.

    Ngo icyo gikomere cyaje gisanga yari asanzwe arwaye indwara ya Diabetes bituma kidakira ahubwo gikomeza kumuzahaza ndetse ngo gituma indwara ya Diabetes ikara cyane ari na byo byatumye ajya kwivuriza muri Nigeria.

    Robert Mugabe yavuze ko muri Nigeria bafashe icyemezo cyo guca akaguru ariko avuga ko avuga ko azabikoreshereza i Buraya.

    Ngo yahise ajya muri Kenya ari na ho yaje kongera kurembera ajyanwa mu bitaro baramuvura ndetse ngo aroroherwa mu gihe bariho bategura kumusezerera ni bwo yahise yitaba Imana.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Gahunda-yo-gusezera-bwa-nyuma-nyakwigendera-Joseph-Habineza-yamenyekanye

  • Kanye West yasabye guhindura izina akitwa Ye – #rwanda #RwOT

    Mu mpapuro yatanze mu rukiko rwo mu Mujyi wa Los Angeles, uyu muraperi yavuze ko ashaka guhindura izina 'ku mpamvu ze bwite'.

    Ibi bibaye nyuma y'igihe gito, uyu muhanzi akaba n'umunyamideli wigeze no gushaka kuba Perezida, yanditse kuri Twitter ko ashaka guhindura izinda akitwa Ye. Icyo gihe yanditse agira ati 'Nzwi ku izina rya Kanye West. Ubu ndi Ye.”

    Iri zina yanarikoresheje kuri Album ye ya munani yasohoye muri Kamena 2018.

    Mu kiganiro yagiranye na Radio imwe yo muri Amerika mu 2018, uyu muraperi w'imyaka 44 y'amavuko, yavuze ko izina 'Ye' rifite igisobanuro mu by'idini na Bibiliya.

    Ati 'Nemera ko 'Ye' ari rimwe mu magambo avugwa cyane muri Bibiliya bisobanura ‘ wowe’.'

    Uyu muraperi aritegura gushyira ku isoko Album ya cumi yitiriye Nyina 'Donda'.

    Amaze iminsi avugwa ubutitsa mu itangazamakuru kubera inkuru zishamikiyee ku itandukana rye n'umugore we w'umunyamideli Kim Kardashian.

    Kanye West anaherutse gutangaza ko aziyamamariza kuyobora Amerika, mu matora ateganyijwe mu 2024. Ni nyuma y'uko atsinzwe amatora yo mu 2020 aho yagize amajwi 60, 000.

    Uyu muraperi wakunzwe mu ndirimbo zirimo 'Good Morning', yavutse tariki 8 Kamena 1977, avukira muri Atlanta mu Mujyi wa Georgia muri Leta Zunze Ubumwe za Amerika.

    Yigwijeho imirimo ifite aho ihuriye n'umuziki. Ni umuhanzi, umwanditsi w'indirimbo, 'Producer', umushabitsi akaba n'umunyamideli ubimazemo igihe.

    Forbes ivuga ko Kanye West usanzwe uririmba umudiho wa Rap atunze miliyari 1.8 z'amadorali y'Amerika.

    We n'umugore we bashakanye mu 2014, bafitanye abana bane. Bavuzwe na mbere y'uko barushinga kugeza n'ubu. Ni abantu bakunzwe kandi bavugwa ubutitsa mu itangazamakuru. Barushinze hashize igihe bacuditse.

    Kanye West witegura gusohora Album nshya yatanze impapuro mu nkiko asaba guhindura izina akitwa Ye

    Source : https://inyarwanda.com/inkuru/108912/kanye-west-yasabye-guhindura-izina-akitwa-ye-108912.html

  • Menya byinshi kuri Munyakazi Sadate wabyaye afite imyaka 17 (Video) #Rwanda #RwOT via @kigalitoday #rwanda #RwOT

    Sadate Munyakazi
    Sadate Munyakazi

    Munyakazi Sadate yavutse iwabo ari umwana w’imfura akaba yarakuriye mu muryango w’abana 4, babiri hamwe n’ababyeyi be bahitanwa na Jenoside yakorewe abatutsi 1994 asigarana na murumuna we. Yavukiye mu Karere ka Nyanza ahahoze ari muri Komine ya Ntongwe i Busoro, akaba afite abana 5.

    Uyu mugabo yaje kwiga ibijyanye n’ubukungu abiminuza mu bwubatsi akaba apiganirwa amasoko ya Leta mu bwubatsi nka rwiyemezamirimo.

    Munyakazi Sadate yaje kwisanga yateye inda umukobwa bakundanaga ku myaka 17 biza kurangira banabanye, umugore yemeza ko yari mwiza kandi yujuje ibyo yakundaga, cyane ko yikundira umugore w’igikara, ufite imisatsi miremire kandi witonda.

    Kimwe mu byo atajya yibagirwa ni uburyo uwo mugore yamushyigikiye, ntamutezukeho ubwo induru zari zabaye nyinshi abantu bamutuka ku mbuga nkoranyambaga mu bitangazamakuru bitandukanye n’ahandi henshi, ariko akagumya kumuba hafi.

    Yagize ati “Sinigeze ncika intege ndetse n’umugore wanjye n’umuryango wanjye wose bakomeje kumba hafi cyane ko nagiye ku buyobozi bwa Rayon hashize iminsi mbitegura n’ubwo atabanje kubyumva, ariko yagezeho arabyemera ko niba abantu bambonyemo ubushobozi nabafasha”.

    Sadate avuga ko n’ubwo yatukwaga hirya no hino atigeze acika intege na rimwe kuko yari azi ko gahunda yari yarihaye yo gushyira Rayon ku murongo no gukorera mu mucyo, byari ukuri kabone n’iyo yabonaga bamurwanya.

    Yagize ati “Iyo undwanyiriza mu kuri kwanjye ngira ingufu zo kugukomeraho kandi inzego za Leta zanyerekanga ko zinshyigikiye ndetse zanabonaga ko ndi mu kuri. Mu nama twagize cyangwa n’ibindi bikorwa twahuriyemo nta muntu wambwiye ko ntari mu kuri”.

    Ifungwa rya Sadate n’ibyamubabaje mu buzima bwe

    Munyakazi Sadate avuga ko yigeze gufungwa azira gahunda ya Girinka ubwo baguze inka zimwe zikaza gupfa, abantu bakamutemeraho itaka agafungwa ariko akaza gufungurwa.

    Yagize ati “Nafunzwe iminsi 29 harimo imwe namaze muri gereza ya Muhanga, inzego za Leta zaje gushishoza barandekura ndataha mburana ndi hanze ndetse nza no gutsinda urubanza”.

    Sadate avuga ko yananiwe kurya muri gereza bisaba ko umugore azajya amugemurira inyama (Steak), ikaranze yumutse akunda, kugira ngo abashe kubaho, iyi nyama ngo akaba ari na byo biryo bye akunda, ndetse akaba iyo yasohotse ari yo yikundira.

    Munyakazi ntateze kwibagirwa Jenoside yamwiciye umuryango, ikamuhekura ndetse ikabasiga iheruheru.

    Yagize ati “Umuntu utarahura na Jenoside sinamwifuriza ko yamubaho, uzi kubyuka mu gitondo ukabura byose, abavandimwe inshuti ibintu byose bikagenda, bigakorwa n’abaturanyi mwabanaga muri byose mwakamiye, biteye ubwoba. Kugeza na n’ubu nananiwe kubyakira, wumve ko n’amatongo y’iwacu nabuze imbaraga zijya kuyasana kandi ntabuze ubushobozi”.

    Ikindi atazibagirwa ngo ni uko yabyaye afite imyaka 17, akaba afite umwana mukuru kandi bangana, byaratumye akora cyane akiri muto ndetse akaba yifuza kuzakora ibikorwa by’urukundo ageze mu myaka 45, dore ko ubu afite imyaka 40 kubera ko yakoze akiri muto.

    Ikindi Sadate yishimira ni uburyo hari abantu, cyane abize bamushimira uburyo yahaye icyerecyezo ikipe ya Rayonsport.

    Munyakazi Sadate yahoze yitwa David

    Munyakazi Sadate avuga ko yavukiye mu muryango w’abakristu gaturika ndetse akaba yarasomaga agacupa ariko akaza kuba umuyoboke w’idini ya Islam, ndetse izina yakuranye rya David aza kurisimbuza irya Sadate, ibi ni byo byatumye atanywa inzoga ndetse akaba adashobora no kuzisengera.

    Munyakazi akunda gusohoka akajya gusura ahantu hatandukanye ari kumwe n’umuryango we, akaba umufana ukomeye w’ikipe ya Liverpool, agakunda imiziki ituje, mu Rwanda akaba umufana w’imena w’umuhanzi Social Mula.

    Umuntu afataho icyitegererezo ni Umukuru w’igihugu, Paul Kagame, akavuga ko buri umwe amufasheho urugero yagera aho ashaka hose.

    Munyakazi avuga kandi ko yiyiziho inenge anengwa na bose, y’uko akunda kuvuga ibintu uko biri, ikindi ngo nta kunda guhita abona utuntu tudasanzwe ku buryo yabipfuye kenshi n’umugore we.

    Yagize ati “Hari ubwo yabaga yambaye nk’agakanzu keza simbibone nkazabimubwira hashize iminsi nk’ibiri, ukabona arababaye gusa uko iminsi igenda ishira nagiye mbimenyera nkabyitaho”.

    Munyakazi avuga ko bikwiye ko abantu badashimishwa n’ibibi biba ku bandi, ahubwo bakishimira kubazamura no kubafasha, agasaba urubyiruko kubyaza amahirwe igihugu cyabahaye yo kwiga no kwisanzura nta vangura iryo ari ryo ryose.

    Kurikira ikiganiro cyose muri iyi Video:

    source : https://ift.tt/2UMNiv3

  • Ibyari imyanda bigiye kuba imari ishyushye muri Kigali #Rwanda #RwOT via @kigalitoday #rwanda #RwOT

    Minisiteri y’Ibidukikije yatangaje ko mu bihe biri imbere imwe mu myanda iva mu baturage, izajya igurwa n’amasosiyete ayibyaza umusaruro. Ibyo ngo bizatuma abaturage bishyuraga amafaranga kugira ngo babatwarire imyanda, ari bo bazajya bishyurwa kuko bazaba batanze imari.

    Umuyobozi w’Umujyi wa Kigali Prudence Rubingisa avuga ko n’ubwo hari ibigenda bikorwa mu rwego rwo kunoza uburyo bwo gukusanya imyanda mu Mujyi wa Kigali, mu kuyitwara ndetse no mu kuyibyaza umusaruro, ariko ngo ntibiragera ku rwego rushimishije, akavuga ko umushinga w’igerageza w’imyaka itatu ugiye gutangira uzafasha kubona igisubizo ku buryo burambye kuko uzatunganya ibyo abantu bafataga nk’imyanda, bigakorwamo ibindi bintu bifite akamaro.

    Minisitiri w’Ibidukikije, Dr Mujawamariya Jeanne d’Arc, yagize ati “Twifuza ko n’abaturage bacu baba bamwe mu bikorera, bakajya batandukanya imyanda iva mu ngo zabo, tuzagera n’aho, aho kwishyura ngo badutwarire imyanda, ahubwo bazajya batwishyura kugira ngo badutwarire imyanda, kuko tuzajya tuba tubahaye imari, utanze imari rero ugomba kuyibyaza umusaruro ugaruka mu rugo”.

    Uwo mushinga watangijwe uzibanda ku bijyanye no gukusanya, gutwara no gutunganya ibifatwa nk’imyanda uzafasha u Rwanda muri gahunda rwihaye yo kugabanya imyuka ihumanya ikirere.

    Kugeza mu 2030, u Rwanda rwizeye kuba rwagabanyije 38% by’ imyuka ihumanya ikirere nk’uko bikubiye mu masezerano ya Paris yasinywe mu 2015.

    Uwo mushinga watangijwe uzita ku bijyanye no gutunganya imyanda uzatwara agera kuri Miliyoni 4 z’Amayero, ni ukuvuga asaga Miliyari 4 z’ amafaranga y’u Rwanda, ukaba uzanatanga akazi ku bantu bakora mu bijyanye no gukusanya, gutwara no gutunganya imyanda.

    source : https://ift.tt/3DhUwZ9

  • Yagiye kukodesha icumbi ryo kuraramo , basanga amanitse mu mugozi , bitera benshi urujijo i Rwamagana, inkuru irambuye #rwanda #RwOT

    Mu Karere ka Rwamagana , haravugwa inkuru y' umugabo wari wakodesheje icumbi ryo kuraramo , none yarisanzwemo amanitse mu mugozi yapfuye , bigakekwa ko yaba yiyahuye.

    Nk' uko Igihe.com dukesha iyi nkuru kibivuga , uyu mugabo yasanzwe mu icumbi riherereye mu Mudugudu wa Rurembo, Akagari ka Cyanya , mu Murenge wa Kigabiro wo muri ako Karere ka Rwamagama.

    Hanyurwimfura Egide , Umunyamabanga Nshingwabikorwa w' Umurenge wa Kigabiro , yavuze ko uwo mugabo yabonywe mu gitondo cyo kuri uyu wa Gatatu tariki ya 25 Kanama 2021. Ati' Uwo mugabo yasanzwe mu icumbi yapfuye. Ba nyiri icumbi nibo babibonye, baratumenyesha banamenyesha Polisi, nyuma rero twagiyeyo ariko haracyakorwa iperereza ngo hamenyekane uko byagenze.'

    Egide yakomeje avuga ko hataramenyekana aho yari yaturutse ubwo yazaga kwaka icumbi. Muri icyo cyumba bahasanze ibyangombwa bye birimo telefone.

    Source : https://impanuro.rw/2021/08/25/yagiye-kukodesha-icumbi-ryo-kuraramo-basanga-amanitse-mu-mugozi-bitera-benshi-urujijo-i-rwamagana-inkuru-irambuye/

  • Bruce Melodie yasinyiye akayabo ka miliyari mu gihe cy’imyaka 2 #rwanda #RwOT

    Umuhanzi nyarwanda Bruce Melodie yasinye amasezerano afite agaciro ka miliyari y’amafaranga y’u Rwanda na Sosiyete icuruza ibiribwa yitwa Food Bundle.

    Itahiwacu bruce wamamaye nka Bruce Meledie mu muziki, ni amasezerano y’imyaka 2 yasinye aho agiye gutangira afasha iyi kompanyi mu bukangurambaga bwo gushishikariza abantu guhaha hifashishijwe ikoranabuhanga ndetse n’abahinzi bakamenye uko bacuruza ibihingwa byabo mu buryo bugezweho, ni ubukangurambaga bwiswe #morefreslife.

    Shikama Dioscore yavuze ko aya masezerano yari amaze amezi 6 aganirwaho, ngo abantu bashobora kumva ayo mafaranga bageka ko atari byo ari ibihuha ariko ngo bashatse gukora ibitamenyerewe muri muzika nyarwanda.

    Ati 'Twashatse guhindura ibisanzwe biba mu ruganda rwa muzika nyarwanda. Ntabwo ibi bintu ari igihuha nibyo.'

    Bruce Melodie uheruka gusinya amasezerano ya miliyoni 150 na Kigali Arena, yavuze ko yiteguye gukorera iyi sosiyete neza, akaba yishimira urwego umuziki we umaze kumugezaho.

    Ati 'Nanjye nishimiye kuba ndi aha. Nishimiye kuba nagiriwe kino cyizere. Nari maze igihe nkora umuziki ariko ntabwo ibintu byari byakageze kuri uru rwego. Niteguye gukorana n’iyi sosiyete neza nk’uko nsanzwe mbigenza.'

    Food Bundle ikorera muri Afurika yose ndetse na Dubai na Qatar. Ifasha abantu kugeza umusaruro wabo ku isoko. Ni urubuga rwa Internet rufasha abantu kugura ibiribwa.

    Mu Rwanda ikaba ikorana n’abahanzi ibihumbi 2, ngo yiteguye gukaba uyu mubare inshuro 100.

    Bruce Melodie yasinye amasezerano ya miliyari y’amafaranga y’u Rwanda

    Source : http://isimbi.rw/imyidagaduro/article/bruce-melodie-yasinyiye-akayabo-ka-miliyari-mu-gihe-cy-imyaka-2

  • MINAGRI n’abo bafatanya basanze inkeri ari imari ishyushye mu Rwanda #Rwanda #RwOT via @kigalitoday #rwanda #RwOT

    MINAGRI igiye kwagura umushinga wo guhinga inkeri
    MINAGRI igiye kwagura umushinga wo guhinga inkeri

    Mu kwezi kwa Gashyantare k’uyu mwaka wa 2021, MINAGRI ku bufatanye n’Umuryango w’Abahinzi-borozi bo mu Buholandi witwa Agriterra (uteza imbere umushinga HortInvest), batangiye kugerageza imbuto z’inkeri kugira ngo Leta iruhuke gutumiza izo mbuto hanze y’igihugu.

    Icyo gihe u Rwanda rwatumizaga buri mwaka inkeri zipima toni 200 zo gukoramo ibintu bitandukanye nk’umutobe (jus na divayi), ibirungo nka ‘confiture, magi’ n’ibindi, yawurute n’amafu ahesha ibintu bitandukanye kugira ibara n’impumuro byihariye.

    Tariki 03 Gashyantare 2021 ni bwo Umuryango Agriterra wagejeje mu Rwanda ingemwe 70,000 z’inkeri zo mu bwoko bwitwa ‘Bravura’ ziturutse mu Buholandi.

    Inkeri zahinzwe muri Gashyantare zareze neza
    Inkeri zahinzwe muri Gashyantare zareze neza

    Umushinga ‘HortInvest’ wifashishije amakoperative y’abahinzi mu turere twa Rwamagana, Rulindo, Muhanga, Rutsiro na Karongi, bahinga izo nkeri ku buso buto buto (umurima utarengeje hegitare imwe n’igice), kugira ngo babanze barebe ko zibasha kwera mu bice bitandukanye by’igihugu.

    Inkeri zareze batangira kuzikoramo ibintu bitandukanye, izindi ziragurishwa ku masoko yo mu Rwanda atandukanye ndetse no mu mahanga (cyane cyane muri Kongo Kinshasa), aho ikirogarama kimwe ubu kigurwa kuva ku mafaranga 500Frw-6000Frw bitewe n’ubwiza ndetse n’aho zirimo kugurishirizwa.

    Ku wa Kabiri tariki 24 Kanama 2021, MINAGRI hamwe n’abafatanyabikorwa bahuye bakora isuzuma ry’umusaruro urimo kuva mu nkeri muri iki gihe, basanga zimaze kugabanya icyuho cy’izari zisanzwe zitumizwa mu mahanga kuva kuri toni 200 kugera kuri toni 63.5 ku mwaka.

    Ubutaka bw
    Ubutaka bw’u Rwanda buberanye n’inkeri

    Abahinzi b’inkeri hamwe n’abazitunganyamo ibintu bitandukanye, nka Sina Gérard(ufite ikigo cyitwa Urwibutso muri Rulindo), bari babukereye baje kumurika ibyo bakora muri imwe mu mahoteli yakorewemo inama i Kigali.

    Sina usanzwe akora umutobe mu nkeri, avuga ko arimo kubaka n’uruganda ruzazikenera mu gukora amasabune, kuko zitanga ikinyabutabire cyitwa arome gitera isabune guhumura.

    Sina agira ati “Nizeza abahinzi ko isoko ry’inkeri nta na rimwe rizigera ribura, kuko iyo tugura n’ubundi ntabwo ziba zihagije”.

    Umunyamabanga wa Leta muri MINAGRI, Dr Jean Chrysostome Ngabitsinze avuga ko ubwoko bw’inkeri burimo guhingwa ubu ari bushya, kuko izari zisanzwe mu Rwanda ari inyagasozi.

    Dr Ngabitsinze yakomeje agira ati “Ubutaka bw’u Rwanda buberanye n’ubuhinzi bw’inkeri, zishobora gukoreshwa mu gihugu ndetse hagasaguka n’izoherezwa mu mahanga kandi zatunganyijwe(zongerewe agaciro)”.

    Ashimira Ambasade y’Abaholandi mu Rwanda yiyemeje guteza imbere ishoramari ry’inkeri ndetse n’abahinzi ubu bamaze kwerekana ubushake bwo kuzihinga.

    Dr Jean Chrysostome Ngabitsinze, Umunyamabanga wa Leta muri MINAGRI
    Dr Jean Chrysostome Ngabitsinze, Umunyamabanga wa Leta muri MINAGRI

    Umuyobozi w’Ikigo cy’Abaholandi gishinzwe ubutwererane(SNV) mu Rwanda akaba ari na we ukuriye HortInvest, Bernie Chaves avuga ko mu ishoramari ry’inkeri zituruka mu Buholandi harimo amahirwe cyane, kandi akaba ari ubundi buryo bwo guteza imbere ibikorerwa mu Rwanda (Made in Rwanda).

    MINAGRI hamwe n’abafatanyabikorwa bahise biha intego y’uko u Rwanda ruzatangira kubona umusaruro w’inkeri ugera kuri toni 379 ku mwaka muri 2024(ubwo gahunda ya Guverinoma y’imyaka irindwi izaba irangira).


    source : https://ift.tt/3kqIMuL

  • Christopher yarijijwe n'ibyo abafana be bamubwiye – YEGOB #rwanda #RwOT

    Umuhanzi Muneza Christophe uzwi nka Christopher abinyujije ku rukuta rwe rwa instagram yatangaje ko yasazwe n'amarangamutima ndetse akanarira bitewe n'amagambo yabwiwe n'abafana be nyuma yuko indirimbo ye ” Mi Casa ” igiye hanze. Christopher yerekanye bimwe mu byo abafana be bamubwiye byiganjemo kumusaba kutazongera kubasiga ndetse no gukomeza kubakorera indirimbo.

    Bimwe mu byo abafana be bamubwiye ni ibi bikurikira:

    Source : https://yegob.rw/christopher-yarijijwe-nibyo-abafana-be-bamubwiye/