Blog

Aba bantu berekanywe kuri uyu wa Kabiri tariki 05 Ukwakira 2021, bafatiwe mu bice bitandukanye by’Umujyi wa Kigali guhera mu mpera z’icyumweru gishize kuva tariki ya 1 Ukwakira kugeza tariki ya 4 Ukwakira.

Nambajimana Samuel ni imwe muri bariya bantu 31 bafashwe, ubusanzwe ni umwalimu wigisha abantu gutwara imodoka bitegura gukora ibizamini byo kubona uruhushya rwa burundu rwo gutwara ibinyabiziga. Yafashwe ari mu modoka yigishirizamo, avuga ko yari agiye kureba abanyeshuri ngo abigishe.

Yagize ati 'Ni byo abapolisi bamfashe kuwa Gatandatu tariki ya 2 Ukwakira, bamfatiye mu Karere ka Nyarugenge bamfata ntwaye imodoka nigishirizaho abanyeshuri. Koko inzoga nari nayinyoye kandi ndabisabira imbabazi ko bitazongera.'

Ndejeje Alphonse nawe yafashwe tariki ya 2 Ukwakira afatirwa mu Karere ka Nyarugenge, ahazwi nko ku giti cy’inyoni. Ndejeje aremera ko inzoga yari yazinyoye bihagije, yasabye imbabazi avuga ko atazongera ndetse akangurira n’abandi kubyirinda.

Ati 'Ndagira inama abashoferi bagenzi banjye kwirinda amakosa nk’ayo nakoze, gutwara ibinyabiziga wanyoye inzoga bishobora guteza ibyago byinshi birimo impanuka zikaba zahitana abantu, gufatwa ugafungwa iyi minsi itanu kandi ukazanatanga amande. Igihe cyose tugiye gutwara ibinyabiziga dukwiye kwirinda kunywa ibisindisha.'

Umuvugizi wa Polisi wungirije, Chief Superintendent of Police (CSP) Africa Sendahangarwa yongeye kwibutsa abantu ko bagomba kwirinda gusoma ku nzoga igihe cyose bazi ko bagiye gutwara ikinyabiziga.

Yagize ati 'Tubivuga buri munsi aho dukangurira abantu kwirinda kunywa ibisindisha bari butware ibinyabiziga. Bigira ingaruka nyinshi zirimo kuba bakora impanuka bakaba bahasiga ubuzima cyangwa abakoresha umuhanda bakahasiga ubuzima.'

CSP Sendahangarwa yakomeje akangurira abantu cyane cyane abatwara ibinyabiziga kujya bubahiriza amasaha agenwa n’amabwiriza yo kwirinda icyorezo cya COVID-19 kuko mu bafatwa batwaye ibinyabziga banyoye inzoga usanga harimo abarimo kugenda mu masaha atemewe ya nijoro.

Dr Kayumba Christopher wigeze kuba umwarimu muri Kaminuza y’u Rwanda akaba aherutse kwinjira muri Politiki akanashinga ishyaka ritaremerwa, ashinjwa gukoresha imibonano mpuzabitsina y’agahato umukozi we wo mu rugo mu myaka 9 ishize.

Atangaza icyemezo cye, umucamanza w’Urukiko rw’Ibanze rwa Kicukiro yavuze ko yasanze hari ibimenyetso bikomeye byemeza ko Christopher Kayumba yaba yarasambanyije ku gahato uwo mukobwa wamukoreraga mu mwaka wa 2012.

Umucamanza yavuze ko nyuma yo gusambanywa uyu mukozi atari afite ubushobozi bwo gutanga ikirego.

Umucamanza yavuze ko nta mpungenge ku kuba ikirego cyaratanzwe gitinze kuko icyaha cyo gusambanya umuntu ku gahato kidasaza mu mategeko y’u Rwanda.

Cyakora ngo yashoboye kuganyira undi mukozi mugenzi we kandi ngo uyu akaba yarabyemeje ubwo yabazwaga.

Kayumba ariko we yaburanye avuga ko iki kirego ari igihimbano kuko uretse kuba cyaratanzwe nyuma y’igihe kinini uwahohotewe avuga ko yasambanyirijwe, ngo nta n’ibimenyetso bya muganga bihamya iki cyaha yeretse urukiko.

Umucamanza ariko yasanze nta bimenyetso bikomeye ku kindi cyaha cyo kugerageza gusambanya ku ngufu uwari umunyeshuri we muri Kaminuza y’u Rwanda.

Uyu mukobwa ngo ni we wari wijyanye ubwe kwa Kayumba kandi ngo anavuyeyo ntiyigeze yiyambaza urwego urwo ari rwo rwose mu zikurikirana ibyaha.

Uyu mukobwa ngo yabwiye urukiko ko yari yamenyesheje ukuriye ishami ry’itangazamakuru yigagamo.

Gusa umucamanza agasanga yaragombaga no kumenyesha ubuyobozi bwa Kaminuza ndetse hagakorwa n’ibisabwa byose icyaha kigakurikiranwa.