Blog

Arnold Schwarzenegger avuga ko abategetsi bavuga ko kurwanya ihindagurika ry'ikirere bizahaza ubukungu ari 'ibigoryi cyangwa ababyeshyi'.

Mbere y'inama ya COP26, uyu wahoze ari guverineri wa California yabwiye BBC ko kugabanya ibyuka bihumanya ahubwo bizungura ubukungu bw'isi.

Uyu wakinnye filimi nka Terminator avuga ko kugabanya ingano y'inyama turya bitagomba gusobanura ko hari ikintu twigomwe — ko ahubwo ubwe kugabanya izo yaryaga byahinduye umutima we.

Schwarzenegger yavuze kandi ku ihumanya riterwa n'ubucuruzi mpuzamahanga.

Yibasiye abategetsi bibwira ko kugabanya ibyuka bihumanya ikirere bibangamira iterambere ry'ubukungu no guhanga imirimo.

Ati: 'Ni ababeshyi, ni ibigoryi. Cyangwa se ntabwo bazi uko bikorwa, twe twabonye uko twabikora, nta kindi bisaba uretse ubutwari bwo kubikora.'

Schwarzenegger yashimiwe kuba uwaharaniye umwuka mwiza n'ingufu zitangiza ikirere ubwo yari guverineri hagati ya 2003 na 2011 — ashyiraho intego zo kugabanya imyuka ihumanya ikirere.

Masudi yavuze ko hari abanyamakuru bari kumusebya ndetse bashaka guteza umwuka mubi mu ikipe ye aho yasezeranyije ko uwo azafata amuvuga nabi azamujyana kuri polisi.

Uyu mutoza atangaje aya magambo akomeye nyuma y'iminsi ibiri mu binyamakuru bitandukanye hasohotse inkuru zivuga ko Masudi Djuma n'abatoza bungirije batavuga rumwe, ngo ko hari bombori bombori ndetse ko hari ibyo atumvikanaho na komite y'iyi kipe.

Nyuma yo kunganya na La Jeunnesse 0-0 mu mukino wa gicuti wabaye ejo hashize, Masudi yabwiye itangazamakuru ko nta kibazo na kimwe afitanye na Komite ya Rayon Sports ahubwo ko ari abanyamakuru bashaka guteza umwuka mubi mu ikipe bamusebya kandi ko yiteguye kujya abafungisha.

Yagize ati “Mwaretse guteza amagambo mbere y'umukino, reka Rayon Sports yitegure dukine umukino, murimo kumvuga nabi, hari umunsi uzamvuga nabi nzamufata, njye kuri polisi kuko murimo kumbeshyera, ni inde se twavuganye nabi?”

'Staff imeze neza, komite imeze neza ahubwo niyo komite ya mbere irimo kumvikana n'abatoza, kwa kundi tuvuga ururimi rumwe, ibyo bintu sinzi aho mwabikuye, murimo kuvuga abantu bose musebya umuntu.Umuntu uzamvuga nabi nta gihamya nzajya kuri polisi muvuge”.

Uyu mutoza kandi yashimangiye ko nta kibazo na kimwe kiri hagati ye n'abamwungirije, aribo Lomami Marcel na Sacha, cyane ko ari na we wabizaniye, ahamya ko shampiyona nitangira abantu bazaceceka kuko bazaba batangiye gutsinda.

Nyuma yo kugaruka muri Rayon Sports mu mpeshyi y'uyu mwaka, intego ya Masudi Djuma ni ukubaka ikipe itwara ibikombe ndetse initwara neza mu karere no muri Afurika muri rusange.

Rayon Sports iratangira shampiyona y'u Rwanda 2021/22 kuri uyu wa Gatandatu tariki ya 30 Ukwakira 2021 yakira Mukura Victory Sport, umukino uzabera kuri Stade ya Kigali.

Masudi avuga ko hari abanyamakuru bashaka guteza umwuka mubi muri Rayon Sports banamusebya 

Masudi avuga ko uwo azafata amuvuga nabi amubeshyera azamufungisha

Uyu muyobozi ushinzwe gukurikirana imibereho y’abanyeshuri witwa Ntahomvura Erneste, avugwaho kuba yarabwiye abanyeshuri bo mu mwaka wa gatanu, bakajyana bagenzi babo bo mu wa kane mu kibuga saa yine z’ijoro ubundi bakabannyuzura.

Ngo ibi byabaye mu ijoro ryo kuwa 24 Ukwakira 2021, aho bamwe mu banyeshuri n’abarezi bigisha muri ririya shuri babwiye Radio 1 uko byagenze.

Umwe yagize ati 'Bakora ijoro bise Welcome to TTC Nyamata day, Night [avuga ko babahaye ikaze kuri iryo shuru].Rero Animateur afata abanyeshuri biga mu mwaka wa Gatanu, arababwira ngo baze kuza kumufasha kubyutsa abana.'

Yakomeje ati 'Mu saa yine, arababyutsa, arabahamagara ngo mubyuke, abwira abiga mu mwaka wa Gatanu ngo baze kumufasha abiga mu mwaka wa Kane bashyashya. Agira amagambo amwe ababwira, bafata imikandara barabakubita.'

Undi yagize ati 'Hanyuma mu ijoro ryo ku cyumweru ni bwo byatangiye kumvikana cyane, abantu bari hanze y’Ikigo bumva urusaku n’induru mu macumbi bararamo, biza kumenyekana ko ari abanyeshuri bo mwaka wa Gatanu bakubitaga abo mu mwaka wa Kane, ubona ko ari ibintu byapanzwe.'

Aba barimu bavuze kandi ko usibye kuba aba banyeshuri barakubiswe, banatswe amafaranga y’impamba bari bitwaje gusa ko batunguwe no kumva harahanwe abanyeshuri gusa kandi uwo muyobozi ari we bikekwa ko ari we wari inyuma yabyo.

Umwe yagize ati 'Umuyobozi wacu, animateur bitewe ni uko abanyeshuri b’ubushize bamusuzuguraga, yari yapanze gahunda yo gusa n’ubakanze, akabereka ko nta mikino.'

Undi yagize ati 'Yabaga yihagaririye aho, bivugwa ko hari abo yateye inshyi, imigeri.'

Umuyobozi w’Ikigo cya TTC Nyamata, Munyaneza Alphonse yavuze ko bazandikira Akarere ibaruwa ihagarika mu mirimo uyu muyobozi uvugwaho aya makosa.

Yagize ati 'Yavuze ko hari abana bajyaga bamusuzugura bityo ashaka kubaganiriza ababwira bati muramenye namwe mutazaba nk’abansuzuguye ubushize. '

Yakomje ati 'Icyo turi bukore twebwe turi bubitangire raporo, hanyuma nk’Akarere kakareba imyanzuro twanzuye ku ruhande rwacu twifuza y’uko atakomeza kuba umuyobozi (Animateur) wa kino Kigo, bamushakira akandi kazi cyangwa hakarebwa icyo itegeko riteganya.'

Ifoto iri hejuru yakuwe kuri internet ntabwo ari iy’abo mu ishuri rivugwa mu nkuru

Ni irushanwa ryitabiriwe n'abaturutse mu bihugu bitandukanye by’Africa y’Uburasirazuba hagamijwe gushakisha impano mu ngeri zitandukanye hanyuma izo mpano zigafashwa, zigatezwa imbere nk'uko n'andi marushanwa ya Got talent ya Simon Cowell abigenza hirya no hino ku isi.

Ubwo ryabaga ku nshuro ya mbere, East Africa's Got Talent yegukanwe n’abana babiri b'abavandimwe bo muri Uganda bari bagize itsinda ryitwa Ester & Ezekiel hari mu kwakira mu 2019. Begukanye iri rushanwa barushize itsinda ry’abana b’abanyarwanda bibumbiye mu itorere Intayoberana.

Igihembo cyo kwegukana iri rushanwa cyari ibihumbi mirongo itanu y’amadolari y’amerika, ni abarirwa kuri miliyoni 50 z’amanyarwanda. Iri tsinda ryibukirwa ku kuntu ryasubiyemo indirimbo 'When You believe' ya Mariah Carey na Whitney Houston, ryakomeje gutegereza igihembo batsindiye none imyaka ibaye ibiri.

Babinyujije ku rubuga rwabo rwa Facebook, mu kiganiro cy’amajwi baherutse kugenera ababakurikira bagize bati 'Kuva wa mugoroba mwadushyigikiraga tugatsinda, twategereje igihembo cyacu turaheba, imyaka ibaye ibiri nta n'umwe mu bategura wigeze yongera no kutuvugisha.'

Aba bana bemeza ko ibi byabagizeho ingaruka cyane ko bari biyemeje gufata amwe mu mafaranga batsindiye bakayafashishamo abatishoboye. Bakomeza bagira bati 'Noneho mutekereze ibihe isi yabayemo bya Covid-19, iki ni cyo gihe twari dukeneye ibyatugenewe.'

Uretse kuba abategura iri rushanwa batarishyura abatsindiye igihembo nyamukuru, irushanwa biragoye kwemeza ko rizongera kuba n'igihe rizabera.

Esther na Ezekiel batangaje ko batigeze bahabwa amashilingi miliyoni 184 batsindiye mu irushanwa East Africa's Got Talent

Aba baririmbyi bavuze ko gutinda guhabwa aya mafaranga byabagizeho ingaruka