Blog

Stress ihurira he no kumera imvi?

Ibi kubisobanura neza turifashisha imwe mu mikorere y'umubiri wacu. Muri rusange umutwe wacu ufite imizi y'imisatsi igera ku 100,000 kandi iyo mizi ihora yiteguye kumeraho imisatsi myinshi uko hagize ucika, nko mu gihe wiyogoshesha. Aho umusatsi utereye niho hari urwo ruganda rukora imisatsi aho uturemangingo dufatanyiriza hamwe mu gukora umusatsi ufite ibara ryirabura.

Uko kwirabura k'umusatsi bikaba biterwa n’uko umubiri wacu urimo melanin iyi ikaba ari nayo ituma abirabura badasa n'abazungu. Abagize ikibazo cyo kuvuka bafite ubumuga bw’uruhu rwera burya bavuka ntayo bafite, nk’uko n'abitukuza (abisiga mukorogo mu mvugo y'ab'ubu) burya baba bangiza melanin yabo.

Ubusanzwe melanin yo mu musatsi igenda igabanyuka uko umuntu akura aricyo gitera kuzana imvi uko ugenda usaza.

Ubushakashatsi rero bugaragaza ko stress imaze igihe yangiza uturemangingo twa melanocyte (aritwo tubyara melanin) nuko utwo turemangingo twabaga ku muzi w'umusatsi tukahava bigatera ko umusatsi uhinduka imvi. Iyo stress igabanyutse turagaruka maze umusatsi ugasubirana ibara wahoranye, ariyo mpamvu imvi zatewe na stress zidahoraho.

Ese abantu bose bazana imvi bakiri bato biterwa na stress?

Igisubizo ni oya. Kumera imvi bituruka ku mpamvu zinyuranye, muri zo hakaba harimo na stress. Kandi stress itera umusatsi kuba imvi, si ya yindi iza igahita ikira ahubwo ni stress imara igihe, amezi cyangwa imyaka, kandi ntabwo ihita ihindura imisatsi yose umweru ahubwo ushobora gusanga ari umusatsi umwe cyangwa itageze ku icumi yahindutse gusa.

Uretse gutera kuzana imvi imburagihe, stress igendana n'ibindi bibi nk'umuvuduko ukabije w'amaraso, indwara y’umutima, kwiheba no kwigunga, ariyo mpamvu yitwa umwicanyi utuje. Niyo mpamvu kuyirwanya no kuyirinda ari ingenzi ku bantu bose.

Src:www.Healthline.com

Dr Muhire Philibert, Umuyobozi w’ibitaro bikuru bya Ruhengeri

Ni Nyuma y’uko iyo gahunda isubitswe inshuro ebyiri, ku mpamvu z’uko abo baganga binzobere mu kuvura iyo ndwara baturuka mu bihugu byibasiwe na Covid-19, birimo Islaël na Canada, bahura n’imbogamizi z’urugendo kubera ubwandu bushya bwa Covid-19 bwitwa Omicron.

Mu itangazo ryashyizweho umukono na Dr Muhire Philbert, Umuyobozi w’ibitaro bya Ruhengeri, ryasohotse mu ntangiro z’Ukuboza 2021, ubuyobozi bw’ibitaro bwiseguraga ku bafite ubwo burwayi bwo kujojoba, nyuma y’iminsi mike bari bamaze bamenyeshejwe gahunda y’ubuvuzi bwari kuzahera ku itariki 03 Ukuboza 2021.

Mu kumenya aho iyo gahunda y’ubwo buvuzi igeze, Kigali Today yegereye Dr Muhire, yemeza ko bari mu myiteguro yo gusubukura iyo gahunda y’ubuvuzi bwa Fistula mu bitaro bya Ruhengeri.

Yagize ati 'Twatanze itangazo inshuro ebyiri tubwira abafite iyo ndwara ya Fistula ko tuzatanga serivisi z’ubuvuzi, ariko tuza kugira imbogamizi, murabona iki cyorezo cya Covid-19 n’ukwihinduranya kw’iyi virus, byagiye bituma gahunda zagiye zipangwa n’abanyamahanga mu bufatanyabikorwa tugirana zihindagurika, zizamo kidobya'.

Arongera ati 'Icyo nicyo cyatumye twongera gupanga indi gahunda, dutanga itangazo rya kabiri tubabwira impinduka zabayeho, ariko mu kwezi kwa kabiri 2022 turateganya ko bishoboka, ubwo tuzongera tubabwire. Turi mu myiteguro n’abo baganga bazaturuka mu mahanga, mu kwezi kwa kabiri birashoboka'.

Uwo muyobozi yagaragaje abafatanyabikorwa b’ibitaro mu kuvura fistula, aho yagize ati, 'Ni gahunda isanzwe tugirana buri mwaka n’abo bafatanyabikorwa bava muri Canada, hari igihe bafatanya n’abava muri Islaël. Muri biriya buhugu by’Uburasirazuba bwo hagati, cyangwa mu Burayi ndetse no muri America y’Amajyepfo turafatanya cyane.

Arongera ati 'Turateganya ko mu kwezi kwa kabiri bigenze neza, iki cyorezo cya Covid-19 kikagenza make, iyo gahunda y’ubuvuzi bwa Fistula tuzayisubukura'.

Dr Muhire avuga ko indwara ya Fistula, ikomeye cyane ngo no kuyivura biragorana, ku buryo ngo mu minsi icumi abo baganga bamara mu bitaro bya Ruhengeri, bataha bavuye abarwayi bagera kuri 20.

Avuga ko abo barwayi 20 baba ari benshi cyane hagendewe ku buvuzi bugoranye bakorerwa, ngo hakaba ubwo bose bakize burundu.

Ubuyobozi bwa UNMISS bwatangaje ko abaturage bo mu Ntara ya Equatoria muri Sudani y’Epfo bagize umugisha wo kuba barinzwe n’Ingabo z’u Rwanda zoherejwe mu Butumwa bwo kubungabunga amahoro bwa UNMISS, kuko zakomeje kubafasha mu bikorwa by’ubuzima birimo no kurushaho kwirinda no kurwanya Malariya ikomeje guhitana benshi muri icyo Gihugu.

Ni ibikorwa Ingabo z’u Rwanda zakoreye mu Ntara ya Equatoria iri mu Burasirazuba bw’Igihugu, mu rwego rwo gufasha abaturage gukaza ingamba zo kuyirwanya nyuma y’uko yari ikomeje kwiyongera muri iyo ntara.

Mu bikorwa Ingabo z’u Rwanda zakoze harimo gutanga ubuvuzi, inzitiramibu n’ibindi bikoresho ndetse n’ubukangurambaga bwo kwirinda kwandura n’ikwirakwira rya Malaria.

Umuyobozi w’agace ka Morwari ho mu Mujyi wa Torit, Obusuk Michael, yagize ati: 'Abarwayi ba Malariya bakomeje kwiyongera cyane, by’umwihariko mu bagore n’abana bato. Birababaje, kuko abenshi mu baturage batarasobanukirwa neza uko bakwirinda.'

Obusuk yakomeje avuga ko n’ababa basobanukiwe uko bakwirinda iyi ndwara bashobora kuba badafite ibikoresho nkenerwa birimo nk’inzitiramibu, imiti yica udukoko ndetse n’ubundi buryo busaba ubushobozi.

Muri ako gace, ingo zisaga 600 zamaze guhabwa ibyo bikoresho n’ubumenyi bukenewe mu bukangurambaga bwakozwe n’Ingabo z’u Rwanda.

Ubuyobozi bw’ako gace bukaba buvuga ko buzahora buzirikana icyo gikorwa iteka ryose.

Obusuk ati: 'Turabashimira cyane kuba barahaye imiryango yacu ukuboko gutabara. Twizeye ko n’abandi basigaye bazahabwa ubu bufasha mu bihe biri imbere.'

Si ubukangurambaga gusa mu kwirinda Malaria bwakozwe n’Ingabo z’u Rwanda kuko abaturage ba Sudani y’Epfo bakanguriwe no gukomeza kubahiriza amabwiriza yashyizweho na OMS yo kwirinda ikwirakwira ry’icyorezo cya COVID-19 kimaze guhitana abantu 136 muri icyo Gihugu mu bagera ku bihumbi 16,000 bamaze kwandura icyo cyorezo.

Nyuma ya serivisi zitandukanye ibagenera zibafasha kubona amafaranga, kuri ubu yabashyiriyeho indi gahunda yiswe 'Nguriza Nige’ ibafasha kwishyura amafaranga y’ishuri bo ubwabo cyangwa mu gihe bashaka kwishyurira abana babo.

Ni serivisi abarimu bavuga ko izabafasha cyane, kuko ituma bahabwa amafaranga y’inguzanyo hadashingiwe ku mushahara, nk’uko bivugwa na Clemence Karame, umwarimukazi uhagarariye abandi barimu muri Koperative Umwalimu SACCO mu Murenge wa Kagogo mu Karere ka Burera. Avuga ko abarimu bari basanzwe bahabwa inguzanyo ishingiye ku mushahara w’abarimu mutoya ugasanga inguzanyo bahabwa ntizihagije.

Clemence Karame, umwarimukazi uhagarariye abandi barimu muri Koperative Umwalimu SACCO mu Murenge wa Kagogo mu Karere ka Burera

Ati ' Ni yo mpamvu iyo ya 'Nguriza Nige’ izaza yunganira kandi ikagira ikintu kinini ikemura cyane ko ari n’inguzanyo itagira ingwate, kandi ikaba ari inguzanyo ishobora kudashingira ku mushahara.'

Guhabwa inguzanyo ishingiye ku mushahara ngo byabuzaga bamwe kwaka amafaranga menshi ashobora gukemura ikibazo bafite, nk’uko Clemence Karame yakomeje abisobanura, ati 'Guhabwa inguzanyo hashingiwe ku mushahara byatumaga bamwe bafite umushahara mutoya, urugero niba yifuza inguzanyo ya miliyoni ntayibone bitewe n’umushahara afite. Ni yo mpamvu iyo nguzanyo tuzaka idashingiye ku mushahara izadufasha kubona amafaranga twifuza adufasha gukemura ibibazo.'

Yatanze urugero rw’uko abarimu bamwe bifuza gukomeza amashuri mu byiciro byisumbuyeho, bakagira imiryango bagomba gutunga, bakagira n’abanyeshuri bagomba kwishyurira. Byose kubikora ngo byagoranaga, ariko iyo gahunda ya 'Nguriza Nige’ ngo izabafasha gukemura ibyo bibazo byose.

Ukeneye iyo nguzanyo ngo bizamusaba gufunguza konti akajya ashyiraho amafaranga uko agenda ayabona, ari byo bita 'Nzigamira Nige’ nyuma y’igihe runaka akazajya kwaka inguzanyo ya 'Nguriza Nige’ ariko hadashingiwe ku yo yizigamye.

Mpatswenumugabo Jacques, umwarimu uhagarariye abandi muri koperative Umwalimu SACCO mu Murenge wa Kimironko mu Karere ka Gasabo

Mugenzi we witwa Mpatswenumugabo Jacques ni umwarimu uhagarariye abandi muri koperative Umwalimu SACCO mu Murenge wa Kimironko mu Karere ka Gasabo. Na we avuga ko iyi gahunda nshya ya 'Nguriza Nige’ ije ari igisubizo ku barimu.

Ati 'Hari hasanzwe hari izindi nguzanyo na zo zadufashaga cyane kwiteza imbere, gutegura imishinga ibyara inyungu cyangwa n’ibindi bikorwa nk’inyubako. Iyi yo ije ari umwihariko mu buryo bwo gufasha abarezi kongera ubumenyi mu buryo bwo kwiga haba kuri bo ndetse no ku bana babo cyangwa abandi barera.'

Ati 'Urebye umushahara umwarimu ahembwa, n’izindi nshingano yabaga afite, hari aho yageraga intege zikaba nkeya bitewe n’uburyo aba yifuza ko umwana we yigamo. Iyi nguzanyo izunganira umwarimu muri bwa bushobozi yari afite kugira ngo abana be na bo babashe kwiga.'

Ni inguzanyo ikomoka ku kuba yarabashije kwizigamira kuri konti ya 'Nzigamira Nige’ mu gihe cy’amezi atandatu, wizigamira ayo ushoboye buri kwezi, noneho bikamuhesha uburenganzira bwo kubona ya nguzanyo ya 'Nguriza Nige’. Umwarimu ashobora kwaka iyo nguzanyo agiye kwiga, cyangwa akayaka kugira ngo yishyurire umwana we ishuri.

Kugira ngo uhabwe iyo nguzanyo bizajya bishingira ku rupapuro rugaragaza amafaranga y’ishuri usabwa aho wiga, amafaranga ahite yoherezwa ku kigo, bitume uhawe inguzanyo adakoresha amafaranga mu bindi atayaherewe.

Kwishyura byo ngo bizajya bikorwa buri kwezi, uwayihawe akaba ashobora kwishyura ku mushahara, cyangwa akishyura akoresheje ubundi buryo bitewe n’ahandi akura amafaranga.

Kuri iyo nguzanyo ngo hazajya hiyongeraho inyungu ya 13%, iyi nyungu ikaba ngo idahanitse cyane ugereranyije n’inyungu zitangwa ku zindi serivisi z’imari.

Umuyobozi Mukuru wa Koperative Umwalimu SACCO, Uwambaje Laurence

Umuyobozi wa Koperative Umwalimu SACCO, Uwambaje Laurence, avuga ko iyi nguzanyo ya 'Nguriza Nige’ yashyizweho hagendewe ku byifuzo by’abanyamuryango b’iyo koperative. Avuga ko babanje gushyiriraho abarimu uburyo bwa 'Nzigamira Nige’ aho bizigamira amafaranga akazabafasha mu kwishyura amashuri yabo n’ay’abana babo, ariko mu rwego rwo kubunganira hakaba harongeweho iyi gahunda yo kubaguriza kugira ngo babone amafaranga ahagije yo kwishyura amashuri.

Ati 'Turizera ko abarimu bose bagera mu bihumbi 40 bazayitabira, turateganya kuyishyiramo amafaranga atari munsi ya miliyari umunani mu ntangiriro.'

Ibitaro bimwe muri buri Ntara byahawe ibikoreshop byo kuvura amaso no kuyabaga

Abahawe ibikoresho bagaragaza ko bagiye kurushaho kuvura amaso no gutanga serivisi zinoze mu kuvura, kuko wasangaga bitaragera ku rwego rwo kuvura kugeza ku kigero cy’ibitaro by’amaso bya Kabgayi.

Ibitaro bya Kirinda, Nyagatare, Byumba na CHUB nibyo byashyikirijwe ibikoresho bigezweho byo kuvura no kubaga amaso ku buryo bizajya bitanga serivisi nk’izitangirwa ku bitaro bya Kabgayi.

Umuyobozi w’agateganyo w’Ibitaro bya Kaminuza (CHUB), Dr Ngarambe Christian, avuga ko mu Rwanda hari abaganga 20 gusa bavura amaso, Kaminuza y’u Rwanda ikaba yaratangiye kwakira abanyeshuri biga kuvura amaso ku buryo kubona ibikoresho bigezweho bizatuma abanyeshuri babona ibyo bigiraho, kandi n’abarangiza bakabona ibyo bakoresha.

Abahawe ibikoresho basinyanye amasezerano yo kubibungabungabunga

Agira ati 'Hari ibyo twari dusanganywe ariko bidahagije nk’igikoresho gipima abagiye guhabwa indorerwamo z’amaso, igisuzuma uko mu jisho hinjiza ishusho no kuvura amaso hifashishijwe kuyabaga nko ku barwaye ishaza'.

Yongeraho ati 'Hari icyuma cy’umwihariko kizafasha guhugura abanyeshuri bacu, aho muganga ubaga ijisho azajya abikora anereka umunyeshuri uko bikorwa kuko ijisho ni rito bisaba kuritubura igihe uribaga. Abanyeshuri rero bazajya baba bareba uko bikorwa kuko icyo cyuma gifite aho ubaga arebera n’umunyeshuri akagira ahe'.

Muganga w’inzobere mu kuvura amaso ku bitaro bya (CHUB), Mukamana Felicité, avuga ko hari hari imbogamizi z’ibikoresho bihagije birimo ibipima amaso ku bantu bivuza bataha.

Agira ati 'N’ubwo twakoraga ariko umusaruro wabaga ari muke ariko ubwo tubonye ibikoresho serivisi zizarushaho kunoga, burya iyo umuhinzi ahingisha isuka idatyaye umubyizi ntungana n’uw’isuka ityaye, ndumva umusaruro ugiye kurusho kwiyongera'.

Dr. Ngarambe avuga ko ibikoresho bahawe bizatuma bongera serivisi kandi bigafasha abiga kuvura amaso

Umuyobozi w’umuryango mpuzamahanga utegamiye kuri Leta wita ku kurwanya ubumuga buturuka ku ndwara zitandukanye zirimo n’amaso (CBM), Eugénie Mukantagwera, avuga ko mu rwego rwo gufasha ibitaro kuvura amaso bazahugura abaganga bavura amaso kugira ngo bashobore gutanga serivisi zinoze.

Avuga kandi ko ikibazo cy’ubuvuzi bw’amaso kiri henshi mu Gihugu ku buryo kuba nibura hari ibitaro bivura amaso muri buri Ntara, bizagabanya ubucucike bw’abazaga kwivuriza i Kabgayi kandi bikoroshya kuvurwa amaso ku gihe.

Umuyobozi w’ishami rivura amaso ku bitaro bya Kabgayi, Dr Tuyisabe Theophile, avuga ko impanuka zangiza amaso zishobora kuyatera ubuhumyi igihe umurwayi adakurikiranwe ku gihe cyangwa, akaba agaragaza ko kugira ibitaro bivura amaso hirya no hino bizagabanya ibyago byo guhuma no gupfa amaso.

Agira ati: Nk’iyo umuntu yakomerekeye amaso i Nyagatare, kugira ngo azaze hano tumufashe bimufata iminsi ari na ko ijisho ryangirika. Ariko ubu impanuka y’ijisho izajya ihita ikurikiranwa aho hafi bityo ubumuga bw’amaso bugabanuke'.

Mukantagwera avuga ko bazatanga amahugurwa y’abagomba gukoresha ibyuma bigeweho mu kuvura amaso

Ibikoresho byatanzwe bifite agaciro ka miliyoni zisaga 300Frw byatanzwe ku bufatanye bw’ibitaro bya Kabgayi, ishami ry’amaso n’umuryango CBM.

Abitabye Imana ni abagore batanu, barimo bane bo mu mujyi wa Kigali n’umwe wo mu Karere ka Kamonyi. Abamaze guhitanwa na Covid-19 muri rusange mu Rwanda ni 1,367.

Umutoza w’ikipe y’igihugu Amavubi, Mashami Vincent avuga ko ashobora kuba yarabaye umutwaro kuko ngo abantu ntibagisinzira bibaza igihe amasezerano ye azarangirira.

Bitewe n’ibihe ikipe y’igihugu irimo itabona intsinzi, umusaruro wose ujya ku mutoza, ari n’aho bahera bamubaza niba atazegura ariko inshuro zose yabajijwe iki kibazo akaba yarabiteye utwatsi ko atakegura.

Nyuma y’umukino wa gicuti Amavubi yaraye atsinzwemo na Guinea 2-0, Mashami Vincent yongeye kubazwa ku masezerano arimo agana ku musozo.

Mashami Vincent yavuze ko atazi impamvu amasezerano ye hari abo abuza gusinzira.

Ati “Sinzi ubanza narabaye umutwaro, ubanza ndi umutwaro ukomeye cyane sinzi impamvu ikibazo cy’amasezerano yanjye kigarukwaho cyane, sinzi amasazerano yanyu ariko amasezerano yanjye sinzi impamvu abantu badasinzira kubera amasezerano yanjye.”

Yakomeje avuga ko kuba yakongererwa amasezerano cyangwa ntayongererwe nta bubasha abifiteho, abantu ngo bakwiye gutegereza kuko igihe gisigaye ari gito.

Ati “Reka dutegereze igihe azarangirira ibisigaye nta bubasha mbifiteho ntacyo nabikoraho reka dutegereze igihe azarangirira kuko ntabwo nakubwira ngo nzasinya andi masezerano kuko sinjye wisinyisha ibyo nabyo bigomba kumvikana, twakihangana ngira ngo igihe gisigaye ntabwo ari kinini cyane.”

Mashami Vincent watangiye gutoza Amavubi muri 2018, yagiye yongererwa amasezerano mu bihe bitandukanye, ayo afite azarangira mu mpera za Gashyantare 2022.

Mashami Vincent ngo ntiyumva impamvu amasezerano ye yabaye umutwaro abantu benshi batagisinzira