Blog

Hakizimana Louis, umusifuzi wo hagati na Hakizimana Ambroise usifura ku ruhande bari abasifuzi mpuzamahanga bahagaritse uyu mwuga.

Hakizimana Louis wari mu kibuga hagati ejo hashize asifura umukino wa nyuma w’igikombe cy’Amahoro AS Kigali yatsinzemo APR FC 1-0, nyuma ya wo we na Hakizimana Ambroise ni bwo bagenzi babo babasezeyeho babashimira uburyo babafashijemo.

Abasifuzi bari baje kubashyigikira, bari bitwaje icyapa cyanditseho kiti “Mwatubereye intangarugero, twabigiyeho byinshi. Mwarakoze.”

Louis yatangiye gusifura kuva 2006, nyuma y’imyaka 6 ni ukuvuga muri 2012 ni bwo yagizwe umusifuzi mpuzamahanga n’impuzamashyirahamwe y’umupira w’amaguru ku Isi (FIFA).

Yagiye asifura imikino mpuzamahanga itandukanye harimo n’igikombe cy’Afurika cya 2019 cyabereye mu Misiri, nyuma y’imyaka 16 yahagaritse gusifura.

Hakizimana Ambroise usifura ku ruhande, yatangiye uyu mwuga mu 1996, 2010 ni bwo yagizwe umusifuzi mpuzamahanga. Umwaka ushize we na Ndagijimana Théogene baje gusimbuzwa Ndayisaba Said na Mugabo Eric.

Ku ruhande rwa Hakizimana Louis, bivugwa Rulisa Patience cyangwa Ngabonziza Jean Paul hazavamo umwe umusimbura.

Abasifuzi bagenzi ba bo babashimiye

Louis yasezeye nyuma y’imyaka 16 asifura

Ambroise yari amaze imyaka 26 ari umusifuzi

Source : http://isimbi.rw/siporo/article/abasifuzi-babiri-mpuzamahanga-b-abanyarwanda-basezeye-umwuga-bagenzi-babo-barabashimira

Ku mugoroba wo kuri uyu wa Kabiri tariki ya 28 Kamena 2022 nibwo haraye hamenyekanye ko ikipe ya AS Kigali izahagararira u Rwanda mu mikino ihuza amakipe yatwaya ibikombe iwayo, ni nyuma yo gutsinda APR FC ku mukino wa nyuma w'igikombe cy'Amahoro 1-0.

Ni umukino wabereye kuri Sitade ya Kigali i Nyamirambo guhera ku isaha ya Saa kumi n'Ebyiri, Ikipe ya AS Kigali irimo gutozwa na Casa Mbungo Andre niyo yegukanye iki gikombe nyuma y'igitego kimwe cyabonetse muri uyu mukino kigatsindwa na Kalisa Rachid ku munota wa 30.

Ni AS Kigali itsinze APR FC ku ncuro ya kabiri mu gihe cy'ibyumweru bisaga bibiri kuko iheruka kuyitsinda no muri shampiyona ibitego 2-0, ni ibitego byari byatsinzwe na Haruna Niyonzima na Mugheni Kakule Fabrice.

Usibye kuba AS Kigali yatwaye igikombe, iyi kipe y'abanyamujyi kandi yanahawe heke ya Miliyoni 10 z'Amafaranga y'u Rwanda akaba aherekejwe ndetse n'Imidali bashyikirijwe n'umunyambanga wa Leta muri Minisiteri ya Siporo, Shema Maboko Didier.

Iki gikombe cy'Amahoro cyegukanywe na AS Kigali kibaye icya kane itwaye ndetse bibiri muribyo ikaba yarabitwaye itozwa na Casa Mbungo Andre, ni ibikombe yegukanye 2001 ikitwa Les Citadins itsinze APR FC.

Iyi kipe yongeye gutwara iki gikombe muri 2013 itsinze AS Muhanga, 2018 itsinze ikipe ya kiyovu Sports itozwa na Mateso Jean De Dieu ndetse na 2022 itozwa na Casa Mbungo Andre.

Ku ruhande rwa Casa nk'umutoza iki ni igikombe cya Kane atwaye kuko yigeze gutwara ikindi ubwo yatozaga ikipe ya Police FC.

Nubwo APR FC yatsinzwe uyu mukino ni nayo kipe izahagarira u Rwanda mu mikino Nyafurika ihuza amakipe yatwaye shampiyona zitandukanye kuri uyu mugabane, ni imikino yo guhatanira igikombe izwi nka CAF Champions League, ni mugihe AS Kigali yo izakina CAF Confederation Cup.

The post Umwaka w'imikino wa 2021-2022 mu Rwanda urangiye APR FC na AS Kigali ariyo makipe azaseruka mu mikino Nyafurika appeared first on RUSHYASHYA.

Source : https://rushyashya.net/umwaka-wimikino-wa-2021-2022-mu-rwanda-urangiye-apr-fc-na-as-kigali-ariyo-makipe-azaseruka-mu-mikino-nyafurika/?utm_source=rss&utm_medium=rss&utm_campaign=umwaka-wimikino-wa-2021-2022-mu-rwanda-urangiye-apr-fc-na-as-kigali-ariyo-makipe-azaseruka-mu-mikino-nyafurika

Iyi mirwano yaje kurangira M23 yigaruriye zimwe muri Lokarite za Rutshuru zirimo Ntamugenga, Ruseke, Bushandaba na Nyabikona.

Ifoto ikomeje gusakara ku mbuga nkoranyambaga igaragaza Umusirikare umwe mu barinda Perezida Tshisekedi yikoreye igitoki , bitazwi neza aho agikuye.

Cyakora abenshi mu babonye iyi foto bavuze ko muri iyi minsi ari ibisanzwe kubona Umusirikare atwara igitoki agikuye mu baturage.

Amakuru avuga ko abasirikare bari mu bice biri kuberamo urugamba, abenshi basigaye bitwikira ijoro bakajya kurya mu ngo z’abaturage , abandi batabashije kubona ubwo buryo bakirara mu myaka y’abaturage mu rwego rwo kwirwanaho cyane ko ngo mu bigo bya gisirikare bacumbitsemo nta byo kurya baheruka kubona.

Kugeza ubu, muri aka gace , bavugako bafite impungenge ku kuntu M23 irimo kugenda yegera ikigo cya Rumangabo kiri nko mu birometero 8 uvuye muri utu duce M23 yatangiye kugenzura.

Kugeza ku mugoroba wo kuri uyu wa Kabiri tariki ya 28 Kamena 2022, imirwano ikomeye yakomereje muri Gurupoma ya Bweza mu bice bya Bikenke na Bugina.

Source : http://www.ukwezi.rw/Mu-mahanga/Amakuru-anyuranye/article/Ifoto-y-Umunsi-Nyuma-yo-gutsindwa-na-M23-Umujepe-wa-Tshisekedi-yahisemo-gutahana-igitoki

Igitego kimwe cya Kalisa Rachid cyatumye Ikipe ya AS Kigali FC yegukana Igikombe cy'Amahoro cya 2021/22, itsinze APR FC mu mukino wari ishyiraniro.

Mu mukino wa nyuma wahuje aya makipe yombi kuri uyu wa Kabiri, tariki 28 Kamena 2022, kuri Stade ya Kigali i Nyamirambo,AS Kigali yisubije igikombe cy'Amahoro n'ubundi yari ibitse kuko cyaherukaga gukinwa muri 2019.

Amakuru aravuga ko nyuma yo kwegukana iki gikombe,buri mukinnyi wa AS Kigali wese n'abatoza bemerewe ibihumbi 900 000 FRW kubera iyi ntsinzi.Ibi bivuze ko bose hamwe bazatwara akayabo ka miliyoni 35 000 000.

Ni igikombe cya Kane cy'Amahoro ikipe ya AS Kigali yegukanye mu mateka yayo harimo n'icyo yaherukaga gutwara mu mwaka wa 2018/2019 ari na bwo cyaherukaga gukinirwa.

Yagitwaye bwa mbere muri 2001 (icyitwa Les Citadins) icyo gihe yatsinze APR FC kuri penaliti 6-5, ibisubiramo mu 2013 itsinze AS Muhanga 3-0 mu gihe mu 2019 yatsinze Kiyovu Sports ibitego 2-1.

Ni ku nshuro ya kabiri kandi Umutoza Cassa Mbungo ayifashije kwegukana Igikombe cy'Amahoro mu gihe we ari icya 3 atwaye nk'umutoza.

Source : https://umuryango.rw/imyidagaduro/imikino/article/abakinnyi-ba-as-kigali-bahawe-agahimbazamusyi-k-umurengera-kubera-gutwara

Mukangarambe Christine, Umukuru w'Umudugudu wa Marembo, Akagali ka Kibirizi, Umurenge wa Kibirizi, Akarere ka Gisagara, yabwiye abari I Kabgayi kuri uyu wa 28 Kamena 2022 mu nama mpuzabikorwa yateguwe n'Intara y'Amajyepfo ko akimara kuba Umukuru w'Umudugudu nk'umukorerabushake, yazaniwe ruswa n'abashakaga gukora ibitemewe n'amategeko akayanga kuko yumvaga ko yaba yibye Igihugu. Muri iyi nama, yibajije impamvu abahembwa za miliyoni aribo barurumbira Ruswa.

Muri iyi nama yigaga ku mibereho y'Abatuye Intara y'Amajyepfo nuko harushaho kunozwa Serivise, Mudugudu Christine yagize ati' Natorewe kuba umukuru w'Umudugudu wacu wa Marembo, ariko nyuma y'Igihe gito nabonye unzanira ruswa y'amafaranga ibihumbi 100 kugirango yenge inzoga ya Nyirantare ndayanga, mubwira ko kuva nabaho nariye amafaranga menshi kuri ayo kandi yanjye nakoreye'.

Yakomeje abwira abitabiriye inama ko yabwiye uwari umuzaniye ruswa ko icyizere yahawe n'abaturage bagenzi be atakigurana amafaranga urya umunsi umwe. Aha ni naho yahereye yibaza impamvu abakorera amafaranga menshi usanga akenshi aribo bakira indonke zirenga kuyo bahembwa mu gie we atarabitekereza kandi akorera ubwitange akabaha serivisi neza kurusha abategereje gukorwa mu ntoki.

Umunyamabanga Nshingabikorwa w'Umurenge wa Karama, akaba anahagarariye abayobozi b'Imirenge mu ntara y'Amajyepfo, Arsene Kabalisa yabwiye intyoza ko abayobozi batinza serivisi bagamije indonke kubabaka izi serivisi babiterwa n'uko bavutse n'aho bavutse ndetse no kugira umururumba wo gushaka ubukire buhutiyeho.

Umuvunyi mukuru, Nirere Madaleine avuga ko nta muturage ukwiye kwishyura serivisi yakagombye guhabwa kandi ayemerewe n'itegeko. Yemeza kandi ko iyo ari serivisi yishyurwa iba ifite ikiguzi ntarengwa, bityo ko ibirenze kuri serivisi ahabwa akabyishyura bigomba kwitwa ruswa kandi ubifatiwemo agomba kubiryoza. Ahamya kandi ko urugendo rwo kurwanya ruswa rugomba kugirwamo uruhare na buri wese. Avuga ko  abakorerabushake babikora neza kandi bakunze Igihugu, ariko utanga serivisi akayishyurwa aba yiba abaturage n'Igihugu.

Mu cyegeranyo giherutse gushyirwa hanze n'Urwego rw'Igihugu rw'Imiyoborere mu Rwanda (RGB) kigaragaza ko igipimo cyo gutanga serivisi ku baturage mu gihugu kigaragaza uterere dutatu ku myanya ya nyuma, aho akarere ka Kamonyi kaje inyuma ku mwanya wa 30 n'impuzandengo ya 60,8% muri 2021 naho mu mwaka wari wabanje 2020 kari gafite impuzandengo ya  63,2%, mu gihe ku mwanya wa 29 haje akarere ka Muhanga n'impuzandengo ya 61,5% muri 2021, mu mwaka wari wabanje 2020  kari gafite impuzandengo ya  64,4%. Akarere ka Ruhango kaje ku mwanya wa 28 n'impuzandengo ya 64,9% muri 2021, mu mwaka wari wabanje wa 2020 kari gafite impuzandengo ya 67,9%.

Si aha gusa kuko iyi raporo yagaragaje ko abaturage bishimiye serivisi bahabwa ku mpuzandengo ya 74,1% mu mwaka wa 2021 bivuye kuri 71,3% muri 2020. Hanenzwe serivisi zo mu buhinzi kuko muri 2020 impuzandengo yari 58,5%. Ubushakashatsi bwa 2021 bugaragaza ko iki gipimo cyazamutse kugera kuri 59,5% naho inzego z'Abikorera,  abaturage bagaragaje ko impuzandengo ingana  67,5% muri 202, muri 2020 byari 64,3%. Ibi byiciro biri mu bifatiye Igihugu runini mu iterambere ry'Umuturage.

Akimana Jean de Dieu

Source : https://www.intyoza.com/amajyepfo-mudugudu-aribaza-impamvu-atarya-ruswa-abahembwa-za-miliyoni-bakayirurumbira/

Hari amagambo ushobora kubwira umukunzi wawe ugasanga abaye intandaro yo gushwana cyangwa gutandukana .Niyo mpamvu ari ngombwa kubanza kumenya ibyo umukunzi wawe akunda n'imvugo yanga maze ukabona uburyo umuganirizamo.

Uriya mukobwa ni indaya

Igihe uri kumwe n'uwo ukunda, irinde kumwereka ko ugira ingeso yo kunegurana.

Kurya umwana

Iri ni ijambo rimwe mu magambo ashobora gutuma uwo ukunda akeka ko uri indaya, waba uri umuhungu cyangwa se umukobwa, hagati y'abandi bantu wisanzuyeho cyane abo muhuje igitsina ushobora gukoresha iri jambo n'ubwo atari ryiza na mba, gusa uzaryirinde cyane igihe cyose uri kumwe n'uwo ukunda.

 Mwana

N'ubwo aka kajambo gafasha umuntu kumva ko ari hafi cyane, ni akajambo katakirwa neza, katakwitwa nyandagazi ariko katubahishije umuntu bihagije, n'ubwo uwo ukunda aba akeneye ko umuha ibyubahiro birenze, ni ingenzi cyane cyane kumenya kumwubaha n'ubwo mwaba mwisanzuranaho.

Abahungu bose ni kimwe

N'ubwo waba ukeka ko abasore bikundira igitsina kurusha uko bakunda umukobwa baba ari inshuti, ni ingenzi kutereka umuhungu ko ari uko wumva ibintu. Kubibwira umuhungu mubana ni kimwe kimwereka ko imbere yawe nta gaciro gahambaye umuha, kandi kugira ngo urukundo ruryohe aba yifuza kuba umwihariko.

Abakobwa bakunda utuntu duhenze

Impamvu ugomba kwirinda kumuvugira amagambo nk'ayo iruhande, niba koko umukunda uba ubona adakunda ibintu. Ubwo rero kumubwira ko abakobwa bakunda ibintu byinshi kandi bihenze, nawe ari umukobwa, ni nko kumwereka ko nawe ari we.

Nta rukundo rukibaho

Benshi cyane baganiriza abo bakunda bagatangazwa no kubona urukundo rugenda rushira, ariko kutemera ko urukundo rubaho ukanabimutangariza mu ruhame cyangwa ukanabibwira uwo ukunda, ni ibimwereka ko nawe utamukunda.

Wangu

Akajambo ka wangu ni akajambo kagenda gakoreshwa cyane n'abantu batandukanye, cyane iyo ushaka kwereka umuntu ko ari umuntu wawe ariko ntabwo ari akajambo keza ko kubwira umuntu ukunda inshuro nyinshi. Kumwita wangu bimwereka ko nta mwihariko umuha muri benshi cyane uba ushobora kubyita.

Gufata uduturu

Iri jambo rikunda gukoreshwa mu gihe hashatse kuvugwa gusubira gukora imibonano mpuzabitsina nyuma yo kurangiza inshuro runaka. Naryo ntabwo riryoshya urukundo hagati yawe n'uwo wihebeye. Ubundi ijambo ituru rifitanye isano n'ibiciro by'uburaya, aho ugura indaya ashobora kugenda ayibaza ati 'agaturu kamwe ni angahe.'

Source : https://yegob.rw/kakubayeho-musore-niwiha-kubwira-umukunzi-wawe-amwe-muri-aya-magambo/

Source : https://yegob.rw/match-day-live-apr-fc-vs-as-kigali-peace-cup-final/

Ku mugoroba wo kuri uyu wa kabiri tariki 28 Kamena 2022 mu mujyi wa Kigali ahazwi nko kuri KBC mu kabari kagezweho kitwa Shooters lounge, niho habereye ibirori byo gusinya amasezerano hagati y'ikinyobwa cya Heineken na Dj Marnaud.

Ni ibirori byari byitabiriwe n'abantu benshi batandukanye, barimo abakora muri Heineken n'abanyamakuru b'ibitangazamakuru bitandukanye.

Samson Mpendo, Premium Portfolio Manager wa Heineken watangiye ashimira abantu yavuze ko impamvu bahisemo Dj Marnaud, ari uko ari umuvanzi w'imiziki ukomeye kandi ko n'iki kinyobwa umuziki ari ingenzi kuricyo.

Dj Marnaud yagizwe Brand Ambassador w’ikinyobwa cya Heinken

Aganira na InyaRwanda Dj Marnaud yavuze ko yishimye cyane kuba yinjiye mu muryango wa Heineken.

Yagize ati 'Nishimye kuba ninjiye mu muryango wa Heineken muri uru rugendo rwanjye, na cyane ko umuziki ari ubuzima.'

Martine Gatabazi, Marketing Director wa Heineken we yavuze ko impamvu bahisemo Dj Marnaud ari uko ari umunyempano mubyo akora, kandi ko umuziki ari ingenzi cyane kuri iki kinyobwa.

Dj Marnaud yavuza ko yishimiye kujya mu muryango wa Heinken

Mu bari bitabiriye ibyo birori kandi harimo  Ope Oluwalusi, Sales Director

Shooters Lounge, KBC

Samson Mpendo Premium Portfolio Manager wa Heinken

Samson ubanza, Dj marnaud hagati na Martine Gatabazi nyuma yo gusinya amasezerano na Dj Marnaud basangije icyo kunywa abari aho

Dj Marnaud ashyira umukono ku masezerano

Bishimiye kwakira Dj marnaud mu muryango wa Heinken

Source : https://inyarwanda.com/inkuru/118546/dj-marnaud-yagizwe-brand-ambassador-wikinyobwa-gikomeye-ku-isi-heineken-amafoto-118546.html

Uyu mukino wari witabiriwe n’abafana benshi barimo n’abinjiriye ubuntu kuko Stade ya Kigali yari yuzuye, watangiye saa 18h35′, utangira AS Kigali yiharira umupira ndetse inagaragaza inyota y’igitego.

Iminota yose 45 AS Kigali yarushije bigaragara APR FC gukina neza, ndetse no kurema uburyo bw’ibitego ariko uburyo bagerageje bumwe ntibwigeze bubahira.

APR FC yanyuzagamo nk’ikipe nkuru nayo inagerageza kurema uburyo bw’igitego, ariko ntibwabaye bwinshi imbere y’izamu ryari ririnzwe na Ntwari Fiacre.

Ku munota wa 15 Tchabalala yabonye uburyo bwo gufungura amazamu, ku ishoti rikomeye yateye mu izamu rya APR FC ariko Ishimwe Pierre umupira awukuramo awushyira muri Koruneri.

Ni umukino warimo imbaraga nyinshi cyane no guhangana mu kibuga, byatumye abakinnyi bakora amakosa menshi mu kibuga.

Ku munota wa 30 Christian yazamukanye neza umupira awuhindura imbere y’izamu rya APR FC, Tchabalala arawufunga neza atera ishoti mu izamu bawukuramo Kalisa Rashid awusubizamo atsinda igitego cya mbere cya AS Kigali.

Iyi kipe y’umujyi wa Kigali yakomeje kurusha cyane APR FC, ihiga igitego cya kabiri ariko iminota 45 y’igice cya mbere irangira AS Kigali iyoboye n’igitego 1-0.

AS Kigali yatangiye igice cya kabiri n’ubundi yotsa igitutu izamu rya APR FC binyuze ku bakinnyi barimo Tchabalala, Haruna na Lawal.

Umutoza Adil wa APR FC yabonye ko ibintu bitoroshye ashyira mu kibuga abakinnyi batatu basatira barimo Mugunga Yves, Byiringiro Lague na Ishimwe Anicet, akuramo Bizimana Yannick, Mugisha Gilbert na Nshuti Innocent.

Ku munota wa 70 AS Kigali yagabanyije umuvuduko wo gusatira cyane isa n’isubira inyuma, mu rwego rwo kwirinda ko yakwinjizwa igitego.

Uyu mukino wakunze kugaragaramo gushyamirana hagati y’abakinnyi, ahanini biturutse ku makosa yakunze kugaragara hagati mu kibuga.

Ku munota wa 80, umutoza Cassa Mbungo yakoze impinduka ashyira mu kibuga Sugira Ernest, Ramadhan na Rukundo Dennis akura mu kibuga Lawal, Rugirayabo na Tchabalala.

Ku munota wa 83′ ku makosa y’ubwugarizi bwa APR FC, Sugira Ernest yateye umupira ukubita igiti cy’izamu uvamo, gusa ntibyavuzweho rumwe kuko hari ababonaga ko umupira wageze mu izamu cyari igitego.

APR FC yagerageje gushaka igitego mu minota yari isigaye ariko biranga biba iby’ubusa, iminota 90 irangira AS Kigali yegukanye intsinzi y’igitego 1-0.

AS Kigali yisubije igikombe yaherukaga kwegukana mu 2019 itsinze Kiyovu Sport ku mukino wa nyuma.

AS Kigali yahawe igikombe na sheki ya miliyoni 10 z’amanyarwanda .

AS Kigali yegukanye igikombe cy’Amahoro 2022 izahagararira u Rwanda muri CAF Confederation Cup umwaka utaha.

APR FC XI: Ishimwe Pierre, Buregeya Prince, Nsabimana Aimable, Fitina Ombolenga, Niyomugabo Claude, Ruboneka Bosco, Manishimwe Djabel, Mugisha Bonheur, Mugisha Gilbert, Nshuti Innocent, Bizimana Yannick

AS Kigali XI: Ntwari Fiacre, Bishira Latif, Ishimwe Christian, Kwitonda Ally, Rugirayabo Hassan, Mugheni Fabrice, Niyonzima Olivier Seif, Haruna Niyonzima, Kalisa Rashid, Aboubakar Lawal, Hussein Tchabalala 

AS Kigali yegukanye igikombe cy’Amahoro 2022 itsinze APR FC igitego 1-0

Source : https://inyarwanda.com/inkuru/118547/nta-kuzuyaza-as-kigali-yasubiriye-apr-fc-iyitwara-igikombe-cyamahoro-mu-mukino-wagapingane-118547.html

Urwego rw'Igihugu rw'Ubugenzacyaha, RIB, rwashyikirije Ubushinjacyaha dosiye iregwamo Muhire B. Henry wari Umunyamabanga Mukuru mu Ishyirahamwe ry'Umupira w'Amaguru mu Rwanda.

Nzeyimana Félix wari ushinzwe Amarushanwa n'Umusifuzi Tuyisenge Javan bakurikiranyweho ibyaha birimo gukoresha inyandiko mpimbano.

Aba uko ari batatu bakurikiranyweho ibyaha bitatu birimo guhimba, guhindura inyandiko cyangwa gukoresha inyandiko mpimbano; kugera ku makuru hagambiriwe gukora icyaha ndetse n'icyo guhindura amakuru yo muri mudasobwa cyangwa urusobe rwa mudasobwa utabyemerewe.

Tariki ya 23 Kamena 2022 ni bwo Nzeyimana Félix n'Umusifuzi Tuyisenge Javan batawe muri yombi. Icyo gihe Muhire Henry we yarabajijwe arataha ariko akomeza gukurikiranwa.

Source : https://yegob.rw/dosiye-iregwamo-abari-abayobozi-muri-ferwafa-yamaze-gushyikirizwa-ubushinjacyaha/