Blog

Mu Kagari ka Kabaye, Umurenge wa Nyamiyaga ho mu Karere ka Gicumbi niho habereye umuhango wo gutanga ‘Cheque’ y’amafaranga yatanzwe na MTN Rwanda, agenewe kuzamura umubare w’abagenerwabikorwa b’uyu mushinga.

Mu Kagari ka Kabaye, hari hateraniye bamwe mu bayobozi n’abakozi ba MTN Rwanda, Aba BRD, ab’ikigo cya EDCL, aba Sosiyete itanga ingufu z’imirasire y’izuba ya BBox, abayobozi b’umurenge ndetse n’abagenerwabikorwa.

Ndagijimana Florence wari uhagarariye umuyobozi w’umurenge wa Nyamiyaga, yatangiye yakira abashyitsi bakaba n’abafatanyabikorwa mu iterambere, ashimira byimazeyo ibigo na Sosiyete bigira uruhare mu kugeza ingufu z’imirasire y’izuba ku baturage ba Gicumbi.

Yavuze ko ari iby’agaciro gakomeye kubona abaturage bo mu murenge wa Nyamiyaga babona uburyo bwo gucana umuriro bahawe nk’inkunga, ashima abafatanyabikorwa badahwema gutekereza ku baturage.

Florence ushinzwe iterambere mu murenge wa Nyamiyaga

Rugamba Denis wari uhagarariye umuyobozi wa BDR yashimangiye ko igihugu gifite intego yo kuzageza ingufu zitanga urumuri ku baturage bose bitarenze mu mwaka wa 2024, bityo ashimira abaterankunga bakomeje gushyigikira uwo muhigo.

Yashimiye by’umwihariko MTN Rwanda yatanze inkunga itubutse igamije kongera umubare w’abafatanyabikorwa, ndetse anashyikiriza impano y’ishimwe Alain Numa wari uhagarariye umuyobozi wa MTN Rwanda.

Rugamba Denis

Vuningoma Gratien wari uhagarariye umuyobozi mukuru wa EDCL na we yashimiye MTN Rwanda yatanze inkunga, anashimangira ko ingufu zitanga urumuri zigira akamaro kanini.

Yagize ati “Muzabibonera no ku musaruro w’abanyeshuri, ubundi umwana ava ku ishuri, yabanza gukora imirimo bugahita bwira ntabone uko asubira mu masomo ariko iyo hari umuriro abona igihe cyo gusubiramo bityo no gutsinda ku ishuri bikiyongera.”

Vuningoma Gratien wo muri EDCL

Alain Numa wari uhagarariye umuyobozi mukuru wa MTN Rwanda, yavuze ko MTN Rwanda ari ikigo giha abanyarwanda Serivisi zinoze z’itumanaho ariko kandi kikanajyana na gahunda z’iterambere ry’abaturage.

Aganirira abari bateraniye ku ishuri rya Kabaya, yagize ati “Mu mafaranga muduha ya Serivisi tubagezaho, dukuramo amwe tukayakoresha mu bikorwa biteza imbere abaturage n’igihugu muri rusange. Ni muri urwo rwego twashyizeho iyi nkunga ngo izazamure umubare w’abagenerwabikorwa bazagerwaho n’ingufu.”

Alain Numa wari uhagarariye umuyobozi wa MTN Rwanda

MTN Rwandacell Plc (MTN Rwanda) yihariye 64.6% ku isoko ry'itumanaho, ikorera mu Rwanda kuva mu mwaka wa 1998, aho ikomeza gushora imari mu kwagura no kuvugurura imiyoboro yayo uko ibihe bisimburana hagamijwe kunoza serivisi igeza ku baturarwanda.  

Uretse serivisi zo guhamagaza Telephone itanga, MTN Rwanda ifite serivisi zikoreshwa na benshi mu kwishyura, kuzigama, kohereza, kubitsa, kwakira ndetse no kugurizwa amafaranga, ari zo; Mobile Money, MoMoPay na MoKash Loans.

Mu bikorwa bigamije iterambere ry’abaturage, MTN Rwanda itera inkunga ibijyanye no kugeza amazi n’ingufu ku baturarwanda, itanga ubufasha butandukanye ku batishoboye, iba umufatanyabikorwa muri gahunda zitandukanye za Leta n’ibindi.

MTN Rwanda yatanze Cheque

Bamwe mu baturage bashyikirijwe ibikoresho bitunganya ingufu z’imirasire y’izuba 

MTN Rwanda yahawe impano y’ishimwe

Nta minsi myinshi ishize, ku mbuga nkoranyambaga hakomeje gucicikana ifoto imwe cyangwa abiri, agaragaza abanyeshuri biganjemo abahungu bambaye amajipo. Benshi mu babonye aya mafoto hari ababifashe nk'amakabyankuru n'ababyemeye bakumva ari ishyano ryaba ryaguye, kuba umuhungu yakwambara ijipo ku mpamvu iyo ariyo yose. Gusa hari amashusho amwe n'amwe atangiye kujya akwirakwira y'abahungu biyambariye amajipo! Reka tunyarukire muri Nyakasura School turebe uko byifashe.

Amakuru dukesha Daily Nation avuga ko iri shuri rya Nyakasura School ryatangijwe n'mumisiyoneri w'umunya-Écosse, witwaga Lieutenant Ernest William Eborhard Calwell, wari uzwi cyane nka ‘Commander’ mu mwaka w'1926. Uyu mugabo akigera muri iki gice yerekeje ku bwami bwa Buganda, ashaka ko umuco w'iwabo awukwiza muri ubwo bwami ariko ubwami buramuhakanira. Nyuma ariko Commander yaje guhabwa agace ka Nyakasura, ari naho iri shuri riherereye maze aritangiza atyo. Uyu Commander mu gushaka guhuza imico y'iwabo n'iryo shuri, yarigeneye impuzankano yatumye ryogera ku Isi hose ndetse bikaba byaranarishyize ku ruhando mpuzamahanga.

Uyu mwambaro uzwi ku izina rya 'Kilt' udoze nk'ijipo isa n'itaratse, inafite amarinda ariko ikaba itagira umufuka n'umwe. Imbere muri 'Kilt' haba hadodeyemo ibyo twagereranya n’ikabutura ntoya, ariko iba iri hejuru y'amavi ku buryo utayibonesha amaso. Mu gihugu cya Écosse uyu mwambaro wambarwaga n'abagabo gusa mu gihe cya kera, ariko kuri ubu wambarwa n'abagabo ndetse n'abagore. Uwo muco wo kwambara amajipo ku bahungu, niho wakomotse maze uba umwihariko mu kigo cy'amashuri cya Uganda, kuko nta handi na hamwe bambara gutyo muri icyo gihugu cyagwa se no muri Afurika yose. Gusa abarimu n’abandi bakozi b’iryo shuri ntibasabwa kwambara ayo majipo, kuko afatwa gusa nk’umwambaro w’ishuri.

Inzego z'uburezi muri Uganda zivuga ko iri shuri ari indashyikirwa mu burezi ritanga. Abahiga, abarimu n'ubuyobozi bavuga ko uyu mwambaro ntacyo utwaye kandi bishimira kuba utuma ishuri ryabo riba umwihariko rikanakurura ba mukerarugendo, kuko bitangaza benshi kugeza bahigereye ari nako basigira iryo shuri imfashanyo. Gusa bose bemeza ko mu gutangira abahungu bibagora kumenyera kwambara 'Kilt', kandi bari bamenyereye kwambara amapantaro asanzwe ariko bageraho bakamenyera.

Umuyobozi w'ishuri ryisumbuye rya Nyakasura, Frank Manyindo yasobanuye ko abanyeshuri b'igitsina gabo bamenyereye kwambara ayo majipo ku ishuri, kandi ko batakibifata nk'ikibazo rwose.

Manyindo aganira na Afrimax, yatangaje ko icyemezo cy'uko abanyeshuri b'igitsina gabo bambara amajipo byabagize ikigo gikomeye cyane. Ati: 'Muri Uganda nitwe shuri ryonyine ryambara gutya. Hari abanyeshuri bamwe baza baturutse mu mahanga nko mu Rwanda no muri Kenya. Nko mu myaka ibiri ishize twagize n'abanyeshuri bavuye muri Sudani y'Epfo, Repubulika Iharanira Demukarasi ya Kongo na Tanzania'.

Iri shuri ryitabiriye amarushanwa agiye akomeye ku Isi mu mpano zinyuranye kandi rikitwara neza, kuko rifite imidari n'ibikombe byinshi. Abahize na bo bajya bahagaruka mu kwerekana ko ryabateje intambwe mu buzima bwabo.  Abanyeshuri baryo b'abahungu mu minsi y'amasomo ni bwo bambara umwabaro wa 'Kilt', ariko mu gihe batari mu ishuri bambara amapantaro asanzwe. Aba banyeshuri bariga bagatsinda, ndetse banatsinda neza ku rwego rw'igihugu. Ibi, reka bitume dusoza twibaza niba koko imyabarire runaka hari icyo ishobora guhindura ku bushobozi bw'umuntu, cyangwa niba byose ari imyumvire n'akamenyero.

Amafoto

Umwambaro wa ‘Kilt’ nta mufuka ugira wo kubikamo

Abasoje muri iki kigo bajya bagaruka bakisanisha  n’abakihiga

Ntago buri gihe abahungu bahora bambaye ayo majipo

Ni ishuri ryakira n’abanyamahanga 

Iki gikorwa cyabereye i Gikondo ahasanzwe habera ibikorwa by'imurikagurisha 'Expo Ground', cyatangiye saa mbiri n’igice z’amanywa gihuriramo abafite ubumuga butandukanye barimo abatabona, abatumva n’abafite ubundi bumuga bw’ingingo z’umubiri. Cyari kitabiriwe na Minisitiri w'Abakozi ba Leta n’Umurimo, umuyobozi wa Kigali wungirije ushinzwe imibereho myiza y’abaturage, uhagarariye NCPD mu gihugu n’abandi.

Umuyobozi wungirije w’umujyi wa Kigali

Igikorwa cyabimburiwe no kwakira abayobozi batandukanye no kumurikirwa bimwe mu bikorwa aba bafite ubumuga bagenda bakora; nka koperative Urumuri ikora amasabune, New Strong technical Company yubakisha ikanakora n’amarangi, Kigali Deaf Art Gallery ishushanya n’ibindi bikorwa byamuritswe birimo kudoda, kubyina kinyarwanda, byahuriyemo abafite ubumuga bwo kutabona n'abafite ubumuga bwo kutumva.

Ibi byakurikiwe n’ijambo ry’uhagarariye JURU Initiative, Ruhumuriza Justin atangaza umubare w’abafite ubumuga bujuje imyaka yo gukora mu gihugu aho ungana na 15.5%, ndetse kuva mu mwaka wa 2021 abafite ubumuga badafite akazi bangana na 31.2%. Yakomereje ku mbogamizi bahura nazo ku murimo nko kutabasha kugera mu nyubako zimwe na zimwe kuko ntahagenewe kunyura abafite ubumuga hahari, no kutoroherezwa mu bushobozi bwo kubona aho bakorera mu imurikagurishwa n’ahandi.  

Izi mbogamizi kandi zagarutsweho na Charles Komezusenge ufite ubumuga bw’uruhu, wavuze ko bagorwa no kubona akazi mu gihe basabwa uburambe mu kazi bw'imyaka myinshi kandi abenshi aribwo baba barangije kwiga cyangwa bari bamaze igihe kinini badakora. Yongeye ndetse gusaba ko abafite ubumuga mu mashuri bajya boroherezwa ugereranyije n’abandi kuko bagorwa no kwiga cyane. 

Charles uhagarariye abafite ubumuga

Umwe mu bakozi ba Kaminuza y’u Rwanda nawe mu ijambo rye, yagarutse ku bushobozi bw’abafite ubumuga, atanga ingero z’abanyeshuri bahiga bafite ubumuga ko batsinda ku rwego ruri hejuru, ndetse atanga n’ingero z’abakozi bafite ubumuga barimo abarimu 2 bo muri Kaminuza ya Rukara batabona na mba, umuyobozi wungirije waho ufite ubumuga bw’ingingo ndetse n’umwarimu 1 wo muri Kaminuza y’u Rwanda ishami rya Huye ufite ubumuga bwo kutabona.

Yakomeje abwira abitabiriye iyi nama agendeye ku ngero yatanze ko abafite ubumuga bashoboye, akoresheje ijambo 'Disability is not inability'. 

Joseph uhagarariye Digital jobs mu ijambo rye, yasobanuye ibyo iki kigo gikora harimo guhuza abakozi n’abakoresha batandukanye bifashishije ikoranabuhanga, akomeza avuga n’ibyiza byo gukorana nabo ko byagaragaye ko barangara gake ugereranyije n’abandi.

Habayeho umuhango wo gutanga impamyabushobozi ku bigo bitandukanye birimo ibikoreramo aba bafite ubumuga, ibibakoresha n’ibibafasha mu kugezwaho serivisi zitandukanye nka Dotpharm ibagezaho imiti, bazishyikirizwa n’abayobozi bakuru bari bitabiriye barimo Minisitiri w'Abakozi ba Leta n’Umurimo, Rwanyindo Fanfan.

Abakoresha bahawe impamyabushobozi

Bimwe mu bikorwa by’abafite ubumuga

Minisitiri w'Abakozi ba Leta n'Umurimo, Bwana Rwanyindo Fanfan mu ijambo rye yatangiye ashimira abateguye iki gikorwa, akomeza avuga ko atewe ishema na bimwe mu bikorwa byagaragajwe n’abafite ubumuga, kandi ko abafite ubumuga ari abantu nk’abandi bashoboye. 

Yanasubije bimwe mu bibazo byagaragajwe akangurira ababyeyi bafite abana bafite ubumuga kubajyana mu ishuri, anagaruka ku kibazo cy'abasabwa uburambe mu kazi avuga ko akazi ka Leta gatangwa hagendewe ku mpamyabushobozi kurusha uburambe.

Minisitiri ushinzwe Abakozi ba Leta n’Umurimo.

Mu gusoza iki gikorwa habayeho ibiganiro bwite hagati y’abafite ibigo by’umurimo n’abafite ubumuga, bisozwa no gusangira ifunguro rya saa sita hagati y'abari bitabiriye. 

 

Guverineri w’Intara y’Iburasirazuba, Emmanuel K. Gasana, avuga ko kwibohora ari ubuzima n’iterambere haba ku bari barahejejwe mu mahanga n’abandi bari (…)

Minisiteri y’Ubuhinzi n’Ubworozi (MINAGRI), iravuga ko mu myaka itanu iri imbere nta nzara izaba ikibarizwa mu Rwanda, kuko buri wese azaba ashobora kwihaza (…)

Minisiteri y’Ubuzima (MINISANTE) yatangaje ko ku wa Kane tariki 30 Kamena 2022 mu Rwanda habonetse abanduye Covid-19 bashya 69, bakaba babonetse mu bipimo (…)

Mu gihe u Rwanda rwitegura kwizihiza umunsi wo kwibohora ku nshuro ya 28, umunsi uzizihizwa tariki 04 Nyakanga 2022, ingo zifite amashanyarazi mu gihugu (…)

Umuyobozi wa APR FC, Lt Gen Mubarakh Muganga yavuze ko kuba hari abavuga ko indege itazima mu mikino Nyafurika babizi ndetse ari ikibazo kigomba kwigwaho ariko ibyo kuzana abanyamahanga nta gahunda yabyo ihari.

Hamaze iminsi havugwa ko ikipe ya APR FC igiye gusubira kuri gahunda yo gukoresha abanyamahanga ndetse ko bishobora gutangirana n’umwaka utaha w’imikino wa 2022-23.

Ibi bikaba bigendana n’umusaruro aba bakinnyi b’abanyarwanda batanga aho bamwe batawishimiye ndetse ko ikipe nka APR FC itakabaye ari bo bakinnyi ifite.

Umuyobozi wa APR FC, Lt Gen Mubarakh Muganga yabiteye utwatsi avuga ko nta gahunda bafite.

Ati “Maze iminsi numva abantu bavuga ko tuzashyiramo abakinnyi b’abanyamahanga ibi si byo rwose. Ubuyobozi bwa APR FC, kugeza ubu bumaze kubisobanura inshuro nyinshi cyane gahunda yafashwe ni yo guha amahirwe abana b’Abanyarwanda kandi ibi yabigezeho.”

Yakomeje avuga ko kandi andi makipe n’ashaka azazane abanyamahanga 7 kuko bizanafasha APR FC gupima abakinnyi ba yo.

Ati “Na none, byumvikane neza APR FC iri mu makipe yandi duhurira mu cyiciro cya mbere yashyigikiye ko andi makipe yongererwa amahirwe yo kwigwizaho abakinnyi b’abanyamahanga bakava kuri 3 bakaba 5 ndetse nibashaka bazabongere babe 7 babanzamo kugira ngo APR ibone aho ipimira ingufu z’abasore bayo.”

Umuyobozi wa APR FC kandi yavuze ko abifuza ko izana abanyamahanga ari abashaka kuzabona aho banyura kugira ngo APR FC itsindwe.

Ngo ababihuza no kuba ku ruhando mpuzamahanga indege itajya izima babizi ndetse ko ari gahunda bafata ukwayo.

Ati “Bamwe mugaruka mu gushaka gukomereza iyo gahunda yo kutayishyigikira muti indege ntizima mu ruhando rw’amahanga n’ibindi n’ibindi. Igisubizo ni uko iyo ni indi gahunda na yo dufata ukwayo.”

Kuva mu mwaka w’imikino 2012/2013, APR FC yatandukanye burundu no gukinisha abakinnyi b’abanyamahanga bitewe n’uko iyi kipe yabatangagaho byinshi ariko ntibatange umusaruro ukwiye.

Bamwe mu baturage b’Akarere ka Kayonza barinubira guhamagarwa mu nama n’abayobozi ariko ntibubahirize amasaha kuko byica akazi kabo ka buri munsi. Mu (…)